သမ္မာကျမ်းစာ လေ့လာသင်ကြားခြင်း
၁၈၀၀ ပြည့်နှစ်များနှောင်းပိုင်းတွင် မတူညီသောဒေသများမှလူတို့သည် ဆင်တူသော ဝိညာဥ်ရေးအထောက်အကူပြု စာစဥ်များကို တစ်ပြိုင်တည်း စတင်ထုတ်ဝေခဲ့ကြသည်။ ပထမဆုံး ၁၈၇၇ ခုနှစ်၌ ကနေဒါနိုင်ငံ၊ မွန်ထရီရယ်မြို့မှ စတင်ပေါ်ထွက်ခဲ့ပြီး၊ ၁၈၉၈ ခုနှစ်တွင် အမေရိကန်နိုင်ငံ၊ နယူးယောက်မြို့ကြီး၌ ၎င်းကဲ့သို့ စာစဥ်နောက်တစ်ခုပေါ်လာသည်။ ၁၉၂၂ ခုနှစ်ရောက်သောအခါ မြောက်အမေရိကတိုက် ၌ ဤသို့သောစာစဥ် ၅,၀၀၀ ခန့်သည် နွေရာသီတိုင်း၌ ထွက်ပေါ်ခဲ့ပြီဖြစ်သည်။
ဤသို့ဖြင့် အားလပ်ရက်ကျမ်းစာသင်တန်းများ၏ ကနဉီးသမိုင်း စတင်ခဲ့သည်။ လူငယ်လူရွယ်များ သမ္မာကျမ်းစာကို သိကျွမ်းစေလိုသောဆန္ဒက ကျမ်းစာလေ့လာခြင်းစာစဥ်ကို စတင်ဖန်တီးခဲ့သူများ၏ပြင်းပြစိတ်ကို မီးထိုးပေးခဲ့သည်။
သူ၏တပည့်ရင်းတိမောသေအတွက် အလားတူ ဆန္ဒပြင်းပြမှုမျိုး ရှင်ပေါလု၌ရှိခဲ့ပြီး “ထိုကျမ်းစာရှိသမျှသည် ဘုရားသခင် မှုတ်သွင်းတော်မူ”၍ “ကောင်းသောအမှုအမျိုးမျိုးတို့ကို ပြုစုခြင်းအလို့ငှာ ပြင်ဆင်”ပေးသည်ဟု ရေးသားခဲ့သည် (၂ တိ ၃:၁၆-၁၇)။ သို့သော် ၎င်းသည် “ကျမ်းစာကို ဖတ်သင့်တယ်” ဟု ညင်သာစွာဆိုရုံမျှ မဟုတ်ပါ။…
ဘုရားသခင်ရှေ့တော်၌ ငြိမ်ဝပ်စွာရှိနေခြင်း
သက်ရှိလူသားတစ်ဦး၏ ပထမဆုံးသောဓာတ်ပုံကို ၁၈၃၈ ခုနှစ်တွင် Louis Daguerre (လူးဝစ်ဒါဂါ)က ရိုက်ကူးခဲ့ခြင်းဖြစ်သည်။ ထိုဓာတ်ပုံမှာ ပြင်သစ်နိုင်ငံ၊ ပဲရစ်မြို့၏ နေ့လည်ခင်းအချိန်၌ လှုပ်ရှားသွားလာမှု ကင်းမဲ့လျက်ရှိသော လမ်းမတစ်ခု၌ လူတစ်ဦး၏ပုံပင်ဖြစ်သည်။ သို့သော် ဆန်းကြယ်မှုတစ်ခုမှာ လမ်းမနှင့် လျှောက်လမ်းများသည် နေ့ခင်းအချိန်၌ ရထားလုံး၊ လမ်းဖြတ်ကူးသူများနှင့် လှုပ်ရှားသက်ဝင်နေရမည်ဖြစ်သော်လည်း ထိုအရာတစ်ခုကိုမှ မတွေ့ရှိရပေ။
ထိုသူတစ်ဦးတည်းရှိနေခြင်း မဟုတ်ပါ။ ထိုဓာတ်ပုံရိုက်ကူးခဲ့သည့် နာမည်ကျော်နေရာ Boulevard du Temple လမ်းမကျယ်ကြီးပေါ်၌ လူများနှင့်မြင်းများ ရှိနေခဲ့ပြီး ထိုဓာတ်ပုံထဲတွင် ပါမလာခဲ့ခြင်းသာဖြစ်သည်။ ရုပ်ပုံတစ်ခုကို ရိုက်ကူးရန်အတွက် (Daguerreotype ဟု လူသိများသည့်) ဓာတ်ပုံရရှိရန် ကင်မရာက အလင်းဖမ်းယူမှုကြာချိန်သည် ခုနစ်မိနစ်ရှိခဲ့ပြီး ထိုခေတ်၌ ရုပ်ပုံမှာလည်း လှုပ်ရှားမှု မရှိဘဲ ငြိမ်သက်နေရန် လိုအပ်သည်။ လျှောက်လမ်း၌ ရှိနေသည့် ထိုပုဂ္ဂိုလ် ဓာတ်ပုံထဲတွင်ပါလာခြင်းမှာ ဓာတ်ပုံရိုက်ကူးချိန်၌ သူတစ်ဦးတည်းသာ ငြိမ်သက်စွာ…
အပြောင်းအလဲအတွက် ကစားပွဲ
လက်ဆွဲနှုတ်ဆက်ခြင်းက အဓိပ္ပာယ်များစွာကို ပုံဆောင်သည်။ ၁၉၆၃ ခုနှစ်၊ မတ်လ ၏ညတစ်ညတွင် လူဖြူနှင့် လူမည်း ကောလိပ်ဘတ်စကက်ဘောသမားနှစ်ဦးသည် လူမျိုးရေးခွဲခြားဆက်ဆံသူတို့၏ အမုန်းတရားကို လက်မခံဘဲ လက်ဆွဲနှုတ်ဆက်ကာ အမေရိကန်နိုင်ငံ၊ မစ္စစ္စပီပြည်နယ်သမိုင်းတွင် ပထမဆုံးအနေဖြင့် လူဖြူဘတ်စကက်ဘောအသင်းနှင့် လူဖြူလူမည်းရောနှောထားသည့် အသင်းတို့ ကစားခဲ့သည့်ပွဲအဖြစ် မှတ်တမ်းဝင်ခဲ့သည်။ အမျိုးသားအဆင့် ပြိုင်ပွဲတစ်ခုတွင်ပါဝင်သည့် “အပြောင်းအလဲအတွက် ကစားပွဲ”တွင် မစ္စစ္စပီပြည်နယ်အသင်းသည် ချီကာဂိုမြို့ Loyola (လွိုင်ယိုလာ) တက္ကသိုလ်အသင်းနှင့် ယှဥ်ပြိုင်ရမည်ဖြစ်ပြီး၊ လွိုင်ယိုလာအသင်း သူတို့ပြည်နယ်မှ ထွက်ခွာသွားအောင် တည်ကြက်ကစားသမားများကို သုံးကာ သူတို့အား တားဆီးရန် တရားဝင်အမိန့်ထုတ်ပြန်ချက်ကို မစ္စစ္စပီပြည်နယ်အသင်းမှ ရှောင်ရှားခဲ့သည်။ လွိုင်ယိုလာအသင်းမှ လူမည်းကစားသမားများသည် လူမျိုးရေးခွဲခြားပြောဆိုစွပ်စွဲမှုများကို ကစားပွဲရာသီတစ်လျှောက်လုံး ခံစားခဲ့ရပြီး ပေါက်ပေါက်၊ ရေခဲတုံးများဖြင့် ပစ်ပေါက်ခံခဲ့ကြရကာ ခရီးသွားစဥ်အတွင်း၌လည်း ကြိုဆိုမှု မခံခဲ့ရကြပေ။
မည်သို့ပင်ဖြစ်စေ ထိုလူငယ်များ ပါဝင်ယှဥ်ပြိုင်ခဲ့သည်။ Loyola Ramblers အသင်းသည် Mississippi…
အရေးပါသည့်အရာအတွက် ပြေးလွှားလှုပ်ရှားခြင်း
ကျွန်မ၏သူငယ်ချင်း Ira (အီရာ)သည် ၂ဝ၂၂ ခုနှစ်တွင် ရန်သူဝိုင်းထားခြင်းခံရသည့် ယူကရိန်းနိုင်ငံ၏မြို့တော် Kyiv (ကိဗ်)၌ရှိသော သူမ၏အိမ်မှ ထွက်ခွာခဲ့ပြီး ရက်ပိုင်းအတွင်းတွင် အပြေးပြိုင်ပွဲတစ်ခုပြီးဆုံးပြီးနောက် သူမ၏နိုင်ငံတော်အလံကို ကိုင်မြှောက်ထားသည့် ယခင်က ဓာတ်ပုံတစ်ပုံကို အင်တာနက်၌ တင်ခဲ့ပြီး “ကျွန်မတို့ဟာ ဘဝဆိုတဲ့ မာရသွန်ပြေးပွဲကို ကိုယ့်အစွမ်းအစရှိသမျှ အကောင်းဆုံးအားထုတ်ပြီး ပြေးနေကြတဲ့သူတွေဖြစ်တယ်။ ခုအချိန်မှာ ပိုပြီးကောင်းအောင် အားစိုက်ထုတ်ပြီး ပြေးကြရမှာဖြစ်တယ်။ ကျွန်မတို့နှလုံးသားထဲမှာ ဘယ်တော့မှ မသေဆုံးသွားမဲ့ တစ်စုံတစ်ရာအားဖြင့်ပေါ့” ဟု ရေးသားခဲ့သည်။ ၎င်းကို ဖတ်မိပြီးနောက် ကျွန်မ မျက်ရည်မကျဘဲ မနေနိုင်တော့ပါ။ သူမသည် သူမ၏တိုင်းပြည်ရှိ ဒုက္ခဝေဒနာခံစားနေကြရသူများအတွက် မည်သို့ဆုတောင်းပေးရန်၊ မည်သို့ပံ့ပိုးကူညီနိုင်သည်ကို ကျွန်မတို့အား ဆက်လက် အသိပေးဝေမျှခြင်းအားဖြင့် ကျွန်မ၏သူငယ်ချင်းသည် ထိုပြေးပွဲကို နည်းလမ်းမျိုးစုံဖြင့် ဆက်လက်ပြေးနေကြောင်း ကျွန်မတွေ့ရှိခဲ့ရသည်။
အီရာ၏စကားလုံးများက ဟေဗြဲသြဝါဒစာ ၁၂ မှ “အားမလျော့ဘဲပြေး”ရန် ယုံကြည်သူတို့အား တိုက်တွန်းထားချက်ကို…
မိတ်ဆွေများ နှင့် ရန်သူများ
ပညာရှင် Kenneth E. Bailey (ကဲနက်အီးဘေလီ)က နိုင်ငံတကာအသိုင်းအဝိုင်း၌ သာမန်မဟုတ်သော ရပ်တည်မှုအနေအထားတစ်ရပ်ကို ထိန်းသိမ်းနိုင်ရန် သင်ယူခဲ့သည့် အာဖရိကနိုင်ငံတစ်နိုင်ငံ၏ အကြီးအကဲတစ်ဦးအကြောင်းကို ပြောပြသည်။ သူသည် အစ္စရေးနိုင်ငံအပါအဝင် ပတ်ဝန်းကျင်နိုင်ငံများနှင့်ပါ ကောင်းမွန်သည့်ဆက်ဆံရေးကို တည်ဆောက်ခဲ့သည်။ ထိုကဲ့သို့ အကဲဆတ်သော အနေအထားကို သူ့နိုင်ငံအနေဖြင့် မည်ကဲ့သို့ ထိန်းသိမ်းနိုင်ခဲ့သနည်းဟု တစ်စုံတစ်ဦးက သူ့အားမေးမြန်းသည့်အခါ “ကျွန်ုပ်တို့ရဲ့မိတ်ဆွေတွေကို ကျွန်ုပ်တို့ ရွေးချယ်ပါတယ်။ ကိုယ့်မိတ်ဆွေတွေကို (ကျွန်ုပ်တို့အတွက်) ကျွန်ုပ်တို့ရဲ့ရန်သူတွေကို ရွေးချယ်ဖို့ ကျွန်ုပ်တို့ အားမပေးခဲ့ပါဘူး”ဟု သူက ပြန်လည်ဖြေဆိုခဲ့သည်။
ထိုအချက်သည် ဉာဏ်ပညာနှင့်ပြည့်ဝကာ အမှန်လက်တွေ့ကျသည်။ နိုင်ငံ တကာအဆင့်၌ ထိုအာဖရိကနိုင်ငံ စံပြုကျင့်သုံးသည့်အရာသည် ရှင်ပေါလုက သူ၏စာဖတ်သူများအား ပုဂ္ဂိုလ်ရေးရာအဆင့်၌ ပြုမူကျင့်သုံးရန် တိုက်တွန်းအားပေးထားသည့်အရာဖြစ်သည်။ ခရစ်တော်အားဖြင့် ပြောင်းလဲသော အသက်တာ၏ စရိုက်လက္ခဏာများကို ရှည်လျားစွာဖော်ပြသည့် စာတွင် “သင်တို့သည် တတ်နိုင်သမျှအတိုင်း လူအပေါင်းတို့နှင့် အသင့်အတင့်နေကြလော့” (ရော…
ဂီတဆေးဝါး
(၅) နှစ်အရွယ် Bella (ဘယ်လာ)သည် အမေရိကန်နိုင်ငံ၊ ဒါကိုတာပြည်နယ်မြောက်ပိုင်း၌ ကင်ဆာရောဂါကြောင့် ဆေးရုံတက်နေရစဥ် ဆေးကုသမှု တစ်စိတ်တစ်ဒေသအဖြစ် ဂီတကုထုံးဖြင့် ကုသမှုခံယူခဲ့သည်။ လူများစွာတို့သည် တိတိကျကျနားမလည်သော်လည်း စိတ်ခံစားချက်အပေါ်၌ ဂီတ၏အင်အားကြီးမားသော အကျိုးသက်ရောက်မှုကို ကြုံတွေ့ခံစားခဲ့ကြရသည်။ သို့သော် မကြာမီကပင် သုတေသီများက တေးဂီတ၏ လက်တွေ့အကျိုးသက်ရောက်မှုကို မှတ်တမ်းတင်နိုင်ခဲ့သည်။ ဘယ်လာကဲ့သို့ ကင်ဆာဝေဒနာသည်များ၊ (အကြောအားနည်း၍ ခြေလက်တုန်သည့်) ပါကင်ဆန်ရောဂါ၊ မှတ်ဉာဏ်အားနည်း၍ သတိမေ့ခြင်းနှင့် စိတ်ဒဏ်ရာရသူများအား ယခုအချိန်တွင် ဂီတကုထုံးကို အသုံးပြုလျက် ကုသပေးနေပါသည်။
ရှောလုမင်းသည် ဆိုးသောဝိညာဥ်၏နှောင့်ယှက်ညှဥ်းဆဲမှုကို ခံရသည့်အခါ ဂီတကုထုံးကို ရှာဖွေခဲ့သည်။ ရှောလုထံခစားသော ကျွန်တို့သည် သူ၌ငြိမ်သက်ခြင်း ကင်းမဲ့နေသည်ကိုတွေ့ပြီး “ငြိမ်သက်ချမ်းသာ” ရစေရန် မျှော်လင့်ချက်ဖြင့် သူ့အားစောင်းတီးပေးမည့်သူကို ရှာဖွေရန် အကြံပြုခဲ့သည် (၁ ရာ ၁၆:၁၆)။ ယေရှဲ၏ သား ဒါဝိဒ်ကို ခေါ်သွင်းလျက် ဒါဝိဒ်သည် သူ့စိတ်နှင့်တွေ့သောကြောင့်…
ခွန်အားပေးသော ရေများ
၎င်းကို “စိမ်းလန်းစိုပြေလာခြင်း” အံ့ဖွယ်ဟု ကျွန်ုပ် ခေါ်သည်။ ၎င်းသည် နွေဦးပေါက်တိုင်း ဖြစ်လာသည်မှာ (၁၅) နှစ်ကျော်ကြာခဲ့ပြီ။ ဆောင်းရာသီကုန်ပြီးနောက် ကျွန်ုပ်တို့ ခြံထဲရှိ မြက်များမှာ မှိန်ပြီး ညိုနေသဖြင့် ပုံမှန် လမ်းသွားလမ်းလာတစ်ဦးဦးက ထိုမြက်များသေသွားပြီဟု ယုံနိုင်သည်။ အမေရိကန်နိုင်ငံ၊ ကော်လိုရာဒိုပြည်နယ် တောင်ပေါ်တွင် နှင်းများကျနေသော်လည်း “The Front Range” (အရှေ့ဝန်းကျင်) လွင်ပြင်ပိုင်းတွင် ရာသီဥတုမှာ ခြောက်သွေ့ပြီး ပို၍ပူနွေးသောလအများစုတွင် မိုးခေါင်မှုသတိပေးချက်များဖြင့် ပြည့်နှက်နေသည်။ နှစ်စဉ်နှစ်တိုင်း မေလကုန်ပိုင်းလောက်တွင် မြက်ခင်းပြင်ပေါ်သို့ ရေအမြောက်အမြား မဟုတ်ဘဲ ရေအနည်းငယ်မျှကို ညီတူညီမျှ ကျွန်ုပ်ပက်ဖြန်းပေးခဲ့သည်။ နှစ်ပတ်ခန့် အကြာတွင်၊ ခြောက်သွေ့ပြီး အညိုရောင်ရှိသည့်အရာက စိမ်းလန်းစိုပြည်သန်စွမ်းသောအရာအဖြစ်သို့ ပြောင်းလဲထွက်ပေါ်လာသည်။
အားပေးမှုက မည်မျှအရေးကြီးကြောင်း စိမ်းလန်းသောမြက်ပင်က ကျွန်ုပ်အား သတိပေးလာသည်။ ထိုသို့ အားပေးမှုမရှိပါက၊ ကျွန်ုပ်တို့ဘဝနှင့် ယုံကြည်ခြင်းသည် အသက်မဲ့သကဲ့သို့ ဖြစ်နေနိုင်ပါသည်။ သို့သော်…
တံခါးဘောင်များပေါ်မှ နှစ်သိမ့်မှု
၂၀၁၆ ခုနှစ်၊ အမေရိကန်နိုင်ငံ၊ လူဝီစီယားနားပြည်နယ်တောင်ပိုင်း ရေလွှမ်းမိုးမှု နောက်ပိုင်းမှ ကျွန်မ၏ ဆိုရှယ်မီဒီယာသတင်းများကို ပြန်ဖတ်ကြည့်စဥ် သူငယ်ချင်းတစ်ဦး၏ပို့စ်ကို တွေ့လိုက်ရသည်။ သူမအိမ်ကို အကုန်ဖယ်ရှားပစ်ပြီး ပြန်ဆောက်ရမည်ဆိုသည်ကို သိလိုက်ရပြီးနောက်၊ ကျွန်မသူငယ်ချင်း၏မိခင်က နှလုံးကြေကွဲဖွယ် ရှင်းလင်းရေးလုပ်ရသည့်အချိန်၌ပင် ဘုရားသခင်ကို ရှာရန် သူမကို အားပေးခဲ့သည်။ နောက်ပိုင်းတွင် ကျွန်မသူငယ်ချင်းသည် စွန့်ပစ်ရတော့မည့် ထိုအိမ် ဆောက်ပြီးခါစက ရေးထားပုံရသည့် ကျမ်းချက်များနှင့်အိမ်တံခါးဘောင် ဓာတ်ပုံများကို ပို့စ်တင်ခဲ့သည်။ သစ်သားပျဉ်များပေါ်ရှိ ကျမ်းချက်များကိုဖတ်ရခြင်းက သူမအား နှစ်သိမ့်မှုဖြစ်စေသည်။
တံခါးဘောင်ပေါ်တွင် ကျမ်းချက်များရေးသည့်ဓလေ့သည် ဣသရေလ လူမျိုးသို့ ဘုရားသခင်မိန့်မှာချက်မှ အစပြုပေမည်။ ဘုရားသခင်သည် သူမည်သူဖြစ်သည်ကို အမှတ်ရစေသည့်နည်းလမ်းအဖြစ် တံခါးဘောင်များပေါ်တွင် သူ၏ အမိန့်တော်များကို ရေးထားရန် ဣသရေလလူမျိုးတို့ကို ညွှန်ကြားခဲ့သည်။ ပညတ်တော်များကို စိတ်နှလုံးထဲ၌ ရေးမှတ်ခြင်း (တရား ၆:၆)၊ သားသမီးတို့အား ထိုအရာများကို သွန်သင်ခြင်း (:၇)၊ ဘုရားသခင်မိန့်မှာထားသည်များကို…
ဘုရားသခင်၏ တန်ခိုးကြီးသော တည်ရှိမှု
၂၀၂၀ ခုနှစ်တွင် အမျိုးသမီးများ မဲပေးပိုင်ခွင့်ပေးခဲ့သည့် အမေရိကန်ဖွဲ့စည်းပုံ အခြေခံဥပဒေအား (၁၉) ကြိမ်မြောက် ပြင်ဆင်ချက်အတည်ပြုခြင်း နှစ် (၁၀၀)ပြည့် အထိမ်းအမှတ် အခမ်းအနားများပြုလုပ်ခဲ့သည်။ ဓာတ်ပုံဟောင်းများက “ဘုရားရှင် သည် အမိန့်ရှိတော်မူ၏။ ထိုကောင်းမြတ်သောအမိန့်ကို ပြောကြားသော အမျိုးသမီးထုကြီးသည် ကြီးမားလှပေ၏” (ဆာ ၆၈:၁၁ – မြန်မာ့စံမီသမ္မာကျမ်း) ဟု နဖူးစည်းစာတန်းနှင့်အောင်လံများကိုင်ဆောင် ချီတက်သူများကို ပြသသည်။
ဆာလံကျမ်း ၆၈ တွင်၊ ဒါဝိဒ်သည် ဘုရားသခင်အား ချုပ်ထားသောသူများကို ကြွယ်ဝခြင်းသို့ ပို့ဆောင်ပေးသည့်အရှင် (:၆)၊ ပင်ပန်းနွမ်းနယ်နေသောလူတို့ကို သူ၏ကြွယ်ဝသောစည်းစိမ်များဖြင့် ပြန်လည်လန်းဆန်းစေသူ (:၉-၁၀) ဟု ဖော်ပြထားပါသည်။ အခန်းငယ် (၃၅) ပိုဒ်ရှိသည့် ဤဆာလံတွင် ဒါဝိဒ်က ဘုရားသခင်သည် သူတို့နှင့်အတူ အမြဲရှိပြီး၊ မတရားမှုနှင့် ဆင်းရဲဒုက္ခများမှ ကယ်တင်ရန် လုပ်ဆောင်နေပုံကို (၄၂) ကြိမ် ရည်ညွှန်းထုတ်ဖော်ခဲ့သည်။ အင်အားကြီးသောအမျိုးသမီးထုက…
ဘယ်တော့မှ မဝေးပါ
ရာ့ဂျ် (Raj) သည် ငယ်ရွယ်စဉ်က သခင်ယေရှုကို ကယ်တင်ရှင်အဖြစ် ယုံကြည်ခဲ့သော်လည်း မကြာမီတွင် သူသည် ယုံကြည်ခြင်းမှသွေဖယ်ကာ ဘုရားသခင်နှင့်ကင်းကွာသော အသက်တာသို့ ဦးတည်သွားခဲ့သည်။ တစ်နေ့တွင် သူသည် သခင်ယေရှုနှင့် ဆက်ဆံမှုကို အသစ်ပြန်လည်စတင်ပြီး ဘုရားကျောင်းသို့ ပြန်သွားရန် ဆုံးဖြတ်ချက်ချခဲ့သည်။ ရလဒ်ကား ဤနှစ်များတစ်လျှောက်လုံး ပျောက်နေခဲ့ခြင်းအတွက် သူ့အား ဒေါသဖြင့် ဝေဖန်ပြောဆိုသည့် အမျိုးသမီးတစ်ဦး၏ဆူပူမှုကိုသာ ခံခဲ့ရသည်။ ဆူပူကြိမ်းမောင်းမှုက နှစ်ပေါင်းများစွာ လေလွင့်နေခြင်းအတွက် ရာ့ဂျ်၏ ရှက်စိတ်နှင့်မလုံမလဲစိတ်ကို ပိုတိုးစေခဲ့သည်။ “ငါ့အတွက် မျှော်လင့်ချက် မရှိတော့ပြီလား” ဟုသူတွေးမိသည်။ ထို့နောက် ရှိမုန်ပေတရုက ခရစ်တော်ကို ငြင်းပယ်ခဲ့သော်လည်း (လု ၂၂:၃၄၊ ၆၀-၆၁)၊ သူ့အား ခရစ်တော် ပြန်လည် တည့်မတ်ပေးပုံ (ယော ၂၁:၁၅-၁၇) ကို သူသတိရမိသည်။
မည်သို့ဆူပူကြိမ်းမောင်းမှုကိုခံရရန် ပေတရုမျှော်လင့်ထားပါစေ၊ သူရရှိခဲ့သမျှက ခွင့်လွှတ်ခြင်းနှင့် ပြန်လည်တည့်မတ်ပေးခြင်းဖြစ်သည်။ သခင်ယေရှုသည်…