ခရစ်တော်၌ ကျွန်ုပ်တို့အား ခေါ်ယူစေစားခြင်း

ဂင်းနီ ဟစ်လော့သည် ၂၀၂၄ ခုနှစ်တွင် မဟာဘွဲ့ ဒီပလိုမာကို လက်ခံရယူစဉ် ပရိသတ်များက မတ်တပ်ရပ်ဩဘာပေးခဲ့သည်။ အဘယ့်ကြောင့်နည်း။ သူမလုပ်ရမည့်အရာကို သူ့အသက် ၈၄ နှစ်ရှိမှ လုပ်ဆောင်ပြီးစီးခဲ့ခြင်းကြောင့် ဖြစ်သည်။ ၁၉၄၁ ခုနှစ်က သူမ၏သုတေသနစာတမ်းကို တင်ရန်သာ လိုတော့သည်။ သို့သော် ထိုအချိန်က သူမ၏ချစ်သူ ဂျော့ချ်သည် ဒုတိယကမ္ဘာစစ်အတွင်း စစ်မှုထမ်းရန် ရုတ်တရက် ဆင့်ခေါ်ခံခဲ့ရ၍ သူတို့နှစ်ဦးသည် အလျင်အမြန် လက်ထပ်ပြီး၊ ဂင်းနီ၏ မပြီးဆုံးသေးသော ဘွဲ့ကို နောက်ချန်ထားခဲ့ကာ ဂျော့ချ် တာဝန်ကျသည့်တပ်စခန်းသို့ ထွက်ခွာသွားခဲ့သည်။ သို့သော် အချိန်ကြာမြင့်စွာ ရပ်ဆိုင်းခဲ့ပြီးနောက် သူမ အစပြုထားခဲ့သောအရာကို အဆုံးတွင် ပြီးဆုံးအောင် လုပ်နိုင်ခဲ့ပြီဖြစ်သည်။

ဧဇရသည် သမ္မာကျမ်းစာကို ဆည်းပူးသူတစ်ဦးဖြစ်သည်။ ဘုရားသခင်၏ ပညတ်တော်တွင် “အထူးသဖြင့်” နားလည်သူ၊ ပြည်နှင်ဒဏ်ခံရသည့် ဗာဗုလုန်မှ ယေရုရှလင်သို့ ပြန်ရန် နှစ်ပေါင်းများစွာ စောင့်နေသူဖြစ်သည်။…

ဆုတောင်းရန် အဆင်သင့်ဖြစ်ခြင်း

ခြင်္သေ့မတစ်ကောင်ကို ခွေးအ အုပ်စုက ဝိုင်းထားသည်။ ခွေးအ များက တိုက်ခိုက် သောအခါ ခြင်္သေ့က ပြန်တိုက်ခိုက်သည်။ သူမ၏ရန်သူများကို တားဆီးရန် အပြင်းအထန်ကြိုးပမ်းကာ ကိုက်ခြင်း၊ ကုတ်ခြစ်ခြင်း၊ မာန်ဖီခြင်း၊ ဟိန်းခြင်းပြုလုပ်ရင်း နောက်ဆုံးတွင် သူမ လဲကျသွားခဲ့သည်။ ခွေးအ များက သူမကို ဝိုင်းလိုက်စဉ် အခြားခြင်္သေ့မတစ်ကောင်ရောက်လာပြီး ၎င်းကို ကယ်ခဲ့သည်။ စက္ကန့်ပိုင်းအတွင်း နောက်ထပ်ခြင်္သေ့သုံးကောင် စစ်ကူရောက်လာသည်။ ခွေးအ အကောင်ရေ များသော်လည်း၊ ခြင်္သေ့များသည် ခွေးအ များ အုပ်စုကွဲသွားသည်အထိ တိုက်ခိုက်ခဲ့ကြသည်။ ခြင်္သေ့များသည် နောက်တစ်ကြိမ် ထပ်တိုက်ခိုက်ရန် မျှော်လင့်ထားသလိုမျိုး ဘေးပတ်လည်ကို စောင့်ကြည့်ကာ အတူတကွ ရပ်နေကြသည်။

သခင်ယေရှုကို ယုံကြည်သူများသည်လည်း အခြားသူများထံမှ မဖြစ်မနေ အကူအညီ လိုအပ်ပြီး၊ ကျွန်ုပ်တို့ပေးနိုင်သော အစွမ်းထက်ဆုံးအကူအညီမှာ ဆုတောင်းခြင်းပင်ဖြစ်သည်။ ရှင်ပေါလုက “ညီအစ်ကိုတို့၊ သင်တို့သည် ငါနှင့်အတူ ကြိုးစားအားထုတ်၍ ငါ့အဖို့အလိုငှာ ဘုရားသခင်ကို ဆုတောင်းပတ္ထနာ ပြုကြလော့ဟု ငါတို့သခင်ယေရှုခရစ်နှင့်…

ဘုရားသခင်ပြုခဲ့သောအရာကို သိမြင်ခြင်း

Morse(မော့စ်)သည် ပရိုတက်စတင့် အမှုတော်ဆောင်တစ်ဦး၏သားဖြစ်ပြီး၊ မအောင်မြင်သော ရှုခင်းပုံရေးဆွဲသည့် ပန်းချီဆရာတစ်ဦးဖြစ်သည်။ ၁၈၂၀ ခုနှစ် များတွင် သူသည် အမေရိက ကိုလိုနီနယ်များတွင် “နယ်လှည့် ပန်းချီဆရာ”အဖြစ် ချို့တဲ့စွာ နေထိုင်ခဲ့သည်။ သို့သော် ဘုရားသခင်က သူ့ဘဝဦးတည်ရာကို လမ်းပြခဲ့သည်။ မော့စ်သည် သိပ္ပံပညာပိုင်းကိုလည်း စိတ်ဝင်စားပေရာ၊သူသည် လျှပ်စစ်သံလိုက်များအကြောင်း လေ့လာခဲ့ပြီး၊ ကမ္ဘာကြီးကို ပြောင်းလဲစေမည့် အကြံဉာဏ်များ ကွန့်မြူးခဲ့သည်။ ၁၈၃၂ တွင် Samuel F. B. Morse သည် လျှပ်စစ်ကြေးနန်းစိတ်ကူး၌ စိတ်နှစ်ခဲ့ပြီး၊ နောက်ပိုင်းတွင် ပထမဆုံးသောကြေးနန်းကို တီထွင်ခဲ့သည်။

ကျမ်းစာမှတ်တမ်းတွင် အထင်ရှားဆုံးသော “အသက်မွေးမှုအလုပ် ပြောင်းသူ”မှာ ခရစ်တော်ကို ယုံကြည်သူများအား “ခြိမ်းခြောက်၍ အသေသတ်ခြင်းငှာ ပြင်းစွာအသက်ရှု”သူ ရှောလုဖြစ်နိုင်သည်(တ ၉:၁)။ သခင်ယေရှုသည် အလင်းထဲမှ ထင်ရှားလျက်(:၃)၊ “သင်သည် ငါ့အား ညှဥ်းဆဲပြီ”ဟု ရှောလုအား မိန့်လေသည်။…

ဝမ်းမြောက်ခြင်းအတွက် ဆန္ဒပြုလျက်

“Regrets of the Dying”(နောက်ဆုံးအချိန်မှနောင်တများ) ဘလော့ဂ်ပို့စ်တွင် သူနာပြုဆရာမဘရောင်းနီဝဲ(Bronnie Ware)က နောက်ဆုံးအဆင့် ရောက်နေသောလူနာများကို ပြုစုခဲ့စဥ် သူမကြားသိခဲ့ရသည့် နောင်တစကားများကို ဖော်ပြခဲ့သည်။ “ငါအလုပ်ကို အရမ်းကြိုးစားပြီး မလုပ်ခဲ့ရင် ကောင်းမယ်”၊ “သူငယ်ချင်းတွေနဲ့အဆက်အသွယ်ရှိခဲ့ရင် ကောင်းမယ်”စသည်ဖြင့်ဖြစ်ပြီး၊ “ကိုယ့်ကိုယ်ကို ပိုပျော်အောင် ထားခဲ့မိရင် ကောင်းမယ်”ဟူသည့်အချက်က စိတ်ဝင်စားစရာပင်။

“ဝမ်းမြောက်မှုနှင့်ဘဝရှင်သန်နိုင်ရေးအတွက် ရှောင်လွှဲမရသော မိမိ၏သေခြင်းကို ရင်ဆိုင်ခြင်းက အံ့ဖွယ်သော့ချက်ဖြစ်သည်”ဟု ဝဲက ရေးသားခဲ့သည်။ ၎င်းသည် မှန်သောအကြံဉာဏ်ဖြစ်သော်လည်း ထိုဝမ်းမြောက်မှုအရင်းအမြစ်သည် ဘယ်မှာရှိပြီး၊ အကြီးမြတ်ဆုံးသောအဓိပ္ပာယ်ကို မည်သည့်နေရာတွင် ရှာဖွေရမည်နည်း။

လူငယ်တစ်ဦးအနေနှင့် တပည့်တော်ယောဟန်သည် ဘဝ၏ရည်ရွယ်ချက်ကို လွဲမှားစွာ ရှုမြင်ခဲ့သည်။ သူတို့ညီအစ်ကိုက “ကိုယ်တော်ဘုန်းပွင့်တော်မူသော အခါ အကျွန်ုပ်တို့သည် လက်ျာတော်ဘက်၌တစ်ယောက်၊ လက်ဝဲတော်ဘက်၌ တစ်ယောက်ထိုင်ရသောအခွင့်ကို ပေးတော်မူပါ”ဟု သခင်ယေရှုအား လျှောက်ခဲ့သည် (မာ ၁၀:၃၇)။ သူတို့၏တောင်းဆိုမှုသည် တပည့်တော်များကြားတွင် သဘောထားကွဲလွဲမှုကိုသာ ဖြစ်စေခဲ့သည် (:၄၁)။…

သခင်ယေရှု သင့်ထံ လက်ကမ်းပေးနေသည်

ရုံးတစ်ရုံး၌ သန့်ရှင်းရေးလုပ်သားဖြစ်သူ လက်တီ(Letty)သည် အမြန့်တကာ အမြန်ဆုံးလမ်းလျှောက်သူအဖြစ် နာမည်ကြီးသည်။ ထိုသို့လျှောက်မှသာ လူများကို သူရှောင်နိုင်မည်ဖြစ်သည်။ သူမသည် ဆင်းရဲမှုဒဏ်ကြောင့် ထိခိုက်နာကျင်ရလျက်၊ ကိုယ်ကို နှိမ့်ချခြင်း၌လည်း အသားကျနေပြီဖြစ်၍ သူ့မျက်နှာတစ်ခြမ်းကို လက်ဖြင့် အလိုလိုကွယ်ကာ အခြားလူများကို ကျော်တက်သည်။ သူ့စကားအရ သူမသည် “သာမန် ချောမောပြီး ပညာတတ်သူများ”ကဲ့သို့ မဟုတ်ခြင်းကြောင့် သူမ၏ရှက်စိတ်က နက်နဲစွာကိန်းအောင်းနေသည်။ အလုပ်ခွင်မှ အမျိုးသမီးတစ်ဦးက သူမကို မိတ်ဖွဲ့ပေါင်းလာသောအခါ သူမ၏စိတ်ဒဏ်ရာမှာ စတင်သက်သာလာသည်။

နူနာစွဲသူတစ်ဦးသည်လည်း လက်တီ၏ရှက်စိတ်ထက် ပိုဆိုးဝါးစွာ ခံစားရလျက် ဘဝရှင်သန်ရသည်။ မောရှေ၏ပညတ်တရားအရ သူ့ရောဂါက သူ့ကို ရွံရှာဖွယ် ညစ်ညူးသူအဖြစ်သတ်မှတ်ကာ လူ့ဘောင်အသိုင်းအဝိုင်းမှ သူ့ကိုပစ်ပယ်စေသည်။ ထိုသူ၏အနာရောဂါက အပြင်ပန်းရုပ်ပိုင်းတွင် ဖြစ်ပေါ်သည်သာမက စိတ်နှင့် ဝိညာဥ်တွင်ပါ ဒဏ်ရာဖြစ်စေသည်။ ဤဒဏ်ရာများနှင့် နူနာစွဲသူသည် သခင်ခရစ်တော်အား “ကိုယ်တော် အလိုရှိလျှင် ကျွန်တော်ကို သန့်ရှင်းစေနိုင်တော်မူသည်ဟု တောင်းပန်လေ၏…

ဉာဏ်ပညာရရန် နက်နဲစွာ တူးဖော်ခြင်း

အမေရိကန်နိုင်ငံ ဖလော်ရီဒါပြည်နယ်မှ ဆောက်လုပ်‌‌ရေးအဖွဲ့တစ်ဖွဲ့သည် အဖိုးတန်ရတနာတည်ရှိသည့် နေရာ၌ ဒေါ်လာ ၄၂ သန်းတန် ရေမြောင်းစီမံကိန်းတစ်ခုကို လုပ်ကိုင်နေကြသည်။ ထိုမြေအောက်တွင် ၁၉ ရာစုနှစ်မှ ငါးဖမ်းလှေတစ်စင်းမှာ မပျက်မယွင်းရှိနေသည်။ ထိုလှေ၌ ရေနံဆီမီးခွက်၊ အုန်းမှုတ် သောက်ရေခွက်၊ ဒင်္ဂါးပြား စသည့် စိတ်ဝင်စားဖွယ် အသုံးအဆောင်များကို တွေ့ရှိခဲ့ရသည်။ လွန်ခဲ့သည့် နှစ်ပေါင်း ၁၀၀ ကျော်က ထိုဒေသတွင် မည်သို့ဘဝရှင်သန်သည်ကို အသေးစိတ်ဖော်ပြမည့်အချက်အလက်များကို သိနိုင်မည်ဟု မျှော်လင့်ချက်ဖြင့် ထိုလှေကို စူးစမ်းလေ့လာနေပါသည်။ ရေကြောင်းဆိုင်ရာ ရှေးဟောင်းသုတေသီတစ်ဦးက “ဒါက သင်္ဘောတစ်စင်း ဆိုတာထက် ပိုပါတယ်။ ဒါက လူတွေရဲ့နိစ္စဓူဝရှင်သန်မှုကို သတိပေးဖော်ပြနေပါတယ်” ဟုဆိုသည်။ နက်နဲစွာ တူးဆွလေ့လာခြင်းဖြင့် ဗဟုသုတနှင့် အသိပညာများကို ရရှိနိုင်ပါသည်။

ဒေသနာကျမ်းကို လေ့လာသော် ၎င်းတွင် ရှေးခေတ်နှင့် ကျွန်ုပ်တို့ခေတ်မှ နိစ္စဓူဝအဖြစ်အပျက်များကို ဆင်ခြင် ထင်ဟပ်သည့် ရှေးပဝေသဏီမှ ပညာဉာဏ်ဘဏ်တိုက်ကြီးရှိသည်။…

ပျောက်ဆုံးသွားသော ထာဝရဘုရား၏သေတ္တာတော်

အသင်းတော်၏‌ဆောင်းရာသီ အားသစ်လောင်းအစီအစဥ်ကို အနီးဝန်းကျင်ရှိ စခန်းတစ်ခုတွင် ပြုလုပ်ရာ၊ သင်းအုပ်ဂျက်ဖ်သည် ကျွန်မသားနှင့်အတူ ပတ်ဝန်းကျင်ကို လျှောက်ကြည့်စဥ် သားက ဆရာကို တောအုပ်လမ်းလေးအတိုင်း ခေါ်သွားသည်။ စခန်း၏ ဝတ်ပြုဆောင်အပြင်ဘက်နေရာသို့ ရောက်သော်၊ ရုတ်တရက် ထိုနေရာတွင် ပဋိညာဥ်သေတ္တာတော်ကို တွေ့လိုက်ရသည်။ သေတ္တာတော်အစစ်တော့ မဟုတ်ပါ။ သို့သော် သေတ္တာ၏မူလအရွယ်အစားအတိုင်းကို ရွှေမင်ဆေးသုတ်ကာ ပုံတူလုပ်ထားသည်။ ၎င်းကို ဆရာ၏အားပေးမှုဖြင့် လွန်ခဲ့သောနှစ်များက ကျွန်မခင်ပွန်းပြုလုပ်ခဲ့ပြီး မကြာမီကမှ သားက အပြီးသတ်ပေးခဲ့သည်။ ဆရာမှာ အံ့ဩသွားသည်။

ဆရာမှာ အလွန်ကျေနပ်လျက် သေတ္တာတော်ကို သူတို့စခန်းချသည့် နေရာ၏ ထမင်းစားခန်းသို့ သယ်လာရန် အခြားသူများကို အမြန်အကူအညီတောင်းလိုက်သည်။ လူကြီးများက သေတ္တာကို သယ်လာစဥ် ဆရာ၏မြေးလေးနှစ်ဦးက လက်တွဲပြီး အနောက်မှ လိုက်ပါလာသည့်မြင်ကွင်းက ကြည်နူးစရာပင်။
သူ့လူတို့နှင့် ဘုရားသခင်၏အတူရှိခြင်းကို ပုံဆောင်သည့် ပဋိညာဥ်သေတ္တာ အစစ်ကို ၎င်း၏နေရာမှန် ဖြစ်သည့် ဒါဝိဒ်မြို့”(၂…

ဘုရားသခင်၏သာလွန်သောခွန်အား

ဂျွန်စထရော့ပ်၏ From the Pit to the Pulpit စာအုပ်တွင် သူက သူ့အား ရုပ်ပိုင်း၊ ကာမဂုဏ်ဆက်ဆံမှုပိုင်း၊ စိတ်ပိုင်းတို့တွင် ထုထောင်းဖိစီးနှိပ်စက်သည့် အားကြီးသော သူမသိကျွမ်းသော ဘဝ၏ဖိစီးမှုများအကြောင်းကို ဖော်ပြထားသည်။ “ကားမမောင်းတတ်ခင်ကတည်းက ကျွန်တော်မူးယစ်ဆေးဝါးကို စသုံးခဲ့တယ်။... ကျောင်းလည်း ထွက်လိုက်ပြီး ဒုစရိုက်ပြုလို့ ရာဇဝတ်သားဘဝမှာ ကျင်လည်ခဲ့တယ်”ဟု သူက ရေးသားခဲ့သည်။ နောက်ဆုံးတွင် သူကျူးလွန်သည့်ပြစ်မှုများကြောင့် ထောင်နန်းစံခဲ့ရသည်။ ထောင်ဒဏ် ၅ နှစ် စီရင်ချက်ကျစဥ်အတွင်း သူ့အသက်တာ၌ သမ္မာကျမ်းစာသက်ဝင်လာပြီး ဘုရားရှင်ရှေ့တော်၌ သူနှိမ့်ချခဲ့သည်။ ဘုရားသခင်၏ ကျေးဇူးတော်အားဖြင့် သူ့ထက်အားကြီးသည့် အတိတ်၏ အကျင့်ဆိုးများမှ သူလွတ်မြောက်ခဲ့သည်။

ရှေးခေတ်ဣသရေလလူမျိုးတို့သည် ဖိနှိပ်မှုနှင့် ရံဖန်ရံခါ “သူ့ထက် အားကြီးသူ”(ယေ ၃၁:၁၁)များ၏ဖမ်းဆီးကျွန်ပြုခေါ်ဆောင်ခြင်းများကို ကြုံတွေ့ခံစားခဲ့ရသည်။ ထိုသို့ကြုံတွေ့ခံစားရခြင်းသည် ၎င်းတို့၏မိုက်မဲမှုကြောင့် ဖြစ်လင့် ကစား နာခံမှုမရှိ၊ လမ်းလွဲသွားသည့်သူ့လူတို့အပေါ် ဘုရားသခင်သည် သူ၏…

လှပသောနိဂုံး

နွေးထွေးသောညနေခင်းတစ်ခုတွင် ကျွန်မမိတ်ဆွေများနှင့် မြို့တွင်းတစ်နေရာ၌ တွေ့ဆုံခဲ့သည်။ ဆိုင်အပြင် ဘက်၌ ဂျက်ဇ်မြူးဇစ်တီးဝိုင်းရှိသည့် စားသောက်ဆိုင်၌ စားသောက်ကြမည်ဖြစ်၍ ကျွန်မတို့စိတ်လှုပ်ရှား ပျော်ရွှင်နေကြသည်။ သို့သော် ဆိုင်သို့ရောက်သောအခါ လူပြည့်နေ၍ စိတ်ပျက်လက်ပျက်နှင့်လှည့်ပြန်ကာ နောက်ထပ်ဆိုင်တစ်ဆိုင်တွေ့သည်အထိ တိုက်အိမ်များစွာကို‌ကျော်လွန်ပြီး လမ်းပြန်လျှောက်ခဲ့ရသည်။

လောက၌ စိတ်ပျက်စရာများက ပုံစံမျိုးစုံ၊ အရွယ်မျိုးစုံပင်။ ချစ်ရသည့်အိမ်မွေးတိရိစ္ဆာန်လေး သေသွားသည်။ သက်မွေးမှုအလုပ်အကိုင် အဆင်မပြေ၊ ကျန်းမာရေးချို့ယွင်း၊ချစ်ခင်ရသူနှင့်ဆက်ဆံရေး ပြတ်တောက်နှင့်၊ မိမိကိုနှောင့်နှေးစေသည့် အမှုအရာများကြားတွင် ဘုရားသခင်၏နှစ်သိမ့်မှုကို ရရှိသော်လည်း မိမိတို့၏အသက်တာဇာတ်လမ်းများတွင် ကျွန်မတို့တောင့်တလိုချင်သည့် ချမ်းသာသုခနှင့် ပြည့်စုံသည့်နိဂုံးမျိုးက အစဥ်အမြဲ မပါရှိပါ။ သို့သော်လည်း သခင်ယေရှုကို ယုံကြည်သူများ၌ ထာဝရဝမ်းမြောက်စရာ မျှော်လင့်ခြင်းရှိပါသည်။

ဗျာဒိတ်ကျမ်းတွင် ဘုရားသခင်က ရှင်ယောဟန်အား ရင်သပ်ရှုမောဖွယ် ရူပါရုံကို ပေးသည့်အကြောင်းအရာများ မှတ်တမ်းတင်ထားသည်။ ‌ရှင်ယောဟန် သည် “သန့်ရှင်းသောမြို့တည်းဟူသော ယေရုရှလင်မြို့သစ်”ကို မြင်ခဲ့ပြီး (၂၁:၂)၊ “မိမိခင်ပွန်းဖို့ တန်ဆာဆင်သော မင်္ဂလာဆောင်သတို့သမီးကဲ့သို့ ပြင်ဆင်လျက်”…

သိုးများလမ်းဖြတ်ကူးခြင်း

ယာဥ်ကြောပိတ်နေသည်။ ဘာကြောင့်မှန်း ကျွန်မမသိပါ။ လမ်းပေါ်၌ ကားအချို့သာရှိပြီး ကားပိတ်စရာ အကြောင်းမရှိပါ။ ထို့နောက်တွင် ရုပ်ခြည်းဆိုသလို ထောင်နှင့်ချီသည့် သိုးများပေါ်လာပြီး လမ်းဖြတ်ကူးကြ၍ ကျွန်မအလွန်အံ့ဩဝမ်းသာသွားသည်။ ကျွန်မသည် အမေရိကန်နိုင်ငံ အိုင်ဒါဟိုပြည်နယ်သို့ အသစ်ရောက်လာသူဖြစ်၍ နွေကူးရာသီ၌ ဘွိုင်စီးတောင်ခြေသို့ သိုးများ နှစ်စဥ်ရွှေ့ပြောင်းလာခြင်း အတွေ့အကြုံနှင့် ကျွန်မကျင့်သားမရသေးပါ။ ဒေသခံ မွေးမြူရေးသမားများက သိုးများကို နွေရာသီတစ်လျှောက် မြက်များရှိသည့်တောင်ခြေသို့ ခေါ်ဆောင်ခဲ့ကြသည်။

တစ်ဘဝလုံး မြို့ကြီးမြို့ငယ်များတွင်သာ နေထိုင်ခဲ့ခြင်းကြောင့် ထိုမြင်ကွင်းက ကျွန်မအတွက် ကြည့်ကောင်းနေတော့သည်။ ပရောဖက်ယေဇကျေလခေတ်အချိန် (နှင့် သမ္မာကျမ်းစာ၌ မှတ်တမ်းတင်သည့်အကြောင်းအရာများစွာတွင်) သိုးများသည် လူမှုဘဝရှင်သန်မှု၏သာမန်အစိတ်အပိုင်း ဖြစ်သည်။ ပရောဖက်ကြီးက လူတို့အကျွမ်းတဝင်သိနားလည်သည့် သိုးနှင့် သိုးထိန်းကျောင်းခြင်းအမှုကို ဖော်ပြလျက် နှစ်သိမ့်သက်သာခြင်းနှင့် မျှော်လင့်ခြင်းနှင့်ဆိုင်သည့် ဘုရားသခင်၏ သတင်းစကားကို ဖွင့်ပြခဲ့သည်။

ဣသရေလလူမျိုးတို့သည် ဘုရားသခင်အပေါ် အကြိမ်ကြိမ်ပုန်ကန်ခြင်း၏ အကျိုးဆက်အဖြစ် ဗာဗုလုန်ပြည်၌ ဆင်းရဲဒုက္ခကို နှစ်ပေါင်းများစွာ ခံစားခဲ့ရသော်လည်း…