အသုံးပြုရန်အတွက် တိုလွန်းသောကြိုး

အန်တီမာဂရက်၏ ချွေတာမှုက ပြောစမှတ်ပြုထိုက်သည်။ သူမကွယ်လွန်ပြီးနောက် သူမနှင့်သက်ဆိုင်သည့်အရာများကို ရှင်းထုတ်ရသည့်အလုပ်ကို သူမ၏တူမများက လွမ်းမောတသသနှင့် ခါးသီးချိုမြစွာ စတင်လုပ်ဆောင်ခဲ့ကြသည်။ အံဆွဲထဲရှိ ပလပ်စတစ်အိပ်ငယ်တစ်ခုတွင် သပ်ရပ်စွာ ထည့်ထားသည့် ကြိုးငယ်အပိုင်းအစများကို သူတို့တွေ့ရှိခဲ့ပြီး၊ “အသုံးပြုရန် တိုလွန်းသောကြိုး” ဟူ၍ စာရေး၍ မှတ်သားထားသည်။

တစ်စုံတစ်ရာသည် အသုံးမဝင်တော့သည်ကို သိပြီး ၎င်းကို အသေအချာ ခွဲခြားသိမ်းထား‌အောင် မည်သည့်အရာက လူကို စေ့ဆော်သနည်း။ ဤသူသည် တစ်ချိန်က အလွန်အမင်းချို့တဲ့ဆင်းရဲမှုကို ခံစားခဲ့ရခြင်းကြောင့်ဖြစ်နိုင်သည်။

ဣသရေလလူမျိုးတို့သည် အီဂျစ်ပြည် ကျွန်ဘဝမှ လွတ်မြောက်လာသော အခါ ခက်ခဲသည့်ဘဝကို သူတို့နောက်ချန်ထားရစ်ခဲ့ကြသည်။ သို့သော် မကြာပါ။ သူတို့ထွက်မြောက်စေရန် ပို့ဆောင်သည့် ဘုရားသခင်ပြုသော အံ့ဩဖွယ်နိမိတ်များကို မေ့ပြီး အစားအစာအတွက် စောဒကတက်ကြတော့သည်။

သူ့ကို ယုံကြည်အားကိုးရန် ဘုရားသခင် အလိုရှိသည်။ သူတို့အတွက် ကန္တာရ အစာ မန္နမုန့်ကို ကိုယ်တော်ချပေးခဲ့ပြီး “လူတို့သည်…

တစ်ဘဝလုံး မက်စောက်လျက်

ကဗျာဆရာမနှင့် ဘာသာရေးဆိုင်ရာစာပေများရေးသားသူ စာရေးဆရာမ Christina Rossetti (ခရစ်စတီးနာ ရီဇက်ထီ)၏ဘဝသည် ခက်ခဲခဲ့သည်။ သူ့ဘဝတစ်လျှောက်လုံး သူမသည် စိတ်ဓာတ်ကျခြင်းနှင့် အမျိုးမျိုးသော နာမကျန်းမှုများကို ခံစားခဲ့ရပြီး စေ့စပ်ကြောင်းလမ်းမှုများ ပျက်ခဲ့ရသည်။ နောက်ဆုံးတွင် သူမသည် ကင်ဆာရောဂါဖြင့် ကွယ်လွန်သွားသည်။

ဣသရေလလူမျိုးတို့သည် ဒါဝိဒ်အား အနိုင်ရသောစစ်သည်တော်အဖြစ် စတင်သိရှိခဲ့သည်။ သို့သော် သူ့ဘဝတစ်လျှောက်လုံးတွင် သူသည် ခက်ခဲပင်ပန်းမှုများနှင့် ရင်ဆိုင်ခဲ့ရသည်။ သူ့နန်းစံသက်နှောင်းပိုင်းတွင် သူ့သားအရင်း၊ သူစိတ်ချရသောအကြံပေးအရာရှိနှင့် ပြည်သူအများစုက သူ့ကို ပုန်ကန်ခဲ့သည် (၂ ရာ ၁၅:၁-၁၂)။ ထို့ကြောင့် ဒါဝိဒ်မင်းကြီးသည် ပရောဖက်များဖြစ်သော အဗျာသာနှင့် ဇာဒုတ်ကိုခေါ်၍ ပဋိညာဉ်သေတ္တာတော်ကိုယူကာ ယေရုရှလင်မြို့မှ ထွက်ပြေးခဲ့ပါသည် (:၁၄၊ ၂၄-၂၅)။

အဗျာသာသည် ယဇ်ပူဇော်ပြီးသောအခါ ဒါဝိဒ်မင်းကြီးသည် ယဇ်ပရောဟိတ်များကို ခေါ်၍ “ဘုရားသခင်၏သေတ္တာတော်ကို မြို့ထဲသို့ပြန်ပို့လော့။ ထာဝရ ဘုရားသည် ငါ့ကိုစိတ်တော်နှင့်တွေ့လျှင် ငါ့ကိုပြန်ပို့၍ သေတ္တာတော်ကိုလည်းကောင်း၊…

ဘုရားသခင်၌ အခြားအကြံအစည်ရှိသည်

သူတို့၏အသက်အတိအကျကိုဖြင့် မသိပါ။ တစ်ဦးကို ဘုရားကျောင်းတံခါးဝ၌ တွေ့ရှိခဲ့ပြီး၊ ကျန်တစ်ဦးကမူ သူ့အား သီလရှင်များက ပြုစုပျိုးထောင်ခဲ့ကြောင်းကိုသာ သိရှိရသည်။ ဒုတိယကမ္ဘာစစ်အတွင်း ပိုလန်နိုင်ငံ၌ မွေးဖွားခဲ့ကြပြီး Halina (ဟာလီနာ)နှင့် Krystyna (ခရစ္စတီးနာ)တို့သည် နှစ်ပေါင်း (၈၀) မျှ တစ်ဦးနှင့်တစ်ဦး မသိခဲ့ကြပါ။ ထိုနောက် DNA မျိုးရိုးဗီဇစစ်ဆေးချက်အရ သူတို့သည် ညီအစ်မတော်စပ်ကြောင်း သိလိုက်ရသောအခါ သူတို့နှစ်ဦးအတွက် ဝမ်းမြောက်ဖွယ် ပြန်လည်တွေ့ဆုံပေါင်းစည်းမှုပင်ဖြစ်သည်။ ၎င်းတို့သည် ဂျူးလူမျိုးများဖြစ်ပြီး ၎င်းတို့ စွန့်ပစ်ခံရသည့် အကြောင်းရင်းက ပေါ်လွင်နေပါပြီ။ ထိုမိန်းကလေးများ၏ဖြစ်တည်မှုကြောင့် ဆိုးသွမ်းသူများက သူတို့အား အသက်အန္တရာယ်ထဲ ကျရောက်စေခဲ့သည်။

အသက်အန္တရာယ် ခြိမ်းခြောက်ခံရသည့်သမီးများကို သူတို့ကယ်တင်ခံရလိမ့်မည့်နေရာ၌ ချန်ရစ်ခဲ့သည့် ကြောက်ရွံ့နေမည့်မိခင်၏ပုံစံကို မြင်ယောင်ရင်း မောရှေ၏အကြောင်းက ကျွန်တော့်အတွေးထဲ ဝင်လာသည်။ ဟေဗြဲ သားယောကျ်ားဖြစ်သောကြောင့် မောရှေအသတ်ခံရရန် လျာထားခံရပြီးဖြစ်သည် (ထွက် ၁:၂၂)။ သူအသက်ရှင်နိုင်ရေးအတွက် သူ့မိခင်က ဥပါယ်တံမျဥ်ဖြင့်…

ရှစ်ယောက်မြောက် ခုံသမာဓိလူကြီး

၁၉၅၇ ခုနှစ်၌ ထွက်ရှိသည့် ဂန္တဝင်ရုပ်ရှင် ‘12 Angry Men’ (ဒေါသထွက်နေသူ ၁၂ ဦး) တွင် တရားသူကြီးက “လူတစ်ယောက်ကတော့ သေပြီ။ အခြားလူ တစ်ယောက်ရဲ့အသက်က အန္တရာယ်ရှိနေတယ်”ဟု ဝမ်းနည်းစွာပြောခဲ့သည်။ သံသယရှိသူလူငယ်ကို စွဲဆိုသော အထောက်အထား၊ သက်သေများက အလွန်ခိုင်လုံသည့်ပုံပေါ်နေသည်။ သို့သော် ခုံသမာဓိ ဂျူရီလူကြီးများ ဆုံးဖြတ်ကြသည့် အချိန်တွင် ၎င်းတို့ကြား မညီညွတ်မှု ပေါ်ပေါက်လာသည်။ (၁၂) ဦးအနက် (၈) ဦးမြောက်လူကြီးက ‘အပြစ်မရှိ’ ဟု မဲပေးခဲ့၍ ဒေါသတကြီး အငြင်းပွားမှုဖြစ်လာပြီး၊ သက်သေထွက်ဆိုမှုများထဲမှ မဆီလျော်မှုများကို သူထောက်ပြရာ လှောင်ပြောင်ခံခဲ့ရသည်။ စိတ်ခံစားချက်များအရှိန်မြင့်လာကြပြီး ဂျူရီလူကြီးတို့၏ ကြောက်မက်ဖွယ်ကောင်းသည့် ဘက်လိုက်မှုများက ဗူးပေါ်သလိုပေါ်လာကာ နောက်ဆုံး သူတို့တစ်ဦးပြီးတစ်ဦး အပြစ်မရှိဟု မဲပြောင်းပေးလာကြသည်။

ဘုရားသခင်က ဣသရေလပြည်သစ်အတွက် ပညတ်တော်များပေးသော အခါ ရိုးသားသောသတ္တိရှိရန် တိုက်တွန်းခဲ့ပါ၏။ “တရားတွေ့သည်အမှုမှာ…

နှလုံးသားပြဿနာ

“မြင်လား အစ်ကို တင်းမ်”ဟု ကျွန်ုပ်၏မိတ်ဆွေ ဂါနာသင်းအုပ်ဆရာတစ်ဦးသည် ရွှံ့တဲတစ်လုံးပေါ်တွင် ထွင်းထားသောအရာဝတ္ထုတစ်ခုကို ဓာတ်မီးဖြင့် ထိုးပြသည်။ “အဲဒါ ဒီရွာမှာ ကိုးကွယ်တဲ့ရုပ်တုပဲ” ဟု သူတိုးတိုးတိတ်တိတ် ပြောသည်။ အင်္ဂါနေ့ညနေတိုင်းတွင် သင်းအုပ်ဆရာ ဆမ်သည် ဤဝေးလံခေါင်သီသောရွာတွင် သမ္မာကျမ်းစာမျှဝေရန် တောအုပ်ထဲသို့ ခရီးသွားခဲ့ရသည်။

ယေဇကျေလအနာဂတ္တိကျမ်းတွင် ရုပ်တုဆင်းတုကိုးကွယ်ခြင်းသည် ယုဒလူမျိုးတို့အား မည်သို့ကပ်ဆိုက်စေသည်ကို ကျွန်ုပ်တို့တွေ့ရသည်။ ယေရုရှလင်မြို့မှဘာသာရေးခေါင်းဆောင်များ ပရောဖက်ယေဇကျေလအား လာတွေ့သောအခါ ဘုရားသခင်က “ဤလူတို့သည် ကိုယ်စိတ်နှလုံး၌ ကိုယ်ရုပ်တုများကို တည်ထောင် ... ကြပြီ” (ယေဇ ၁၄:၃)ဟု မိန့်ကြားခဲ့သည်။ သစ်သား၊ ကျောက်ရုပ်တုများနှင့်ပတ်သက်ပြီး ဘုရားရှင် သူတို့ကို သတိပေးရုံမျှ မဟုတ်ဘဲ၊ ရုပ်တုကိုးကွယ်ခြင်းသည် စိတ်နှလုံး၏ပြဿနာဖြစ်ကြောင်း သူတို့ကို ကိုယ်တော်ပြသခဲ့သည်။ ကျွန်ုပ်တို့အားလုံးသည် ဤပြဿနာနှင့် ရုန်းကန်နေကြရသည်။

ကျမ်းစာဆရာ Alistair Begg (အဲလစ်ထဲဘက်)က ရုပ်တုဆင်းတုသည် “မိမိ၏ငြိမ်သက်ခြင်း၊ မိမိ၏ပုံရိပ်၊…

ပြည့်စုံသည့် ခရစ်စမတ်ရိုက်ကူးရေး

ဘာကာမိသားစု၏ ခရစ်စမတ်ဗီဒီယိုမှာ ပြောစရာမရှိလောက်အောင် ကောင်းသည်။ (မိသားစု၏သားငယ်များဖြစ်သော) သိုးထိန်း (၃) ဦး သည် ဝတ်စုံပြည့်နှင့် မြက်ပင်ထူသည့်ကွင်းပြင်ထဲ မီးပုံပတ်လည်၌ မီးလှုံနေကြသည်။ ရုတ်တရက် တောင်ကုန်းထက်မှ(သူတို့၏အစ်မကြီး) ကောင်းကင်တမန်က ဆင်းသက်လာသည်။ သူ၏ပန်းရောင်ဖိနပ်မှလွဲ၍ အရောင်အဝါ တောက်ပခန့်ညားသည်။ သီချင်းသံ တဖြည်းဖြည်းကျယ်လာစဉ် သိုးထိန်းများသည် ကောင်းကင်သို့ မှင်သက် အံ့ဩစွာ ငေးကြည့်ကြသည်။ ကွင်းပြင်မှသည် တစ်ကယ့်ကလေးတစ်ဦးဆီသို့ သူတို့ရောက်ရှိသွားပြီး သူတို့၏လသားအရွယ်ညီလေးမှာ ခေတ်ပေါ်နွားစာခွက်ထဲ ရှိနေသည်။ အစ်မကြီးမှာ ယခုတွင် မာရိအဖြစ် သရုပ်ဆောင်ထားသည်။

ထို့နောက်၌ “အပိုဆု”အဖြစ် ရိုက်ကွင်းနောက်ကွယ်ကို သူတို့ဖေဖေက ကျွန်ုပ်တို့အား လှစ်ပြခဲ့သည်။ “ချမ်းလိုက်တာ”၊ “အခုချက်ချင်း ရေအိမ်သွားချင်ပြီ”၊ “အိမ်ပြန်လို့ရပြီလား”စသည့် နားမခံနိုင်သည့် ကလေးများ၏ညည်းတွားပြစ်တင်သံနှင့် ဆူညံနေပြီး “ကလေးတို့၊ အာရုံစိုက်ကြ”ဟု မေမေက တစ်ကြိမ်ထက်မက ပြောခဲ့ရသည်။ လက်တွေ့၌ ပြည့်ဝစုံလင်သည့် ခရစ်စမတ်ဇာတ်လမ်းရိုက်ကူးရေးဖြစ်ဖို့ ဝေးလေစွ။

ကောင်းမွန်စွာတည်းဖြတ်ပြင်ဆင်ထားသည့်…

မကျိန်ဆဲရ

William Shakespeare (ဝီလျံရှိတ်စပီးယား)သည် ဆဲရေးစော်ကားမှုအပေါင်း၏ အရှင်ဖြစ်သည်။ ဤ‘အရည်အသွေး’ကို သရုပ်ဆောင် Barry Kraft (ဘာရီခရဖ်)က သူ၏ ‘Shakespeare Insult Generator’ (ရှိတ်စပီးယား စော်ကားမှုထုတ်စက်) စာအုပ်ဖြင့် ကျွမ်းကျင်စွာ ထုတ်နုတ်ပြခဲ့သည်။ ၎င်းတွင် ရှိတ်စပီးယား ပြဇာတ်ထဲမှ မထင်မရှားရှုတ်ချမှုများကို ထည့်သွင်းထားသည်။ ဥပမာအားဖြင့် “ငကြွားကောင်၊ ငတုံးကောင်” ဟု တစ်စုံတစ်ယောက်ကို ချိုးဖဲ့ပြောလိုက်ခြင်းက လိမ္မာပါးနပ်စွာဖြင့် “မင်းတော်တော်လေး ကြွားပြီး တုံးတာပဲ၊ လူယုတ်မာ” ဟုပြောခြင်းပင် ဖြစ်သည်။

ခရဖ်၏ ပေါ့ပေါ့ပါးပါးဖတ်ရှုစရာ စာအုပ်သည် ဖတ်ပျော်သည်။ သို့သော် ရှေးအခါက မောဘရှင်ဘုရင်သည် ဣသရေလလူမျိုးများကို စော်ကားဆဲရေးရုံသာ မက ကျိန်ဆဲရန် ထူးခြားသည့်ပရောဖက်တစ်ပါးကို အခကြေးပေးကာ စေခိုင်းခဲ့သည်။ “သို့ဖြစ်၍၊ ကြွလာပါ။ ဤလူမျိုးသည် ငါ့ထက်အားကြီးသောကြောင့် သူတို့ကို ငါ့အဖို့ကျိန်ဆဲပါ” (တော ၂၂:၆) ဟု…

အရင်းအမြစ်

၁၈၅၄ ခုနှစ်တွင် လန်ဒန်မြို့၌ တစ်စုံတစ်ခုသောအရာသည် လူထောင်ပေါင်းများစွာကို သေစေခဲ့သည်။ ညစ်ညမ်းသောလေထုဟု လူများက ထင်ကြသည်။ အမှန်ပါ။ ပုံမှန် မဟုတ်သောအပူရှိန်ကြောင့် မိလ္လာစွန့်ရေဆိုးများရှိသည့် River Thames (သိမ်းစ် မြစ်ရေ)မှာ ပုပ်စော်နံပြီး ယင်းအနံ့သည် အလွန်ဆိုးရွားသောကြောင့် ၎င်းကို ‘The Great Stink’ (အနံ့ဆိုးကြီး)ဟု လူသိများခဲ့သည်။

သို့သော် လေထုက အဆိုးဆုံးပြဿနာ မဟုတ်ပါ။ ညစ်ညမ်းသောရေသည် ကာလဝမ်း ကပ်ရောဂါ ဖြစ်ပွားစေသည့် အကြောင်းရင်းဖြစ်ကြောင်းကို Dr. John Snow (ဒေါက်တာဂျွန်စနိုး)၏ သုတေသနပြုချက်က ဖော်ပြထားပါသည်။

ကောင်းကင်ထိ ပုပ်စပ်နံစော်နေသော အခြားပြဿနာတစ်ခုကို ကျွန်ုပ်တို့လူသားများ သတိပြုမိခဲ့သည်မှာ ကြာပါပြီ။ ပျက်စီးနေသောကမ္ဘာတွင် နေထိုင်လျက် ထိုပြဿနာ၏အရင်းအမြစ်ကို အလျင်စလို မှားယွင်းစွာဖော်ထုတ်ပြီး ရောဂါလက္ခဏာအနေနှင့်သာ ကုသကြသည်။ အမြော်အမြင်ရှိသော လူမှုရေးအစီအစဉ် နှင့် မူဝါဒများသည် ကောင်းကျိုးပြုသော်လည်း၊ လူ့အဖွဲ့အစည်းဖျားနာရသည့်…

အသေးစိတ်ကို ဂရုပြုတော်မူသောဘုရားသခင်

ကယ်ဗင် နှင့် ကင်ဘာလီ တို့အတွက် စိတ်ပျက်စရာ ရက်သတ္တပတ်ဖြစ်သည်။ ကယ်ဗင်၏ အတက်ရောဂါအခြေအနေ ရုတ်တရက်ပိုမိုဆိုးရွားလာခဲ့ပြီး သူ့ကို ဆေးရုံတင်လိုက်ရသည်။ ကပ်ရောဂါဆိုးကြားတွင် ကလေးသူငယ် စောင့်ရှောက်ရေးဂေဟာမှ ခေါ်ယူမွေးစားထားသည့် သူတို့၏သားသမီး မောင်နှမလေးဦးမှာလည်း အိမ်တွင်း၌ ကြာရှည်စွာနေရသောကြောင့် အဆုံးစွန်ငြီးငွေ့နေကြသည်။ ထို့ပြင် ရေခဲသေတ္တာ၌ သင့်တော်သောအစားအသောက်ကို ကင်ဘာလီ မတွေ့ပြန်။ ထူးထူးဆန်းဆန်း ထိုအချိန်၌ သူမသည် မုန်လာဥနီစားချင်စိတ်ပေါ်ခဲ့သည်။

တစ်နာရီခန့်အကြာတွင် သူတို့၏မိတ်ဆွေများဖြစ်သော အမန်ဒါနှင့်အန်ဒီတို့သည် သူတို့မိသားစုအတွက် ပြင်ဆင်လာသည့် စားစရာ တစ်ပြုံတစ်ခေါင်းနှင့်အတူ တံခါးလာခေါက်ပြီးရပ်နေသည်။ စားစရာများတွင် မုန်လာဥနီလည်းပါသည်။

မာရ်နတ်သည် အသေးစိတ်ကြံစည်သည်ဟု လူတို့ပြောတတ်ကြသည်။ မဟုတ်ပါ။ ဂျူးလူမျိုးတို့၏သမိုင်းရှိ အံ့ဖွယ်ဇာတ်လမ်းတစ်ပုဒ်က ဘုရားသခင်သည် အသေးစိတ်ကို ဂရုစိုက်အလေးထားကြောင်းကို ဖော်ပြနေသည်။ “ဣသရေလအမျိုးသားတို့တွင်၊ ဘွားမြင်သောသူငယ် ယောက်ျားအပေါင်းတို့ကို မြစ်ထဲသို့ချပစ်စေ” (ထွ ၁:၂၂)ဟု ဖာရောဘုရင်က မိန့်ကြားခဲ့သည်။ ထိုလူမျိုးတုန်း သတ်ဖြတ်မှု ဖြစ်စဥ်သည်…

ဘေဘီဘွိုင်း

အချိန်တစ်နှစ်ကျော်ကြာသည့်တိုင် သူ၏တရားဝင်နာမည်မှာ “ဘေဘီဘွိုင်း”ဖြစ်ခဲ့ သည်။ ဆေးရုံ၏ကားရပ်နားသည့် နေရာတစ်ခုတွင် ကလေးငိုသံကို ကြားသွားသော လုံခြုံရေးအစောင့်တစ်ဦးက သူ့ကိုရှာဖွေတွေ့ရှိခဲ့ပြီး ဘေဘီဘွိုင်းသည် နာရီပိုင်းအရွယ်သာရှိသေးသော၊ အိတ်တစ်လုံးနှင့် ထုပ်ပိုးစွန့်ပစ်ထားခြင်းခံခဲ့ရသူ ဖြစ်သည်။

သူ့ကိုတွေ့ရှိပြီး မကြာမီမှာပင် လူမှုကူညီရေးအဖွဲ့များက တစ်ချိန်ချိန်တွင် သူ့အတွက် အမြဲတမ်းမိသားစုဖြစ်လာမည့်သူများကို ဆက်သွယ်ခဲ့သည်။ လင်မယား နှစ်ဦးသည် သူ့ကို ခေါ်ယူမွေးစားပြီး ဂရေဆန် (အမည်ရင်းမဟုတ်) ဟုမှည့်ခေါ်ခဲ့ကြသည်။ နောက်ဆုံးတွင် မွေးစားခြင်းအမှု ပြီးမြောက်သွားပြီး ဂရေဆန်၏အမည်သည်လည်း တရားဝင်ဖြစ်လာခဲ့သည်။ ယနေ့တွင် စကားပြောဆိုရာတွင် စိတ်အားထက်သန်စွာ ပြောချင်နေသောကြောင့် အသံထွက်မပီကလာလေး ပြောနေသည့် ချစ်စဖွယ်ကလေးတစ်ဦးကို သင်တွေ့နိုင်သည်။ ထိုကလေးသည် တစ်ချိန်က အိတ်တစ်လုံးနှင့်စွန့်ပစ်ခံရသူဟု သင်မည်သို့မျှ ခန့်မှန်းမိမည်မဟုတ်ပေ။

မောရှေသည် သူ့ဘဝနှောင်းပိုင်းတွင် ဘုရားသခင်၏ ထူးခြားသောလက္ခဏာနှင့် ဣသရေလလူမျိုးများအတွက် ကိုယ်တော်ပြုပေးခဲ့သည့် အရာများကို ပြန်လည်ဆင်ခြင်သုံးသပ်လျက် “ထာဝရဘုရားသည် သင်၏ဘိုးဘေးတို့ကို ချစ်ခင်မြတ်နိုး (သည် )”…