အံသြဖွယ်ခရစ်စမတ်

အစည်းအဝေးတက်ရောက်ရန် လန်ဒန်သို့ ကျွန်တော်ရောက်ရှိနေသည်။ မိုးတဖွဲဖွဲရွာနေပြီး ကျွန်တော်နောက်ကျနေခဲ့သည်။ လမ်းသွယ်များကြား အလျင်စလိုဖြတ်ဝင်ပြီး ထောင့်အကွေ့တစ်ခုမှ ချိုးအထွက်တွင် ကျွန်တော်ကြက်သေသေသွားသည်။ ဒါဇင်နှင့်ချီသော ကောင်းကင်တမန်များ ရီးဂျန့်လမ်းမထက်၌ ရစ်ဝဲနေကာ ၎င်းတို့၏တောက်ပလင်းလက်သောအတောင်ပံများက ကားတန်းတစ်လျှောက်အပေါ်ဖြန့်ကျက်ထားသည်။ လျှပ်စစ်မီးသီးထောင်ပေါင်းများစွာဖြင့် အလှဆင်ထားသည်မှာ ကျွန်တော်မြင်ဖူးခဲ့သမျှ ခရစ္စမတ်အပြင်အဆင်တွင် အံ့မခမ်းအလှဆုံးဖြစ်သည်။ ရာပေါင်းများစွာသောလူများသည်လည်း လမ်းတစ်လျှောက် တန်းစီကာ အံ့သြမှုအပြည့်နှင့် ငေးမောနေကြသည်။

အံသြမှုသည် ခရစ္စမတ်ပံုပြင်၏အဓိကအချက်တစ်ခုဖြစ်သည်။ ကောင်းကင်တမန်သည် ကိုယ်ထင်ပြကာ မာရိအား သူမသည် အလွန်ထူးခြားစွာဖြင့် ကိုယ်ဝန်ဆောင်ရမည်ကိုရှင်းပြစဥ် (လု ၁:၂၆-၃၈)၊ သခင်ယေရှုဖွားမြင်သောအခါ သိုးကျောင်းသားများကို သတင်းကောင်းပြောကြားချိန် (၂:၈-၂၀)တို့တွင် ထိုသူတို့သည် ကြောက်လန့်ခြင်း၊ အံ့သြမှင်သက်ခြင်းဖြင့် တုံ့ပြန်ခဲ့ကြသည်။ ရီးဂျန့်လမ်းမှ လှည့်ပတ်ကြည့်ရှုနေသော လူအုပ်ကြီးကိုကြည့်ရင်း ပထမဆုံးအကြိမ်ကောင်းကင်တမန်များနှင့် တွေ့ကြုံခဲ့ရသူတို့ကဲ့သို့ ကျွန်တော်တို့ခံစားနေရ သလားဟု ကျွန်တော်အတွေးဝင်မိပါသည်။

ခဏအကြာတွင် နောက်ထပ်အချက်တစ်ချက်ကို ကျွန်တော် သတိပြုမိသည်။ ကောင်းကင်တမန်အချို့က လက်များပင့်လျက် တစ်စုံတစ်ရာကို လှမ်းကြည့်နေသကဲ့သို့…

တိုက်ပွဲကို ရင်ဆိုင်ခြင်း

မကြာမီက သူငယ်ချင်းတစ်စုနှင့် ကျွန်ုပ်တွေ့ဆုံခဲ့ကြသည်။ သူတို့ပြောဆိုသည့် စကားများအရ သူတို့အသီးသီးသည် တိုက်ပွဲကိုယ်စီနှင့်ရင်ဆိုင်နေရကြောင်းသိခဲ့ရသည်။ ၎င်းတို့အနက် နှစ်ဦး၏မိဘများသည် ကင်ဆာရောဂါဖြစ်နေ သည်။ အခြားတစ်ဦး၏သားမှာ အစာစားသောက်မှုပုံစံ မူမမှန်သောပြဿနာနှင့် ရင်ဆိုင်နေရပြီး နောက်တစ်ဦးသည် နာတာရှည်ရောဂါခံစားနေရသည်။ အခြားတစ်ဦးမှာ အရေးကြီးသောခွဲစိတ်မှုကိုခံယူနေရသည်။ အသက် ၃၀-၄၀ အရွယ်ရှိသူများအတွက် ၎င်းသည် ကြီးလေးသောဝန်ဖြစ်သည်။

ရာဇဝင်ချုပ်ပဌမစောင် အခန်းကြီး ၁၆ သည် ဣသရေလတို့၏သမိုင်းတွင် အရေးပါသောအချိန်ဖြစ်သည့် ပဋိညာဉ်သေတ္တာတော်ကို ဒါဝိဒ်၏မြို့တော် (ယေရုရှလင်မြို့)သို့ သယ်ဆောင်သည့်အကြောင်းဖြစ်ပြီး စစ်မက်အတွင်း ခေတ္တ ငြိမ်းချမ်းနေချိန်ဖြစ်သည်(၂ရာ ၇:၁)။ ပဋိညာဉ်သေတ္တာ သူ့နေရာမှန်သို့ ပြန်ရောက်ခြင်းသည် ဘုရားသခင်၏တည်ရှိခြင်းကို ပုံဆောင်ပြီး ထိုအချိန်တွင် ဒါဝိဒ်သည် သူ့လူတို့ကို ဦးဆောင်လျက် ချီးမွမ်းခဲ့သည် (၅ရာ ၁၆:၈-၃၆)။ ထာဝရဘုရား၏ အံ့ဖွယ်အမှုများပြုသည့်တန်ခိုးတော်၊ ကိုယ်တော်၏ကတိတော် တည်ကြည်ခြင်းနှင့် ကွယ်ကာမစပေးမှုများအတွက် အတူတကွ ချီးမွမ်းသီဆိုကြ သည် (:၁၂-၂၂)။ “ထာဝရဘုရားနှင့်တန်ခိုးတော်ကိုရှာကြလော့။…

ကုန်တင်ယာဉ်မောင်း၏လက်များ

ကြားရသည့်သတင်းကြောင့် တုန်လှုပ်မိခဲ့သည်။ ဆီးကျိတ်ကင်ဆာမှ သက်သာ ပျောက်ကင်းခဲ့ပြီး၊ ယခု အဖေသည် သရက်ရွက်ကင်ဆာကို ခံစားခဲ့ရပြန်သည်။ အခြေအနေများရှုပ်ကုန်ပြီ။ အဖေသည် နာတာရှည်ဖျားနာနေသည့် အမေ့ကို အချိန်ပြည့်ကြည့်ရှုစောင့်ရှောက်ပေးနေသူ ဖြစ်သည်။ မိဘနှစ်ဦးစလုံး ဂရုစိုက်မှု လိုအပ်လျက်ရှိပြီး၊ ရှေ့လာမည့်နေ့ရက်များကား အခက်ကြုံစရာဖြစ်သည်။

သူတို့နှင့်အတူရှိရန် လေယာဉ်ဖြင့် အိမ်ပြန်လာခဲ့ပြီးနောက်၊ တစ်ခုသော တနင်္ဂနွေနေ့တွင် မိဘများ၏အသင်းတော်သို့ တက်ရောက်ခဲ့သည်။ ဟဲမတ် ဆိုသူ သည် ကျွန်ုပ်ထံ‌‌ရောက်လာပြီး သူကူညီပေးလိုကြောင်း ပြောပြီး နှစ်ရက် အကြာတွင် စာရင်းစာရွက်တစ်ရွက်ဖြင့် သူအိမ်သို့ရောက်လာသည်။ “ဓာတ်ရောင်ခြည်ကုထုံး စတင်ရင် အစာစားဖို့ လိုလိမ့်မယ်။” “ချက်ပြုတ်ပေးမဲ့သူစာရင်းကို ကျွန်တော် စီစဉ်ပေးမယ်။ မြက်ရိတ်ဖို့ကော၊ ဒါတော့ ကျွန်တော် လုပ်နိုင်ပါတယ်။ အမှိုက်တွေကို ဘယ်နေ့လာသိမ်းလဲ” စသည်ဖြင့် စီမံသည်။ ဟဲမတ်သည် ကုန်တင်ယာဉ်မောင်းဘဝမှ အနားယူခဲ့သူဖြစ်သော်လည်း ကျွန်ုပ်တို့အတွက် ကောင်းကင်တမန် ဖြစ်ပါသည်။ အခြားသူများ၊ တစ်ကိုယ်တည်း…

မြင်နိုင်သောမျက်လုံးများ

မကြာမီက သရီးဒီရုပ်ကြွအနုပညာ၏အံ့သြဖွယ်ရာများကို ကျွန်ုပ်တွေ့ရှိခဲ့သည်။ မြင်မြင်ချင်းတွင် ကြုံရာအပိုင်းများကိုသာမြင်ရသော်လည်း သရီးဒီ ရုပ်ကြွကို မှန်ကန်သောရှုထောင့်မှကြည့်မှသာလျှင် အဓိပ္ပာယ်ရှိသည်။ ပုံတစ်ခုတွင် ဒေါင်လိုက်တိုင်များကို အပြိုင်ထောင်ထားပြီး ထင်ရှားသောခေါင်းဆောင်တစ်ဦး၏ မျက်နှာကို သရုပ်ဖော်ထားသည်။ နောက်တစ်ပုံမှာ နန်းကြိုးထုပ်ကြီးဖြင့် ဆင်ရုပ်လုံးပုံကို ဖော်ဆောင်ထားသည်။ နောက်လက်ရာတစ်ခုမှာ အမဲစက် ရာပေါင်းများကို ဝါယာကြိုးဖြင့် ချိတ်ဆွဲထားပြီး မှန်မှန်ကန်ကန်ကြည့်သော် အမျိုးသမီးမျက်ဝန်းပုံကို မြင်ရသည်။ မတူညီသောရှုထောင့်များမှ ဆိုလိုရင်း မပေါ်မချင်းကြည့်ရန်မှာ သရီးဒီရုပ်ကြွအနုပညာ၏သော့ချက်ဖြစ်သည်။

သမိုင်းအကြောင်းအရာ၊ ကဗျာ၊ သီချင်းနှင့် ကျမ်းပိုဒ်များစွာပါဝင်သည့် သမ္မာ ကျမ်းစာကို တစ်ခါတစ်ရံ နားလည်ရန် ခက်ခဲလိမ့်မည်။ သို့သော် မည်သို့ အနက်ဖွင့် ရမည်ကို နှုတ်ကပတ်တော်မှပင် ဖွင့်ပြထားသည်။ သရီးဒီရုပ်ကြွကို ကြည့်ရှု သကဲ့သို့ပင် မတူညီသောရှုထောင့်များမှကြည့်ပြီး နက်ရှိုင်းစွာ ဆင်ခြင်ရန်ဖြစ်သည်။

ခရစ်တော်သွန်သင်သည့် ပုံဥပမာများသည်လည်း ထို့အတူပင်ဖြစ်သည်။ ဂရုတစိုက်နှင့် သေချာစွာလေ့လာတွေးဆသူသည် အဓိပ္ပာယ်ကို သိနားလည်လိမ့် မည်(မ…

စက်လှေကားများကို ပြင်ဆင်ခြင်း

အဆစ်များလွဲနိုင်သည့် စာရာ၏ဖြစ်ခဲသည့်ရောဂါကြောင့် ဟိုဟိုဒီဒီသွားလာနိုင်ရန် လျှပ်စစ်ဘီးတပ်ကုလားထိုင်ကို သူအားကိုးနေရသည်။ မကြာမီကလည်း အစည်းအဝေးတက်ရောက်ရန် မီးရထားဘူတာရုံသို့ ဘီးတပ်ကုလားထိုင်ဖြင့် သွားရာ ဓာတ်လှေကားက ပျက်နေသဖြင့် ရထားစင်္ကြံသို့သွားရန် မဖြစ်နိုင်။ သို့နှင့် မိနစ် ၄၀ သွားရမည့် နောက်ဘူတာရုံသို့ တက္ကစီငှားစီးသွားရန် သူ့ကိုပြောကြသည်။ တက္ကစီကို ဖုန်းဆက်ခေါ်သော်လည်း ရောက်မလာခဲ့ပါ။ စာရာသည် လက်လျော့ပြီး အိမ်ပြန်သွားတော့သည်။

စိတ်မကောင်းဖွယ် ဤအဖြစ်မျိုးက စာရာအတွက် ပုံမှန်ဖြစ်နေကျပါ။ ဓာတ်လှေကားပျက်သဖြင့် ရထားပေါ်တက်မရ၊ စောင်းလျှောမရှိ၍ ရထားပေါ်မှ ဆင်းမရဖြစ်ရသည်။ တစ်ခါတစ်ရံ အကူအညီလိုနေသည့် စာရာကို မီးရထားဝန်ထမ်းများက အနှောင့်အယှက်အဖြစ် ဆက်ဆံကြသည်။ မကြာခဏဆိုသလို သူမျက်ရည်ကျမတတ်ဖြစ်ရသည်။

လူမှုပေါင်းသင်းဆက်ဆံရေးနှင့်ဆိုင်သည့် သွန်သင်ချက်နည်းဥပဒေသများ အနက် “ကိုယ်နှင့်စပ်ဆိုင်သောသူကို ကိုယ်နှင့် အမျှချစ်ရမည်” (ဝတ် ၁၉:၁၈၊ ရော ၁၃:၈-၁၀) ဟူသည့်အချက်မှာ အဓိကဖြစ်သည်။ ဤမေတ္တာစိတ်က လိမ်လည်ခြင်း၊ ခိုးခြင်း၊ အခြားသူများကိုအနိုင်ကျင့်ခြင်းတို့…

အချစ်ခံရသူ၊လှပသူ၊ ဆုကျေးဇူးခံရသောသူ

မဲလ်ကမ်း သည် မိမိကိုယ်ကိုစိတ်ချယုံကြည်မှုရှိသည့် ဆယ်ကျော်သက်တစ်ဦးဖြစ်သည်။ သို့သော် ထိုယုံကြည်မှုသည် အပေါ်ယံမျက်နှာဖုံးတစ်ခုသာဖြစ်သည်။ စင်စစ် တည်ငြိမ်မှုမရှိသောမိသားစုဘဝကြောင့် သူ၌စိုးရွံ့ကြောက်စိတ်များရှိသည်။ အသိအမှတ်ပြုခံရရန် တောင့်တသည်။ သူ့မိသားစုပြဿနာများအတွက် သူ၌ တာဝန်ရှိသည်ဟု မှားယွင်းစွာ ခံစားရသည်။ သူက "ကျွန်တော်မှတ်မိသလောက် ရေချိုးခန်းထဲသွား၊ မှန်ကိုကြည့်ပြီး နင်ဟာ အရူး၊ နင်ဟာ အကျည်းတန်သူ၊ အားလံုး နင့်အမှားကြောင့်လို့ မနက်တိုင်း ကိုယ့်ကိုယ်ကို အော်ပြောခဲ့တယ်" ဟုပြောပြသည်။

မဲလ်ကမ်း သည် အသက် ၂၁ နှစ်အရွယ်ထိ မိမိကိုယ်ကိုကျိန်ဆဲခဲ့သည်။ ထို့ နောက် ယေရှု၌ရှိသော သူ၏ဖြစ်တည်မှုအစစ်အမှန်ကို သိလာရသည်။ "ဘယ် အခြေအနေမှာမဆို ဘုရားရှင်က ကျွန်တော့်ကို ချစ်တယ်။ ဒါကို ဘယ်အရာကမှ မပြောင်းလဲစေနိုင်ဘူး။... ဘုရားရှင်ကိုအရှက်ရစရာအကြောင်း ကျွန်တော် ဘယ်တော့မှ မလုပ်တော့သလို သူလည်း ကျွန်တော့်ကို ဘယ်တော့မှပစ်ပယ်မှာ မဟုတ်ဘူး"ဟု ပြန်ပြောင်းပြောပြသည်။ ယခုတွင်…

အားသစ်အင်သစ်

အခြားသူကိုအစေခံနေစဉ် ကိုယ်တိုင်က ချုံးချုံးကျသွားရသူများ၏ဖြစ်ပုံကို စိတ်ရောဂါ အထူးကုဆရာဝန် ရောဘတ် ကိုးလ်က သတိပြုမိသည်။ ထိုသို့ ဖြစ်လျှင် ပထမဆုံးသတိပေးသည့် လက္ခဏာမှာ စိတ်ပင်ပန်းနွမ်းနယ်ခြင်းဖြစ်၏။ ထို့နောက် အရာရာကိုအကောင်းမမြင်တော့ဘဲ ခါးသီးခြင်း၊ စိတ်အားငယ်ခြင်း၊ စိတ်ဓာတ် ကျခြင်းတို့ဖြစ်လာပြီး နောက်ဆုံး ကိုယ်စိတ်နှလုံး ချုံးချုံးကျသွားတော့သည်။

ပျက်စီးသွားသည့်အိပ်မက်မှနိုးထလာခြင်းအကြောင်း စာအုပ်ကို ကျွန်တော် ရေးသားပြီးနောက် ညီလာခံ၌ပြောကြားရမည့်အကြောင်းအရာများနှင့် တစ်ဖန် အလုပ်ရှုပ်လာပြန်သည်။ စိတ်ပျက်အားငယ်မှုကြုံရပြီးနောက် မျှော်လင့်ခြင်းကိုလူတို့ ရှာတွေ့အောင် ကူညီခြင်းက အလွန်အကျိုးရှိသော်လည်း အဖိုးအခပေးရသည်။ တစ်နေ့က စင်မြင့်ပေါ်သို့တက်ခါနီးတွင် မေ့လဲသွားမလားဟုပင် ကျွန်တော်တွေးမိ သည်။ အိပ်ရေးက ပျက်၊ အပန်းဖြေခရီးသွားခဲ့လည်း စိတ်ပင်ပန်းမှုကို မပျောက်စေ ခဲ့ပါ။ အခြားသူများ၏ ပြဿနာများကို ကြားရမည်ဆိုသည့်အတွေးက ကျွန်တော့် ကို ပူပန်ထိတ်လန့်စေသည်။ ကိုးလ် တွေ့ရှိထားသော ပုံစံအတိုင်း ဖြစ်နေသည်။

ကိုယ်စိတ်နှလုံးချုံးချုံးကျခြင်းကိုအောင်နိုင်ရန် သမ္မာကျမ်းမှနည်းဗျူဟာနှစ်ခု ပေးထားသည်။ ဟေရှာယ…

ထပ်မံခုန်လိုက်ပါ

၂၀၁၂ ခုနှစ်တွင် Philips, Craig နှင့် Dean သည် “Tell Your Heart to Beat Again” ဟူသည့် သူတို့၏သီချင်းကို ထုတ်လွှင့်ခဲ့သည်။ ထိုသီချင်းသည် နှလံုးခွဲစိတ် ဆရာဝန်တစ်ဉီး၏ဖြစ်ရပ်မှန်ကိုအခြေခံပြီး ရေးစပ်ထားသည်။ လူနာ၏နှလံုးကို ခွဲစိတ်ပြုပြင်ပြီးနောက် ခွဲစိတ်ဆရာဝန်သည် နှလံုးကို ရင်ဘတ်ထဲပြန်ထည့်ပြီး အသက်ပြန်ဝင်လာစေရန် ဖြေးညှင်းစွာ စတင်ဖိနှိပ်ပေးသည်။ သို့သော် နှလံုးသည် ပြန်လည်အလုပ်မလုပ်ပါ။ ပိုမို ပြင်းထန်စွာဖိနှိပ်ပေးပြီးနောက်တွင်လည်း နှလံုးသည် ပြန်လည်မခုန်သေးပါ။ နောက်ဆံုးတွင် ခွဲစိတ်ဆရာဝန်က သတိမေ့နေသောလူနာ အနီး၌ ဒူးထောက်လိုက်ပြီး သူမကို “မစ်ဂျွန်ဆင်၊ အခု မင်းကို ခွဲစိတ်ပေးတဲ့ ဆရာဝန် စကားပြောနေတာပါ။ ခွဲစိတ်မှု ကောင်းစွာ ပြီးဆံုးသွားပါပြီ။ မင်းရဲ့ နှလံုးသားကို လည်း ခွဲစိတ်ကုသပြီးပါပြီ။ အခု မင်းနှလံုးကို ခုန်ဖို့ပြောလိုက်ပါ” ဟု ပြောခဲ့သည်။ ထိုနောက်…

ဘာမဆိုလုပ်ခြင်း

မကြာမီကမှရုံတင်သော ရုပ်ရှင်ကားတစ်ကားတွင် မိမိကိုယ်ကို “ပါရမီရှင်” ဟု ကြွေးကြော်သူက ကမ္ဘာကြီး၏ကြောက်မက်ဖွယ် အကျင့်ပျက်ခြစားမှု၊ ပညာမဲ့မှုနှင့် ဆင်းရဲနွမ်းပါးမှုအကြောင်းကို ကြီးကြီးကျယ်ကျယ်ပြောဆိုလျက် မိုက်မဲရူးသွပ်သော ဘုရားမဲ့ဘဝဖြင့် ရှင်သန်ရန် ကြွေးကြော်သည်။ ယနေ့ခေတ် ရုပ်ရှင်ဇာတ်ညွှန်းများတွင် ထိုအတွေးအခေါ်သည် မထူးဆန်းသော်ငြား၊ ထိုအတွေးအခေါ်၏ဉီးတည်ရာက စိတ်ဝင်စားစရာပါ။ အဆံုးတွင် ဇာတ်ဆောင်မင်းသားက ပရိသတ်ဘက်လှည့်ပြီး အနည်းငယ်သော ပျော်ရွှင်မှုကို ရှာတွေ့ရန်အတွက် ဘာမဆိုလုပ်ရန် တောင်းဆိုသွား သည်။ သူ့အတွက်မူ မိရိုးဖလာစောင့်ထိန်းခဲ့သည့်အကျင့်အကြံများကို စွန့်ခဲ့တော့သည်။

သို့သော် “ဘာမဆိုလုပ်ခြင်း” က အလုပ်ဖြစ်နိုင်မလား။ ကြောက်မက်ဖွယ် ဘဝ၏ စိတ်ပျက်အားငယ်မှုနှင့် ရင်ဆိုင်နေရစဉ် ဓမ္မဟောင်းကျမ်းမှ ဒေသနာဆရာက ရှေးကတည်းကပင် သာယာမှုအလိုဆန္ဒနောက်လိုက်လျက် (ဒေ ၂:၁၊ ၁၀)၊ ကြီးကျယ် သောအလုပ်များလုပ်လျက် (:၄-၆)၊ ချမ်းသာကြွယ်ဝခြင်းကို ရှာဖွေလျက်(:၇-၉)၊ ဒဿနိကအတွေးအခေါ်များစူးစမ်းလျက် (:၁၂-၁၆) ပျော်ရွှင်ခြင်းကို ရှာဖွေခဲ့သည်။ သို့သော် ရလဒ်မှာ လေကို…

ဓားတမန်

ဗြိတိန်နိုင်ငံတစ်ဝှမ်းတွင် ဓားထိုးမှုရာဇဝတ်မှုများဖြစ်ပွားခဲ့ချိန်တွင် ဗြိတိသျှသံထည် လုပ်ငန်းပြခန်းဌာနသည် အကြံဉာဏ်တစ်ခုရရှိခဲ့သည်။ ပြခန်းဌာနသည် ဒေသခံ ရဲတပ်ဖွဲ့နှင့်ပူးပေါင်းပြီး နိုင်ငံတစ်ဝန်းတွင် သေတ္တာပေါင်း အလံုး ၂၀၀ ကို ထားရှိကာ လွတ်ငြိမ်းချမ်းသာခွင့်အစီအစဉ်ကိုပြုလုပ်ခဲ့ရာ၊ ပိုင်ရှင်မဲ့ဓားပေါင်းတစ်သိန်းမျှ လက်နက်ချခဲ့ကြသည်။ အချို့ဓားသွားများတွင် သွေးစွန်းစပင် ရှိနေဆဲဖြစ်သည်။ ထိုဓားများကို အနုပညာရှင် Alfie Bradley ထံ ပေးပို့ပြီး သူက အသွားများကို တုံးစေပြီး ဓားဖြင့်အသတ်ခံရသည့် ဓားစာခံလူငယ်များ၏အမည်များနှင့်တကွ ပြစ်မှုကျူးလွန်သူ အကျဉ်းသားဟောင်းများ၏ နောင်တစာသားများ ရေးထိုးခဲ့သည်။ ထိုဓားလက်နက် တစ်သိန်းကို ဂဟေဆော်ပြီး (၂၇) ပေ အမြင့်ရှိတောက်ပသည့် သံမဏိ အတောင်ပံများနှင့် ကောင်းကင်တမန်ရုပ်ထု “ဓားတမန်” (Knife Angel) ကို ဖန်တီးပြုလုပ်ခဲ့သည်။

ဓားတမန်အရှေ့၌ရပ်ရင်း ဤရုပ်တုရှိခြင်းကြောင့် ဒဏ်ရာမည်မျှအတွက် အကာ အကွယ်ဖြစ်ခဲ့သနည်းဟု ကျွန်တော်စဉ်းစားမိသည်။ ဟေရှာယ၏ရူပါရံုဖြစ်သော ကောင်းကင်သစ်နှင့် မြေကြီးသစ် (ဟေရှာ ၆၅:၁၇)၊…