ဘုရားသခင်နှင့်အတူရှိရမည့် ထာဝရကာလ

အင်္ဂလန်နိုင်ငံ၏တောင်ဘက်ကမ်းရိုးတန်းတွင် ကိတ်အမည်ရှိ နာမည်တူ အမျိုးသမီးနှစ်ဦးသည် ခေါင်းတလားကလပ်လုပ်ငန်းကို ဦးစီးလုပ်ကိုင်နေကြသည်။ လူတို့ မိမိတို့၏နောက်ဆုံးအချိန်အတွက် ခေါင်းတလားများကို ကိုယ်တိုင်ရွေးချယ်အလှဆင်နိုင်ရန် ဤလုပ်ငန်းကို သူတို့ဖန်တီးခဲ့ကြခြင်း ဖြစ်သည်။ ကိတ် ၁၃ နှစ် အရွယ်တွင် သူမ၏ဖခင်ကွယ်လွန်ခဲ့ရာ၊ သူမက “အဲဒီတုန်းက အတော်ဆိုးတယ်။ ဘယ်သူမှ သေခြင်းအကြောင်း မပြောချင်ကြဘူး” ဟုဆိုသည်။ သူတို့၏ကလပ်သည်ကျွန်ုပ်တို့အားလုံး တစ်နေ့တွင် ကြုံတွေ့ရမည့်အရာတစ်ခုကို သာမန် ရင်ဆိုင်နိုင်ရန် ပြုလုပ်ပေးသည့်နည်းလမ်းတစ်ခုဖြစ်သည်။

သေခြင်းတရားသည် လူတိုင်းကြုံတွေ့ရမည့်အမှုဖြစ်သဖြင့် “သာမန်ကိစ္စ” တစ်ခုဖြစ်နိုင်ပါသည်။ မောင်ဖြစ်သူ ဆုံးပါးသွားပြီးနောက် သခင်ယေရှုနှင့် သူ၏ ချစ်မိတ်ဆွေမာသတို့ ပြောဆိုခဲ့သောစကားများအတိုင်း ရှင်ယေရှုကို ချစ်မြတ်နိုးပြီး ကိုးကွယ်ဆည်းကပ်သူများသည် ကြောက်ရွံ့ခြင်းမရှိဘဲ သေခြင်းတရားအတွက် ပြင်ဆင်နိုင်ပါသည်။ လာဇရုသည် “ထမြောက်လိမ့်မည်”ဟု ရှင်ယေရှု ကတိပေးခဲ့သည်(ယော ၁၁:၂၃)။ ကိုယ်တော်က “ငါသည် ထမြောက်ခြင်းအကြောင်း၊ အသက်ရှင်ခြင်းအကြောင်း ဖြစ်၏။ ငါ့ကို ယုံကြည်သောသူသည် သေလွန်သော်လည်း…

သည်းခံပါ

ရှီရိုအိုဂုနီသည် (မှတ်ဉာဏ်ချို့ယွင်းကာ) သူငယ်ပြန်နေသည့် လူကြီးများအတွက် ဖွင့်လှစ်ထားသော ဂေဟာတစ်ခုသို့ တစ်ကြိမ် သွားရောက်ခဲ့ဖူးသည်။ ထိုသူတို့သည် လူ့အဖွဲ့အစည်းနှင့်ကင်းကွာကာ အထီးကျန်နေသည်ကို တွေ့ရသည့်အခါ သူအလွန်စိတ်မကောင်းဖြစ်ခဲ့ပြီး၊ ယခုထက် ပိုမိုကောင်းမွန်သောနည်းလမ်းတစ်ခု ရှိသင့်သည် ဟု သူခံစားခဲ့ရသည်။ အိုဂုနီ၏ဖန်တီးမှုစွမ်းရည်ဖြင့် “မှာယူမှုများ မှားတတ်သော စားသောက်ဆိုင်”ဟု လူသိများသည့် ဆိုင်တစ်ဆိုင်ကို တည်ထောင်ခဲ့သည်။
၎င်းသည် အမှန်အကန်ဆိုင်ဖြစ်ပြီး၊ ဆိုင်၏ထူးခြားချက်မှာ စားပွဲထိုးဝန်ထမ်းအားလုံးသည် မှတ်ဉာဏ်ချို့ယွင်းမှုဝေဒနာခံစားနေရသူများဖြစ်ကြသည်။ ဟုတ်ပါသည်။ မှတ်ဉာဏ်ကောင်းခြင်းက အဓိကကျသော ထိုအလုပ်အတွက် ခန့်အပ်ထားသူများမှာ မှတ်ဉာဏ်ချို့ယွင်းနေသူများ ဖြစ်သည်။ သာမန် စီးပွားရေးအမြင်အရဆိုလျှင် ရလဒ်မှာ အလွန်ဆိုးရွားခဲ့သည်။ မှာယူမှု ၃၇ % ကို စားသုံးသူတို့ မရရှိခဲ့ကြပေ။ သို့သော် လာရောက်စားသုံးသူများမှာ ထိုသို့ကြုံရမည်ကို သိပြီးသားဖြစ်၍ နားလည်ပေးနိုင်ခဲ့ကြသည်။ ဤကဲ့သို့ “မထင်မှတ်သည့် အံ့သြစရာအလွဲများ” ၊တောင်းပန်သံများနှင့် ရွှင်မြူးသောရယ်မောသံများနောက်တွင် စားသုံးသူများသည် ပျော်ရွှင်စွာ ပြန်သွားလေ့ရှိကြသည်။…

ကူညီမစတော်မူသောဘုရားသခင်

မိခင်တစ်ဦးသည် ကယ်လီဖိုးနီးယားပြည်နယ်၊ ဆီအဲရာနီဗားဒါးတောင်တန်းရှိ တောလမ်းတစ်ခုတွင် ၉ နှစ် အရွယ် သားဖြစ်သူကို လူငယ်သင်တန်းစခန်းသို့ လိုက်ပို့ရင်း လမ်းမှားကာ လမ်းပျောက်သွားသည်။ ဝေးလံခေါင်ဖျားသည့်အရပ်ဖြစ်ခြင်းကြောင့် သူမ၏လမ်းပြစနစ်နှင့်ဖုန်းမှာလည်း အသုံးမဝင်တော့သဖြင့် လာလမ်းအတိုင်းလည်း လှည့်မပြန်နိုင်တော့ပါ။ ၂၄ နာရီကျော်ကြာ သောင်တင်ကာ ကားထဲတွင် တစ်ညအိပ်ခဲ့ရပြီးနောက် ကြံရာမရသည့်အဆုံး သူတို့ခြေကျင်လျှောက်ခဲ့ကြသည်။
လမ်းတစ်လျှောက်တွင် “ကူညီကြပါ။ ကျွန်မတို့သားအမိ ဖုန်းလိုင်းမမိတဲ့နေရာမှာ ပိတ်မိနေပြီး၊ ၉၁၁ ကိုလည်း ခေါ်လို့မရပါဘူး”ဟူသည့် စာများကို သဲလွန်စအဖြစ် ချန်ထားခဲ့သည်။ စခန်းသို့အချိန်မီ ရောက်မလာသည့် သူတို့သားအမိကို ရှာဖွေကယ်ဆယ်ရေးအဖွဲ့များလည်း ထွက်ရှာခဲ့ကြသည်။ သူတို့၏ကားနှင့် စာများကို တွေ့ရှိခဲ့ပြီးနောက် အဆုံး၌ သူတို့ကို အလျင်အမြန် ရှာဖွေတွေ့ရှိခဲ့သည်။

အဲဂုတ္တုလူမျိုးများ၏ကျွန်ပြုခြင်း၊ ပြင်းထန်စွာ နှိပ်စက်ညှဉ်းပန်းခံရခြင်းကြောင့် ဣသရေလလူမျိုးများသည် ဘုရားရှင်ထံ အသည်းအသန်အော်ဟစ်ကာ အကူအညီတောင်းခံခဲ့ကြသည် (ထွ ၁:၁၁-၁၂)။ အဲဂုတ္တုလူမျိုးများသည် သူတို့အပေါ် အညှာတာမဲ့စွာ ခဲယဉ်းသောအလုပ်ကြမ်းများဖြင့်…

အန္တရာယ်ဖြစ်စေသည့် ဝေခွဲမရဖြစ်မှု

ကျွန်တော်စာသင်နေစဉ် မှန်ပြတင်းပေါက်မှ ကျယ်လောင်သည့်အသံတစ်ခု ပေါ်ထွက်လာရာ ကျောင်းသားများ လန့်ဖျပ်သွားကြသည်။ ထို့နောက် အသံနောက်တစ်ချက် ထွက်လာပြန်သည်။ ငှက်တစ်ကောင်သည် မှန်ပြတင်းကို အရှိန်ဖြင့် ဝင်တိုက်ပြီး လွင့်ထွက်သွားသော်လည်း ထပ်မံဝင်တိုက်ရန် ကြိုးစားပြန်သည်။ အမေရိကန်နိုင်ငံ တစ်နိုင်ငံတည်း၌ပင် နှစ်စဉ်မှန်ပြတင်းများကို ဝင်တိုက်မိပြီး သေဆုံးသည့် ငှက်ကောင်ရေ သန်းတစ်ထောင်ကျော်ရှိကြောင်း သတင်းကို နောက်ပိုင်းမှ ကျွန်တော်ဖတ်လိုက်ရသည်။ မှန်ပေါ်တွင် ထင်နေသောသစ်ပင်ပန်းမန် အရိပ်များကိုမြင်ပြီး၊ အစာ(သို့)အသိုက်ဆောက်ရန် ပစ္စည်းများဟု ထင်မှတ်ကာ၊ ပျံသန်းလာရာမှ တိုက်မိခြင်း ဖြစ်သည်။ တစ်ခါတစ်ရံ မှန်ထဲမှ ၎င်းတို့၏ အရိပ်များကိုမြင်ပြီး တိုက်ခိုက်ရမည့် အခြားငှက်ဟု ထင်မှတ်တတ်ကြသည်။ ၎င်းတို့သည် အမှန်တကယ် ရှင်းလင်းစွာ မြင်နေရသော်လည်း မရေရာရှုပ်ထွေးနေကြသည်။

အမှန်တရားကို ကျွန်တော်တို့ အမြဲသိသည်၊ မြင်သည်၊ မိမိ၏ဘဝနှင့်ပတ်သက်၍ ရှင်းလင်းစွာ သိမြင်နိုင်စွမ်းကို ပိုင်ဆိုင်ထားသည်ဟု ထင်မှတ်ခြင်းက အန္တရာယ်ရှိပါသည်။ အန္တရာယ်ကြီးလှသည့် ရောထွေးမှုများကို ကျွန်တော်တို့…

သည်းခံခြင်းမှသည် ဝမ်းမြောက်ခြင်းဆီသို့

ကျွန်တော်တို့အိမ်ရှေ့တံခါး၏အုတ်လှေကားထောင့်လေးတွင် သေးငယ်သော်လည်း ကြံ့ခိုင်သည့် အနီရောင် ဘီဂိုနီးယား(Begonia) ပန်းပင်လေးတစ်ပင်ရှိနေသည်။ ၎င်းကို ကျွန်တော်တို့စိုက်ခဲ့ခြင်းမဟုတ်ဘဲ ချိတ်ဆွဲထားသောပန်းအိုးမှကျလာသည့် အစေ့မှပေါက်လာဟန်တူသည်။ သို့သော် ထိုပန်းပင်လေးအား ထိုနေရာ၌ ဆက်လက်ရှင်သန်စေပြီး၊ ၎င်းက “ကြံ့ကြံ့ခံခြင်း” ဆိုသည်မှာ လှပသောအရာဖြစ်ကြောင်း နှစ်စဉ် ကျွန်တော်တို့ဇနီးမောင်နှံအား ရွှင်လန်းစွာ သတိပေးနေသည်။

ရှင်ယာကုပ်သည် အထူးသဖြင့် ရှင်ယေရှုကို ယုံကြည်ခြင်းကြောင့် ညှဥ်းဆဲဖိနှိပ်မှုများနှင့် ရင်ဆိုင်နေရသူများအား “ငါ့ညီအစ်ကိုတို့၊ သင်တို့၏ယုံကြည်ခြင်းကို စစ်ကြောစုံစမ်းခြင်းအရာသည် သည်းခံခြင်းကို ပွားစေတတ်သည်ဟု သိမှတ်လျက်၊ အထူးထူးအပြားပြား စုံစမ်းနှောင့်ရှက်ခြင်းနှင့် တွေ့ကြုံသောအခါ၊ ဝမ်းမြောက်စရာအကြောင်း သက်သက်ဖြစ်သည်ဟု မှတ်ကြလော့”ဟု သည်းခံရန် ပို၍လှပသောအားပေးစကားကို ဝေမျှခဲ့သည် (ယာ ၁:၂-၃)။

ဝမ်းမြောက်စရာသက်သက်လား။ ထိုစကားလုံးကို လက်ခံရန် ကျွန်တော်တို့တွန့်ဆုတ်သော်လည်း၊ တမန်တော်မှာမူ ဘုရားသခင်သည် အရာအားလုံးထက် ကြီးမြတ်တော်မူကြောင်းနှင့် ခက်ခဲသော အခြေအနေများထဲမှပင် ကောင်းသောအရာကို ထုတ်ဆောင်ပေးနိုင်သည်ဟူသောအမှန်တရားကို မျှော်ကြည့်နေခြင်းပင်။ ရှင်ယာကုပ်၏ အတွေးထဲတွင်”…

ဘုရားသခင်ပေးသော နှစ်သိမ့်သက်သာခြင်း

ရေတံခွန်မှရေစီးသံကြောင့် နယူးယောက်မြို့ရှိ ၉/၁၁ အထိမ်းအမှတ်ရေကန်များသို့ ရောက်ပြီဟု ကျွန်မသိလိုက်သည်။ ၂၀၀၁ ခုနှစ်၏ ကြေကွဲဖွယ်နေ့တစ်နေ့တွင် ထိုနေရာ၌ ဖြစ်ပွားခဲ့သော အဖြစ်အပျက်ကြောင့် ဝမ်းနည်းပူဆွေးမှုများကို မခံစားနိုင်မည်စိုး၍ ထိုနေရာသို့မသွားဘဲ၊ ကျွန်မရှောင်ဖယ်နေခဲ့သည်။ တစ်ချိန်က ကမ္ဘာ့ကုန်သွယ်ရေးဗဟိုဌာန အမြွှာမျှော်စင် ရှိခဲ့သည့်နေရာ၌ ယခုရှိနေသည့် ရောင်ပြန်ဟပ်ရေကန်ကြီးနှစ်ခုကို ကျွန်မလှည့်ပတ်ကြည့်ရှုခဲ့ပြီး၊ ထိုနေရာရှိ နံရံပေါ်၌ ကွယ်လွန်သူများ၏အမည်များကို ရေးထိုးထားရာ၊ အလွန် စိတ်ထိခိုက်စရာပါ။ အချို့အမည်များတွင် ချစ်ခင်သူများတင်ခဲ့သည့် နှင်းဆီပန်းများ ရှိသည်။

၉/၁၁ ၏နံနက်ခင်းတွင် မန်ဟက်တန်၌ ကျွန်မရှိနေသော်လည်း ထိုနေရာအနီး၌ မဟုတ်ခဲ့၍ တော်တော့သည်။ သို့သော်လည်း နယူးယောက်မြို့သူတစ်ဦးအနေဖြင့် ထိုကြေကွဲဖွယ်ဖြစ်ရပ်သည် ကျွန်မအပေါ်သက်ရောက်မှု အားကြီးခဲ့သည်။ ယခု တိုက်ခိုက်ခံရသည့်နေရာသို့ ကျွန်မရောက်ခဲ့ပါပြီ။ သို့သော်လည်း ဝမ်းနည်းမှု(သို့)ကြောက်ရွံ့မှုများက ကျွန်မကို မလွှမ်းမိုးခဲ့ပါ။ ထိုနေရာ၌ ရပ်နေစဉ် ဘုရားသခင်၏မစထောက်ပံ့ပေးမှုကျေးဇူးတော်ကို ပြန်လည်ဆင်ခြင်မိပြီး၊ ငြိမ်သက်ခြင်းကို ခံစားခဲ့ရသည်။ ထိုငြိမ်သက်ခြင်းသည် ကျွန်မတို့အား…

ရက်ရောစွာပေးကမ်းခြင်းအမွေအနှစ်

ကျွန်မ၏မိခင်ဘက်က အဘိုးအဘွားများနှင့် ပြည်နယ်တစ်ခုတည်း၌ မနေရသော်လည်း သူတို့အား သိခွင့်ရသည့်အတွက် ကျွန်မကျေးဇူးတင်မိသည်။ ကျွန်မတို့နေသော ကော်လိုရာဒို (Colorado)ပြည်နယ်သို့ သူတို့ မှန်မှန်လာလည်ပြီး၊ သူတို့နှင့် အတူ ကယ်လီဖိုးနီးယားပြည်နယ်သို့ သွားလည်ရသည့်အတွက် ဝမ်းသာမိသည်။ ကျွန်မတို့ညီအစ်မ ကြီးပြင်းလာချိန်တွင် အဘိုးအဘွားတို့နှင့် ပျော်ရွှင်ခဲ့ရသည့် ငယ်ဘဝအကြောင်းမှအစ ယခု အရွယ်ရောက်ပြီး၊ အရေးကြီးသော ငွေကြေးကိစ္စများအထိ သူတို့နှင့် ပြောဆိုတိုင်ပင်ခွင့် ရခဲ့သည်။ သူတို့သက်ရှိထင်ရှားရှိစဉ် သူတို့၏ပိုင်ဆိုင်မှုများကို ကျွန်မတို့အား ဝေမျှပေးသွားလိုကြောင်း ပြောသော်လည်း သူတို့ဆုံးပါးသွားပါက သူတို့၏မြေယာအဆောက်အဦအတော်များများကို လူမှု ကူညီရေးအသင်းများသို့ လက်လွှဲရန် အစီအစဉ်ရေးဆွဲပြီးသားဖြစ်သည်။

ကွန်မတို့၏အဘိုးအဘွားများသည် သူတို့၏ဘဝတစ်လျှောက်လုံး ကျွန်မတို့အပေါ် အမှန်ပင် ရက်ရောခဲ့ကြသည်။ သူတို့ကွယ်လွန်ပြီးနောက် ကျန်ရစ်ခဲ့သော ပိုင်ဆိုင်မှုများကို အခြားသူများအား မျှဝေပေးခဲ့သည်ကို မြင်တွေ့ရသဖြင့် ကျွန်မအမှန်ပင် ဂုဏ်ယူမိသည်။ သူတို့မှန်ကန်စွာ ရှင်သန်သွားသော အသက်တာနှင့် သုတ္တံကျမ်း ၁၃:၂၂ မှ“သူတော်ကောင်းသည် သားမြေးတို့အဖို့…

ဘုရားသခင်ဖွင့်လှစ်ကမ်းလှမ်းသောဖိတ်ခေါ်မှု

ကျွန်မ၏အရင်းနှီးဆုံးသူငယ်ချင်း၏မင်္ဂလာပွဲမတိုင်မီ ဧည့်သည် နှစ်ရာစာကို စေ့စပ်သေချာစွာ တွက်ချက်ပြီး စားပွဲများကို ခင်းကျင်းနေရာချခဲ့သည်။ ရွှင်လန်းစွာ မျှော်လင့်စောင့်စားရင်း လက်သုတ်ပုဝါများကိုခေါက်၊ ဇွန်းခရင်းများကို ညီညာစွာချ၊ စားပွဲခင်းအစွန်းများကိုညှိ၊ ပန်းအိုးများကိုပြင်ဆင်၊ စသဖြင့် အချိန်များစွာ ကုန်ခဲ့သည်။ ဧည့်သည်များရောက်ရှိလာကာ ပျော်ရွှင်စွာစားသောက်မည်ဟု တွေးရင်း ကျွန်မတို့ စိတ်လောနေခဲ့သည်။ သို့သော်လည်း နေရာလွတ်များစွာကို တွေ့ရသောအခါ စိတ်ပျက်လက်ပျက်ဖြစ်မိသည်။

ဖါရိရှဲအချို့တို့နှင့် အတူစားသောက်စဉ် သခင်ယေရှုက အလားတူအဖြစ်အပျက်မျိုးကို ဝေမျှခဲ့သည် (လု ၁၄:၁၅-၂၀)။ လူတစ်ဦးသည် စေတနာအပြည့်ဖြင့် လူများစွာအတွက် ကြီးကျယ်သောစားသောက်ပွဲကြီး စီစဉ်ထားသော်လည်း အရေးမပါသည့်အကြောင်းပြချက်ပေးကာ လူတို့ မလာရောက်ကြပေ။ ထိုသူသည် လူတို့၏ ငြင်းပယ်မှု အပေါ် အလွန်ပင်စိတ်ဆိုးလျက်၊ လူ့အသိုင်းအဝိုင်းမှ ပစ်ပယ်ထားသည့် “ဆင်းရဲသားများ၊ မသန်စွမ်းသူများ၊ မျက်မမြင်များနှင့် ခြေမသန်သူများအား” ဖိတ်ခေါ်ခဲ့သည် (:၂၁)။ နေရာလွတ်များ ရှိနေဆဲဖြစ်သောအခါ ငယ်သားများက ပိုဝေးသောအရပ်သို့သွားပြီး လူများအား “အနိုင်အထက်ခေါ်သွင်း”လေ၏(:၂၃)။…

တကယ့်မိတ်သဟာယ

ရေချယ်သည် ရှေးရိုးအသင်းတော်များ၌ သူ မတွေ့ခဲ့သည့်အရာကို သမ္မာကျမ်းစာ လေ့လာသည့်အဖွဲ့တစ်ခု၌ တွေ့ရှိခဲ့သည်။ ထိုသို့မတွေ့မီအထိ ရေချယ်သည် သုံးနှစ်လုံးလုံး ဘုရားကျောင်းတစ်ခုမှတစ်ခုသို့ ခုန်ကူးနေခဲ့သည်။ သူမသည် နားမကြားသူတစ်ဦးဖြစ်ပြီး၊ ကမ္ဘာတစ်ဝန်း၌ နားမကြားသူများစွာတို့သည် ဝတ်ပြုကိုးကွယ်ရာ၌ တူညီသောအခက်အခဲစိန်ခေါ်မှုကို ရင်ဆိုင်ကြရသည်။ ထိုအိမ်အသင်းတော်လေးက ယူကျူ့မှ နားမကြားများအတွက် ဝတ်ပြုအစီအစဥ်များကို အတူကြည့်ရှုပြီး၊ ပို့ချမှုများကို ဆွေးနွေးပေးခြင်း၊ ထို့နောက် အတူတကွ အစားအသောက်များ ဝေမျှစားသုံးခြင်းဖြင့် ထိုအသိုင်းအဝိုင်းလေးကို ပံ့ပိုးပျိုးထောင်ခဲ့ကြသည်။ ထိုအဖွဲ့လေးက ရေချယ် စိတ်ပြင်းပြစွာ ရှာဖွေနေသော ဝိညာဉ်တော်ဦးဆောင်သော အသင်းတော်မိသားစုဘဝကို ပေးခဲ့သည်။

တမန်တော်ရှင်ပေါလုက အသင်းတော်ကို မိသားစုအသိုက်အမြုံဖြစ်စေသည့် သန့်ရှင်းသောဝိညာဉ်တော်၏မိတ်သဟာယကို ရှင်းပြခဲ့သည်။ ထိုဆက်နွယ်မှုနှင့် မိတ်သဟာယကို ထိန်းသိမ်းရန် ထောင်တွင်းမှ စာရေးပြီး၊ ဖိလိပ္ပိအသင်းတော်ကို သူနှိုးဆော်ခဲ့သည်။ သူ၏မျှော်လင့်ချက်တစ်စိတ်တစ်ဒေသမှာ သူတည်ထောင်ပြီး သူအလွန်ချစ်ခဲ့သော အသင်းသူအသင်းသားများကြား၌ ဝိညာဉ်ရေးရာစည်းလုံးမှုရှိရန်ဖြစ်သည်။

“တစ်ပါးတည်းသော စိတ်ဝိညာဉ်၌တည်၍... တညီတညွတ်တည်း ကြိုးစားအားထုတ်ကြ”ရန်…

ဘုရားသခင်၏အကြင်နာမျက်လုံး

မီရှီဂန်ကျွန်းဆွယ်နှစ်ခုကို ဆက်သွယ်ထားသော မက်ကီနက်တံတား (Mackinac Bridge) ပေါ် ဖြတ်ပြီးနောက် ကျွန်တော်တို့ ဇနီးမောင်နှံ၏ ငါးမိုင်ခရီးလမ်းလျှောက်ခြင်းပြီးဆုံးခဲ့သည်။ အမေရိကန်နိုင်ငံတွင် ကျင်းပလေ့ရှိသော နှစ်ပတ်လည်အလုပ်သမားနေ့ကို ကျွန်တော်တို့၏ပြည်နယ်တွင် ၁၉၅၈ ခုနှစ်မှ စတင်ကျင်းပခဲ့သည်။ ကျွန်တော်တို့သည် ပန်းခြံထဲရှိ ထိုင်ခုံတစ်ခုတွင် ထိုင်ကာ အနားယူလိုက်သည်။ အမျိုးသားတစ်ဦးကလည်း ကျွန်တော်တို့အနီးရှိ ခုံတွင် ထိုင်လျက် ရှုသွင်းရှုထုတ်လုပ်နေသည်။ မကြာမီ သူ၏ဇနီးနှင့် သမီးပျိုလေးတို့ ရောက်လာသည်။ သူတို့သည်လည်း သခင်ယေရှုကို ယုံကြည်သူများဖြစ်ပြီး၊ လွန်ခဲ့သောနှစ်များစွာက သမီးဆုံးပါးသွားသည့် ကျွန်တော်တို့ကဲ့သို့ပင် ဆယ်ကျော်သက်အရွယ်သမီးလေးတစ်ယောက် ဆုံးပါးသွားသဖြင့် နာကျင်ခံစားခဲ့ရကြောင်း သိရှိရသည်။

ဘုရားသခင်သည် ကျွန်တော်တို့အား ခွန်အားနှင့်ယုံကြည်ခြင်းကို ပေးလျက် ဤနှစ်ကာလတစ်လျှောက်လုံး ကြည့်ရှုစောင်မခဲ့ကြောင်း အချင်းချင်းဝေငှခဲ့ကြသည်။ ထိုနေ့က လမ်းလျှောက်သူပေါင်း ၃၃,၀၀၀ အနက် နှလုံးသားချင်း နားလည်မှုရှိသော ထိုမိသားစုနှင့် ကျွန်တော်တို့ တွေ့ဆုံခဲ့ရခြင်းသည် အလွန်အံ့သြစရာပင်။

လူပင်လယ်ကြီးထဲတွင် တူညီသောအဖြစ်အပျက်ကို…