အတားအဆီးများကို ကျော်လွန်၍ ချစ်ခြင်း

“ဘုရားသခင် ကျွန်မတို့အပေါ် အလွန်ကောင်းမြတ်တော်မူတယ်။ ကျွန်မတို့၏ နှစ်ပတ်လည်နေ့အတွက် ကိုယ်တော့်ကို ကျေးဇူးတင်ချင်ပါတယ်။” Terry (ထယ်ရီ) ၏ အသံသည် တည်ငြိမ်နေပြီး သူမမျက်လုံးမှ မျက်ရည်များက သူမ၏ရိုးသားမှုကို ဖော်ပြနေသည်။ ကျွန်တော်တို့အဖွဲ့လေးမှ လူများ၏စိတ်ထဲ အလွန်ထိရှခံစားကြရသည်။ ထယ်ရီနှင့် သူမ၏ခင်ပွန်းအတွက် လွန်ခဲ့သောနှစ်များသည် မည်မျှခက်ခဲခဲ့ကြောင်း သိသောကြောင့်ပါ။ ယုံကြည်သူတစ်ဦးဖြစ်သော်လည်း၊ ရောဘတ်သည် ရုတ်တရက်ပြင်းထန်သော စိတ်ရောဂါဝေဒနာကို ခံစားခဲ့ရပြီး သူတို့၏လေးနှစ်သမီးလေး၏အသက်ကို ဆုံးရှုံးစေခဲ့သည်။ သူသည် စိတ်ကျန်းမာရေးဌာနတွင် ဆယ်စုနှစ်များစွာ ဆေးရုံတက်ရမည်ဖြစ်သော်လည်း၊ ထယ်ရီသည် သူ့ကို သွားတွေ့ခဲ့ပြီး၊ ဘုရား သခင်က လှပသောကုစားမှုကို ပြုပေးကာ သူမ ခွင့်လွှတ်နိုင်အောင် မစခဲ့သည်။ စိတ် ကြေကွဲမှုကြီးမားလည်း သူတို့၏တစ်ဦးအပေါ်တစ်ဦး ချစ်ခြင်းမေတ္တာတိုးလာခဲ့သည်။

ထိုသို့သောချစ်ခြင်းမေတ္တာနှင့် ခွင့်လွှတ်ခြင်းတို့သည် အရင်းအမြစ်တစ်ခုတည်းမှသာ ဖြစ်ပေါ်လာနိုင်သည်။ ဒါဝိဒ်သည် ဘုရားသခင်အကြောင်း ဤသို့ရေးသားခဲ့သည်။ “ငါတို့၌ ဒုစရိုက်ရှိသည်အတိုင်း အပြစ်ကို ပေးတော်မမူတတ်၊…

စိတ်ရှည်သည်းခံခြင်း၌ သင်ခန်းစာများ

Bob Salem (ဘော့ဘ်ဆေလမ်) သည် သူ၏မျက်နှာပေါ်တွင် ဇွန်းကို နှာခေါင်းနေရာ၌ မျက်နှာဖုံးတွင်ချည်ကပ် တပ်ထားပြီး မြေပဲတောင့်ကို အမေရိကန်နိုင်ငံ၊ ကော်လိုရာဒိုပြည်နယ်ရှိ Pike's Peak တောင်ပေါ်သို့ ဇွန်းဖြင့် ကော်တင်သည့် အမြန်နှုန်း စံချိန်တင်ထားသည်။ သူသည် ကမ္ဘာလှည့်ခရီးသည်များကြောင့် နှောင့်နှေးမှုကို ရှောင်ရှားရန် ညအချိန်တွင် လုပ်ဆောင်ပြီး၊ ခုနစ်ရက်အတွင်း ပြီးမြောက်ခဲ့သည်။ ဘော့ဘ်သည် ဤစတန့်ကို ပြီးမြောက်ခဲ့သည့် စတုတ္ထမြောက်လူဖြစ်သည်။ ဆိုလို သည်မှာ အလွန်စိတ်ရှည်သော အခြားလူသုံးဦးလည်း သူကဲ့သို့ ပြုလုပ်ခဲ့ပြီးဖြစ်သည်။

ထိုစတန့်အတွက် စိတ်ရှည်သည်းခံမှု လိုအပ်ခြင်းက ကိုယ့်ဒုက္ခကိုယ်ရှာခြင်းဟု ကျွန်ုပ်တို့ ပြောကောင်းပြောနိုင်သော်လည်း၊ ဘဝတွင်မူ ထိုသို့မဟုတ်ပါ။ စိတ်ရှည်သည်းခံခြင်းကို ကျွန်ုပ်တို့ လိုအပ်ပါသည်။ ၎င်းသည် ဝိညာဉ်အသီးဖြစ်ပြီး (ဂလာ ၅:၂၂)၊ ကျွန်ုပ်တို့ “အလျှင်းမချို့တဲ့ဘဲ စေ့စပ်စုံလင်မည်အကြောင်း” (ယာ ၁:၄) မုချလိုအပ်သော သီလတစ်ခုဖြစ်သည်။ ပတ်ဝန်းကျင်ရှိ…

သခင်ယေရှုအတွက် ပြေးခြင်း

မီတာ (၁၀၀) အပြေးပြိုင်ပွဲအကြောင်း စဉ်းစားသောအခါ၊ လက်ရှိကမ္ဘာ့စံချိန်ရှင် Usain Bolt (ယူစိန်ဘုတ်) ကို လူအများက သတိရလိမ့်မည်။ သို့သော်လည်း Julia “Hurricane” Hawkins (ဂျူလီယာ “ဟာရီကိန်း” ဟော်ခင်စ်) ကိုဖြင့် မေ့ထား ၍ မရပါ။ ၂၀၂၁ ခုနှစ်တွင် အမေရိကန်နိုင်ငံ၊ Louisiana Senior Games (လူဝီစီယားနားပြည်နယ် သက်ကြွယ်အားကစားပြိုင်ပွဲ)၏ မီတာ (၁၀၀) အပြေးပြိုင် ပွဲ၌ ဂျူလီယာသည် အခြားအပြေးသမားအားလုံး၏ရှေ့မှ ပန်းဝင်မျဉ်းကို ဖြတ်ကျော်ခဲ့သည်။ သူမ၏စံချိန်သည် ဘုတ်၏စံချိန် ၉.၅၈ စက္ကန့်ထက် ၆၀ စက္ကန့်ကျော်သာ အနည်းငယ်နှောင့်နှေးခဲ့သည်။ သို့သော် သူမသည် အသက် (၁၀၅) နှစ်ရှိသူဖြစ်သည်။

သူမ၏အသက်အရွယ်၌ တာတိုပြေးပွဲကို ပြေးနေသောအမျိုးသမီးတစ်ဦးကို အားကျစရာ အများကြီးရှိနေပါသည်။ သို့သော် ပန်းတိုင်ချထားသည့်အတိုင်း သခင်နှင့်အတူ မရပ်မနားပြေးပွဲဝင်နေသည့် သခင်ယေရှုအား…

ကားနောက်ခန်းထိုင်ခုံရှိ သမ္မာကျမ်းစာအုပ်များ

အင်ဒရူး၏ ဗို့စ်ဝါဂန်ကား ရပ်သွားပြီး၊ အစောင့်များက သူ့ကားကို စစ်ဆေးကြသည်။ ယခင်က သူအကြိမ်ကြိမ် ဆုတောင်းခဲ့သည့်အတိုင်း “ဘုရားသခင်၊ ကိုယ်တော် ဤလောက၌ရှိစဉ်အခါ၊ မျက်စိကန်းသူကို မြင်ခွင့်ပေးခဲ့သည်။ ယခု မြင်နေသူကို ကန်းသွားအောင် ကျေးဇူးပြု၍ လုပ်ပေးပါ” ဟု ဆုတောင်းခဲ့သည်။ အစောင့်များသည် ကားကိုရှာဖွေပြီး၊ ခရီးဆောင်အိတ်ထဲမှ ကျမ်းစာအုပ်များနှင့်ပတ်သက်၍ ဘာမှမပြောပါ။ သို့နှင့် အင်ဒရူးသည် နယ်စပ်ကို ဖြတ်ကျော်ကာ ကျမ်းစာအုပ် အပိုင်မရှိနိုင်သူများထံသို့ ကျမ်းစာအုပ်များ သယ်သွားပေးခဲ့သည်။

Andrew van der Bijl (အန်ဒရူးဗန်ဒါဘိဂျဲလ်) (သို့) ဘရာသာအင်ဒရူးသည် ခရစ်ယာန်ဘာသာကို တားမြစ်ထားသောနိုင်ငံများသို့ ကျမ်းစာအုပ်များ ယူဆောင်သွားရန် မဖြစ်နိုင်သောအမှုအတွက် ဘုရားသခင် သူ့အား ခေါ်ယူစေစားသည့်အခါ ဘုရား၏တန်ခိုးကို သူအမှီပြုခဲ့သည်။ သူ၏ပညာအရည်အချင်းနိမ့်ခြင်းနှင့် ရန်ပုံငွေ ချို့တဲ့မှုကို အလေးပေးလျက် “ကျွန်တော်ဟာ သာမန်လူတစ်ဦးပါ။ ကျွန်တော် လုပ်တဲ့အလုပ်ကို လူတိုင်း…

ဘုရားသခင် ကျွန်ုပ်တို့ကို သိမြင်တော်မူ၏

အမေရိကန်နိုင်ငံ၊ မီရှီဂန်ပြည်နယ်တွင် သစ်ပင်ပေါင်း (၁၄) ဘီလီယံရှိပြီး၊ စံနှုန်းအများစုအရ အပင်အများစုမှာ ရိုးရိုးသာမန် ဖြစ်သည်။ သို့သော် ရှေးအကျဆုံးနှင့် အကြီးမားဆုံးသစ်ပင်များကို သက်ရှိထင်ရှားရှိသော အထင်ကရသစ်ပင်များအဖြစ် ဂုဏ်ပြုနိုင်ရေး “Big Tree Hunt” (ကြီးမားသောသစ်ပင် ရှာဖွေပွဲ)ကို ပြည်နယ်အစိုးရမှ နှစ်စဉ်ကျင်းပသည်။ သတိပြု စောင့်ဆိုင်းနေရုံဖြင့် သစ်တောတိုင်းတွင် မည်သည့်သစ်ပင်မဆို ဆုရသစ်ပင်ဖြစ်လာနိုင်သည်။ ထိုပြိုင်ပွဲသည် သာမန်သစ်ပင်များကို အဆင့် နောက်တစ်ဆင့်သို့ မြှင့်တင်ပေးသည်။

လူအများစုနှင့်မတူဘဲ၊ ဘုရားသခင်သည် သာမန်လူများကို အမြဲသတိပြုသည်။ အခြားသူများ လျစ်လျူရှုထားသော ‘အရာ နှင့် မည်သူ့ကိုမဆို’ ကိုယ်တော် ဂရုစိုက်ပါသည်။ ဘုရားသခင်သည် ယေရောဗောင်မင်းလက်ထက်တွင် အာမုတ် အမည်ရှိသော သာမန်လူတစ်ဦးကို ဣသရေလနိုင်ငံသို့ စေလွှတ်ခဲ့သည်။ အာမုတ်သည် သူ၏လူများတို့အား ဒုစရိုက်ကို လွှဲရှောင်၍ တရားသဖြင့်ပြုမှုရန် သတိပေးသော်လည်း ဝိုင်းပယ်ခံရပြီး တိတ်ဆိတ်စွာနေရန် အပြောခံခဲ့ရသည်။ သူတို့က…

ကျွန်ုပ်တို့၏ဇာတ်လမ်းများကို ဘုရားရှင် သုံးသည်

ဆယ်ပတ်သားအရွယ် မမွေးဖွားသေးသောကလေးငယ်၏ ခြေထောက်အရွယ်နှင့် တစ်ပုံစံတည်း ငွေရောင်ရင်ထိုးလေးကို အမှတ်တရပစ္စည်းဘူးထဲမှ ထုတ်လိုက်သည်။ ခြေချောင်းလေးဆယ်ချောင်းကို ညင်သာစွာပွတ်သပ်ရင်း ပထမဆုံးကိုယ်ဝန် ပျက်သွားသည့်အဖြစ်ကို သတိရမိပြီး၊ အခြားသူများက ကျွန်မအား “ကံကောင်းသူ” ဟု ပြောသော်လည်း အမှန်တကယ် “ကျွန်မသည် အဲဒီလောက် ကံမကောင်းခဲ့ပါ”။ကျွန်မသားအိမ်ထဲ ခုန်ခဲ့သောနှလုံးသားလေးကဲ့သို့ပင် ကျွန်မကလေး၏ခြေထောက် လေးများသည် အမှန်ရှိခဲ့ကြောင်းသိပြီး ကျွန်မ ကြေကွဲ ဝမ်းနည်းခဲ့ရသည်။ ဝမ်းနည်း ကြေကွဲမှုများမှ ကျွန်မအား လွတ်မြောက်စေပြီး၊ ကလေးဆုံးရှုံး၍ ကြေကွဲရသော အခြားသူများကို နှစ်သိမ့်ရန် ကျွန်မ၏အဖြစ်မှန်ဇာတ်လမ်းကို အသုံးပြုသည့်အတွက် ဘုရားသခင်အား ကျေးဇူးတင်သည်။ ကျွန်မကလေးပျက်ပြီး အနှစ်နှစ်ဆယ်ကျော်၌ ဆုံးရှုံးသွားသောရင်သွေးလေးအား အခြားဘာသာ စကားအချို့၌ “ဝမ်းမြောက်ခြင်း” ဟု အဓိပ္ပာယ်ရသည့် Kai (ခိုင်) ဟု ကျွန်မ၏ခင်ပွန်းနှင့်ကျွန်မတို့ အမည်မှည့်ပေးလိုက်သည်။ ဆုံးရှုံးမှုအတွက် နာကျင်စွာခံစားနေရဆဲ ဖြစ်သော်လည်း ဘုရားသခင်သည် ကျွန်မနှလုံးသားကို ကုစားပေးပြီး အခြားသူများအား…

ခရစ်တော်ကဲ့သို့ တုံ့ပြန်မှု

အလွန်ပူပြင်းသော အမေရိကန်နိုင်ငံ၊ ကယ်ရိုလိုင်းနားပြည်နယ် နွေရာသီ၏ နေရောင်အောက် ဆောက်လုပ်ရေးလုပ်ငန်းခွင်၌ ဂျော့ဂျ် တစ်ယောက် အလုပ်လုပ်နေစဉ် အနီးဝန်းကျင်တွင် နေထိုင်သူတစ်ဦးက သူအလုပ်လုပ်နေသော ဝင်းထဲသို့ ဝင်လာသည်။ ထိုသူသည် အလွန်စိတ်ဆိုးနေပုံပေါ်ပြီး စီမံကိန်းနှင့် ပတ်သက်သမျှနှင့် စီမံကိန်းလုပ်ဆောင်နေပုံများကို ဆဲဆိုအပြစ်တင်သည်။ ဒေါသထွက်နေသူ၏ အော်ဟစ်ကြိမ်းမောင်းမှု ရပ်သွားသည့်အထိ ‌ဂျော့ဂျ် သည် တစ်ခွန်းတစ်ပါဒမျှ မတုံ့ပြန်ဘဲ ငြိမ်ခံနေခဲ့သည်။ ပြီးမှ “မိတ်ဆွေ၊ ဒီနေ့ ခင်ဗျား အတော်လေးစိတ်အနှောင့်အယှက်ဖြစ်နေတယ် မဟုတ်လား”ဟု နူးညံ့စွာ ပြောလိုက်သည်။ ဒေါသထွက်နေသော အိမ်နီးနားချင်းသည် ရုတ်တရက် ခေါင်းငိုက်စိုက်ချပြီး “အခုလို ကျွန်တော်ရိုင်းရိုင်းစိုင်းစိုင်း ပြောမိတဲ့အတွက် တောင်းပန်ပါတယ်”ဟု ဆိုလာသည်။ ဂျော့ဂျ်၏ကြင်နာမှုက ထိုအိမ်နီးနားချင်း၏ အမျက်ဒေါသကို လျှော့ပေးစေခဲ့သည်။

ကျွန်ုပ်တို့၌ ပြန်လည်တိုက်ခိုက်လိုသောအချိန်များ ရှိပါသည်။ သူကြမ်းလျှင် ကိုယ်ကြမ်းမည်၊ တန်ရာတန်ရာဟူ၍ ရန်ကို ရန်ချင်းသာ တုံ့ပြန်လိုသည်။ သို့သော် ဂျော့ဂျ်၏…

ယုံကြည်ခြင်းဖြင့် ဟုတ်ကဲ့ဟု ပြောသည်

အလုပ်ခွင်၌ တာဝန်အသစ်ကိုလက်ခံပါမည်လားဟု မေးလာသောအခါ ကျွန်မလက်မခံပါ ဟုပြောလိုက်ချင်သည်။ အခက်အခဲများကို တွေးပြီး၊ ထိုအလုပ်များကို ကိုင်တွယ်ဖြေရှင်းနိုင်သည့် အရည်အချင်း မပြည့်မီသေးဟု ခံစားရသည်။ သို့သော် ဆုတောင်းပြီး သမ္မာကျမ်းစာနှင့် အခြားယုံကြည်သူများထံမှ လမ်းညွှန်မှုအကြံဉာဏ်ကို ရယူသောအခါ ထိုအလုပ်ကို လက်ခံရန် ဘုရားသခင် အလိုရှိသည်ဟု ကျွန်မ သိရှိလိုက်သည်။ နှုတ်ကပတ်တော်အားဖြင့် ကိုယ်တော်ကူညီမစမည့်အကြောင်း စိတ်ချမှုကိုလည်း ရရှိခဲ့သည်။ ထို့ကြောင့် ထိုအလုပ်ကို လက်ခံခဲ့သော်လည်း စိတ်ထဲ၌မူ စနိုးစနှောင့် ဖြစ်နေဆဲပင်။

ခါနာန်ပြည်ကို ဝင်ရောက်သိမ်းပိုက်ရန် တွန့်ဆုတ်နေသော ဣသရေလလူမျိုး တို့နှင့် သူလျှို ဆယ်ယောက်နေရာ၌ ကျွန်မကိုယ်ကိုကျွန်မ မြင်မိသည် (တော ၁၃:၂၇-၂၉၊ ၃၁-၃၃၊ ၁၄:၁-၄)။ ကြီးမား၍ ခွန်အားကြီးသောသူများနှင့် သူတို့၏ ခိုင်ခံ့တောင့်တင်းသော မြို့များကို မည်ကဲ့သို့အောင်နိုင်မည်နည်းဟု တွေးရင်း သူတို့လည်း အခက်ကြုံနေသည်။ “သူတို့ရှေ့မှာ ငါတို့သည် ကိုယ်အထင်အတိုင်း နှံကောင်ကဲ့…

ခရစ်တော်၏စိတ်သဘော

စိန်ခေါ်မှုကြီးသည့် အာဖဂန်နစ္စတန်နိုင်ငံ၌ တာဝန်ကျစဉ် ဗြိတိသျှစစ်တပ်မှ တပ်ကြပ်ကြီး Scott (စကော့)သည် စိတ်ပိုင်းဆိုင်ရာဖိစီးမှုများ ခံစားခဲ့ရသည်။ “ငါ အမှောင်ထုထဲ ရောက်နေတယ်”ဟု သူ သတိရမိသည်။ သို့သော် သူသည် “သခင်ယေရှုကို တွေ့ရှိပြီး ကိုယ်တော်၏နောက်တော်သို့ လိုက်လျှောက်ခဲ့သည်။” သူ့ဘဝတစ်ခုလုံး ပြောင်းလဲသွားသည်။ ယခုအခါ သူသည် ခရစ်တော်၏ချစ်ခြင်းမေတ္တာကို အခြားသူများအား ဝေငှနိုင်ရန် ကြိုးစားသည်။ အထူးသဖြင့် Invictus Games (အနိုင်မခံ မရှုံးမပေး အားကစားပြိုင်ပွဲ)တွင် နိုင်ငံတကာမှ သူနှင့်အတူ ယှဥ်ပြိုင်ကြသည့် ထိခိုက်ဒဏ်ရာရ စစ်ပြန်များနှင့် စစ်တပ်မှ စစ်မှုထမ်းဟောင်းများအား ဘုရားသခင်၏မေတ္တာကို ဝေငှရန် ကြိုးစားခဲ့သည်။

စကော့ သည် အားကစားပြိုင်ပွဲသို့မသွားမီ ကျမ်းစာဖတ်ခြင်း၊ ဆုတောင်းခြင်း၊ ဓမ္မတေးများ နားထောင်ခြင်းဖြင့် ခွန်အားယူသည်။ ဤသို့ဖြင့် “ရှင်ယေရှု၏ သဘောတော်ကို ထင်ဟပ်လျက်၊ ပြိုင်ပွဲဝင်စစ်ပြန်များအား ကြင်နာမှု၊ သိမ်မွေ့ နူးညံ့မှုနှင့်…

ဘုရားသခင်ပေးတော်မူသော အကွယ်အကာ

ကျွန်တော်တို့ဇနီးမောင်နှံသည် နှစ်စဉ် အမေရိကန်နိုင်ငံ၊ အနောက်မီချီကန်ပြည်နယ်တောလမ်းများ၌ မိုင်ပေါင်းများစွာ စက်ဘီးနင်းကြသည်။ အတွေ့အကြုံများကို ပိုမိုမြှင့်တင်ရန် ကျွန်တော်တို့၏စက်ဘီး၌ အပိုပစ္စည်းအချို့ တပ်ဆင်ကြသည်။ Sue (စူး)၏စက်ဘီးတွင် ရှေ့မီး၊ နောက်မီး၊ ခရီးမိုင်တိုင်းကိရိယာ၊ စက်ဘီးခတ်သော့တို့ရှိပြီး၊ ကျွန်တော့်စက်ဘီး၌ ရေဗူးထည့်ရန်နေရာရှိသည်။ လက်တွေ့တွင် ထိုအပိုပစ္စည်းများမပါဘဲ လမ်းကြောင်းအတိုင်း ကျွန်တော်တို့ နေ့စဉ်အောင်မြင်စွာ မိုင်ပေါင်းများစွာ စီးနင်းခရီးနှင်နိုင်သည်။ ထိုအပိုပစ္စည်းများသည် အကူအညီရသော်လည်း ၎င်းတို့ကို တပ်မည်/မတပ်မည်ကို ရွေးချယ်နိုင်ပါသည်။

ဧဖက်သြဝါဒစာ၌ တမန်တော်ရှင်ပေါလုက အခြားသောအပိုပစ္စည်းများ အကြောင်း ရေးထားပြီး ၎င်းတို့ကို အပိုဆောင်ထားရန်မျှသာ မဟုတ်ပါ။ ရှင်ယေရှုကို ယုံကြည်ကြောင်း အောင်မြင်စွာ ရှင်သန်ပြနိုင်ရေး ၎င်းတို့ကို “ယူတင်ဝတ်ဆင်ရမည်” ဟု သူဆိုသည်။ ဘဝအသက်တာသည် လွယ်ကူသောခရီးလမ်း မဟုတ်ပါ။ မာရ်နတ် ၏ ပရိယာယ်ကို ဆန့်ကျင်တိုက်ခိုက်ရမည့် တိုက်ပွဲအတွင်း၌ ကျွန်တော်တို့ရှိနေသဖြင့် ဘုရားသခင် ပြင်ဆင်ပေးသော လက်နက်စုံကို ဝတ်ဆောင်ကြရပါမည်…