မျက်ရည်များနှင့် မျှော်လင့်ချက်

သခင်ယေရှု ယေရုရှလင်မြို့သို့ အောင်ပွဲခံဝင်ရောက်ခြင်းကို ဂုဏ်ပြုသည့် သံလွင်ခက် တနင်္ဂနွေနေ့က Mary Edwar(မေရီအက်ဒွါ)အတွက် နက်ရှိုင်းစွာနာကျင်ခံစားရချိန် ဖြစ်လာခဲ့သည်။ ဝတ်ပြုပြီးနောက် သူမနှင့်ခင်ပွန်းKareem (ကာရီမ်)တို့ လက်ချင်းချိတ်ကာ ဘုရားကျောင်းမှထွက်လာချိန်တွင် ဗုံးပေါက်ကွဲပြီး၊ ကာရီမ် သေဆုံးကာ၊ မေရီမှာ ဒဏ်ရာရပြီး ကိုယ်ဝန်ပျက်ကျခဲ့သည်။

နေပြန်ကောင်းလာချိန်တွင် သူမ၏ခင်ပွန်းနှင့်ကလေးအတွက် ပူဆွေးရင်း မေရီ အလွန်ဒေါသထွက်ခဲ့သည်။ သို့သော် သမ္မာကျမ်းစာဖတ်ရှုခြင်းက “သူမအတွင်းရှိ မီးတောင်”ကို ငြိမ်းစေခဲ့သည်။ အထူးသဖြင့် ဤအဖြစ်ဆိုးကို အဘယ့်ကြောင့် ဘုရားရှင်ခွင့်ပြုသည်ကို နားမလည်နိုင်ဘဲ ရုန်းကန်နေချိန်တွင် “မိုးကောင်းကင်သည် မြေကြီးထက်သာ၍ မြင့်သကဲ့သို့၊ ငါ၏အကျင့်သည် သင်တို့၏အကျင့်ထက် သာ၍ မြင့်၏”ဟူသည့် (ဟေရှာ ၅၅:၉)က သူ့ကို ထောက်မခဲ့သည်။ “သူ့ကို မချီးမြှောက်သည့်အချိန်၌ပင် ဘုရားသခင်သည် ကျေးဇူးတော်ကို တိုး၍ပေးသည်ကို သူမနားလည်လာသောအခါ ဝိညာဉ်တော်အားဖြင့် သူမ သက်သာရာရခဲ့သည်။
မနာခံသောလူမျိုးတော်အတွက် ဘုရားသခင်ထံမှလာသည့် ဟေရှာယ၏ သတင်းစကားကို…

ဘုရား၏ကတိတော်များအတိုင်း ဆုတောင်းခြင်း

ပိုက်ကျိုးနေသည်ကို ပြင်နေ၍ လက်ဆေးရေစင်အောက်၌ ခေါင်းထိုးထားရင်းမှ “မရဘူး။ သမီးရေကန်ကို မသွားရဘူး”ဟု ကျွန်ုပ်ပြောလိုက်သည်။ “သမီး အိမ်အလုပ်တွေပြီးရင် သွားရမယ်လို့ ဖေဖေ ကတိပေးထားတယ်လေ”ဟု သမီးက ပြန်ပြောသည်။ ပိုက်ပြင်ရင်း အလုပ်ရှုပ်နေသဖြင့် ကိုယ်ပြောခဲ့သည့်စကားကို ကိုယ်မေ့ပြီး၊ ကိုယ့်ကတိကိုယ် မေ့နေခဲ့သည်။

သမီးက ကျွန်ုပ်ကို သတိပေးသကဲ့သို့ ဆာလံဆရာလည်း ဘုရားသခင်အား သူ၏ကတိတော်များကို သတိပေးခဲ့သည်။ “အကျွန်ုပ်မျှော်လင့်စရာအကြောင်း၊ ကိုယ်တော်၏ကျွန်၌ ထားတော်မူသော နှုတ်ကပတ်တော်ကို အောက်မေ့တော်မူပါ”ဟု သူရေးခဲ့သည်(ဆာ ၁၁၉:၄၉)။ ကျွန်ုပ်တို့ပိုင်ဆိုင်ထားသည့် ကောင်းကင်ဘုံရှင်အဘသည် အာရုံပျံ့လွင့်ပြီး မေ့လျော့တတ်သောဘုရား မဟုတ်သည့်အတွက် ကျေးဇူးတင်စရာပင်။ ကိုယ်တော်သည် ကောင်းမြတ်သောဖခင်ဖြစ်သည်ကို သိမှတ်လျက်၊ မိမိ၏နာကျင်မှုများ၊ ပြဿနာများ၊ စိတ်ပျက်အားငယ်မှုများနှင့် သာမက ယုံကြည်စိတ်ချမှုဖြင့် ကိုယ်တော်ထံ ချဉ်းကပ်နိုင်သည်။ “ဗျာဒိတ်တော် အားဖြင့် အကျွန်ုပ်အသက်ရှင်သည်ဖြစ်၍ ဆင်းရဲကိုခံရစဉ်တွင် ထိုနှုတ်ကပတ်တော်သည် အကျွန်ုပ်သက်သာစရာအကြောင်း ဖြစ်ပါ၏” (:၅၀)။

သူမေ့လျော့ခြင်းကြောင့်…

အသေးစိတ်ဂရုစိုက်တော်မူသော ဘုရားသခင်

ကျွန်မ၏တူမသည် မယ်သစ်လွင်ကောလိပ်ကျောင်းသူဖြစ်ပြီး ကျောင်းစာများ၊ နေရာအသစ်နှင့် အသားကျအောင် လုပ်နေရသဖြင့် အလုပ်များနေသည်။ လတ်တလောတွင် လုံခြုံရေးပြဿနာများကြောင့် ယာဉ်ဝင်ခွင့်လက်မှတ် လျှောက်ထားရန် လိုလာသည်။ ဤကိစ္စက သူမ၏ရှည်လျားလှသော လုပ်ဆောင်ရန်စာရင်းတွင် နောက်ထပ်အလုပ်တစ်ခု ထပ်တိုးလာမည်ဖြစ်၍ ကူညီရန် ကျွန်မကမ်းလှမ်းခဲ့သည်။ ကျောင်းရုံးခန်း၌ ကျွန်မမိနစ်အနည်းငယ်သာ ကြာခဲ့၍ သူမအံ့ဩသွားပြီး “ကျေးဇူးတင်ပါတယ်”ဟု သူမ ပြောခဲ့သည်။

ရိုးရှင်းပုံရသော ဤကိစ္စအတွက် ရုံးနှင့်ချိတ်ဆက်ဆောင်ရွက်ကာ၊ လျှောက်လွှာ၌ အမှားပြင်၊ မမျှော်လင့်ထားသောစာရွက်စာတမ်းများကို သွားယူ စသည်ဖြင့် နေ့တစ်ဝက်နီးပါး အချိန်ကုန်ခဲ့ခြင်းတို့ကို သူမ မသိပါ။ သို့သော် သူမကို ဤအကြောင်းများ မပြောခဲ့ဘဲ၊ “ရပါတယ်”ဟုသာ ပြောလိုက်သည်။

ချစ်ခြင်းမေတ္တာသည် အသေးစိတ်အချက်အလက်များကို အလေးထားသည်။ တူမလေးကို ကူညီသည့်ကိစ္စတွင် သူမသိလိုက်သော အသေးစိတ်ကိစ္စများကို ဂရုစိုက်ပေးခြင်းသည်ပင် ချစ်ခြင်းမေတ္တာဖြစ်သည်။ ဣသရေလလူမျိုးတို့ တောကန္တာရတွင် နေထိုင်စဉ် သူတို့၏အဝတ်အစားနှင့် ဖိနပ်များဟူသည့် အသေးအမွှားဟုထင်ရသော အသေးစိတ်ကိစ္စနှစ်ခု၌…

ခရစ်တော်အားဖြင့် အဓိပ္ပာယ်ဖွင့်ဆိုခြင်း

လွန်ခဲ့သောနှစ်အတန်ကြာက အနုပညာရှင် Michael Landy(မိုက်ကယ်လန်ဒီ)သည် သူပိုင်သောပစ္စည်းအားလုံးကို စာရင်းပြုစုရာတွင် ပစ္စည်းပေါင်း ၇,၂၂၇ ခု ရှိကြောင်း တွေ့ရှိခဲ့သည်။ ထို့နောက် သူလုပ်ခဲ့သည့်အရာက အံ့ဩစရာပါ။ လန်ဒန်မြို့၏ အစည်ကားဆုံးဈေးဝယ်ဧရိယာတွင် စက်ရုံတစ်ခုတည်ပြီး၊ လူအများရှေ့၌ သူပိုင်ဆိုင်သည့် အရာအားလုံးကို ဖျက်ဆီးပစ်ခဲ့သည်။ အဝတ်အစား၊ အနုပညာလက်ရာများ၊ ချစ်ရေးချစ်ရာစာများနှင့် သူ၏ကားကိုပင် ချိုးဖျက်ကာ ကြိတ်စက်ထဲ ပစ်ထည့်ခဲ့သည်။ အနီးအနားရှိ ကုန်တိုက်နှင့်ဆိုင်များ၌ စျေးဝယ်သူများ ဝင်ထွက်သွားလာနေချိန်တွင် လန်ဒီက “မိမိ၏ပိုင်ဆိုင်မှုများမရှိဘဲ ကျွန်ုပ်တို့သည် မည်သူများဖြစ်ကြသနည်း”ဟုမေးပြီး၊ ဖျော်ဖြေမှုများ တင်ဆက်ခဲ့သည်။

ဤမေးခွန်းသည် အရေးကြီးသည်။ အကြောင်းမှာ ကျွန်ုပ်တို့အများစုသည် မိမိကိုယ်ကို အဓိပ္ပာယ်ဖွင့်ဆိုရန် (သို့) မိမိတို့၏အနာဂတ်ကို လုံခြုံစေရန် ပစ္စည်းများကို ဝယ်ယူကြသောကြောင့် ဖြစ်သည်။ စည်းစိမ်များကို သိုလှောင်၍ ပစ္စည်းဝယ်သူတို့၏ပုံစံအတိုင်း အသက်ရှင်သူတစ်ဦးကို ဥပမာပေး၍ သခင်ယေရှု မိန့်ကြားရာ၊ ထိုသူသည် သူ့ကိုယ်ကိုယ် “အချင်းဝိညာဉ်၊…

ယေရှုခရစ်၌ တစ်လုံးတစ်ဝတည်းဖြစ်ခြင်း

နွေရာသီနှင့်ဆောင်းရာသီ အိုလံပစ်ပြိုင်ပွဲများသို့ လူငယ်သတင်းထောက်တစ်ဦးအဖြစ် သွားရောက်ခဲ့ရချိန်၌ ပြိုင်ပွဲများကို ကြည့်ရှုပြီး အားကစားသမားများနှင့် တွေ့ဆုံရခြင်းဟူသည့် ကျွန်မ၏အိပ်မက် အမှန်ဖြစ်လာခဲ့သည်။ ကမ္ဘာတစ်ဝန်းမှ မတူညီသောဘာသာစကားများ ပြောဆိုနေသူများ၊ ၎င်းတို့၏နိုင်ငံအသီးသီးအား ဂုဏ်ပြုသည်ကို ကြည့်ရှုရင်း ကျွန်မနှစ်သက်ကြည်နူးခဲ့သည်။

ဆယ်ကျော်သက်အရွယ်ကပင် အိုလံပစ်ပြိုင်ပွဲများကို ကျွန်မစိတ်ဝင်စားခဲ့ပြီး၊ ၎င်းသည် စွဲလမ်းမှုတစ်ခုဖြစ်လာခဲ့သည်။ သို့နှင့် နွေရာသီအိုလံပစ်ပြိုင်ပွဲတစ်ခု၌ ရောက်ရှိသတင်းယူနေစဥ် ဘုရားသခင်၏နောက်တော်သို့လိုက်ရန် ဆုံးဖြတ်ခဲ့ပြီးနောက် အားကစားဟူသည့် စွဲလမ်းမှုကို စွန့်လွှတ်ရန် ဘုရားသခင်တောင်းဆို သည်ဟု ခံစားခဲ့ရသည်။ သို့သော် ကျွန်မသည် နိုင်ငံများကို ချစ်မြတ်နိုးဆဲ၊ အိုလံပစ်ပြိုင်ပွဲများ ကြည့်ရခြင်းကို နှစ်သက်နေဆဲပါ။ သို့ငြားလည်း၊ မတူညီသော နောက်ခံများနှင့် နိုင်ငံအသီးသီးမှလူတို့ ဘုရင်တကာတို့၏ဘုရင်အား ဆုတောင်းလျက် ကိုးကွယ်ဝတ်ပြုရန် အသင်းတော်ဝတ်ပြုကိုးကွယ်ခြင်းအစီအစဥ် (သို့) ဆုတောင်းပွဲသို့ စုရုံးလာချိန်တွင် အမှန်ပင် ကျွန်မစိတ်လှုပ်ရှားခဲ့ရပြီး၊ ၎င်းသည် ကောင်းကင်နိုင်ငံ၏ချိုမြိန်သောအရသာကို ကမ္ဘာမြေ၌ မြည်းစမ်းရခြင်းပင်(ဗျာ ၇:၉)။

ခရစ်တော်၌ မိမိမည်သူမည်ဝါဖြစ်ကြောင်း…

ဘုရားသခင်အတူပါရှိမှုကို သတိပေးသည့်အရာ

ကယ်လီဖိုးနီးယားပြည်နယ်ရှိ “ယောရှုသစ်ပင်အမျိုးသားဥယျာဉ်”၌ တောင်တက် ခရီးထွက်စဉ် ကောင်းကင်သို့ လက်မြှောက်သည့်ပုံစံဖြင့် အထက်သို့ရွယ်နေသော ပိန်လှီသည့် အကိုင်းအခက်များနှင့် ထူးခြားသော သစ်ပင်များကို ကျွန်မတို့မြင်တွေ့ခဲ့ပြီး ၎င်းတို့ကို စိတ်ဝင်စားမိခဲ့သည်။ ယောရှုမှတ်စာတွင် ဘုရားသခင် အတူပါရှိမှုနှင့် ကူညီမစမှု၏လက္ခဏာအဖြစ် ယောရှုသည် လှံတံကို မြှောက်ထားခဲ့သည့် ဓမ္မဟောင်းကျမ်းဇာတ်လမ်းကို အမှတ်ရလျက်၊ ထိုဒေသသို့ ကနဦးဝင်‌ရောက်အခြေချသူများက ဤသစ်ပင်ကို “ယောရှုသစ်ပင်”ဟု အမည်ပေးခဲ့သည်ဟု လူများစွာက ယုံကြည်ကြသည်။

ခါနာန်ပြည်သို့ ဝင်ရောက်ပြီးနောက် ဣသရေလလူမျိုးတို့သည် စစ်ပွဲ၌ ဘုရားသခင်၏မစမှုကို လိုအပ်ခဲ့သည်။ ၎င်းတို့၏အပြစ်ကြောင့် အာဣမြို့စစ်ပွဲတွင် ရှုံးနိမ့်ခဲ့ပြီးနောက် (ယောရှု ၇:၁၁-၁၂)၊ သူတို့သည် ထိုမြို့ကို ထပ်မံတိုက်ခိုက်ရန် ကြောက်ရွံ့ခဲ့ပုံရသည်။ သို့သော် ဘုရားသခင်က ယောရှုအား “မကြောက်နှင့်၊ စိတ်မပျက်နှင့်” ဟု ခွန်အားပေးခဲ့သည် (၈:၁)။ ထို့နောက် “သင်ကိုင်သောလှံကို အာဣမြို့သို့ ရွယ်လော့။ ထိုမြို့ကို သင့်လက်သို့ ငါအပ်မည်”ဟု…

သစ္စာရှိသော ဘဏ္ဍာစိုးများ

၂၀၂၄ ခုနှစ် မတ်လ၌ အမေရိကန်လေကြောင်းကုမ္ပဏီတစ်ခုသည် ဖက်ဒရယ်လေကြောင်းစီမံခန့်ခွဲမှုဌာန (Federal Aviation Administration)၏ ဘေးကင်း လုံခြုံရေးစစ်ဆေးမှုကို မအောင်မြင်ခဲ့ပေ။ လေယာဉ်ပေါ်ရှိ တံခါးတစ်ချပ်ကွဲထွက်သွားသောကြောင့် လေယာဉ်အတွင်း၌ အန္တရာယ်ကြီးမားသော လေဖိအား ကျဆင်းမှုဖြစ်ပေါ်ခဲ့ခြင်းအပါအဝင် ဘေးကင်းလုံခြုံရေးဆိုင်ရာ မတော်တဆ ဖြစ်ရပ်များစွာဖြစ်ပွားပြီး နောက်ပိုင်းတွင် ဤသို့စစ်ဆေးမှုကို ပြုလုပ်ခဲ့ခြင်း ဖြစ်သည်။ ကုမ္ပဏီမှ ပြောရေးဆိုခွင့်ရှိသူတစ်ဦးက ဝန်ထမ်းများ လိုက်နာရမည့် ညွှန်ကြားချက်များသည် နားလည်ရန်ခက်ခဲပြီး၊ မကြာခဏ ပြောင်းလဲခြင်းကြောင့် ရလဒ်အနေဖြင့် သူတို့သည် သတ်မှတ်ထားသော လုပ်ထုံးလုပ်နည်းများကို သစ္စာရှိရှိ လိုက်နာမှုမရှိခဲ့ကြောင်း ဝန်ခံခဲ့သည်။

ရှင်ပေါလုသည် ကောရိန္သုအသင်းတော်အား သူနှင့် အခြားခေါင်းဆောင်များကို သစ္စာရှိပြီး အတည်ပြုခံရသော “ခရစ်တော်၏ အစေအပါးများ”အဖြစ် ရှုမြင်သင့်သည်ဟု ပြောကြားခဲ့ပြီး၊ သူသည် ဘုရားသခင်အတွက် ဘဏ္ဍာစိုးအဖြစ် “ယုံကြည်အပ်နှံခံရသူ”ဖြစ်ကြောင်း ကြေညာခဲ့သည် (၁ ကော ၄:၁-၂)။ ရှင်ပေါလု၏ ခေတ်ကာလက ဘဏ္ဍာစိုးများသည်…

ကျွန်ုပ်အစ်မ၏ ဘုရားသခင်

ခရစ်ယာန်ဘာသာကို လက်မခံသောနိုင်ငံတစ်ခု၌ ခရစ်တော်ကို Amina(အမီနာ)ယုံကြည်လက်ခံခဲ့ပြီး၊ သူမ၏မောင်အား သူ၏ယုံကြည်ခြင်းအသစ်အကြောင်း မျှဝေပြောခဲ့သော်လည်း မောင်ဖြစ်သူက လက်မခံခဲ့ပေ။ ထို့နောက် သူမ၏မောင်သည် အန္တရာယ်ရှိသော အဆုတ်ရောဂါကူးစက်ခံခဲ့ရပြီး၊ ဆေးရုံအမှောင်ခန်း၌ တစ်ယောက် တည်း အသက်ရှုနိုင်ရန် ရုန်းကန်နေခဲ့ရသည်။ သူသည် သခင်ယေရှုကို ဘုရားသခင်၏ သားတော်အဖြစ်ဝန်ခံရန် အဆင်သင့်မဖြစ်သေးသလို (တစ်ယောက်ယောက် ကြားမှာလည်းစိုးသဖြင့်) ခရစ်တော်၏နာမကို ကျယ်လောင်စွာ ခေါ်ရန်လည်း ကြောက်သည်။ ထို့ကြောင့် သူက “အစ်မရဲ့ဘုရား၊ကျွန်တော့်ကို အခုကူညီပါ”ဟု စိန်ခေါ်ခဲ့သည်။ ရုတ်တရက် သူသည် အသက်ရှုရလွယ်ကူလာပြီး သူ့အခန်းသည်လည်း ထူးခြားစွာ ထွန်းလင်းလာခဲ့သည်။ ထိုနေ့မှစ၍ သခင်ယေရှုကို သူ ယုံကြည်ခဲ့သည်။

ကမ္ဘာဦးကျမ်းတွင် အာဗြဟံ၏ကျွန်သည် သခင်၏သားအတွက် ဇနီး‌လောင်း ရှာဖွေရန် ခရီးထွက်ခဲ့သည်။ ပထမဆုံး သူသည် “သူ၏သခင် အာဗြဟံ၏ ဘုရားသခင် ထာဝရဘုရား”ထံ ဆုတောင်းခဲ့သည် (၂၄:၁၂)။ အဘယ့်ကြောင့်နည်း။ ဘုရားသခင်က…

သခင်ယေရှုအတွက် ပူဇော်သက္ကာ

ဗစ်တိုးရီးယားခေတ်မှ ကဗျာဆရာမ Christina Rosetti(ခရစ္စတီးနားရိုဆက်တီ)၏ “A Better Resurrection” “ပိုမိုကောင်းမွန်သောရှင်ပြန်ထမြောက်ခြင်း”ဟူသည့် နာကျင်ဆွတ်ပျံ့ဖွယ် ကဗျာတစ်ပုဒ်၌ “မျက်လုံးများကို ပင့်မျှော်ကြည့်လည်း ဝမ်းနည်းမှုဖြင့် မှုန်ဝါးနေ၍၊ ထာဝရတည်သောတောင်တန်းများကို မမြင်ပြီ”။ ...“မည်သည့်မျှော်လင့်ချက်၊ ကြောက်ရွံ့မှုကိုမှ မခံစားမိဘဲ ထုံထိုင်းလျက်”ဟူ၍ မျှော်လင့်ချက်မဲ့စွာ ခံစားရချိန်၌ မျှော်လင့်ခြင်းကို ကြိုးစားရှာဖွေကြောင်း ရေးသားခဲ့သည်။ သို့သော် ရိုဆက်တီသည် သူမ၏စိတ်ပျက်ဖွယ် ခံစားချက်ထက် ပိုမိုနက်ရှိုင်းသော မျှော်လင့်ချက်၌ ခိုင်မြဲစွာ ရပ်တည်ခဲ့သည်။ ခရစ်တော်၏ ရှင်ပြန်ထမြောက်ခြင်းကို ပြညွှန်သည့် “ဖူးပွင့်စပန်းနှင့် စိမ်းလန်းမှု”တို့က သူမ၏ ဘဝကို ပြန်လည်အသစ်ဖြစ်စေသည်ဟု မခံစားရသော်လည်း “အသက်တာအသစ်ဖြင့် ထမြောက်လိမ့်မည်”ဟု ဝန်ခံလျက် “အိုသခင်ယေရှု၊ ကျွန်ုပ်အတွင်း၌ ထမြောက်တော်မူပါ”ဟု ဆုတောင်းခဲ့သည်။

ရှင်ပေါလုကလည်း ကောရိန္သုသြဝါဒစာဒုတိယစောင်၌ “... အသက်မလွတ်နိုင်ဟုထင်ရ၍ မခံနိုင်အောင် အတိုင်းထက်အလွန်လေးသော ဆင်းရဲဒုက္ခခံရကြောင်း”ကို ဖော်ပြခဲ့သည်(၁:၈)။ သို့သော် “သေသောသူတို့ကို ထမြောက်စေတော်မူသော…

စိတ်ပျက်ခြင်းများအလွန်

အမြဲတမ်းအောင်မြင်ထင်ရှားသည့်ဂန္တဝင်သီချင်း “The Wreck of the Edmund Fitzgerald” နှင့် “If You Could Read My Mind”ကဲ့သို့ပင် ကနေဒါနိုင်ငံမှ တေးရေး၊ တေးဆို Gordon Lightfoot(ဂေါဒန်လိုက်ဖု)သည် နာမည်ကျော်ကြားသည်။ သို့သော် သူရေးစပ်သည့် “The Minstrel of the Dawn” သီချင်းမှာ အနည်းငယ်သာ နာမည်ကြီးသည်။ (Minstrel သည် ပြင်သစ်နယ်လှည့်စာဆိုဖြစ်ပြီး ကဗျာကို ဂီတအဖြစ်ပြောင်းကာသီဆိုသူဖြစ်သည်။)လိုက်ဖု၏သီချင်းမှ ဂီတစာဆိုသည် ကျွန်ုပ်တို့ကဲ့သို့ပင် “ဆင်းရဲပင်ပန်းမှုထက် ပျော်ရွှင်မှု”ကိုသာ ပို၍တောင့်တမျှော်လင့်သည်။ စိုးရိမ်စရာ၊ ဝမ်းနည်းစရာများက အစဥ်ရှိသော်လည်း၊ ထိုဂီတစာဆိုသည် နေ့သစ်ရောက်လာချိန်တွင် ပျော်ရွှင်စရာများကို အာရုံစိုက်ရန် ဆုံးဖြတ်ခဲ့ပြင်ပီး၊ ထိုအရာများကို သီချင်းလုပ်ဆိုပါသည်။

ဆာလံဆရာဒါဝိဒ်ကလည်း “နံနက်ယံ၌ ကရုဏာတော်ကို ရွှင်လန်းစွာ သီချင်းဆိုပါမည်”(ဆာ ၅၉:၁၆)ဟု အလားတူ စာသားကို ရေးသားခဲ့သည်။ ဒါဝိဒ်၌…