ခြင်္သေ့၊ သိုးသူငယ်၊ ကယ်တင်ရှင်

အမေရိကန်နိုင်ငံရှိ နယူးယောက်ပြည်သူ့စာကြည့်တိုက်အဝင်၌ ခံညားလှသည့် ခြင်္သေ့ကျောက်ရုပ်တုနှစ်ခုက အပေါ်စီးမှ လွှမ်းမိုးထားသည်။ စကျင်ကျောက်ဖြင့်ထုလုပ်ထားပြီး ၁၉၁၁ ခုနှစ် စာကြည့်တိုက်ကို လှူဒါန်းသောအခမ်းအနားကတည်းက ၄င်းတို့ ဝင့်ကြွားစွာ ရှိနေကြသည်။ စာကြည့်တိုက်တည်ထောင်သူများအား ဂုဏ်ပြုသောအားဖြင့် ၄င်းတို့ကို အစ၌ Leo Lenox (လီယိုလဲနက်စ်)နှင့် Leo Astor (လီယိုအာစတာ)ဟု နာမည်ပြောင် ပေးထားသည်။ သို့သော် ၁၉၃၀ ခုနှစ်များ၌ ဖြစ်ပွားခဲ့သော ကမ္ဘာ့စီးပွားပျက်ကပ်အတွင်း နယူးယောက်မြို့ဝန် Fiorello LaGuardia (ရော်ရယ်လို လဂွါးဒီယာ)က ၄င်းတို့ကို Fortitude (ဇွဲ)နှင့် Patience (သည်းခံခြင်း)ဟု ပြန်ပြီး အမည်ပေးခဲ့သည်။ ၎င်းသည် နယူးယောက်မြို့သားများ ထုတ်ဖော်ပြသင့်သည့် အကျင့်ကောင်းများဖြစ်သည်ဟု သူယုံကြည်ခြင်းကြောင့်ဖြစ် သည်။ ယနေ့ထိလည်း ထိုခြင်္သေ့များကို ‘ဇွဲနှင့်သည်းခံခြင်း’ဟု ခေါ်ဆိုဆဲဖြစ်သည်။

အခက်ပြဿနာကြုံရချိန်၌ ခွန်အားပေးသူ၊ အသက်ရှင်ပြီး တန်ခိုးကြီးသောခြင်္သေ့ကို နှုတ်ကပတ်တော်မှ ဖော်ပြထားသည်။ ၎င်းကို…

ချိုင့်ဝှမ်းထဲ၌ ကျွန်ုပ်တို့နှင့်အတူ

ဗြိတိသျှလူမျိုး ကျွန်စနစ်ဖျက်သိမ်းရေးဝါဒီ William Wilberforce (ဝီလီယံဝေးဘာဖော့စ်)၏ အဒေါ်ဖြစ်သူ Hannah Wilberforce (ဟာနဝေးဘာဖော့စ်) သည် အသည်းအသန်ဖြစ်နေစဉ် ယေရှုကို ယုံကြည်သည့် သူ့မိတ်ဆွေတစ်ဦး ကွယ်လွန်ကြောင်း ကြားခဲ့သည့်အကြောင်း စာတစ်စောင်ရေးခဲ့သည်။"ဘုန်းတော် ဝင်စားသွားသောချစ်မိတ်ဆွေမှာ ယခု သူချစ်သောသခင်ယေရှု၏ မျက်မှောက်၌ ပျော်ရွှင်နေပြီ၊ ဝမ်းမြောက်ခြင်းဖြင့် ကျွန်မနှလုံးသား ခုန်ပေါက်နေသလား ထင်ရသည်" ဟုရေးပြီးမှ "ကျွန်မအခြေအနေကတော့ ဆိုးတလှည့်၊ ကောင်းတလှည့် ဖြစ်သော်လည်း၊ သခင်ယေရှုကတော့ အရင်အတိုင်း အမြဲကောင်းမြတ်ပါ၏”ဟု သူမအခြေအနေကို ဖော်ပြခဲ့သည်။

သူမ၏စကားများက ဒါဝိဒ်ရေးစပ်သော "သေမင်း၏အရိပ်လွှမ်းမိုးသောချိုင့်ထဲသို့ လျှောက်သွားရသော်လည်း ဘေးအန္တရာယ်ကိုမကြောက်ပါ။ အကြောင်း မူကား ကိုယ်တော်သည် ကျွန်ုပ်နှင့်အတူရှိတော်မူသည်" (:၄) ဟူသည့် ဆာလံကျမ်းအခန်းကြီး ၂၃ ကိုဆင်ခြင်မိစေသည်။ ဒါဝိဒ်သည် သေမင်းအရိပ်လွှမ်းမိုးသောချိုင့်၌ ထာဝရဘုရားကို မိမိရင်းနှီးစွာသိကျွမ်းသူအဖြစ် အလေးအနက်တင်စားထားသည်။ ကျမ်းအစတွင် "ထာဝရဘုရားသည် ငါ၏သိုးထိန်းဖြစ်တော်မူ၏" (:၁)ဟု 'ဘုရား…

ရှုပ်ထွေးမှုမှ သတင်းစကားအဖြစ်သို့

ဒဲရယ်လ်သည် မူးယစ်ဆေးဝါးဖြင့် သူ့ဘဝပျက်လုနီးပါးဖြစ်စေခဲ့သည့် ထူးချွန် ပြောင်မြောက်သော ဘေ့စ်ဘောကစားသမားတစ်ဦး ဖြစ်သည်။ သို့သော် သခင် ယေရှုသည် သူ့ကိုလွတ်မြောက်စေခဲ့ပြီး ဆေးပြတ်ခဲ့သည်မှာ နှစ်ပေါင်းများစွာရှိနေပြီဖြစ်သည်။ ယနေ့ သူသည် မူးယစ်ဆေးစွဲလျက် ရုန်းကန်နေရသူများကို ကူညီမစနေကာ ယုံကြည်ခြင်းလမ်းကို ပြညွှန်ပေးနေပါသည်။ နောက်ပြန်ကြည့် လိုက်လျှင် ဘုရားရှင်သည် သူ့အရှုပ်အထွေးများကို သက်သေခံချက် သတင်းစကား အဖြစ် ပြောင်းလဲလိုက်ကြောင်းကို သူအခိုင်အမာဆိုနိုင်ပါသည်။

ဘုရားသခင်အတွက် ခက်ခဲသောအရာတစ်စုံတစ်ခုမျှမရှိပါ။ ဂါလိလဲအိုင်၌ တပည့်တော်များနှင့်အတူ မုန်တိုင်းထန်သောညကို ဖြတ်ကျော်ပြီး နောက်တစ်ရက် တွင် သင်္ချိုင်းအနီးရှိ ကမ်းပါးသို့ရောက်သောအခါ မှောင်မိုက်တန်ခိုးဝင်ပူးခံရသူ လူတစ်ယောက်သည် ရုတ်တရက် သခင်ယေရှုထံ ချဥ်းကပ်လာသည်။ သခင်သည် သူ့အထဲတွင်ရှိသောနတ်ဆိုးများကို နှင်ထုတ်ပြီး သူ့ကိုလွတ်မြောက်စေခဲ့သည်။

သခင်ယေရှုပြန်သွားသောအခါ ထိုသူက နောက်တော်သို့လိုက်လိုကြောင်း တောင်းပန်ခဲ့သည်။ သို့သော် သခင်ခွင့်မပြုခဲ့ပါ။ သူလုပ်ရမည့်အလုပ်ရှိသည်။ သူ့အား "ကိုယ်အိမ်သို့သွားလော့။ ထာဝရဘုရားသည် သနားခြင်းစိတ်တော်နှင့် သင်၌…

ကရုဏာတော်နှင့် ကျေးဇူးတော်

အဝေးပြေးလမ်းမဘေး အမြန်လမ်းကြောနှင့် ပေအနည်းငယ်အကွာတွင် နေကြာပန်းပင်တစ်ပင်သည် တစ်ပင်တည်းတည်း ငွားငွားစွင့်စွင့် ပွင့်လန်းနေ သည်။ ထိုနေရာကိုကားဖြတ်မောင်းသွားစဉ် ၎င်းအနီးဝန်းကျင်၌ မည်သည့် နေကြာပင်မှ မရှိပါဘဲလျက် မည်သို့ပေါက်နေပါလိမ့်ဟု ကျွန်ုပ်တွေးမိသည်။ ရှင်သန်ရန်ခဲယဉ်းသည့်နေရာ၊ ကျောက်စရစ်လွှမ်းသော ကားလမ်းနှင့်နီးလွန်းသည့်နေရာတွင် ရှင်သန်နေသည့်အပင်ကို ဘုရားသခင်သာ ဖန်ဆင်းပေးနိုင်မည်။ နေကြာပင်လေးက လေးပြေညင်းတွင် ယိမ်းနွဲ့လျက် အလျင်အမြန်သွားလာ နေသည့် ခရီးသွားများကို ရွှင်လန်းစွာ ကြိုဆိုနှုတ်ခွန်းဆက်နေသည်။

ဓမ္မဟောင်းကျမ်းတွင် မထင်မှတ်ဘဲ အံ့ဖွယ်သစ္စာတည်သည့် ယုဒဘုရင် တစ်ပါးအကြောင်း ဖော်ပြထားသည်။ သူ၏ဘိုးတော်နှင့်ခမည်းတော်သည် အခြားတစ်ပါးသောဘုရားကို စိတ်အားကြီးစွာ ကိုးကွယ်ခဲ့သူများ ဖြစ်သည်။ သို့သော် ယောရှိမင်းသည် သူနန်းထိုင်ပြီး "အသက်တော်ငယ်စဉ် နန်းစံ ၈ နှစ် တွင် အဘဒါဝိဒ်၏ဘုရားသခင်ကိုဆည်းကပ်စပြု၏"(၆ ရာ ၃၄:၃)။ ထာဝရ ဘုရား၏အိမ်တော်ကိုပြုပြင်ရန် လုပ်ဆောင်မည့်သူများအား စေလွှတ်ပြီး(:၈) ၎င်းတို့ ဗိမာန်တော်ကိုပြုပြင်စဥ် မောရှေရေးသည့်ပညတ္တိကျမ်း (ဓမ္မဟောင်းမှ ပထမငါးကျမ်း)ကို…

နားထောင်ခြင်းသည် အရေးကြီးသည်

"ရေခဲတောင်ကြီးနဲ့ တိုက်မိပြီ။ အခုချက်ခြင်းလာပါ။" ၎င်းသည် ၁၉၁၂ ခု၊ ဧပြီလ ၁၅ ရက်၊ နံနက် ၁၂:၂၅ နာရီတွင် RMS Carpathia (ခါဖေးသီရာ)သင်္ဘောမှ ကြိုးမဲ့ ဆက်သွယ်ရေးအော်ပရေတာ Harold Cottam (ဟဲရယ်ခေါ်တန်)သည် နှစ်မြှုပ် နေသည့် RMS Titanic (တိုင်တန်းနစ်)သ‌င်္ဘောထံမှရရှိခဲ့သော ပထမဆုံးသတင်း ဖြစ်သည်။ Carpathia သည် အန္တရာယ်တွေ့နေသည့်နေရာသို့ ပထမဆုံးရောက်ရှိ ခဲ့သော သင်္ဘောဖြစ်ပြီး လူပေါင်း ၇၀၆ ဦး၏ အသက်ကို ကယ်တင်ပေးနိုင်ခဲ့သည်။

ရက်အနည်းငယ်အကြာ အမေရိကန်ပြည် အထက်လွှတ်တော်ကြားနာမှုတွင် Carpathia သင်္ဘော၏ကပ္ပတိန် Arthur Rostron (အာသာ ရော့စထရွန်)က "အဖြစ်အပျက်တစ်ခုလုံးဟာ လုံးဝကို ကံကောင်းထောက်မမှုပဲ။... အဲဒီအချိန်မှာ ဒီဝန်ထမ်းဟာ တရားဝင်အလုပ်ချိန်မဟုတ်ဘဲ အခန်းထဲမှာ အင်္ကျီလဲနေရင်း ကြေးနန်းကို ဒီလိုပဲ နားထောင်နေတာ။ ၁၀ မိနစ်အတွင်းမှာ…

ဆုတောင်းချက်၊ မြေမှုန့်နှင့် ကြယ်များ

လာရာနှင့် ဒေ့ဗ်တို့သည် ကလေးအလွန်အမင်းလိုချင်ကြသော်လည်း သူတို့ ကလေးမရနိုင်ကြောင်း ဆရာဝန်ကပြောပါသည်။ လာရာက သူစိတ်ချရသည့် သူငယ်ချင်းတစ်ဉီးအား "ကျွန်မ ဘုရားသခင်နှင့် တကယ်ရိုးသားပွင့်လင်းစွာ စကား ပြောခဲ့တယ်" ဟု အတွင်းစကားဆိုခဲ့သည်။ ထိုသို့ အကြိမ်များစွာ စကားပြောခဲ့ပြီးနောက် သူတို့အသင်းတော်မှ ကလေးမွေးစားခြင်း အမှုတော်အကြောင်း သူတို့အား ဝေမျှပြောပြခဲ့သည့်သင်းအုပ်နှင့် သူတို့စကားပြောဖြစ်သည်။ တစ်နှစ် အကြာတွင် လသားအရွယ် သားယောကျ်ားလေးတစ်ဉီးကို သူတို့မွေးစားခွင့်ရခဲ့သည်။

ကမ္ဘာဉီးကျမ်း အခန်းကြီး ၁၅ တွင် အာဗြဟံနှင့် ဘုရားသခင်ကြားရှိ ရိုးသား ပွင့်လင်းစွာ အပြန်အလှန်စကားပြောဆိုသည့်အကြောင်းကို ဖတ်ရှုရသည်။ ဘုရားသခင်က "အချင်းအာဗြံ၊ မစိုးရိမ်နှင့်။ သင်၏အကျိုးသည် အလွန်ကြီးလှ၏" (:၁)ဟု မိန့်တော်မူသည်။ သို့သော် အာဗြံက သူ့အနာဂတ်နှင့်ပတ်သက်၍ ဘုရားသခင်၏ကတိတော်အပေါ် မသေချာမရေရာဖြစ်လျက် "အရှင်ထာဝရ ဘုရား၊ အကျွန်ုပ်သည် သားမရှိဘဲ သွားရပါ၏။ ... သို့ဖြစ်၍ အဘယ်ဆုကျေးဇူးကို…

ဘုရားသခင်၌ ယုံကြည်ကိုးစားပါ၏

အမေရိကန်တော်လှန်ရေးစစ်ပွဲ အစပိုင်းရက်များတွင် Quebec(ကွီးဘက်)မြို့၌ရှိသည့် ဗြိတိသျှတပ်များကို တိုက်ထုတ်ရန် စစ်ဆင်ရေးအဖွဲ့ကို စေလွှတ်လိုက်သည်။ထိုအဖွဲ့သည် Massachusetts (မက်စက်ချူးဆက်)ပြည်နယ် Newburyport (နယူးဘယ်ရီပို့တ်)မြို့ကို ဖြတ်ကျော်ပြီး ကနေဒါနိုင်ငံသို့သွားသောလမ်းတွင်ရှိသည့် နာမည်ကျော် ဧဝံဂေလိဆရာ George Whitefield (ဂျော့ဂျ်ဝှိုက်ဖီးလ်)၏အုတ်ဂူ သို့သွားရောက်လည်ပတ်ခဲ့သည်။ သူ၏ခေါင်းတလားသည် ပွင့်လျက်ရှိပြီး သူ၏ ဘုန်းတော်ကြီးဝတ်စုံ လည်ပတ်နှင့်လက်ပတ်တို့ကို ဖယ်ရှားထားသည်။ သူ့ဝတ်စံုကို အပိုင်းပိုင်းဆုတ်ဖြဲပြီး အဖွဲ့ဝင်များဆောင်ထားရန် ဝေပေးသည်။ ၎င်းသည် စစ်သည်များအား စစ်အောင်လိမ့်မည်ဟု ယုံမှားစေသည်။

စစ်ဆင်ရေးအဖွဲ့သည် မအောင်မြင်ခဲ့ပါ။ ကျွန်ုပ်တို့လူသားများသည် ဘုရားသခင်နှင့်ဆက်ဆံ‌‌ရေးထက် မိမိကောင်းစားရေးအတွက် ငွေကြေး၊ လူ၏ ခွန်အားအစွမ်း (သို့) ဘာသာရေးဓလေ့ အဆောင်များကိုသာ ပို၍ မှီခိုလိုကြောင်း စစ်သည်များက သက်သေပြနေသည်။ အာရှုရိလူတို့ ကျုးကျော်ခြိမ်းခြောက်လာ စဥ် ဣသရေလလူတို့သည် အပြစ်မှနောင်တရပြီး ဘုရားရှင်ထံလှည့်ပြန်ရမည့် အစား ဖာရောမင်းထံ အကူအညီတောင်းခဲ့သည်။ "ဣသရေလအမျိုး၏သန့်ရှင်း တော်မူသောဘုရား၊ အရှင်ထာဝရဘုရား…

တရားသဖြင့်စီရင်သောဘုရား

Mrs. O’Leary ၏နွားမသည် မြို့နေလူထု ၃ ပုံ ၁ပုံကို အိုးမဲ့အိမ်မဲ့ ဖြစ်စေခဲ့သည့် ၁၈၇၁ ခုနှစ် ချီကာဂိုမြို့မီးလောင်မှုကြီးအတွက် အပြစ်တင်ခံခဲ့ရသည်။ တစ်သုန်သုန်တိုက်ခတ်သည့် လေပြင်းကြောင့် သစ်သားအဆောက်အအုံများကို ၃ ရက်တိုင် မီးလောင်ကျွမ်းခဲ့ပြီး လူ ၃၀၀ နီးပါး အသက်ဆုံးရှုံးခဲ့ကြရသည်။ ၎င်းသည် သမိုင်း တစ်လျှောက်တွင် အကြီးဆုံး အပြစ်တင်ခံရသည့်နွားမ ဖြစ်နိုင်သည်။

နွားက မီးအိမ်ကို တိုက်ချမိပြီး နွားတင်းကုပ်ကို မီးစွဲသွားသောကြောင့် မီးစတင်လောင်ခဲ့သည်ဟု အများက နှစ်ပေါင်းများစွာတိုင် ယုံကြည်ခဲ့ကြသည်။ ၁၂၆ နှစ် အကြာ နောက်ထပ်စုံစမ်းစစ်ဆေးမှုများ ပြီးဆုံးသောအခါ မြို့မီးသတ် ရဲဌာနကော်မတီက နွားမနှင့်သူ့သခင်၌ အပြစ်မရှိကြောင်းဆုံးဖြတ်ခဲ့ပြီး၊ အိမ်နီးချင်းများကို တရားဝင် စုံစမ်းစစ်ဆေးခြင်းများပြုလုပ်ရန် အကြံပြုခဲ့သည်။

တရားမျှတမှုရရန် တစ်ခါတစ်ရံ အချိန်ကြာလေ့ရှိပြီး နှုတ်ကပတ်တော် မှလည်း ထိုအရာသည် မည်မျှခက်ခဲကြောင်းကို ပြောထားသည်။ "အဘယ်မျှ…

တန်သလား (သို့) ထိုက်တန်သလား

ဟယ်လင် ရို့စ်ဗွီရေး (Helen Roseveare) သည် အာဖရိကတိုက်ရှိ ကွန်ဂိုနိုင်ငံ၌ အစေခံသည့် အင်္ဂလိပ်လူမျိုး သာသနာပြုဆရာဝန်တစ်ဉီးဖြစ်ပြီး၊ ၁၉၆၄ ခုနှစ် စင်ဘာတော်လှန်ရေး အတွင်း သူပုန်များ၏ဖမ်းဆီးခြင်းခံခဲ့ရသည်။ အကျဉ်းသား ဘဝ၌ ရိုက်နှက်ခံရပြီး မတရားစော်ကားခံရသဖြင့် သူမခံရသည့် ဆင်းရဲဒုက္ခက ဆိုးဝါးလှသည်။ ထိုကာလနောက်ပိုင်းတွင် "ဒီလိုခံရတာ တန်သလား"ဟု သူ့ကိုယ်သူ မေးခွန်းထုတ်မိသည်။

သခင်ယေရှုနောက်တော် လိုက်လျှောက်ခြင်း၏အဖိုးအခကို ဆင်ခြင်ရင်း၊ ဘုရားရှင် သူမကိုစကားပြောနေကြောင်း သူမသိလာရသည်။ နှစ်များစွာကုန်လွန်ပြီးနောက် "တော်လှန်ပုန်ကန်သည့်ကာလမှာ ဆိုးဝါးတဲ့အခိုက်အတန့်ကြုံလာရပြီး ပေးရတဲ့အဖိုးအခကြီးလေးလိုက်တာလို့ ထင်မိတဲ့အခါ ဘုရားသခင်က 'မေးခွန်းကို ပြင်လိုက်ပါ။ တန်သလားလို့ မမေးဘဲ ငါခံထိုက်သလားလို့ မေးလိုက်ပါ' လို့ ပြောနေသလို ပဲ။ ဆင်းရဲဒုက္ခနာကျင်မှု ခံစားရသည့်တိုင် အဖြေကတော့ အမြဲတမ်းပဲ 'ဟုတ်တယ်၊ ကိုယ်တော်ဟာ ထိုက်တန်သူဖြစ်တယ်'"ဟု အင်တာဗြူးမေးသူကို ဖြေခဲ့သည်။

မည်သို့ပင်ရင်ဆိုင်ကြုံတွေ့ရပါစေ၊ သူမအတွက် အသေခံသည့်တိုင်…

မာကျောသောမြေနှင့် နူးညံ့သောကရုဏာ

ဂျိမ်းစ် အသက် ၆ နှစ်အရွယ်တွင် သူ၏အစ်ကိုဒေးဗစ်သည် နှင်းလျှောစီး စကိတ် မတော်တဆမှုဖြစ်ပြီး ကြေကွဲဖွယ်အသက်ဆုံးရှုံးခဲ့ရသည်။ ဒေးဗစ်၏အသက် ၁၄နှစ် ပြည့်မွေးနေ့မတိုင်မီ မတော်တဆမှုဖြစ်ခဲ့ခြင်းဖြစ်သည်။ ဂျိမ်းစ်သည် အလွန် ပူ‌‌ဆွေးဝမ်းနည်းနေသော သူ့မိခင် မာဂရက်ကို အကောင်းဆုံးနှစ်သိမ့်ပေး ခဲ့သည်။ တစ်ခါတစ်ရံ အမေသည် သားကြီးအရွယ်ရောက်လာလျှင် ကြုံရမည့် စိန်ခေါ်မှုများကို ဘယ်တော့မှရင်ဆိုင်ရတော့မည်မဟုတ်ကြောင်း မိမိကိုယ်ကို သတိပေးမိပြန်သည်။ ထိုအတွေးက ဂျိမ်းစ်ဘာရီ (James Berrie)၏စိတ်ကူးတွင် ဆယ်စုနှစ် တစ်ခု ကြာပြီးနောက် ကလေးများအကြိုက်၊ ဘယ်တော့မှ အသက်မကြီး သည့် ကာတွန်းဇာတ်ကောင် ပီတာပန် ကို သူဖန်တီးရေးသားခဲ့သည်။ လူသွားလမ်း နံဘေးမှ ပန်းပင်လေးသည် ကြိုးစားပွင့်လန်းနိုင်သကဲ့သို့ မထင်ရလောက်အောင် မာကျောသော နာကျင်ခြင်းမြေမှ ကောင်းသောအရာများ ထွက်ပေါ်တတ်သည်။

ခက်ခဲသောအခြေအနေမှ ကောင်းသောအရာကို ဘုရားသခင် ထုတ်ဆောင် ပေးနိုင်ခြင်းမှာ အလွန်အားရသက်သာဖွယ်ဖြစ်သည်။ ဤအချက်ကို လှပစွာ…