ကြောက်ရွံ့မှုကင်းသော ချစ်ခြင်း
ဓာတ်ပုံအချို့၏ထိရောက်မှုအစွမ်းက ကြီးလှ၍ ၎င်းတို့ကို ဘယ်ခါမှ မမေ့နိုင်ပေ။ ကွယ်လွန်သွားပြီဖြစ်သော ဝေလမင်းသမီးဒိုင်ယာနာ၏ နာမည်ကျော်ဓာတ်ပုံကို ကြည့်စဥ် ကျွန်မထိုသို့ခံစားခဲ့ရသည်။ နွေးထွေးသောအပြုံးနှင့်မင်းသမီးသည် အမည်မဖော်သူတစ်ဦးကို လက်ဆွဲနှုတ်ဆက်နေသည့်ဓာတ်ပုံမှာ ကြည့်ကြည့်ချင်း သာမန်မျှသာဖြစ်သော်လည်း ထိုဓာတ်ပုံ၏ရာဇဝင်က မှတ်သားဖွယ်ဖြစ်သည်။
၁၉၈၇ ခုနှစ်၊ ဧပြီလ ၁၉ ရက်၊ လန်ဒန်မြို့ Middlesex (မစ်ဒယ်စက်)ဆေးရုံသို့ မင်းသမီး ဒိုင်ယာနာ သွားရောက်စဥ်က ယူနိုက်တက်ကင်းဒမ်းနိုင်ငံသည် AIDS ကမ္ဘာ့ကပ်ရောဂါနှင့် ရင်ဆိုင်နေရသည်။ ကြောက်လန့်စရာအမြန်နှုန်းနှင့် အသက်များကို ခြွေယူနေသည့်ရောဂါမှာ မည်သို့ကူးစက်ပျံ့နှံ့သည်ကို မသိကြ၍ ပြည်သူလူထု သည် ထိုအချိန်က AIDSရောဂါသည်များကို လူ့အသိုင်းအဝိုင်းမှ ပစ်ပယ်ထားသည်။
သို့ဖြစ်၍ ဒိုင်ယာနာက လက်အိတ်မပါဘဲ ရိုးသားသည့်အပြုံးဖြင့် AIDS ဝေဒနာရှင်အား တည်ငြိမ်စွာ လက်ဆွဲနှုတ်ဆက်သောအခါ ၄င်းသည် အံ့သြ တုန်လှုပ်ဖွယ် အခိုက်အတန့်ဖြစ်သွားသည်။ လေးစားမှုနှင့်ကြင်နာမှုကို ဖော်ပြသည့် ထိုဓာတ်ပုံက AIDS ဝေဒနာသည်များကို…
ကောင်းတဲ့ပြဿနာ
အမေရိကန်လွတ်တော်အမတ်နှင့် ပြည်သူ့အခွင့်အရေးလှုပ်ရှားမှုခေါင်းဆောင် John Lewis (ဂျွန် လူးဝစ်)သည် ၂၀၂၀ ခုနှစ်တွင် ကွယ်လွန်သွားသည့်အတွက် နိုင်ငံရေးလောကမှလူများ ဝမ်းနည်းပူဆွေးကြသည်။ ၁၉၆၅ ခုနှစ်က လူမည်းနိုင်ငံသားများ မဲပေးခွင့် သေချာစေရေးအတွက် လူးဝစ်သည် မာတင်လူသာ ကင်း ဂျူနီယာ နှင့်အတူ ချီတက်လှုံ့ဆော်ခဲ့သည်။ ချီတက်ပွဲ၌ လူးဝစ်သည် ဦးခေါင်းခွံအက်ခဲ့ပြီး သူ့တစ်ဘဝလုံး အမာရွတ်ဖြစ်ကျန်ခဲ့သည်။ "မမှန်ကန်တဲ့၊ မတရားတဲ့၊ မမျှတတဲ့ အရာတစ်ခုခုကို သင်မြင်တဲ့အခါ လူ့ကျင့်ဝတ်ဝတ္တရားအရ သင်တစ်ခုခုပြောရမယ်။ တစ်ခုခုလုပ်ရမယ်။ ဆူညံပူညံလုပ်ဖို့နဲ့ ကောင်းတဲ့ လိုအပ်တဲ့ ပြဿနာလုပ်ဖို့ ဘယ်တော့မှ၊ ဘယ်ခါမှ မကြောက်နဲ့"ဟု လူးဝစ် ပြောခဲ့သည်။
မှန်ရာကိုလုပ်ရန်၊ သမ္မာတရား၌ သစ္စာတည်ရေးအတွက် "ကောင်းသော" ပြဿနာ ပြုလုပ်ရန် လိုအပ်ကြောင်း လူးဝစ် စောစီးစွာ သင်ယူခဲ့သည်။ လူအများ မနှစ်မြို့သည့်အရာများကို သူပြောရန်လိုအပ်မည်။ ပရောဖက်အာမုတ်သည်လည်း ဤအချက်ကိုသိသည်။ ဣသရေလလူတို့အပြစ်ပြုပြီး…
အရင်ဆုံး ခွင့်လွှတ်
ကျွန်မတို့အချင်းချင်း ကိုယ့်ကိုကိုယ် ‘ခရစ်တော်၌ညီအစ်မ’ဟုခေါ်ကြသော်လည်း ကျွန်မ၏လူဖြူသူငယ်ချင်းနှင့် ကျွန်မတို့သည် ရန်သူသဖွယ် စတင်ပြုမူကြသည်။ တစ်မနက်တွင် မနက်ခင်းကော်ဖီသောက်ရင်း ကျွန်မတို့၏ကွဲပြားသည့် လူမျိုးရေး အမြင်နှင့်ပတ်သက်ပြီး မညှာမတာငြင်းခုံစကားများကြသည်။ ထို့နောက် ကျွန်မတို့ လမ်းခွဲကြပြီး နောက်ထပ်သူနှင့် မျက်နှာချင်းမဆိုင်တော့ဟု စိတ်ဆုံးဖြတ်လိုက် သည်။ သို့သော် တစ်နှစ်ကြာပြီးနောက် ကျွန်မတို့နှစ်ဦးကို သာသနာလုပ်ငန်း တစ်ခုက အလုပ်ခန့်ကာ ဌာနတစ်ခုတည်း၌ အလုပ်လုပ်ကြရသဖြင့် မပတ်သက်ဘဲ နေ၍မရတော့ပါ။ ပထမ၌ ရှိုးတိုးရှိုးတန်းနှင့် ပဋိပက္ခအကြောင်းများပြောဖြစ်သည်။ ထို့နောက် အချိန်ကြာလာသည်နှင့်အမျှ တစ်ဦးနှင့်တစ်ဦး အပြန်အလှန်တောင်းပန် နိုင်အောင်၊ နာကျင်မှုကိုကုစားပေးလျက် သာသနာလုပ်ငန်းတွင် အကောင်းဆုံး အစေခံနိုင်အောင် ဘုရားသခင် မစခဲ့သည်။
ဘုရားသခင်သည် ဧသောနှင့်သူ၏အမွှာညီအစ်ကို ယာကုပ်တို့၏ ခါးသီး သည့် ကွဲကွာမှုကိုလည်းကုစားပေးခဲ့သည်။ တစ်ချိန်က အကြံသမားယာကုပ်သည် အဘ၏ကောင်းချီးကို ဧသောထံမှလုယူခဲ့သည်။ သို့သော် နှစ်ပေါင်း ၂၀ အကြာ တွင် ဘုရားသခင်က…
တစ်ဖန်ပြန်ထနိုင်ပြီ
အိုလံပစ်အပြေးအားကစားသား Ryan Hall (ရိုင်ယန်ဟော)သည် အမေရိကန် နိုင်ငံ မာရသွန် အကွာအဝေးတစ်ဝက် အပြေးပြိုင်ပွဲ၏စံချိန်သစ်ပိုင်ရှင် ဖြစ်သည်။ အကွာအဝေး ၁၃.၁ မိုင် (၂၁ ကီလိုမီတာ) ကို မှတ်သားဖွယ် ၅၉ မိနစ် ၄၃ စက္ကန့် ဖြင့် ပန်းဝင်ခဲ့သဖြင့် အပြေးပြိုင်ပွဲကို တစ်နာရီအောက် စံချိန်ဖြင့် ပြေးနိုင်သူ၊ ပထမဦးဆုံး အမေရိကန် အပြေးသမား ဖြစ်လာခဲ့သည်။ စံချိန်တင်နိုင်သည့် အောင်မြင်မှုအတွက် အောင်ပွဲခံစဉ်မှာပင် ပြိုင်ပွဲကိုအဆုံးထိမပြေးနိုင်သည့် အရှုံးသမားဟုလည်း သူ့ကိုသိကြသည်။
အောင်မြင်မှုနှင့် ဆုံးရှုံးမှုနှစ်မျိုးလုံးကို မြည်းစမ်းခဲ့ရသည့် Ryan သည် သူ့အားခံရပ်နိုင်စွမ်းပေးသည့် သခင်ယေရှု၌ ယုံကြည်ခြင်းစိတ်ကို ဆက်လက်စွဲကိုင်ခဲ့သည်။ သူနှစ်သက်သောကျမ်းပိုဒ်အနက် တစ်ပုဒ်မှာ "ဖြောင့်မတ်သောသူသည် ခုနစ်ကြိမ် လဲသော်လည်း ထပြန်လိမ့်မည်" ဟူသော သုတ္တံကျမ်းမှ ခွန်အားပေးသည့် သတိပေးချက် ဖြစ်သည် (၂၄:၁၆)။ ဘုရားသခင်ကို ကိုးစားပြီး…
ကြီးမြတ်ခြင်း
အင်္ဂလန်မြောက်ပိုင်း၌ Cuthbert (ခါ့ဗက်ထ်)သည် လူအများ၏မေတ္တာခံယူရသူဖြစ်သည်။ သူသည် ၁၇ ရာစုအတွင်း ဒေသအတော်များများ၌ ဧဝံဂေလိတရားဝေငှခြင်း ကဏ္ဍ၌ တာဝန်ရှိသူဖြစ်ပြီး တော်ဝင်မျိုးနွယ်များကို အကြံပေးဆွေးနွေးခြင်းနှင့် တိုင်းပြည်အရေးကိုလည်း သြဇာလွှမ်းမိုးသူဖြစ်သည်။ သူသေဆုံးပြီးနောက်ပိုင်း သူ့အားဂုဏ်ပြုသောအားဖြင့် Durham (ဒါရမ်)မြို့ကို တည်ခဲ့သည်။ သို့သော် Cuthbert ချန်ခဲ့သောအမွေအနှစ်မှာ ဤအရာများထက်သာလွန်ပါသည်။
မြောက်ပိုင်းဒေသ၌ ပုလိပ်ကပ်ရောဂါဖြစ်ပွားချိန်တွင် Cuthbert သည် ရောဂါဘေးသင့်သည့်မြို့များရှိ လူတို့ကို သွားရောက်အားပေးနှစ်သိမ့်ခဲ့သည်။ ရွာတစ်ရွာမှထွက်ပြီး ခရီးဆက်ကာနီးတွင် ကလေးငယ်တစ်ဉီးကို ပွေ့ဖက်ထားသည့် မိခင်တစ်ဦးအတွက် ဆုတောင်းပေးရန် ကျန်နေသေးကြောင်းတွေ့ရသည်။ သူမသည် သားတစ်ဦးကိုဆုံးရှုံးခဲ့ရပြီး ယခုချီထားသည့် ကလေးမှာလည်း သေလုနီးပါးဖြစ်နေ သည်။ Cuthbert သည် အဖျားတက်နေသည့်ကလေးလက်ကို ဆုပ်ကိုင် ဆုတောင်းပေးပြီး သူ့နဖူးကိုနမ်းလိုက်ကာ မိခင်အား "မစိုးရိမ်ပါနဲ့။ နောက်ထပ် မင်းရဲ့အိမ်သားတွေ မသေတော့ပါဘူး" ဟုပြောလိုက်သည်။ ထိုသားလေးမှာ အသက်ရှင်ခဲ့သည်။
တစ်ချိန်က ရှင်ယေရှုသည်…
