သူရဲကောင်းတစ်ဦးအပေါ် မျှော်လင့်ချက်

ရာဇဝတ်မှုများကို ကိုယ်တိုင်နှိမ်နင်းသည့် သူရဲကောင်းတစ်ဦးအကြောင်း ရိုက်ကူးထားသော ရုပ်ရှင်တစ်ခုတွင် ဇာတ်လိုက်ဖြစ်သူသည် မဖြစ်နိုင်သောအလုပ်တစ်ခုကို ဆင်နွှဲနေရသကဲ့သို့ ဖြစ်နေသည်။ သူနေထိုင်ရာ မြို့ကြီးသည် အကြမ်းဖက်မှုများ၊ ခိုးဆိုးလုနှိုက်မှုများဖြင့် ပြည့်နှက်နေရုံသာမက ရဲတပ်ဖွဲ့၊ တရားရုံးစနစ်နှင့် ပြည်သူ့ဝန်ထမ်းများပါ လာဘ်စားအကျင့်ပျက်နေကြောင်း သူ တွေ့ရှိခဲ့၍၊ ဤမြို့ကို လက်လွတ်စွန့်ခွာသွားချင်စိတ် အကြိမ်ကြိမ် ဖြစ်ပေါ်ခဲ့သည်။ သို့သော် ကျွန်မတို့၏ သူရဲကောင်းသည် လူတို့အမှန်တကယ် လိုအပ်နေသောအရာမှာ မျှော်လင့်ခြင်း ဖြစ်ကြောင်း နားလည်ခဲ့သဖြင့် သူသည် မြို့တွင် ဆက်နေရန် ရွေးချယ်ခဲ့သည်။

ထိုစိတ်ကူးယဉ်ကမ္ဘာသည် ကျွန်မတို့၏လက်ရှိလောကနှင့် သိပ်ပြီး မကွာခြားလှပါ။ ပတ်ဝန်းကျင်၌ မကောင်းမှုများ ရှိနေသည်။ အာဏာရှိသူများကလည်း ကျွန်မတို့ကို စိတ်ပျက်စေသည်။ သို့သော် အခြေအနေများ မည်မျှပင် မှောင်မိုက်နေပါစေ ဘုရားသခင်သည် သူ၏လူတို့ကို မည်သည့်အခါမျှ စွန့်ပစ်တော်မမူသဖြင့် ဝမ်းမြောက်စရာဖြစ်သည်။ ပဋိညာဉ်သေတ္တာတော်ကို ယေရုရှလင်မြို့သို့ သယ်ယူပြီးနောက် ဒါဝိဒ်မင်းကြီး သီဆိုခဲ့သော…

ဘုရားသခင်ဖြစ်တော်မူသောကြောင့်

၆ နှစ်သမီးလေး တီယာနာသည် ဘုရားကျောင်း ရှေ့တံခါးဝသို့ကြည့်ကာ လူအုပ်ကြီးကို ဝေ့ဝဲကြည့်ရင်း ဆုတောင်းနေခဲ့သည်။ သူမ၏ အတန်းဖော်များက ဖခင်များနေ့ ဖျော်ဖြေပွဲသို့ ကြွရောက်လာသော ဧည့်သည်များကို လက်ဝှေ့ယမ်း နှုတ်ဆက်ကြပြီး၊ ဖခင်များနှင့် ဖခင်သဖွယ်ဖြစ်သူများကလည်း ပြန်လည်နှုတ်ဆက်ကြသည်။ သို့သော် တီယာနာကိုမူ မည်သူမျှ လက်မယမ်းပြခဲ့ကြချေ။ ဆရာမက သံစုံအဖွဲ့၌ ပါဝင်ရန် တိုက်တွန်းသော်လည်း တီယာနာမှာ မလှုပ်မယှက် ရပ်နေခဲ့သည်။ ထိုစဉ် ရုတ်တရက် တံခါးဝမှ သူမ၏ဖခင် အပြေးအလွှားဝင်လာပြီး၊ လက်ယမ်းပြလျက် ဝင်ထိုင်လိုက်မှ တီယာနာသည် ပြုံးပြကာ မျက်ရည်များဝဲလျက် စင်ပေါ်သို့ တက်သွားတော့သည်။

အသက်အရွယ် မည်မျှပင်ရှိစေကာမူ ကျွန်မတို့ တစ်ဦးစီ၏ အတွင်းစိတ်၌ အသိအမှတ်ပြုခံရရန်၊ အလေးထားခံရရန်နှင့် အချစ်ခံရရန် တောင့်တနေသည့် ကလေးငယ်တစ်ဦး၏ နူးညံ့သောနှလုံးသား ရှိနေတတ်စမြဲ ဖြစ်သည်။ သို့သော် ဘုရားသခင်သည် သူ၏သားသမီးများအတွက် မည်သို့ အချိန်ကိုက်ပေါ်လာပြီး…

ကျေးဇူးသိတတ်ခြင်းဖြင့် ကြွယ်ဝသောအသက်တာ

နာဇီအစိုးရကို ဆန့်ကျင်မှုကြောင့် အကျဉ်းချခံရပြီး ၅ လအကြာ ၁၉၄၃ ခုနှစ် စက်တင်ဘာလ ၁၃ ရက်စွဲဖြင့် ရေးသားသော ပေးစာတစ်စောင်တွင် ဒီထရစ် ဘွန်ဟိုဖာ (Dietrich Bonhoeffer)က သူ၏မိဘများထံသို့ စာအုပ်နှင့် စက္ကူများ ပေးပို့ရန် တောင်းဆိုခဲ့သည်။ သူသည် မိဘများ၏ ကူညီစောင်မမှုများအတွက် ကျေးဇူးတင်လျက် “တခြားသူတွေအပေါ်မှာ ဒီလောက်အထိ လုံးလုံးလျားလျား မှီခိုနေရတာဟာ ထူးဆန်းတဲ့ ခံစားချက်ပါပဲ။ ဒါပေမဲ့ အဲဒီအခြေအနေက ကျေးဇူး သိတတ်ဖို့ သင်ခန်းစာပေးပါတယ်။ ဒါကို ကျွန်တော်ဘယ်တော့မှ မမေ့ပါ။ သာမန် ဘဝမှာတော့ ကိုယ်ပေးဆပ်တာထက် ပိုပြီးတော့ အများကြီး လက်ခံရရှိနေတယ်ဆိုတာကို ကျွန်တော်တို့သတိမထားမိတတ်ကြဘူး။ တကယ်တော့ ကျေးဇူး သိတတ်မှသာ ဘဝဟာ ကြွယ်ဝလာတာပါ”ဟု ရေးသားခဲ့သည်။

တိမောသေဩဝါဒစာ ဒုတိယစောင်တွင် “ရာဇဝတ်ကောင်ကဲ့သို့ ဒုက္ခရောက်စဉ်”(၂:၉-ခေတ်သုံး) သူ့ကို ချစ်ခင်စောင့်ရှောက်သူများအား အလွန်တရာ ကျေးဇူးတင်…

ဘုရားသခင်သည် သင့်နာမည်ကို သိတော်မူသည်

ထူးခြားပြီး စိတ်ဝင်စားစရာ စာအုပ်အရောင်းမြှင့်တင်ရေး အစီအစဉ်တစ်ခုတွင် စာဖတ်ပရိသတ်များ၏နာမည်ကို စာအုပ်ထဲ၌ ဖော်ပြခွင့်ရရှိမည့် အခွင့်အရေးကို လေလံတင်ရောင်းချခဲ့သည်။ ပါဝင်လိုသူများသည် အရောင်းရဆုံး စာရေးဆရာတစ်ဦး၏ နောက်ထွက်ရှိမည့် ဝတ္ထုရှည်တွင် ဇာတ်ကောင်တစ်ဦးအဖြစ် မိမိတို့၏ နာမည်အသုံးပြုခွင့်ရရန် ငွေကြေးပေးဆောင်ကြရသည်။ လေလံပွဲတွင် ဈေးအမြင့်ဆုံးပေးသူသည် ထိုစာအုပ်ထဲ၌ အသုံးပြုမည့် နာမည်တစ်ခုကို ရွေးချယ်ခွင့် ရရှိခဲ့သည်။ လေလံပွဲမှရရှိသော ငွေများကို ပရဟိတလုပ်ငန်းများသို့ လှူဒါန်းခဲ့ပြီး စာရေးဆရာ၏ဝတ္ထုကိုလည်း အရောင်းမြှင့်တင်ပြီးသား ဖြစ်သွားသည်။

လူအများစုက စာအုပ်စာစောင်များတွင် မိမိတို့၏နာမည် ရိုက်နှိပ်ပါလာသည်ကို တွေ့ရလျှင် ဝမ်းမြောက်တတ်ကြသည်။ ၎င်းမှာ လူသိများထင်ရှားစေရန် (သို့) မိမိကိုယ်ကို “အသိအမှတ်ပြုခံရရန်” နည်းလမ်းတစ်ခုပင် ဖြစ်သည်။ သို့သော် ထို့ထက်သာ၍ အရေးကြီးသော ပုဂ္ဂိုလ်တစ်ပါးသည် သင့်နာမည်ကို သိရှိထားပြီး၊ သင့်ကိုလည်း ကြည့်ရှုလျက်ရှိကြောင်း စိတ်ချထားလိုက်ပါ။

ပရောဖက်ဟေရှာယက ဣသရေလလူမျိုးတို့အား ၎င်းတို့အပေါ်ထားရှိသော ဘုရားသခင်၏မေတ္တာတော်ကို ပြန်လည်သတိပေးစဉ်က “(ဘုရားသခင်က)သင်တို့ကို…

ဘုရားသခင် ရေးဆွဲသော သင်၏ပုံတူပန်းချီ

ဗြိတိန်ရုပ်သံလိုင်းမှ ထုတ်လွှင့်သော တစ်နှစ်တာအကောင်းဆုံးပုံတူရေး ပန်းချီပညာရှင် (Portrait Artist of the Year) အမည်ရှိ အစီအစဉ်တွင် ဝါသနာရှင် ပန်းချီဆရာကိုးဦးတို့သည် အနုပညာရှင်တစ်ဦး၏ပုံတူကို အပြိုင်အဆိုင် ရေးဆွဲကြရသည်။ ထိုပန်းချီကားကို လေးနာရီအတွင်း အပြီးသတ်ရမည်ဖြစ်ပြီး ရုပ်သံအစီအစဉ်တွင်မူ တစ်နာရီစာအဖြစ် ချုံ့၍ပြသထားသည်။ ပတ္တူစအလွတ်၌ ပန်းချီဆရာတစ်ဦးစီ၏ ဖန်တီးမှုများ တဖြည်းဖြည်း ရုပ်လုံးပေါ်လာသည်ကို ကင်မရာမှတစ်ဆင့် ကြည့်ရှုရသည်မှာ အလွန်စိတ်ဝင်စားစရာပင်။

သမ္မာကျမ်းစာ၏ ကမ္ဘာဦးကျမ်းတွင် ဟင်းလင်းပြင်မှ သက်ရှိလောကကို ဘုရားသခင် ဖန်ဆင်းတော်မူခြင်းကို မှတ်တမ်းတင်ထားသည်။ သို့သော် ထွက် မြောက်ရာကျမ်း ၂ တွင် မောရှေဖွားမြင်ခြင်းဟူသည့် နောက်ထပ် “ဖန်ဆင်းခြင်းဆိုင်ရာ ဇာတ်လမ်း” တစ်ခုရှိနေပြီး၊ ဤနေရာမှ အသုံးအနှုန်းများက ကမ္ဘာဦးကျမ်းပါ ဖော်ပြချက်များကို ထင်ဟပ်နေသည်။ မောရှေ၏မိခင်သည် “သားသည် အဆင်းလှကြောင်းကို မြင်လျှင်” (ထွ ၂:၂) ဟု ဖော်ပြထားရာ၊…

ခရစ်တော်၌ တိတ်ဆိတ်စွာ သစ္စာရှိခြင်း

တက္ကသိုလ်ကြီးတစ်ခုတွင် ပန်းချီဆရာတစ်ဦးက ထိုတက္ကသိုလ် လည်ပတ်နိုင်ရန် နောက်ကွယ်မှ လုပ်ဆောင်ပေးနေကြသော ပြုပြင်ထိန်းသိမ်းရေး၊ အစား အစာဝန်ဆောင်မှု၊ ဥယျာဉ်ပြုစုရေးနှင့် လုံခြုံရေးဝန်ထမ်းအမျိုးသား၊ အမျိုးသမီး ၁၀ ဦးတို့၏ အံ့ဩဖွယ်ရာ ပုံတူပန်းချီကားများကို ရေးဆွဲခဲ့သည်။ ပန်းချီဆရာ မိုးရ်က ၎င်းတို့အား “လွှမ်းမိုးမှုအစွမ်းရှိသော အနေအထားမျိုး” ဖြင့် သရုပ်ဖော်လိုသည်ဟု သူပြောသည့်အတိုင်း ရေးဆွဲခဲ့သည်။ လူအများက သတိမပြုမိသော်လည်း လေးနက်တန်ဖိုးရှိသောအလုပ်ကို လုပ်ကိုင်နေသူများအတွက် ဂုဏ်သိက္ခာကို သူဖော်ဆောင်ပေးခြင်းဖြစ်သည်။ ထိုပုံတူပန်းချီကားများသည် ကျောင်းဝင်းအတွင်း ကာလရှည်ကြာဖြစ်ပွားနေခဲ့သော လူမျိုးစုကွဲပြားမှုဆိုင်ရာ စိတ်ဒဏ်ရာများကို ကုစားပေးရန်ပင် အထောက်အကူဖြစ်စေခဲ့သည်ဟု တက္ကသိုလ်တာဝန်ရှိသူတစ်ဦးက ဆိုသည်။

၎င်းသည် ဘုရားသခင်၏စိတ်နှလုံးကို ထင်ဟပ်ပြသနေသည်။ ကောရိန္သုအသင်းသားများက ဘုရားသခင်၏ကတိတော်များကို ဆင်ခြင်နေကြစဉ် ရှင်ပေါလုက “သခင်ဘုရား၏အမှုတော်ကို ကြိုးစားအားထုတ်ကြလော့”(၁ ကော ၁၅:၅၈)ဟု တိုက်တွန်းခဲ့သည်။ ယေရှုခရစ်တော်၏ အသေခံခြင်းနှင့် ထမြောက် ရှင်ပြန်ခြင်းအောင်ပွဲကြောင့်(:၅၇) နှိမ့်ကျသော အလုပ်ဖြစ်စေ၊ လူမမြင်သော…

အဆုံးထိတိုင်အောင် ပို့ဆောင်တော်မူသည်

လီလီကန်နင်ဟမ်သည် အသက် ၁၁၀ ရှိပြီဖြစ်သော်လည်း လမ်းလျှောက်တုတ်ကို အားကိုးစရာမလိုဘဲ သွားလာနိုင်သူဖြစ်သည်။ သို့သော် သူမ နံနက်တိုင်း၊ ညတိုင်းဖတ်ရှုသည့် သမ္မာကျမ်းစာတော်မြတ်ကိုမူ အစဉ်အမြဲအားကိုးကာ တနင်္ဂနွေနေ့တိုင်းလည်း ဘုရားကျောင်းတက်သူဖြစ်သည်။ သူမ၏အသက်တာကို ပြန်လည်ဆင်ခြင်သည့်အခါ သူမက “ဘုရားသခင်က ကျွန်မတို့ကို အဆုံးတိုင်အောင် ပို့ဆောင်ပေးမယ်ဆိုတာကို ကျွန်မ အမြဲတမ်း ယုံကြည်ကိုးစားခဲ့ပါတယ်”ဟု ပြောသည်။

စစ်ပွဲများ၊ ကပ်ရောဂါများ၊ ခင်ပွန်းနှင့် မောင်နှမများ သေဆုံးခြင်းစသည့် ခက်ခဲသော ဒုက္ခများကြားမှ သူ့အား လမ်းပြပို့ဆောင်ပေးခဲ့သည့် ဘုရားသခင်ကို မစ္စကန်နင်ဟမ်သည် ယုံကြည်ကိုးစားလျက် ချီးမွမ်းခဲ့သည်။ သူမ၏ဘဝသည် “နံနက်အချိန်၌ ကရုဏာတော်ကိုလည်းကောင်း၊ ညအချိန်၌ သစ္စာတော်ကို လည်းကောင်း မြွက်ဆို”(ဆာ ၉၂:၁-၂) သည့် ဆာလံဆရာ၏အသက်တာနှင့် ဆင်တူလှသည်။ သူမ၏ မဆုတ်မနစ်ကိုးစားမှုသည် “ဖြောင့်မတ်သောသူသည် စွန်ပလွံပင်ကဲ့သို့ပွင့်လန်း၍ ... ထာဝရဘုရား၏အိမ်တော်၌ စိုက်ပျိုးသောသူတို့သည် ...အသက်ကြီးသောကာလတွင်ပင်၊ အသီးကိုသီး၍ ကြွယ်ဝစိမ်းလန်းကြလိမ့်မည်”…

ဘုရားသခင်နှင့် ထက်ကြပ်မကွာ လျှောက်လှမ်းခြင်း

ဘာမှမမြင်ရဘဲ တာတိုပြေးပွဲတွင် တစ်ဟုန်ထိုး အစွမ်းကုန်ပြိုင်ပွဲဝင်နေခြင်းကို မြင်ယောင်ကြည့်ပါ။ ၎င်းမှာ မသန်စွမ်းအားကစားပြိုင်ပွဲ၌ အမြင်အာရုံချို့ယွင်းသူများက လမ်းပြနှင့်အတူ အပြေးပြိုင်ပွဲဝင်သည့် အဖြစ်အပျက်ပင်ဖြစ်သည်။ မျက်မမြင်အပြေးသမားများသည် လမ်းပြတစ်ဦးနှင့်အတူ ယှဉ်တွဲ၍ ပြေးကြရသည်။ လမ်းပြသူသည် အပြေးသမားနှင့်အတူ ခြေလှမ်းချင်းတစ်ထပ်တည်း ကျအောင် ဘေးချင်းယှဉ်ပြေးပေးရပြီး၊ ၎င်းတို့နှစ်ဦးကို ကြိုးတိုလေးတစ်ခုဖြင့် ချိတ်ဆက်ထားသည်။ အမေရိကန်အပြေးသမား ဒေးဗစ်ဘရောင်းသည် ကမ္ဘာ့ အမြန်ဆုံး မျက်မမြင်အပြေးသမားများထဲမှ တစ်ဦးဖြစ်ပြီး၊ မီတာ ၁၀၀ အပြေးပြိုင်ပွဲကို ၁၁ စက္ကန့်မပြည့်မီအတွင်း ပြေးကာ ရွှေတံဆိပ်ဆွတ်ခူးခဲ့သူဖြစ်သည်။ ဂျရုမ်း အေဗာရီ သည် ဘရောင်း၏ အားကစားသက်တမ်းတစ်လျှောက်လုံးတွင် လမ်းပြအဖြစ် ပါဝင်ခဲ့သည်။ ၎င်းတို့၏ဆက်နွှယ်မှုကို ဘရောင်းက “ကျွန်တော်တို့က လူတစ်ယောက်တည်းလိုပါပဲ”ဟု ‌‌ပြောပြီး၊ အေဗာရီကလည်း “လူတစ်ယောက်တည်း ပြေးနေသလိုမျိုး မြင်ရမှာဖြစ်ပါတယ်”ဟု ထပ်တူပြောဆိုခဲ့သည်။

ဤသည်မှာ သန့်ရှင်းသောဝိညာဉ်တော်၏ လမ်းပြမှုကို ဖော်ပြသည့် အလွန်လှပသော ပုံရိပ်ဖြစ်သည်။ ကျွန်ုပ်တို့သည်…

ပူဆွေးမှုကြားမှ ကျေးဇူးတော်

မြစ်တစ်မြစ်အထက်တွင် ပျံသန်းနေသော ရှုခင်းကြည့်ရဟတ်ယာဉ်တစ်စင်း အပိုင်းပိုင်းပြတ်ပြီး ပျက်ကျသွားသည့်သတင်းကို တစ်ကမ္ဘာလုံးက တုန်လှုပ်စွာ ကြည့်ရှုခဲ့ကြသည်။ ပန်ကာဒလက်နှင့် အမြီးပိုင်းပြတ်ထွက်သွားပြီးနောက် မြစ်ထဲသို့ ရဟတ်ယာဥ်ထိုးဆင်းသွားရာ၊ လေယာဉ်မှူးနှင့် မိသားစုဝင်ငါးဦးတို့ ပိတ်မိပြီး အသက်ဆုံးရှုံးခဲ့ကြသည်။ သူ၏အစ်မ၊ ယောက်ဖ၊ တူမ နှင့်တူနှစ်ဦးတို့ အသက်ဆုံးရှုံးခဲ့ရသည့် ဤကြေကွဲဖွယ်ဖြစ်ရပ်အပြီး ရက်အနည်းငယ်အကြာတွင် မောင်ငယ်ဖြစ်သူက ချစ်ရသူများအား ဂုဏ်ပြုရန် အခင်းဖြစ်ပွားရာနေရာသို့ ရောက်ရှိလာပြီး “သူတို့အားလုံး အတူတူ ထွက်ခွာသွားကြတာပဲ”ဟု ပြောခဲ့သည်။

ဘဝဆိုသည်မှာ မျက်စိတမှိတ်အတွင်း ပြောင်းလဲသွားနိုင်ပြီး မပြောပြနိုင်သော ဆုံးရှုံးမှုများကြောင့် တုန်လှုပ်ချောက်ချားရတတ်သည်။ ယောဘသည်လည်း ဖော်ပြ၍မရနိုင်သောဆုံးရှုံးမှုနှင့် ဝမ်းနည်းပူဆွေးမှုကို ခံစားခဲ့ရသည်။ ကြေကွဲဖွယ် တစ်နေ့ချင်းတွင် အစေခံများအသတ်ခံရခြင်း၊ တိရစ္ဆာန်များအခိုးခံရခြင်း၊ သေဆုံးသွားခြင်း သတင်းများကို ယောဘကြားသိခဲ့ရသည်(ယောဘ ၁:၁၃-၁၇)။ ထို့နောက် သူ၏သား၇ယောက်နှင့် သမီး၃ယောက်တို့ အတူရှိနေစဉ် အားကြီးသောလေပြင်းကြောင့် ၎င်းတို့ရှိနေသည့် အိမ်ပြိုကျကာ အားလုံးသေဆုံးသွားကြောင်း (:၁၈-၁၉) သာ၍ဆိုးဝါးသောသတင်းကို…

သင်တို့သည် ငါ့အား ပြုကြပြီ

၁၉၆၃ ခုနှစ် ၉ လ ပိုင်းတွင် ဝေလနိုင်ငံသားအနုပညာရှင်ဂျွန်ပက်စ်သည် အလာဘားမား ပြည်နယ်၊ ဘာမင်ဂမ်မြို့ရှိ ၁၆ လမ်း နှစ်ခြင်းဘုရားကျောင်း(16th Street Baptist Church)၌ လူမျိုးရေးမုန်းတီးမှုကြောင့် ဗုံးခွဲတိုက်ခိုက်ခံရပြီး၊ အာဖရိကန်-အမေရိကန် မိန်းကလေး ၄ ဦး သေဆုံးခဲ့သည့် သတင်းကို ကြားသိခဲ့ရသည်။ သူသည် တစ်ဖက်တစ်လမ်းမှ ကူညီလိုသဖြင့် ပျက်စီးသွားသော ဘုရားကျောင်း၏ရောင်စုံမှန်စီပန်းချီပြတင်းပေါက်ကို အသစ်လဲလှယ်ပေးရန် ကမ်းလှမ်းခဲ့သည်။ မကြာမီမှာပင် ဝေလနိုင်ငံသားများကလည်း ထိုကိစ္စအတွက် ရန်ပုံငွေများကောက်ခံပေးခဲ့သည်။

ပက်စ် အသစ်လဲလှယ်ပေးသော ပြတင်းပေါက်မှ ထူးခြားသည့် ပန်းချီကားမှာ လက်ဝါးကပ်တိုင်ပေါ်ရှိ ယေရှု၏ပုံရိပ်ဖြစ်ပြီး၊ သခင်၏ ညာလက်တော်မှာအမုန်းတရားကို ဖယ်ထုတ်ခြင်းကို ကိုယ်စားပြုသည့် မှန်ဘောင်ကို တွန်းကန်နေဟန် ဖြစ်ပြီး၊ ဘယ်လက်တော်ကိုမူ ခွင့်လွှတ်ခြင်းပေးရန် ဖြန့်ထားသည်။ အောက်ခြေတွင် “သင်တို့သည် ငါ့အားပြုကြပြီ”ဟူသောစာသားကို ရေးထိုးထားသည်။ ဤစကားလုံး များကို မည်သူ့အား သခင်…