ဘုရား၏အချိန်

၁၉၆၇ ခုနှစ်အထိ(ကမ္ဘာဂြိုဟ်၏(ဝင်ရိုးပေါ်)လည်ပတ်ခြင်းနှင့် နေကို လှည့်ပတ်ခြင်းဟူသည့်) နက္ခတ်ဗေဒပုံစံများဖြင့် အချိန်ယူနစ်များကို သိပ္ပံနည်းကျ တိုင်းတာခဲ့သည်။ သို့သော် ရာစုနှစ်များတစ်လျှောက် ပြဿနာတစ်ခု ပေါ်လာသည်။ ကမ္ဘာဂြိုဟ်သည် သူ၏ပတ်လမ်းအတွင်း သွားနှုန်းနှေးလာပြီး၊ တစ်စက္ကန့်၏ယူနစ်သည် ယခင်ကထက် ပိုရှည်ကြောင်း သိပ္ပံပညာရှင်များက တွေ့ရှိခဲ့သည်။ ခရစ်တော်လက်ထက်မှစ၍ ကမ္ဘာဂြိုဟ်သည် တိုင်းတာချိန် သုံးနာရီအပြည့်ကို “ဆုံးရှုံး”ခဲ့သည်။

မှန်ပါသည်။ အချိန်ကို တိုင်းတာသည့်နည်းလမ်းများအဖြစ် နက္ခတ္တဗေဒဆိုင်ရာပတ်လမ်းများနှင့် လှည့်ပတ်ခြင်းကို ဘုရားသခင် ဖန်ဆင်းပေးခဲ့သည်။ သိပ္ပံပညာရှင်များ၏တွက်ချက်မှုများသည် ကျွန်ုပ်တို့ထင်သည်ထက် ပိုရှုပ်ထွေး နိုင်သော်လည်း - “ထာဝရဘုရားမှာ ကာလတစ်ရက်သည်၊ အနှစ်တစ်ထောင်ကဲ့သို့ဖြစ်သည်”ဆိုသည့် ပေတရု၏စကားကို ကျွန်ုပ်တို့စိတ်ချနိုင်ပါသည်(၂ ပေ ၃:၈)။ ပေတရုသည် သခင်ယေရှု ပြန်မကြွလာသေးခြင်းကို မြည်တွန်လျက် သံသယရှိသူများနှင့် အချေအတင် ငြင်းခုံနေခြင်းဖြစ်သည်။ “လူအချို့တို့ သည် နှေးခြင်းကိုမှတ်သည်အတိုင်း၊ ထာဝရဘုရားသည် ကတိတော် အရာမှာ နှေးတော်မမူ” (:၉)။ ဘုရားသခင်သည်…

ဝေဒနာခံရသူများနှင့်အတူရှိခြင်း

“ဖေဖေ ခေါင်းကိုက်တယ်” “ဖေဖေ၊ အရမ်းအေးတာပဲ” “ဖေဖေ၊ ခြေဖဝါးကို ပွတ်ပေးလို့ရမလား”။

မကြာမီက ကျွန်ုပ်၏ဆယ်ကျော်သက်သမီးငယ်သည် အဖျားကြီးပြီး ချမ်းတုန်ကာ တစ်ကိုယ်လုံး ကိုက်ခဲမှုကို ခံစားခဲ့ရသည်။ သူမသက်သာလာအောင် ကျွန်တော်ပြုစုပေးရန် သူမလိုလားသည်။ သို့သော် သူမအလိုလားဆုံးဆန္ဒမှာ ကျွန်တော့်ကို သူ့ဘေး၌ ရှိစေလိုခြင်းဖြစ်သည်။ နောက်ဆုံးတွင် သူမကို အရေးပေါ်ဌာနသို့ ပို့ဆောင်ခဲ့ရသည်။ ဆရာဝန်က “ဗိုင်းရပ်စ်”ဟုပြောသည်။ ရောဂါကို တွန်းလှန်ရုံမှတစ်ပါး အခြားဘာမျှမတတ်နိုင်။

ထိုနေ့က နေမကောင်းဖြစ်နေသော သမီးနှင့်နာရီပေါင်းများစွာ ကျွန်တော် အတူရှိနေခဲ့သည်။ သူ့ခြေထောက်ကို ပွတ်သပ်ပေးသည်။ ဆေးတိုက်ပေးသည်။ သူမကို အလွန်သက်သာစေချင်သည်။ ရံဖန်ရံခါတွင် ကျွန်တော်၏ တစ်ကိုယ်ကောင်းဆန်မှုနှင့် “ခက်ခဲလိုက်တာ”ဟု ညည်းမိသည်။ မှန်ပါသည်။ ဝေဒနာခံစားနေရသူနှင့်ထိုင်ပြီး သူတို့၏နာကျင်မှုကို အနီးကပ် မြင်နေရခြင်းက အမှန်ပင် ခက်လှသည်။

ယောဘ၏မိတ်ဆွေများသည် သူ၏ဝေဒနာကို အနီးကပ်မြင်ခဲ့ရသည်။ ဤလူသုံးယောက်သည် အများအားဖြင့် မျှတစွာ စဥ်းစားရှုမြင်တတ်သူများ…

ကတိကဝတ်ပြုခြင်း၏ အဖိုးအခ

ခရစ်ယာန်ခေါင်းဆောင် ၂၂ ဦးသည် အခြားနိုင်ငံမှလာသော သင်းအုပ်ဆရာနှင့် တိတ်တဆိတ်တွေ့ဆုံပြီး လေ့လာသင်ယူရန် နေ့တစ်ဝက်ခရီးနှင်ခဲ့သည်။ သူတို့ကို ဖမ်းမိပါက သင်းအုပ်ဆရာကို ပြည်နှင်ဒဏ်ပေးမည်ဖြစ်ပြီး၊ ကျန်လူများမှာ ထောင်ဒဏ် ၃ နှစ်စီ ချမှတ်ခံရမည်ဖြစ်သည်။ ခေါင်းဆောင် ၂၂ ယောက်တွင် ၁၈ ယောက်သည် ယေရှုကို ယုံကြည်ခြင်းကြောင့် ထောင်ကျခဲ့ဖူးသူများဖြစ်သည်။

သင်းအုပ်ဆရာသည် သူယူဆောင်လာသော ကျမ်းစာ ၁၅ အုပ်ကို ထုတ်ပေးပြီးနောက်၊ အမျိုးသမီးတစ်ဦးသည် သူ့စာအုပ်ကို အခြားသူတစ်ဦးအား ပေးခဲ့သည်။ အခြားသူများကဲ့သို့ပင်၊ သူမ ထောင်ချခံရလျှင် နှုတ်ကပတ်တော်၏ ပညာတော်ကို သူနှလုံးသွင်းနိုင်ရန် ကျမ်းပိုဒ်များကို အလွတ်ကျက်မှတ်ခဲ့သည်။ ထို့နောက် သူတို့၏အသင်းတော်သည် ထိုဆရာ၏အသင်းတော်ကဲ့သို့ လွတ်လပ်စွာ စုဝေးခွင့်ရရန် ဆုတောင်းပေးရန် ပြောခဲ့သည်။ နှိပ်စက်ညှဉ်းပန်းခံရမှုနှင့် အကျဉ်းချခံရမှုများကြားမှ ၎င်းတို့၏ကိုယ်ကျိုးစွန့်ပေးဆပ်မှုများကို အံ့သြလျက် ဆရာက သူ၏အသင်းတော်သည် ထိုအသင်းတော်များကဲ့သို့ ဖြစ်စေရန် ဆုတောင်းခဲ့သည်။

ကမ္ဘာတစ်ဝန်းရှိ…

ပုန်ကန်ခြင်းနှင့် လှည့်ပြန်ခြင်း

The Wild One ရုပ်ရှင်သည် စိတ်ညှိုးငယ်နေသည့် ဆိုင်ကယ်ဂိုဏ်းခေါင်းဆောင် Johnny Strabler(ဂျွန်နီစတေဘာ) အဖြစ် Marlon Brando(မာလွန်ဘရန်ဒို) သရုပ်ဆောင်ထားသော ၁၉၅၃ ခုနှစ်မှ ရုပ်ရှင်ဖြစ်သည်။ ဇာတ်ဝင်ခန်းတစ်ခုတွင် မိန်းကလေးတစ်ဦးက ဂိုဏ်းသားတစ်ဦး၏အင်္ကျီမှ B.R.M.C အတိုကောက်စကားလုံးကို သတိပြုမိပြီး၊ R သည် “ပုန်ကန်သူများ”ကို ဆိုလိုကြောင်း သိလိုက်သောအခါ ရယ်မောရင်း၊ ဘရန်ဒို၏လက်ကို ပုတ်ကာ “ဟေး ဂျော်နီ၊ မင်းဘာကို ပုန်ကန်တာလဲ”ဟု မေးရာ၊ သူက “မင်းဘယ်လိုထင်လဲ”ဟု ပြန်မေးခဲ့သည်။

ထိုဖော်ပြချက်က ကျွန်ုပ်တို့၏ပြဿနာအတွက် မှန်ကန်လိုက်လေခြင်း။ မိမိ၏အခွင့်အရေးကို ဖော်ပြရမည်ဆိုသည့် တွန်းအားသည် ကျွန်ုပ်တို့၏ မွေးရာပါ အသိဗီဇဖြစ်ပြီး၊ ကိုယ်လုပ်ချင်သည့်နည်းလမ်းဖြင့်သာ ကိုယ့်ကြမ္မာ ကိုယ်သာဖန်တီးလိုသည်။ မိမိဖြစ်ချင်သည့်အတိုင်းဖြစ်မလာပါက ကျွန်ုပ်တို့သည် လုပ်သင့်ရာကို မလုပ်ဘဲ၊ ဆင်ခြေပေးလျက် နှောင့်နှေးစေမှုများဖြင့် ပြဿနာကို ဖန်တီးနေတော့သည်။ အဓိကဆိုလိုရင်းမှာ မနာခံမှု ဖြစ်ပါသည်။…

သခင်ယေရှုဆောင်ယူလာသော မျှော်လင့်ချက်

ဇာတ်လမ်းက ဝမ်းနည်းပူဆွေးနေသည့် ဖခင်က ပေးပို့သောအီးမေးလ်စာဖြင့် စတင်ခဲ့သည်။ သူ၏သမီးလေး ကောလိပ်တတိယနှစ် ကျောင်းသူ Alyssa(အလစ်စာ)ကို ကားမတော်တဆမှုတစ်ခုကြောင့် ဆုံးရှုံးခဲ့ရပြီး၊ သူ၏နာကျင်မှုကို နားလည်ပေးနိုင်မည့်သူတစ်ဦးထံမှ နှစ်သိမ့်ပေးမှုကို လိုအပ်နေသည်။

အီးမေးလ်အစောင် ၃၀၀ နီးပါးပို့ခဲ့ကြပြီး၊ ၄ နှစ်အကြာတွင် Craig(ခရေ့) နှင့်ကျွန်တော်တို့ အဆုံး၌ လူချင်းတွေ့ဆုံနိုင်ခဲ့သည်။ အလုပ်ကိစ္စဖြင့် အနီးနား မြို့တစ်မြို့သို့ သူရောက်လာခဲ့သည့်အတွက် တနင်္ဂနွေနေ့တွင် ဘုရားကျောင်း အတူတက်၊ နေ့လယ်စာအတူစားပြီး သမီးများ၏အမှတ်တရများကို ဝေမျှဖြစ်ခဲ့သည်။ ကျွန်တော့်သမီး Melissa(မယ်လီဆာ)နှင့် သူ့သမီး အလစ်စာတို့သည် အခြားသူများကို ပျော်ရွှင်အောင်လုပ်ပေးတတ်သည်၊ ဘော်လီဘောအားကစားကို နှစ်သက်သည်၊ သခင်ယေရှုကို ချစ်သူများဖြစ်သည်။ သို့သော် ကားမတော်တဆမှုဖြင့် အသက်ဆုံးရှုံးခဲ့ရသော မိန်းကလေးနှစ်ဦး ဖြစ်သည်။

ထိုနေ့က ကျွန်တော်တို့စကားဝိုင်း၏အနှစ်ချုပ်က အဘယ်အရာဖြစ်မည်နည်း။ ကျွန်တော်တို့၏ ဝမ်းနည်းမှုများကို မျှဝေရင်း ကျွန်တော်တို့ ငိုကြွေးခဲ့သော်လည်း၊ အဓိကအားဖြင့် မျှော်လင့်ချက်အကြောင်း ပြောဖြစ်ခဲ့ကြသည်။…

ဘုရားသခင်အားဖြင့် စစ်မှန်သော‌ကျေနပ်မှု

လွန်ခဲ့သောအနှစ် ၃၀ က အလုပ်လက်မဲ့သူများအတွက် ဆွေးနွေးပွဲတစ်ခုတွင် ကျွန်မပါဝင်ခဲ့ခြင်းကို ယနေ့ထိ အမှတ်ရနေဆဲပါ။ ဝန်ထမ်းလျော့သည့်စာရင်း၌ ပါသော လုပ်ဖော်ကိုင်ဖက်များနှင့် ကျွန်မတို့အား အငြိမ်းစားယူချိန်၌ ပြောရမည့် စကားများကို ရေးခိုင်းသဖြင့် နားမလည်နိုင်ဖြစ်ခဲ့ရသည်။ ကျွန်မတို့က အလုပ်ရှာနေပြီး အငြိမ်းစားယူရမည့်အရွယ်က ဝေးပါသေးသည်။ သို့သော် သင်တန်းနည်းပြက “သင်တို့ပြောမည့်စကားက သင်၏အလုပ်အကိုင်နှင့် သိပ်မသက်ဆိုင် ပါ။ အလုပ်သည် ကျွန်မတို့ဘဝ၏အဓိကကျသောအစိတ်အပိုင်းမဟုတ်ကြောင်း၊ အလုပ်ပြုတ်သွား၍ ဝမ်းနည်းပူဆွေးနေချိန်တွင်၊ ကျွန်မတို့၏ဘဝများက အလုပ်ခန့်အပ်ခံရခြင်းထက် ပို၍အဓိပ္ပာယ်ရှိကြောင်း” ရှင်းပြပြီး၊ ထိုသို့ရေးခိုင်းသည့် ရည်ရွယ်ချက်ကို ပြောပြခဲ့သည်။

အာဗြဟံ၏ဘဝအဆုံးသတ်အကြောင်း အသေးစိတ်ဖော်ပြချက်များက ကျွန်မအား ဤသင်ခန်းစာကို အမှတ်ရစေသည်။ သူသည် “သက်တမ်းစေ့” အသက်ရှင်ခဲ့ပြီး “အိုမင်း”သည့်အချိန်၌ သေဆုံးခဲ့သည်(က ၂၅:၈-ခေတ်သုံး)။ သမ္မာကျမ်းစာတစ်အုပ်လုံးတွင် ဘုရားသခင်၏အမိန့်တော်များကို လိုက်နာသည့် အာဗြဟံ၏သစ္စာရှိမှုအကြောင်း ကျွန်ုပ်တို့ဖတ်ခဲ့ရသော်လည်း၊ သူ၏ အလုပ်အကြောင်းကိုမူ မဖတ်ရပေ။ ဘိုးဘေးတို့ပြခဲ့သော ယုံကြည်ခြင်းက(၁၅:၆) ဒေသနာကျမ်းတွင်…

ထာဝရဘုရား၏ကရုဏာကျေးဇူးတော်

ကျွန်မ၏မြို့ရှိ ဘောလ်လမ်းမ(Ball Street)ပေါ်တွင် ဂရန်းအိုင်ဒီယာပန်းခြံ (Grand Ideas Garden)နှင့် ခရိုင်အကျဉ်းထောင်တို့ ဘေးချင်းကပ်ရပ်တည်ရှိသည်။ ကျွန်မ၏သူငယ်ချင်း Joann(ဂျိုအန်)သည် နေရာနှစ်ခုလုံးကို နှစ်သက်သည်။ သူမသည် ပန်းခြံထဲထိုင်ပြီး သူမ၏ဘဝတွင် ကိုယ်တော်ပြုခဲ့သောအမှုအရာကြောင့် ဘုရားသခင်၏ကောင်းမြတ်မှုနှင့် ကိုယ်တော့်အပေါ်ထားရှိသော သူမ၏ချစ်ခြင်းမေတ္တာအား ဆင်ခြင်ရခြင်းကို နှစ်သက်သည်။ တစ်ဖန် မှားယွင်းသောရွေးချယ်မှုများ၊ ကိုယ်တော်နှင့် ဝေးကွာခဲ့မှုများနှင့် ထို့နောက်တွင် ဘုရားသခင်က သူမ၏ဘဝကို ရွေးနုတ်ခဲ့ခြင်းအကြောင်းများကို ထောင်တွင်းရှိအမျိုးသမီးများအား ပြောပြရန်လည်း နှစ်သက်သည်။ တစ်နေ့နေ့တွင် ၎င်းအမျိုးသမီးများအားလုံး ဘုရားသခင်၏မေတ္တာတော်ကို တွေ့ကြုံခံစားရပြီး ကိုယ်တိုင်ကိုယ်ကျနားလည်လာရေး သူမ၏အိပ်မက်မျှော်မှန်းချက်ကို ကျွန်မအား မကြာခဏ ပြောပြလေ့ရှိသည်။

ဆာလံဆရာက ဣသရေလလူမျိုးများအား ရန်သူများလက်မှ ဘုရား သခင်ရွေးနုတ်ခဲ့ခြင်းကို ဝန်ခံကြရန် ပြောခဲ့သည်(ဆာ ၁၀၇:၂)။ သူတို့သည် “တောတွင် လူဆိတ်ညံရာအရပ်၌ လည်၍” “ဆာငတ်မွတ်သိပ်၍ စိတ်ပျက်” ကြ၏(:၄-၅)။ ဤသူတို့သည် ဘုရားသခင်၏အမိန့်တော်ကို ငြင်းဆန်သောကြောင့်…

ခရစ်တော်၌ တစ်လုံးတစ်ဝတည်း

၁၉၆၇ ခုနှစ် ဇန်နဝါရီလတွင် ဝီနီကွန်နီမြို့(Winneconne)သည် ဝစ်ခွန်စင်(Wisconsin)ပြည်နယ်၏ တရားဝင်မြေပုံတွင် မှားယွင်းစွာ ချန်လှပ်ထားခံခဲ့ရသည့်အတွက် မြို့၏အရေးပါသော ခရီးသွားဝင်ငွေ ထိခိုက်ခဲ့ကြောင်း တွေ့ရှိခဲ့သည်။ ထို့ကြောင့် မြို့သည် ဝစ်ခွန်စင်ပြည်နယ်မှ ခွဲထွက်ရန်ဆုံးဖြတ်ခဲ့ပြီး၊ ၎င်းနှစ် ဇူလိုင်လ ၂၁ ရက်နေ့တွင် ကိုယ်ပိုင်အုပ်ချုပ်ခွင့်ရပြည်နယ်ဖြစ်လာသည်။ အချို့က ခွဲထွက်ခြင်းသည် ပြည်နယ်အစိုးရကို အရှက်ရစေသည့်လုပ်ရပ်ဟု ဆိုကြပြီး၊ အချို့ကလည်း ၎င်းကို အလေးမထားဘဲ ဟာသသဘောပြောခြင်းဖြစ်သည်ဟု ဆိုကြသည်။ မည်သို့ပင်ဆိုစေကာမူ လပေါင်းများစွာ စေ့စပ်ညှိနှိုင်းခဲ့ကြပြီး၊ ဝီနီကွန်နီမြို့သည် ဝစ်ခွန်စင်ပြည်နယ်သို့ ၁၉၆၇ ခုနှစ် ဇူလိုင်လ ၂၂ ရက်နေ့တွင် ပြန်လည် ပေါင်းစည်းခဲ့ကြသည်။

ကွဲပြားမှုအများစုသည် ကောင်းသောသဘောမရှိသလို ဖြေရှင်းရလွယ်သော သဘောလည်း မရှိပေ။ သုတ္တံကျမ်းတွင် “အပေါင်းအဘော်ချင်း ရန်တွေ့စေခြင်းငှာ ပြုတတ်သောသူ”ကို (၆:၁၉)၊ “ထာဝရဘုရား မုန်းတော်မူသောအရာခြောက်ပါး”(၆:၁၆)တွင် ဖော်ပြထားသည်။ ကွဲပြားမှုသည် ပြဿနာကိုဖြစ်စေ သည်သာမက သခင်ယေရှုနှင့်…

ဘုရားသခင်၏ကောင်းမြတ်ခြင်း

ဘောင်ဖြင့် မွေးမြူသည့် ပျားအုံကို ဖွင့်လိုက်ရာ ပျားတစ်အုပ်လုံး သေကုန်သည်ကို တွေ့လိုက်ရ၍ အမလေးတမိသည်။ ပျားရည်များစွာထွက်သော ပျားအုံကြီးဖြစ်၍ အအေးဓာတ်လျော့သော ဆောင်းရာသီအတွင်း ဂရုတစိုက်ထိန်းသိမ်းပြီး၊ ပျားရည်စောစောခံရန် မျှော်မှန်းခဲ့သော်လည်း၊ မမျှော်လင့်သော အအေးလှိုင်းကြောင့် ပျားအုံအတွင်း အပူချိန်ကို မထိန်းနိုင်ဘဲ ပျက်စီးသွားခဲ့သည်။

ဒေသခံပညာရှင်များနှင့် စစ်ဆေးခဲ့သောအခါ၊ “ဒီရာသီမှာ ပျားမွေးမြူရေးသမားအများစုရဲ့ပျားအုံတွေ ဆုံးရှုံးခဲ့တယ်”ဟု သူတို့က အတည်ပြုပြောခဲ့သည်။ ကျန်းမာသောပျားအုံပင်ဖြစ်စေ၊ အအေးလျော့သောဆောင်းရာသီသည် ပျားများအတွက် စိန်ခေါ်မှုရှိသောရာသီဖြစ်သည်။ ဆောင်းရာသီ၌ ပျားများသည် ၎င်းတို့၏တောင်ပံများခတ်ကာ ပျားအုံအတွင်း နွေးထွေးမှုကို ထိန်းထားသည်။ သို့သော် အအေးလျော့ပြီး ရာသီဥတုခဏတာပူနွေးချိန်၌ အစာရှာထွက်ကာ ပင်ပန်းနေချိန်တွင် အအေးလှိုင်းဝင်ပြီး ရုတ်တရက် အပူချိန်ကျသွားပါက ၎င်းတို့သည် တောင်ပံခတ်ရန် ခွန်အားမရှိတော့ပဲ၊ အစာရှာခြင်းသို့ “အာရုံလွဲသွားခြင်း”က ပျက်စီးခြင်းသို့ ဦးတည်သွားတော့သည်။

ကောင်းသောအမှုအရာများကြောင့် အရေးကြီးဆုံးအရာမှ ကျွန်ုပ်တို့အာရုံလွဲသွားလျှင် ကောင်းသောအရာသည် ကျွန်ုပ်တို့အတွက် အန္တရာယ်များဖြစ်လာနိုင်သည်။ အဲဂုတ္တုပြည်မှ…

အခက်အခဲကြားမှခွန်အား

“သူငယ်လေးနှင့်လိပ်ပြာ” ကလေးရိုးရာပုံပြင်ကို ဂျက်စ်(Jess) ပထမဆုံးကြားခဲ့ချိန်၌ သူသည် သက်ကြွယ်အရွယ်ရှိနေပြီး၊ ရုန်းကန်ခြင်းမှ ခွန်အားရရှိပုံ သင်ခန်းစာကို သူချက်ချင်း နားလည်ခဲ့သည်။ ပုံပြင်ထဲတွင် သူငယ်လေးအား လိပ်ပြာပိုးအိမ်ကိုပေးပြီး၊ ၎င်းကို မဖွင့်ရန် ပြောခဲ့သည်။ သို့သော်၊ ပိုးကောင်လေးက ဖြည်းညှင်းစွာ တွန့်လိမ်နေသဖြင့်၊ သူမနေနိုင်တော့ဘဲ လိပ်ပြာလေးထွက်လာနိုင်အောင် ပိုးအိမ်ကို ကတ်ကြေးဖြင့် ညှပ်ကာ ဖွင့်ပေးခဲ့သည်။ ရုန်းကန်ရမှုမှ လွတ်မြောက်ခဲ့သော်လည်း လိပ်ပြာမှာ မပျံနိုင်ဘဲ မြေပေါ်သို့ ပြုတ်ကျပြီး၊ သေသွားသဖြင့်၊ သူ့ခမျာ ငိုရင်း “ဘယ်လိုဖြစ်တာလဲ”ဟု မေးခဲ့သည်။ “လိပ်ပြာ၏ကြွက်သားများ သန်မာပြီး ပျံသန်းနိုင်အောင် ကြွက်သားကိုသုံးပြီး ပိုးအိမ်မှရုန်းကန်ထွက်ရန် သူငယ်လေးက အခွင့်မပေးခဲ့ခြင်း”ကို ဂျက်စ် ချက်ချင်း နားလည်ခဲ့သည်။

ကလေးများအတွက် သင်ခန်းစာက ယုံတမ်းစကားဖြစ်နိုင်သော်လည်း၊ ၎င်းသည် ရောမမြို့မှ နှိပ်စက်ခံယုံကြည်သူများအား ရှင်ပေါလုသွန်သင်ခဲ့သည့် သမ္မာကျမ်းစာအမှန်တရားနှင့် ကိုက်ညီသည်။ “ငါတို့သည် ဒုက္ခဆင်းရဲခြင်းကိုခံ၍ ဝါကြွားဝမ်းမြောက်ခြင်းရှိကြ၏။…