ယုံကြည်ခြင်းခြေလှမ်းများ

နယူးယောက်ရှိ လှပသော ဝပ်ကင်စ်ဂလန်းဂျော့(Watkins Glen Gorge) တောင်တက်လမ်းတစ်လျှောက်၌ ကျွန်မတို့လေးဦး ခြေလျင်တက်ခဲ့ကြသည်။ ရေတံခွန်များနှင့် ပေ ၂၀၀ နက်သောချောက်ကမ်းပါးကြီးများကို ငေးကြည့်ရင်း ကျွန်မတို့ အတူတကွ အံ့သြမှင်သက်ချိန်များရှိသလို၊ အမောဖြေရန်နှင့် စိုစွတ်နေသည့် ကျောက်တုံးများနှင့် အဆုံးမရှိသောလှေခါးထစ်များကို တက်ခဲ့ရသောကြောင့် နာကျင်နေသည့် ခြေထောက်များကို အနားပေးရန် ကျွန်မတို့ ရပ်နားခဲ့ချိန်များလည်းရှိသည်။ တောင်ထိပ်ရောက်ခါနီးချိန်၌ တောင်အောက်ဆင်းလာသည့် ခြေလျင်တောင်တက်သမားတစ်ဦးက “သင်တို့ရဲ့ခြေလှမ်း ၈၃၂ လှမ်း ပြီးဆုံးဖို့ နောက်ထပ် ၁၀ လှမ်းပဲ လိုတော့တယ်”ဟုပြောသည်။ ဤခရီးစဥ် မည်မျှ ခက်ခဲပင်ပန်းကြောင်း ကျွန်မတို့ မသိခဲ့ခြင်းက အကောင်းဆုံးဖြစ်မည်ထင်ပါသည်။ ခရီးစဥ်ခက်ခဲကြောင်းသိရှိခဲ့ပါက ထိုခရီးကို မသွားတော့ဘဲ ၎င်း၏ အလှတရားအားလုံးကို ကျွန်မတို့မခံစားရဘဲ လွတ်သွားခဲ့ပေလိမ့်မည်။

ဘဝခရီးလမ်း၌လည်း ခက်ခဲသည့်ခြေလှမ်းများ ရှိပါသည်။ သခင်ယေရှုနှင့် ရှင်ပေါလုတို့က ယုံကြည်သူတို့အား အခက်အခဲနှင့်ညှဥ်းပန်းနှိပ်စက်ခြင်းအကြောင်းကို (ယော ၁၆:၃၃၊ ၂…

ခရစ်တော်ထံ အပြစ်ဝန်ခံခြင်း

ဖုံးကွယ်ထားသည့်၊ လျစ်လျူရှုထားသည့် အဆိပ်အတောက်များသည် ကြီးမားပြင်းထန်သည့် အကျိုးဆက် များကို ဖြစ်ပေါ်စေနိုင်သည်။ Wall Street ဂျာနယ်၏ အစီရင်ခံစာတစ်ခုအရ ဆက်သွယ်ရေးကုမ္ပဏီများသည် အမေရိကန်ပြည်ထောင်စုတစ်ဝန်းတွင် ခဲအုပ်ထားသည့်ကေဘယ်ကြိုးပေါင်း ၂၀၀၀ ကျော်ကို ချန်ထားခဲ့ကြသည်ဟု ဆိုသည်။ ခဲအဆိပ်အတောက်များ ရေအောက်၊ “မြေကြီးနှင့် တာဝါတိုင်များ”တွင် ပျံ့နှံ့နေသည်။ ခဲများပျက်စီးအရည်ပျော်လာသည့်အခါ လူတို့ “နေထိုင်၊ အလုပ်လုပ်၊ ဆော့ကစား”သည့် နေရာများသို့ အဆုံးသတ်ရောက်ရှိလာသည်။ အဆိပ်အတောက်များနှင့် ထိတွေ့နိုင်ခြင်း အန္တရာယ်ကို နှစ်ပေါင်းများစွာ သိရှိလာခဲ့သော ဆက်သွယ်ရေးကုမ္ပဏီများစွာသည် ဝန်းကျင်၌ ခဲများပျော်ဝင်စီးဆင်းခြင်းကြောင့် အန္တရာယ်ဖြစ်ပေါ်လာနိုင်သည့် အကြောင်းကို အလေးအနက် ဆွေးနွေးပြောဆိုလာကြသည်။

ဝန်မခံရသေးသလို ကိုင်တွယ်ဖြေရှင်းခြင်း မပြုရသေးသည့် အပြစ်၏အဆိပ် အတောက်များသည် ကျွန်ုပ်တို့၏အသက်တာ၌ ကြီးမားသောအကျိုးဆက်များကို ဖြစ်ပေါ်စေနိုင်သည်။ လူတစ်ဦး အပြစ်ကျူးလွန်သည့်အခါ ထိုအပြစ်ကို ဘုရားသခင်နှင့် အခြားသူတို့မသိအောင် ဖုံးဖိဝှက်ထားရန် ကြိုးစားတတ်သည်မှာ သဘာဝပင် ဖြစ်သည်။ သို့သော်…

ထာဝရကာလအလွန်

ကာတွန်းရုပ်ရှင် Toy Story ၌ ကလေးငယ်တစ်ဦး၏ ကစားစရာအရုပ်များသည် အိပ်ခန်းထဲမှ သူထွက်သွားချိန် (သို့) သူအိပ်ပျော်သွားချိန်တိုင်းတွင် အသက်ဝင်လှုပ်ရှားလာကြသည်။ ဘဇ်လိုက်ရီးယား (Buzz Lightyear) ဟု ခေါ်သည့် ဇာတ်ကောင် အရုပ်တစ်ရုပ်သည် အိပ်ရာအနီးအနား၌ ပျံသန်းရင်း “ထာဝရကာလအလွန်သို့” ဟူသည့် သူ၏ ရေပန်းစားသော စကားလုံးကို အော်ပြောသည်။

ထိုစကားစုသည် လူများစွာကို ရှုပ်ထွေးစေသည်။ ထာဝရကာလသည် ကျွန်မတို့ အဝေးဆုံးသွားနိုင်သည့် နေရာမဟုတ်လား။ ထာဝရကာလ“အလွန်”၌ မည်သည့် အရာရှိနိုင်အုံးမည်နည်း။ ရှေးဂရိအတွေးအခေါ် ပညာရှင်များ၏ ဉာဏ်ပညာကို မှီငြမ်း၍ သင်္ချာပညာရှင် အီယန်စတီးဝပ်(Ian Stewart) က ထာဝရကာလအလွန်၌ ရှိသည့် အရာမှာ ပို၍ ပို၍ကြီးမားသော ထာဝရကာလများဖြစ်ပြီး၊ အဆုံးမရှိ ဆက်၍ ဆက်၍ သွားနေတော့သည်ဟု အဆိုပြုသည်။

သခင်ယေရှုသည် ခွင့်လွှတ်ခြင်းနယ်ပယ်၌ ထိုကဲ့သို့သော ဆတိုးအားထုတ်မှုမျိုးကို အသုံးချပုံပေါ်သည်။…

ဘုရား၏မေတ္တာဖြင့် အခြားသူတို့အား ချစ်ခြင်း

နာဇီတို့သိမ်းပိုက်အုပ်ချုပ်ခဲ့သည့် အချိန်ကာလ၌ ပြင်သစ်နိုင်ငံ လယ်ရှမ်ဘွန် (Le Chambon) ကျေးရွာမှ ရွာသူရွာသားများသည် ဂျူးလူမျိုးကလေးသူငယ်များစွာအပါအဝင် လူပေါင်း ၅၀၀၀ ကျော်၏ အသက်ကို ကယ်တင်နိုင်ရန် မိမိတို့၏အသက်အိုးအိမ်စည်းစိမ် အားလုံးကို ရင်းကာ စွန့်စားခဲ့ကြသည်။ နေရပ်စွန့်ခွာပြေးလာကြသည့် ဒုက္ခသည်များကို အိမ်များနှင့် မွေးမြူရေးခြံများ၌ ဝှက်ထားပေးခဲ့ကြသည်။ “ဧည့်သည်တို့ကို ချစ်ကြလော့။ အကြောင်းမူကား၊ သင်တို့သည် အဲဂုတ္တုပြည်၌ ဧည့်သည်ဖြစ်ကြဖူးပြီ”(တရား ၁၀:၂၉) ဟူသည့်ကျမ်းကို ကိုးကား၍ ကူညီမစကြရန် အသင်းသားများကို တိုက်တွန်းခဲ့သည့် သင်းအုပ်ဆရာ အန်ဒရေထရွတ်ခ်မဲ (André Trocmé) အားဖြင့် ရွာသူရွာသား များသည် နှိုးဆော်မှုခံစားခဲ့ကြရသည်။

“တန်ခိုးနှင့်ပြည့်စုံ၍ ကြောက်မက်ဖွယ်သောဘုရား” (:၁၇)သည် မြေကြီးတန်ဆာရှိသမျှကို ပိုင်တော်မူကြောင်း သတိပေးချက်ဖြင့် အစပြုထားသည့်ကျမ်းပိုဒ် ၌ ထိုပညတ်ကို ဣသရေလလူမျိုးတို့အား ပေးခဲ့ပြီး၊ သူတို့ကို ချစ်ရန် ဘုရားရှင်ရွေးချယ်ခဲ့သည် (:၁၅)။ ဣသရေလလူမျိုးမဟုတ်သည့် ဧည့်သည်အာဂန္တုများအပါအဝင်…

အတွင်းကျကျ ဆေးကြောသန့်ရှင်းခြင်း

အလွန်ချမ်းအေးသော နိုဝင်ဘာနေ့တစ်နေ့ဖြစ်သည်။ အိမ်ယာမဲ့များအတွက် လှူဒါန်းထားသည့် ပစ္စည်းများကို ကျောပိုးအိတ်အလုံးနှစ်ရာ၌ ထည့်နိုင်ရန် အသင်းတော်မှ မျှော်မှန်းထားခဲ့သည်။ အိတ်ထဲသို့ ပစ္စည်းများထည့်ရန် ကူညီပြင်ဆင်လျက် အလှူပစ္စည်းများကို အမျိုးအစားအလိုက် ရွေးပေးရင်း လက်အိတ်၊ ဦးထုပ်၊ ခြေအိတ်နှင့် စောင်အသစ်များပါပါစေဟု ကျွန်မ ဆုတောင်းနေခဲ့သည်။ ငရုတ်သီးဟင်းလျာခွက်နှင့် အသားညှပ်ပေါင်မုန့်များကိုလည်း ပေးဝေဦးမည်။ ထို့နောက် ကိုယ်တိုက် အဝတ်စငယ်များကို ကျွန်မ တအံ့တဩ သတိထားမိသည်။ ထိုသူတို့ နွေးနွေးထွေးထွေးနေနိုင်ရေး၊ အစာကျွေးမွေးရေးအတွက်သာ ကျွန်မအာရုံထားခဲ့သော်လည်း အကူအညီကို လက်ခံရယူမည့်သူများ မိမိတို့ကိုယ်မိမိ သန့်သန့်ရှင်းရှင်းဖြစ်နေသည်ဟု ခံစားရအောင် ကူညီပေးရန် တစ်စုံတစ်ဦးက သတိရခဲ့သည်။

သမ္မာကျမ်းစာ၌ စိတ်နှလုံးနှင့် ဝိညာဥ်သန့်ရှင်း စင်ကြယ်ခြင်း ဟူသည့် အခြား “သန့်ရှင်းစင်ကြယ်ခြင်း”တစ်မျိုးကို ပြောထားသည်။ ကျမ်းပြုဆရာနှင့် ဖာရိရှဲတို့၏ ဟန်ဆောင်လျှို့ဝှက်မှုကို ဝေဖန်ရာ၌ ဤသန့်ရှင်းစင်ကြယ်ခြင်းကို သခင်ယေရှု ရည်ညွှန်းပြောဆိုခဲ့သည်။ သူတို့သည် အသေးငယ်ဆုံးသော ပညတ်တရား၏…

အကောင်းဆုံး သက်သေ

လီသည် ဘုရားသခင်ကို မယုံကြည်ပါ။ ထို့ပြင် သခင်ယေရှု၏ ရှင်ပြန်ထမြောက်ခြင်းကိုလည်း မယုံခဲ့ပေ။ သို့သော် လီသည် ခွဲခြမ်းစိတ်ဖြာတတ်သည့်စိတ်ထားရှိသော သတင်းထောက်တစ်ဦးဖြစ်သည်။ သူ့ဇနီးသည် သခင်ယေရှုကို ယုံကြည်သောအခါ သူကိုယ်တိုင် သူမ၏ယုံကြည်ခြင်းအသစ်ကို လေ့လာရန် ဆုံးဖြတ်ခဲ့သည်။ နှစ်နှစ်ကြာ စူးစမ်းလေ့လာမှုပြုပြီးနောက် ဘုရားသခင်၊ ရှင်ပြန်ထမြောက်ခြင်း၊ ခရစ်တော်ကို ယုံကြည်ခြင်းကို သူလက်ခံခဲ့သည်။

သူ၏ ပြောင်းလဲမှုမှာ သိသာထင်ရှားသည်။ လအနည်းငယ်ကြာပြီးနောက်၊ သူ၏ငါးနှစ်အရွယ်သမီးက “မေမေ၊ ဘုရားသခင် ဖေဖေအတွက် လုပ်ပေးခဲ့တာ တွေကို မီးမီးအတွက်လည်း လုပ်ပေးစေချင်တယ်”ဟု သူ့မိခင်ကို ပြောပါတယ်။ သို့နှင့် လီစထရိုဘယ်လ်၏သမီးလည်း သခင်ယေရှုကို ယုံကြည်ခဲ့သည်။

ရှင်ပြန်ထမြောက်ခြင်းကို လူအများက ယုံကြည်ရန် ငြင်းဆိုကြသည်။ သို့သော် ထင်ရှားကျော်ကြားသော မျက်မြင်သက်သေများသည် ရှင်ပြန်ထမြောက်သော သခင်ယေရှုကို မြင်ခဲ့ကြသည်။ ထိုမျက်မြင်သက်သေတစ်ဦးဖြစ်သည့် တပည့်တော်ပေတရုက ဒါဝိဒ်မင်းသည် ဧကန်မုချသေဆုံးခဲ့ပြီး သူ့အား သင်္ဂြိုဟ်ခဲ့ပြီဖြစ်ကြောင်း လူပရိသတ်ကို…

ခရစ်တော်၌ လွှမ်းခြုံခြင်း

ဖက်ရှင်ဒီဇိုင်းဆိုင်ရာ လန်ဒန်ကောလိပ် မှ ဖက်ရှင်စိတ်ပညာရှင် ရို့စ်တာနာ (Rose Turner) က အဝတ်အစားသည် လူတို့၏တွေးခေါ်ပုံနှင့် အပြုအမူများအပေါ်၊ စိတ်ခံစားချက်အပေါ် မည်သို့အကျိုးသက်ရောက်မှုရှိသည်ကို လေ့လာခဲ့သည်။ အဝတ် အစားသည် ကျွန်ုပ်တို့၏ကိုယ်ခန္ဓာနှင့် အနီးဆုံးအရာအဖြစ်၊ “ဒုတိယအရေပြား” အမျိုး အစားဖြစ်ပြီး၊ တစ်နေ့တာဖြစ်ပျက်လာသမျှအမှုအရာအတွက် ကျွန်ုပ်တို့ကို အားဖြည့်ပေးသည်။ ဥပမာအားဖြင့်၊ ပရော်ဖက်ရှင်နယ်ဝတ်စုံကို ဝတ်ဆင်ခြင်းသည် လုပ်ငန်းခွင်တွင် “စိတ်ဓာတ်လှုံ့ဆော်မှုနှင့် အာရုံစူးစိုက်မှုအတွက် အထောက်အကူဖြစ်စေသည်”။ တစ်ဖန် မိမိစွဲလမ်းတန်ဖိုးထားသည့် တစ်ပတ်နွမ်း အဝတ်ဟောင်းများကို ဝတ်ဆင်ခြင်းက ဖိစီးမှုအခြေအနေများအတွင်း သက်သောင့်သက်သာဖြစ်စေသည်။

ဤစိတ်ပိုင်းဆိုင်ရာဖြစ်စဉ်သည် ယေရှု၏အသေခံခြင်းနှင့်ပတ်သက်သော ဟေရှာယ၏ပရောဖက်ပြုချက်များကို ထိုးထွင်းသိနားလည်စေသည်။ ဗာဗုလုန်သို့ ဖမ်းဆီးသိမ်းသွားခံရသော ယုဒလူမျိုးများ၏ အနာဂတ်လွတ်မြောက်ခြင်းအကြောင်းကို မှတ်တမ်းတင်ရာ၌၊ ပရောဖက်‌ဟေရှာယက တစ်နေ့တွင် “ရှေးပြိုပျက်ရာတို့ကို ပြုပြင်ကြလိမ့်မည်။ ရှေးကာလ၌ သုတ်သင်ပယ်ရှင်းရာတို့ကို တည်ဆောက်ကြလိမ့်မည်။ ဆိတ်ညံသောမြို့ရွာ၊ အစဥ်အဆက် စွန့်ပစ်ရာ အရပ်တို့ကို ပြုစုကြလိမ့်မည်” ဖြစ်ကြောင်း…

ဝမ်းနည်းပူဆွေးခြင်းမှ ချီးမွမ်းခြင်းသို့

လှပသော ပွင့်ချပ်ငါးရွက်ရှိသည့် forget-me-not ပန်းနာမည် ဖြစ်ပေါ်လာပုံ ဒဏ္ဍာရီပုံပြင်အမျိုးမျိုးရှိသည်။ ထိုပုံပြင်များအနက် ဂျာမန်ဒဏ္ဍာရီတစ်ပုဒ်အရ ဘုရားသခင်သည် သူဖန်ဆင်းမည့်အပင်များအားလုံးကို နာမည်ပေးသောအခါ ပန်းလေးတစ်ပွင့်က လျစ်လျူရှုခံရမည်ကို စိုးရိမ်နေခဲ့သည်။ သို့နှင့် ထိုပန်းက “Forget-me-not, O Lord”(ကျွန်ုပ်ကို မမေ့ပါနဲ့၊ သခင်)ဟူ၍ အော်ပြောခဲ့ရာ၊ ဘုရားသခင်က ထိုပန်းအား ထိုနာမည်ကိုပေးခဲ့သည်။

ဤအရာသည် ပုံပြင်တစ်ခုမျှသာဖြစ်သော်လည်း Forget-me-not သည် မမေ့လျော့ခြင်းနှင့်သတိရခြင်း၏သင်္ကေတတစ်ခု ဖြစ်လာခဲ့သည်။ ကျွန်ုပ်တို့အားလုံးသည် မေ့လျော့ခံရခြင်းသည် မည်သို့သောခံစားချက်ဖြစ်သည်ကို ကျွန်ုပ်တို့ အားလုံး တွေ့ကြုံဖူးပါသည်။ အထူးသဖြင့် ဘုရားသခင်၏သတိရမှုကို ခံစား ရယူလိုခြင်းသည် ကျွန်ုပ်တို့ နှလုံးသားထဲမှ စစ်မှန်သောဆန္ဒတစ်ခုဖြစ်သည်။ သခင် ယေရှုကားတိုင်ပေါ် အသေခံခြင်းအကြောင်းအရာတွင် ထိုကဲ့သို့သော ဇာတ်လမ်း ကို တွေ့ရသည်။ “ထိုအခါ ကိုယ်တော်နှင့်အတူ လူဆိုးနှစ်ယောက်တို့ကိုလည်း သတ်အံ့သောငှာ ထုတ်သွားကြ၏”(၂၃:၃၂)။ သူတို့သည် လက်ဝါးကပ်တိုင်၌ ဆွဲထားခံရစဥ်ခရစ်တော်၏ဘေးမှ ရာဇဝတ်သားတစ်ဦးက…

ခရစ်တော်၌ အသက်ရှင်ခြင်းနှင့်သေခြင်း

ကွပ်မျက်ရေးသေနတ်တပ်ဖွဲ့နှင့် ရင်ဆိုင်ရသည့် ဖရောဒို ဒေါ့စ်တိုယက်စကီး (Fyodor Dostoevsky)သည် သူ့ဘဝ၏နောက်ဆုံးအချိန်ကို တိတ်တဆိတ် ရေတွက် ခဲ့သည်။ ဒေါ့စ်တိုယက်စကီး သည် သခင်ယေရှုကို ယုံကြည်သူတစ်ဦးဖြစ်ပြီး စာပေအမျိုးအစားအားလုံးတွင် အကောင်းဆုံးစာရေးဆရာများအနက် တစ်ဦးအဖြစ် သတ်မှတ်ခံခဲ့ရသည်။ သူ၏အထင်ကရဝတ္ထု The Brothers Karamazov (ခရမ်းမဇော့ဗ်ညီအစ်ကိုများ)တွင် ဘုရားသခင်၊ ဘဝအသက်တာ နှင့် သေခြင်း အကြောင်းကို လေ့လာဖော်ထုတ်ထားသည်။ ဒေါ့စ်တိုယက်စကီး သည် “ခရစ်တော်အကြောင်းကို တက်ကြွစွာ ပြောဆိုခဲ့သည်။” ရိုင်ဖယ်သေနတ်များ မြှောက်သွား ခဲ့ပြီး “အသင့်ပြင်....ချိန်...”။

သခင်ယေရှုသည် “အချိန်ရောက်ပြီ” (ယော ၁၂:၂၃) ဟု ဆိုလျက် သူ၏အသေခံခြင်းကို အရိပ်အမြွက်ပြောကြားကာ ထာဝရအသက်၏တန်ဖိုးနှင့် သေခြင်းအကြောင်း ကို သူ၏တပည့်တော်များနှင့် ကျွန်ုပ်တို့အား မိန့်ကြားခဲ့သည်။ ထိုပုံဆောင်ချက်မှာ မိမိ၏စွန့်လွှတ်အနစ်နာခံခြင်းဖြင့် ကြီးမားသောအကျိုးဆက်ကို ဖြစ်ထွန်းစေသော မျိုးစေ့ဥပမာ (ကျွန်ုပ်တို့အသက်တာ) ဖြစ်သည်(:၂၄)။ သခင်ယေရှုသည်…

“Pastry”မုန့် စစ်ပွဲ

တိုင်းနိုင်ငံများကို စစ်ဖြစ်စေသည့် မိုက်မဲသည့်အရာများအနက် မုန့်ကြောင့် စစ်ဖြစ်ခြင်းက အဆိုးဆုံးဖြစ်နိုင်ပါသလား။ ၁၈၃၂ ခုနှစ်တွင် ပြင်သစ်နှင့်မက်ဆီကိုတို့ တင်းမာမှုများကြားတွင် မက်စီကိုစစ်တပ်မှ အရာရှိတစ်ဖွဲ့သည် မက်ဆီကိုမြို့ရှိ ပြင်သစ်မုန့်ဆိုင်သို့ သွားရောက်ကာ မုန့်ဖုတ်သမား၏ ကုန်ပစ္စည်းအားလုံးကို ငွေမရှင်းဘဲ ယူခဲ့ကြသည်။ အသေးစိတ်အချက်အကြောင်းအရာများက ရှုပ်ထွေးသော်လည်း (အခြားရန်စမှုများက ပြဿနာများကို ပိုကြီးစေသည်)။ ရလဒ်မှာ ပထမဆုံးအကြိမ် ပြင်သစ်နှင့်မက်ဆီကိုတို့ စစ်ဖြစ်ပြီး(၁၈၃၈-၃၉)၊ “မုန်ညှက်ဖြင့် ပြုလုပ်သောမုန့် -Pastry”စစ်ပွဲဟု ထင်ရှားသည့် စစ်ပွဲတွင် စစ်သား သုံးရာကျော် သေဆုံးခဲ့သည်။ ဒေါသစိတ်၏လှုံ့ဆော်မှုကြောင့် စစ်ဖြစ်ခဲ့ခြင်းက ဝမ်းနည်းစရာ ဖြစ်သည်။

အိမ်ထောင်ရေးပြိုကွဲခြင်းနှင့် ခင်မင်ရင်းနှီးမှုဆက်ဆံရေးပျက်ခြင်း စသည့် လူသား၏ပြဿနာအများစုသည် ပုံစံအမျိုးမျိုးဖြင့် အမျက်ဒေါသကို မထိန်းနိုင်ခြင်းသဘော၌ အမြစ်တွယ်လာဖွယ်ရှိသည်။ တစ်ကိုယ်ကောင်းဆန်မှုနှင့် အာဏာပြမှု၊ နားလည်မှုလွဲမှားခြင်းကို မဖြေရှင်းခြင်း၊ အနည်းငယ်သော တန်ပြန်ရန်လိုမှု- ထိုအရာ အားလုံးသည် မိုက်မဲမှုဖြစ်သည်။ မကြာခဏဆိုသလို ကျွန်ုပ်တို့၏မှားယွင်းသော ခံယူချက်…