ဘုရားသခင်၌ ခွန်အားစုဆောင်းခြင်း

Grainger McKoy (ဂရိန်းဂျာမက်ခွိုင်)သည် ငှက်များ၏တင့်တယ်မှု၊ အားနည်းချက် နှင့် စွမ်းအားများကို လေ့လာပြီး ငှက်ရုပ်များကို ထုဆစ်သော အနုပညာရှင်တစ်ဦး ဖြစ်သည်။ သူ၏လက်ရာများမှတစ်ခုကို ‘Recovery’ (ပြန်လည်ကောင်းမွန်လာခြင်း) ဟု အမည်ပေးထားပြီး၊ အမြီးချွန်သောဘဲတစ်ကောင်၏ ညာဘက်တောင်ပံကို ဒေါင်လိုက်အနေအထားဖြင့် မြင့်မားစွာ ဆန့်ထားပုံကို ပြသထားသည်။ အောက်ဘက်ရှိ ကဗျည်းပြားပေါ်တွင် “၎င်းသည် ပျံသန်းမှု၌ ငှက်၏အကြီးမားဆုံး အားနည်းချက်အခိုက်အတန့် ဖြစ်သော်လည်း ရှေ့ဆက်ခရီးအတွက် ခွန်အားစုစည်းသောအချိန်လည်း ဖြစ်သည်”ဟု ရေးသားထားသည်။ ဂရိန်းဂျာက “ငါ့ကျေးဇူးသည် သင့်အဖို့လောက်ပေ၏။ ငါ့တန်ခိုးသည် အားနည်းခြင်းအဖြစ်၌စုံလင်တတ်သည်” (၂ ကော ၁၂:၉) ဟူသည့် ကျမ်းပိုဒ်ကိုလည်း ထည့်သွင်းထားသည်။

အထက်ပါစကားများကို တမန်တော်ရှင်ပေါလုက ကောရိန္သုအသင်းတော်သို့ရေးသားခဲ့သည်။ ကိုယ်ရေးကိုယ်တာ ရုန်းကန်မှုဖြင့် ထိခိုက်ခံစားရသောအချိန်ကို ကြံ့ကြံ့ခံကာ ပေါလုက “ငါ့ကိုယ်၌ဆူးသောစူး” (:၇)ဟု ဖော်ပြလျက် ထိုဆူးကို ဖယ်ရှားပေးရန် ဘုရားသခင်အား တောင်းလျှောက်ခဲ့သည်။…

ချစ်မေတ္တာဖြင့် ရင်ဆိုင်ခြင်း

သူကောင်းစွာလုပ်ဆောင်ခဲ့သည့် အရာများစွာ ရှိသော်လည်း ပြဿနာတစ်ခုရှိခဲ့သည်။ လူတိုင်းက ထိုပြဿနာကို မြင်သည်။ သူ၏အခန်းကဏ္ဍအများစုကို ပြီးမြောက်အောင်မြင်စွာ အကျိုးရှိရှိ လုပ်ဆောင်နိုင်ခဲ့ခြင်းကြောင့် သူ၏ဒေါသပြဿနာကို မည်သူမျှ၊ ဘယ်သောအခါမှ ထိထိရောက်ရောက် ထိပ်တိုက် ဖြေရှင်းခဲ့ခြင်းမရှိပါ။ ဝမ်းနည်းဖွယ်အကျိုးဆက်မှာ ထိုနှစ်များအတွင်း သူ့ကြောင့် လူများစွာ နာကျင်ခံစားခဲ့ရသည်။ ခရစ်တော်၌ရှိသော ဤညီအစ်ကိုအတွက် ပိုကောင်းသောအခြေအနေ ဖြစ်နိုင်သော်လည်း၊ အဆုံးတွင် သူ၏အသက်မွေးဝမ်းကြောင်းမှုသည် အချိန်မတိုင်ဘဲ ရပ်ဆိုင်းခြင်းသို့ ဦးတည်သွားသည်။ အကယ်၍ ယခင်ကတည်းက သူ့အား ချစ်ခြင်းမေတ္တာဖြင့် ရင်ဆိုင်ဖြေရှင်းရန် ကျွန်တော်ရွေးချယ်ခဲ့ပါက ထိုသို့ဖြစ်လိမ့်မည် မဟုတ်ပါ။

ကမ္ဘာဦးကျမ်း ၄ တွင် ဘုရားသခင်သည် တစ်စုံတစ်ဦး၏အပြစ်ကို ချစ်ခြင်း မေတ္တာဖြင့် ရင်ဆိုင်ဖြေရှင်းခြင်း၏အဓိပ္ပာယ်ကို ပြီးပြည့်စုံသောသရုပ်ဖြင့် ဖော်ပြထားသည်။ ကာဣနသည် ဒေါသထွက်ခဲ့သည်။ သူသည် လယ်သမားတစ်ဦးဖြစ်သည့်အလျှောက် “ထာဝရဘုရားထံ ပူဇော်သက္ကာဖို့၊ မြေအသီးကို ဆောင်ခဲ့၏” (:၃)။ သို့သော် သူယူလာသောအရာသည်…

စွန့်စားမှု

“ခရစ်ယာန်ဘာသာဟာ ကျွန်မအတွက် မဟုတ်ဘူး။ ပျင်းစရာကောင်းတယ်။ စွန့်စားမှုဆိုတာ ကျွန်မတန်ဖိုးထားတဲ့ အရာတွေထဲက တစ်ခုဖြစ်ပြီး အဲတာကျွန်မဘဝပါပဲ” ဟု အမျိုးသမီးငယ်တစ်ဦးက ကျွန်မကိုပြောပြခဲ့သည်။ ခရစ်တော်နောက်လိုက်ခြင်းအားဖြင့် အခြားဘာနှင့်မှမတူသော၊ စွန့်စားမှုတစ်ခုဖြစ်သည့် ထူးခြားပျော်ရွင်မှုနှင့် စိတ်လှုပ်ရှားမှုများ ရရှိမည်ကို သူမမသိသေးသည့်အတွက် ကျွန်မစိတ်မကောင်းဖြစ်မိပါသည်။ သခင်ယေရှုအကြောင်းနှင့် စစ်မှန်သောဘဝကို ကိုယ်တော်၌သာ ရှာဖွေနိုင်ကြောင်းကို သူမအား စိတ်လှုပ်ရှားစွာ ဝေမျှခဲ့သည်။

ဘုရားသားတော် ယေရှုကို သိကျွမ်းပြီး သူနှင့်အတူလျှောက်လှမ်းခြင်းဟူသော စွန့်စားမှုကိုဖော်ပြရန်မှာ စကားလုံးနှင့်မျှ မလုံလောက်ပါ။ ဧဖက်သြဝါဒစာ ၁ တွင် တမန်တော်ရှင်ပေါလုသည် ကျွန်ုပ်တို့အား အနည်းငယ်သာဖြစ်သော်လည်း ကိုယ်တော်၌ တည်သောအသက်တာသည် အစွမ်းထက်ကြောင်းကို အရိပ်အမြွက် ပြောပြသည်။ ဘုရားသခင်သည် ကျွန်မတို့အား ဝိညာဉ်ရေးကောင်းချီးများကို ကောင်းကင်မှတိုက်ရိုက်ပေးသနားပြီး (:၃)၊ ဘုရား၏အမြင်တွင် သန့်ရှင်းခြင်းနှင့် အပြစ်ကင်းစင်ခြင်း (:၄)၊ ဘုရား၏တော်ဝင်မိသားစုတွင် အမွေစားအမွေခံဖြစ်ခြင်း (:၅)တို့ကို ပေးတော်မူသည်။ ထို့ပြင်ကြွယ်ဝသောခွင့်လွှတ်ခြင်းနှင့် ကျေးဇူးတော်…

ဘုရားသခင်ကောင်းမြတ်ခြင်းအကြောင်း ပြောပါ

မိမိတို့၏အသက်တာ၌ ဘုရားသခင်အလုပ်လုပ်နေကြောင်းကို ဝေမျှခြင်းဟူသော သက်သေခံခြင်းအချိန်သည် ကျွန်ုပ်တို့အသင်းတော်၏ဝတ်ပြုခြင်းတွင် ပါဝင်သည့် အပိုင်းဖြစ်သည်။ ကျွန်ုပ်တို့အသင်းတော်မိသားစု၌ လူသိများသည့် အန်တီ သို့မဟုတ် အစ်မကြီး Langford (လန်းဖို့ဒ်)၏ သက်သေခံချက်သည် ချီးမွမ်းခြင်းများစွာဖြင့် ပြည့်နေသည်ဟု အများက သိမှတ်ကြသည်။ သူမ၏အသက်တာပြောင်းလဲခြင်းအကြောင်းကို ဝေမျှသည့်အခါများတွင်၊ ဝတ်ပြုစည်းဝေး၏ အချိန်ကောင်းကို သူမ ယူပြီဟု မျှော်လင့်နိုင်သည်။ သူမ၏အသက်တာကို ကြင်နာစွာ ပြောင်းလဲပေးခဲ့သော ဘုရားသခင်အား ချီးမွမ်းခြင်းများ သူမ၏ နှလုံးသားမှ ပွင့်အံထွက်လာသည်။

အလားတူပင်၊ ဆာလံ ၆၆ ကို ရေးသူသည် သူ၏လူမျိုးအတွက် ဘုရားသခင်ပြုခဲ့ပေးသည့်အရာများကို သက်သေခံစဥ် သူ၏သက်သေခံချက်တွင် ချီးမွမ်းခြင်းများ အပြည့်ဖြစ်သည်။ “ဘုရားသခင်စီရင်တော်မူသော အမှုတော်ကို လာ၍ ကြည့်ကြလော့။ လူသားတို့တွင် စီရင်တော်မူသောအမှုတို့သည် အံ့ဩဘွယ်ဖြစ်ကြ၏” (:၅)၊ ဘုရားရှင်၏လုပ်ဆောင်မှုများတွင် အံ့ဖွယ်ကယ်တင်လွတ်မြောက် စေခြင်း (:၆)၊ ထိန်းသိမ်းစောင့်ရှောက်ခြင်း (:၉)၊ စမ်းသပ်ခြင်းနှင့်…

လိုအပ်သောအရာတစ်ခု

မတ်လအားလပ်ရက်တစ်ရက်တွင် မောင်ဖြစ်သူလာဇရုနှင့်အတူ နေထိုင်သော ယေရှုချစ်သည့် ဗေသနိရွာမှ မာရိ၊ မာသ ညီအစ်မနှစ်ဦးတို့၏အကြောင်း‌ ခေါင်းစဥ်ဖြင့် ကျမ်းစာသင်တန်းကို ကျွန်မဦးဆောင်ခဲ့သည် (ယော ၁၁:၅)။ ကျွန်မတို့သည် အင်္ဂလိပ်ကမ်းရိုးတန်းတစ်လျှောက် ဝေးလံခေါင်သီသောအရပ်တွင် ရောက်နေပြီး၊ မမျှော်လင့်ဘဲ နှင်းများကျလာသောအခါ သင်တန်း၌ပါဝင်သူများစွာက နောက်ထပ် တစ်ရက်နေရခြင်းက မာရိကဲ့သို့ ခရစ်တော်၏ခြေရင်း၌ ထိုင်လျက်သင်ယူခြင်းသဘောကို အတူတကွ လေ့ကျင့်ရန်ဖြစ်ကြောင်း မှတ်ချက်ချခဲ့ကြသည်။ သခင်ယေရှုက မာသအား သူ့ထံချဉ်းကပ်ပြီး သင်ယူရန် ရွေးချယ်သင့်ကြောင်း မေတ္တာဖြင့် မိန့်ဆိုခဲ့သည့် “လိုသောအရာတစ်ခု” အကြောင်းကို (လု ၁၀:၄၁) သူတို့ လေ့လာချင်ကြသည်။

မာသ၊ မာရိနှင့် လာဇရုတို့၏အိမ်သို့ သခင်ယေရှုလာရောက်သောအခါ၊ သခင်လာမည်ကို ကြိုတင်မသိရှိခဲ့သောကြောင့် ယေရှုနှင့်သူ၏မိတ်ဆွေများကိုကျွေးမွေးရန် ပြင်ဆင်မှုများ၌ မာရိမကူညီသည့်အတွက် မာသမည်မျှစိတ်ပူပန်နေမည်ကို ကျွန်မတို့ နားလည်နိုင်သည်။ သို့သော် အမှန်တကယ်အရေးကြီးသောအရာဖြစ်သည့် ယေရှုထံမှသင်ယူခြင်းဖြင့် ရရှိမည့်အရာကို သူမမျက်ခြည်ပြတ်သွားခဲ့သည်။ ခရစ်တော်သည် သူ့အား…

အပြစ်များကို မအောက်မေ့တော့ပါ

ကားလမ်းပေါ်တွင် ရေခဲဖုံးနေသည်ကို မမြင်တွေ့ရသော်လည်း ရေခဲရှိနေသည်ဟု ကျွန်တော် ခံစားခဲ့ရသည်။ ကျွန်တော် မောင်းနေသော ပစ်ကပ်ကား၏အနောက်တွင် အဘိုး၏ထရပ်ကားကို ကြိုးနှင့်ဆွဲလာခဲ့ပြီး၊ တစ်ချက်၊ နှစ်ချက်၊ သုံးချက် ကွေ့လိုက်ပြီးနောက် (၁၅) ပေရှိသော ရေကာတာပေါ်မှ လေထဲသို့ ကျွန်တော် ပျံတက်သွားသည်။ “ငါမသေရင် ကောင်းမှာပဲ”ဟု တွေးခဲ့မိသည်ကို သတိရသည်။ ခဏအကြာတွင် ထရပ်ကားသည် မတ်စောက်သော တောင်စောင်းသို့ ထိုးကျကာ အောက်ခြေသို့ လှိမ့်ဆင်းသွားသည်။ ကြေမွနေသော ကားခေါင်းခန်းမှ ထိခိုက်မှုမရှိ ဘဲ၊ ကျွန်တော် တွားလျက် ထွက်လာခဲ့သည်။

ထရပ်ကားသည် ထိုနေ့၊ ၁၉၉၂ ခုနှစ် ဒီဇင်ဘာလ နံနက်ခင်းတွင် လုံးဝပျက်စီးသွားသည်။ ဘုရားသခင်သည် ကျွန်ုပ်ကို အသက်ရှင်ခွင့်ပေးခဲ့သည်။ သို့သော် အဖိုးကော။ သူဘာပြောမည်နည်း။ တကယ်တော့ သူသည် ထရပ်ကားနှင့် ပတ်သက်၍ ဘာတစ်ခုမှ မပြောပါ။ တစ်ခုဆိုတစ်ခုမှ မပြောပါ။…

ကတ်တစ်ခုနှင့်ဆုတောင်းချက်

လောလောလတ်လတ် မုဆိုးမဖြစ်သွားသောအမျိုးသမီးတစ်ဦး၌ စိုးရိမ်စိတ် တိုးလာသည်။ ခင်ပွန်းဖြစ်သူအသက်ဆုံးရှုံးခဲ့ရသည့် မတော်တဆမှုနှင့်ပတ်သက်၍ အာမခံပေါ်လစီတစ်ခုမှ အရေးပါသောအာမခံငွေကို ထုတ်ယူရန်အတွက် အဓိကအချက်အလက်များ လိုအပ်နေသည်။ သူမကို ကူညီမည်ဟု ပြောခဲ့သော ရဲအရာရှိနှင့် စကားပြောခဲ့သော်လည်း သူ့ကို ဆက်သွယ်ရမည့်လိပ်စာကတ် ပျောက်သွားသည်။ ထို့ကြောင့် သူမကိုကူညီရန် ဘုရားသခင်ထံ အသနားခံ ဆုတောင်းခဲ့သည်။ အချိန်အနည်းငယ်ကြာပြီးနောက် သူမ၏ဘုရားကျောင်းတွင် ပြတင်းပေါက်တစ်ခုအနားမှ ဖြတ်သွားစဥ် ထိုရဲအရာရှိ၏ လိပ်စာကတ်ကို ပြတင်းပေါက်‌ဘောင်ပေါ်တွင် တွေ့လိုက်ရသည်။ ထိုနေရာသို့ လိပ်စာကတ်မည်သို့ရောက်သွားမှန်း သူ မသိသော်လည်း လိပ်စာကတ်ရှိနေသည့်အကြောင်းရင်းကို သူမ သိသည်။

သူမ အလေးအနက်ဆုတောင်းခဲ့သည်။ အဘယ့်ကြောင့် သူမဆုတောင်းခဲ့သနည်း။ သမ္မာကျမ်းစာက ဘုရားသခင်သည် ကျွန်ုပ်တို့၏ဆုတောင်းချက်များကို နားထောင်နေသည်ဟု ဆိုသည်။ “ထာဝရဘုရားသည် ဖြောင့်မတ်သောသူတို့ကို ကြည့်ရှုတော်မူ၏။ သူတို့ ဆုတောင်းခြင်းကိုလည်း နားထောင်တော်မူ၏” (၁ ပေ ၃:၁၂) ဟု ရှင်ပေတရု ရေးသားခဲ့သည်။…

ယေရှုကို မှီခိုပါ

ရုံးလှေကားထစ်၌ ကျွန်မခေါင်းမူးသွားသည်။ လှေကားက ချာချာလည်နေပုံ‌ပေါ်သဖြင့် လက်ကိုင်တန်းကို မြဲမြဲကိုင်ထားလိုက်သည်။ နှလုံး တဒိန်းဒိန်းခုန်၍ ခြေထောက် ခွေကျလာခြင်းကြောင့် လက်တန်းကို တင်းတင်းဆုပ်ကိုင်ရင်း ၎င်း၏ခိုင်ခံ့မှုအတွက် ကျေးဇူးတင်မိသည်။ ဆေးစစ်ချက်များအရ ကျွန်မ သွေးအားနည်းနေကြောင်း သိခဲ့ရသည်။ အခြေအနေက မပြင်းထန်သလို ကျွန်မ၏ပြဿနာ ပြေလည်သွားသော်လည်း ထိုနေ့က ကျွန်မအလွန်အားနည်းခဲ့ကြောင်းကို ဘယ်တော့မှ မမေ့နိုင်ခဲ့တော့ပါ။

ထို့ကြောင့် သခင်ယေရှုကို တို့ထိသော အမျိုးသမီးကို ကျွန်မ လေးစားမိသည်။ သူမ၏ အားနည်းသောအခြေအနေနှင့် လူအုပ်ကြားတွင် တိုးဝှေ့ခြင်းသာမက ကိုယ်တော်ထံချဉ်းကပ်ရန် အရဲစွန့်ခြင်းဖြင့် သူမ၏ယုံကြည်ခြင်းကို ပြသခဲ့သည် (မ ၉:၂၀-၂၂)။ သူမကြောက်လန့်ဖို့ အကြောင်းပြချက်ကောင်းရှိပါသည်။ ဂျူးဥပဒေအရ သူမသည် မသန့်ရှင်းသူအဖြစ် သတ်မှတ်ခံရပြီး အခြားသူများ‌ရှေ့၌ သူမ၏ မသန့်ရှင်းမှုကို ဖော်ထုတ်ခြင်းဖြင့် ပြင်းထန်သောအကျိုးဆက်ကို ရင်ဆိုင်ရနိုင်သည် (ဝတ် ၁၅:၂၅-၂၇)။ သို့သော် ‘ကိုယ်တော်၏ပန်းပွားတော်ကိုသာ ထိရလျှင်’ ဆိုသည့်…

ကံကောင်းစေသော ဘွတ်ဖိနပ်

နောက်ကျသွားပြီ၊ တွမ်သည် သူ၏ တိုက်ခိုက်ရေးဖိနပ်အောက်ရှိ ထိတ်လန့်ဖွယ် ကောင်းသော “ကလစ်” ဟူသည့်အသံကို ခံစားလိုက်ရပြီး၊ အလိုလိုပင် အားကုန်သုံး၍ ခုန်ထွက်လိုက်သည်။ မြေအောက်၌ ဝှက်ထားသည့် သေစေနိုင်သောမိုင်းသည် ပေါက်ကွဲခဲ့ခြင်း မရှိပေ။ ထို့နောက် မိုင်းရှင်းလင်းရေးအဖွဲ့သည် အခင်းဖြစ်သည့် နေရာမှ ပေါင် (၈၀) လေးသော အားပြင်းမိုင်းကို တူးဖော်တွေ့ရှိခဲ့သည်။ တွမ်သည် ထိုဖိနပ်ကို“ငါ့ရဲ့ ကံကောင်းစေတဲ့ဖိနပ်” ဟုခေါ်ကာ စုတ်ပြဲသည်အထိ ဝတ်ဆင်ခဲ့သည်။

တွမ်သည် ဖြစ်နိုင်ခြေမရှိသည့်အခြေအနေမှ လွတ်မြောက်ခဲ့ခြင်းကို အထိမ်းအမှတ်ပြုရန် ထိုဖိနပ်ကို ရိုးရိုးတွယ်တာခြင်း ဖြစ်ကောင်းဖြစ်မည်။ သို့သော် အရာဝတ္ထုများကို “ကံကောင်းစေသောလာဘ်” (သို့) ဝိညာဉ်သဘောဆန်ဆန် “ကောင်းချီး” အဖြစ်မှတ်ယူရန် လူတို့မကြာခဏ သွေးဆောင်ခံရလေ့ရှိသည်။ အရာဝတ္တုတစ်ခု၊ သင်္ကေတတစ်ခုကိုပင်လျှင် ဘုရား၏ ကောင်းချီးအရင်းအမြစ်အဖြစ် ကျွန်ုပ်တို့အသိအမှတ်ပြုသောအခါ အန္တရာယ်ကျရောက်လာပါသည်။

ဣသရေလလူမျိုးတို့သည် ထိုအချက်ကို ခက်ခဲစွာ သင်ယူခဲ့ရသည်။ ဖိလိတ္တိစစ်တပ်က တိုက်ပွဲတွင်…

ဆုတောင်းခြင်းဖြင့် ချစ်ခြင်းမေတ္တာထားခြင်း

ဂျွန်သည် အသင်းတော်၌ နှစ်ပေါင်းများစွာ အတော်လေး အနှောင့်အယှက်တစ်ခု ဖြစ်ခဲ့သည်။ သူသည် ဒေါသကြီးကာ၊ တောင်းဆိုမှုများပြီး မကြာခဏ ရိုင်းစိုင်းတတ်သည်။ သူ့အပေါ် ကောင်းစွာ အစေခံဝန်ဆောင်မှု မရှိ၊ အသင်းတော်၏ လုပ်အားပေးများနှင့် ဝန်ထမ်းများ အလုပ်ကို ကောင်းစွာ မလုပ် စသည်ဖြင့် သူစောဒကတက်သည်။ ရိုးသားစွာပြောရလျှင် သူ့ကိုချစ်ရန် ခက်ပါသည်။

သို့နှင့် သူကင်ဆာရောဂါရှိသည်ဟု ကျွန်တော်ကြားရသောအခါ သူ့အတွက်ဆုတောင်းပေးရန် ခက်ခဲခဲ့သည်။ သူ၏ပြင်းထန်သောစကားများနှင့် မနှစ်မြို့ဖွယ် စရိုက်များက ကျွန်တော့်မှတ်ဥာဏ်တွင် အပြည့်ရှိနေသည်။ သို့သော် သခင်ယေရှုက ချစ်မေတ္တာပြရန် စေစားသည်ဖြစ်၍ နေ့စဥ် ဂျွန်အတွက် ရိုးရိုးလေး ဆုတောင်းပေးခဲ့သည်။ ရက်အတန်ကြာတွင် သူ၏မနှစ်မြို့ဖွယ် ကိုယ်ရည်ကိုယ်သွေးများကို ကျွန်တော် သိပ်မတွေးတော့ကြောင်းကို သတိပြုမိသည်။ “သူတကယ် နာကျင်နေမှာပဲ။ မျှော်လင့်ချက် ပျောက်ပြီလို့ ခံစားနေရမှာပေါ့”ဟု ကျွန်တော်တွေးမိသည်။

ဆုတောင်းခြင်းဆိုသည်မှာ မိမိကိုယ်၊ မိမိခံစားချက်များအပါအဝင် မိမိနှင့်အခြားသူတို့၏…