သမ္မာတရား၌ ကျောက်ဆူးချ

ရင်သပ်ရှုမောဖွယ် အကွက်အပြောက်ဒီဇိုင်းဖော်ထားသည့် အင်္ဂတေနံရံများ အပါအဝင် ထူးခြားသည့်သွင်ပြင်များရှိသည့် နှစ်၁၀၀ပြည့်လုနီးသော အိမ်ကြီးတွင် ကျွန်ုပ်၏မိသားစုနေထိုင်ကြသည်။ ဤနံရံများနှင့်ပတ်သက်ပြီး နံရံပေါ်ဓာတ်ပုံ ချိတ်ဆွဲပါက သစ်သားအခံပေါ် သံကိုအရင်ရိုက်ရန် (သို့) အင်္ဂတေချိတ်ကို အသုံးပြုရန် အိမ်ဆောက်သူက ကျွန်ုပ်ကို ဂရုစိုက်ရန်သတိပေးခဲ့သည်။ သို့မဟုတ် ပါက ကြမ်းပြင်ပေါ် ဓာတ်ပုံကျကွဲကာ နံရံမှာလည်း ကြည့်ရဆိုးသည့်အပေါက်ဟောင်းလောင်းဖြစ်သွားနိုင်ချေရှိသည်။

ကျမ်းစာထဲမှ မထင်ရှားလှသည့် ဧလျာကိမ် ဆိုသူကို ဖော်ပြရန် ပရောဖက် ဟေရှာယက နံရံ၌ရိုက်ထည့်ထားသည့်သံမှို ပုံဥပမာကို အသုံးပြုခဲ့သည်။ မိမိတို့၏ ခွန်အားအစွမ်းကိုသာ ကြည့်တတ်သော အကျင့်စာရိတ္တပျက်ပြားသည့် နန်းတော်အုပ် ရှေဗနနှင့် ဣသရေလလူမျိုးတို့ကဲ့သို့ မဟုတ်ဘဲ (ဟေရှာ ၂၂:၁၅-၁၉) ဧလျာကိမ်သည် ဘုရားသခင်ကို ကိုးစားယုံကြည်သည်။ ဟေဇကိမင်း၏ နန်းတော်အုပ်အဖြစ်သို့ ဧလျာကိမ်ရာထူးတိုးခံရမည့်အကြောင်း ပရောဖက်ပြုရင်း ဧလျာကိမ်ကို "မြဲသောအရပ်၌စွဲသောတံစို့ကဲ့သို့ သူ့ကိုငါစွဲစေမည်" (:၂၃) ဟု ဟေရှာယ ရေးသားခဲ့သည်။ ဘုရားသခင်၏ သမ္မာတရားနှင့်…

ဥယျာဉ်ထဲ၌

ကျွန်မ၏ဖခင်သည် ဓမ္မသီချင်းဟောင်းများ သီဆိုရခြင်းကို နှစ်သက်သည်။ သူ့အကြိုက်သီချင်းတစ်ပုဒ်မှာ "In the Garden”(ဥယျာဉ်ထဲ၌) ဖြစ်သည်။ လွန်ခဲ့သည့်နှစ်အနည်းငယ်က သူ၏ဈာပနတွင် ကျွန်မတို့ ထိုသီချင်းကို သီဆိုခဲ့သည်။ ထပ်ကျော့သီဆိုရန်အပိုဒ်မှာ ရိုးရှင်းသည်။ "ကျွန်ုပ်နှင့်အတူ လျှောက်လှမ်းလျက်၊ စကားပြောလျက်၊ ကျွန်ုပ်ကို သူပိုင်ကြောင်းဆိုပေ။ ထိုနေရာ၌ လျှောက်လှမ်းစဥ် ကိုယ်တော်နှင့်မျှဝေသော ဝမ်းမြောက်ခြင်းကို မည်သူမျှမသိ နားမလည်နိုင်ပြီ။" ထိုသီချင်းက အဖေ့ကိုသာမက ကျွန်မကိုလည်း ဝမ်းမြောက်စေသည်။

ဓမ္မတေးရေးဆရာ C. Austin Miles က ၁၉၁၂ ခုနှစ် နွေဦးအချိန်တွင် ရှင်ယောဟန်ခရစ်ဝင်ကျမ်း အခန်းကြီး ၂၀ ကို ဖတ်ရှုပြီးနောက် ဤသီချင်းကို ရေးစပ်ခဲ့ကြောင်း ဆိုပါသည်။ "အဲဒီနေ့က ဒီကျမ်းပိုဒ်ကိုဖတ်တဲ့အခါ ကျွန်တော် လည်း အဲဒီနေရာမှာ ရောက်ရှိနေသလို ခံစားခဲ့ရတယ်။ မာရိက သခင့်ရှေ့မှောက် ဒူးထောက်ပြီး 'ရဗ္ဗုနိ (ဆရာ)'လို့ ခေါ်လိုက်တဲ့ သူ့ဘဝရဲ့အံ့ဖွယ်အခိုက်အတန့်လေးကို…

လှိုင်းစီးခြင်း

ကျွန်မ၏ခင်ပွန်းက ကျောက်ဆောင်ပေါများလှသည့် ကမ်းခြေတစ်လျှောက် အေးအေးလူလူ လမ်းလျှောက်ရင်း ဟာဝါရီမိုးကုတ်စက်ဝိုင်းကို ဓာတ်ပုံရိုက်နေစဉ် ကျွန်မ ကျောက်တုံးကြီးတစ်ခုပေါ်ထိုင်ကာ နောက်တစ်ကြိမ် ဆေးစစ်ရမည့်အရေး အတွက် သောကရောက်နေသည်။ ကျွန်မအိမ်ပြန်ရောက်လျှင် ထိုပြဿနာက စောင့်ကြိုနေမည်ဖြစ်သော်လည်း ထိုအခိုက်အတန့်၌ ငြိမ်သက်ခြင်းကို ကျွန်မ လိုအပ်နေသည်။ တလိမ့်လိမ့်တက်လာသောရေလှိုင်းများက မဲနက်ကြမ်းတမ်း သည့် ကျောက်ဆောင်များကို ရိုက်ခတ်လွင့်စင်သွားခြင်းကို ကျွန်မငေးကြည့်ရင်း ရေလှိုင်းထဲမှ အရိပ်မဲလေးတစ်ခုကို ကျွန်မ ရိပ်ကနဲမြင်လိုက်သဖြင့် ကျွန်မ၏ ကင်မရာကို ချဲ့ကြည့်ရာ ထိုအရိပ်မှာ ပင်လယ်လိပ်တစ်ကောင်ဖြစ်ပြီး အေးချမ်းစွာ လှိုင်းစီးနေခြင်းပါ။ ၎င်း၏ရေယက်များကို ကားထားပြီး ငြိမ်ဝပ်စွာ ရှိနေသည်။ ဆားနံ့သင်းသောလေပြေလေညင်းသို့ ကျွန်မမျက်နှာမူလိုက်ပြီး ပြုံးလိုက်သည်။

"ကောင်းကင်သည် (ဘုရား၏)အံ့ဖွယ်သောအမှုတော်တို့ကို … ချီးမွမ်းကြ"၏ (ဆာ ၈၉:၅)။ ကျွန်ုပ်တို့၏ တုနှိုင်းမမီသောဘုရားသခင်သည် "သမုဒ္ဒရာဟုန်းခြင်း ကို အစိုးရတော်မူ၏။ လှိုင်းတံပိုးထသောအခါ ငြိမ်းစေတော်မူ၏"(:၉)။ ကိုယ်တော်သည် "လောကဓာတ်နှင့် လောကဓာတ်တန်ဆာများကို တည်တော်…

အဖိုးအခ

မိုက်ကယ်အင်ဂျလို(Michelangelo)၏လက်ရာများသည် ယေရှုသက်တော်စဉ်ကို များစွာဖော်ပြထားသော်လည်း ဆွတ်ပျံ့ဖွယ် အကောင်းဆုံးလက်ရာတစ်ခုသည် အရိုးရှင်းဆုံး လက်ရာတစ်ခုလည်း ဖြစ်သည်။ ၁၅၄၀ ပြည့်နှစ်များအတွင်း သူသည် ယေရှု၏ မယ်တော်က အသက်မဲ့သောခရစ်တော်၏ခန္ဓာအား ပွေ့ထားပုံ(Pietà) ကို သူ့မိတ်ဆွေ ဗစ်တိုးရီးယား ကိုလိုနာအတွက် ပုံဆွဲပေးခဲ့သည်။ မြေဖြူဖြင့်ရေးဆွဲထားသော ပုံတွင် မာရိက ငြိမ်သက်နေသည့်သားတော်ကိုပွေ့ရင်း ကောင်းကင်သို့ မျှော်ကြည့်နေသည့်ပုံကို သရုပ်ဖော်ထားသည်။ မာရိ၏အနောက်မှ ထူထားသော ကားတိုင်၏ရောင်ခြည်တန်းက ကဗျာဆရာ ဒန်တီ(Dante)၏ Paradise ကဗျာ မှ "တိုင်တော်၌ အသွေးတော်၏အဖိုးအခ အဘယ်မျှကြီးသည်ကို သူတို့မစဉ်းစားမိ ခဲ့ပါ" ဟူသည့် စာသားများကို ဖော်ကျူးနေသည်။ မိုက်ကယ်အင်ဂျလို၏ဆိုလိုရင်းက အလွန်လေးနက်သည်။ သခင်ယေရှု၏အသေခံခြင်းကို ကျွန်ုပ်တို့စဉ်းစားဆင်ခြင် သောအခါ သခင်ပေးဆပ်ခဲ့သည့်အဖိုးအခကိုပါ ထည့်သွင်းစဉ်းစားရမည်။

ကိုယ်တော် အသက်ထွက်အံ့ဆဲဆဲ၌ "အမှုပြီးပြီ" (ယော ၁၉:၃၀) ဟူသော ကြွေးကြော်ချက်၌ ခရစ်တော်ပေးဆပ်ခဲ့သောအဖိုးအခကို အမိအရဖော်ပြထား သည်။…

တကယ့်ကိုပဲ အကူအညီဖြစ်တယ်

ခရစ်ယာန်ရေဒီယိုအသံလွှင့်ဌာနသို့ ဖုန်းခေါ်လာသူတစ်ဦးက သူ၏ဇနီး ခွဲစိတ်မှုခံယူပြီး ဆေးရုံဆင်းပြီဖြစ်ကြောင်းပြောပြခဲ့သည်။ ထို့နောက် ကျွန်ုပ်နှလုံးသားကို နက်ရှိုင်းစွာထိတွေ့သွန်သင်ခဲ့သည့်အရာတစ်ခုကို သူဝေမျှခဲ့သည်။"ကျွန်တော်တို့ ဖြတ်ကျော်ခဲ့တဲ့ဒီကာလအတွင်းမှာ အသင်းတော်မိသားစုတိုင်းက ကျွန်တော်တို့ကို ဂရုပြုစောင့်ရှောက်ခဲ့တာ တကယ့်ကိုပဲ အကူအညီဖြစ်ခဲ့တယ်" ဟုဆိုသည်။

ဤရိုးရှင်းလှသောစကားကို ကျွန်ုပ်ကြားရသောအခါ ခရစ်ယာန်များ၏ ဧည့်ဝတ်ပြုမှုနှင့် ဂရုစိုက်မှုသည် အဖိုးတန်ပြီး လိုအပ်ကြောင်းကို ကျွန်ုပ်အား ပြန်လည်အမှတ်ရစေသည်။ ယုံကြည်သူအချင်းချင်း၏ တစ်ဦးအပေါ်တစ်ဦး မေတ္တာပြပံ့ပိုးကူညီခြင်းသည် အသက်တာကိုပြောင်းလဲစေသည့် ဧဝံဂေလိတရား၏တန်ခိုးကို သရုပ်ဖော်သော ကြီးမြတ်သည့်နည်းလမ်းများ ဖြစ်ကြောင်း ကျွန်ုပ်စပြီး စဉ်းစားမိသည်။ ‌

ရှင်ပေတရုသြဝါဒစာပဌမစောင်၌ တမန်တော်ကြီးက ယခုခေတ်တွင် တူရကီနိုင်ငံဟုခေါ်သည့်ဒေသများမှ ပထမရာစုအသင်းတော်များ ဖြန့်ဝေ ဖတ်ရှုရမည့် စာတစ်စောင်ကို ရေးသားခဲ့သည်။ ထိုစာထဲ၌ သူ့မိတ်ဆွေပေါလု ရေးသားခဲ့သည့် "အာဂန္တုတို့အား ဧည့်သည်ဝတ်ကို ကြိုးစား၍ ပြုကြလော့" (ရော ၁၂:၁၃) ဆိုသည့်အချက်ကို မဖြစ်မနေလုပ်ဆောင်ရန် သူက စာဖတ်သူ များအား ပြောကြားခဲ့သည်။ ရှင်ပေတရုက "အချင်းချင်း…