ဂရုပြုစောင်မလျက် ပေးပို့သည်

“CARE”လက်ဆောင်ထုပ်အမည်သည် ဒုတိယကမ္ဘာစစ်အတွင်း ရွှေ့ပြောင်းရသည့် ဥရောပတိုက်သားများအား ကူညီရန် အစားအသောက်အထုပ်များပေးပို့ခဲ့သည့်အဖွဲ့-“Cooperative for American Remittances to Europe”(အမေရိကန်မှ ဥရောပသို့ လက်ဆောင် ပါဆယ်ထုပ်ပေးပို့သည့်အသင်း)၏အမည်အတိုကောက် ဖြစ်ကြောင်း မကြာမီကမှ ကျွန်မသိရှိခဲ့ရသည်။ ကျွန်မ၏ကလေးများ ကောလိပ်တက်စဥ်က သူတို့ထံ ပေးပို့ခဲ့သော ပါဆယ်ထုပ်များတွင် အများအားဖြင့် အိမ်လုပ်မုန့်များ၊ သကြားလုံးများနှင့် ပြည့်နေခဲ့သော်လည်း အိမ်တွင် ၎င်းတို့မေ့နေသည့် အနှစ်သက်ဆုံးအင်္ကျီ (သို့) ကျောင်းသုံးအပိုပစ္စည်း အစရှိသော လက်တွေ့အသုံးဝင်သည့် ပစ္စည်းအချို့တို့လည်း ရံဖန်ရံခါပါဝင်သည်။

“ကရုဏာလက်ဆောင်ထုပ်”ဟူသောအမည်သည် ခေတ်မီဆဲဖြစ်ပြီး၊ အသုံးဝင်သည့်ပစ္စည်းများပေးပို့ခြင်း အလေ့အထသည် ရှေးကတည်းက ရှိနေသည်။ ၎င်းကို ၂ တိ စာစောင်အဆုံးတွင် တွေ့ရသည်။ ရောမမြို့၌ အကျဉ်းချခံရစဉ် ပေါလုသည် သူယုံကြည်ရသောတပည့်ထံ ရေးသည့်စာအဆုံး၌ ကိုယ်ရေးကိုယ်တာ တောင်းဆိုချက်အချို့နှင့် အဆုံးသတ်ထားသည်။ သူ့အား ကူညီရန် မာကုကို ခေါ်၍ သူ့ထံလာရန် တိမောသေအား…

ယုံကြည်ခြင်း၌ရှိသော မျှော်လင့်ခြင်း

ခရစ္စတင်း၏သားသည် ကင်ဆာရောဂါဖြင့် ၇ နှစ်အရွယ်လေးမှာပင် ဆုံးပါးသွားခဲ့သည်။ ၃ နှစ်အကြာ ယခုတွင်မူ သူမ၏သားကြီးသည် နာတာရှည်ရောဂါကို ခံစားနေရကြောင်း တွေ့ရှိခဲ့သည်။ မယုံကြည်သူ သူငယ်ချင်းများက သူမနှင့်အတူ ဝမ်းနည်းခဲ့ကြသော်လည်း သူမသည် ခရစ်တော်ကို အဘယ်ကြောင့် ဆက်လက် ယုံကြည်ကိုးစားသည်ကို သူတို့နားမလည်နိုင်ခဲ့ကြပါ။ “နင့်ဘုရားက ဘာလို့ ဒါကို ဖြစ်စေတာလဲ၊ သူ့ကို နင်ဘာလို့ ဆက်ယုံကြည်နိုင်သေးတာလဲ” ဟု သူတို့မေးခွန်းထုတ်ခဲ့သည်။
ခရစ္စတင်းအတွက်မူ ၎င်းသည် သူမအား ဆက်လက်ယုံကြည်စေသည့် သာ၍ ခိုင်လုံသောအကြောင်းပြချက် ဖြစ်သည်။ “ဘာကြောင့် ဒီလိုတွေဖြစ်နေရသလဲ ဆိုတာ ကျွန်မနားမလည်ပါဘူး။ ဒါပေမယ့် ဘုရားသခင်က ကျွန်မတို့ကို ဒီလိုအခက် အခဲတွေကြားက ကူညီပေးမယ်ဆိုတာ ကျွန်မသိတယ်။ ဘုရားရှင်တစ်ပါးတည်းသာလျှင် ရှေ့ဆက်သွားနိုင်ဖို့ မျှော်လင့်ခြင်းကို ပေးစွမ်းနိုင်တယ်”ဟု သူမဆိုခဲ့သည်။

အခက်အခဲအကြပ်အတည်းများကျရောက်ချိန် ထိုသို့သောမျှော်လင့်ခြင်းနှင့် ယုံကြည်ကိုးစားခြင်းက ဒါဝိဒ်မင်းအား ရှေ့ဆက်စေနိုင်ခဲ့သည်။ သူ့အား…

သနားကရုဏာနှင့်ကျွန်ုပ်တို့၏အရှုပ်ထုပ်

တနင်္ဂနွေနေ့ဥပုသ်စာဖြေကျောင်းတွင် ၃ နှစ်အရွယ် ပီတာလေးအပေါ် ကျွန်မ၏ စိတ်ရှည်မှုတို့ လျော့ပါးလာခဲ့ပြီ။ သူကိုယ်၌က မပျော်မရွှင်ဖြစ်နေကာ အခြားကလေးများအပေါ်လည်း ညှာတာမှုကင်းမဲ့သည်။ ကလေးများအလိုချင်ကြဆုံးအရုပ်များကို သူ့အား ပေးသည့်တိုင် လုံးလုံးကျေနပ်မှုမရှိပေ။ သနားနေရာကနေ ကျွန်မစိတ်အနှောင့်အယှက်ဖြစ်လာသည်။ ကောင်းပြီ၊ သူဆက်ပြီး ခေါင်းမာစွာ ခက်ခဲအောင် လုပ်နေလျှင် သူ့မိဘများထံသို့ သူ့ကိုပြန်ပို့ရမည်။ ထိုအခါ ပျော်စရာအားလုံးကို သူလွတ်သွားလိမ့်မည်။

ကျွန်မ၏ကိုယ်ချင်းစာတရားက အခြေအနေပေါ်မူတည်နေကြောင်း မကြာခဏ ကျွန်မသတိထားမိသည်။ တစ်စုံတစ်ဦးက ကျွန်မ၏အကြံဉာဏ်ကို လျစ်လျူရှုပါက(သို့)ကျွန်မ၏အကူအညီကိုငြင်းပယ်ပါက ကျွန်မ၏အကူအညီနှင့် သူတို့မထိုက်တန်တော့ပါ။ သို့သော် ဘုရားသခင်သည် ကျွန်မတို့အပေါ် ထိုကဲ့သို့ မလုပ်ပါ။ နိနေဝေမြို့သို့သွားရောက်၍ နောင်တတရားဟောရန် ပရောဖက်ယောနအား ဘုရားသခင် စေခိုင်းသည့်အခါ သူသည် ခေါင်းမာစွာ မနာခံဘဲနေခဲ့ပြီးနောက် ဘုရား၏ကြီးမားသောကရုဏာကို ယောနခံစားခဲ့ရသည်(ယောန ၁:၂)။ ဘုရားကို ဖီဆန်ကာ ဆန့်ကျင်ဘက်လမ်းကြောင်းကို ရွေးချယ်ပြီးနောက် ယောနသည် ကြောက်မက်ဖွယ်မုန်တိုင်းတစ်ခုနှင့် တွေ့ကြုံခဲ့ရပြီး၊ ငါးကြီး၏မျိုချခြင်းကို…

ယေရှုကဲ့သို့ဖြစ်ပါ

ဂျက်လေယာဉ်က သေးသဖြင့် အရပ်မြင့်မြင့် ခရီးသည်တစ်ဦးက ကိုယ်ကိုကြုံ့ထားရာမှ ဆန့်ပြီး မတ်တပ်ရပ်လိုက်ပုံရသည်။ ထိုအခါ “ယေရှုနှင့်တူပါ” ဟူသည့် ထင်ရှားပေါ်နေသော သူ့စာအုပ်၏ခေါင်းစဉ်ကို ကျွန်မသတိပြုမိသည်။ မိနစ်အနည်းငယ်အကြာတွင် ထိုလူက အခြားသူများကို တွန်းဖယ်ကာ တွန်းလှည်းပေါ်မှ သူ့အိတ်ကို ဆွဲယူလိုက်ပြန်သည်။ ယေရှုကဲ့သို့ဖြစ်ပါသလား။ သူသည် ခရစ်တော်ကို သိသော “ညီအစ်ကို”အစစ် ဟုတ်မဟုတ် မသိသော်လည်း၊ ယေရှုကို လွဲမှားစွာကိုယ်စားပြုသော၊ တစ်ကိုယ်ကောင်းဆန်သော ဤအပြုအမူကြောင့် ကျွန်မစိတ်ပျက်သွားမိသည်။

စက်လှေကားပေါ်တွင် ထိုလူကို ထပ်တွေ့ပြီး၊ စာအုပ်အဖုံးကို မြင်နေရဆဲပင်။ ထိုစကားလုံးများက “အီလိုင်ဇာ၊ ယေရှုကဲ့သို့ဖြစ်ပါ။ မစီရင်ပါနဲ့”ဟု ကျွန်မနှလုံးသားကို လာထိသည်။ ကျွန်မ၏ဖြစ်တည်မှုသည် သခင်ယေရှုနှင့်ပတ်သက်၍ တစ်စုံတစ်ရာကို ထုတ်ပြနေသလားဟု တွေးမိသည်။

ယေရှုကဲ့သို့ ဖြစ်လာခြင်းဆိုသည်မှာ ပြောင်းလဲမှုဖြစ်စဉ်တစ်ခုဖြစ်ပြီး၊ သခင်၏အလိုတော်ကို ကျွန်မတို့ဝန်ခံလိုက်နာသည့်အခါတွင် သူ၏သဘော သဘာဝကို ကျွန်မတို့အတွင်း၌ တဖြည်းဖြည်း တိုးတက်စေသည့် ဖြစ်စဉ်ဖြစ်သည်။ ရှင်ပေါလုက…

ဘုရားသခင်လက်လှမ်းမီသည့်နေရာတွင်ရှိသော

ထောင်ဒဏ် အနှစ် ၅၀ ချမှတ်ခံထားရသည့် အသက် ၁၆ နှစ် အရွယ် မိန်းကလေးကို လုံခြုံရေးအမြင့်ဆုံး အကျဉ်းထောင်တွင် တစ်ဦးတည်း သီးသန့်ထားရှိသည်။ သူ့အသက်အရွယ်အရ အခြားအကျဉ်းသားများနှင့် ခွဲထားခြင်းဖြစ်သည်။ တစ်နှစ်နီးပါးအတွင်းတွင် သူမကို အပြင်မှလာတွေ့သည့် ဧည့်သည်များ မရှိခဲ့ပါ။ ထောင်၌ ဧဝံဂေလိနှင့် နှစ်ခြင်းမင်္ဂလာအစီအစဥ်ပြုလုပ်စဉ် အစောင့်များက အမှုတော်ဆောင်တစ်ဦးကို သူမ၏အခန်းထဲသို့ ဝင်ခွင့်ပြုသည်။ သို့နှင့် သူမသည် ဧဝံဂေလိတရားကိုကြားပြီး ယေရှုကိုလက်ခံကာ၊ နှစ်ခြင်းခံရန် တောင်းဆိုခဲ့သည်။ အစပိုင်းတွင် အဖွဲ့သည် ရေသန့်ဘူးမှရေလောင်းချရန် စဉ်းစားခဲ့သော်လည်း နောက်ပိုင်းတွင် ထောင်ဝန်ထမ်းများက ဌာနတစ်ခုလုံးကို ပိတ်ပြီး သူမကို နှစ်ခြင်းပေးမည့်ကန်သို့ ခေါ်ဆောင်သွားခဲ့သည်။ ဘုရားသခင်၏လူများ ဆုတောင်းသည့်အခါ သူမငိုကြွေးခဲ့သည်။

ဘုရားသခင်သည် သူ့အား ငြင်းပယ်သူများကို တရားစီရင်မည်ဟု ကတိရှိသော်လည်း၊ နောင်တရသူများအတွက်လည်း ကရုဏာတော်ကို ကမ်းလှမ်းပေး သည်။ နာမတော်ကို ကိုးစားသူများအား ပြန်လည်ပြုပြင်ပေး၊…

ဘုရား၏ကရုဏာတော်ကြောင့် ရှင်ကျန်ရစ်သူများ

ချားလ်စ် ဂျော့ဟင်း (Charles Joughin)သည် ၁၁နှစ် အရွယ်မှစ၍ သင်္ဘောသားတစ်ဦးဖြစ်ခဲ့ပြီး၊ သင်္ဘောများစွာတွင် မုန့်ဖုတ်သမားအဖြစ် လုပ်ကိုင်ခဲ့သည်။ ၁၉၁၂ ခုနှစ်တွင် အင်္ဂလန်နိုင်ငံ၊ ဆောက်သမ်တန်မြို့မှ ရွက်လွှင့်သော တိုက်တန်းနစ် အပျော်စီးသင်္ဘောမှ သူ့ကိုငှားရမ်းခဲ့ပြီး၊ မြောက်အတ္တလန္တိတ်တွင် ရေခဲတောင်နှင့်တိုက်မိပြီး သင်္ဘောနစ်မြုပ်သွားစဉ် သူသည် လူများကို အသက်ကယ်လှေပေါ်သို့ ကူညီတင်ပေးခဲ့သည်။ သင်္ဘော ဒေါင်လိုက်နစ်မြုပ်ချိန်၌ သူသည် သင်္ဘောပဲ့ဦး၌ ရပ်နေခဲ့သည်။ အံ့ဖွယ်ရာမှာ သူအသက်မသေဘဲ လွတ်မြောက်ခဲ့သည်။

အနှစ် ၃၀ ကြာပြီးနောက် ဒုတိယကမ္ဘာစစ်အတွင်း သူသည် အောရီဂွန်ပင်လယ်ကူးသင်္ဘောပေါ်တွင် ရှိနေခဲ့သည်။ အခြားရေယာဉ်တစ်စီးက သူ့သင်္ဘောကို ဝင်တိုက်ပြီး သင်္ဘောနစ်ခဲ့သော်လည်း ထူးထူးခြားခြား၊ သူသည်သေကံမရောက်ခဲ့ပါ။

ကျွန်ုပ်တို့အားလုံးသည် နစ်မြုပ်နေသော သင်္ဘောပေါ်တွင် ရှိနေကြောင်း သမ္မာကျမ်းစာက ဖော်ပြသည်။ ပေါလုက “လူအပေါင်းတို့သည် ဒုစရိုက်ကိုပြု၍ ဘုရားသခင့်ရှေ့တော်၌ အသရေပျက်ကြပြီ” ဟုရေးခဲ့သည်(ရော ၃:၂၃)။ သူသည် ဟေရှာယ၏စကားကို…

တောင့်တမှု ပြည့်စုံခြင်း

ကျွန်ုပ်တို့အတွင်း၌ အနန္တဘုရားသခင်သာလျှင် ဖြည့်စွမ်းနိုင်သော “အဆုံးမရှိသော ချောက်ကြီး” ရှိကြောင်းပြောခဲ့သည့် Blaise Pascal(ဘလိတ်စ်ပါစ်ကယ်)၏ စကားက ကျော်ကြားသည်။ “အို ဘုရားသခင်၊ ကိုယ်တော်သည် အကျွန်ုပ်တို့ကို ကိုယ်တော်အတွက် ဖန်ဆင်းတော်မူပြီ၊၊ အကျွန်ုပ်တို့ စိတ်နှလုံးသည် ကိုယ်တော်၌ မတည်မီတိုင်အောင် မငြိမ်သက်နိုင်ပါ”ဟု Augustine(သြဂတ်စတင်း)က ဆုတောင်းခဲ့သည်။ ဒါဝိဒ်ကလည်း “ရေမရှိ၊ သွေ့ခြောက်သောလွင်ပြင်၌ အကျွန်ုပ်၏ဝိညာဉ်သည် ကိုယ်တော်ကို ငတ်ပါ၏”ဟု ဆိုသည်(ဆာ ၆၃:၁)။

သို့သော် အံ့သြစရာမှာ၊ လူသားများသာ တောင့်တမှုကို ခံစားရသည် မဟုတ်ပါ။ ဘုရားသခင်လည်း ခံစားရသည်။ စကြဝဠာကို အစိုးပိုင်သော အနန္တ ဘုရားသခင်သည် မည်သည့်အရာမျှ မလိုအပ်သော်လည်း၊ ကျွန်ုပ်တို့ လမ်းလွဲသောအခါ ကျွန်ုပ်တို့အား ပြန်လာစေလိုပြီး(ယာ ၄:၄-၅)၊ သူ၏လူများဟု သူခေါ်နိုင်သည့် လူများကို အလိုရှိကြောင်း အထပ်ထပ် ပြောထားသည် (ထွ ၆:၇၊ ဟေဗြဲ ၈:၁၀)။…

မျှော်လင့်မထားသော ကြားဖြတ်ဝင်လာသည့်အရာများ

အစောကြီးကတည်းက တစ်နေ့တာလုပ်စရာများကို စာရာ စာရင်းချရေးခဲ့သည်။ သို့သော် ငယ်ငယ်ရွယ်ရွယ်နှင့်ရုန်းကန်နေရသော မိသားစုတစ်စု၏ တောင်းဆိုမှုက ကြားဖြတ်ဝင်လာသည်။ အသင်းတော်မှပေးသော ဂတ်စ်ဝယ်ရန် ကတ်ကို သူတို့အရေးတကြီး လိုအပ်နေသည်။ အလုပ်ရှုပ်နေသော်လည်း ဘုရားသခင်က သူမအား ဤအရာကို လုပ်စေချင်ကြောင်း စာရာ သိသည်။ ထို့ကြောင့် ရက်သတ္တပတ်အတန်ကြာ နေထိုင်ရန် အသင်းတော်မှစီစဉ်ပေးထားသော ထိုမိသားစုတည်းသည့် ဟိုတယ်သို့ သွားပေးရန် သူမ သဘောတူလိုက်သည်။ သူမသည် ကတ်ကိုရခဲ့ပြီး လိပ်စာကို ကြည့်လိုက်ရာ၊ သူခန့်မှန်းထားသည်ထက် ပိုဝေးသဖြင့် “ဆီပိုကုန်တော့မှာပဲ”ဟု ဘုရားရှင်အား သူ စောဒက တက်မိသည်။

သို့သော် “ငါမင်းကို မထောက်ပံ့ပေးဘူးလား”ဟူသည့် စကားများကို သူမ၏ စိတ်၌ခံစားမိပြီး၊ “ကိုယ်တော်ထောက်ပံ့ပါတယ်။ ကျွန်မရဲ့စိတ်ထားကို ခွင့်လွှတ်ပေး ပါ”ဟု စာရာဆုတောင်းခဲ့သည်။ ဟိုတယ်သို့ သူမရောက်သွားပြီး ထိုဇနီးမောင်နှံ နှင့် တွေ့ဆုံကာ ကတ်ကိုပေးရင်း သူတို့၏ရင်သွေးလေးကို ပွေ့ချီပေးခဲ့သည်။ အိမ်အပြန်လမ်းတွင်…

ခရစ်တော်အားဖြင့် ရရှိသောအခွင့်ထူး

(NBA)အမျိုးသား ဘတ်စကက်ဘောအသင်း ဒါးလက်စ်မာဗာရစ်(Dallas Mavericks)၏အသင်းပိုင်ရှင်က ချီကာဂိုအားကစားစကားဝိုင်း ရေဒီယိုအစီအစဥ် တင်ဆက်သူအား သူ့နာမည်ကို “ဒါးလက်စ်မာဗာရစ်” သို့ တရားဝင် ပြောင်းရန် ဒေါ်လာတစ်သိန်းပေး၍ ကမ်းလှမ်းခဲ့သည်။ ထို့အပြင် ထိုသူအနှစ်သက်ဆုံး ပရဟိတအဖွဲ့သို့ ဒေါ်လာတစ်သိန်းလှူဒါန်းပေးမည်ဟုလည်း ပြောကြားခဲ့သည်။ မိမိကိုယ်ကို အလေးအနက်သုံးသပ်ပြီးနောက် ထိုသူက ပြတ်သားစွာ ငြင်းဆိုခဲ့သည်။ “ငွေရရင် ဘာမဆိုလုပ်မယ်လို့ ကျွန်တော်ပြောတယ်ဆိုရင် အဲဒါက ကျွန်တော့်ကို စိတ်အနှောင့်အယှက်ဖြစ်စေတယ်။ ကျွန်တော့်နာမည်က ကျွန်တော့်ရဲ့ အခွင့်အရေးနဲ့ဖြစ်တည်မှုပါ။ ကျွန်တော့်ရဲ့ဂုဏ်သိက္ခာနဲ့ ကျွန်တော့်အပေါ် အများက ယုံကြည်လက်ခံထားမှုကို ထိန်းသိမ်းချင်ပါတယ်”ဟူ၍ ရှင်းပြခဲ့သည်။

အစီအစဥ်တင်ဆက်သူ၏အမည်သည် သူ၏အခွင့်အရေးဖြစ်သကဲ့သို့၊ ရှေးဦး သခင်ယေရှုကို ယုံကြည်သူများသည် သူတို့၏ဝိညာဉ်ရေးရာ အခွင့်ထူးအဖြစ် “ခရစ်ယာန်”ဟူသည့် အမည်ကို ခံယူခဲ့ကြသည်။ ဗာနဗနှင့် ရှောလုတို့ သည် အန္တိအုတ်မြို့၌ တစ်နှစ်တာ အမှုဆောင်ခဲ့ကြပြီး သတင်းကောင်း ဟောပြောခြင်းဖြင့် အသင်းတော်တိုးပွားလာခဲ့သည်။ အန္တိအုတ်မြို့၌ ရှေးဦး…

လူအမျိုးမျိုးတို့တွင်

လန်ဒန်မြို့တော်သည် နိုင်ငံတကာမှလူမျိုးပေါင်းစုံနှင့် အတူယှဥ်တွဲနေထိုင်သော မြို့ကြီးဖြစ်သည်။ ကမ္ဘာတစ်ဝန်းမှလူများ စုပေါင်းဆုံလာခြင်းသည် အံ့သြဖွယ် အစားအစာနှင့် စိန်ခေါ်မှုများစွာကို ယူဆောင်လာနိုင်သည်။ ဥပမာ- ဥရောပနိုင်ငံတစ်ခုမှ ကျွန်ုပ်၏မိတ်ဆွေများက ၎င်းတို့၏နိုင်ငံသည် မကြာမီကမှ ဥရောပ သမဂ္ဂအဖွဲ့ဝင်ဖြစ်ခဲ့ခြင်းကြောင့် လန်ဒန်တွင် သိပ်လေးစားမှု မခံရခြင်းဖြစ်နိုင်ကြောင်း ပြောလာ၍ ကျွန်ုပ်စိတ်မကောင်းဖြစ်မိသည်။ သူတို့သည် လျစ်လျူရှုခံရသည်၊ ပြဿနာများအတွက် အပြစ်တင်ခံရသည်၊ သူတို့မနှစ်မြို့သောအလုပ်များ လုပ်ကိုင်ရင်း ဘဝရှင်သန်နေရသည်။

ဘုရားသခင်သည် ဘက်လိုက်ခြင်းမရှိသောကြောင့် ကျွန်ုပ်တို့လည်း ဘက်မလိုက်သင့်ပါ။ လူတို့ကြားရှိ အတားအဆီးများကို ကိုယ်တော် ဖြိုခွင်းဖယ်ရှားပေးပါသည်။ ခေါင်မိုးပေါ်၌ ပေတရုဆုတောင်းနေစဉ် သူမြင်သော ရူပါရုံတွင် ဝိညာဉ်တော် လှုပ်ရှားလျက်၊ ဘုရားသခင်ကို ကြောက်ရွံ့သော တစ်ပါးအမျိုးသား ကော်နေလိအား အမှုဆောင်ရန် ပေတရု စေစားခံရသည်။ တစ်ပါးအမျိုးသားများနှင့် ပေါင်းဖော်ခြင်းမပြုရန် ယုဒလူမျိုးတို့၏ပညတ်နှင့် စပ်လျဥ်း၍ သုံးသပ်ရန် ပေတရုကို ဘုရားရှင်မစခဲ့သည်။ တမန်တော်သည် နားထောင်ပြီး ယေရှု၏သတင်းကောင်းကို…