ကျွန်ုပ်တို့အား ထောက်ပံ့သောဘုရားသခင်
၂၀၂၄ ခုနှစ်က ဆယ်ကျော်သက်လေး Keegan(ကီးဂန်)သည် ၂ ပေရှည်သော Barramundi(ဘာရမ်မွန်ဒီ)ငါးကို မိပြီး ပျော်ရွှင်စွာ ငါးမျှားကြိုးကို ရစ်သိမ်းနေခဲ့သည်။ သို့သော် သူ့ညီမငယ်က ငါး၌ ချိတ်ဆွဲထားသည့်ကတ်ပြားကို ညွှန်ပြသော အခါတွင် သူ၏ပျော်ရွှင်မှုမှာ အတိုင်းမသိ ပီတိဖြစ်သွားသည်။ သြစတြေးလျငါးမျှားပြိုင်ပွဲ၏ တစ်စိတ်တစ်ဒေသအနေဖြင့် ထိုငါးကိုဖမ်းမိခြင်းက ဒေါ်လာ ၁ သန်း တန်ဖိုးရှိသည်။ ထိုပွဲကို ၂၀၁၅ ခုနှစ်ကတည်းက နှစ်စဥ်ကျင်းပခဲ့ပြီး၊ ကီးဂန် သည် မက်လောက်စရာငွေသားဆုကို ပထမဆုံးရရှိခဲ့သူဖြစ်သည်။
ထိုငါးကို ဖမ်းမိရန် ဖြစ်နိုင်ခြေနည်းပါသည်။ ကြုံရာကျပန်းဖမ်းမိသောငါး၏ ပါးစပ်ထဲမှ အကြွေစေ့ရှိနေခြင်းက ပို၍ပင်မဖြစ်နိုင်။ သို့သော် ရှင်မဿဲခရစ်ဝင်တွင် သခင်ယေရှုက သူ၏တပည့်တော်ပေတရုအား “အိုင်သို့သွား၍.... ရှေ့ဦးစွာရသောငါးကိုယူ၍ ပါးစပ်ကိုဖွင့်လျှင်၊ သတာတဲတစ်ပြားကို တွေ့လိမ့်မည်” (၁၇:၂၇)ဟု မိန့်ကြားခဲ့သည်။
ဤအဖြစ်အပျက်၏နောက်ခံအကြောင်းအရာမှာ သခင်ယေရှု ဗိမာန်တော်အခွန်ပေးဆောင်ခြင်းရှိမရှိ မေးခွန်းထုတ်ခြင်းဖြစ်သည်(:၂၄)။ ဘုရားသခင်၏ သားတော်ဖြစ်သူ ယေရှုအား…
သမ္မာကျမ်းစာကို လိုက်နာကျင့်သုံးသူများ
ကျွန်မ၏စားပွဲပေါ်တွင် သတိပေးချက် မှတ်စုတိုဘုတ်ပြားတစ်ခုရှိပြီး၊ လွန်ခဲ့သည့်နှစ်များက အာဟာရမဂ္ဂဇင်းတစ်ခုမှ ဖြတ်ယူထားသော “ကျန်းမာရေးအတွက် အလေ့အကျင့်ကောင်း ၁၀ ခု” စာရင်းတစ်ခုရှိသည်။ ၎င်းကို ကျွန်မ နေ့တိုင်းမြင်နေသော်လည်း လေးချက်ကိုသာ မှတ်မိသဖြင့် ကျွန်မအံ့သြမိခဲ့သည်။ ထိုစာရင်းကို ကျွန်မ အသေချာမကြည့်၊ လိုက်မလုပ်သော်လည်း ၎င်းသည် ကျွန်မ၏ နေ့စဉ်ပတ်ဝန်းကျင်တွင် အကျွမ်းတဝင်ရှိသော အစိတ်အပိုင်းတစ်ခုဖြစ်သည်။
၎င်းနှင့်အလားသဏ္ဌာန်တူသည့် သမ္မာကျမ်းစာအပေါ် ယုံကြည်သူများစွာတို့၏ သဘောထားကို ရှင်ယာကုပ်က“တရားကို မကျင့်ဘဲ နာရုံမျှသာပြုသောသူမည်သည်ကား၊ မှန်၌ မိမိပကတိမျက်နှာကို... အခြားသို့ သွား၍ မိမိ အဆင်းသဏ္ဌာန်ကို ချက်ခြင်းမေ့လျော့တတ်၏” (ယာ ၁:၂၃-၂၄)ဟူ၍ ဖော်ပြထားသည်။ ခရစ်တော်နောက်လိုက်များစွာတို့သည် သမ္မာကျမ်းစာ၌ ပြောထားသောအရာကို သတိပြုသိရှိကြပါသည်။ သို့သော် ကျွန်မတို့သည် “နှုတ်ကပတ်တော်ကို နာရုံမျှသာပြုသောသူ”များ ဖြစ်နိုင်ပြီး(:၂၂)၊ ကျွန်မတို့၏နာခံမှုသည် ထိုနေရာ၌သာ အဆုံးသတ်သွားနိုင်သည်။ ဤသို့ဖြင့် နှုတ်ကပတ်တော်သည် “(ကျွန်မတို့အား) လွှတ်ခြင်းနှင့်ဆိုင်၍ စုံလင်သောတရား”ကို…
သစ္စာရှိခြင်းနှင့် ခွင့်လွှတ်ခြင်း
The Empire Strikes Back ရုပ်ရှင်ဇာတ်လမ်းမှ ဟန်စိုလို(Han Solo)သည် သူ၏သင်္ဘောတိုက်ခိုက်ခံရချိန်တွင် ပြုပြင်ရမည့်အရာတစ်ခုကို မပြုပြင်ခဲ့ခြင်းကြောင့် လွတ်မြောက်ရန်လမ်းလည်း ရှိပုံမပေါ်ချိန်တွင် “ဒါကျုပ်ရဲ့ အပြစ်မဟုတ်ဘူး”ဟုပြောခဲ့သည်။ သူဤသို့ပြောသည့်အခါ အနည်းဆုံးတော့ သူ့ပြဿနာအတွက် တာဝန်ရှိသော်လည်း သူဝန်မခံချင်ဟု သင်တွေးမိမည်။
ကျွန်တော်လည်း ထိုသို့ကြုံဖူးသည်။ တစ်ခါတစ်ရံ မိမိတာဝန်ရှိခြင်းကို လက်ခံလိုက်ခြင်းထက် တစ်စုံတစ်ဦး(သို့) တစ်စုံတစ်ခုအပေါ် အပြစ်လွှဲချလိုက်ခြင်းက ပိုပြီးလွယ်ကူပါသည်။ ထိုသဘောထားသည် အပြစ်နှင့်တူသည်ဟု ကျမ်းစာ၌ ဖော်ပြထားပါသည်။ အာဒံနှင့်ဧဝ နှစ်ဦးလုံးသည် ထိုအရာကို ကျူးလွန်ခဲ့သည် (က ၃:၁၁-၁၃)။ အာရုန်လည်း ထိုနည်းတူပင်။ မောရှေသည် သိနာတောင်ပေါ်တွင် ဘုရားသခင်နှင့်အတူရှိလျက် ပညတ်တော်ဆယ်ပါးကို လက်ခံရယူစဥ်၊ ကျွန်ဘဝမှ ဘုရားသခင် ကယ်နှုတ်ခဲ့သော လူတို့သည် ရုပ်တုကို ပြန်လည်ကိုးကွယ်နေကြောင်း ဘုရားသခင် မိန့်ကြားခဲ့သည် (ထွ ၃၂:၇-၈)။ မောရှေပြန်ဆင်းလာပြီး (သူတာဝန်ပေးထားခဲ့သည့်) အာရုန်နှင့် ရင်ဆိုင်ဖြေရှင်းသောအခါ၊…
ရှင်ပြန်ထမြောက်ခြင်းတန်ခိုး
အသုံးစရိတ်ငွေ ဒေါ်လာ ၁၀၀ သည် Loretta(လော်ရက်တာ)အတွက် ပုံမှန်ထက် များစွာမြင့်မားသည်။ “ဘုရားထောက်ပံ့ ပေးပါလိမ့်မယ်”ဟု သူ့သားကို ပြောခဲ့သည်။ ထိုနေ့တွင်ပင် သူမ၏မောင်အငယ်ဆုံးထံမှ စာတိုလေးရရှိသည်။ “လော်ရက်တာ၊ အမက ကျွန်တော့်ကို အမြဲအားပေးတဲ့အတွက် ကျေးဇူးတင်ချင်လို့ပါ။ အစ်မရဲ့အီးမေးလ်ကို ကြည့်လိုက်ပါ”ဟု ဆိုထားသည်။ ထိုနေ့လယ်က သူ့အီးမေးလ်၌ သူ့မောင်ထံမှ ဒေါ်လာ ၁၀၀ တန် လက်ဆောင်ကတ်(gift card)ကို တွေ့ရှိခဲ့သည်။ အံ့ဩစရာလား။ တစ်ချို့အတွက် အံ့ဩစရာမဟုတ်ပါ။ သို့သော် လော်ရက်တာအတွက် ထို“တိုက်ဆိုင်မှု”သည် အံ့ဩဖွယ်ဟု ခံစားခဲ့ရသည်။ သူမကို ထောက်ပံ့ပေးရန် အသက်ရှင်သော ဘုရားသခင်အား သူအမြဲမျှော်လင့်ထားသည်။
သူ၏အမြင်သည် ယေရှု၏ရှင်ပြန်ထမြောက်ခြင်းအဖြစ်အပျက်မှ သင်ခန်းစာတစ်ခုကို မီးမောင်းထိုးပြသည်။ ဥပုသ်နေ့ ပြီးနောက်၊ အမျိုးသမီးသုံးဦးသည် သင်္ချိုင်းတွင်းရှိ ယေရှု၏အလောင်းတော်ကို လိမ်းကျံရန် အမွှေးနံ့သာများ ဝယ်ခဲ့သည်။ သို့သော် အရုဏ်တက်ပြီးနောက် သင်္ချိုင်းသို့ သွားကြရာ၊…
မေတ္တာဖြင့် ဘုရားသခင်ကို အစေခံခြင်း
ကျွန်မတို့၏လယ်ယာနှင့် စက်ရုံတွင် အဖေသည် အလုပ်ကြိုးစားလုပ်ကိုင်သူဖြစ်သော်လည်း သူသည် ဘက်စုံ ကျွမ်းကျင်သူတော့ မဟုတ်ပါ။ တစ်ခါတစ်ရံ ထွန်စက်၊ မီးဖို၊ ရေပိုက် တစ်ခုခုပျက်သောအခါ အိမ်နီးချင်း (သို့) မိတ်ဆွေများက လာပြင်ပေးသည်။ ထိုက်တန်သည့် အခကြေးငွေပေးရန် မတတ်နိုင်သော်လည်း အဖေက
မပေးဘဲ မနေပါ။ သို့သော် သူတို့က ဘာမှ လက်မခံပါ။ သူတို့က ကူညီရခြင်းကို သဘောကျသည်။ အဖေက “မင်းတို့ အကောင်းဆုံးလုပ်ပေးလို့ ကျေးဇူးပဲကွာ။ နောက်ကျရင် အကျိုးခံစားရမှာပါ”ဟု ပြောသည်။ သူဘာကိုဆိုလိုသည်ကို ကျွန်မ အသေချာ မသိသေးပါ။ နောက်မှ အဖေ (သို့) တစ်ယောက်ယောက်က သူတို့အတွက် တစ်ခုခု လုပ်ပေးခြင်း ဖြစ်ကောင်းဖြစ်မည်။
သခင်ယေရှုကို ချစ်သောကြောင့် အခြားသူများကို အစေခံသော ယုံကြည်သူများသည် တစ်နေ့တွင် ဆုလာဘ်များ ရရှိမည် ဖြစ်သည်။ ၎င်းသည် “နောက်မှအကျိုးရမည့်”…
ဘာကြောင့် မဟာသောကြာကြီးနေ့လဲ
Good Friday (မဟာသောကြာကြီးနေ့)က ဘာတွေကောင်းလဲ။ မကောင်းတဲ့နေ့၊ ဝမ်းနည်းဖွယ်သောကြာနေ့ဟု အဘယ်ကြောင့် မခေါ်သနည်း။ စင်စစ် ၎င်းသည် ဂုဏ်ပြုပွဲလုပ်ရသည့်နေ့ မဟုတ်ဘဲ၊ ဝမ်းနည်းပူဆွေးစွာ ဆင်ခြင်ရမည့် နေ့တစ်နေ့ဖြစ်သည်။ တစ်ခါတစ်ရံ၊ ဤနေ့ရက်ကို Holy Friday (သန့်ရှင်းသော သောကြာနေ့) ဟုလည်း ခေါ်ကြသည်။ ဂျာမနီနိုင်ငံတွင် Karfreitag(ခါဖရိုင်တာဂ်) (သို့) Sorrowful Friday (ဝမ်းနည်းစရာ သောကြာနေ့)ဟုခေါ်သည်။ သို့ဆိုလျှင် “ကောင်းသောနေ့”ဟု ခေါ်ဆိုသည့် ဓလေ့ကို မည်သို့ရခဲ့သနည်း။ အချို့က ၎င်းကို (God’s Friday) “ဘုရားသခင်၏ သောကြာနေ့”ဟုခေါ်သည့် ရှေးထုံးတမ်းစဉ်လာမှ ဆင်းသက်လာသည်ဟု ယုံကြည်ကြသည်။
အမည်နာမ၏ဇာစ်မြစ် မည်သို့ပင်ရှိစေကာမူ ယေရှုအသေခံခဲ့သော သောကြာနေ့ကို “ကောင်းမြတ်ခြင်း” ဟုခေါ်ဆို ခြင်းသည် သင့်လျော်ဆဲဖြစ်သည်။ အနစ်နာခံသောမေတ္တာစိတ်ဖြင့် ကျွန်ုပ်တို့၏အပြစ်များအတွက် သခင် ခရစ်တော်အသေခံခဲ့သည်။ ထို့ကြောင့် Good Friday က…
ဂရုပြုစောင်မခြင်းနှင့် ပွဲတော်မင်္ဂလာ
ကျွန်မလက်မောင်းရိုးကျိုးသွားစဥ် သူငယ်ချင်း Rex(ရက်စ်)က လှပသော ငွေရောင်ဇွန်းနှင့်အတူ အေးခဲထားသည့် စွတ်ပြုတ်ဗူးကို ပို့ပေးခဲ့ရာ၊ ကျွန်မ အံ့အားသင့်ခဲ့ရပြီး၊ ဟင်းရည်ကုန်သွားသည့်တိုင် ဇွန်းကို အကြာကြီးသိမ်းထားမိသည်။ ကျွန်မ လက်မောင်း ပြန်ကောင်းသွားပြီး၊ ချစ်သော ရက်စ်လည်း ကွယ်လွန်သွားပြီ ဖြစ်သော်လည်း သူ၏ချစ်ခြင်းမေတ္တာပြယုဂ်သည် ကျွန်မအပေါ်ထားသည့် ဘုရားသခင်၏မေတ္တာတော်ကို ဆက်လက်ဖော်ပြနေပါသည်။ ထိုဇွန်းကို ကိုင်လိုက်တိုင်း၊ ကျွန်မသူငယ်ချင်းမှ တစ်ဆင့် ခံစားရသော ဘုရားသခင်၏မေတ္တာအတွက် ကျေးဇူးတင်မိသည်။
ပွဲတော်မင်္ဂလာခံယူရာ၌ သခင်၏တုနှိုင်းမရသောချစ်ခြင်းမေတ္တာကို ကျွန်ုပ်တို့အောက်မေ့ရန် မစသည့် မြင်တွေ့ရသည့် လက်ဆောင်တစ်ခုကို သခင်ယေရှု ပေးခဲ့သည်(လု ၂၂:၁၉)။ ယေရှုသည် မုန့်ကိုဖဲ့ပြီး၊ “ဤမုန့်ကား၊ သင်တို့အဖို့အလိုငှာ ချိုးဖဲ့သောငါ၏ကိုယ်ဖြစ်၏။ ယူ၍စားကြလော့။ ငါ့ကိုအောက်မေ့ဖို့ရာ ဤသို့ ပြုကြလော့”ဟုဆိုခဲ့ခြင်းကို (၁ ကော ၁၁:၂၄) တမန်တော်ပေါလုက ကောရိန္သုမြို့သားများအား ပြန်သတိပေးသည်။ ထို့နောက် ခရစ်တော်က “ဤခွက်ကား ငါ၏အသွေး၌ တည်သော…
စစ်မှန်သော သမာဓိ တည်ကြည်ခြင်း
အလုပ်အင်တာဗျူးတစ်ခုတွင် ကယ်ရယ်အား “အရင်အလုပ်က ဘာလို့ထွက်လိုက်တာလဲ”ဟု ထပ်ခါတလဲလဲ မေးသည်။ အင်တာဗျူးသူက ယခင်အလုပ်ရှင်နှင့် သူမတွေ့ကြုံခဲ့သည့် ပဋိပက္ခကို ခန့်မှန်းမိပြီး ဘာဖြစ်ခဲ့သည်ကို သိလိုသည်။
“အလုပ်လုပ်သည့်ပုံစံ မတူညီကွဲပြားမှုများ”ကို ကယ်ရယ် သိရှိလက်ခံသည့်အပြင် ယခင်အလုပ်ရှင်၏ မကောင်းကြောင်းပြောခြင်းသည် မှားယွင်းသည်ဟု ခံယူသဖြင့် ယခင်အလုပ်ရှင်အပေါ် သူမ၏ ထင်မြင်ချက်ကို ပြောဆိုရန် ငြင်းဆိုခဲ့သည်။ နောက်ပိုင်း သူမကို အလုပ်ခန့် လိုက်ပြီးနောက်၊ အလုပ်ရှင်သစ်က ဝန်ထမ်းခန့်အပ်ရေးတာဝန်ရှိသူများသည် သူမ၏တုံ့ပြန်မှုကို သဘောကျကြောင်း၊ “မင်းရဲ့ သမာဓိကို ငါတို့ သဘောကျတယ်။ မင်းရဲ့သူဌေးမကောင်းကြောင်းကို မပြောစေချင်သလို၊ နောင်လည်း ငါတို့မကောင်းကြောင်းကိုလည်း မပြောစေချင်ပါဘူး”ဟု ပြန်ပြောပြခဲ့သည်။
ယေရှုကို ယုံကြည်သူအသစ်တစ်ဦးအနေနှင့်၊ ကယ်ရယ်သည် လက်တွေ့ကျကျ “ဘုရားနှင့်မှန်ကန်သော”နည်းလမ်းဖြင့် မည်သို့နေထိုင်ရမည်ကို အမြဲတစေ တွေးတောခဲ့သည်။ အဖြေသည် ရိုးရှင်းကြောင်း၊ သမာဓိရှိရှိ၊ ဂုဏ်သိက္ခာရှိရှိ၊ ရိုးသားပြီး ကျင့်ဝတ်သိက္ခာရှိစွာ နေထိုင်ခြင်းဖြစ်ကြောင်း သူမသဘောပေါက်ခဲ့သည်။…
ဘုရားသခင်၏အမြင်
Hudson Taylor(ဟတ်ဒ်ဆန်တေလာ) စိတ်ပူပန်ခဲ့သည်။ သူသည် တရုတ်ပြည်၌ ခရစ်တော်၏ဧဝံဂေလိတရားကို ဝေငှရန် အင်္ဂလန်မှ ထွက်ခွာခဲ့ပြီး၊ အမှုတော်လုပ်ငန်းသည် ခက်ခဲသော်လည်း ကောင်းမွန်စွာပြီးမြောက်ခဲ့သည်။ သို့သော် ၁၈၆၅ ခုနှစ်တွင် အကာအကွယ်မဲ့ပြီး၊ အန္တရာယ်ပိုများသောဒေသသို့ အစေခံမည့်သူများကို တိုး၍စေလွှတ်ရန် စဉ်းစားသောအခါ သူသည် “ပြင်းထန်သောလွန်ဆွဲမှု”ကို ခံစားခဲ့ရသည်။ အဖြေမရမချင်း ဘုရားရှင်ထံ ဆုတောင်းပြီးနောက် သူက “ကျွန်ုပ်၏မယုံကြည်မှုကို ဘုရားသခင်အောင်နိုင်ခဲ့သည်။...တာဝန်နှင့်...အကျိုးဆက် အားလုံးသည် ကိုယ်တော်နှင့်သာဆိုင်သည်”ဟု(သိမှတ်လက်ခံလျက်)...ကိုယ့်ကိုယ်ကိုယ် ဘုရားသခင်ထံသို့ အရှုံးပေးအပ်နှံပါ၏” ဟုရေးခဲ့သည်။
မောရှေသည်လည်း ဘုရားသခင်၏စေစားမှုကို လက်ခံရရှိခဲ့ပြီး၊ ၎င်းသည် သူ့အား စိတ်ပူပန်စေခဲ့လိမ့်မည်။ သူသည် ဣသရေလလူမျိုးတို့ကို အီဂျစ်ပြည်မှ ထုတ်ဆောင်ခဲ့စဉ် ဘုရားသခင်က သူ့အား “ဣသရေလအမျိုးသားတို့သည်... ပိဟဟိရုတ်မြို့နား၊ မိဂဒေါလမြို့နှင့် ပင်လယ်စပ်ကြား၊ ဗာလဇေဖုန်မြို့ရှေ့မှာ တပ်ချစေ” ရန် မိန့်တော်မူသည် (ထွ ၁၄:၂)။ ဆိုလိုရင်းမှာ သူတို့သည် ဖါရောဘုရင်နှင့် ကြီးမားသောရေပြင်ကြား၌…
ယုံကြည်ခြင်းဖြင့် ရှေ့ဆက်ပါ
Maxcy Filer(မက်စ်ဆီဖိုင်လာ)သည် ပြည်နယ်အစိုးရ၏အလွန်ခက်ခဲပင်ပန်းသော ၃ ရက်ကြာ ရှေ့နေစာမေးပွဲကို အောင်မြင်မှ ကယ်လီဖိုးနီးယားပြည်နယ်တွင် ရှေ့နေဖြစ်လာမည်ဖြစ်သည်။ ထို့ကြောင့် သူသည် ထိုခက်ခဲသောစာမေးပွဲကို တစ်ကြိမ်၊ နှစ်ကြိမ်မဟုတ်ဘဲ ၄၈ ကြိမ်ဖြေဆိုပြီးမှ အောင်မြင်ခဲ့သည်။
သူ၏ရည်မှန်းချက်မှာ သူချစ်သော ကွမ်တန်မြို့မှ အခွင့်အရေးမဲ့သူများအတွက် ကူညီဆောင်ရွက်ပေးရန် ဖြစ်သည်။ စာမေးပွဲဖြေဆိုသည့် ပထမဆုံးနှင့် နောက်ဆုံးအကြိမ်ကြိုးစားမှုကြား နှစ်ပေါင်း ၂၅နှစ်တာအတွင်း ဖိုင်လာတို့ ဇနီးမောင်နှံသည် ကလေးခုနစ်ယောက်ကို ပြုစုပျိုးထောင်ခဲ့ပြီး ထိုကလေးအားလုံးကို ကောလိပ်ပို့ခဲ့ကြသည်။ ဖိုင်လာကျမ်းသစ္စာကျိန်ဆိုသောအခါ တရားသူကြီးက “မက်စ်ဆီဖိုင်လာနှင့်ပတ်သက်ပြီး ပြောစရာ စကားလုံး ၃ လုံးရှိတယ်။ အဲဒါက ဇွဲလုံ့လ၊ ဇွဲလုံ့လ၊ ဇွဲလုံ့လပဲဖြစ်တယ်” ဟုပြောခဲ့သည်။
ဖိုင်လာအကြောင်းက သမ္မာကျမ်းစာမှ ဇွဲလုံ့လဖြင့် မဆုတ်မနစ်ကြိုးစားခဲ့သူများကို သတိရစေသည်။ ဟေဗြဲဩဝါဒစာရေးသူက လူအချို့“ယုံကြည်ခြင်းနှင့်ယှဉ်သော ဖြောင့်မတ်ခြင်းကိုလည်း အမွေခံရ”သူ နောဧ (၁၁:၇)၊ အာဗြဟံ၊ ဣဇာက်၊ ယာကုပ်…