လက်တွေ့လုပ်ဆောင်သော ယုံကြည်မှု
၂၀၂၁ ခုနှစ် ဇွန်လညနေခင်း၌ လေဆင်နှာမောင်း တိုက်ခတ်ခဲ့ပြီး ရပ်ကွက်တစ်ခုတွင် မိသားစုတစ်စု၏စပါးကျီကြီး ပျက်စီးသွားသည်။ စပါးကျီသည် ၁၈၀၀ ခုနှစ်နှောင်းပိုင်းကတည်းက မိသားစုပိုင်စည်းစိမ်ဖြစ်သောကြောင့် ဝမ်းနည်းဖွယ် ဆုံးရှုံးမှုတစ်ခုဖြစ်သည်။ နောက်တစ်နေ့နံနက်တွင် ဂျွန် နှင့် ဘာဘ် တို့သည် ဘုရားကျောင်းသို့ သွားရန်ကားမောင်းလာရင်း အပျက်အစီးများကိုမြင်ပြီး မည်သို့ကူညီရမည်နည်း ဟု တွေးလျက် ကားရပ်ပြီး စနည်းနာကြည့်ရာ၊ အပျက်အစီးများကို ရှင်းလင်းရန် အကူအညီလိုနေကြောင်း သိရှိခဲ့သည်။ သို့နှင့် ကားကိုပြန်လှည့်ကာ အိမ်ပြန်အဝတ် အစားလဲပြီး မုန်တိုင်းကြောင့် ဖြစ်ပေါ်ခဲ့သော အမှိုက်သရိုက်များကို ကူညီရှင်းလင်းပေးရန်အတွက် တစ်နေ့တာအချိန်ပေးခဲ့ကြသည်။ ထိုမိသားစုကို အကူအညီပေးခြင်းဖြင့် သူတို့၏ယုံကြည်ခြင်းကို သူတို့လက်တွေ့ အကောင်အထည်ဖော်ခဲ့သည်။
“အကျင့်နှင့်ကင်းသော ယုံကြည်ခြင်းသည် အသေဖြစ်၏” (ယာ ၂:၂၆) ဟု ရှင်ယာကုပ် ပြောခဲ့သည်။ သူက မည်သည့်နေရာသို့သွားနေမှန်း မသိသော် လည်း နာခံမှုဖြင့် ဘုရားသခင်နောက်သို့လိုက်သူ အာဗြဟံအား…
နောက်ပြန်ဖတ်ရှုခြင်း
လျှို့ဝှက်ဆန်းကြယ်ဝတ္ထု၏ နောက်ဆုံးအခန်းကို ဦးစွာဖတ်ရှုခြင်းသည် ဇာတ်လမ်းကောင်းတစ်ပုဒ်၏ သည်းထိတ်ရင်ဖိုဖြစ်ခြင်းကို နှစ်သက်သူများအတွက် ဆိုးရွားသောစိတ်ကူးဖြစ်သည်။ သို့သော် အချို့လူတို့သည် စာအုပ်တစ်အုပ်၏ အဆုံးသတ်ကိုသိပါက ထိုစာအုပ်ကိုဖတ်ရသည်ကို ပိုပြီးနှစ်သက်ကြသည်။
စာရေးဆရာ Richard Hays (ရစ်ချက်ဟေးစ်)က ‘Reading Backwards’ (နောက်ပြန်ဖတ်ရှုခြင်း) စာအုပ်တွင် ကျွန်ုပ်တို့ သမ္မာကျမ်းစာကို နားလည်ရေးအတွက် ထိုသို့ဖတ်ရှုခြင်းက မည်မျှအရေးကြီးသော အလေ့အကျင့်ဖြစ်ကြောင်း ဖော်ပြထားသည်။ ကျမ်းစာ၌ပါရှိသော အဖြစ်အပျက်များနှင့် ဖွင့်ပြသောစကားလုံးများက ကျမ်းစာ၏ မျှော်မှန်းချက်နှင့် ထင်ဟပ်ချက်တို့ကို အပြန်အလှန် ရှင်းလင်းဖော်ပြပေးကြောင်းကို သရုပ်ဖော်လျက် ပါမောက္ခဟေးစ်က ကျမ်းစာကို ရှေ့ပြန်နောက်ပြန်ဖတ်ရှုသင့်ကြောင်း ကြောင်းကျိုးပြဆင်ခြင်စေသည်။
ဖျက်ဆီးခံခဲ့ရသော ဗိမာန်တော်ကို သုံးရက်အတွင်း ပြန်လည်တည်ဆောက်ရန် သခင်ယေရှု ပြောခဲ့ခြင်းကို သခင်ထမြောက်ပြီးမှသာ တပည့်တော်တို့နားလည်ကြကြောင်း ဟေးစ်က စာဖတ်သူများကို သတိပေးသည်။ “မိမိကိုယ်တည်းဟူသော ဗိမာန်ကိုအမှတ်ပြု၍ မိန့်တော်မူ၏” (ယော ၂:၂၁)ဟု ရှင်ယောဟန် ဆိုသည်။ ယခင်က…
ဆိုကရေးတစ်ကလပ်
၁၉၄၁ ခုနှစ်တွင် အင်္ဂလန်ရှိ အောက်စဖို့ဒ်တက္ကသိုလ်တွင် ‘Socratic Club’ (ဆိုကရေးတစ်ကလပ်)ကို တည်ထောင်ခဲ့ပြီး၊ သခင်ယေရှုကိုယုံကြည်သူများနှင့် ဘုရားမဲ့ဝါဒီများ (သို့) ဘာသာမဲ့များ၏ အပြန်အလှန်ဆွေးနွေးမှုကို အားပေးရန်ဖြစ်သည်။
လောကီပညာဆည်းပူးရာ တက္ကသိုလ်တွင် ဘာသာရေးဆွေးနွေးငြင်းခုံမှုသည် အထူးအဆန်း မဟုတ်သော်လည်း ဆိုကရေးတစ်ကလပ်ကို (၁၅) နှစ်ကြာ ဦးဆောင်ခဲ့သူမှာ ခရစ်ယာန်ဘာသာ အတွေးအခေါ် ဆရာကြီး C. S. Lewis (စီအက်စ်လူးဝစ်) ဖြစ်နေခြင်းက အံ့သြစရာဖြစ်သည်။ ဆရာကြီးသည် သူ၏တွေးခေါ်မှုကိုစမ်းသပ်ရန် ဆန္ဒရှိပြီး၊ ခရစ်တော်၌ရှိသည့်ယုံကြည်ခြင်းသည် စစ်ဆေးစိစစ်မှုကို ခံရပ်နိုင် သည်ဟု သူယုံကြည်သည်။ သခင်ယေရှုကို ယုံကြည်ခြင်းအတွက် ခိုင်လုံပြီး ကျိုးကြောင်းဆီလျော်သော အထောက်အထားရှိကြောင်း သူသိသည်။
တစ်နည်းအားဖြင့် လူးဝစ်သည် “စိတ်နှလုံးထဲ၌ ထာဝရအရှင်ဘုရားသခင်ကို ရိုသေခြင်း ရှိကြလော့။ သင်တို့မျှော်လင့်ခြင်း၏အကြောင်းကို မေးမြန်းသောသူ ရှိသမျှတို့အား၊ နူးညံ့သောသဘော၊ ကြောက်ရွံ့သောသဘောနှင့် ပြန်ပြောခြင်းငှာ ကာလအစဥ်မပြတ် အသင့်ရှိနေကြလော့”…
ဘုရားသခင် သင့်ကို သိကျွမ်းသည်
အမေသည် တစ်မိုင်အကွာအဝေးမှ ပြဿနာအနံ့ခံနိုင်ပုံရသည်။ တစ်ခါက ကျောင်းတွင် အဆင်မပြေဖြစ်ပြီး ပြန်လာချိန်တွင် မည်သူမျှ သတိမထားမိစေရန် စိတ်ပျက်မှုကို ဖုံးကွယ်ရန် ကျွန်မကြိုးစားခဲ့သည်။ “ဘာဖြစ်တာလဲ” ဟု အမေက မေးသည်။ နောက်ပြီး သူမက “ဘာမှမဟုတ်ပါဘူးလို့မပြောခင် တစ်ခုသိထားဖို့က အမေဟာ သမီးရဲ့အမေနော်။ သမီးကို အမေမွေးခဲ့တယ်။ သမီးကိုယ်သမီးသိတာထက် အမေ ပိုသိတယ်” ဟုပြောပါသည်။ ကျွန်မမည်သို့သောသူဖြစ်သည်ကို ခရေစေ့တွင်းကျ နားလည်သဘောပေါက်ခြင်းသည် သူမကို ကျွန်မအလိုအပ်ဆုံးအချိန်တိုင်းတွင် ကျွန်မ၏နံဘေး၌ သူရှိနေရန် အထောက်အမဖြစ်စေသည်ဟု အမေ ကျွန်မကို အမြဲသတိပေးသည်။
သခင်ယေရှုကို ယုံကြည်သူများအနေဖြင့် ကျွန်မတို့ကို ရင်းနှီးစွာသိကျွမ်းသော ဘုရားသခင်က ကျွန်မတို့အား စောင့်ရှောက်နေပါသည်။ သူ့သားသမီးများ၏ အသက်တာများကို ဘုရားရှင်အလေးပေး အာရုံစိုက်ခြင်းအတွက် ဆာလံဆရာ ဒါဝိဒ်က “အိုထာဝရဘုရား၊ ကိုယ်တော်သည် အကျွန်ုပ်ကို စစ်ကြော၍သိတော်မူ၏။ အကျွန်ုပ်ထိုင်ခြင်း၊ ထခြင်းအရာတို့ကို သိတော်မူ၏။ အကျွန်ုပ်အကြံအစည်တို့ကို…
သတိတရဆုတောင်းချက်များ
“ငါမင်းအတွက် သတိတရနဲ့ဆုတောင်းပေးနေမယ်နော်။” ဤစကားပြောသူသည် အမှန်တကယ် ဆုတောင်းပေးနေသလား ဟုသင်တွေးမိမည်။ ထိုစကားကို Edna Davis (အဒ်နာဒါဗစ်)ပြောပါက လုံးဝထိုသို့တွေးစရာမလိုပါ။ မီးပွိုင့်တစ်ခုသာရှိသော မြို့ငယ်လေးမှ လူတိုင်းက စာမျက်နှာ တစ်မျက်နှာပြီးတစ်မျက်နှာတွင် အမည်တစ်ခုပြီးတစ်ခု တန်းစီရှိသည့် “မစ္စစ်အဒ်နာ”၏အဝါရောင်လယ်ဂျာစာအုပ်အကြောင်းကို သိကြသည်။ နံနက်တိုင်း အဘွားအိုသည် ဘုရားရှင်ထံ ကျယ်လောင်စွာ ဆုတောင်းသည်။ ထိုစာရင်းရှိလူအချို့က သူတို့လိုချင်သောဆုတောင်း၏အဖြေကို မရခဲ့ကြသော်လည်း ၎င်းတို့၏ဘဝတွင် ဘုရားရှင်၏အကြံအစည် တစ်ခုခုဖြစ်ခဲ့ကြောင်း၊ ၎င်းသည် မစ္စစ်အဒ်နာ၏ စိတ်ထက်သန်စွာ ဆုတောင်းချက်များကြောင့်ဟု သူမ၏စျာပနဝတ်တွင် လူအတော်များများက သက်သေခံခဲ့ကြသည်။
ပေတရုအကျဉ်းကျစဥ်တွင် ဆုတောင်းခြင်း၏တန်ခိုးကို ဘုရားရှင်ပြသခဲ့သည်။ ဟေရုဒ်မင်း၏လူများက တမန်တော်ကြီးကို ဖမ်းဆီးထောင်ချပြီး “အစောင့်အရှောက် စစ်သူရဲ တစ်ကျိပ်ခြောက်ယောက်”တို့ စောင့်ကြပ်နေသဖြင့် (တ ၁၂:၄) သူ၌ မျှော်လင့်ခြင်းကင်းမဲ့နေသည်။ သို့သော် “သင်းဝင်သူတို့သည် သူ့အဖို့ ကြိုးစား၍ ဘုရားသခင်ကို ဆုတောင်းပတ္ထနာပြုကြ၏” (:၅)။ ပေတရုအတွက်…
မပြောင်းမလဲ ရှေ့သို့ချီ
‘Rest’ (အနားယူပါ) ကဗျာတွင် “အမှန်ပင်ပန်းစွာလုပ်ကိုင်သူအတွက် အမှန်အနားယူချမ်းသာရာ မရှိသလော” ဟုမေးကာ “အားလပ်ချိန်”နှင့် “အလုပ်”ကို ခွဲခြား တတ်သည့်သဘောကို ကဗျာဆရာက အသာအယာ သတိပေးစိန်ခေါ်ထားသည်။ စစ်မှန်သည့်အနားယူမှုကို ခံစားချင်ပါက ဘဝ၏တာဝန်ဝတ္တရားများကို ရှောင်တိမ်းရန် ကြိုးစားမည့်အစား “အကောင်းဆုံးလုပ်ပါ၊ အသုံးချပါ၊ အချည်းနှီးမဖြစ်ပါစေနှင့်၊ သို့မဟုတ်ပါက အနားမရနိုင်။ သင့်အနီးဝန်းကျင်မှ အလှတရားကို ခံစားရပြီလား၊ ထမ်းဆောင်စရာတာဝန်ရှိမှသာ ထိုအလှကိုတွေ့ရမည်”ဟု စပ်ဆိုထားသည်။
မေတ္တာပြခြင်းနှင့် အစေခံခြင်းအားဖြင့် စစ်မှန်သော အနားယူခြင်းနှင့် ဝမ်းမြောက် ခြင်းကို ရှာဖွေတွေ့ရှိနိုင်သည်ဟု ကဗျာဆရာက နိဂုံးချုပ်ထားသည်။ ထိုသဘော တရားကို သက်သာလောနိတ်မြို့သားများထံသို့ ရှင်ပေါလု၏အားပေးစာတွင် တွေ့ရသည်။ တမန်တော်ကြီးက ယုံကြည်သူများ “အပြစ်တင်ခွင့်နှင့်ကင်းလွတ်”သော အသက်တာဖြင့် အသက်ရှင်ရေး တိုက်တွန်းအားပေးရန် (၁ သက် ၂:၁၀-၁၂) သူ့ကို ဘုရားရှင်စေစားကြောင်း ဖော်ပြပြီးနောက် ဆက်လက်၍ အသေးစိတ်ဖော်ပြခဲ့သည်။
ထိုကဲ့သို့သောဘဝကို ငြိမ်ဝပ်စွာဖြင့်…
အမြဲသတိရှိပါ
အမျိုးသားတစ်ဦးနှင့် သူငယ်ချင်းတို့သည် နှင်းတောင်ပြိုကျနိုင်ကြောင်း သတိပေးဆိုင်းဘုတ်စိုက်ထူထားသည့် နှင်းလျောစီးအပန်းဖြေစခန်း၏ဂိတ်ဝင်ပေါက်ကိုဖြတ်ဝင်ကာ နှင်းလျှောစီးနေပါသည်။ နှင်းလျှောစီးသည့် ဒုတိယတစ်ကြော့တွင် တစ်စုံတစ်ယောက်က “နှင်းတောင်ပြိုပြီ” ဟု အော်ပြောသော်လည်း ထိုလူသည် မလွတ်ဘဲ နှင်းထုေအောက်၌ နှစ်မြှုပ်ဆုံးပါးသွားသည်။ အချို့က သူ့ကို အတွေ့အကြုံမရှိသော လူသစ်ဟုသမုတ်ကာ ဝေဖန်ကြသည်။ စင်စစ် သူသည် လူသစ် မဟုတ်ပါ။ “နှင်းတောင်ပြိုကျမှုဆိုင်ရာ လိုင်စင်ရ တောရိုင်းဒေသ ဧည့်လမ်းညွှန်” တစ်ဦးဖြစ်သည်။ နှင်းတောင်ပြိုကျမှုဆိုင်ရာလေ့ကျင့်မှု အများဆုံး ခံယူထားသော နှင်းလျှောစီးသူများသည် လွဲမှားသော ဆင်ခြင်များပေးတတ်ပြီး “(နှင်းလျှောစီးသူသည်) မဆင်မခြင် သတိမဲ့စွာ ပြုမူခဲ့ခြင်းကြောင့် သေဆုံးသွားရခြင်းဖြစ်သည်” ဟု သုတေသီတစ်ဦးက ပြောကြားခဲ့သည်။
ဣသရေလလူမျိုးများသည် ကတိထားရာပြည်သို့ဝင်ရန် ပြင်ဆင်စဥ်တွင်၊ ဘုရားသခင်က သူ၏လူများကို အမြဲသတိချပ်ကာ နိုးနိုးကြားကြားရှိစေလိုသည်။ ထို့ကြောင့် သူ၏ “စီရင်ထုံးဖွဲ့ချက်များနှင့် ပညတ်တရားများ” အားလုံးကို နာခံရန် မိန့်မှာလျက် (တရား ၄:၁-၂)၊…
သင့်အသံကို အသုံးပြုပါ
လီစာသည် အသက် (၈) နှစ်အရွယ်ကတည်းက စကားထစ်သည့်ရောဂါဖြင့် ရုန်းကန်ခဲ့ရပြီး လူအများနှင့်စကားပြောဆိုရန် လိုအပ်သည့် လူမှုရေးအခြေအနေများကို ကြောက်ရွံ့ခဲ့သည်။ သို့သော် နောက်ပိုင်းတွင် စကားပြောကုထုံးအားဖြင့် သူမ၏စိန်ခေါ်မှုကို ကျော်လွှားရန် အထောက်အကူဖြစ်ခဲ့ပြီးနောက် လီစာသည် အခြားသူများကို ကူညီမစရန် သူမ၏အသံကို အသုံးပြုစိမ့်သောငှာ ဆုံးဖြတ်ခဲ့သည်။ သူမသည် စိတ်ထိခိုက်နာကျင်မှုများအတွက် အရေးပေါ်ဆက်သွယ်ရန် ဖုန်းလိုင်းတစ်ခုတွင် အတိုင်ပင်ခံအဖြစ် စေတနာ့ဝန်ထမ်းအဖြစ် လုပ်ကိုင်ခဲ့သည်။
မောရှေသည် ဣသရေလလူမျိုးတို့ကို ကျွန်သုံ့ပန်းဘဝမှ ထုတ်ဆောင်ရန် ဦးဆောင်ရသည်တွင် စကားပြောဆိုခြင်းနှင့်ပတ်သက်၍ စိုးရိမ်သောကကို ရင်ဆိုင်ခဲ့ရသည်။ ဖာရောဘုရင်နှင့် စကားပြောရန် ဘုရားသခင်က ပြောသောအခါ မောရှေသည် သူ၏စကားပြောစွမ်းရည်ကို စိတ်မချသောကြောင့် ကန့်ကွက်ခဲ့သည် (ထွက် ၄:၁၀)။ ထာဝရဘုရားကလည်း “လူ၏နှုတ်ကို အဘယ်သူဖန်ဆင်းသနည်း” ဟုပြန်ပြောပြီးနောက် “သင်၏နှုတ်၌ ငါရှိ၍ သင်သည် အဘယ်သို့ပြောရမည်ကို သွန်သင်မည်” (:၁၁-၁၂)ဟု မောရှေအား ကတိပေးခဲ့သည်။
ဘုရားသခင်၏…
ဘုရားသခင်၏ချစ်ခြင်းမေတ္တာ
၁၉၁၇ ခုနှစ်တွင် ငွေကြေးအဆင်မပြေဖြစ်နေသော အမေရိကန်နိုင်ငံ၊ ကယ်လီဖိုးနီးယားပြည်နယ်မှ လုပ်ငန်းရှင် Frederick Lehman (ဖရက်ဒရစ်လီမန်)သည် “ဘုရားသခင်၏ချစ်ခြင်းမေတ္တာ” ဟူသော ဓမ္မသီချင်းစာသားကို ရေးစပ်ခဲ့သည်။ သူသည် စျာန်ဝင်နေချိန်၌ ပထမနှစ်ပိုဒ်ကို မြန်မြန်ဆန်ဆန် ရေးနိုင်ခဲ့သော်လည်း တတိယအပိုဒ်ကို ရေးမရ ဖြစ်နေခဲ့သည်။ ထိုအခါ ယခင်နှစ်များက ရှာတွေ့ရှိခဲ့သော ထောင်နံရံ၌ ရေးထားသည့် ကဗျာတစ်ပုဒ်ကို သူပြန်သတိရမိသည်။ အကျဉ်းသားတစ်ဦးသည် ဘုရားသခင်၏ချစ်ခြင်းမေတ္တာကို နက်ရှိုင်းစွာ သိရှိနားလည်ကြောင်း ကျောက်နံရံပေါ်တွင် ရေးခြစ်ကဗျာဖွဲ့ခဲ့သည်။ ကဗျာစာသားက လီမန်၏ဓမ္မသီချင်းနှင့် ကိုက်ညီနေသဖြင့် ထိုကဗျာကို သီချင်း၏တတိယအပိုဒ်အဖြစ် ရေးလိုက်သည်။
လီမန် နှင့် ထောင်ထဲမှ ကဗျာဆရာကဲ့သို့ ကျွန်ုပ်တို့၌ ခက်ခဲဆုတ်ယုတ်မှုများနှင့် ရင်ဆိုင်တွေ့ကြုံရသောအချိန်များ ရှိကြသည်။ ထိုသို့ စိတ်ပျက်အားငယ်ချိန်တွင် “(ဘုရားသခင်၏) အတောင်တော်အရိပ်၌ ခိုလှုံပါ၏” (ဆာ ၅၇:၁)ဟူ၍ ဆာလံဆရာဒါဝိဒ်၏စကားအတိုင်း ပြောနိုင်ပါသည်။ ကျွန်ုပ်တို့၏အခက်အခဲများကို ဘုရားသခင်ထံ “အော်ဟစ်နိုင်ပါသည်”…
သေးငယ်သောကြင်နာမှု
အမန်းဒါ သည် ဘိုးဘွားရိပ်သာများစွာတွင် အလှည့်ကျဝင်ထွက်ကာ စောင့်ရှောက်မှုပေးသော သူနာပြုတစ်ဦးဖြစ်ပြီး၊ တစ်ခါတစ်ရံ သူမ၏ (၁၁) နှစ်အရွယ်သမီး ရူဘီ ကို အလုပ်သို့ ခေါ်လာလေ့ရှိသည်။ တစ်ခုခုလုပ်ပေးနိုင်ရန်အတွက် ရူဘီက ရိပ်သာရှိ ဘိုးဘွားများကို “အဘိုးတို့မှာ အရာသုံးမျိုး ရရှိနိုင်မယ်ဆိုရင် ဘာလိုချင်လဲ” ဟု မေးသည်။ ထို့နောက် သူတို့၏အဖြေများကို သူမ၏မှတ်စုစာအုပ်၌ ရေးမှတ်ထားပါသည်။ အံ့သြစရာမှာ သူတို့၏ဆန္ဒအများစုမှာ ဝက်အူချောင်း၊ ချောကလက်မုန့်၊ ဒိန်ခဲ၊ ထောပတ်သီး စသည့် အသေးအမွှားလေးများသာဖြစ်သည်။ ထို့ကြောင့် ရူဘီသည် သူတို့၏ရိုးရှင်းသောဆန္ဒများကို ကူညီဖြည့်ဆည်းပေးရန်အတွက် ‘GoFundMe’ ရန်ပုံငွေရှာသည့် ဝဘ်ဆိုဒ်ကို တည်ထောင်ခဲ့သည်။ လက်ဆောင်ပစ္စည်းများ ပေးအပ်သောအခါတွင် ပွေ့ဖက်ပေးသေးသည်။ “အဲဒါက ဘိုးဘိုး ဘွားဘွားတို့ကို အားဖြစ်စေတယ်။ တကယ်ပါ” ဟု သူမက ပြောပါသည်။
ရူဘီကဲ့သို့ ကရုဏာနှင့်ကြင်နာမှုကို ကျွန်ုပ်တို့ပြသသောအခါ ကျေးဇူးပြုတတ်၍ သနားကြင်နာတတ်သည့်…