ဘုရားသခင်၏အလိုတော်၌ တည်ကြည်ခိုင်မြဲခြင်း
၁၉၅၇ ခုနှစ်စစ်ပွဲအကြောင်း ရိုက်ကူးထားသည့် ခွိုင်မြစ်ပေါ်မှတံတား (The Bridge on the River Kwai) ရုပ်ရှင်သည် အလွန်နာမည်ကျော်ကြားသဖြင့် ရုပ်ရှင်ပရိတ်သတ်များသည် တကယ့်သံတံတားကို ရှာဖွေရန် ထိုင်းနိုင်ငံ၊ ကန်ချနဘူရီမြို့သို့ အဖွဲ့လိုက်လာရောက်ခဲ့ကြသည်။ တံတားကို တွေ့ရှိခဲ့သော်လည်း ထိုတံတားမှာ ခွိုင်မြစ်တွင် ရှိမနေဘဲ မြစ်နာမည်မှားပြီး ဇာတ်ကားနာမည် မှားပေးမိခဲ့ခြင်းဖြစ်သည်။ သို့ရာတွင် များမကြာမီ လူတို့မျှော်လင့်ထားသည်နှင့် ကိုက်ညီစေရန် မဲခလောင်မြစ်၏ ထိုအပိုင်းကို ခွေရိုင်(ခွိုင်)ဟုပြန်လည် မှည့်ခေါ်ခဲ့သည်။
အခြားသူတို့၏မျှော်လင့်ချက်များကြောင့် မိမိ၏မြင့်မြတ်သောဘုရားပေး တာဝန်မှ လမ်းလွဲသွားရန် သခင်ယေရှု ဘယ်တော့မှ ခွင့်မပြုခဲ့ပေ။ သူပြုသည့် အံ့ဖွယ်နိမိတ်များကို ကြားရသည့် လူအုပ်ကြီးသည် ကိုယ်တော့်ကို တွေ့ရန် ရောက်ရှိလာသည်(ယော ၆:၂)။ ကိုယ်တော့်ကို တွေ့ပြီး၊ ကိုယ်တော်သည် ကတိထားတော်မူသော မေရှိယဖြစ်ကြောင်းကို ယုံကြည်သည့်အတွက် သူတို့အား ရောမအုပ်ချုပ်မှုမှ ကယ်တင်ရန် ကိုယ်တော်အား စစ်ခေါင်းဆောင်တစ်ဦးအဖြစ်…
ပိုးဖလံများကို ဘုရားသခင် စေလွှတ်ပါသလား
“ဖေဖေ ဒီကိုလာ!”ဟု သမီး၏အော်ငိုသံမှာ ပိုးဖလံကြောင့်ဟု ကျွန်တော်သိလိုက်သည်။ နွေဦးရာသီရောက်တိုင်း အင်းဆက်ပိုးမွှားအုပ်သည် အမေရိကန်နိုင်ငံ နာဘရာစကား (Nebraska) လွင်ပြင်မှ ကော်လိုရာဒို(Colorado) တောင်တန်းများဆီသို့ ဖုန်များနှင့်အတူ ပြောင်းရွှေ့လာသည်။ နှစ်စဉ်ဖြစ်နေကျဖြစ်၍ ကျွန်တော်တို့ သတိနှင့်သာ နေနေရသည်။ ဤနှစ်က အထူးသဖြင့် ပိုဆိုးသည်။
ပိုးဖလံများသည် တစ်ခါတစ်ရံ မျက်နှာသို့တိုးဝင်လေ့ရှိသည့် လူတို့မလိုလားသော ပိုးမွှားများ ဖြစ်သည်။ သို့သော် ငှက်များအဖို့ ပွဲတော်ပင်။ အနည်းငယ်လေ့လာကြည့်ရာ၊ ပိုးဖလံများသည် ဒေသရှိငှက်များအတွက် မယုံနိုင်လောက်စရာ အာဟာရများပေးကြောင်း သိလိုက်ရသည်။ ဤပိုးဖလံများကြောင့် စိတ်အနှောင့်အယှက် ဖြစ်ရသလို ၎င်းတို့သည် ငှက်များအတွက် အမှန်ပင် “မန္န” ပိုးဖလံများဖြစ်သည်။
သခင်ယေရှုခေတ်က ဣသရေလပြည်တွင် ပိုးဖလံများ ပြောင်းရွှေ့ခြင်းရှိမရှိ ကျွန်တော်မသိပါ။ သို့သော် ထိုနေရာရှိ ငှက်များအတွက် ဘုရားသခင်၏ ဖြည့်ဆည်းထောက်ပံ့ပေးမှုကို ခရစ်တော် သတိပြုမှတ်သားပြီး၊ တောင်ပေါ် ဒေသနာ၌ “မိုးကောင်းကင်၌ ကျင်လည်သောငှက်များကို…
ခရစ်တော်၌ တစ်လုံးတစ်ဝတည်းဖြစ်သည်
ပထမဆုံးထုတ်ဝေသော အာဖရိကန်အမေရိကန်ကဗျာဆရာမ ဖစ်လစ် ဝိဒ်လေ (Phillis Wheatley)သည် သခင်ယေရှုကို ယုံကြည်သူများအား ကျွန်စနစ်ဖျက်သိမ်းရေးအတွက် ဆွဲဆောင်ရန် သမ္မာကျမ်းစာမှ အကြောင်းအရာများကို အသုံးပြုခဲ့သည်။ ၁၇၅၃ ခုနှစ်ဝန်းကျင်တွင် အာဖရိကအနောက်ပိုင်းတွင် မွေးဖွားခဲ့သူ ဝိဒ်လေသည် ၇ နှစ်သမီးအရွယ်တွင် ကျွန်ကုန်သည်ထံ ရောင်းစားခံခဲ့ရသည်။ သူမသည် ပညာအရာ၌ တစ်မူထူးစွာ ထူးချွန်ထက်မြက်သော ကျောင်းသူအဖြစ် ဂုဏ်ဆောင်ထင်ရှားခဲ့ပြီ၊ နောက်ဆုံး ၁၇၇၃ ခုနှစ်တွင် ကျွန်ဘဝမှ လွတ်မြောက်လာခဲ့သည်။ သူမ၏ကဗျာများနှင့် ပေးစာပြန်စာများတွင်၊ ဝိဒ်လေသည် လူအားလုံး ၏ တန်းတူညီမျှရေးဆိုင်ရာ ကျမ်းစာမှဖော်ပြချက်များကို လက်ခံယုံကြည်ရန် စာဖတ်သူများကို တွန်းအားပေးခဲ့သည်။ သူမက “လူသားတိုင်း၏ရင်၌ ဖိနှိပ်မှုကို သည်းမခံခြင်း၊ လွတ်မြောက်ခြင်းကို တောင့်တခြင်းဆိုသည့် လွတ်လပ်ခြင်းမေတ္တာဟုခေါ်သည့် နိယာမတစ်ခုကို ဘုရားသခင်စိုက်ထူထားသည်။... ထိုနိယာမသည် ကျွန်ုပ်တို့ အတွင်း၌ ရှင်သန်တည်နေသည်”ဟု ရေးသားခဲ့သည်။
ဘုရားသခင်ရှေ့၌ သာတူညီမျှဖြစ်ခြင်းကို အလေးပေးလျက်…
သာမန်လူမရှိ
ဘဏ်နံရံပေါ်၌ ၎င်းအဖွဲ့အစည်း၏မူကို စကားလုံးတစ်လုံးတည်းဖြင့် အကျဉ်းချုပ် ဖော်ပြလျှင် - “လောကဝတ်” ဖြစ်သည်ဟု ထုတ်ပြန်ထားသည်။ ထိုနေရာတွင် ကျွန်မ၏ ဘဏ်စာရင်းလုပ်ဆောင်မှုအား ကူညီပေးသူ၌ ယဉ်ကျေးပျူငှာမှုကို တွေ့ရှိရသည်မှာ ကြည်နူးစရာကောင်းလှပါဘိ။
ကြမ်းတမ်းပြီး ကြင်နာမှုကင်းသော ကမ္ဘာကြီးတွင် ယဉ်ကျေးပျူငှာစွာ ပြုမူခြင်း၏လှုံ့ဆော်တွန်းပို့မှုက အကျိုးရှိလှသည့် အကြံဉာဏ်ဖြစ်သည်။ တမန်တော်ပေါလု၏ သူ့မိတ်ဆွေတိတုထံ ပေးစာတွင် ဤအယူအဆကို တွေ့ရသည်။ တိတုကို သူ၏အသင်းသားတို့အား “အဘယ်သူကိုမျှမကဲ့ရဲ့၊ ရန်တွေ့ခြင်းကိုမပြု၊ ဖြည်းညင်းသော သဘောရှိ၍၊ ခပ်သိမ်းသောသူတို့၌ အလွန်နူးညံ့သိမ်မွေ့စွာ ပြုစေခြင်းငှာ” သတိပေးရန် ရှင်ပေါလုညွှန်ကြားခဲ့သည် (တိတု ၃:၂)။ ယဉ်ကျေးပျူငှာသော ဤအယူအဆကို “ငြိမ်ဝပ်စွာ ထောက်ထား စာနာမှု” (NIV) သို့မဟုတ် “အရာရာ၌ စာနာထောက်ထားမှုကို ပြသခြင်း”ဟုလည်း ပြန်ဆိုထားသည်။
အခြားသူများအား ကျွန်ုပ်တို့ဆက်ဆံပုံက ၎င်းတို့အား ဘုရားသခင်၏ ပုံသဏ္ဌာန်တော်ကို ဆောင်သူအဖြစ် ကျွန်ုပ်တို့မြင်သည်၊ မမြင်သည်ကို…
ဘုရားသခင်၏ကတိတော်များကို စွဲကိုင်ခြင်း
အပယ်ခံရသည်ဟု ဝင်ဒီ (Wendy)အနည်းငယ် ခံစားရသည်။ နေ့လယ်စာစားချိန်အတွင်း အလုပ်ရှင်သူဌေးက သူမ၏စားပွဲမှလွဲ၍ လူတိုင်း၏စားပွဲ၌ ချောကလက် ထားခဲ့သည်။ နားမလည်နိုင်ဘဲ “သူက ငါ့ကို ဘာလို့ချန်ထားခဲ့တာလဲ”ဟု သူငယ်ချင်းရှေ့၌ ညည်းမိသည်။
သို့နှင့် သူဌေးကိုမေးရာ “ဒီချောကလက်တွေက ကောင်းတုန်းပဲ။ ဒါပေမဲ့ ထုတ်လုပ်တဲ့အချိန်က အတော်ကြာနေပြီ။ ဝင်ဒီမှာ ကိုယ်ဝန်ရှိနေလို့ ဒီထက်ပိုပြီး ဘေးကင်းအောင်လို့ပါ” ဟုရှင်းပြပြီး၊ “ကျန်တဲ့သူတွေကတော့... ” ဟုပြောကာ ရယ်လိုက်သည်။
ထိုအဖြစ်အပျက်လေးသည် ရုံးတွင်း ရယ်စရာတစ်ခုဖြစ်ခဲ့သော်လည်း ကျွန်ုပ်တို့၏သိမြင်နားလည်နိုင်စွမ်းက အကန့်အသတ်ရှိခြင်းကြောင့် ရံဖန်ရံခါ တွင် ဘုရားသခင်၏ရည်ရွယ်ချက်များကို လွဲမှားမှတ်ယူတတ်ကြောင်း ကျွန်ုပ်တွေးမိသည်။ ဘုရားသခင်၏စိတ်၌ ကျွန်ုပ်တို့အတွက် အမြဲတမ်း အကောင်းဆုံး ဖြစ်ချင်ကြောင်းကို မေ့လျော့ပြီး၊ မိမိကိုယ်ကို တရားမျှတမှုမဲ့စွာ ဆက်ဆံခံရသည့် သားကောင်များဟု ကျွန်ုပ်တို့ ခံယူမိကာ၊ ထိုသို့ အမြဲပငတွေးတတ်သည်။
ဟေရှာယ ၅၅:၈-၉ တွင် ဘုရားသခင်၏အကြံဉာဏ်နှင့် နည်းလမ်းများကို…
ဝိညာဉ်တော်အားဖြင့် ပြောင်းလဲခံရသည်
နီးလ်ဒေါက်ကလက်စ် (Neil Douglas)သည် အိုင်ယာလန်နိုင်ငံ(Ireland)သို့ သွားမည့် လေယာဉ်ပေါ်တွင် သူ့ထိုင်ခုံ၌ အခြားခရီးသည် တစ်ဦးရှိနေသဖြင့် ၎င်းကို ဖြေရှင်းရန် စကားစလိုက်သည်။ ထိုခရီးသည်က မော့ကြည့်ရာ နီးလ်မှာ သူနှင့်ပုံစံတူသူနှင့် မျက်နှာချင်းဆိုင်တွေ့လိုက်ရသည်။ အခြားခရီးသည်များက ပုံစံတူအမျိုးသားနှစ်ယောက်ကို ကြည့်ပြီး ရယ်မောကြစဥ် နီးလ်တို့ နှစ်ဦးသား ဆယ်လ်ဖီရိုက်ခဲ့သည်။ ထိုနောက် တည်းခိုမည့် ဟိုတယ်တစ်ခုတည်းဖြစ်နေ၍ သူတို့ပြန်ဆုံခဲ့ပြီး၊ တတိယအကြိမ်တွင်မူ ဒေသခံအရက်ဆိုင်တွင် ထပ်ဆုံပြန် သည်။ နောက်တစ်နေ့မနက်တွင် ထူးထူးခြားခြား တူညီသော မျက်နှာသွင်ပြင်ကြောင့် သူတို့၏ဆယ်လ်ဖီဓာတ်ပုံမှာ ဆိုရှယ်မီဒီယာတွင် ပျံ့နှံ့သွားကြောင်း သိလိုက်ရသည်။
မွေးချင်းအမြွှာမဟုတ်ဘဲ အခြားလူတစ်ဦးနှင့် ဆင်တူခြင်းက အံ့အားသင့်စရာဖြစ်သော်လည်း ဘုရားသခင် နောက်တော်လိုက်လျှောက်သည့်အခါ ကျွန်ုပ်တို့သည် ဘုရားသခင်နှင့် ပို၍တူလာမည်ဟု သမ္မာကျမ်းစာက ဖော်ပြထားသည်။ ဓမ္မဟောင်းကျမ်းတွင် ဘုရားသခင်နှင့် မျက်နှာချင်းဆိုင်တွေ့ဆုံခြင်းဖြင့် မောရှေ၏ မျက်နှာပြောင်းလဲသွားပြီး၊ “မောရှေ၏မျက်နှာမှထွက်သောရောင်ခြည်ကြောင့် ဣသရေလအမျိုးသားတို့သည် သူ၏မျက်နှာကို စေ့စေ့မကြည့်ရှုနိုင်”ပါ…
မျှော်လင့်ချက်မဲ့သောအမှုကိစ္စများ
အေမီ(Amy)နှင့် အယ်လန်(Alan)တို့၏ မွေးကင်းစသမီးငယ်ဂျမ်(Jem)အတွက် မျှော်လင့်ချက်ဂိတ်ဆုံးနေသော အခြေအနေပါ။ Trisomy-18 ဟူသော မွေးရာပါ ရောဂါတစ်မျိုးကြောင့် လာမည့်ရက်သတ္တပတ်အထိ အသက်ရှင်နိုင်တော့မည်မဟုတ်ချေ။ “သူ့ကို ကုသလည်း အကျိုးမထူးနိုင်ဘူး” ဟု ဆရာဝန်က အေးစက်စွာပြောခဲ့သည်။ သို့သော် “ကျွန်မသမီးအတွက် ကျွန်မမှာ ပိုကြီးမားတဲ့ အိမ်မက်တွေရှိတယ်”ဟု မိခင်က ပြန်လည်တုံ့ပြန်ခဲ့သည်။ သူတို့သည် ဂျမ်ကို အိမ်ပြန်ခေါ်သွားခဲ့ပြီး ချစ်ခြင်းမေတ္တာပြသခဲ့သည်။ ထို့နောက် သူတို့ဆုတောင်းခဲ့ကြသည်။
ခြောက်နှစ်ကြာပြီးနောက် ဂျမ်သည် သူမ၏ကိုယ်တွင်းရှိအကျိတ်ကို ခွဲစိတ်ဖယ်ရှားရန် လိုအပ်သည်တွင် ယခင်က ဆရာဝန်မှာ သူတို့ထံလာပြီး “ခင်ဗျားတို့ ဘာတွေးနေလဲ ကျွန်တော်သိတယ်။ ဒါပေမဲ့ ကျွန်တော့်ကို ဒုတိယအခွင့် အရေးပေးပါ”ဟုပြောကာ ဂျမ်နှင့် ပတ်သက်ပြီး သူမှားခဲ့ကြောင်းဝန်ခံခဲ့သည်။ “ကျွန်တော့်ကို ပြန်လည် အဖတ်ဆယ်ခွင့်ပေးပါ”ဟု သူတောင်းဆိုသည်။ အေမီနှင့် အယ်လန်တို့ငြင်းနိုင်သော်လည်း ဘုရားရှင်၏ခွင့်လွှတ်ခြင်းတန်ခိုးကို သူတို့နားလည်ပါသည်။
ဓမ္မဟောင်းကျမ်းမှ ပရောဖက်များသည် ဘုရားသခင်၏တရားစီရင်ခြင်းသတင်းများကို ဟောပြောရလေ့ရှိသည်။သို့သော်…
သင့်ဖခင်လိုချင်သည့်အရာ
စတိဗ်သည် သူ၏လွှစက်ကိုကိုင်ကာ တောဘက်သို့ ထွက်လာခဲ့သည်။ ထိုအချိန်၌ “ဖေဖေ၊ သားကို စောင့်ပါဦး။ သားလည်းလိုက်ချင်တယ်”ဟု အသက် ၅ နှစ် အရွယ် သားငယ် ဩဂတ်စ်လေး၏အသံကို ကြားလိုက်သည်။ သူ၏ကစားစရာသံလွှလေးနှင့် အလုပ်လက်အိတ်ကို ယူပြီး၊ နားအုပ်သားမွေးကို ဆောင်းကာ ဩဂတ်စ်သည် ဖခင်နောက်သို့ လိုက်ခဲ့သည်။ စတိဗ်သည် ဩဂတ်စ်အတွက် သစ်တုံးအချို့ကို အန္တရာယ်ကင်းလောက်သည့်နေရာတွင် ချပေးခဲ့သည်။ ၁၀ မိနစ်ကြာပြီးနောက် ဩဂတ်စ်ကလေး ပင်ပန်းသွားခဲ့သည်။ သံလွှအတုလေးနှင့် သစ်တုံးဖြတ်ရသည်မှာလည်း ခက်ခဲသည့်အလုပ်ပင်။ သို့သော် ဖခင်အား ကူညီရသည်ကို သူပျော်ပြီး၊ ဖခင်ကလည်း သားလေးနှင့်အချိန်အတူကုန်ဆုံးရသည်ကို နှစ်သက်သည်။
ကျွန်ုပ်တို့၏ကောင်းကင်ဘုံအဘသည်လည်း ထိုနည်း၎င်းပင် မဟုတ်ပါလား။ ကျွန်ုပ်တို့က ကူညီနေသည်ပဲဆိုကြပါစို့။ “စောင့်ပါဦးအဖေ။ သံလွှလေး ယူပါရစေအုံး”ဟု ကျွန်ုပ်တို့ဆိုမည်။ သို့သော် ကျွန်ုပ်တို့အပိုင်းတွင် သံလွှသည် အရေးမကြီးဆုံးသောအရာဖြစ်သည်။ မိမိထင်နေသလို ကျွန်ုပ်တို့ ကူညီနေသည် မဟုတ်ပါ။…
ယုံကြည်ခြင်း၌ မြဲမြံစွာရပ်တည်ခြင်း
လွန်ခဲ့သောနှစ်အတန်ကြာက အလုပ်သို့ ရထားစီးသွားရန် ဘူတာသို့လမ်းလျှောက်သွားစဉ် ကျွန်မဘက်သို့ လာနေသည့် ရန်လိုနေပုံပေါက်သည့်ခွေးနှင့်၎င်း၏ပိုင်ရှင်အမျိုးသမီးကို တွေ့ခဲ့ရသည်။ အိမ်မွေးခွေးများအနီးအနား၌ ကျွန်မကြီးပြင်းလာခဲ့၍ အမွှေးထူထူနှင့်မိတ်ဆွေများကို တော်ရုံ ကျွန်မကြောက်လေ့မရှိပါ။ သို့သော် ထိုခွေးသည် အလွန်အန္တရာယ်ရှိပုံပေါ်ပြီး၊ ၎င်းကို မသိလိုက်ဘာသာနေရန် ကြိုးစားခဲ့သော်လည်း နီးလာလေ ကျွန်မကို ဟောင်ပြီး လှမ်းခုန်အုပ်မည်ပြုသော ကြောင့် ကျွန်မ အော်လိုက်မိသည်။ ထိုခွေးသည် ကျွန်မကို မမှီသောကြောင့် ကျွန်မကို အန္တရာယ်မပြုနိုင်ခဲ့၍ တော်တော့သည်။ ပိုင်ရှင်က ခွေးထိန်းကြိုးကို သေချာ တင်းကြပ်စွာ ကိုင်ထားခဲ့သောကြောင့်ပင်။
ထိုကြောက်စရာအတွေ့အကြုံက စာတန်သည် “ထိန်းသိမ်းခံ”ထားရသော်လည်း ကျွန်မတို့ သူ့အား အခွင့်ပေးလိုက်သည်နှင့် ကျွန်မတို့ကို တိုက်ခိုက်ရန် စောင့်နေကြောင်း ခရစ်တော် နောက်တော်လိုက် ယုံကြည်သူများအား သတိပေးနေသည်။ ၁ပေတွင် ရှင်ပေတရုက “သင်တို့၏ရန်သူတည်းဟူသော မာရ်နတ်သည် ဟောက်သောခြင်္သေ့ကဲ့သို့ အဘယ်သူကိုမျိုရမည် နည်းဟူ၍လှည့်လည်ရှာဖွေလျက်ရှိ၏”ဟူ၍ ကျွန်မတို့ကို သတိပေးသည်(၅:၈)။ စာတန်သည်…
ရက်ရောသောနှလုံးသား
အင်္ဂလိပ်ပထမတန်းဘောလုံးကလပ်(ပရီးမီးယားလိဂ်)တွင် လီဗာပူးလ်အသင်းအတွက် ဆီနီဂေါနိုင်ငံမှ နာမည်ကျော်ဘောလုံးကစားသမား ဆာဒီယိုမာနေး (Sadio Mane)ကစားစဉ်က သူသည် အာဖရိကန်ကစားသမားများတွင် ကြေးအမြင့်ဆုံးရသော ကစားသမားတစ်ဦးဖြစ်ပြီး၊ နှစ်စဉ်ဒေါ်လာသန်းနှင့်ချီ၍ဝင်ငွေရသည်။ ဖုန်း မျက်နှာပြင်အကွဲနှင့်အိုင်ဖုန်းကိုသာကိုင်သည့် မာနေး၏ပုံကို ပရိသတ်များတွေ့သည့် အခါ ဖုန်းအစုတ်ကိုင်သည့်သူ့ကို ပရိသတ်များဟာသလုပ်ကြသည်။ သူ့တုံ့ပြန်မှုမှာ အေးဆေးပင်။ “ဘာလို့ ငါက ဇိမ်ခံ ဖာရာရီကား ၁၀ စီး၊ စိန်လက်ပတ်နာရီအလုံး ၂၀ နဲ့ ဂျက် လေယာဉ် ၂စီး လိုချင်ရမှာလဲ။ ငါငတ်မွတ်ခဲ့ဖူးတယ်။ လယ်ကွင်းထဲမှာ အလုပ်လုပ်ခဲ့ဖူးတယ်။ ဖိနပ်မပါဘဲ ကစားခဲ့ဖူးတယ်။ ကျောင်းလည်း မနေခဲ့ရဘူး။ ဒါပေမဲ့ အခု ငါလူတွေကို ကူညီနိုင်ပြီ။ ကျောင်းတွေဆောက်ပေးဖို့၊ ဆင်းရဲတဲ့သူတွေကို အစားအစာနဲ့ အဝတ်အထည်တွေပေးဖို့၊ ဘဝမှာ ငါခံစားရတဲ့အရာတစ်ချို့ကို ပေးကမ်းဖို့ကိုပဲ ငါပို သဘောကျတယ်”ဟု သူပြောခဲ့သည်။
သူ၏ဇာတိနိုင်ငံရှိ သူ့အိမ်နီးချင်းများ ကြပ်တည်း ရုန်းကန်နေရသည့်အခြေ အနေတွင်…