အားနည်းမှုသည် ခွန်အားဖြစ်သောအခါဝယ်

သခင်ယေရှုကို အစေခံခြင်းကြောင့် ဒရူး ထောင် (၂) နှစ် ကျခဲ့သည်။ သာသနာပြု များ အကျဥ်းချခံရစဥ် အမြဲဝမ်းမြောက်ကြောင်းကို သူဖတ်ဖူးသည်။ သို့သော် သူကထို့ကဲ့သို့ မခံစားရကြောင်း၊ သူ့အတွက် ဒုက္ခခံမည့်သူကို ဘုရားသခင် လူရွေးမှားပြီဟု သူက သူ့မိန်းမအား ဆိုသည်။ သူ့မိန်းမက “မဟုတ်ဘူး။ ဘုရားသခင် လူရွေးတာမှန်တယ်လို့ ထင်တယ်။ ဒါမတော်တဆ မဟုတ်ဘူး” ဟုဆိုသည်။

ယုဒပြည်အား သူတို့၏ဒုစရိုက်မှုများအတွက် ဘုရားသခင်အပြစ်ပေးမည်ဟုသတိပေးလျက် ဘုရားသခင်အား သစ္စာရှိစွာအစေခံခဲ့သော ပရောဖက်ယေရမိကို ဒရူးစာနာနိုင်ပေလိမ့်မည်။ ဘုရားသခင်ပြင်ဆင်သောဘေးဒဏ် မကျရောက်သေးချိန်တွင် ယုဒပြည်ခေါင်းဆောင်တို့သည် ယေရမိအား ရိုက်နှက်ပြီး ထိပ်တုံးခတ်ထား သည်။ ယေရမိက “ကိုယ်တော်သည် အကျွန်ုပ်ကို သွေးဆောင်(လှည့်ဖြား)တော်မူသည်” ( :၇) ဟု ဘုရားသခင်အား အပြစ်တင်ခဲ့သည်။ ဘုရားသခင်သည် သူမိန့်မှာသည့်အတိုင်း မလုပ်ဟု ယေရမိမှတ်ယူခဲ့သည်။ “ထာဝရဘုရား၏ နှုတ်ကပတ်တော်သည် အကျွန်ုပ်၌…

ကြက်ဆင်များထံမှ ထွက်ပြေးခြင်း

တောလမ်းထဲတွင် ကျွန်တော်ပြေးနေစဉ် ရှေ့၌ ကြက်ဆင်ရိုင်း (၂) ကောင်ရှိနေ သည်။ မည်မျှနီးနီး အနားကပ်နိုင်မည်နည်းဟု ကျွန်တော်တွေးရင်း ပြေးနေရာမှ အရှိန်လျော့ကာ လမ်းလျှောက်လိုက်ပြီး လုံးဝရပ်တန့်လိုက်သည်။ အလုပ်ဖြစ်ပါသည်။ ကြက်ဆင်များက ကျွန်တော့်အနီးသို့ တိုးလာကြသည်။ သို့သော် ခဏချင်းတွင်ပင် ကျွန်တော့် ခါးနှင့်ခါးအနောက်ဘက်ကို ထိုးဆိတ်ကြတော့သည်။ နှုတ်သီးများက ချွန်လှပါပေ့။ ကျွန်တော်ထွက်ပြေးရတော့သည်။ ၎င်းတို့လက်မလျှော့မီအထိ ကျွန်တော့်နောက်သို့ ယက်ကန် ယက်ကန်ဖြင့် လိုက်ကြသေးသည်။

သူတို့က ချက်ချင်းအရေးသာသွားခြင်းပါ။ ကြက်ဆင်များက လက်ဦးမှုရယူသောအခါ မုဆိုးသည် သားကောင်ဖြစ်သွားသည်။ သူတို့သည် ထုံအသောကြောင့် ကျွန်တော်ခြောက်လှန့်လျှင်ပင် ကြောက်သွားမည်ဟု ကျွန်တော်မိုက်မဲစွာ တွေးမိပါသေးသည်။ လက်လွတ်စပယ် အနာတရအဖြစ် မခံနိုင်သောကြောင့် ကြက်ဆင်များလက်မှ ကျွန်တော်ပြေးခဲ့ပါသည်။

ဒါဝိဒ်သည် အန္တရာယ်ရှိပုံမပေါ်သောကြောင့် ဂေါလျက်က သူ့နားလာရန်မထီမဲ့မြင်ပြောပါသည်။ သူက “လာခဲ့။ သင့်အသားကို မိုးကောင်းကင်ငှက်နှင့် တောသားရဲတို့အား ငါပေးမည်” (၁ ရာ…

ဘုရားသခင်၏နှုတ်ကပတ်တော်တန်ခိုး

စတီဖန်သည် အလားအလာကောင်းသော လူရွှင်တော်ဖြစ်ပြီး အသုံးအဖြုန်းလည်းကြီးသည်။ သူသည် ခရစ်ယာန်မိသားစုတွင် ကြီးပြင်းခဲ့ပြီး၊ သူ့အဖေနှင့်အစ်ကို နှစ်ဦးမှာ လေယာဉ်ပျက်ကျပြီး ဆုံးပါးသွားသည့်နောက် သူ့စိတ်၌ သံသယများခိုဝင်ခဲ့သည်။ အသက် (၂၀) အစောပိုင်း၌ သူ့ယုံကြည်ခြင်း ပျက်ပြားခဲ့သည်။ သို့သော် တစ်ညတွင် အမေရိကန်နိုင်ငံ၊ ချီကာဂိုမြို့၏ အေးစက်သောလမ်းများပေါ်တွင် ယုံကြည်ခြင်းကို ပြန်လည်တွေ့ရှိခဲ့သည်။ သူစိမ်းတစ်ဦးက သူ့အား အိတ်ဆောင် ဓမ္မသစ်ကျမ်းစာအုပ်ကိုပေးခဲ့ပြီး စတီဖန်သည် စာရွက်များကို လှန်လှောကြည့်ရာ ရှင်မဿဲခရစ်ဝင် ၆:၂၇-၃၄ ကို ဖတ်ရှုသင့်ကြောင်း အညွှန်းတွင် ဖော်ပြထားသည်။

စတီဖန်သည် ထိုကျမ်းချက်ကို လှန်ဖတ်ရာ၊ နှုတ်ထွက်စကားတော်များသည် သူ၏နှလုံးသား၌ တောက်လောင်လာသည်။ “ချက်ချင်းပဲ ကျွန်တော့်မျက်နှာ လင်းလက်သွားတယ်။ အအေးထဲ လမ်းထောင့်လေးမှာ ကျွန်တော်ရပ်ပြီး အဲ့ဒီဒေသနာကိုဖတ်နေခဲ့တာ။ ကျွန်တော့်ဘဝက အရင်လို မဟုတ်တော့ဘူး။ လုံးဝပြောင်းလဲသွားတယ်”ဟု သူပြန်ပြောင်းပြောခဲ့သည်။

၎င်းသည် နှုတ်ကပတ်တော်၏တန်ခိုးပင်။ သမ္မာကျမ်းစာသည် အသက်ရှင်သည့်အတွက်…

လူသားအချင်းချင်းကို လိုအပ်သောလူသား

ထင်ပေါ်ကျော်ဇောသည့် အားကစားသတင်းဆောင်းပါးရှင် Dave Kindred (ဒေ့ဗ် ကင်းဒြက်)သည် အထင်ကရအားကစားပွဲစဉ်များ၊ ချန်ပီယံများ၏မှတ်တမ်းများကို ရာနှင့်ချီ၍ မှတ်တမ်းပြုစုထားသူဖြစ်ပြီး မိုဟာမက်အလီ၏အတ္ထုပ္ပတ္တိကို ရေးသား ပြုစုသူလည်းဖြစ်သည်။ ထိုအလုပ်မှ သူအနားယူပြီးနောက် အလုပ်မရှိသဖြင့် ပျင်းပျင်းနှင့် ဒေသခံကျောင်းတစ်ကျောင်း၏ မိန်းကလေးဘတ်စကက်ဘောပြိုင်ပွဲသို့ သွားရောက်ကြည့်ရှုခဲ့သည်။ မကြာမီ ထိုပြိုင်ပွဲတစ်ခုစီအကြောင်းကို သူရေးသား ပြုစုပြီး အွန်လိုင်းပေါ်၌ မျှဝေခဲ့သည်။ ထို့နောက် သူ့မိခင်နှင့်မြေးယောင်္ကျားလေး ဆုံးပါးသွားပြီး သူ့ဇနီးလည်း လေဖြတ်၍ချိနဲ့နေစဉ် သူရေးနေသည့် အားကစားအသင်းသည် သူ့ကို စည်းလုံးသောအသိုင်းအဝိုင်းနှင့် ရည်ရွယ်ချက်ရှိသောအသက်တာကို သိမြင်ခံစားစေခဲ့သည်။ သူတို့ သူ့ကိုလိုအပ်သကဲ့သို့ သူကလည်း သူတို့ကို လိုအပ်ခဲ့သည်။ “ဒီအသင်းအဖွဲ့က ကျွန်တော့်ကို ကယ်ခဲ့တယ်။ ကျွန်တော့်ဘဝက မှောင်မိုက်အတိဖြစ်ချိန်မှာ သူတို့က အလင်းဖြစ်တယ်”ဟု ကင်းဒြက် ပြောခဲ့သည်။

အဘယ့်ကြောင့် အထင်ကရဆောင်းပါးရှင်က လူငယ်အဖွဲ့၏စုစည်းမှုအပေါ် အမှီပြုခဲ့ရသနည်း။ ထိုနည်းတူ အထင်ကရဖြစ်သည့် တမန်တော်တစ်ဦးက သူ၏ သာသနာခရီးစဉ်များတွင်…

ပုံပြင်ကောင်းတစ်ပုဒ်

မိုက်ကယ်သည် ကျောက်ပုဇွန်ငုပ်နေစဥ် ဝေလငါးကြီးအဟပ်ခံရပြီး ငါးပါးစပ်ထဲရောက်သွားသည်။ သူသည် အမှောင်ထဲ၌ သူ့ကိုညှစ်ထားသည့် ငါးကြီး၏ ကြွက်သားများကို နောက်ပြန်တွန်းထုတ်ရုန်းခဲ့သည်။ သူ့ကိုယ်သူ သေပြီဟုပင်ထင်ခဲ့သည်။ သို့သော် ဝေလငါးကြီးက ပုဇွန်ငုပ်သမားကို မကြိုက်ပုံရသည်။ စက္ကန့် (၃၀) အတွင်း ငါးကြီးက သူ့ကို လေထဲသို့ ထွေးထုတ်လိုက်သည်။ မိုက်ကယ်သည် အရိုးတစ်ချောင်းမျှ မကျိုးမပဲ့ခဲ့ခြင်းက အံ့သြစရာဖြစ်သည်။ သူ၌ ကြီးမားသော ပွန်းပဲ့ရာများသာ ရှိခဲ့ပြီး သူ့အတွေ့အကြံုက ပုံပြင်ကောင်းတစ်ပုဒ် ဖြစ်သွားခဲ့သည်။

မိုက်ကယ်၏အဖြစ်က ပထမဆုံးအဖြစ် မဟုတ်ပါ။ ယောနကိုလည်း ‘ငါးကြီးတစ်ကောင်’က မျိုချခဲ့ပြီး၊ သူ့ကို ပြန်မအန်ထုတ်မီ ငါးကြီးဝမ်း၌ သူ (၃) ရက်နေခဲ့ရသည် (၁:၁၇၊ ၂:၁၀)။ မိုက်ကယ်ကဲ့သို့ မတော်တဆ ငါးအဟပ်ခံရခြင်း မဟုတ်ပါ။ ယောနသည် ဣသရေလလူမျိုး၏ရန်သူများကို မုန်းတီးပြီး သူတို့ကို နောင်တမရစေချင်ပါ။ နိနဝေမြို့၌ သတိပေးစကားပြောရန် ဘုရားသခင်…

နာကျင်ခံစားရသည့် သိခြင်းဝေဒနာ

ဇက်ခ်အယ်လ်ဒါနှင့်သူငယ်ချင်းများသည် အမေရိကန်နိုင်ငံရှိ Grand Canyon (ဂရန်းကင်ယွန်) ချောက်ကြီးကိုဖြတ်၍ (၂၅)ရက်ကြာ ဖောင်စီးခရီးနှင်ခဲ့ပြီး ကမ်းကပ်ခဲ့ကြသည်။ ဖောင်ပြန်သိမ်းရန်ရောက်လာသူက ကိုဗစ်-၁၉ ရောဂါအကြောင်း ပြောပြသောအခါ သူရယ်စရာပြောနေခြင်းဟု သူတို့ထင်ခဲ့ကြသည်။ သို့သော် ထိုနေရာမှထွက်ခွာလာသောအခါ သူတို့ဖုန်းထဲသို့ မိဘများပို့လာသည့် အရေးတကြီးသတင်းများ ဝင်လာသည်။ ဇက်ခ်နှင့်သူငယ်ချင်းတို့ ကြက်သေသေသွားသည်။ ယခုသိထားသောသတင်းကို လွှဲရှောင်ရန် သူတို့လာလမ်းဖြစ်သော မြစ်ဆီသို့ပြန်သွားနိုင်လျှင် အကောင်းသားဟု သူတို့တောင့်တမိသည်။

ယိုယွင်းပျက်စီးသောကမ္ဘာ၌ အသိပညာက နာကျင်မှုကို မကြာခဏ ယူဆောင်လာတတ်သည်။ အမြော်အမြင်ရှိသော ဒေသနာကျမ်းဆရာက “ပညာများလျှင်၊ ငြိုငြင်စရာအကြောင်းများ၏။ သိပ္ပံအတတ်တိုးပွားသောသူသည် ဝမ်းနည်းခြင်း တိုးပွားတတ်၏” (၁:၁၈)ဟု တွေ့ရှိနားလည်ခဲ့သည်။ ဘာမှမသိ၊ အပူအပင်မရှိဘဲ ပျော်ရွှင်စရာကောင်းသောကလေးဘဝကို အားမကျသူ မည်သူရှိသနည်း။ လူမျိုးရေးခွဲခြားမှု၊ အကြမ်းဖက်မှုနှင့် ကင်ဆာရောဂါအကြောင်းများ သူမသိသေး ပါ။ ကျွန်ုပ်တို့အရွယ်မရောက်မီ၊ မိမိတို့၏အားနည်းချက်များနှင့် အကျင့်ဆိုးများကို ပိုင်းခြား၍ မသိမြင်လာမီက၊ ဦးလေးဘာကြောင့် အရက်…

အနာပျောက်ကင်းသည့်ပမာ အသက်ရှင်ခြင်း

အိန္ဒိယပြည်မှ ညီအစ်မနှစ်ယောက်သည် မွေးစကပင် အမြင်ကွယ်ခဲ့သည်။ သူတို့၏ ဖခင်မှာ တာဝန်အကျေဆုံးသောဖခင် ဖြစ်လင့်ကစား သူ့သမီးနှစ်ယောက်အတွက် မျက်စိအလင်းပေးနိုင်မည့် ခွဲစိတ်ခ မတတ်နိုင်ခဲ့ပါ။ သို့သော် သူတို့နေထိုင်ရာဒေသသို့ ယာယီစီမံချက်ဖြင့် ကွင်းဆင်းဆရာဝန်တစ်ဖွဲ့ ရောက်ရှိလာသည်။ ခွဲစိတ်မှုအပြီး နောက်တစ်နေ့မနက်တွင် သူနာပြုဆရာမက ပတ်တီးဖြေပေးရာ၊ ကလေးမလေးနှစ်ဦး၏မျက်နှာ၌ အပြုံးပန်းများဝေနေသည်။ တစ်ဦးကမူ “အမေ၊ ကျွန်မမြင်ရပြီ၊ ကျွန်မမြင်နိုင်ပြီ” ဟု ဝမ်းသာအားရအော်လိုက်သည်။

မွေးစကပင် ခြေမသန်စွမ်းသူတစ်ဦးသည်လည်း ဗိမာန်တော်အဝ သူထိုင်နေကျ နေရာလေး၌ မလှုပ်မယှက်ထိုင်ရင်း တောင်းစားနေခဲ့သည်။ ရှင်ပေတရုက “ငါ၌ရွှေငွေမရှိ။ ရှိသည့်အရာကို သင့်အားပေးမည်။ နာဇရက်မြို့သား ယေရှုခရစ်၏ နာမတော်အားဖြင့် ထ၍လှမ်းသွားလော့” (တ ၃:၆)ဟု ဆိုသည်။ ထိုလူသည် “ရုတ်တရက်ထ၍ မတ်တပ်ရပ်ပြီးလျှင် လှမ်းသွားလေ၏။ သွားလျက်၊ ခုန်လျက်၊ ဘုရားသခင်ကိုချီးမွမ်းလျက်၊ တမန်တော်တို့နှင့်အတူ ဗိမာန်တော်သို့ ဝင်လေ၏” (:၈)။

မျက်မမြင် ညီအစ်မနှစ်ဉီးနှင့်…

အခြားသူများထံ၌ ရင်းနှီးမြှုပ်နှံခြင်း

စီးပွားရေးလုပ်ငန်းကြီးတစ်ခုက ၎င်း၏ထုတ်ကုန်များအနက် ပစ္စည်း (၁၀)ခု ဝယ်ယူတိုင်း မိုင် (၁၀၀၀)စာ လေကြောင်းခရီးသွားခွင့်ရမည်ဟု ကမ်းလှမ်းသောအခါ ၎င်း၏ဈေးအပေါဆုံးထုတ်ကုန်မှာ ချောကလက်ပူတင်းခွက်လေးများဖြစ်ကြောင်း လူတစ်ဦးက တွေးမိသွားသည်။ သူသည် ပူတင်းခွက်ပေါင်း (၁၂၀၀၀)ကျော်ကိုဝယ်ယူခဲ့သည်။ ဒေါ်လာ (၃၀၀၀)ဖြင့် သူသည် ရွှေဖောက်သည်အဆင့်နှင့်တကွ သူနှင့်သူမိသားစုအတွက် တစ်သက်စာလုံလောက်သည့် လေကြောင်းခရီးမိုင်များ ရရှိခဲ့သည်။ သူသည် ပူတင်းများကိုလှူခဲ့ပြီး ထိုသို့လှူခဲ့ခြင်းကြောင့် အခွန်ဆောင် ရမည့်အထဲမှ ဒေါ်လာ (၈၀၀)ကင်းလွတ်ခွင့်ရခဲ့ပြန်သည်။ ဉာဏ်ကြီးရှင်ပင်။

ယေရှုသည်အငြင်းပွားဖွယ်ရာ ပုံဥပမာကိုပြောပြပါသည်။ ဉာဏ်နီဉာဏ်နက်များသော ဘဏ္ဍာစိုးသည် အလုပ်ဖြုတ်ခံရသောအခါ သူ့သခင်ထံ၌ အကြွေးတင်နေသူတို့၏အကြွေးစာရင်းကို လျှော့ချပေးခဲ့သည်။ သူတို့အား ယခုပေးသောအကူအညီကြောင့် နောင်တွင် သူတို့ကို အမှီပြုနိုင်မည်ဟု သူသိသည်။ ဘဏ္ဍာစိုး၏ ကျင့်ဝတ်မညီသော အလုပ်လုပ်ပုံကို သခင်ယေရှုချီးမွမ်းခြင်း မဟုတ်ပါ။ ထိုသူ၏ စဥ်းစားဉာဏ်ကို ကျွန်ုပ်တို့သင်ခန်းစာယူစရာရှိကြောင်း သခင်သိသည်။ ပါးနပ်လိမ္မာစွာ “လောကီစည်းစိမ်ချမ်းသာအားဖြင့် မိတ်ဆွေများရအောင်ပြု”ပြီး၊ “ထိုစည်းစိမ်ချမ်းသာကုန်ဆုံးသောအခါ သင်တို့အား…

မိခင်ကဲ့သို့ ချစ်ပါ

ကမ္ဘာ့စီးပွားပျက်ကပ်ဆိုက်သည့် ကာလအတွင်း ကြီးပြင်းလာခဲ့ရပုံအကြောင်းကို Juanita (ဝါနီတာ)က သူ့တူအား ပြောပြသည်။ ဆင်းရဲလှသည့်သူတို့မိသားစု၌ စားစရာမှာ ပန်းသီးနှင့် အဖေအမဲလိုက်၍ရသည့် ဟင်းစားမျှသာရှိသည်။ ညစာစားချိန်၌ အမေ့အား ရှဉ့်ခေါင်းတောင်းစားတိုင်း အမေက “ရှဉ့်ခေါင်းကို အမေပဲစားမယ်။ အမေအစားချင်ဆုံးက ခေါင်းပဲ၊ ရှဉ့်တစ်ကောင်လုံးမှာ ခေါင်းက အကောင်းဆုံးပဲ” ဟု ပြောသည်။ နှစ်ပေါင်းများစွာကြာမှ ရှဉ့်ခေါင်း၌ မည်သည့်အသားမျှ မရှိကြောင်း ဝါနီတာ သိခဲ့သည်။ အမေက ရှဉ့်ခေါင်းကို မစားပါ။ သူ့အတွက် မထည့်တွက်ဘဲ “ဒေါ်လေးတို့တွေ များများစားအောင် အဖွားက ရှဉ့်ခေါင်းကောင်းတဲ့ပုံ ဟန်ဆောင်ခဲ့တာပဲဖြစ်တယ်” ဟုရှင်းပြသည်။

မနက်ဖြန် မိခင်များနေ့ကို ဆင်နွဲသောအခါ အမေများ၏အဖြစ်အပျက်ကို ပြန်ပြောင်းပြောကြပါစို့။ မိခင်များအတွက် ဘုရားသခင်ကို ကျေးဇူးတင်ပြီး မိခင်ကဲ့သို့ ချစ်နိုင်အောင် ကြိုးစားကြပါစို့။

“နို့ထိန်းသည် မိမိသူငယ်ကို ကျွေးမွေးပြုစုသကဲ့သို့” (၁ သက် ၂:၇) ရှင်ပေါလုသည်…

မုသာ၏အဘ

ဗစ်တာသည် ညစ်ညမ်းဗီဒီယိုများကို တဖြည်းဖြည်းစွဲလာသည်။ သူ့သူငယ်ချင်း အများစုကလည်း ကြည့်ကြပြီး သူကပါ ကြည့်ဖြစ်သွားသည်။ ၄င်းသည် လုံးဝမှားယွင်းကြောင်း၊ ဘုရားသခင်အား ပြစ်မှားရာရောက်ကြောင်း သူသဘောပေါက်လာသည်။ သူ့မိန်းမလည်း ကြေကွဲခံစားနေရသည်။ နောက်ထပ် မကြည့်ရန် သူ့အသက်တာကို ကွယ်ကာရန် သူသန္နိဌာန်ချလိုက်သည်။ သို့သော် အရမ်းနောက်ကျနေပြီလားဟု သူစိတ်ပူမိသည်။ ‘သူ့အိမ်ထောင်ရေးကို အဖတ်ဆည်၍ ရပါဦးမည်လား။ သူလွတ်မြောက်ပါမည်လား။ အကြွင်းမဲ့အပြစ်လွှတ်ခံရမည်လား။’

ကျွန်ုပ်တို့၏ရန်သူဖြစ်သော မာရ်နတ်သည် ဖြားယောင်းသွေးဆောင်မှုကို “လူတိုင်းလုပ်နေတာပဲ။ ဘာမှမဖြစ်ပါဘူး”ဟု အရေးမကြီးသကဲ့သို့ ပုံဖမ်းပြတတ်သည်။ သို့သော် ကျွန်ုပ်တို့ သူ့ထောင်ချောက်မိသွားသည်နှင့် “အရမ်းနောက်ကျသွားပြီ၊ မင်းလွန်သွားပြီ။ မင်းအခုမျှော်လင့်ချက်မရှိတော့ဘူး” ဟု သူက အချိုးပြောင်းတော့သည်။

ကျွန်ုပ်တို့ကို ဝိညာဥ်ရေးဆိုင်ရာတိုက်ပွဲ၌ ဖျက်ဆီးနိုင်ရန် ရန်သူသည် ဘာမဆို ပြောလိမ့်မည်။ ရှင်ယေရှုက “မာရ်နတ်သည် ရှေ့ဦးစွာမှစ၍ လူ့အသက်ကို သတ်သောသူဖြစ်၏။ သူ၌ သစ္စာတရားမရှိသောကြောင့် သစ္စာတရား၌ မတည်မနေ။ သူသည်…