ဘယ်တော့မှ လက်မလျော့လိုက်နဲ့
"အချိန်တွေ ကုန်တယ်။ စစ်တွေဖြစ်တယ်" ဟု ဆူဒန်နိုင်ငံ တောင်ပိုင်းဒေသရှိ ကယ်လီကိုလူမျိုးစု၏သာသနာပိုင်ကြီး ဆယ်မီနီဂို က ၎င်းတို့၏ မိခင်ဘာသာ စကားဖြင့် သမ္မာကျမ်းစာရရှိရန် သူတို့၏အသင်းတော်အနေဖြင့် ကြာမြင့်စွာ ရုန်းကန်ခဲ့ရမှုနှင့် နှောင့်နှေးမှုများကို ပြောပြသည်။ စင်စစ် ကယ်လီကို ဘာသာဖြင့် စာတစ်လုံးမျှ ပုံနှိပ်ထုတ်ဝေဖူးခြင်း မရှိခဲ့ပါ။ လွန်ခဲ့သောဆယ်စုနှစ် အစောပိုင်းတွင် ဘီးရှော့နီဂို၏အဘိုးမှ သမ္မာကျမ်းစာဘာသာပြန်ခြင်း စီမံကိန်းကို ရဲရင့်စွာ စတင်ခဲ့ သော်လည်း စစ်ပွဲနှင့်ပဋိပက္ခများက ကြိုးပမ်းမှုကို ရပ်တန့်စေခဲ့သည်။ ယူဂန်ဒါ မြောက်ပိုင်းနှင့် ကွန်ဂိုဒီမိုကရက်တစ် သမ္မတနိုင်ငံရှိ ၎င်းတို့၏ ဒုက္ခသည် စခန်းတွင် တိုက်ခိုက်မှုများ အကြိမ်ကြိမ်ရှိခဲ့သော်လည်း သာသနာပိုင်ကြီးနှင့် ယုံကြည်သူ မိတ်ဆွေများက ထိုစီမံကိန်းကို ဆက်လက်ရှင်သန်စေခဲ့သည်။
သူတို့၏ဇွဲရှိမှုက အကျိုးဖြစ်ထွန်းခဲ့ပါသည်။ နှစ်ပေါင်း ၃၀ နီးပါးနောက်တွင် ကယ်လီကိုဘာသာ ဓမ္မသစ်ကျမ်းစာအား စိတ်ဓာတ်နိုးကြားဖွယ် အခမ်းအနားဖြင့် ဒုက္ခသည်များကို ပေးဝေနိုင်ခဲ့ကြသည်။…
သီချင်းဆိုရန် သတိရပါ
အငြိမ်းစားအော်ပရာအဆိုတော် နန်စီဂတ်စတာဖ်ဆင်သည် သူ့မိခင်ထံသွားရောက်စဉ် မှတ်ဉာဏ်လျော့ပါးသွားသည့် မိခင်၏အခြေအနေကိုတွေ့လိုက်ရ၍ ယူကျုံးမရဖြစ်ခဲ့ရသည်။ သူ့ကိုလည်း မမှတ်မိ၊ စကားလည်း မပြောတော့ပါ။ လအတန်ကြာမျှ မိခင်အား ပုံမှန်သွားတွေ့ပြီးနောက် နန်စီအကြံတစ်ခုရခဲ့သည်။ တေးဂီတသံကြားလျှင် သူ့မိခင်၏မျက်လုံးများတောက်လာပြီး သီချင်းပါလိုက်ဆိုသည်။ မိနစ် ၂၀ ခန့်မျှပင် သီချင်းဆိုသည်။ ထို့နောက် ရယ်မောလျက် “တို့က ဂတ်စတာဖ်ဆင်မိသားစုအဆိုတော်တွေဟေ့” ဟု နောက်ပြောင်သည်။ ထိုအံ့သြဖွယ်ပြောင်းလဲမှုက တေးဂီတ၏အစွမ်းကိုဖော်ပြနေပြီး၊ ပျောက်ကွယ်သွားသည့် အမှတ်တရများကိုပင် ပြန်လည်နိုးဆွပေးသည်ဟု ကုထုံးပညာရှင်အချို့က သုံးသပ်ကြသည်။ ဓမ္မတေးဟောင်း”များကို သီဆိုခြင်းဖြင့် ခံစားချက်ကို မြှင့်တက်စေသည်။ မှတ်ဉာဏ်လျော့ပါးမှုကို ကျဆင်းစေသည်။ အရေးပေါ်ဌာနသို့သွားရသည့်အကြိမ်နှင့် စိတ်ငြိမ်ဆေးပေးရသည့်အကြိမ်တို့ နည်းသွားသည်။
တေးဂီတနှင့် မှတ်ဉာဏ်၏ဆက်စပ်မှုကို တိုး၍လေ့လာနေဆဲ ဖြစ်သော်လည်း၊ သမ္မာကျမ်းစာမှ ဖော်ပြချက်အရ သီချင်းဆိုခြင်းအားဖြင့် ဝမ်းမြောက်မှု ခံစားရခြင်းသည် ဘုရားသခင်ပေးသနားသော ဆုကျေးဇူးဖြစ်ပြီး၊ ၎င်းသည် အမှန်ပင် ဖြစ်သည်။ “ထာဝရဘုရားကို ချီးမွမ်းကောင်းသည်ဖြစ်၍ ချီးမွမ်းကြလော့။…
ဆုံးရှုံးသွားသည့်အရာကို ပြန်ရခြင်း
ဖုန်းအရောင်းဆိုင်၌ ငယ်ရွယ်သောသင်းအုပ်ဆရာတစ်ပါးသည် သတင်းဆိုးအတွက် သူ့ကိုယ်သူအားတင်းထားသည်။ ကျမ်းစာသင်တန်း၌ သူ၏ စမတ်ဖုန်း မတော်တဆပြုတ်ကျသွားခြင်းက လုံးဝဆုံးရှုံးသွားခြင်း မဟုတ်ပါလား။ အမှန်တွင် ထိုသို့မဟုတ်ခဲ့ပါ။ အရောင်းစာရေးမလေးက ကျမ်းစာသင်တန်း ဗီဒီယိုများ၊ ဓာတ်ပုံများအပါအဝင် သူ၏ဖုန်းမှအချက်အလက်အားလုံးကို ပြန်ရယူနိုင်ခဲ့သည်။ “ကျွန်တော်ဖျက်ထားတဲ့ပုံတွေကိုလည်း သူပြန်ယူပေးခဲ့တယ်။ ဖုန်းဆိုင်က “ပျက်သွားတဲ့ ကျွန်တော့်ဖုန်းအစား အသစ်တစ်လုံးနဲ့ အစားထိုးပေးသေးတယ်။ ဆုံးရှုံးသွားတာတွေမက အပိုတောင်ထပ်ရသေးတယ်” ဟု ဆရာက ပြောပြသည်။”
ရက်စက်လှသည့် အာမလက်လူများ၏တိုက်ခိုက်မှု ခံရပြီးနောက် ဒါဝိဒ်သည် ပြန်လည်အနိုင်ယူရန် စစ်ဆင်ရေးကို တစ်ဖန်ဦးဆောင်ခဲ့သည်။ ဖိလိတ္တိဘုရင်များ၏ပစ်ပယ်မှုကိုခံရပြီးနောက် သူတို့၏ဇိကလက်မြို့ကို အာမလက်လူများက အငိုက်ဖမ်း ဝင်တိုက်ပြီးမီးရှို့ကာ သူတို့၏ဇနီးနှင့်သားသမီးများအပါအဝင် “မိန်းမ အကြီးအငယ်… ရှိသမျှတို့ကို သိမ်းသွားနှင့်”ကြကြောင်း ဒါဝိဒ်နှင့်သူ့စစ်တပ်တို့ တွေ့လိုက်ရသည်(၁ ရာ ၃၀:၂-၃)။ သို့ဖြစ်၍ ဒါဝိဒ်နှင့်သူ့လူများသည် “ငိုသံကိုလွှင့်၍ အားကုန်သည်တိုင်အောင် ငိုကြွေးကြ၏” (:၄)။ စစ်သားများ သည် သူတို့၏ခေါင်းဆောင်ဒါဝိဒ်ကို…
နောက်ဆုံးတွင် လွတ်မြောက်ခဲ့ပြီ
လစ်ဘနွန်နိုင်ငံ၏ ပြည်တွင်းစစ်အတွင်း ၅ နှစ်ကြာ ဓားစာခံအဖြစ် ဖမ်းဆီးခြင်း ခံရသူ ဗြိတိသျှဂျာနယ်လစ် ဂျွန်မက္ကာသီ သည် သူလွတ်မြောက်ရန်အတွက် ညှိနှိုင်း ပေးသူနှင့် တွေ့ဆုံရန် အနှစ် ၂၀ ကြာမြင့်ခဲ့သည်။ နောက်ဆုံး ကုလသမဂ္ဂသံအမတ် ဂဲန်ဒေါမနီကို ပီကို နှင့် သူတွေ့ဆုံချိန်တွင် “ကျွန်တော့်ရဲ့ လွတ်မြောက်ခြင်းအတွက် ကျေးဇူးတင်ပါတယ်” ဟု ရိုးရှင်းစွာ ပြောခဲ့သည်။ သူ၏နှလုံးသားမှလာသော စကားလုံးက အလေးအနက်ဖြစ်သည်။ အဘယ့်ကြောင့်ဆိုသော် ပီကိုသည် မက္ကာသီ နှင့်အခြားသူများ လွတ်မြောက်ရေးအတွက် အန္တရာယ်ကြီးသော ညှိနှိုင်းမှု များကြားတွင် သူ၏အသက်ကိုပင် စွန့်စားခဲ့ရသည်။
ယုံကြည်သူများအနေဖြင့် ခက်ခဲစွာအနိုင်ယူရရှိခဲ့သည့် လွတ်လပ်ခွင့်ကို ကျွန်ုပ်တို့ သိနားလည်နိုင်ပါသည်။ လူသားတိုင်း၏ ဝိညာဥ်လွတ်မြောက်ခြင်းအတွက် သခင်ယေရှုသည် ရောမကားတိုင်ထက် သူ့အသက်ကို စတေးလျက် အသေခံခဲ့သည်။ ရှင်ပေါလုကလည်း ရဲရင့်စွာ ကြွေးကြော်ထားသည့်အတိုင်း ယခု သူ၏သားသမီးများအနေဖြင့် “ခရစ်တော်သည်…
ကျွန်ုပ်တို့၏ကရုဏာတော်ရှင်ဘုရားသခင်
ချမ်းအေးသည့်ဆောင်းတစ်ည၌ မွန်တာနာပြည်နယ်၊ ဘေးလင်း(စ)မြို့တွင် ဂျူးလူမျိုးတို့၏ဟန်နုကာမီးထွန်းပွဲတော်အတွက် ဖယောင်းတိုင် ၈ တိုင် ထွန်းသည့် မယ်နိုးရာမီးတိုင်နှင့် ဒါဝိဒ်၏ကြယ်တို့ ခင်းကျင်းထားသည့် ဂျူးကလေးငယ်၏ အိပ်ခန်းပြတင်းမှန်ကို လူတစ်ဦးက ကျောက်တုံးကြီးဖြင့် ပစ်ခွဲလိုက်သည်။ အိမ်နီးချင်းဂျူးများ၏ နာကျင်မှုနှင့်ကြောက်ရွံ့မှုကို ထပ်တူခံစားရကြောင်း ပြသသည့်အနေနှင့် ယေရှုကိုယုံကြည်သူအများစုပါဝင်သည့် ထောင်ချီသည့် လူများစွာက သူတို့၏ပြတင်းပေါက်များ၌ မယ်နိုးရာ မီးတိုင်ပုံများကို ကပ်ထား ပြီး ရွံ့မုန်းဖွယ်လုပ်ရပ်အပေါ် ကရုဏာမေတ္တာဖြင့် တုံ့ပြန်ခဲ့သည်။
သခင်ယေရှုကို ယုံကြည်သူများအနေနှင့် ကျွန်ုပ်တို့လည်း ကြီးမြတ်သော မေတ္တာကရုဏာကို ရရှိခဲ့ပါသည်။ ကယ်တင်ပိုင်ရှင်သည် ကျွန်ုပ်တို့နှင့်အတူ နေထိုင်ရန် (ယော ၁:၁၄) ကျွန်ုပ်တို့နှင့်ထပ်တူပြုလျက် သူ့ကိုယ်ကို နှိမ့်ချခဲ့သည်။ “ထိုသခင်သည် ဘုရားသခင်၏သဏ္ဌာန်တော်နှင့် ပြည့်စုံတော်မူသည်ဖြစ်၍... မိမိ၏အသရေကိုစွန့်၍ အစေခံကျွန်၏သဏ္ဌာန်ကိုယူဆောင်”ခဲ့သည်(ဖိ၂ :၆-၇)။ ထို့နောက် ကျွန်ုပ်တို့နှင့်ထပ်တူခံစားသည်။ ငိုကြွေးသည်။ ထို့နောက် ကျွန်ုပ်တို့ အသက်ကိုကယ်တင်ရန် သူ့အသက်ကိုစွန့်၍ ကားတိုင်ပေါ် အသေခံခဲ့သည်။…
ဘဝ၏မီးရှူးမီးပန်းများ
နှစ်သစ်ကူးအကြိုညတွင် မြို့များနှင့် ကမ္ဘာတစ်ဝန်းမှမြို့တော်များတွင် မီးရှူးမီးပန်း ပစ်ဖောက်ကြရာ ဆူညံသံများက ကျယ်လောင်လှသည်။ ဖြာထွက်ပေါက်ကွဲသော မီးရှူးမီးပန်းများက လေထုကို နှစ်ခြမ်းခွဲသည့်သဘာဝရှိကြောင်း ထုတ်လုပ်သူများက ပြောပါသည်။ ဆင့်ကာဆင့်ကာပေါက်ကွဲသည့် မီးရှူးမီးပန်းများက အသံ အကျယ်ဆုံး ဖြစ်ပြီး အထူးသဖြင့် မြေကြီးနှင့်နီးလျှင် ပို၍ကျယ်လောင်စွာ ပေါက်ကွဲသည်။
ဒုက္ခအခက်အခဲများသည်လည်း ကျွန်ုပ်တို့၏နှလုံးသား၊ စိတ်နှင့် မိသားစုများ ကြားတွင် ကျယ်လောင်စွာပေါက်ကွဲနိုင်သည်။ ဘဝ၏မီးရှူးမီးပန်းများဖြစ်သည့် မိသားစုအရေးရုန်းကန်ရခြင်း၊ ပေါင်းသင်းဆက်ဆံရေးပြဿနာ၊ အလုပ်မှစိန်ခေါ် မှုများ၊ ငွေကြေးအခက်အခဲနှင့် အသင်းတော်ပြဿနာများသည်ပင်လျှင် စိတ် ခံစားမှုလေထုကို တစ်ဂျိမ်းဂျိမ်းမြည်စေသည့်ပေါက်ကွဲမှုကဲ့သို့ ခံစားရစေနိုင်သည်။
သို့သော် ထိုဆူညံသံများကြားမှ ဆွဲထုတ်သောအရှင်ကို ကျွန်ုပ်တို့သိသည်။ ခရစ်တော်သည် “ကျွန်ုပ်တို့၏ငြိမ်သက်ခြင်း”ဟု ရှင်ပေါလုရေးသားထားသည် (ဧ ၂:၁၄)။ သခင့်ရှေ့တော်၌ ကျွန်ုပ်တို့တည်နေသောအခါ ကိုယ်တော်၏ ငြိမ်သက်ခြင်းက မည်သည့်အနှောင့်အယှက်အတားအဆီးထက်မဆို ပို၍ကြီးပြီး စိုးရိမ်မှု၊ နာကျင်မှုများနှင့် စိတ်ဝမ်းကွဲမှု ဆူညံသံများကို တိတ်ဆိတ်စေသည်။
၎င်းသည်…
ညင်သာသောစကား
ကျွန်မ ဖေ့စ်ဘွတ်သုံးရင်း ငြင်းခုန်နေပါသည်။ မှားယွင်းသောအပြုအမူပင်။ လူအများစိတ်ဝင်စားသည့်၊ အထူးသဖြင့် ငြင်းခံုနိုင်ဖွယ် အကြောင်းအရာတစ်ခုနှင့်စပ်လျဥ်း၍ တစ်စိမ်းတစ်ယောက်ကို အမှန်ပြင်ပေးရန် တာဝန်ရှိသည်ဟု ကျွန်မ မည်သို့အတွေးဝင်သွားသည်မသိပါ။ ရလဒ်အားဖြင့် အမုန်းစကားနှင့် နာကျင်ရသောခံစားမှုကိုသာရရှိခဲ့သည် (ကျွန်မဘက်မှခံစားရသည့်အချက်။) သခင်ယေရှု အကြောင်းကို သက်သေခံရန် အခွင့်အရေး ဆုံးရှုံးလိုက်ရသည်။ အချုပ်ဆိုရလျှင် ၎င်းသည် ‘အင်တာနက်ဒေါသ’၏ရလဒ်ပင်ဖြစ်သည်။ ထိုအသုံးအနှုန်းသည် ဘလော့ဂ်ရေးသည့် ပတ်ဝန်းကျင်တွင် နေ့စဉ်သက်ဝင်နေသည့် ခက်ထန်သောစကားလုံးများကို ရည်ညွှန်းသည်။ ကိုယ်ကျင့်တရားဆိုင်ရာ ကျွမ်းကျင်သူတစ်ဦးက “ဒေါသအမျက်သည် လူထု၏မျှော်မှန်းချက်များကို ဖွင့်ပြသည့်နည်းလမ်းဟု လူတို့ မှားယွင်းစွာ ကောက်ချက်ချထားကြောင်း” ရှင်းပြထားသည်။
တိမောသေအား ရှင်ပေါလုပေးခဲ့သော ပညာအမြော်အမြင်နှင့်ပြည့်စုံသည့်အကြံသည် တန်းတူသတိပေးချက်လည်းဖြစ်သည်။ “မိုက်မဲ၍ပညာကင်းသော ပုစ္ဆာအမေးတို့သည် ရန်ပွားစေတတ်သည်ဟုသိမှတ်၍ ပယ်ရှားလော့။ သခင်ဘုရား၏ကျွန်သည် ရန်မတွေ့ရ။ ခပ်သိမ်းသောသူတို့အား ဖြည်းညင်းစွာပြုသောသူ၊ သည်းခံနိုင်သောသူဖြစ်ရမည်” (၂ တိ ၂:၂၃-၂၄)။
ရောမထောင်ထဲမှ ရှင်ပေါလုရေးပေးလိုက်သည့် အကြံကောင်းသည် ဘုရားသခင်၏သမ္မာတရားကိုသွန်သင်မည့်…
ပဋိပက္ခများကို ကျောခိုင်းလျက်...
အဲလ်ဘတ်အိုင်းစတိုင်းသည် ချစ်ခင်နှစ်သက်ဖွယ် သူ့မိတ်ဆွေ၊ ထင်ရှားသော ဒတ်ချ်လူမျိုး သိပ္ပံပညာရှင် ဟဲန်ဒရစ် အေ လောရင့်ဇ်၏ စျာပနာ၌ သူတို့၏ သိပ္ပံဆိုင်ရာ အငြင်းအခုန်အကြောင်းများ မပြောဘဲ သက်သောင့်သက်သာ ရှိသည့် လောရင့်စ်၏အပြုအမူ၊ သဘောထားနှင့် အခြားသူအပေါ် မျှတစွာ ဆက်ဆံတတ်မှု၊ “မပျက်ကွက်သောအကြင်နာတရားရှိသူ”ဟု ပြန်ပြောင်း အောက်မေ့သတိရလျက်၊ “သူက သူတစ်ပါးအပေါ်လွှမ်းမိုးဖို့ ဘယ်တော့မှ မစဉ်းစားဘူး။ အသုံးဝင်တဲ့သူဖြစ်ဖို့ပဲ တွေးတယ်လို့ လူတိုင်းခံစားရလို့ သူ့ရဲ့ ဉီးဆောင်မှုနောက်ကို ဝမ်းမြောက်စွာနဲ့လိုက်ကြတယ်” ဟု ပြောကြားခဲ့သည်။
အထူးသဖြင့် ပထမကမ္ဘာစစ်နောက်ပိုင်းတွင် လောရင့်စ်က သိပ္ပံပညာရှင်များ အား နိုင်ငံရေးအရဘက်လိုက်မှုကိုဘေးဖယ်ကာ အတူတကွ ပူးပေါင်းလုပ်ဆောင် ကြရန် နှိုးဆော်ခဲ့သည်။ “စစ်ကြီးမပြီးခင်ကတည်းက ပြန်လည်သင့်မြတ် ငြိမ်းချမ်းရေးအတွက် စိတ်နှစ်ပြီး သူလုပ်ဆောင်ခဲ့တယ်” ဟု သူ၏ လုပ်ဖော် ဆောင်ဖက် နိုဘယ်ဆုရှင်ကြီးလောရင့်စ် အကြောင်းကို အိုင်းစတိုင်းပြောခဲ့သည်။
သင့်မြတ်ငြိမ်းချမ်းရေးအတွက် ဆောင်ရွက်ခြင်းသည်…
သစ်ပင်များကိုအားပေးနှစ်သိမ့်သူ
အချို့က သူ့ကို “သစ်ပင်များကို အားပေးနှစ်သိမ့်သူ” (tree whisperer) ဟု ခေါ်ကြသည်။ စင်စစ် တိုနီရီနောဒို(Tony Rinaudo)သည် ဝေါဗွီးရှင်း-သြစတြေးလျ မှ သစ်တောစိုက်ပျိုးသူဖြစ်သည်။ သူသည် ဆာဟာရကန္တာရ တောင်ပိုင်း၊ အာဖရိက ဆာဟဲနယ်တစ်လျှောက် သစ်တောပြုန်းတီးခြင်းကိုကာကွယ်ပြီး ပြန်လည် စိမ်းလန်းစိုပြေရန် နှစ်ပေါင်း ၃၀ ကြိုးစားအားထုတ်ခြင်းအားဖြင့် ခရစ်တော်အကြောင်း ဝေငှခဲ့သော သာသနာပြုနှင့် စိုက်ပျိုးရေးပညာရှင်ဖြစ်သည်။
သေးညှက်နေသော “အပင်ပုများ” သည် အမှန်တွင် ကြီးထွားမှုတန့်နေသော သစ်ပင်များဖြစ်ကြောင်း သူသိသဖြင့် အကိုင်းချိုင်၊ ပြုစုလျက် ရေလောင်းပေး ခဲ့သည်။ သူ့လုပ်ဆောင်ချက်က ထောင်ပေါင်းများစွာသောလယ်သမားများ အတွက် လှုံ့ဆော်မှုဖြစ်ခဲ့ပြီး သူတို့သည် အနီးအနားရှိ သစ်တောများကို ထိန်းသိမ်းခြင်း၊ မြေဆီလွှာပြုန်းတီးမှုကို ပြုပြင်ခြင်းအားဖြင့် စိုက်ပျိုးမရသည့် သူတို့၏လယ်ယာမြေများ ပြန်ကောင်းလာအောင် ဆောင်ရွက်နိုင်ခဲ့သည်။ ဥပမာ - နိုင်ဂါရှိလယ်သမားများသည် သီးနှံနှစ်ဆထွက်ရှိပြီး ဝင်ငွေနှစ်ဆရသဖြင့် တစ်နှစ်လျှင်…
အဝတ်လျှော်ဖွပ်သောနေ့
ကိုလိုရာဒို ဘုရားကျောင်းအနီးရှိ ဝင်ငွေနည်းရပ်ကွက်ကိုဖြတ်၍ ကားမောင်းသွားစဉ် သင်းအုပ် ချတ်ဒ် ဂရေဟမ်သည် သူနှင့်စပ်ဆိုင်သူများ အတွက် ဆုတောင်းပေးသည်။ထိုနောက် အများသုံးအဝတ်လျှော်ဆိုင်ကိုတွေ့ပြီး ဆင်းကြည့်ရာ အသုံးပြုသူများပြည့်လျက်ရှိသည်ကို တွေ့ရသည်။ လူတစ်ယောက်က အဝတ် အခြောက်ခံစက် သုံးလိုသဖြင့် ဂရေဟမ် ထံမှ ငွေအကြွေတောင်းခဲ့သည်။ ၎င်းသည် ဂရေဟမ်၏ စိတ်ကို ထိတွေ့ခဲ့ပြီး အသင်းတော်၏ “အဝတ်လျှော်သောနေ့” အစီအစဥ်လေး ဖြစ်လာသည်။ အဝတ်လျှော်စက်၌သုံးမည့် ငွေအကြွေနှင့် ဆပ်ပြာကိုအသင်းတော်မှ အသင်းသားများက အပတ်စဥ် ထောက်ပံ့ပေးပြီး အဝတ်လာလျှော် သူများနှင့်အတူဆုတောင်းသည်။ စက်ပိုင်ရှင်ကိုလည်း လိုအပ်သောစက်ပစ္စည်းများ ပံ့ပိုးပေးသည်။
အသင်းတော်၏ ကိုယ်နှင့်စပ်ဆိုင်သူများသို့ဧဝံဂေလိပြုခြင်းတွင် 'အဝတ် လျှော်သောနေ့' အစီအစဥ်ပါဝင်လာခြင်းက သခင်ယေရှု၏ မဟာစေစားချက်ကို ထင်ဟပ်ပြသည်။ “ကောင်းကင်ဘုံ၌လည်းကောင်း၊ မြေကြီးပေါ်၌ လည်းကောင်း၊ စီရင်ပိုင်သောအခွင့်တန်ခိုးရှိသမျှတို့ကို ငါခံရပြီ။ သင်တို့သွား၍ လူမျိုးတကာတို့ကို ငါ့တပည့်ဖြစ်စေလျက်၊ ခမည်းတော်၊ သားတော်၊ သန့်ရှင်းသော ဝိညာဉ်တော်၏…