ချီးမွမ်းကြပါစို့

နေ့စဉ် နေ့လည် ၃:၁၆နာရီအချိန်တွင် ဖုန်းမှသတိပေးသံမြည်လျှင် ရှယ်လီသည် ချီးမွမ်းခြင်းအမှုကိုပြုရန် ခေတ္တအချိန်ပေးသည်။ ဘုရားသခင်ကို ကျေးဇူးတင်လျက် သူ၏ကောင်းမြတ်ခြင်းကို သိမှတ်ဝန်ခံသည်။ တစ်နေ့လုံး ဘုရားသခင်နှင့် မိတ်သဟာယပြုသော်လည်း ထိုခဏတာအချိန်ကို သတ်သတ်မှတ်မှတ် ထားရှိ ခြင်းဖြင့် ကိုယ်တော်နှင့်ပို၍နီးကပ်အကျွမ်းဝင်စေသည်ဟုသူခံစားရသည်။

သူမ၏ဆက်ကပ်မှုကို အားကျ၍ ကျွန်လည်းအချိန်တစ်ချိန်ကိုသတ်မှတ်ပြီး ကားတိုင်ပေါ်တွင်အသက်ပေးခဲ့သော သခင်ခရစ်တော်၏အနစ်နာခံခြင်းကို ကျေးဇူး တင်လျက် ကယ်တင်ခြင်းမရသေးသူများအတွက် ဆုတောင်းပေးသည်။ ထိုကဲ့သို့ပင်သခင်ယေရှုကိုယုံကြည်သူများသည် ကိုယ့်နည်းကိုယ့်ဟန်ဖြင့် ခေတ္တခဏရပ်လျက် ကိုယ်တော်ကို ချီးမွမ်းကြမည်ဆိုပါက မည်မျှအံ့သြဘွယ်ကောင်းလိမ့်မည်နည်း။

လူအပေါင်းတို့၏ဝတ်ပြုခြင်းသည် လှိုင်းလုံးသဖွယ်ကြီးမားစွာ ကမ္ဘာအဆုံးစွန်းတိုင် အောင် ရိုက်ခတ်မြည်ဟီးနေမည်ကို ၆၇ ခု မြောက်သောဆာလံတွင် ပုံဖော်ထားပါသည်။ ဘုရားရှင်၏နာမတော်သည် လူမျိုးမျိုးတို့အပေါ်တွင် ကြီးမြတ်စေမည်အကြောင်း ဘုရားသခင်၏ကျေးဇူးတော်ကိုပေးသနားရန် ဆာလံဆရာ အသနားခံ တောင်းလျှောက်ခဲ့သည် (:၁-၂)။ “အိုဘုရားသခင်၊ လူများတို့သည် ကိုယ်တော်ကို ချီးမွမ်းကြပါစေသော။ လူများ အပေါင်းတို့သည် ကိုယ်တော်ကို ချီးမွမ်းကြပါစေသော” ဟုသီဆိုခဲ့သည်(:၃)။…

ရေကိုလျှောက်သွားသောအခါ

“The Free State of Jones” ရုပ်ရှင်ဇာတ်လမ်းသည် အမေရိကန်ပြည်တွင်းစစ် ကာလ၌ မြင်းစီးသူရဲ နယူတန်၊ တောင်ပိုင်းခွဲထွက်ရေးဝါဒီစစ်ပြေးများနှင့် တပ်ပေါင်းစုကို အားပေးကူညီသည့်ကျွန်များအကြောင်းဖြစ်ပြီး စစ်ပြီးသောအခါ ကျွန်များသည် ကျွန်ပိုင်ရှင်များကို ဆန့်ကျင်သည့် ရုပ်ရှင်ဇာတ်ကားတစ်ခုဖြစ်သည်။ မြင်းစီးသူရဲကောင်းများစွာ ရှိသော်လည်း တပ်ပေါင်းစုမှထွက်ပြေးလာသော နယူတန် အား ကျွန်နှစ်ဦးက ကယ်တင် ခဲ့သည်။ ထိုကျွန်နှစ်ဦးသည် သူ့အားလူသူကင်းမဲ့သော ရေဖုံးလွှမ်းသည့်ရွံ့နွံမြေသို့ သယ်ဆောင်လာပြီး ခြေထောက်ဒဏ်ရာကို ဆေးကုသပေးသည်။ သူတို့သာ ပစ်ထားခဲ့လျှင် သူအသက်ရှင်နိုင်မည် မဟုတ်။

ယုဒလူမျိုးများသည် ရန်သူများနှင့်ထိပ်တိုက်ရင်ဆိုင်ရပြီး ပြင်းထန်စွာ ထိခိုက်ဒဏ်ရာရ ကာ အကူအညီကင်းမဲ့စွာ ကစဉ့်ကလျားပြေးလွှားနေကြရသည်။ ထိုအချိန်က ဣသရေလ တို့သည် အာရှုရိတို့လက်အောက်တွင် ကျရောက်နေပြီး ပရောဖက်ဟေရှာယက တစ်နေ့ သောအခါ ၎င်းတို့သည် ဗာဗုလုန်လက်အောက်သို့ ကျရောက်လိမ့်မည်ဟု ကြိုတင်နိမိတ် ဖတ်ခဲ့သည်။ ယုဒတို့သည် သူတို့အား ကူညီမစနိုင်မည့်ဘုရား၊ ကယ်တင်နိုင်မည့်ဘုရား၊…

အဘဘုရား သီချင်းဆိုသည်

ဒန်ဒီ သည် အခြားသူများအား သီချင်းသီဆိုပြီးခွန်အားပေးရခြင်းကိုနှစ်သက်သည်။ တစ်နေ့သောအခါ သူနှစ်သက်သည့်စားသောက်ဆိုင်တွင် နေ့လည်စာသွားစားကြရာ စားပွဲထိုးမလေးတစ်ယောက်မှာ အဆင်မပြေဖြစ်နေသည်ကို သူသတိပြုမိလိုက်သည်။ သူမအား မေးခွန်းအနည်းငယ်မေးစမ်းပြီး တိုးညင်းစွာသီချင်းဆိုကာ သူမအား နှစ်သိမ့် အားပေးလိုက်သည်။ “သဘောကောင်းတဲ့ဆရာရယ်။ ကျွန်မရဲ့ခက်ခဲတဲ့နေ့ရက်ကို ကောင်းတဲ့နေ့တစ်နေ့ဖြစ်စေတယ်။ ကျေးဇူးအများကြီးတင်ပါတယ်” ဟု ကျွန်ုပ်တို့ မှာကြားသောအစားအစာများကို ရေးမှတ်ရင်းပြုံးရွှင်စွာနှင့် ပြောပါသည်။

ဇေဖနိအနာဂတ္တိကျမ်းကိုဖွင့်ဖတ်သောအခါ ဘုရားသခင်သည် သီချင်းဆိုခြင်းကို နှစ်သက်ကြောင်းတွေ့ရသည်။ ပရောဖက်ကြီးရေးသောစာအားဖြင့် ဘုရားရှင်ကို သူ၏သားသမီးများအတွက်၊ သူ၏သားသမီးများနှင့်အတူ သီချင်းသီဆိုခြင်းကို နှစ်သက်သည့် ဂီတပညာရှင်ကြီးတစ်ဦးအဖြစ် ဖော်ညွှန်းထားသည်ကိုတွေ့ရသည်။ ဘုရားသခင်သည် “သင်၌အားရ၍ဝမ်းမြောက်တော်မူလိမ့်မည်။ ချစ်ခြင်းမေတ္တာ၌ ကျိန်းဝပ်၍ သီချင်းဆိုခြင်းနှင့်တကွ သင်၌ဝမ်းမြောက်တော်မူလိမ့်မည်” (၃:၁၇) ဟု ရေးသားခဲ့သည်။ သူ၏သနားခြင်းကရုဏာဖြင့် အသက်တာပြောင်းလဲလာသူ တို့နှင့်အတူ အမြဲရှိတော်မူမည်ဟု ဘုရားသခင်ကတိတော်ရှိသည်။ ထိုမျှနှင့်မပြီးပါ။ ကိုယ်တော်က သူ၏လူမျိုးတော်တို့နှင့်အတူတကွ “စိတ်နှလုံးအကြွင်းမဲ့ဝမ်းမြောက် ရွှင်လန်းကြ” ရန် ဖိတ်ခေါ်လျက် ရှိပါသည် (:၁၄)။…

လာမည့်ဘေး ပြေးတွေ့

တော်မ် သည် ဆင်းရဲသောသူ့သူငယ်ချင်း၏ စက်ဘီးကိုခိုးသွားသူများနောက်သို့ ပြေးလိုက်သည်။ သူကြိုတင်ရည်ရွယ်ထားခြင်းမရှိ။ စက်ဘီးကိုပြန်ရရန်တစ်ခုတည်းသာသူဆန္ဒရှိသည်။ သို့သော် အမှတ်မထင် သူခိုးသုံးဉီးသည် စက်ဘီးကိုထားခဲ့ပြီး လှည့်ပြန် ပြေးသွား၍ သူအံ့သြသွားသည်။ တော်မ် သည် စိတ်သက်သာရာရသည်သာမက စက်ဘီးကို ပြန်ရသည့်အတွက် သူ့ကိုယ်သူဂုဏ်ယူမိပြီး အိမ်ပြန်ရန် နောက်ပြန်အလှည့်တွင် သူ့နောက်မှကပ်လိုက်၍လာသူ ဗလကောင်းကောင်းနှင့် ဂျက်ဖ် ကို တွေ့လိုက်သည်။

ဧလိရှဲ၏ကျွန်သည် သူတို့၏မြို့ကိုရန်သူများဝိုင်းရံထားသည်ကို တွေ့သောအခါ ကြောက်ရွံ့လျက်၊ ဧလိရှဲထံသို့ပြေးသွားပြီး၊ “အိုသခင်၊ အဘယ်သို့ပြုရပါမည်နည်း” ဟု သခင်အားဆို၏။ ဧလိရှဲကမစိုးရိမ်ရန်ပြောပြီး “ငါတို့ဘက်၌နေသောသူတို့သည် ရန်သူတို့ဘက်၌နေသောသူတို့ထက် သာ၍များကြသည်” ဟုဆိုကာ “အိုထာဝရဘုရား၊ ဤသူသည် မြင်နိုင်မည့်အကြောင်း သူ၏မျက်စိကိုဖွင့်တော်မူပါ” ဟုဆုတောင်းသည့် အတိုင်း “ဧလိရှဲ ပတ်လည်၌ တစ်တောင်လုံးသည် မီးမြင်း၊ မီးရထားနှင့်ပြည့်သည်ကို မြင်လေ၏” (:၁၅-၁၇)။

သခင်ယေရှုနောက်တော်သို့လိုက်လျှင် အန္တရာယ်အလွန်များသည်ဟု သင် ထင်မြင်မိလိမ့်မည်။ အမှန်တရားအတွက် သင်လုပ်ဆောင်နေသရွေ့…