ဝတ်ပြုကိုးကွယ်သည့်နေရာ ဘယ်နေရာဖြစ်ဖြစ်
အလွန်အမင်းနာကျင်လျက် မလှုပ်ရှားချင်လောက်အောင် ခေါင်းကိုက်ခြင်းကြောင့်အသင်းတော်ဝတ်ပြုခြင်းအစီအစဉ်ကို ကျွန်မမပါဝင်နိုင်ပါ။ ယုံကြည်သူများနှင့် အတူဝတ်မပြုနိုင်သဖြင့် စိတ်မကောင်းဖြစ်ရင်း အွန်လိုင်းတရားဟောချက်ကို ကြည့်ခဲ့သည်။ ပထမတွင် ခံစားရသမျှကြောင့် မကျေနပ်မှုနှင့် စိတ်ကုန်ရသည့်အထဲ အသံမကြည်၊ ရုပ်မရှင်းမှုကြောင့် အာရုံမစိုက်နိုင်ဖြစ်ခဲ့သည်။ သို့သော် ကျွန်မအကျွမ်းဝင်သည့် ဓမ္မသီချင်းသံထွက်ပေါ်လာရာ၊ သီချင်းလိုက်ဆိုရင်း ကျွန်မ မျက်ရည်များစီးကျလာသည်။ "အကျွန့်နှလုံး၏သခင်သည် ကျွန်ုပ်မျက်မှောက်ပြုရာတည်း။ အခြားမရှိ၊ သခင်သာ ကျွန်ုပ်၏ကယ်တင်ခြင်း။ အကောင်းမြတ်ဆုံး တွေးဆင်ခြင်စရာ၌ နှစ်မျောလျက် နေ့ညမပြတ် နိုးလျက် အိပ်လျက်၊ သခင်၏တည်ရှိမှုသာ ကျွန်ုပ်၏အလင်းပါ။" ဘုရားသခင်၏အစဉ်အမြဲ တည်ရှိမှုကို အာရုံပြုရင်း ဧည့်ခန်းထဲ၌ ကိုယ်တော့်အား ကျွန်မဝတ်ပြုခဲ့သည်။
စုပေါင်းဝတ်ပြုခြင်းသည် အရေးကြီးပြီး လိုအပ်ကြောင်း သမ္မာကျမ်းစာမှ အခိုင်အမာဆိုသော်လည်း (ဟေ ၁၀:၂၅)၊ ဘုရားသခင်ကို ဘုရားကျောင်းအတွင်း ၌သာ ကန့်သတ်ထား၍မရပါ။ ရေတွင်း၌ ရှမာရိအမျိုးသမီးနှင့် အပြန်အလှန် စကားပြောဆိုစဉ် မေရှိယနှင့်ပတ်သက်ပြီး မျှော်လင့်ထားသည့်အရာမှန်သမျှကို သခင်ယေရှု ချေပပြောဆိုခဲ့သည်…
ကျွန်ုပ်တို့ခံစားရကြောင်း ဘုရားရှင်သိသည်
စီအယ်ရာ သည် မူးယစ်ဆေးစွဲနေသည့်သားကြောင့် ၀မ်းနည်းပြီး စိတ်ထိခိုက်ေနေသည်။ "ကျွန်မစိတ်မကောင်းဘူး။ ကျွန်မဆုတောင်းနေတုန်း မငိုဘဲမနေနိုင်တဲ့အတွက် ကျွန်မမှာ ယုံကြည်ခြင်းမရှိဘူးလို့ ဘုရားသခင်ထင်မှာလား" ဟုမေးသည်။
"ဘုရားသခင်ဘာတွေးနေလဲ ကျွန်မမသိဘူး။ ဒါပေမဲ့ ကိုယ်တော်က ခံစားချက်အစစ်အမှန်တွေကို နားလည်တယ်ဆိုတာ ကျွန်မသိတယ်"ဟု ကျွန်မပြန်ဖြေလိုက်သည်။ သူမ၏သားလွတ်မြောက်မှုအတွက် ကျွန်မတို့ တောင်းပန်ဆုတောင်းရင်း စီအယ်ရာ နှင့်အတူ ကျွန်မမျက်ရည်ကျခဲ့ရသည်။
နှုတ်ကပတ်တော်၌ ရုန်းကန်ရချိန်များ၌ ဘုရားသခင်နှင့်နပန်းသတ်ခဲ့သူများ အကြောင်း ဥပမာများစွာ ပါရှိသည်။ ဆာလံကျမ်း အခန်းကြီး ၄၂ ကို ရေးသားသူက အစဥ်အမြဲတန်ခိုးကြီးသည့် ဘုရားသခင်၏တည်ရှိမှုမျက်မှောက်တော်ကို ခံစားရရန် ပြင်းပြသောတောင့်တမှုကို ဖော်ပြထားသည်။ သူ၏မျက်ရည်နှင့် သူသည်းခံနေရသည့် ကြေကွဲမှုကြောင့် စိတ်ဓာတ်ကျမှုတို့ကို သူဝန်ခံခဲ့သည်။ ဘုရားသခင်၏ သစ္စာတည်မှုကို ပြန်လည်ဆင်ခြင်သောအခါ သူ၏အတွင်းစိတ် မတည်ငြိမ်မှုလျော့ကျသွားပြီး ချီးမွမ်းခြင်းများနှင့်ပြည့်လျှံသွားသည်။ သူ၏ 'စိတ်ဝိညာဉ်'ကို အားပေးရင်း ဆာလံဆရာက "ဘုရားသခင်ကို မျှော်လင့်လျက်နေလော့။ ငါ့ကို ကယ်တင်တော်မူသောအရှင်၊ ငါကိုးကွယ်သောဘုရားသခင်၏…
ကောင်းလွန်းလှသောနိဂုံး
ကျွန်မ၏ခင်ပွန်းနှင့်သားသည် သူတို့ကြည့်မည့် ရုပ်ရှင်ကိုရွေးရာ သူတို့အကြိုက် ဇာတ်ကားများ ထုတ်လွှင့်မည်ကို တွေ့ရှိခဲ့သည်။ ဇာတ်သိမ်းခန်းကို ကြိုကြည့် ရခြင်းကလည်း သူတို့ဝါသနာ၊ သို့နှင့် ထိုသို့ဇာတ်ကားရွေးခြင်းက အပျော်တမ်း ဂိမ်းကစားသကဲ့သို့ ဖြစ်လာသည်။ နောက်ဆုံးဇာတ်ကား ၈ ကားကို သူတို့ တွေ့ခဲ့ သည်။ စိတ်ကသိအအောင့်နှင့် "ရုပ်ရှင်တစ်ကားကိုရွေးပြီး အစကနေ ဘာလို့ စမကြည့်တာလဲ" ဟု ကျွန်မမေးရာ ခင်ပွန်းသည်က "ကောင်းလွန်းလှတဲ့ ဇတ်သိမ်းခန်းကို မကြိုက်တဲ့သူ ရှိလားကွာ" ဟု ရယ်လျက် ပြန်ဖြေခဲ့သည်။
ကျွန်မနှစ်သက်သောစာအုပ် (သို့) ရုပ်ရှင်၏ နိဂံုးပိုင်းကို မျှော်တလင့်လင့် ဖြစ်ရကြောင်း ကျွန်မလည်း ဝန်ခံရပါသည်။ ကျမ်းစာဖတ်ရာ၌လည်း ပိုကောင်း ပိုနားလည်လွယ်ပုံရသည့် ကျွန်မကြိုက်သည့်အပိုင်း၊ ဇာတ်လမ်းများကို သဲ့ပြီး ဖတ်ရှုသည်။ သို့သော် ကျွန်မတို့ကို ပြုပြင်ပြောင်းလဲရန်နှင့် သခင်ယေရှုကို ယုံကြည်သူတို့အတွက် ဘုရားသခင်၏ဇာတ်လမ်းသည် ကောင်းစွာအဆုံးသတ် မည်ကို…
လူတိုင်းတိုးဝင်နိုင်သည်
ခရီးသွားဧည့်သည်များသည် Caribbean (ကာရေဘီယံ)ဒေသရှိ သေးငယ်သော Eleuthera (အေလူသရာ)ကျွန်းတွင် လူလုပ်တံတားပေါ်မှ အတ္တလန္တိတ်သမုဒ္ဒရာ ၏ ကြမ်းတမ်းသော နက်ပြာရောင်ရေနှင့် ကာရေဘီယံပင်လယ်၏ တည်ငြိမ်သော စိမ်းပြာရောင်ရေတို့၏ သိသာသောကွာခြားမှုကို ရှုစားနိုင်သည်။ တစ်ချိန်က ပေါင်းမိုး သဏ္ဌာန် သဘာဝကျောက်တုံးအခုံးနေရာကို မုန်တိုင်းများက တိုက်စားသွားသည်။ ယခုအခါ နိုင်ငံတကာမှဧည့်သည်များကို ဆွဲဆောင်နေသော မှန်ပြတင်းတံတား အေလူသရာသည် "ကမ္ဘာ့အကျဥ်းဆုံး လူသွားလမ်း" ဟုလူသိများပါသည်။
သမ္မာကျမ်းစာတွင် "အသက်ရှင်ခြင်းသို့ ရောက်သောလမ်းနှင့်တံခါးသည် အလွန်ကျဥ်းမြောင်းသည်ဖြစ်၍ တွေ့ဝင်သောသူတို့သည် နည်းကြ၏" ဟု ဖော်ပြ ထားပါသည် (မ ၇:၁၄)။ ကျဥ်းမြောင်းသောတံခါးဟု သတ်မှတ်ရခြင်းမှာ ဘုရားသခင် ၏သားတော်သည် သန့်ရှင်းသောဝိညာဥ်တော်၏တန်ခိုးတော်အားဖြင့် အပြစ်သို့ ကျဆင်းသောလူသားများနှင့် ခမည်းတော်ဘုရားတို့ကို ပြန်လည်ပေါင်းစည်းပေးနိုင်သောတစ်ခုတည်းသောတံတား ဖြစ်သောကြောင့်တည်း (:၁၃-၁၄၊ယော ၁၀:၇-၉၊ ၁၆:၁၃)။ သို့သော် လူမျိုးတိုင်း၊ နိုင်ငံတိုင်းနှင့် လူမှုအဆင့်အတန်းမျိုးစုံမှ ယုံကြည်သူ များသည်…
ခရစ်တော်၌ အဖိုးမဖြတ်နိုင်သောဘဝများ
ပျောက်နေသည့်မင်္ဂလာလက်စွပ်နှင့် မင်္ဂလာနှစ်ပတ်လည်လက်စွပ်ကို ထိတ်ထိတ်ပြာပြာနှင့် ကျွန်မရှာရင်း ပါးပြင်ထက်၌ မျက်ရည်များ စီးကျလာသည်။ ထိုင်ခုံကူရှင်ကို လှန်လှော၊ ချောင်ကြိုချောင်ကြားနှင့် တွင်းပေါက်လေး များပါမကျန် တစ်နာရီကြာမျှ ပိုက်စိပ်တိုက်ရှာဖွေခဲ့၏။ အယ်လန်က "စိတ်မကောင်းဘူးကွာ။ တို့ပြန် ဝယ်ကြ မယ်" ဟု ပြောသည်။ "ကျေးဇူးတင်ပါတယ်။ ဒါပေမယ့် ပစ္စည်းတန်ဖိုးထက် ခံစားမှုပိုင်းဆိုင်ရာ တန်ဖိုးထားမှုက သာတယ်။ ခံစားချက်ကို အစားထိုးလို့ မရဘူး" ဟု ကျွန်မ ပြန်ပြောခဲ့သည်။ "ဘုရားရှင်၊ ကျေးဇူးပြုပြီး ပြန်ပြီးရှာတွေ့အောင် ကူမတော်မူပါ" ဟု ကျွန်မ ဆုတောင်းပြီး လက်စွပ်များကို ဆက်ပြီးရှာဖွေခဲ့သည်။
နောက်ပိုင်း ယခုသီတင်းပတ်အတွင်းဝတ်ခဲ့သော အပေါ်ခံအင်္ကျီအိတ်ကိုနှိုက်ကြည့်ရာ တန်ဖိုးမဖြတ်နိုင်သည့် ရတနာများကို ပြန်ရှာတွေ့ခဲ့သဖြင့် "ကျေးဇူးတင် ပါတယ်၊ သခင်ယေရှု"ဟု ကျွန်မ အော်ပြောလိုက်မိသည်။ ကျွန်မတို့ဇနီးမောင်နှံနှစ်ဦး ဝမ်းမြောက်ဝမ်းသာဖြစ်ကာ လက်စွပ်များကို ကျွန်မပြန်စွပ်လိုက်စဥ် ပျောက်သော ဒင်္ဂါး ပုံဥပမာကို…
အမှန်တရားရောနှောသည့် မုသားများ
သမ္မာကျမ်းစာအုပ်ကို ပလ္လင်ပေါ်တွင်တင်လိုက်ပြီး ဆုတောင်းခြင်းဖြင့် ပြင်ဆင်လာသည့် ဒေသနာကို စတင်ဟောကြားရန် စိတ်အားထက်သန်စွာ စောင့်ဆိုင်းနေသော ပရိသတ်မျက်နှာကို ကျွန်မလှမ်းကြည့်လိုက်သည်။ အဘယ်ကြောင့် ကျွန်မ မပြောနိုင်ဖြစ်နေရသနည်း။
"ဟောပြောတဲ့အလုပ်က မင်းနဲ့မတန်ဘူး။ ဘယ်သူမှ မင်းစကားနားထောင်မှာ မဟုတ်၊ အထူးသဖြင့် မင်းနောက်ကြောင်းကို လူတွေသိသွားရင်ပေါ့။ မင်းကို ဘုရားသခင် သုံးမှာမဟုတ်ဘူး။" စသည့်မုသားစကားများကို ကျွန်မအယုံလွယ်၍ ဆယ်နှစ်ကြာမျှ ၎င်းတို့သည် နည်းမျိုးစုံဖြင့် ကျွန်မ၏စိတ်နှလုံးထဲသို့ဝင်ရောက် လောင်မြိုက်ခဲ့သည်။ မမှန်ကြောင်းသိသော်လည်း စိတ်မလုံခြုံခြင်း၊ ကြောက်ရွံ့ခြင်း မှ ကျွန်မ မရုန်းထွက်နိုင်ခဲ့ပါ။ သို့နှင့် ကျွန်မ သမ္မာကျမ်းစာအုပ်ကို ဖွင့်လိုက်သည်။
သုတ္တံကျမ်း ၃၀:၅ သို့ လှန်လိုက်ပြီး ဖြည်းညင်းစွာ အသက်ရှုသွင်းရှုထုတ်ပြုကာ "ဘုရားသခင်၏စကားတော်ရှိသမျှသည် စင်ကြယ်၏။ ခိုလှုံသောသူအပေါင်း တို့၌ ဘုရားသခင်သည် အကွယ်အကာဖြစ်တော်မူ၏" ဟုအသံကျယ်ကျယ်ဖြင့် ဖတ်လိုက်သည်။ ကျွန်မမျက်လုံးကို မှိတ်လိုက်သောအခါ ကျွန်မအား ငြိမ်သက်ခြင်း လွှမ်းခြုံသွားသလိုခံစားရပြီး…
ကြင်နာခြင်းအမွေ
မာသာ သည် မူလတန်းကျောင်းတွင် လက်ထောက်ဆရာမအဖြစ် အနှစ်(၃၀)ကျော် လုပ်ကိုင်ခဲ့သည်။ နှစ်စဥ် သူမသည် နွမ်းပါးသည့်ကျောင်းသူကျောင်းသားများအတွက် ကုတ်အင်္ကျီ၊ လည်စီး၊ လက်အိတ် အသစ်များ ဝယ်ပေးနိုင်ရန် ငွေစုခဲ့သည်။ သွေးကင်ဆာနှင့်တိုက်ပွဲဝင်ရင်း သူမရှုံးနိမ့် ကွယ်လွန်သွားသောအခါ သူမ အတွက် စျာပနအခမ်းအနားကို ကျွန်မတို့ကျင်းပပေးခဲ့သည်။ လူတို့သည် ပန်းများအစား အသစ်စက်စက် ဆောင်းတွင်းကုတ်အင်္ကျီများကို သူမချစ်သော၊ ဆယ်စုနှစ်ချီ၍ သူမထောက်ပံ့ခဲ့သောကလေးများအတွက် ပေးလှူခဲ့သည်။ လူအများက မာသာ သည် အခြားသူကို ကြင်နာသောစကားလုံးများနှင့် အမြော်အမြင်ရှိသော လုပ်ဆောင်ချက်တို့ဖြင့် နှစ်သိမ့်အားပေးခြင်းအကြောင်း များစွာကို ပြောကြသည်။ သူ၏လုပ်ဖော်ဆောင်ဖက်ဆရာမများက ဤလောကမှ သူထွက်ခွာပြီးနောက် သုံးနှစ်တိုင်တိုင် နှစ်ပတ်လည်နေ့တွင် ကုတ်အင်္ကျီများကို စုဆောင်းကောက်ခံခြင်းဖြင့် သူမကိုအောက်မေ့သတိရကြသည်။ သူမ၏ ကြင်နာမှုအမွေသည် လိုအပ်သူများကို ရက်ရောစွာ ကူညီရန် အခြားသူများ အတွက် ယခုတိုင် တွန်းအားဖြစ်စေခဲ့သည်။
တမန်တော်ဝတ္ထု အခန်းကြီး ၉…
မျှော်လင့်လျက်စောင့်ဆိုင်းနေခြင်း
ရက်သတ္တပတ်မျှကြာသည့် ကျွန်မတို့၏အားလပ်ရက်ခရီးစဥ်တွင် စားပွဲထိုးအဖြစ် ဆောင်ရွက်ခဲ့သူ Rogelio (ရိုဂယ်လီရို) က စကားစမြည်ပြောရင်း၊ ယုံကြည်ခြင်းကြီးမားပြီး သနားကြင်နာတတ်သည့်ဇနီး Kaly (ကယ်လီ)အား ကောင်းချီးအဖြစ် သူ့အား ပေးထားသောကြောင့် သခင်ယေရှုကို သူချီးမွမ်းကြောင်း ပြောခဲ့သည်။ သူတို့၏သားဦး ရရှိပြီးနောက် ဒေါင်း (Down)ဝေဒနာသည် တူမလေးကို ကြည့်ရှုစောင့်ရှောက်ရန် ဘုရားရှင်ကလမ်းဖွင့်ပေးခဲ့သည်။ မကြာမီမှာပင် သူ၏ယောက္ခမကို သူတို့အိမ်၌လက်ခံထား၍ ပြုစု စောင့်ရှောက်ပေးရန် လိုအပ်လာပြန်သည်။
Rogelio သည် ရွှင်လန်းစွာဖြင့် အလုပ်လုပ်သလို သူတို့ဘဝတွင် ဘုရားသခင် ယုံကြည်စွာအပ်နှံထားသူများကို ဇနီးသည်က အိမ်မှာနေပြီး သေသေချာချာ ကြည့်ရှုနိုင်ရန်အတွက် တစ်ခါတစ်ရံ အလုပ်ကို နှစ်ဆိုင်းလုပ်ပါသေးသည်။ သူတို့ ဇနီးမောင်နှံ၏ မိသားစုဝင်များကို လိုလိုလားလားနှင့်အိမ်၌လက်ခံပြီး အစေခံပုံကကျွန်မအား ပိုချစ်တတ်လာအောင် စေ့ဆော်ပေးကြောင်း ပြောပြသောအခါ သူက "သူတို့ကိုရော အစ်မကိုပါ အစေခံခွင့်ရလို့ ကျွန်တော်ပျော်ပါတယ်"ဟု ပြောသည်။
Rogelio…
လျှို့ဝှက်စွာပေးကမ်းသူ
ခန္ဓာပိုင်းမသန်စွမ်းသည့် စစ်ပြန်ကြီးခရစ္စတိုဖာ၏ တစ်နေ့တာလှုပ်ရှားမှုလုပ်ငန်း ဆောင်တာများမှာ ကြာလေအခက်တွေ့လေဖြစ်သည်။ အလုပ်လုပ်လျှင် တော်တော်နှင့်မပြီး၊ နာကျင်မှုက တိုးလာသည်။ သည့်တိုင် ဇနီးနှင့်ကလေးတို့ကို အကောင်းဆုံးကြိုးစားပြုစုသည်။ အပတ်စဉ်တိုင်း လက်တွန်းမြက်ရိတ်စက်နှင့် မြက်ရှင်းနေသောသူ့ကို ဖြတ်သွားဖြတ်လာသူတို့ တွေ့နေရသည်။
တစ်နေ့တွင် အမည်မဖော်သူ အလှူရှင်တစ်ဉီးထံမှ စာတစ်စောင်နှင့် စျေးကြီးသည့် မြက်ရိတ်စက်တစ်ခုကို သူလက်ခံရရှိခဲ့ရသည်။ လိုအပ်သူတစ်ဉီးကို ကူညီရန် အခွင့်ရခဲ့ခြင်းအပေါ် လျှို့ဝှက်စွာ ပေးကမ်းသူက ကျေနပ်မှုခံစားခဲ့ရသည်။
ကျွန်ုပ်တို့ကို အမြဲတမ်းလျှို့ဝှက်စွာပေးကမ်းရန် သခင်ယေရှု မမိန့်ကြားသော်လည်း ကျွန်ုပ်တို့ပေးကမ်းရသည့် ရည်ရွယ်ချက်ကိုစစ်ဆေးရန် သတိပေး ပါသည် (မ ၆:၁)။ သင်တို့သည် အလှူဒါနကို ပေးသောအခါ သူတော်ကောင်း ယောင်ဆောင်သူတို့သည် လူအများ အချီးအမွမ်းကို ခံလို၍ ပွဲသဘင်၊ လမ်းခရီး၌ မိမိတို့ရှေ့မှာ တံပိုးခရာမှုတ်စေသည့်နည်းတူ မပြုနှင့် ဟုမိန့်ကြားပါသည် (:၂)။ ကျွန်ုပ်တို့လက်ကိုဖွင့်လျက် စေတနာစိတ်ဖြင့် ပေးလှူရန် ဘုရားရှင်မျှော်လင့်သည့် တစ်ချိန်တည်းမှာပင်…
အသစ်သောအမြင်အာရုံ
ကျွန်မ၏ဘယ်ဘက်မျက်လုံးကို နာကျင်သော အသေးစားခွဲစိတ်မှုပြုလုပ်ပြီးနောက် ဆရာဝန်က အမြင်အာရုံစစ်ဆေးရန် အကြံပြုခဲ့သည်။ စိတ်ချမှုအပြည့်ဖြင့် ညာဘက်မျက်လုံးကိုဖုံးပြီး သင်ပုန်းပေါ်ရှိစာကြောင်းတိုင်းကို လွယ်ကူစွာ ဖတ်ရှု နိုင်ခဲ့သည်။ ဘယ်ဘက်မျက်လုံးကိုဖုံးအုပ်ပြီး ဖတ်ကြည့်သောအခါ ကျွန်မ အသက်ရှူမှားသွားသည်။ မျက်စိမှုန်နေသည်ကို ကျွန်မသတိမထားမိပါလား။
အမြင်အာရုံချိန်ညှိခြင်းနှင့် မျက်မှန်အသစ်ပြုလုပ်နေစဥ်တွင် နေ့စဉ်ကြုံရ သည့် စုံစမ်းခြင်းများက ဝိညာဥ်ရေးရာအဝေးမှုန်ခြင်းကို ဖြစ်ပေါ်စေကြောင်း အတွေးဝင်မိသည်။ အနီးတွင် မြင်နေရသည့် နာကျင်မှုများနှင့် အစဥ်ပြောင်းလဲ နေသည့်အခြေအနေများကိုသာ အာရုံစိုက်ခြင်းက ထာဝရပြောင်းလဲခြင်း မရှိသော ဘုရားရှင်၏သစ္စာတော်ကို မမြင်နိုင်ဖြစ်ရသည်။ ထိုအကန့်အသတ် ရှိသောအမြင်က မျှော်လင့်ခြင်းကို မမြင်နိုင်အောင် မှုန်ဝါးစေသည်။
ဓမ္မရာဇဝင်ပဌမစောင် အခန်းကြီး ၁ တွင် သူမ၏လက်ရှိဒုက္ခ၊ မသေချာ မရေရာမှုကို အာရုံစိုက်နေသဖြင့် ဘုရားသခင်အပေါ် စိတ်ချအားကိုးနိုင်မှုကို အသိအမှတ်မပြုနိုင်သောအမျိုးသမီးတစ်ဦးအကြောင်းကို ပြောပြထားသည်။ ဟန္နသည် ကလေးမရှိသည့်ခံစားချက်နှင့် ခင်ပွန်းဧလကာန၏နောက်မိန်းမ ပေနိန္န၏ညှဥ်းဆဲမှုကို နှစ်များစွာ သည်းခံခဲ့သည်။ ခင်ပွန်း၏…