ဘုရားသခင်၏ ထာဝရအသင်းတော်

တနင်္ဂနွေနေ့ ဝတ်ပြုစည်းဝေးခြင်းအပြီးတွင် ငယ်ရွယ်သောမိခင်တစ်ဦးသည် ကလေးနှစ်ယောက် တိုးလို့တန်းလန်းနှင့် ကျွန်မတို့အသင်းတော်သို့ ရောက်လာပြီး “အသင်းတော်ရဲ့ဝတ်ပြုခြင်း ပြီးသွားပြီလား” ဟု မေးသည်။ ကြိုဆိုနှုတ်ဆက်သူ တစ်ဦးက အနီးအနားရှိ အသင်းတော်၌ တနင်္ဂနွေနေ့ ဝတ်ပြုချိန် နှစ်ချိန်ရှိကြောင်း၊ ဒုတိယဝတ်ပြုချိန်သည် စတော့မည်ဖြစ်ကြောင်း ပြောပြီး၊ ကားကြုံလိုက်ရန်လည်းဖိတ်ခေါ်ခဲ့သည်။ အတန်ငယ်လှမ်းသည့်နေရာရှိ အသင်းတော်သို့ ကားကြုံလိုက်ခွင့်ရ၍ မိခင်ငယ်သည် ကျေးဇူးတင်မိခဲ့သည်။

နောက်ပိုင်းတွင် ဤကိစ္စကိုဆင်ခြင်သုံးသပ်လျက်၊ ကြိုဆိုနှုတ်ဆက်ဧည့်ခံသူက “အသင်းတော်ရဲ့ဝတ်ပြုခြင်းပြီးသွားပြီလား။ ဘယ်တော့မှမပြီးဆုံးဘူး။ ဘုရားသခင်ရဲ့ အသင်းတော်ဟာ အမြဲ ဝတ်ပြုကိုးကွယ်မှု ဆက်‌ေနေတယ်လေ” ဟု ဆိုခဲ့သည်။

အသင်းတော်သည် ပျက်စီးလွယ်သော “အဆောက်အအုံ” မဟုတ်ပါ။ ၎င်းသည် “ဘုရားသခင်၏အိမ်တော်သား”၊ ဘုရားသခင်၏ သစ္စာရှိသောမိသားစု ဖြစ်သည်။ ရှင်ပေါလု ရေးသားသကဲ့သို့ “တမန်တော်တို့မှစ၍ ပရောဖက်များတည်းဟူသော တိုက်မြစ်အပေါ်၌ သင်တို့သည် ထပ်ဆင့်၍ တည်ဆောက်လျက်ရှိကြ၏။ ထိုတိုက်ထောင့်အမြစ်ကျောက်ကား၊ ယေရှုခရစ်ဖြစ်သတည်း။ ထိုကျောက်နှင့်တစ်တိုက်လုံးသည် စေ့စပ်၍ကြီးပွားသဖြင့်…

ခွန်အားပေးတိုက်တွန်းခြင်း ဆုကျေးဇူး

“ရှင့်ပျားတွေက စုပုံပျစ်ခဲနေတာပဲ။” ကျွန်တော့်ဇနီးသည်သည် တံခါးပေါက်ဝသို့ ခေါင်းပြူတစ်ကာ မည်သည့်ပျားမွေးသူမဆို မကြားလိုသောသတင်းကို ပြောလာသည်။ ကျွန်တော်အပြင်သို့ ပြေးထွက်ကြည့်လိုက်ရာ၊ ပျားအုံသို့ ဘယ်တော့မှ ပြန်လာတော့မည် မဟုတ်သည့် ထောင်ပေါင်းများစွာသောပျားများ ပျားအုံမှ ထင်းရှူးပင်ထိပ်ဖျားဆီသို့ ပျံသန်းသွားကြသည်ကို တွေ့လိုက်ရတော့သည်။

ပျားအုံ၌ ပျားများ စုပြုံပျစ်ခဲလာတော့မည်ကို ကျွန်တော်လေ့လာတွေ့ရှိမှု အနည်းငယ် နောက်ကျသွားသည်။ တစ်ပတ်ထက်မက ပို၍ကြာကြာ မုန်တိုင်း‌တိုက်ခဲ့သောကြောင့် စစ်ဆေးမှုပြုရန် ကြန့်ကြာနှောင့်နှေးခဲ့သည်။ မုန်တိုင်းစဲသည့်မနက်တွင် ပျားများထွက်ခွာသွားကြသည်။ တစ်နေရာထဲတွင် တွေ့ရသော ပျားအုပ်စုမှာ သစ်လွင်ပြီး၊ ကျန်းမာသန်စွမ်းကြသည်။ စင်စစ် ပျားများသည် ပျားအုံသစ်တည်ရန် အုပ်စုခွဲခဲ့ခြင်းဖြစ်သည်။ အတွေ့အကြုံရှိသူ ပျားမွေးမြူသူတစ်ဦးက ကျွန်ုပ်စိတ်ပျက်သည်ကို တွေ့ပြီးနောက် “ကိုယ့်ကိုယ်ကို စိတ်ဒုက္ခအဖြစ်မခံပါနဲ့။ ဘယ်သူမဆို ဒီလိုဖြစ်တတ်ပါတယ်” ဟု ကျွန်ုပ်ကိုရွှင်ပျစွာ ပြောခဲ့သည်။

ခွန်အားပေးတိုက်တွန်းခြင်းသည် ဆွဲဆောင်မှုရှိသော ဆုကျေးဇူးတစ်ရပ်ဖြစ်သည်။ ရှောလုသည် ဒါဝိဒ်နောက်သို့လိုက်၍ သူ့အသက်ကို ရန်ရှာသဖြင့် ဒါဝိဒ်…

လွတ်လပ်ကျယ်ဝန်းသည့်နေရာကို ရှာဖွေခြင်း

“အနားယူအားဖြည့်ရမယ့်အချိန်ကို ကျွန်ုပ်တို့လိုအပ်တယ်။ တွေးတောဆင်ခြင်ဖို့ လွတ်လပ်မှုနဲ့ အနာကုစားဖို့အခွင့် ကျွန်ုပ်တို့လိုအပ်တယ်။ မြန်ဆန်တဲ့အရှိန်အဟုန်ကြောင့် ဆက်ဆံရေးတွေ သေဆုံးဖို့ တာစူနေပြီ။ အရှိန်အဟုန်မြင့် ကောင်းမွန်တဲ့ ရည်မှန်းချက်တွေရဲ့ဖိစီးမှုကြောင့် ကျွန်ုပ်တို့ရဲ့ ကလေးတွေ ဒဏ်ရာတွေနဲ့ လဲပြိုနေကြပြီ။ ဘုရားသခင်ဟာ ကျွန်ုပ်တို့မောပန်းနွမ်းနယ်တာကို နှစ်ခြိုက်နေတယ်ဆိုတဲ့သဘောလား။ လူတွေကို သာယာတဲ့မြစ်နား သူမခေါ်သွားတော့ဘူးလား။ အတိတ်က လွတ်လပ်ကျယ်ဝန်းတဲ့နေရာတွေကို ဘယ်သူက အဓမ္မလုယူသွားတာလဲ။ အဲဒါတွေကို ကျွန်ုပ်တို့ ဘယ်လို ပြန်လည်ရယူနိုင်မလဲ” ဟု ‘Margin’ (အနားသတ်မျဉ်း) ဟူသည့်စာအုပ်၌ ဒေါက်တာ Richard Swenson (ရစ်ချတ်စွမ်စန်) ရေးသားထား သည်။ ဘုရားသခင်၌ အနားယူကာ သူနှင့်တွေ့ဆုံနိုင်မည့် ဆိတ်ငြိမ်လျက် အကျိုး ဖြစ်စေသည့် ဘဝ၏“နေရာ”ကို ကျွန်ုပ်တို့လိုအပ်သည်ဟု စွမ်စန်က ဆိုသည်။

၎င်းက မည်သည်ကို ထင်ဟပ်နေသနည်း။ လွတ်လပ်ကျယ်ဝန်းသော အနားယူ အားဖြည့်ရာနေရာများကို ရှာဖွေခြင်းသည် မောရှေကောင်းစွာ အသက်ရှင်ခဲ့သည့်…

ခရစ်တော်၏အစွမ်းတန်ခိုး

၂၀၁၃ ခုနှစ်တွင် အမေရိကန်နိုင်ငံ၊ ‘Grand Canyon’ (ဂရင်းကန်ရွန်) ချောက်ကြီး အနီးရှိ ပေ (၁၅၀၀) အကျယ်ရှိသော ချောက်နက်ကြီးအား ဟိုဘက်ဒီဘက် သွယ်တန်းထားသည့်ကြိုးပေါ်မှ ကောင်းကင်ကျွမ်းဘားသမား Nik Wallenda (နစ်ဝါလန်ဒါ) လမ်းလျှောက်သည်ကို လူပေါင်း (၆၀၀) ခန့် လာရောက်ကြည့်ရှုခဲ့ကြသည်။ (၂) လက်မထုရှိသည့် သံမဏိကြိုးပေါ်သို့ ဝါလန်ဒါ ခြေချလိုက်ပြီးနောက် သူ့ဦးခေါင်း၌ တပ်ဆင်ထားသည့် ကင်မရာက အောက်ဘက်ရှိ လျှိုမြှောင်ချိုင့်ဝှမ်းမြင်ကွင်းကို ချိန်ထားစဉ် သူမြင်တွေ့ရသည့် မြင်ကွင်းကြောင့် သခင်ယေရှုကို သူကျေးဇူးတင်ခဲ့သည်။ လူသွားစင်္ကြံန်၌ အေးအေးလူလူ လမ်းလျှောက်နေသကဲ့သို့ သူလျှောက်သွားစဉ် သခင်ယေရှုထံ ဆုတောင်းလျက် ကျေးဇူးတော်ချီးမွမ်းခဲ့သည်။ လေထန်လာချိန်၌ သူခဏရပ်ကာ ဝပ်နေလိုက်ပြီးနောက် သူပြန်ထကာ ဟန်ချက်ပြန်ထိန်းလိုက်သည်။ “ကြိုးကို ငြိမ်စေသည့်အတွက်” ဘုရားသခင်အား ကျေးဇူးတင်ခဲ့သည်။ ထိုဗီဒီယိုကို ထိုစဥ်ကရော၊ ယခုတွင်ပါ ကြည့်ရှုကြသော ကမ္ဘာတစ်ဝန်းရှိ လူများအား…

ဝတ်ပြုကိုးကွယ်ခြင်းပွဲတော်များ

ကြီးမားသည့်ပွဲလမ်းတစ်ခုသို့ တက်ရောက်ခြင်းက အံ့ဩဖွယ်နည်းလမ်းဖြင့် သင့်ကို ပြောင်းလဲစေနိုင်ပါသည်။ ယူကေနှင့်အမေရိက၌ ရက်ပေါင်းများစွာ စုရုံးကြသည့်ပွဲတော်တွင် လူပေါင်း (၁၂၀၀) ကျော်နှင့် ထိတွေ့ဆက်ဆံရပြီးနောက် ကြီးမားသည့်ပွဲတော်များသည် ကျွန်ုပ်တို့၏ ကိုယ်ကျင့်တရားဆိုင်ရာ ထိန်းချုပ်လမ်းညွှန်မှုနှင့် မိမိ၌ရှိသည့်အရင်းအမြစ်များအား တစ်ပါးသူတို့နှင့် ဝေမျှလိုစိတ်၌ပင် သက်ရောက်မှုရှိကြောင်းကို သုတေသီ Daniel Yudkin (ဒန်နီယယ်ရက်ကင်)နှင့် အပေါင်းအပါများက လေ့လာတွေ့ရှိခဲ့သည်။ သူတို့၏သုတေသနပြုချက်အရ ပွဲတက်ရောက်သူ (၆၃) ရာခိုင်နှုန်းသည် ထိုပွဲတော်၌ “ပြုပြင်ပြောင်းလဲမှု” အတွေ့အကြုံကို ခံစားခဲ့ကြရပြီး၊ ထိုအတွေ့အကြုံအားဖြင့် လူလူချင်း ပို၍ ဆက်နွယ်မှုရှိလာပြီး၊ မိတ်ဆွေသူငယ်ချင်းများ၊ မိသားစုနှင့် သူတို့လုံးဝမသိကျွမ်းသည့် သူစိမ်းတစ်ရံဆံတို့အပေါ် ပို၍ ရက်ရောကြင်နာစိတ်များ ဖြစ်ပေါ်ခဲ့သည်။

သို့သော် ဘုရားသခင်အား ဝတ်ပြုကိုးကွယ်ရန် ကျွန်ုပ်တို့စုရုံးကြသည့်အခါ လောကီပွဲတော်တစ်ခု၏ လူမှုရေးဆိုင်ရာ “ပြုပြင်ပြောင်းလဲမှု” အတွေ့အကြုံသက်သက် သာမကဘဲ ဘုရားသခင်ကိုယ်တော်တိုင်နှင့် ကျွန်ုပ်တို့ ဆက်သွယ်မိတ်သဟာရဖွဲ့ခွင့်ရသည်။ ဘုရားသခင်၏လူမျိုးတော်တို့သည် ရှေးကာလများ၌ တစ်နှစ်ပတ်လုံး…

အမှတ်တံဆိပ်ကိုယ်စားပြုသံတမန်များထက် ပိုသော

အင်တာနက်ခေတ်၌ ယှဉ်ပြိုင်မှုများ ပြင်းထန်လာသည်။ ဖောက်သည်များအား ဆွဲဆောင်နိုင်ရန်အတွက် ကုမ္ပဏီများသည် ဆန်းသစ်တီထွင်သောနည်းလမ်းများနှင့် အပြိုင်အဆိုင် တိုးမြှင့်လုပ်ဆောင်လာကြသည်။ ဥပမာ - ဆူဘာရုမော်တော်ယာဉ်ကို ကြည့်ပါ။ ဆူဘာရု မော်တော်ယာဉ်ပိုင်ရှင်များသည် သစ္စာ ရှိသည့် နေရာ၌ နာမည်ကျော်သူများ ဖြစ်သည့်အတွက် “အရေးပါသော ဆူဘာရု” ဖောက်သည်များကို ဆူဘာရုမော်တော်ယာဉ်များ၏ “အမှတ်တံဆိပ် ကိုယ်စားပြုသံတမန်များ”အဖြစ် ဆူဘာရုကုမ္ပဏီမှ ဖိတ်ခေါ်ကမ်းလှမ်းခဲ့သည်။

ကုမ္ပဏီ၏ဝက်ဘ်ဆိုဒ်၌ “ဆူဘာရုသံတမန်များသည် စိတ်အားထက်သန်စွာ ဆူဘာရုအကြောင်း သတင်းဖြန့်ဝေကာ၊ ဆူဘာရုအမှတ်တံဆိပ်၏ အနာဂတ်ကို ကူညီပုံဖော်နေသူများဖြစ်သည်” ဟု ဖော်ပြထားသည်။ ဆူဘာရုကားပိုင်ဆိုင်မှုက လူတို့၏ဘဝ၏ဖြစ်တည်မှု အစိတ်အပိုင်းဖြစ်လာပြီး၊ ထိုဖြစ်တည်မှုကို မဝေမျှဘဲ မနေနိုင်သည့် စိတ်ထက်သန်မှုရှိရေးကို ကုမ္ပဏီက လိုလားသည်။
ကောရိန္သုဩဝါဒစာဒုတိယစောင် ၅ ၌ သခင်ယေရှုနောက်တော်သို့လိုက်ရန် ဖိတ်ခေါ်သည့် အခြားသော “သံတမန်” အစီအစဉ်တစ်ခုကို ရှင်ပေါလုက ဖော်ပြထားသည်။ “သို့ဖြစ်၍ သခင်ဘုရားနှင့်ဆိုင်သော ကြောက်မက်ဖွယ်သော…

မဆုတ်မနစ်ကြိုးပမ်းမှု၏အစွမ်းတန်ခိုး

၁၉၁၇ ခုနှစ်၌ အပ်ချုပ်သမငယ်တစ်ဦးသည် အမေရိကန်နိုင်ငံ၊ နယူးယောက်မြို့၏ နာမည်အကျော်ကြားဆုံး ဖက်ရှင်ဒီဇိုင်းကျောင်းတစ်ကျောင်း၌ တက်ရောက်ခွင့်ရ၍ လွန်စွာစိတ်လှုပ်ရှားခဲ့သည်။ သို့ရာတွင် Ann Lowe Cone (အဲန်းလိုဝီခုန်း)သည် အတန်းအပ်ရန် ဖလော်ရီဒါပြည်နယ်မှ ရောက်လာသည့်အခါ ကျောင်းတာဝန်ခံက “ပွင့်ပွင့်လင်းလင်းပြောရရင် မစ္စခုန်းဟာ နီဂရိုး (လူမည်း)တစ်ဦးဖြစ်တယ်ဆိုတာ ကျွန်တော်တို့ မသိခဲ့ဘူး” ဟု သူမကို မကြိုဆိုကြောင်း ပြောခဲ့သည်။ လှည့်ပြန်ရန် ငြင်းဆန်လျက် “ကျွန်မကို ဒီမှာ နေခွင့်ပေးပါ” ဟု သူမ တီးတိုးဆုတောင်းခဲ့သည်။ သူမ၏ မဆုတ်မနစ် ဇွဲကောင်းမှုကို မြင်ရပြီးနောက် တာဝန်ခံက အဲန်းအား နေထိုင်ခွင့်ပေးခဲ့သော်လည်း လူဖြူများသာ သီးသန့်တက်ခွင့်ရသည့် စာသင်ခန်းတွင် သူမအား တက်ခွင့်မပေးပေ။ သင်ခန်းစာများကို သူမနားထောင်နိုင်ရန်အတွက်စာသင်ခန်း၏ အနောက်ဖက်တံခါးကိုသာ ဖွင့်ပေးထားခဲ့သည်။

အဲန်းသည် ထူးချွန်စွာဖြင့် (၆) လစောကာ အတန်းပြီးမြောက် အောင်မြင်ခဲ့ပြီး အမေရိကန်ပြည်ထောင်စု၏ သမ္မတကတော်…

ကျွန်ုပ်တို့၏ညီအစ်ကို သခင်ယေရှု

သူ၏ညီမငယ်လေး ခွေးရူး ခုန်အုပ်ခံရလုနီးနီးဖြစ်ချိန်တွင် Bridger Walker (ဘရစ်ဂျာဝေါ့ကာ)သည် (၆) နှစ်အရွယ်သာ ရှိသေးသည်။ ဘရစ်ဂျာလေးသည် အလိုလိုပင် ညီမလေးရှေ့ပြေးဝင်ပြီး၊ ခွေးရူး၏ဆွဲရမ်းကိုက်ဖြတ်မှုမှ ကာကွယ်ပေးခဲ့သည်။ မျက်နှာ၌ အချက် (၉၀) အချုပ်ခံလိုက်ရကာ အရေးပေါ်ကုသမှု ခံယူပြီးနောက် သူ့လုပ်ရပ်နှင့်စပ်လျဥ်း၍ “တစ်စုံတစ်ယောက် သေရမယ်ဆိုရင် အဲ့လူဟာ ကျွန်တော်သာဖြစ်သင့်တယ်” ဟူ၍ရှင်းပြခဲ့သည်။ ကံကောင်းထောက်မစွာဖြင့် ပလတ်စတစ်ဆာဂျရီ ဆရာဝန်များသည် ဘရစ်ဂျာ၏မျက်နှာ သက်သာပျောက်ကင်းအောင် ကူညီခဲ့ကြသည်။ လတ်တလောရိုက်ထားသည့် ညီမငယ်လေးကိုသူဖက်ထားသည့် ဓာတ်ပုံများတွင် သူ၏အကိုရင်းချာမေတ္တာသည် ယခင်ကဲ့သို့ပင် ခိုင်မာဆဲဖြစ်ကြောင်းတွေ့ရသည်။

မိသားစုဝင်များက ကျွန်ုပ်တို့ကို ဂရုစိုက်ပြီး စောင့်ရှောက်ပေးခြင်းက အကောင်းဆုံးဖြစ်သည်။ စစ်မှန်သောညီအစ်ကိုများသည် ဒုက္ခရောက်ချိန်တွင် ဝင်ရောက်ကူညီပြီး၊ ကျွန်ုပ်တို့ ကြောက်ရွံ့နေချိန် (သို့) တစ်ဦးတည်းဖြစ်နေချိန်များတွင် ကျွန်ုပ်တို့နှင့်အတူ ရှိနေပေးသည်။ လက်တွေ့ဘဝတွင်မူ ကျွန်ုပ်တို့၏ အကောင်းဆုံး ညီအစ်ကိုများသည် ပြီးပြည့်စုံသူများ မဟုတ်ပေ။ အချို့ဆို ကျွန်ုပ်တို့ကို…

အထီးကျန်သော်လည်း အမေ့ခံ မဟုတ်ပေ

အကျဉ်းသားတစ်ဦးအတွက် အခက်ခဲဆုံးအရာမှာ သီးခြားခွဲထားခံရခြင်းနှင့် အထီးကျန်မှုဖြစ်ကြောင်း သူတို့၏ဘဝဇာတ်ကြောင်းများ နားထောင်ရမှ ပိုမိုရှင်းလင်းလာခဲ့သည်။ လေ့လာချက်တစ်ခုအရ ထောင်ဒဏ်မည်မျှပင်များများ ထောင်သားအများစုသည် သံတိုင်နောက်၌ ရှိနေစဉ်အတွင်း သူငယ်ချင်းများ (သို့) ချစ်ရသူများက သူတို့ထံ နှစ်ကြိမ်သာ လာရောက်တွေ့ဆုံကြသည်။ အထီးကျန်ခြင်းသည် မပြောင်းလဲသော လက်တွေ့အဖြစ်မှန်တစ်ရပ်ပင်။

ရာဇဝတ်သားဟု မဟုတ်မမှန်စွပ်စွဲခံခဲ့ရသည့် ယောသပ် ထောင်ထဲ၌ ရှိနေစဉ်အတွင်း သူ့ခံစားချက်က နာကျင်‌နေပေမည်။ သို့သော် မျှော်လင့်ချက်ရောင်ခြည် မျှင်မျှင်လေးရှိသည်။ ဖာရောဘုရင်၏ လူယုံအစေခံဖြစ်ခဲ့သည့် အကျဉ်းသားတစ်ဦး၏အိပ်မက်ကို ယောသပ်အနက်ပြန်နိုင်ရန် ဘုရားသခင်မစခဲ့သည်။ ထိုသူသည် မိမိ၏နဂိုရာထူး၌ ပြန်လည်ခန့်ထားခံရမည်ဖြစ်ပြီး၊ ထိုသို့ချီးမြှောက်ခံရလျှင် သူလွတ်မြောက်စေရေး ဖာရောဘုရင်အား သူ့အကြောင်းကို ပြောပြရန် ယောသပ်တောင်းဆိုခဲ့သည် (က ၄၀:၁၄)။ သို့သော်ထိုသူသည် “ယောသပ်ကို မအောက်မေ့ဘဲ၊ မေ့လျော့”ခဲ့သည် (:၂၃)။ ၂ နှစ်ကြာသည်အထိ ယောသပ်စောင့်နေခဲ့ရသည်။ စောင့်နေသည့် ထိုနှစ်များအတွင်း ယောသပ်၏အခြေအနေက ပြောင်းလဲမည့်အရိပ်အယောင်မရှိခဲ့ပေ။ သို့သော်…

မတူညီသောနည်းလမ်း

၁၈၀၀ ပြည့်နှစ်များ နှောင်းပိုင်းတွင် ကွယ်လွန်သွားပြီးဖြစ်သော ဆရာကြီး David Livingstone (ဒေးဗစ် လစ်ဗင်းစတုန်း)၏ သာသနာလုပ်ငန်းကို စိတ်ထက်သန်စွာ ဆက်လက်ထမ်းရွက်ရန် Mary Slessor (မေရီစလက်စာ)သည် အာဖရိကနိုင်ငံတစ်ခုဖြစ်သည့် Calabar (ခလေဘာနိုင်ငံ - ယခု နိုင်ဂျီးရီးယား)သို့ ရေလမ်းခရီးပြုခဲ့သည်။ သူမ၏ပထမဦးဆုံး တာဝန်မှာ အခြားသာသနာပြုများနှင့်အတူ နေထိုင်ရင်း ကျောင်း၌စာသင်ပေးရန် ဖြစ်သော်လည်း သူမသည် အခြားတစ်နည်းဖြင့် ထိုတာဝန်ကို ဆောင်ရွက်လိုသည်။ သို့နှင့် သူမသည် ထိုပတ်ဝန်းကျင်၌ ကြုံတောင့်ကြုံခဲအရာတစ်ခုကို လုပ်ဆောင်ခဲ့သည်။ မေရီသည် သူအစေခံနေသူများကြား ပြောင်းရွှေ့နေထိုင်ကာ သူတို့၏ဘာသာစကားကို သင်ယူပြီး သူတို့နေထိုင်သည့်အတိုင်း နေ၍ သူတို့စားသလို စားခဲ့သည်။ စွန့်ပစ်ခံရသည့် ကလေးပေါင်းများစွာကိုလည်း ခေါ်ယူမွေးစားခဲ့သည်။ နှစ်ပေါင်း (၄၀) နီးပါးမျှ မျှော်လင့်ခြင်းနှင့် ဧဝံဂေလိတရားကို လိုအပ်နေသူများထံ သူမယူဆောင်ပေးခဲ့သည်။

ကျွန်ုပ်တို့ဝန်းကျင်ရှိ လူများ၏လိုအပ်မှုကို ဖြည့်ဆည်းပေးခြင်း၏အရေးပါမှုကို ရှင်ပေါလုသိသည်။…