ဘုရားသခင်အသုံးပြုခဲ့သော ဆုကျေးဇူးများ

ကပ္ပတိန်တင်မူလန်(Tim Mullane)သည် အလွန်ကြီးမားသော ယူနိုက်တက်စတိတ်စ်သင်္ဘော(SS United States) နစ်မြုပ်သွားအောင် အားထုတ်လုပ်ဆောင်ခဲ့သည်။ စင်စစ်၊ ပင်လယ်အောက်သို့ သင်္ဘောကို နစ်မြုပ်ပစ်ရန် သူ့အား အခပေး၍ အလုပ်အပ်ထားခြင်းဖြစ်သည်။ မူလန်သည် ပင်လယ်ကူးသင်္ဘောများကို ပင်လယ်အောက်၌ လူလုပ် သန္တာကျောက်တန်းများအဖြစ် ပြောင်းလဲအသုံးချခဲ့သည်။ ပင်လယ်အောက်မှ သင်္ဘောများသည် ရေငုပ်သမားများကို ဆွဲဆောင်လျက်၊ ကမ်းခြေတိုက်စားမှုကို လျော့ချပေးလျက်၊ ကမ်းရိုးတန်းများကိုလည်း ကာကွယ်ပေးသည်။ သင်္ဘောများသည် လှိုင်းများကြား မပြေးဆွဲတော့သော်လည်း ပင်လယ်အောက်တွင် လဲလျောင်းခြင်းဖြင့် ဆက်လက်အကျိုးပြုနေဆဲဖြစ်သည်။

ဘုရားသခင်သည် မောရှေ၏သိုးထိန်းတောင်ဝှေးကို ဣသရေလလူမျိုးများ အတွက် အဖိုးမဖြတ်နိုင်သောအရာအဖြစ် ပြန်လည်အသုံးပြုခဲ့သည်။ “သင့်လက်ထဲ၌ မည်သည့်အရာရှိသနည်း”ဟု ဘုရားရှင် သူ့အား မေးတော်မူလျှင်၊ မောရှေက “တောင်ဝှေးရှိပါသည်”ဟု လျှောက်လေ၏(ထွ ၄:၂ ခေတ်သုံး)။ မောရှေသည် သိုးများကို နှစ်ပေါင်း ၄၀ ထိန်းကျောင်းခဲ့ပြီး(တ ၇:၂၉-၃၀)၊ ယခုတွင် သူ၏လူမျိုးကို အဲဂုတ္တုပြည်မှ…

ဘုရားသခင်အပေါ် ဆည်းကပ်မှုကိုပြသောလုပ်ရပ်များ

အချိန်မတန်ဘဲ လောကမှထွက်ခွာသွားသူများကဲ့သို့ပင် ဂျိုး(Joe)၏ သေဆုံးမှုသည် သူ့ကို သိသူများအတွက် အံ့ဩတုန်လှုပ်စရာဖြစ်ခဲ့သည်။ သူမသေဆုံးမီတွင် သူသည် ဆုံးဖြတ်ချက်အမှားများ ချမှတ်ခဲ့ပြီး၊ ယခုတွင် သူ့ကို အားကိုးခဲ့သူများအတွက် ဤခင်ပွန်း၊ ဖခင်၊ နည်းပြဆရာနှင့် လူငယ်ခေါင်းဆောင် မရှိတော့ပါ။

လတ်တလော ဂျိုး၏ မကောင်းသောရွေးချယ်မှုများ၌ အာရုံစိုက်ရန် လွယ်ကူပါသည်။ သို့သော် သူ၏သမီးက ဈာပနပွဲ၌ သူမ၏ဖခင်သည် ကျွန်ုပ်တို့အားလုံးနည်းတူ မပြည့်စုံသူဖြစ်သော်လည်း သူ့အသက်တာဖြင့် သခင်ယေရှုကို အစေခံခဲ့ကြောင်းကို မီးမောင်းထိုးပြခဲ့သည်။

အလားတူအဖြစ်ကို ယုဒဘုရင်ယောရှိအကြောင်းတွင် တွေ့ရသည်။ အဲဂုတ္တုရှင်ဘုရင်နေခေါသည် ဗာဗုလုန်ကို စစ်ချီသောအခါ ယောရှိသည် မိုက်မဲစွာ “ဆီးတားခြင်းငှာ ထွက်လေ၏”(၆ ရာ ၃၅:၂၀)။ နေခေါသည် ယုဒပြည်ကို တိုက်ခိုက်ရန် ရည်ရွယ်ချက်မရှိခဲ့ပါ(:၂၁)။ သို့သော် “ဘုရားသခင်၏အမိန့်တော်”ကို လျစ်လျူရှုကာ ယောရှိ ဝင်ရောက်စွက်ဖက်သဖြင့်(:၂၂) သူ့အသက် ဆုံးရှုံးခဲ့ရသည်(:၂၃-၂၄)။

ယောရှိသည် မလိမ္မာစွာ အဆုံးသတ်ခဲ့သော်လည်း…

မိတ်ဆွေများထံမှ စကားသံများ

အသက် ၂၆ နှစ်အရွယ်က ကျမ်းစာသင်တန်းတစ်ခုတွင် ကျွန်မထိုင်နေစဥ် အတန်းဖော် တစ်ချို့၏ စိတ်ဓာတ်ကျဖွယ် အပြောအဆိုများကြောင့် အံ့သြခဲ့ရသည်။ သူတို့တွင်ပြဿနာများစွာရှိနေပုံရသည်။ “ကျွန်မတို့က ခရစ်ယာန်များဖြစ်ပြီး ဘာကြောင့် ဒီလောက်စိတ်ဓာတ်ကျနေသလဲ။ ဒီအရာရဲ့အဆုံးသတ်ကို ကျွန်မတို့မသိကြဘူးလား”ဟု ကျွန်မမေးမြန်းခဲ့သည်။ ခရစ်တော်၌ ထာဝရအသက်ဟူသော ကတိတော်သာမက၊ သမ္မာကျမ်းစာထဲမှ ဘုရားသခင်သည် သူ၏လူတို့ကို စောင်မဂရုပြုကြောင်း ကတိတော်များစွာကို ကျွန်မ ရည်ညွှန်းခြင်းဖြစ်ပါသည်။ သို့သော် သင်တန်းဆရာကပြုံးပြီး သင်ခန်းစာကို ဆက်သင်သွားသည်။ ကျွန်မပြောခဲ့သောစကားက ကျွန်မ၏စိတ်ထဲတွင် နှစ်ပေါင်းများစွာ စွဲကျန်နေခဲ့သည်။

နောက်ဆုံးတွင် အလုပ်ပြုတ်ခြင်း၊ ဝမ်းနည်းပူဆွေးခြင်း၊ ဖျားနာခြင်းနှင့် အခြားသော ဘဝလောကဓံ အခက်အခဲများက ကျွန်မကို ရိုက်ခတ်ခဲ့ရာ စိတ်ဓာတ်ကျခဲ့ရသည်။ ဘုရားသခင်၏ကတိတော်များသည် နှစ်သိမ့်မှုပေးသည်မှာ မှန်သော်လည်း၊ လွယ်ကူသောဘဝ ဖြစ်စေမည်ဟု ကတိမပေးထားဘဲ၊ သခင်ယေရှုက ကျွန်ုပ်တို့သည် “ဆင်းရဲဒုက္ခကို ခံကြရလိမ့်မည်”ဟု မိန့်တော်မူခဲ့သည်(ယော ၁၆:၃၃)။

ယောဘအမည်ရှိသောလူတစ်ဦးသည်လည်း ကျွန်ုပ်တို့ကဲ့သို့ပင်…

မျက်ရည်များကြားက နှစ်သိမ့်မှု

ည ၉ နာရီခန့်တွင် အမေ့ထံမှ ဖုန်းဝင်လာပြီး၊ “မင်းအဖေဆုံးသွားပြီ”ဟု ပြောခဲ့သည်။ ဤဖုန်းခေါ်ဆိုမှုကို ရက်အတန်ကြာကပင် မျှော်လင့်ထားပြီး၊နာကျင်မှုမှ အဖေ လွတ်မြောက်ပြီဟု စိတ်သက်သာရာ ရခဲ့သော်လည်း၊ ထိုသတင်းကြောင့် စိတ်ထိခိုက်ရပါသည်။ နောက်ရက်သတ္တပတ်များအတွင်း၊ ဝမ်းနည်းပူဆွေးမှုများ ဆက်လက်ခံစားရပြီး၊ ကျွန်တော် ရှိုက်ကြီးတငင် ငိုကြွေးခဲ့သည်။

အဖေဆုံးခြင်းက ကျွန်တော်တို့အားလုံးအတွက် ခက်ခဲခဲ့ပြီး၊ မယုံကြည်သူ မိသားစုဝင်အချို့အတွက် ပို၍ခက်ခဲခဲ့သည်။ သူတို့၏နားလည်မှုအရ အဖေသည် ထာဝရကွယ်ပျောက်သွားပြီဖြစ်သည်။ ထိုအချိန်တွင်မှ သခင်ယေရှုကို ယုံကြည်ခြင်းဖြင့် ဝမ်းနည်းပူဆွေးမှုကို မည်သို့ကျော်လွှားရမည်ကို ကျွန်တော် သဘောပေါက်ခဲ့သည်။

သခင်ယေရှုသည် သေခြင်းမှ ရှင်ပြန်ထမြောက်ခဲ့ခြင်းကြောင့် ကိုယ်တော်ကို ယုံကြည်သူတို့သည်လည်း တစ်နေ့တွင် ပြန်လည်ထမြောက်မည်ဟု ရှင်ပေါလုက ရှင်းပြခဲ့သည်(၁ သက် ၄:၁၄)။ သူနှင့်အတူ ထာဝရရှိနေရန် ကျွန်ုပ်တို့ကို သခင်ဘုရား ချီဆောင်သိမ်းဆည်းသောနေ့တွင် (:၁၆-၁၇) ကျွန်ုပ်တို့ ထမြောက်မည်ဖြစ်သည်။ ရှင်ပေါလုက “မျှော်လင့်ခြင်းမရှိသော အခြားသူတို့သည်…

နွေးထွေး‌သောအသင်းတော်

ကျွန်မငယ်စဉ်က၊ တနင်္ဂနွေနံနက်နှင့်ညနေတိုင်းတွင် မိသားစုနှင့်အတူ ဘုရားကျောင်းသို့ ပျော်ရွှင်စွာ လိုက်သွားလေ့ရှိသည်။ ကျွန်မတို့၏သင်းအုပ်ဆရာသည် သူ၏ဝမ်းမြောက်မှုကို ဖော်ပြကာ၊ ကလေးသူငယ်များကိုလည်း ဝတ်ပြုကိုးကွယ်ခြင်းအစီအစဉ်များတွင် အမြဲပါဝင်စေပြီး၊ ကျွန်မ၏ စာအရေးအသားစွမ်းရည်ကိုပင် အားပေးခဲ့သည်။ အသင်းတော်ကျောင်းဆရာများနှင့် သင်းအုပ်ဆရာတို့က ကျွန်မအထဲ၌ သမ္မာကျမ်းစာကို ချစ်မြတ်နိုးသောစိတ်ကို ပျိုးထောင်ပေးခဲ့သည်။ တနင်္ဂနွေညနေတိုင်း လာရောက်‌ဟောပြောသော ဧည့်သည်ဆရာ(သို့) သာသနာပြုဆရာများကြောင့် ကျွန်မ၏စိတ်နှလုံးကို သာသနာပြု လုပ်ငန်းများဘက်သို့ လမ်းကြောင်းပေးခဲ့သည်။

“ကိုးလ်ဒ်ဝါးတားလမ်းပေါ်ရှိ နွေးထွေး‌သောအသင်းတော်” ဟူသည့် သင်းအုပ်ဆရာဖန်တီးခဲ့သော ဆောင်ပုဒ်သည် ကျွန်မတို့၏အသင်းတော်နှင့် ထိုက်တန်ပေသည်။အသင်းတော်သည် ပြီးပြည့်စုံခြင်းမရှိသော်လည်း ကျွန်မတို့သည် မိသားစုဝင်များဖြစ်ခဲ့ကြသည်။ ထိုနေ့မှစ၍ မည်သို့ပင်ဖြစ်စေ ဘုရားကျောင်းကို ကျွန်မပုံမှန်တက်ရောက်ခဲ့ခြင်းကြောင့် ခွန်အားသစ်ကို ရရှိခဲ့သလို၊ ယုံကြည်ခြင်းလည်း ပို၍ကြီးထွားလာခဲ့သည်။

ယနေ့ခေတ်ကဲ့သို့ပင်၊ ကနဦးအသင်းတော်ရှိ သခင်ယေရှုကိုယုံကြည်သောသူများသည် အားပေးမှုနှင့် မစထောက်ပံ့မှုကို လိုအပ်ခဲ့ပြီး၊ ယုံကြည်သူအချင်းချင်း အတူတကွစုဝေးခြင်း၏ အရေးကြီးမှုကိုလည်း နားလည်ခဲ့ကြသည်(တ ၂:၄၆)။ သူတို့သည် မိသားစုတစ်စုကဲ့သို့ဖြစ်ပြီး…

အရေးကြီးဆုံးအရာ

မော်စကိုမြို့သို့ ကျမ်းစာသင်ကြားရေးခရီးစဉ်တွင်၊ ကျွန်တော်သည် မြေအောက်ရထားစီးပြီး နေ့လယ်စာစားရန် ထွက်ခဲ့သည်။ ထိုသို့ စီးနင်းစဉ်၊ ပျော်ရွှင်စရာ နံနက်ခင်းသင်ကြားရေးနှင့် သာယာသောနေ့လေးကြောင့် စိတ်နှလုံးရွှင်လန်းကာ လေချွန်မိလိုက်သည်။ ထိုအခါ ခရီးသည်များက ကျွန်တော့်အား စိတ်မနှံ့သူကဲ့သို့ စိုက်ကြည့်နေခဲ့ကြသည်။ ကျောင်းသို့ ပြန်ရောက်သောအခါ၊ “လူတွေက အရမ်းစိတ်ဆင်းရဲပြီးစိတ်ပျက်အားငယ်နေလို့လား မသိဘူး။ ကျွန်တော် လေချွန်တော့ ကျွန်တော့်ကို စိုက်ကြည့်ကြတယ်”ဟု ရုံးဝန်ထမ်းတစ်ဦးအား ပြောပြရာ၊ သူမက “သူတို့ဘဝတွေက အလွန်ခက်ခဲပါတယ်။ ဒါပေမဲ့ အဲဒါကြောင့် သူတို့ ဆရာ့ကို စိုက်ကြည့်တာ မဟုတ်ပါဘူး။ ဒီမြို့မှာ လူရှေ့သူရှေ့ လေချွန်တာက ရိုင်းစိုင်းလို့ သူတို့ စိုက်ကြည့်တာပါ”ဟု အသိပေးခဲ့သည်။

ကျွန်ုပ်တို့သည် ထင်မြင်ယူဆချက်များပေးရာ၌ လက်ရှိအခြေအနေနှင့် မသက်ဆိုင်သော ပြင်ပအချက်အလက်များအပေါ် အခြေခံတတ်သည်။ ၎င်းက ဣသရေလနိုင်ငံ၏ အနာဂတ်ဘုရင်အဖြစ် ဒါဝိဒ်အား ရွေးချယ်ခဲ့သည့်အဖြစ်အပျက်ကို သတိရ‌စေသည်။ ပရောဖက်ရှမွေလသည် ယေရှဲ၏ အကြီးဆုံးသားကို…

ဘုရားသခင်၏သားသမီးများ

ကျွန်မအကြိုက်ဆုံး အမြင်အာရုံလှည့်စားမှုရုပ်ပြစာအုပ်သည် ရုပ်ပုံများဖြင့် အမြင်ကိုလှည့်စားနိုင်ခြင်းကြောင့် ကျွန်မအမြဲတစေအံ့ဩရသည်။ ဥပမာ- အရှည်ချင်းတူသော်လည်း အရွယ်အစားမတူပုံပေါ်သည့် မျဉ်းကြောင်းနှစ်ကြောင်း(သို့) လှေကား ၄ စင်းသည် အဆုံးမရှိပတ်ချာလည်ဆက်နေသကဲ့သို့ ထင်မှတ်ရသည့် ကျော်ကြားသော "အံ့ဖွယ်လှေကား"ပုံမျိုး စသည်ဖြင့် ဖြစ်သည်။ အရာဝတ္ထုများကို အမှန်အတိုင်း အမြဲ မမြင်ရခြင်းကို သတိပြုမိသောအခါ စိတ်၌ အနည်းငယ် ဇဝေဇဝါဖြစ်တတ်သည်။

သို့သော် အမြင်အာရုံတစ်ခုတည်းသာ ကျွန်မတို့ကို လှည့်စားသည် မဟုတ်ပါ။ လောကကြီး၏လှည့်စားမှုများက ကျွန်မတို့အား နေ့စဉ်ရိုက်ခတ်လျက်ရှိပြီးတစ်ခါတစ်ရံ ကျွန်မတို့သည် ဘုရားသားသမီးဖြစ်သည်ဟူသော မိမိ၏ဖြစ်တည်မှုအပေါ် ဇဝေဇဝါဖြစ်လျက် လှည့်စားမှုများကို ယုံကြည်သွားနိုင်သည်။ စာရေးဆရာဟန်နရီနောင်ဝမ် (Henri Nouwen)က "အောင်မြင်မှု၊ ကျော်ကြားမှုနှင့် အာဏာတို့အပေါ် အခြေခံသည့် ဖြစ်တည်မှုသည် မှားယွင်းသောဖြစ်တည်မှု၊ လှည့်စားမှုသာဖြစ်ကြောင်း ကျွန်တော်တို့အား ကြေငြာပြောပြရန် ရှင်ယေရှုကြွလာခဲ့သည်"ဟု ရေးသားခဲ့သည်။

ရှင်ယေရှုကို မိမိတို့၏ကယ်တင်ရှင်အဖြစ် လက်ခံပြီးနောက်၊ ဘုရားသခင်၏ "သားသမီးများ"ဖြစ်လာခြင်းသည် ဘုရားသခင်၏ကြွယ်ဝသောချစ်မေတ္တာအားဖြင့်…

ဘုရားရှင်၏ကယ်တင်ခြင်းအစီအစဉ်

ဖခင်တစ်ဦးသည် သူတို့စီးနင်းလာသောအပျော်စီးသင်္ဘော၏ လေးထပ်မြောက်မှ သူ၏ငါးနှစ်အရွယ် သမီးငယ်လေး ပြုတ်ကျသွားကြောင်း သိလိုက်သည်နှင့် သမီးငယ်အား ကယ်ဆယ်ရန် ပေလေးဆယ်အမြင့်မှ ပင်လယ်ထဲသို့ ချက်ချင်း ခုန်ချခဲ့သည်။ ကယ်ဆယ်ရေးအဖွဲ့က သူတို့ကို သင်္ဘောပေါ်သို့ ဘေးကင်းစွာ ပြန်လည် မပို့ဆောင်နိုင်မီအထိ ဆယ်မိနစ်ကျော်ကြာ သမီးဖြစ်သူအား မြဲမြဲဖက်ထားရင်း ရေထဲ၌ ကိုယ်ဖော့နေခဲ့သည်။ ဖခင်ဖြစ်သူသည် သမီးငယ်အန္တရာယ်ထဲရောက်နေကြောင်း သိသိချင်းပင် သူမကို ကယ်တင်ရန် ဘာမဆိုလုပ်ရန် စွန့်စားခဲ့သည်။

သမ္မာကျမ်းစာတစ်အုပ်လုံးတွင် ကျွန်မတို့အား အပြစ်နွံထဲနစ်မြှုပ်ခြင်းမှကယ်တင်ရန် အရာခပ်သိမ်း ပေးဆပ်ခဲ့သည့် ကောင်းကင်ဘုံရှင်အဘ၏ မေတ္တာတော်အကြောင်းကို ဖတ်ရှုရသည်။ ဘုရားသခင်သည် သူ၏မွန်မြတ်သောကယ်တင်ခြင်းအစီအစဉ်ကို ဧဒင်ဥယျာဉ်တွင် ပထမဦးဆုံးထုတ်ဖော်ခဲ့သည်။ အာဒံနှင့်ဧဝ တို့သည် မြွေ၏သွေးဆောင်မှုကြောင့် အပြစ်ပြုမိကြပြီးနောက်၊ ဘုရားသခင်သည် မြွေအား “သင်နှင့် မိန်းမကို လည်းကောင်း၊ သင်၏အမျိုးအနွယ်နှင့် မိန်းမ၏အမျိုးအနွယ်ကိုလည်းကောင်း ရန်ငြိုးဖွဲ့စေမည်။ သူသည် သင်၏ခေါင်းကို ကြိတ်လိမ့်မည်၊ သင်သည်လည်း သူ၏ဖနောင့်ကို…

ဘုရားသခင်၏နိုင်ငံတော်ကို ရှာဖွေခြင်း

ကျွန်မ၏မြေးအငယ်လေးသည် ကျွန်မတို့၏အိမ်အသစ်တွင် လာအိပ်ရာ၊ သူနှင့်မရင်းနှီးသော အိပ်ရာပေါ်တွင် အသားမကျခဲ့ပါ။ သို့နှင့် ဒိုင်နိုဆောဖျင်တဲလေးကို ထိုးပေးပြီး၊ သက်သောင့်သက်သာရှိသော သူ၏ဂွမ်းကပ်စောင်ပေါ်၌ လှဲကာ စာအုပ်ဖတ်နေကြစဉ် သူက စိတ်လှုပ်ရှားစွာဖြင့်တခိခိရယ်မောနေခဲ့သည်။ သို့သော် အိပ်စက်ရမည့်အချိန်ရောက်သောအခါ သူ၏မျက်လုံးလေးများက စိုးရိမ်စိတ်ဖြင့် ဝိုင်းစက်သွားပြီး “သားအဘွားကို လိုအပ်လာရင် ဘယ်လိုလာရှာရမလဲ” ဟုမေးခဲ့သည်။ အကြံတစ်ခုရသွားရင်း လက်ဆောင်ထုတ်သည့်ဖဲကြိုးအလိပ်ကို ယူကာ၊ ထိုဖဲကြိုးကို သူ၏အိပ်ရာမှကြမ်းပြင်တစ်လျှောက်၊ စင်္ကြံလမ်းအတိုင်း ကျွန်မ၏ အိပ်ခန်းထဲအထိ ဆွဲသွယ်ခဲ့ကြသည်။ “မစိုးရိမ်နဲ့” “ညဘက်မှာ အဘွားကို လိုအပ်လာရင် ဒီကြိုးလေးအတိုင်းလိုက်ခဲ့၊ အဘွားကို တွေ့လိမ့်မယ်”ဟု ပြောလိုက်ရာ၊ သူကျေနပ်ပြုံးရွှင်သွားသည်။

ရှင်မဿဲခရစ်ဝင် ၆ တွင် ကျွန်မတို့၏စားဝတ်နေရေးနှင့် ရုပ်ခန္ဓာအတွက် စိုးရိမ်ပူပန်မှုများနှင့်ပတ်သက်၍ ရှင်ယေရှု တိုက်ရိုက်မိန့်မှာခဲ့သည် (:၂၅)။ “စိုးရိမ်ခြင်း” ဟု ဘာသာပြန်ထားသောဂရိဝေါဟာရ၏ ရင်းမြစ်အဓိပ္ပာယ်မှာ“ယုံကြည်ခြင်းလမ်းနှင့် မိမိကိုယ်ကို အားကိုးခြင်းလမ်းဟူသော ဦးတည်ရာနှစ်ခုကြား လွန်ဆွဲ နေခြင်း”ဟူ၍…

ဘုရားသခင်ကို မျှော်ကြည့်ပါ

အဲလစ်တစ်ယောက် စိုးရိမ်ထိတ်လန့်မှုကို ခံစားခဲ့ရသည်။ စာအုပ်ဒီဇိုင်းပုံစံကို နောက်ရက်တွင် အပြီးပေးရတော့မည်ဖြစ်သော်လည်း ပုံနှိပ်တိုက်မှ ဓာတ်ပုံများကို ပယ်ချခဲ့သည်။ ၎င်းကို ပြန်ပြင်ရန် ရက်များစွာကြာနိုင်သည်။

“မစိုးရိမ်နဲ့။ ဘုရားသခင်ဆီမှာ အကူအညီတောင်းကြစို့။ ပြီးရင် တစ်ညလုံး ငါတို့အလုပ်လုပ်ကြမယ်။ ဒီဆော့ဖ်ဝဲလ်က ဓာတ်ပုံတွေကို မြန်မြန်ပြင်နိုင်ဖို့ ကူညီပေးလိမ့်မယ်” ဟုသူမ၏ခင်ပွန်း ဆမ် က ပြောသည်။

သူတို့ဆုတောင်းသည့်အခါ အဲလစ်တစ်ယောက် ပို၍စိတ်သက်သာရာရလာခဲ့သည်။ ဘုရားသခင်ကိုသာ ဆက်လက်မျှော်ကြည့်ရန် သူမကိုယ်သူမ ပြောခဲ့သည်။ ဘုရားသခင်ပေးသည့်ငြိမ်သက်ခြင်းနှင့် ဆမ်၏ လက်တွေ့ကျသောအကြံပြုချက်တို့ဖြင့် သူမ၏အလုပ်ကိုစတင်ခဲ့ပြီး အချိန်မီအလုပ်ကို အဆုံးသတ်နိုင်ခဲ့သည်။
ထိုသို့လုပ်ဆောင်နေစဉ်အတွင်း အဲလစ်သည် မြို့ရိုးကို ပြန်လည်တည်ဆောက်သည့် ဣသရေလလူမျိုးများ၏ ကြီးမားလှသောတာဝန်ကို ပြန်လည်အမှတ်ရမိသည်(နေ ၄)။ ထိုအလုပ်သည် ခက်ခဲသည်သာမက ရန်သူများကလည်း သူတို့ကို လှောင်ပြောင်ကာ သူတို့၏အလုပ်ကို ဖျက်စီးရန် ပူးပေါင်းကြံစည်ခဲ့ကြသည်။ သို့သော် ဘုရားသခင်ကိုသာ စဉ်ဆက်မပြတ် မျှော်ကြည့်ရန် သူတို့ကို နေဟမိ…