အမြစ်မှတူးထုတ်ပေးပါ
ရေဗက္ကာ၏မောင်လင်မယားကြား၌ အိမ်ထောင်ရေးပြဿနာများဝင်လာသဖြင့်ပြန်အဆင်ပြေရန်အတွက် ဝန်တာထားပြီး ရေဗက္ကာ ဆုတောင်းပေးခဲ့သည်။ သို့သော် သူတို့အိမ်ထောင်ကွဲသွားသည်။ ယောင်းမက ကလေးများကို အမေရိကမှ ခေါ်ထုတ်သွားသည်။ ဖအေဖြစ်သူကလည်း ဘာမှစောဒကမတက်ခဲ့ပါ။ ရေဗက္ကာ အလွန်ချစ်ရသော တူမများကို ဘယ်တော့မှပြန်မတွေ့ရတော့ပါ။ နှစ်ပေါင်းများစွာ ကြာမှ သူမက “အဲဒီဝမ်းနည်းစရာအဖြစ်ကို ကိုယ့်ဘာသာ တစ်ယောက်တည်း ဖြေရှင်းဖို့ကြိုးစားခဲ့မိလို့ နှလုံးသားထဲမှာ ခါးသီးမှုတွေ စတင်အမြစ်တွယ်လာပြီး မိသားစုနှင့် သူငယ်ချင်းတွေဆီကိုလည်း ပြန့်သွားတယ်”ဟု ဆိုသည်။
ရုသဝတ္ထုတွင် ပူဆွေးမှုနှလုံးသားမှတစ်ဆင့် ကြီးထွားလာသော ခါးသီးမှုများနှင့် ရုန်းကန်ရသည့် နောမိဆိုသောအမျိုးသမီးအကြောင်း ဖော်ပြထားသည်။ ရေခြားမြေခြားတွင် ခင်ပွန်းသည်ဆုံးပါးပြီးနောက် ၁၀နှစ် အကြာတွင်လည်း သားနှစ်ယောက်လုံးကွယ်လွန်သွားကြပြန်သည်။ ဆင်းရဲနွမ်းပါးစွာဖြင့် ရုသနှင့် သြရပ ဆိုသည့် ချွေးမနှစ်ယောက်နှင့်ကျန်ခဲ့ပြန်သည်(၁:၃-၅)။ နောမိ၏ဇာတိပြည်သို့ နောမိနှင့်ရုသတို့ ပြန်သွားသောအခါ တမြို့လုံးက သူတို့ကိုတွေ့ရန် စိတ်လှုပ်ရှားနေကြသည်။ နောမိက သူ့မိတ်ဆွေများအား “အနန္တတန်ခိုးရှင်သည် ငါ့အား အလွန်ခါးသောအရာကို ပေးတော်မူပြီ။…ငါ့ကို…
သင်ဖြစ်သည့်အတိုင်း
သူ့နာမည်က Dnyan (နိုင်းယန်)၊ သူ့ကိုယ်သူ လူမှုအလွှာအသီးသီးကို ကူညီနိုင်သူဟု သတ်မှတ်ထားသည်။ သူဖြတ်သန်းခဲ့သမျှသောမြို့များနှင့်စပ်လျဥ်း၍ ဤလူမှုကမ္ဘာသည် အလွန်ကြီးမားသည်ဟု သူဆိုသည်။ သူသည် လူအများနှင့်ထိတွေ့ပြီး သူတို့ထံမှ လေ့လာသင်ယူရန်အတွက် ၂၀၁၆ခုနှစ်တွင် စက်ဘီးဖြင့်ခရီးနှင်မည့် ၄နှစ်တာခရီးကို အစပြုခဲ့သည်။ ဘာသာစကားအတားအဆီးရှိသောအခါ တစ်ခါတစ်ရံတွင် လူသည် တစ်ဉီးကိုတစ်ဉီးကြည့်ရုံဖြင့် အချင်းချင်းနားလည်နေကြောင်း သူသိခဲ့ရသည်။ လူလူချင်းဆက်သွယ်ရန်အတွက် သူ့ဖုန်းထဲမှဘာသာပြန်ပေးသော App ကိုလည်း အားကိုးခဲ့ရသည်။ သွားခဲ့သည့်ခရီးမိုင်နှင့် မြင်တွေ့ခဲ့ရသည့်အရာများအားဖြင့် သူ့ခရီးစဥ်ကို မတိုင်းတာခဲ့ပါ။ သည့်အစား "သူတို့ရဲ့ ဘာသာစကားကို ကျွန်တော်မသိဘူး။ နားမလည်ဘူး။ ဒါပေမဲ့ သူတို့ဟာ ဘယ်လိုလူလဲဆိုတာ ကျွန်တော်သိချင်တယ်။ သိအောင်လုပ်မယ်"ဟု သူ့နှလုံးသားကို ထိတွေ့စွဲထင်စေခဲ့သည့် လူများအားဖြင့်သာ တိုင်းတာခဲ့ပါသည်။
ဤကမ္ဘာကြီး မည်မျှပင်ကျယ်ပြောနေပါစေ၊ ဘုရားရှင်သည် ကမ္ဘာကြီးနှင့် ကမ္ဘာပေါ်ရှိ လူများနှင့်ပတ်သက်ပြီး အရာခပ်သိမ်းကိုသိသည်။ လုံးစေ့ပတ်စေ့သိသည်။ ဆာလံဆရာဒါဝိဒ်က “လက်ညှိုးတော်အလုပ်တည်းဟူသော ကိုယ်တော်၏မိုးကောင်းကင်၊ လနှင့်ကြယ်များအကြောင်းကို…
ခရစ္စမတ် တစ်ပတ်ရစ် စျေးရောင်းပွဲ
မိခင်တစ်ဉီးသည် မိသားစုအတွက် ခရစ်စမတ်လက်ဆောင်ဝယ်ယူရင်း ငွေပို သံုးမိပြီဟုခံစားရသည်။ ထို့ကြောင့် တစ်နှစ်တွင် အပြောင်းအလဲလုပ်ကြည့်ရန် ဆံုးဖြတ်ခဲ့သည်။ သို့နှင့် ခရစ်စမတ်မရောက်မီလများတွင် စျေးမများသော တစ်ပတ်ရစ်ပစ္စည်း စျေးရောင်းပွဲတွင် စျေးဝယ်ခဲ့သည်။ ပံုမှန်ထက် သူပိုဝယ်ခဲ့သည်။ သို့သော် အကုန်အကျသက်သာသည်။ ခရစ္စမတ်မတိုင်မီညတွင် သားသမီးများသည် စိတ်လှုပ်ရှားစွာနှင့် လက်ဆောင်တစ်ခုပြီးတစ်ခု ဖွင့်ကြည့်ကြသည်။ ခရစ္စမတ်နေ့တွင်လည်း လက်ဆောင်များ ရပြန်သည်။ မိခင်က လက်ဆောင်အသစ် ဝယ်မပေးနိုင်ခြင်းကြောင့် စိတ်မကောင်းဖြစ်ပြီး ခရစ္စမတ်နေ့အတွက်ပါ လက်ဆောင်များ ပိုဝယ်ထားခြင်းဖြစ်သည်။ ကလေး များက လက်ဆောင်များကိုဖောက်ရင်း ချက်ခြင်းဆိုသလို ‘အမေက လက်ဆောင်တွေ အများကြီးပေးတယ်။ လက်ဆောင်ထုတ်တွေ မဖောက်နိုင် တော့ဘူး’ ဟု ညည်းကြသည်။ ၎င်းသည် ခရစ္စမတ်မနက်ခင်းတွင် ကလေး များ၏တုံ့ပြန်နေကျ သာမန်တုံ့ပြန်မှုတစ်ခု မဟုတ်ပါ။
ဘုရားသခင်သည် ကျွန်ုပ်တို့ကို များစွာသော ကောင်းချီးများပေးသော်လည်း ကျွန်ုပ်တို့က ပိုကြီးသောအိမ်၊ ပိုကောင်းသောကားရရန်၊ ဘဏ်စာရင်း၌…
ဖြစ်နိုင်လျှင်...
အလက်စကား မိုးမခပင်ကြီးမှာ မိုးသက်မုန်တိုင်းကြား ဟိုဒီယိမ်းထိုးနေသည်။ နွေရာသီ၌အရိပ်ကိုပေးရုံမကာ မိသားစုအတွက် သီးသန့်ဆိတ်ငြိမ်ရာနေရာ ဖြစ်ပေးသည့်အပင်ကြီးကို ရယ်ဂျီချစ်သည်။ ယခုတွင် ကြောက်မက်ဖွယ် လေပြင်းက အပင်ကြီးကို အမြစ်မှဆွဲလှန်နေသည်။ ရယ်ဂျီနှင့် ၁၅ နှစ် အရွယ် သူ့သားတို့ အမြန်ပြေးထွက်လာကာ အပင်ကြီးလဲမသွားအောင် ကျားကန် ထားသော ပေါင် ၉၀ လေးသည့် ထောက်တိုင်ကို တွန်းထားသော်လည်း သူတို့အားနှင့် မတတ်နိုင်ခဲ့ပါ။
အခြားသောမုန်တိုင်းတစ်ခုတွင် ဒါဝိဒ်ဟစ်ခေါ်ချိန်၌ ဘုရားသခင်သည် သူ၏ခွန်အားအစွမ်းဖြစ်ခဲ့သည် (ဆာ ၂၈:၈)။ ဓမ္မပညာရှင်အချို့က ဒါဝိဒ်သည် သူ့ဘဝတစ်စစီပြိုပျက်ချိန်၌ ထိုဆာလံကျမ်းကို ရေးခဲ့သည်ဟု ဆိုကြသည်။ သူ၏ သားရင်းက သူ့ကိုပုန်ကန်ပြီး ထီးနန်းသိမ်းရန် ကြိုးပမ်းခဲ့သည် (၂ ရာ ၁၅)။ အကာအကွယ်မဲ့စွာ အားနည်းစွာ ခံစားရလျက် ဘုရားသခင် နှုတ်ဆိတ်နေပြီး သူသေသွားမည်လားဟု ဒါဝိဒ်မင်းစိုးကြောက်ခဲ့သည် (ဆာ ၂၈:၁)။ “ကိုယ်တော်ကို…
ဉာဏ်အမြော်အမြင် မရှိခြင်း
၂ နှစ်အရွယ် ကဲနက်လေး ပျောက်နေသည်။ သို့သော် သုံးမိနစ်အတွင်း၌ပင် သူ့မိခင်က ၉-၁-၁ ကို ခေါ်ပြီး အရေးပေါ်ကယ်ဆယ်ရေးသမားများက သူ့အိမ် နှစ်လမ်းကျော်ရှိ ပွဲဈေးတွင် သူ့ကို ရှာတွေ့ခဲ့သည်။ ထိုညနေပိုင်းတွင် အဖိုးနှင့်အတူ ပွဲသို့သွားနိုင်သည်ဟု သူ့အမေက ကတိပေးခဲ့သည်။ သို့သော် သူက သူ့ကစားစရာ ထွန်စက်ကားကို မောင်းသွားပြီး သူကြိုက်သည့် အပျော်စီးချားရဟတ်နေရာ၌ ဆိုက်ထားလိုက်သည်။ ကဲနက်လေး အိမ်သို့ ဘေးကင်းစွာ ပြန်ရောက်ပြီးနောက် သူ့ဖခင်က ကားထဲမှ ဘက်ထရီကို အမြော်အမြင်ဖြင့် ဖယ်လိုက်သည်။
သူသွားလိုသည့်နေရာသို့ ကဲနက်လေးသွားနိုင်ခြင်းက သူအတော် ထက်မြက်သည်ဟုဆိုနိုင်သည်။ သို့သော် ၂ နှစ်အရွယ်ကလေး၌ မရှိသေးသည့် အရေးကြီး သည့်အရာမှာ ဉာဏ်အမြော်အမြင်ဖြစ်ပါသည်။ အရွယ်ရောက်သူများ၌လည်း တစ်ခါတစ်ရံ ဉာဏ်အမြော်အမြင်မရှိကြပါ။ ခမည်းတော်ဒါဝိဒ်၏ အရိုက်အရာကို ဆက်ခံသူရှောလမုန် (၃ ရာ ၂) က သူသည်…
ယုတ္တိမရှိသောကြောက်ရွံ့မှုများ
ကျွန်မ၏မိဘနှစ်ပါးစလုံး သုံးလအတွင်း ရှေ့ဆင့်နောက်ဆင့်ဆုံးပါးသွားချိန်တွင် သဘာ၀မကျသော်လည်း သူတို့ ကျွန်မကိုမေ့သွားမည်လားဟု စိုးရိမ်ခဲ့သည်။ လောကတွင် သူတို့မရှိတော့၍ ကျွန်မမှာ မသေမချာမရေမရာမှုများစွာကို ခံစားရသည်။ ငယ်ရွယ်၍ အိမ်ထောင်မပြုရသေးသော လူငယ်တစ်ဉီးဖြစ် သဖြင့် မိဘများမရှိဘဲ မည်ကဲ့သို့ဘဝရှင်သန်ရမည်နည်းဟု ကျွန်မအတွေးဝင် မိသည်။ တစ်ကိုယ်တည်းဖြစ်မှုနှင့် အထီးကျန်မှုကို အကြီးအကျယ်ခံစားရပြီး ဘုရားကို ရှာဖွေခဲ့သည်။
မနက်ခင်းတစ်ခုတွင် ကျွန်မ၏ယုတ္တိမတန် ခံစားနေရသော ကြောက်ရွံ့မှုနှင့် ဝမ်းနည်းမှုများကို(ကိုယ်တော်သိပြီးဖြစ်သော်လည်း) ဘုရားသခင်အား ပြောပြခဲ့ သည်။ ထိုနေ့ဝတ်ပြုခြင်း၌ ကျွန်မဖတ်မိသောကျမ်းပိုဒ်မှာ ဟေရှာယ ၄၉:၁၅ ဖြစ်သည်။ “မိန်းမသည် မိမိဖွားသောသားကို မသနားသည်တိုင်အောင်၊ မိမိနို့စို့ သူငယ်ကို မေ့လျော့နိုင်သလော။ အကယ်၍ မေ့လျော့သော်လည်း၊ သင့်ကို ငါမမေ့ လျော့။” ဘုရားသခင်သည် ဟေရှာယအားဖြင့် သူ၏လူများကို မမေ့လျော့ကြောင်း အာမခံခဲ့ပြီး၊ နောက်ပိုင်းတွင် သူ၏သားတော်ယေရှုကို စေလွှတ်၍ ပြန်လည် တည်ဆောက်မည်ဟု ကတိပေးခဲ့သည်။…
ကောင်းမြတ်အံ့ဖွယ်သော ဆုလာဘ်
ဆရာမလေးဒုံလန်သည် စာဖတ်သူတစ်ဉီးဖြစ်ပြီး တစ်နေ့တွင် စာဖတ်ခြင်း၏ အကျိုးကျေးဇူးကို ခံစားခွင့်ရခဲ့သည်။ သူသည် ခရီးသွားရန်ပြင်ဆင်နေချိန်၌ ရှည်လျားသော ခရီးသွားအာမခံပေါ်လစီများကို စစ်ဆေးဖတ်ရှုရင်း စာမျက်နှာ-၇ အရောက်တွင် ကောင်းမြတ်အံ့ဖွယ်သောဆုလာဘ်ကို တွေ့လိုက်ရသည်။ ကုမ္ပဏီ၏ “စာဖတ်ခြင်း အတွက် အခပေးခြင်း” စာဖတ်ပြိုင်ပွဲနှင့်အကြုံး၀င်သည့် ထိုစာမျက်နှာ-၇ အထိ ပထမဆုံးဖတ်ရှုသူအား ကုမ္ပဏီမှ ဒေါ်လာငွေတစ်သောင်း ချီးမြှင့်ရန် စာချုပ်၌ ပါရှိ ဖြစ်သည်။ ထို့ပြင် ဒုံလန်နေထိုင်သည့်ဒေသရှိ ကျောင်းများသို့လည်း ကလေးသူငယ် စာတတ်မြောက်ရေး အစီအစဉ်အတွက် ဒေါ်လာထောင်နှင့်ချီ၍ ပေးလှူခဲ့သေးသည်။ “ကျွန်မက စာချုပ်ပါအချက်အလက်ကို လျှောက်ဖတ်တတ်တဲ့ အရူးအနှမ်းပေါ့နော်။ ကျွန်မက အခြားသူတွေထက် သြချစရာကောင်းတဲ့သူပဲ” ဟု သူဆိုသည်။
ဘုရားရှင်၏အံ့သြဖွယ်အကြောင်းကို မြင်အောင် သူ့မျက်လုံးများ ပွင့်နေရန် ဆာလံဆရာ လိုလားခဲ့သည် (ဆာ ၁၁၉:၁၈)။ ဘုရားရှင်ကလည်း သူ့အကြောင်းကို လူတို့အားသိစေချင်ကြောင်း ဆာလံဆရာသဘောပေါက်ခဲ့ပါလိမ့်မည်။ ထို့ကြောင့် လည်း…
ကြင်နာတတ်သူ
စိတ်ပျက်လက်ပျက်ဖြစ်ပြီး၊ ပိုမိုအဓိပ္ပာယ်ရှိသောဘဝကို လိုချင်သဖြင့် လီယွန် သည် ဘဏ္ဍာရေးဌာနမှအလုပ်ထွက်ခဲ့သည်။ ထို့နောက် တစ်နေ့တွင် “ကြင်နာမှု သည် အကောင်းဆုံးဆေးဖြစ်၏”ဟူသော ဆိုင်းဘုတ်ကိုကိုင်ထားသည့် အိမ်ယာမဲ့ တစ်ဦးကို သူတွေ့ခဲ့သည်။ “အဲဒီစကားတွေက ကျွန်တော့်ကိုတည့်တည့် လာမှန်တာပဲ။ အသိတရား တွေ ခေါင်းထဲဝင်လာတယ်”ဟု လီယွန် ပြောခဲ့သည်။
ကြင်နာမှုကိုမြှင့်တင်ပေးသည့် နိုင်ငံတကာအဖွဲ့အစည်းတစ်ခုကို ဖွဲ့စည်းခြင်း ဖြင့် ဘဝသစ်စတင်ရန် လီယွန်ဆုံးဖြတ်ခဲ့သည်။ သူသည် သူ့အား အစားအသောက် ပေးသူ၊ ဆီဖြည့်ပေးသူ၊ တည်းခိုစရာနေရာပေးသူ သူစိမ်းများအပေါ်မှီခိုလျက် ကမ္ဘာအနှံ့ခရီးထွက်သည်။ ထို့နောက် သူ၏အဖွဲ့အစည်းမှတစ်ဆင့် မိဘမဲ့များကို ကျွေးမွေးခြင်း၊ ဆင်းရဲနွမ်းပါးသောကလေးများအတွက် ကျောင်းဆောက်ပေးခြင်း စသော ကောင်းမှုများအားဖြင့် ထိုသူတို့ကို ချီးမြှင့်သည်။ “ကြင်နာမှုက နူးညံ့ပျော့ပြောင်းတယ်လို့ထင်ရပေမယ့် ကြီးမားတဲ့ခွန်အားဖြစ်ပါတယ်”ဟု သူပြောသည်။
ဘုရားသခင်သည် ကောင်းမြတ်သည့်အတွက် သူ့ထံမှ အကြင်နာတရားက သဘာဝအတိုင်းစီးဆင်းနေကြောင်း ခရစ်တော်က အနှစ်ချုပ်ဖော်ပြသည်။ မုဆိုးမ၏ တစ်ဦးတည်းသောသား…
အထက်ရှုထောင့်အမြင်များ
၁၉၇၀ ခုနှစ်က သတ္တုစမ်းသပ်ရှာဖွေသောကိရိယာကို အသုံးပြုခြင်းသည် ပီတာဝက်ချ် ၏ဝါသနာမျှသာ ဖြစ်သည်။ သို့သော် ၁၉၉၀ ခုနှစ်မှစ၍ သတ္တုစူးစမ်း ရှာဖွေခြင်းခရီးစဉ်များဖြင့် ကမ္ဘာတစ်ဝန်းမှ လူများကို သူဉီးဆောင်ခဲ့သည်။ ဓားများ၊ ရှေးဟောင်း ရတနာများ၊ အကြွေစေ့များ စသည်ဖြင့် ရှာဖွေတွေ့ရှိမှုထောင်ပေါင်းများစွာ ရရှိခဲ့သည်။ ဂြိုဟ်တုပံုရိပ်ကို အမှီပြုတီထွင်ထားသော Google Earth ကို အသုံးပြု၍ အင်္ဂလန်ရှိ လယ်မြေများကို စူးစမ်းရှာဖွေခဲ့သည်။ ထိုရှာဖွေမှုမှ ရှေးရာစုနှစ်များစွာကရှိခဲ့သည့် လမ်းများ၊ အဆောက်အဉီများနှင့် အခြားသော ရှေးမြို့ပြဖွဲ့စည်းတည်ဆောက်မှုကို တွေ့ရှိခဲ့သည်။ "အပေါ်စီးမှကြည့်သည့်အမြင် က ကမ္ဘာသစ်တစ်ခုကို ဖွင့်လှစ်ပေးခဲ့ပါတယ်"ဟု ပီတာ က ပြောပြသည်။
ပရောဖက်ဟေရှာယခေတ်ရှိ ဘုရားလူများသည် အထက်မှအမြင်ကို ရရှိရန် လိုအပ်သည်။ ဘုရားသခင်၏လူမျိုးတော်ဟုဆိုလျက် သူတို့ဂုဏ်ယူဝင့်ကြွားနေစဉ် တစ်ဘက်တွင် နာခံခြင်းမရှိ၊ ရုပ်တုဆင်းတုများကိုလည်း မစွန့်လွှတ်နိုင်။ သို့သော် ဘုရားသခင်၌ အခြားသောအမြင်ရှိသည်။ သူတို့မနာခံသော်လည်း…
လက်ဖွင့်ကြိုဆို
Saydee နှင့်သူ့မိသားစုသည် "လက်ကိုဖွင့်၊ အိမ်ကိုဖွင့်" ဟူသောဒဿနကို ကိုင်စွဲ ခံယူသည်။ လူတိုင်းကို အထူးသဖြင့် စိတ်ဓာတ်ကျစိတ်ပျက်သူများကို သူတို့အိမ်၌ နွေးထွေးပြူငှာစွာ ကြိုဆိုကြောင်း သူကပြောပြသည်။ လစ်ဗျားနိုင်ငံတွင် ထိုသို့သော အိမ်ထောင်၌ သူတို့မောင်နှမကိုးယောက် ကြီးပြင်းခဲ့ရသည်။ သူတို့မိဘများက အခြားသူများကို မိသားစုထဲအမြဲကြိုဆိုခဲ့သည်။ သူက “ကျွန်တော်တို့က အဲဒီလို အသိုင်းအဝန်းနဲ့ ကြီးပြင်းခဲ့ရတယ်။ ကျွန်တော်တို့ တစ်ယောက်ကိုတစ်ယောက် ချစ်ကြတယ်။ တစ်ဦးအပေါ်တစ်ဦးတာဝန်ယူတယ်။ ကျွန်တော်တို့ တစ်ယောက်ကို တယောက်ချစ်ဖို့၊ဂရုစိုက်ဖို့၊ ကာကွယ်ပေးဖို့ အဖေသွန်သင်ခဲ့တယ်”ဟု သူပြောသည်။
ဒါဝိဒ်မင်းကြီးအကူအညီလိုအပ်ချိန်တွင် အထက်ပါ ချစ်ခြင်းကရုဏာမျိုးကို ဘုရားရှင်ထံ၌ သူတွေ့ရှိခဲ့သည်။ ရာဇဝင်ချုပ်ဒုတိယစောင်တွင် (ဆာလံ ၁၈ တွင်လည်း ပါသည်) သူ့အသက်တာတစ်လျှောက် ဘုရားရှင်ထံ၌ ခိုလှုံရာအဖြစ်တိုးဝင်ခဲ့သည့်အချိန် များအကြောင်းကို သီချင်းဖွဲ့ကာ မှတ်တမ်းတင်ထားသည်။ ဒါဝိဒ်မင်းက “ငါသည် ဆင်းရဲ ငြိုငြင်သောအခါ၊ ထာဝရဘုရားကိုခေါ်၍ ငါ၏ဘုရားသခင်ကို အော်ဟစ်လေ၏။…