ဘဝမုန်တိုင်းများအတွက် လမ်းပြမှု

၁၉၉၉ ခုနှစ် ဇူလိုင်လ ၁၆ ရက်တွင် John F. Kennedy Jr. (ဂျွန်အက်ဖ်ကနေဒီ ဂျူနီယာ) မောင်းနှင်လာသော လေယာဥ်ငယ်သည် အတ္တလန္တိတ်သမုဒ္ဒရာထဲသို့ ပျက်ကျခဲ့သည်။ စုံစမ်းစစ်ဆေးသူများက ဤမတော်တဆမှုသည် ဖြစ်လေ့ရှိသည့် Spatial disorientation ချို့ယွင်းချက် (ထောင့်ချိုး၊ အမြင့်နှင့် အမြန်နှုန်းကို မဆံုးဖြတ်နိုင်ခြင်း)ကြောင့်ဟု အတည်ပြုခဲ့ကြသည်။ ရှေ့ကို ရှင်းလင်းစွာ မမြင်ရသော အခါ လေယာဥ်မှူးများသည် လမ်းလွဲသွားကာ ဦးတည်ရာကို အောင်မြင်စွာ ပို့ဆောင် ပေးမည့်ကိရိယာများအပေါ်အမှီပြုရန် မေ့သွားသောအခါ ဖြစ်တတ်သည်။

ဘဝရှင်သန်ရာ၌ မကြာခဏဆိုသလို စိုးရိမ်စရာများ အလွန်အမင်း လွှမ်းမိုး လာသောအခါ စိတ်ရှုပ်ထွေးပြီး လမ်းပျောက်တတ်ကြပါသည်။ ကင်ဆာရောဂါ၊ ချစ်ရသူများ ကွယ်လွန်သွားခြင်း၊ မိတ်ဆွေ၏ သစ္စာဖောက်မှု အစရှိသည့် ဘဝ၏ ထင်မှတ်မထားသော အဖြစ်ဆိုးများကြောင့် ကျွန်ုပ်တို့လမ်းစပျောက်ပြီး ရှုပ်ထွေးမှု များကို ခံစားရပါသည်။

ထိုသို့သော…

စိတ်ချမှုအပြည့်ရှိသောဆုတောင်းချက်

ရစ်ချတ်နှင့် စူစန်တို့သည် ကလေးရရန် နှစ်ပေါင်းများစွာကြိုးစားခဲ့ပြီးနောက် စူစန်ကိုယ်ဝန်လွယ်ရသောအခါ အလွန်၀မ်းမြောက်ခဲ့ကြသည်။ သို့သော် သူမ၏ ကျန်းမာရေးအခြေအနေအရ ကလေးအသက်စိုးရိမ်ရသဖြင့် ဇနီးသည်နှင့် ကလေးအတွက် ရစ်ချတ် ညတိုင်းဆုတောင်းခဲ့သည်။ တစ်ညတွင် ဘုရားသခင်က အရာရာကို ဂရုစိုက်ကာ စောင်မနေမည်ဟု ကတိတော်ရှိသည့်အတွက် ယခုကဲ့သို့ အပူတပြင်းဆုတောင်းရန်မလိုဟု သူခံစားမိသည်။ သို့သော် တစ်ပတ်အကြာတွင် စူစန် ကိုယ်ဝန်ပျက်ကျသွားသည်။ ရစ်ချတ်လည်း ၀မ်းနည်းပက်လက် ဖြစ်ခဲ့ရပြီး ပြင်းထန်စွာဆုမတောင်းခဲ့၍ ကလေးကို ဆုံးရှုံးခဲ့ရလေသလားဟု သူတွေးမိသည်။

ယနေ့ဖတ်ရန်ကျမ်းချက်ကို ပထမဆုံးဖတ်လိုက်သည်နှင့် ပုံဥပမာလေးက ထိုအတွေးကို ဆိုလိုသည်ဟု ထင်မှတ်မိလိမ့်မည်။ ပံုပြင်ထဲ၌ စိတ်ညစ်ရလောက်အောင် ဆက်တိုက် အကူအညီတောင်းနေသောမိတ်ဆွေကြောင့် အိမ်နီးချင်းသည် အိပ်ရာ မှထခဲ့ခြင်းသာဖြစ်သည် (လု ၁၁:၅-၈) (ထိုအိမ်နီးချင်းသည် ဘုရားသခင်ကို ရည်ညွှန်း သည်ဟု တစ်ခါတစ်ရံ ယူဆသည်)။ ကျွန်ုပ်တို့တကျည်ကျည်တောင်းမှ လိုရာများကိုဘုရားသခင်ပေးမည်၊ ကျွန်ုပ်တို့ လုံလောက်စွာကြိုးစားပြီး ဆုမတောင်းလျှင်…

နားထောင်ပြီး သင်ယူပါ။

လမ်းတစ်ဘက်ရှိအိမ်၌ အိမ်ပိုင်ရှင်သည် ကြီးမားသောလင်းယုန်ကြီးပါသည့် အမေရိကန်နိုင်ငံအလံကို သူ၏ခြံဝင်းထဲတွင် စိုက်ထူထားသည်။ ကားဝင်သည့် လမ်းတွင်လည်း ထရပ်ကားကြီးတစ်စီး ရပ်ထားသည်။ ကားဘေး ပြတင်းပေါက်ကို အလံပုံဆေးရောင်ခြယ်ထားပြီး ကားနောက်ဘန်ပါ၌လည်း မျိုးချစ်စိတ်ဓာတ် လှုံ့ဆော်သောစတစ်ကာများက အပြည့်ကပ်ထားသည်။ လမ်းမျက်စောင်းထိုးရှိ အိမ်နီးချင်း၏ခြံဝင်းထဲ၌မူ သတင်းတွင်ပါသော လက်တလော တရားမျှတမှုနှင့် ဆိုင်သော ကြွေးကြော်သံဆောင်ပုဒ်များကို မီးမောင်းထိုးပြသည်။

ထိုအိမ်မှလူများသည် ကမ္ဘာ့ရန်သူလား၊ မိတ်ဆွေလား။ ထိုမိသားစုနှစ်စုလုံး သည် ယုံကြည်သူများရော ဖြစ်နိုင်မလား။ "ခပ်သိမ်းသောသူတို့သည် နားကြား ခြင်းငှာ လျင်မြန်စေ။ စကားပြောခြင်းငှာလည်းကောင်း၊ အမျက်ထွက်ခြင်းငှာ လည်းကောင်း နှေးကြစေ" (ယာ ၁:၁၉) ဆိုသည့်အတိုင်း ကျွန်ုပ်တို့ အသက်ရှင်ရန် ဘုရားသခင် မှာကြားခဲ့သည်။ မကြာခဏဆိုသလို ကျွန်ုပ်တို့သည် ခေါင်းမာစွာနှင့် မိမိထင်မြင်ချက်များကို စွဲကိုင်ထားတတ်ကြပြီး အခြားသူများ၏အတွေးကို ထည့်သွင်းစဥ်းစားရန် ဆန္ဒမရှိကြပေ။ Matthew Henry ၏အနက်ဖွင့်ကျမ်း တွင် "ကျွန်ုပ်တို့သည်…

ဘုရားသခင်ကိုတောင့်တခြင်း

ကော်နာ နှင့် စာရာစမစ် တို့သည် လမ်းမကြီးမှ အထက်ပိုင်း ၅ မိုင်အကွာရှိနေရာသို့ ပြောင်းသွားသောအခါ သူတို့၏ကြောင် စမိုးစ် သည် ထိုနေရာကို မနှစ်သက် ကြောင်း အိမ်မှထွက်ပြေးခြင်းဖြင့် ဖော်ပြခဲ့သည်။ တနေ့တွင် စာရာက သူတို့ယခင် အိမ်ပုံကို လူမှုကွန်ယက်တွင်တွေ့လိုက်ပြီး ဓာတ်ပုံထဲ၌ စမိုးစ် လည်း ပါနေသည်။

ဝမ်းမြောက်ဝမ်းသာစွာဖြင့် စမစ်တို့ဇနီးမောင်နှံသည် ကြောင်လေးကိုပြန်ရှာ တွေ့ခဲ့သည်။ သို့သော် စမိုးစ် သည် တစ်ဖန် ထွက်ပြေးပြန်သည်။ သူဘယ်ကို သွားသနည်း။ ဤတစ်ကြိမ်တွင် ထိုအိမ်ကို ဝယ်လိုက်သည့်မိသားစုက စမိုးစ် လေး ကိုလည်း ဆက်လက် လက်ခံထားရန် သဘောတူခဲ့သည်။ စမိုးစ် လေး "အိမ်"သို့ အမြဲပြန်နေသည့် ရှောင်လွဲမရသည့်ကိစ္စကို စမစ် တို့ မဟန့်တားနိုင်ခဲ့ပါ။

နေဟမိသည် ရှုရှပြည်ရှိ ဘုရင့်နန်းတော်တွင် ရာထူးဂုဏ်ရှိန်မြင့်မြင့်ဖြင့် တာဝန်ထမ်းဆောင်ခဲ့သည်။ သို့သော်…

သခင်ယေရှု ကျွန်ုပ်တို့ကိုပြန်လည်ဖြစ်တည်စေသည်

ဆမ်သည်ဘာအမှားမျှမလုပ်ခဲ့သော်လည်း ကားထုတ်လုပ်တပ်ဆင်သည့်အလုပ်မှ အလုပ်ပြုတ်ခဲ့သည်။ အခြားဌာန၏ပေါ့ဆမှုကြောင့် သူတို့တပ်ဆင်သည့်ကားများ၌ ပြဿနာဖြစ်ခဲ့သည်။ ယာဥ်တိုက်မှုသတင်းများစွာကြောင့် သတိပြုမိသည့် ဝယ်ယူ သူများသည် သူတို့ကုမ္ပဏီထုတ် ကားကို မဝယ်ကြတော့ပါ။ ဆမ်သည် ကုမ္ပဏီမှ လုပ်သားလျော့ချမှုထဲ ပါခဲ့ပြီး ချေးငွေအတွက် သူအာမခံထားသောပစ္စည်းများ ဆုံးရှုံးခဲ့ရသည်။ ၎င်းသည် တရားမျှတမှု မရှိပါ။ ဘယ်တော့မှရှိလာမည်မဟုတ်ပါ။

လောကသို့ ပထမဦးဆုံးသောအပြစ်ဝင်ရောက်ပြီးနောက် ချက်ချင်းဆိုသလို သမိုင်း၏ပထမဦးဆုံးသော အာမခံပျက်စီးသွားခဲ့သည်။ အာဒံနှင့်ဧဝသည် သူတို့ အဝတ်အချည်းစည်းနှင့် ရှက်ရွံ့ခဲ့ရသောကြောင့် ဘုရားသခင်သည် ကရုဏာ အပြည့်ဖြင့် လူလင်မယားဖို့ သားရေဖြင့် ဝတ်လုံကို လုပ်၍ ဝတ်ခြုံ စေတော်မူခဲ့သည် (က ၃:၂၁)။ တွေးကြည့်ယုံနှင့်ပင် နာကျင်ရသည်။ ဧဒင်ဥယျာဥ်ထဲတွင် ဘေးကင်း လုံခြုံခဲ့သော တိရစ္ဆာန်တစ်ကောင် (သို့) အများအပြားသည် ယခုအခါ သတ်ဖြတ် ခံရပြီး အရေဆုတ်ခံရလေပြီ။

နောက်ထပ်ဖြစ်သောအရာများစွာ ရှိသေးသည်။ ဘုရားရှင်သည် ဣသရေလ…