ယေရှုသည် ပျောက်သောသူတို့ကို ရှာတော်မူသည်
“ကျွန်တော် သူ့ကို တစ်ဘဝလုံး ရှာနေခဲ့တာပါ” ဟု ဘီလ်ကော့ဒ်က သူ၏ညီငယ် ရောဘတ်နှင့် ပြန်ဆုံတွေ့ချိန်တွင် မျက်ရည်များနှင့် ပြောခဲ့သည်။ မိသားစုပြဿနာကြောင့် ရောဘတ် ၄ လသားအရွယ်၌ သူတို့ညီအစ်ကိုနှစ်ဦး ကွဲသွားခဲ့သည်မှာ နှစ်ပေါင်း ၈၀ပင် တိုင်ခဲ့ပြီ။ အဖိုးဖြစ်သူက တစ်ခါမျှမမေ့ဘဲ အမြဲ ဖွေရှာနေသော ညီငယ်ကိုရှာတွေ့ရန် ဘီလ်၏မြေးငယ်မလေးက ကူညီပေးခဲ့သည်။
ရှင်လုကာခရစ်ဝင် ၁၅ တွင် ယေရှုသည် အဖိုးထိုက်သောအရာတစ်ခု(သို့) လူတစ်ဦးကို မတွေ့မချင်း ဇွဲရှိရှိရှာဖွေသူများအကြောင်း ပုံပမာသုံးခုနှင့်ပြောပြခဲ့သည်။ ပျောက်သောသိုးပုံပမာတွင် ကိုယ်တော်ကို အပြစ်ရှာနေသော ဖာရိရှဲများအား သိုးတစ်ရာတွင် “တစ်ကောင်ပျောက်လျှင် ကိုးဆယ့်ကိုးကောင်သော သိုးတို့ကို တောတွင် ထားခဲ့ပြီး ပျောက်သောသိုးတစ်ကောင်ကို မတွေ့မီတိုင်အောင် သွား၍ မရှာဘဲ နေမည်လော” ဟု မေးခဲ့သည် (:၄)။ ကိုးဆယ့်ကိုးကောင်သောသိုးများဖြစ်သည့် ဖာရိရှဲများသည် မိမိတို့ကိုယ်မိမိ ဘုရားသခင်နှင့် မှန်ကန်သောဆက်ဆံရေးရှိသည်ဟု ထင်သော်လည်း…
ကောင်းမွန်မှန်ကန်သောစိတ်
San Francisco Giants ဘေ့စ်ဘောအသင်း၏ကစားသမားတစ်ဦးအနေနှင့် ဒြူးရော်ဘင်စန်(Drew Robinson)သည် စိတ်ပိုင်းဆိုင်ရာ အတက်အကျများကို နားလည်ခဲ့သည်။ ထိခိုက်ဒဏ်ရာကြောင့်အသင်း၏အငယ်တန်းအဖွဲ့ဝင်အဖြစ် အဆင့်ကျသွားတိုင်း သူစိတ်ဓာတ်ကျခဲ့သည်။ ရုပ်မြင်သံကြားမှ အသင်းဖော်များ ကစားနေ သည်ကို ကြည့်ပြီး “ငါအစားထိုးခံရမှာလား။ ပြန်ကောင်းလာမှာလားလို့တွေးပြီး ကျွန်တော်လုံးဝတစ်ကိုယ်တည်း အထီးကျန်ဖြစ်ခဲ့တယ်” ဟုပြောခဲ့သည်။ ကိုဗစ်ကပ် ကာလအတွင်း မိမိကိုယ်ကိုသတ်သေရန် ကြိုးစားမှုရှိခဲ့ပြီးနောက် သူ၏ပြဿနာကို အသင်း၏စိတ်ပညာရှင်နှင့်ပြသခဲ့သည်။ အကူအညီအတော်များများကို သူရရှိခဲ့သဖြင့်၊ အခြားကစားသမားများအားလည်း ၎င်းတို့၏စိတ်ပိုင်းဆိုင်ရာ ရုန်းကန်မှုများကို ရင်ဆိုင်ဖြေရှင်းရန် အားပေးခဲ့သည်။ ယခု သူသည် အသင်း၏အချိန်ပြည့် စိတ်ကျန်းမာရေးအကြံပေးအဖြစ် ခန္ဓာပိုင်းကြံ့ခိုင်သော ကစားသမားများအား စိတ်ပိုင်းဆိုင်ရာ ခိုင်ခံ့ကျန်းမာရေးကို ရှာဖွေရန် တိုက်တွန်းလျက်ရှိသည်။ သူ၏အဆိုးဆုံးအခြေအနေကို ကျော်ဖြတ်ခဲ့ပြီးနောက် အခြားသူများကို အားပေးရန်မှာ သူ၏ရည်မှန်းချက်ပန်းတိုင်ဖြစ်သည်ဟု ရော်ဘင်စန် ခံယူခဲ့သည်။
သမ္မာကျမ်းစာက မှန်ကန်သောစိတ်ထားရှိခြင်းကို ပညာရှိသော ရည်မှန်းချက်အဖြစ်သာမက နှစ်သက်ဖွယ်ဘုရားသခင်ထံမှလာသော ဆုကျေးဇူးအဖြစ်လည်း သတ်မှတ်သည်။ ပရောဖက်ဟေရှာယက…
ဘုရားသခင်၌ ဖြည်းဖြည်းချင်း မှန်မှန် ကြီးထွားခြင်း
ရှဝါးရိုးရှားစောင်းပင် (Saguaro cactus) မှာ ဘယ်သောအခါမျှ အလျင်စလိုကြီးထွားလေ့ မရှိပေ။ ကမ္ဘာပေါ်ရှိ အပင်မပေါက်သော ကန္တာရ ရာသီဥတုတွင် ဤအပင်သည် တဖြည်းဖြည်းအမြစ်တွယ်လာပြီး တစ်သက်လုံး အရှိန်အဟုန်နှင့် ကြီးထွား ပွင့်လန်း နေပါသည်။ ရှဝါးရိုးရှားစောင်းသည် ပထမဆယ်စုနှစ်အတွင်းတွင် ၁.၅ လက်မခန့်သာ ကြီးထွားနိုင်ပြီး၊ ပန်းပွင့်ရန် ၃၅ နှစ်၊ လက်တံများ ဖြစ်ပေါ်လာရန် ၅၀ နှစ်အထိ ကြာနိုင်ပါသည်။ သို့သော် ရှားစောင်းပင်သည် နှစ်ပေါင်း ၂၀၀ အထိ အသက်ရှင်နိုင်ပြီး၊ အမြင့် ၄၅ ပေ၊အလေးချိန် ၂ တန်အထိရှိနိုင်သည်။ တစ်သက်တာ အတွင်း မျိုးစေ့ပေါင်း သန်း ၄၀ ခန့် ထွက်ရှိသည်။ ရှဝါးရိုးရှားစောင်း၏ကြီးထွားမှု သည် နှေးကွေးသော်လည်း ခံနိုင်ရည်ရှိသည်။
ယေရှုသည် ဘုရားသခင်၏နိုင်ငံတော်၌ ယုံကြည်သူများ မည်သို့ကြီးထွားလာသည်ကို ဖော်ပြရန် စိုက်ပျိုးရေးဥပမာများကို အသုံးပြုခဲ့သည်။…
သန့်ရှင်းသောဝိညာဉ်တော်၏အမှုတော်
My Utmost for His Highest စာအုပ်ရေးသားသူ အော့စ်ဝေါဒ်ချိမ်းဘားစ် (Oswald Chambers) သည် သမ္မာကျမ်းစာကောလိပ်ငယ်တစ်ခုကို ဖွင့်လှစ်ခဲ့စဉ်က ထိုနေရာတွင် အလုပ်လုပ်သော စုံတွဲတစ်တွဲသည် ပစ္စည်းများခိုးယူနေကြောင်း သူသိရှိခဲ့သည်။ တစ်ခါတစ်ရံ အမှားကို ဖော်ပြခြင်းက မှန်ကန်သော်လည်း၊ အော့စ်ဝေါဒ်သည် ဤကိစ္စတွင် သူတို့ကို ထိပ်တိုက်မရင်ဆိုင်ရန် ဆုံးဖြတ်ခဲ့ပြီး၊ ၎င်းတို့၏နှလုံးသားနှင့် စိတ်ထဲ၌ ပြဿနာကို ဖော်ပြပေးရန် ဘုရားသခင်ထံ ဆုတောင်းခဲ့သည်။ ရက်သတ္တပတ်များစွာ ကြာပြီးနောက် သူတို့သည် နောင်တရလျက် ဝန်ခံခဲ့ကြသည်။ “ဒါကို အစကတည်းက ကျွန်တော် သိပြီးသားပါ။ ဒါပေမယ့် ဘုရားသခင်ရဲ့ ဝိညာဉ်တော်က ခင်ဗျားတို့ကို စကားပြောတဲ့အထိ စောင့်ချင်ခဲ့တာပါ”ဟု အော့စ်ဝေါဒ်က ပြောရာ၊ ထိုစုံတွဲမှာ အံ့အားသင့်လျက်၊ ၎င်းတို့၏ ဘဝကို ယေရှုထံ အပ်နှံခဲ့ကြသည်။
ဘုရားသခင်၏ဝိညာဉ်တော် လှုပ်ရှားခြင်းသည် “သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊…