ဘုရားသခင်၏ကြီးမားသောချစ်ခြင်းမေတ္တာ

သန့်ရှင်းစင်ကြယ်မှုကိုမြှင့်တင်ရေး ဆွေးနွေးပွဲတစ်ခုတွင် ဆယ်ကျော်သက်မိန်းကလေးများကို အားပေးစကားပြောပေးရန် သူငယ်ချင်းက ဖိတ်ခေါ်သောအခါ ကျွန်မငြင်းဆိုခဲ့သည်။ ဆယ်ကျော်သက်အရွယ်တွင် အိမ်ပြေးဖြစ်ခဲ့သော ကျွန်မသည် အတော်ရုန်းကန်ခဲ့ရပြီး စာရိတ္တပျက်ပြားခဲ့သောကြောင့် အမာရွတ်များနှင့် ဆယ်စုနှစ်များစွာ ဒဏ်ရာအနာတရဖြစ်ခဲ့သည်။ အိမ်ထောင်ပြုပြီးနောက် ကျွန်မတို့၏ ပထမဦးဆုံးကလေး ပျက်ကျသောအခါ ပြုခဲ့သောအပြစ်များအတွက် ဘုရားသခင် ဒဏ်ခတ်သည်ဟု ကျွန်မတွေးထင်မိသည်။ အသက် (၃၀) တွင် အသက်တာကို ခရစ်တော်ထံ ဆက်ကပ်အပ်နှံပြီးနောက် နောင်တကြီးစွာဖြင့် ကျွန်မ၏အပြစ်ကို “အဖန်တလဲလဲ” ဝန်ချတောင်းပန်ခဲ့သည်။ သို့သော်လည်း အပြစ်နှင့်ရှက်ကြောက်ခြင်းက ကျွန်မကို ဆုံးရှုံးခြင်းသို့ တွန်းပို့နေဆဲဖြစ်သည်။ “ဘုရားရှင်၏ ကြီးမားသောချစ်ခြင်းမေတ္တာကို ကိုယ်တိုင် ပြည့်ပြည့်ဝဝ မခံယူနိုင်သေးဘဲ ဘုရား၏ချစ်ခြင်းမေတ္တာအကြောင်းကို ကျွန်မမည်ကဲ့သို့ ဝေမျှနိုင်မည်နည်း။” ကျေးဇူးတော်ကြောင့် အချိန်ကာလတစ်ခုလွန်သောအခါ အပြစ်မဝန်ချခင်အချိန်က ကျွန်မသည် ဘယ်ပုံဘယ်ချမ်းသာဟူ၍ မုသာ၏ချည်နှောင်ခံရမှုကို ဘုရားရှင်ဖယ်ရှားပေးခဲ့သည်။ အစဉ်ကမ်းပေးနေသောခွင့်လွှတ်ခြင်းကို အဆုံးတွင် ကျွန်မ“လက်ခံရရှိ”ခဲ့သည်။

ခံစားရသည့်ဖိစီးနှိပ်စက်မှုတို့ကြောင့် မြည်တမ်းခြင်းများ၊ အတိတ်မှ အပြစ်၏…

ဘုရားသခင်ဘယ်မှာလဲ

Martin Handford (မာတင်ဟန်းဖော့)သည် ‘Where’s Waldo?’ (ဝေါ်လ်ဒို ဘယ်မှာလဲ) ဟူသည့် ကလေးများအတွက် ပဟေဠိပေါင်းချုပ်ကို ၁၉၈၇ ခုနှစ်တွင် ပထမဦးဆုံး ဖန်တီးခဲ့သည်။ ရှာရခက်သောဇာတ်ကောင်က အနီအဖြူအစင်းကျား ရှပ်အင်္ကျီ၊ ခြေအိတ်နှင့်လိုက်ဖက်သောဦးထုပ်၊ အပြာရောင်ဂျင်းဘောင်းဘီ၊ အညိုရောင်ဘွတ်ဖိနပ်နှင့် မျက်မှန်တို့ကို ဝတ်ဆင်ထားသည်။ ကမ္ဘာတစ်ဝန်းရှိ နေရာ ဒေသအမျိုးမျိုးတွင် ဇာတ်ကောင်အမျိူးမျိူးဖြင့် ပြည့်နေသော ရှုပ်ထွေးသည့် သရုပ်ဖော်ရုပ်ပုံတွင် ဟန်းဖော့သည် ရှင်းလင်းသောမြင်ကွင်း၌ ဝေါလ်ဒိုကို ပါးနပ်စွာ ဝှက်ထားသည်။ ဝေါ်လ်ဒိုကို အမြဲရှာရမလွယ်ကူသော်လည်း ဖန်တီးသူက သူ့အား အမြဲရှာတွေ့မည်ဖြစ်ကြောင်း ကတိပေးသည်။ ပဟေဠိစာအုပ်တွင် ဝေါ်လ်ဒိုအား ရှာဖွေခြင်းသည် ဘုရားသခင်အား ရှာဖွေခြင်းနှင့် မတူညီသော်လည်း ကျွန်ုပ်တို့၏ ဖန်ဆင်းရှင်က သူအား ရှာတွေ့မည်ဖြစ်ကြောင်းကိုလည်း ကတိပေးထားသည်။

ပရောဖက်ယေရမိအားဖြင့် ဘုရားသခင်သည် သူ၏လူမျိူးတော်တို့အား ၎င်းတို့ ဖမ်းသွားခေါ်ဆောင်ခံရသည့်ပြည်တွင် တိုင်းတစ်ပါးသားအဖြစ် မည်ကဲ့သို့ ဆက်လက်နေထိုင်ရမည်ကို ညွှန်ကြားခဲ့သည်…

တစ်လုံးတစ်ဝတည်း

သေးငယ်လှသော စိုက်ပျိုးမွေးမြူရေးအသိုင်းအဝိုင်းတွင် သတင်းပျံ့နှံ့မှုသည် လျင်မြန်လှသည်။ ဒေးဗစ်တို့မိသားစု ဆယ်စုနှစ်များစွာ ပိုင်ဆိုင်ခဲ့သည့် လယ်ခြံမြေကို ဘဏ်မှရောင်းထုတ်ခဲ့ပြီး နှစ်ပေါင်းများစွာအကြာတွင် ၎င်းခြံကို ပြန်ရောင်းမည်ဟု သူသိခဲ့ရသည်။ များစွာစွန့်လွှတ်အနစ်နာခံပြီး ချွေတာစုဆောင်းပြီးနောက် ဒေးဗစ်သည် ဒေသခံ တောင်သူနှစ်ရာနီးပါးရှိသော လူအုပ်နှင့်အတူ လေလံပွဲသို့ရောက်ရှိခဲ့သည်။ ဒေးဗစ်၏မဆိုစလောက်သော လေလံစျေးက အောင်ပါမည်လော။ သူသည် ပထမဆုံးလေလံစျေးကို ခေါ်လိုက်ပြီး လေလံတာဝန်ခံက စျေးပိုပေးမည့်သူကိုခေါ်သောအခါ သူအသက်ပြင်းပြင်းရှုမိသည်။ လူအုပ်ကြီးမှာ လေလံတူထုသံ မကြားရမချင်း ငြိမ်သက်နေသည်။ လယ်သမားများသည် သူတို့၏ငွေကြေးအကျိုးရရေးထက် ဒေးဗစ်တို့မိသားစု၏လိုအပ်ချက်ကို ဦးစားပေးခဲ့သည်။

ဤလယ်သမားများ၏ အနစ်နာခံသော ကြင်နာမှုလုပ်ရပ်သည် တမန်တော်ရှင်ပေါလုသွန်သင်သည့် ခရစ်တော်နောက်လိုက်သူများ အသက်ရှင်နေထိုင်ရမည့်နည်းလမ်းကို ပြသနေသည်။ တစ်ကိုယ်ကောင်းဆန်သော စိတ်ဆန္ဒများနှင့် မိမိကိုယ်ကို ကာကွယ်ရန် ရုန်းကန်နေမှုတို့ထက် တစ်ပါးသူ၏လိုအပ်ချက်ကို ဦးစားပေးပြီး “လောကီပုံသဏ္ဌာန် မဆောင်ကြ”ရန် (ရော ၁၂:၂) ရှင်ပေါလုက သတိပေးသည်။ ၎င်းအစား အခြားသူကို အစေခံရင်း…

သွားလေရာရာမှာ ချစ်ပါ

အားလပ်ရက်ခရီးထွက်စဥ်က ကျွန်မသည် ဘောတံတားတွင်ထိုင်ကာ ကျမ်းစာဖတ်ရင်း၊ ခင်ပွန်းသည် ငါးမျှားသည်ကို ကြည့်နေသည်။ ထိုစဉ် လူငယ်တစ်ဦး ရောက်လာပြီး တစ်ခြားငါးစာသုံးကြည့်ရန် အကြံပြုသည်။ သူက ကျွန်မကိုကြည့်ပြီး ဆုတ်တွန့်သောခြေလှမ်းဖြင့် လှမ်းရင်း “ကျွန်တော် ထောင်ကျဖူးတယ်”ဟု ပြောသည်။ ထိုနောက် သမ္မာကျမ်းစာကို လက်ညှိုးထိုးပြီး သက်ပြင်းချကာ “ကျွန်တော်တို့လိုလူမျိုးကို ထာဝရဘုရား တကယ်ဂရုစိုက်တယ်လို့ အစ်မထင်သလား”ဟု မေးသည်။

ထောင်ကျနေသူများကို တပည့်တော်တို့ သွားတွေ့သည့်အကြောင်း သခင်ယေရှုပြောပြသော ရှင်မဿဲခရစ်ဝင်ကျမ်း ၂၅ ကို ကျွန်မဖွင့်ဖတ်ပြလိုက်သည်။

သူ၏သားသမီးများအပေါ် လူတစ်ဦးဦးက ကရုဏာကြင်နာမှုပြခြင်းကို သူ့အပေါ်ပြခြင်းအဖြစ် ထာဝရဘုရားမှတ်ယူကြောင်း (မ ၂၅:၃၁-၄၀) ကျွန်မပြောပြသည့်အခါ လူငယ်လေး၏မျက်ဝန်း၌ မျက်ရည်ဝိုင်းသွားသည်။ “ကျမ်းစာထဲမှာ အဲ့လိုပြောတာလား။ ထောင်ထဲကအကြောင်းလေ” ဟု မေးရှာသည်။

“ကျွန်တော့်မိဘတွေလည်း ကျွန်တော့်ကို ခွင့်လွတ်ရင်ကောင်းမှာပဲ”ဟု ခေါင်းငိုက်စိုက်နှင့်ပြောပြီး “ကျွန်တော်ပြန်လာခဲ့မယ်” ဟုပြောကာ ထွက်သွားသည်။ ထို့နောက် စုတ်ပြဲနေသည့်…

ဟောပြောသည့်အတိုင်း လက်တွေ့လုပ်ပါ

ကျွန်မ၏သားအငယ်ဆုံးလေး Xavier (စေဗီယာ) မူကြိုကျောင်းတက်သည့်အရွယ် တွင် ကျွန်မ၏သားများကို နှုတ်ကပတ်တော် စတင်ဖတ်ပြခဲ့သည်။ ၎င်းတို့ သင်ယူနိုင်မည့် အခြအနေကိုရှာဖွေပြီး အသက်တာတွင် ပြန်လည်အသုံးချနိုင်မည့် ကျမ်းညွှန်းများကို ဝေငှလျက် ကျွန်မနှင့်အတူတကွဆုတောင်းရန် သူတို့ကို အားပေးခဲ့သည်။ စေဗီယာသည် အားထုတ်စရာမလိုဘဲ နှုတ်ကပတ်တော်များကို ကျက်မှတ်နိုင်ခဲ့သည်။ ကျွန်မတို့ဉာဏ်ပညာကို လိုအပ်သည့် ခက်ခဲချိန်များနှင့်တွေ့ကြုံရစဥ် စေဗီယာသည် ဘုရားသခင်၏သမ္မာတရားကို ထင်ဟပ်စေသည့် ကျမ်းပိုဒ်များကို ရွတ်ပြခဲ့သည်။

တစ်နေ့ ကျွန်မဒေါသထွက်ပြီး သူကြားနိုင်သည့်အကွာအဝေးတွင်း ကြမ်းတမ်းစွာ ပြောဆိုမိရာ သားကကျွန်မကိုဖက်ပြီး “မားမားဟောပြောတဲ့အတိုင်း လက်တွေ့လုပ်ဆောင်ပါ” ဟုပြောခဲ့သည်။

စေဗီယာ၏ နူးညံ့သော သတိပေးချက်သည် အရပ်ရပ်သို့ ကွဲပြားနေသည့် ဣသရေလလူမျိုး ယုံကြည်သူများအား ရည်ညွှန်းသည့် ရှင်ယာကုပ်၏ အမြော်အမြင်နှင့် အကြံပြုချက်ကို ထင်ဟပ်စေသည် (ယာ ၁:၁)။ ခရစ်တော်အတွက် သက်သေခံမှုတွင် နှောင့်ယှက်ဝင်ရောက်လာနိုင်သည့် ဒုစရိုက်နည်းလမ်းများစွာကို မီးမောင်းထိုးပြပြီး “အထဲ၌စိုက်ပျိုးသော နှုတ်ကပတ်တရားကို…

မဆုတ်ယုတ်သွားသော ယုံကြည်ခြင်း

အမေရိကန်နိုင်ငံ၊ ကယ်လီဖိုးနီးယားပြည်နယ်ရှိ Silver Lake (ငွေရောင်ရေကန်)၏ မြောက်ဘက်ကမ်းခြေတစ်လျှောက်ရှိ မြင့်မားသောသဲခုံများကြောင့် အနီးဝန်းကျင်ရှိအိမ်များမှာ ရွေ့လျားသောသဲထဲသို့ နစ်မြှုပ်မည့်အန္တရာယ်နှင့် ကြုံခဲ့ရသည်။ နေထိုင်သူများက သူတို့အိမ်ကိုကာကွယ်ရန် သဲမြေများကို အားတက်အားသရော ကြိုးစားရွှေ့ကြသော်လည်း အိမ်ကောင်းများ သူတို့မျက်စိရှေ့တင် နစ်မြုပ်သွားသည်ကို ကူညီရာမဲ့စွာ ကြည့်နေခဲ့ရသည်။ ငြိမ်ဝပ်ပိပြားရေးအရာရှိတစ်ဦးက မကြာမီက ပျက်စီးသွားခဲ့သောအိမ်တစ်လုံးအား ရှင်းလင်းမှုကို ကြီးကြပ်ရင်း ထိုအန္တရာယ်ကိုကာကွယ်ရန် မဖြစ်နိုင်ကြောင်း အတည်ပြုခဲ့သည်။ အိမ်ပိုင်ရှင်များအနေဖြင့် မခိုင်ခံ့သော မြေသားနံရံ၏အန္တရာယ်ကို မည်သို့ပင် ရှောင်ရှားနေပါစေ၊ ထိုသဲခုံများက ခိုင်ခံ့သောအခြေခံအုတ်မြစ် အထောက်အပံ့ကို လုံးဝမပေးနိုင်ပါ။

သဲပေါ်အိမ်ဆောက်ခြင်းသည် အချည်းအနှီးသာဖြစ်ကြောင်း ရှင်ယေရှု သိသည်။ တပည့်တော်များအား မှားယွင်းသောပရောဖက်များကို မယုံကြည်ရန် သတိပေးပြီးနောက်၊ မေတ္တာနှင့်နာခံခြင်းသည် ပညာရှိမှုကို ပြသနေကြောင်း သူတို့အား ရှင်ယေရှု အခိုင်အမာပြောခဲ့သည် (မ ၇:၁၅-၂၃)။ “အကြင်သူသည် ငါဟောပြောသော ဤစကားကိုကြား၍ နားထောင်၏။ ထိုသူသည် ကျောက်ပေါ်မှာ…

မင်းက ဘာလဲ

ကျွန်မ၏ငါးနှစ်အရွယ် ကပြားဖြစ်သည့်သားလေးနှင့်အတူ ရေခဲမုန့်ဆိုင်သို့ဝင်သွားရာ၊ ကောင်တာရှိလူက ကျွန်မတို့ကိုကြည့်ပြီး ကျွန်မသားလေးကိုလည်း ငေးစိုက်ကြည့်ရင်း “မင်းက ဘာလဲ”ဟု မေးလိုက်သည်။

သူ၏မေးခွန်းနှင့်ရင့်သီးသောလေသံကြောင့် လူမျိုးရင်းတစ်မျိုးတည်းမဟုတ်ဘဲ အမေရိကန်-မက္ကစီကန် ကပြားအနေဖြင့် ကြီးပြင်း‌ခဲ့ရသည့် ကျွန်မ၏ရင်ထဲမှ မိမိနှင့် မစိမ်းသည့် ဒေါသနှင့်နာကျင်မှုကို ပြန်လည်ဖြစ်ပေါ်စေသည်။ သားလေး Xavier (စေဗီယာ)ကို ကျွန်မအပါးသို့ ဆွဲကပ်လိုက်ပြီး စတိုးဆိုင်ထဲဝင်လာသည့် လူမည်းအမျိုးသား ကျွန်မ၏ခင်ပွန်းကို လှမ်းကြည့်လိုက်သည်။ စတိုးဆိုင်စာရေးက မျက်မှောင်ကြုံ့ရင်း အော်ဒါများကို တိတ်ဆိတ်စွာ ထုပ်ပိုးပေးလိုက်သည်။

သားလေးက သူစားချင်သည့်ရေခဲမုန့်အရသာကို ပြောပြစဥ် ထိုသူအတွက် ကျွန်မစိတ်ထဲမှ ဆုတောင်းပေးနေခဲ့မိသည်။ ကျွန်မ၏ခါးသီးမှုအတွက် နောင်တရပြီး ခွင့်လွှတ်တတ်သည့်စိတ်နှလုံးကိုပေးရန် ဘုရားရှင်ထံ တောင်းခံခဲ့သည်။ အဖြူမဟုတ်သည့် ဖျော့တော့တော့ အသားရောင်ကြောင့် ကျွန်မမှာ နှစ်နှင့်ချီ၍ တူညီသည့်ထိုမေးခွန်း၊ ထိုမျက်စောင်းများ၏ပစ်မှတ်ဖြစ်ခဲ့သည်။ ဘုရားချစ်မြတ်နိုးသည့်ဘုရားသမီးအဖြစ် ကိုယ့်ကိုယ်ကိုယ် မည်သို့ တန်ဖိုးထားရမည်ကို စတင်သင်ယူချိန် မတိုင်မီက မလုံခြုံခြင်း၊ တန်ဖိုးမဲ့ခြင်း…

စစ်မှန်သောဖြစ်တည်မှု

သူငယ်ချင်းက ကျွန်မရိုက်ပေးသည့်ဓာတ်ပုံများကိုပြန်ကြည့်ရင်း သူမြင်တွေ့သော အားနည်းချက်များကို ထောက်ပြသည်။ ကျွန်မက သူမကို အနီးကပ်ကြည့်ရန် ပြောလိုက်ပြီး “ဘုရင်တကာတို့ရဲ့ဘုရင်၊ အနန္တတန်ခိုးရှင်ဘုရားရဲ့ လှပပြီး ချစ်စရာကောင်းတဲ့သမီးတစ်ယောက်ကို ငါမြင်တယ်။ သူမမှာရှိတဲ့ စစ်မှန်တဲ့ ကြင်နာမှု၊ ရက်ရောစွာပေးကမ်းမှုနှင့် သစ္စာရှိမှု၊ အခြားသူတွေရဲ့ အသက်တာကို ထူးခြားမှုဖြစ်စေတဲ့ ဘုရားသခင်နှင့် အခြားသူများကိုချစ်တဲ့ သူတစ်ယောက်ကို တွေ့နေရတယ်” ဟု သူ့ကိုပြောလိုက်ပြီးမှ မျက်ရည်ဝိုင်းသောသူ့မျက်ဝန်းလေးကို သတိထားမိသဖြင့် “သရဖူလေးလိုသေးတယ် ထင်တယ်”ဟု ကျွန်မပြောလိုက်သည်။ ထို့နေ့မွန်းလွဲပိုင်းတွင် သူမ၏စစ်မှန်သောဖြစ်တည်မှုကို ဘယ်တော့မှ မေ့မသွားအောင် သူမနှင့်လိုက်ဖက်သည့် အပြစ်ဆိုဖွယ်မရှိသောသရဖူတစ်ခုကို ရွေးချယ်ဝယ်ပေးခဲ့သည်။

သခင်ယေရှုကို ကျွန်မတို့ကိုယ်တိုင်ကိုယ်ကျ သိလာသောအခါ ကျွန်မတို့ကိုသူ၏ချစ်မေတ္တာဖြင့် အုပ်မိုးကာ သူ၏သားသမီးဟု ခေါ်ပါသည် (၁ ယော ၃ :၁)။ “သားတော်သည် ထင်ရှားပေါ်ထွန်းတော်မူသောအခါ ငါတို့သည် အထံတော်သို့ရောက်လျှင် ရဲရင့်သောအခွင့်ရှိ၍ ရှက်ကြောက်ခြင်းနှင့်ကင်းလွတ်မည် အကြောင်း” (၂:၂၈) ယုံကြည်ခြင်းဖြင့်…

မျှော်လင့်ခြင်းကို မျှဝေခြင်း

ကျွန်မတို့၏စကားဝိုင်း၌ အဲမာက ဘုရားသားသမီးအနေဖြင့် သူမ၏ဖြစ်တည်မှုကို ကိုင်စွဲနိုင်အောင် ဘုရားရှင်မစခဲ့ပုံကို သက်သေခံရင်း ကျမ်းချက်များ ရွတ်ဆိုခဲ့သည်။ အထက်တန်းကျောင်းသူလေးက ကိုယ့်စကားကိုယ်မပြောဘဲ ဘုရားနှုတ်ကပတ်တော်ကို မည်သည့်အချိန်ကစ၍ ကိုးကားရွတ်ဆိုနိုင်သည်ကို ကျွန်မနားမလည်နိုင်ပါ။ လမ်းလျှောက်နေသည့် ကျမ်းစာအုပ်နှင့်တူသည်ဟု သူမကိုချီးမွမ်းလိုက်သောအခါ သူမ မျက်မှောက်ကြုံ့သွားသည်။ ကျမ်းစာကို တမင်သူရွတ်ဆိုနေခြင်း မဟုတ်ပါ။ သမ္မာကျမ်းစာကို နေ့စဥ်ဖတ်ရှုခြင်းမှ ရရှိခဲ့သည့်ပညာဉာဏ်က သူမ၏နေ့စဥ်အသက်တာ အပြောအဆို၏တစ်စိတ်တစ်ပိုင်း ဖြစ်နေခဲ့ခြင်းပါ။ ဘုရားရှင်၏အစဥ် တည်ရှိခြင်းမျက်မှောက်တော်ကို ဝမ်းမြောက်ခံစားလျက် အခြားသူများနှင့် သမ္မာတရားကိုမျှဝေရန် ရရှိသည့်အခွင့်အရေး၌ သူပျော်မွေ့သည်။ အခြားသူတို့အား ဆုတောင်းလျက် ကျမ်းစာဖတ်ရန်၊ အလွတ်ကျက်မှတ်ပြီး လက်တွေ့အသက်ရှင်အောင် နိုးဆော်ရန် ဘုရားရှင်အသုံးပြုသူလူငယ်မှာ အဲမာ ပထမဦးဆုံး မဟုတ်ပါ။

တိမောသေအား ဦးဆောင်မှု ခေါင်းဆောင်နေရာကိုခံယူရန် အားပေးခဲ့ချိန်က ဤလူငယ်လေးအပေါ် စိတ်ချယုံကြည်မှုကို တမန်တော်ရှင်ပေါလု ပြခဲ့သည် (၁ တိ ၄:၁၁-၁၆)။ တိမောသေသည် ငယ်စဥ်ကပင် ကျမ်းစာ၌အမြစ်စွဲသူ…

အစေခံရန်အတွက် အသက်ရှင်ပါ

၁၀ နှစ်သမီးလေး ချယ်လ်ဆီသည် လက်ဆောင်အဖြစ် ပန်းချီဆွဲရန်ပစ္စည်းစံုကို လက်ခံရရှိခဲ့ပြီးနောက် သူမဝမ်းနည်းနေလျှင် ဘုရားရှင်သည် အနုပညာအားဖြင့် သူမကို စိတ်သက်သာရာရစေကြောင်း သူမသိရှိခဲ့ရသည်။ ထို့နောက် ကလေး အချို့သည် ပန်းချီပစ္စည်းများကို မဝယ်နိုင်ကြောင်း သူမသိခဲ့ရပြီး ထိုကလေးငယ် များကို ကူညီချင်ခဲ့သည်။ ထို့ကြောင့် သူမ၏မွေးနေ့ရောက်သောအခါ သူမ၏ သူငယ်ချင်းများအား သူမအတွက်လက်ဆောင် ယူမလာဘဲ လိုအပ်နေသော ကလေးများအတွက် ပန်းချီပစ္စည်းများပေးလှူရန် ဖိတ်ခေါ်တောင်းဆိုခဲ့သည်။

နောက်ပိုင်းတွင် သူ့မိသားစု၏အကူအညီဖြင့် "ချယ်လ်ဆီအလှူဒါနအသင်း" ကို သူမစတင်တည်ထောင်ခဲ့သည်။ သူမသည် ကလေးငယ်များကို ပိုမိုကူညီနိုင်ရေးသူ့နည်းတူ ပါဝင်လှူဒါန်းကြရန် အခြားလူများထံမှ အကူအညီတောင်းခံခဲ့သည်။ သူမလှူဒါန်းသောပစ္စည်းကို ရရှိသည့်ကလေးများအား ပန်းချီသင်ပေးသေးသည်။ နယ်ခံသတင်းတင်ဆက်သူက ချယ်လ်ဆီနှင့် တွေ့ဆုံမေးမြန်းမှုကို ထုတ်လွှင့်အပြီး တွင် တစ်နိုင်ငံလုံးမှပြည်သူများက ပန်းချီပစ္စည်းများ စတင်လှူဒါန်းလာကြတော့ သည်။ ချယ်လ်ဆီအလှူဒါနအသင်းသည် ပန်းချီပစ္စည်းများကို ကမ္ဘာအနှံ့သို့ ဆက်လက်ပေးပို့လျက် ရှိသည်။ အခြားသူကို…