တောင့်တမှု ပြည့်စုံခြင်း

ကျွန်ုပ်တို့အတွင်း၌ အနန္တဘုရားသခင်သာလျှင် ဖြည့်စွမ်းနိုင်သော “အဆုံးမရှိသော ချောက်ကြီး” ရှိကြောင်းပြောခဲ့သည့် Blaise Pascal(ဘလိတ်စ်ပါစ်ကယ်)၏ စကားက ကျော်ကြားသည်။ “အို ဘုရားသခင်၊ ကိုယ်တော်သည် အကျွန်ုပ်တို့ကို ကိုယ်တော်အတွက် ဖန်ဆင်းတော်မူပြီ၊၊ အကျွန်ုပ်တို့ စိတ်နှလုံးသည် ကိုယ်တော်၌ မတည်မီတိုင်အောင် မငြိမ်သက်နိုင်ပါ”ဟု Augustine(သြဂတ်စတင်း)က ဆုတောင်းခဲ့သည်။ ဒါဝိဒ်ကလည်း “ရေမရှိ၊ သွေ့ခြောက်သောလွင်ပြင်၌ အကျွန်ုပ်၏ဝိညာဉ်သည် ကိုယ်တော်ကို ငတ်ပါ၏”ဟု ဆိုသည်(ဆာ ၆၃:၁)။

သို့သော် အံ့သြစရာမှာ၊ လူသားများသာ တောင့်တမှုကို ခံစားရသည် မဟုတ်ပါ။ ဘုရားသခင်လည်း ခံစားရသည်။ စကြဝဠာကို အစိုးပိုင်သော အနန္တ ဘုရားသခင်သည် မည်သည့်အရာမျှ မလိုအပ်သော်လည်း၊ ကျွန်ုပ်တို့ လမ်းလွဲသောအခါ ကျွန်ုပ်တို့အား ပြန်လာစေလိုပြီး(ယာ ၄:၄-၅)၊ သူ၏လူများဟု သူခေါ်နိုင်သည့် လူများကို အလိုရှိကြောင်း အထပ်ထပ် ပြောထားသည် (ထွ ၆:၇၊ ဟေဗြဲ ၈:၁၀)။…

မျှော်လင့်မထားသော ကြားဖြတ်ဝင်လာသည့်အရာများ

အစောကြီးကတည်းက တစ်နေ့တာလုပ်စရာများကို စာရာ စာရင်းချရေးခဲ့သည်။ သို့သော် ငယ်ငယ်ရွယ်ရွယ်နှင့်ရုန်းကန်နေရသော မိသားစုတစ်စု၏ တောင်းဆိုမှုက ကြားဖြတ်ဝင်လာသည်။ အသင်းတော်မှပေးသော ဂတ်စ်ဝယ်ရန် ကတ်ကို သူတို့အရေးတကြီး လိုအပ်နေသည်။ အလုပ်ရှုပ်နေသော်လည်း ဘုရားသခင်က သူမအား ဤအရာကို လုပ်စေချင်ကြောင်း စာရာ သိသည်။ ထို့ကြောင့် ရက်သတ္တပတ်အတန်ကြာ နေထိုင်ရန် အသင်းတော်မှစီစဉ်ပေးထားသော ထိုမိသားစုတည်းသည့် ဟိုတယ်သို့ သွားပေးရန် သူမ သဘောတူလိုက်သည်။ သူမသည် ကတ်ကိုရခဲ့ပြီး လိပ်စာကို ကြည့်လိုက်ရာ၊ သူခန့်မှန်းထားသည်ထက် ပိုဝေးသဖြင့် “ဆီပိုကုန်တော့မှာပဲ”ဟု ဘုရားရှင်အား သူ စောဒက တက်မိသည်။

သို့သော် “ငါမင်းကို မထောက်ပံ့ပေးဘူးလား”ဟူသည့် စကားများကို သူမ၏ စိတ်၌ခံစားမိပြီး၊ “ကိုယ်တော်ထောက်ပံ့ပါတယ်။ ကျွန်မရဲ့စိတ်ထားကို ခွင့်လွှတ်ပေး ပါ”ဟု စာရာဆုတောင်းခဲ့သည်။ ဟိုတယ်သို့ သူမရောက်သွားပြီး ထိုဇနီးမောင်နှံ နှင့် တွေ့ဆုံကာ ကတ်ကိုပေးရင်း သူတို့၏ရင်သွေးလေးကို ပွေ့ချီပေးခဲ့သည်။ အိမ်အပြန်လမ်းတွင်…

ခရစ်တော်အားဖြင့် ရရှိသောအခွင့်ထူး

(NBA)အမျိုးသား ဘတ်စကက်ဘောအသင်း ဒါးလက်စ်မာဗာရစ်(Dallas Mavericks)၏အသင်းပိုင်ရှင်က ချီကာဂိုအားကစားစကားဝိုင်း ရေဒီယိုအစီအစဥ် တင်ဆက်သူအား သူ့နာမည်ကို “ဒါးလက်စ်မာဗာရစ်” သို့ တရားဝင် ပြောင်းရန် ဒေါ်လာတစ်သိန်းပေး၍ ကမ်းလှမ်းခဲ့သည်။ ထို့အပြင် ထိုသူအနှစ်သက်ဆုံး ပရဟိတအဖွဲ့သို့ ဒေါ်လာတစ်သိန်းလှူဒါန်းပေးမည်ဟုလည်း ပြောကြားခဲ့သည်။ မိမိကိုယ်ကို အလေးအနက်သုံးသပ်ပြီးနောက် ထိုသူက ပြတ်သားစွာ ငြင်းဆိုခဲ့သည်။ “ငွေရရင် ဘာမဆိုလုပ်မယ်လို့ ကျွန်တော်ပြောတယ်ဆိုရင် အဲဒါက ကျွန်တော့်ကို စိတ်အနှောင့်အယှက်ဖြစ်စေတယ်။ ကျွန်တော့်နာမည်က ကျွန်တော့်ရဲ့ အခွင့်အရေးနဲ့ဖြစ်တည်မှုပါ။ ကျွန်တော့်ရဲ့ဂုဏ်သိက္ခာနဲ့ ကျွန်တော့်အပေါ် အများက ယုံကြည်လက်ခံထားမှုကို ထိန်းသိမ်းချင်ပါတယ်”ဟူ၍ ရှင်းပြခဲ့သည်။

အစီအစဥ်တင်ဆက်သူ၏အမည်သည် သူ၏အခွင့်အရေးဖြစ်သကဲ့သို့၊ ရှေးဦး သခင်ယေရှုကို ယုံကြည်သူများသည် သူတို့၏ဝိညာဉ်ရေးရာ အခွင့်ထူးအဖြစ် “ခရစ်ယာန်”ဟူသည့် အမည်ကို ခံယူခဲ့ကြသည်။ ဗာနဗနှင့် ရှောလုတို့ သည် အန္တိအုတ်မြို့၌ တစ်နှစ်တာ အမှုဆောင်ခဲ့ကြပြီး သတင်းကောင်း ဟောပြောခြင်းဖြင့် အသင်းတော်တိုးပွားလာခဲ့သည်။ အန္တိအုတ်မြို့၌ ရှေးဦး…

လူအမျိုးမျိုးတို့တွင်

လန်ဒန်မြို့တော်သည် နိုင်ငံတကာမှလူမျိုးပေါင်းစုံနှင့် အတူယှဥ်တွဲနေထိုင်သော မြို့ကြီးဖြစ်သည်။ ကမ္ဘာတစ်ဝန်းမှလူများ စုပေါင်းဆုံလာခြင်းသည် အံ့သြဖွယ် အစားအစာနှင့် စိန်ခေါ်မှုများစွာကို ယူဆောင်လာနိုင်သည်။ ဥပမာ- ဥရောပနိုင်ငံတစ်ခုမှ ကျွန်ုပ်၏မိတ်ဆွေများက ၎င်းတို့၏နိုင်ငံသည် မကြာမီကမှ ဥရောပ သမဂ္ဂအဖွဲ့ဝင်ဖြစ်ခဲ့ခြင်းကြောင့် လန်ဒန်တွင် သိပ်လေးစားမှု မခံရခြင်းဖြစ်နိုင်ကြောင်း ပြောလာ၍ ကျွန်ုပ်စိတ်မကောင်းဖြစ်မိသည်။ သူတို့သည် လျစ်လျူရှုခံရသည်၊ ပြဿနာများအတွက် အပြစ်တင်ခံရသည်၊ သူတို့မနှစ်မြို့သောအလုပ်များ လုပ်ကိုင်ရင်း ဘဝရှင်သန်နေရသည်။

ဘုရားသခင်သည် ဘက်လိုက်ခြင်းမရှိသောကြောင့် ကျွန်ုပ်တို့လည်း ဘက်မလိုက်သင့်ပါ။ လူတို့ကြားရှိ အတားအဆီးများကို ကိုယ်တော် ဖြိုခွင်းဖယ်ရှားပေးပါသည်။ ခေါင်မိုးပေါ်၌ ပေတရုဆုတောင်းနေစဉ် သူမြင်သော ရူပါရုံတွင် ဝိညာဉ်တော် လှုပ်ရှားလျက်၊ ဘုရားသခင်ကို ကြောက်ရွံ့သော တစ်ပါးအမျိုးသား ကော်နေလိအား အမှုဆောင်ရန် ပေတရု စေစားခံရသည်။ တစ်ပါးအမျိုးသားများနှင့် ပေါင်းဖော်ခြင်းမပြုရန် ယုဒလူမျိုးတို့၏ပညတ်နှင့် စပ်လျဥ်း၍ သုံးသပ်ရန် ပေတရုကို ဘုရားရှင်မစခဲ့သည်။ တမန်တော်သည် နားထောင်ပြီး ယေရှု၏သတင်းကောင်းကို…

ယုံကြည်ခြင်းနှင့်မှားယွင်းသော စွပ်စွဲချက်

လေပြင်းတိုက်ခတ်မှုကြောင့် မီးသည် ရက်အတန်ကြာ ဆက်လောင်ကျွမ်းခဲ့သည်။ သမိုင်းပညာရှင် Tacitus (တက်ဆီတပ်စ်)က မြို့သူမြို့သားများ အသက်လုပြီး အော်ဟစ်ပြေးလွှားနေသည့် ဖရိုဖရဲ မြင်ကွင်းကို ဖော်ပြခဲ့သည်။ နောက်ဆုံးတွင် ရောမမြို့ကြီးမှာ သုံးပုံနှစ်ပုံနီးပါး ပြာကျပျက်စီးသွားခဲ့သည်။ ရောမဧကရာဇ် နီရိုးက သခင်ယေရှုကို ယုံကြည်သူများကြောင့် မီးစတင်လောင်သည်ဟု မှားယွင်းစွာ စွပ်စွဲခဲ့သည်။ သူသည် ခရစ်ယာန်များကို မုန်းတီးပြီး ထိုကပ်ဘေးအတွက် အပြစ်ပုံချရန် သူတို့အား ရွေးချယ်ခဲ့ပြီး၊ သူကိုယ်တိုင် အမိန့်ပေးခဲ့သည်ဟု ကောလာဟလသတင်းများထွက်ပေါ်သည်။

နေဟမိသည် ပြင်းထန်မှားယွင်းသောစွပ်စွဲချက်ကို ရင်ဆိုင်ခဲ့ရသည်။ သူသည် ပါးရှားဘုရင်ကို ခစားအစေခံသူ ဖြစ်သော်လည်း ယေရုရှလင်မြို့ရိုးတံတိုင်းကို ပြုပြင်ရန် အခြားဣသရေလလူမျိုးများနှင့်အတူ ယေရုရှလင်မြို့သို့ ပြန်ခွင့်ရခဲ့သည် (နေ ၂:၁-၁၀)။ သို့ရာတွင် တံတိုင်းကို ပြုပြင်သောအခါတွင်၊ ရန်သူများက ယုဒလူများသည် “ပုန်ကန်”မည့်အကြံနှင့် နေဟမိကို “သူတို့၏ဘုရင်”အဖြစ် တင်မြှောက်ကြပြီဟု စွပ်စွဲခဲ့သည် (၆:၆)။ ထိုသို့…

သခင်ယေရှုအတွက် ရပ်တည်ရဲသော ခွန်အားသတ္တိ

အေဒီ ၁၅၅ တွင်၊ ကနဦးအသင်းတော်များ၏ဖခင်ကြီး ပိုလီကာ့ပ်(Polycarp) သည် ခရစ်တော်ကို ယုံကြည်ခြင်းကြောင့် မီးရှို့သတ်ဖြတ်ခံရမည်ဟု ခြိမ်းခြောက် ခံခဲ့သည်။ “ကျွန်ုပ်သည် ၈၆ နှစ် ပတ်လုံး သူ၏အစေခံဖြစ်ခဲ့ပြီး၊ သူသည် ကျွန်ုပ် အပေါ် မည်သည့်အမှားမျှ မလုပ်ခဲ့ပါ။ ယခုမှာ ကျွန်ုပ်ကိုကယ်တင်သော ကျွန်ုပ်၏ ရှင်ဘုရင်အား မည်သို့ ကဲ့ရဲ့ရှုတ်ချနိုင်မည်နည်း။” ကျွန်ုပ်တို့၏ဘုရင်ယေရှုခရစ်ကို ယုံကြည်ခြင်းကြောင့် အခက်အခဲ ကြီးကြီးမားမား ကြုံရသောအခါ ပိုလီကာ့ပ်၏ တုံ့ပြန်ချက်သည် ကျွန်ုပ်တို့အတွက် ခွန်အားဖြစ်စေနိုင်သည်။

ခရစ်တော်အသေခံခြင်း မတိုင်မီတွင် ပေတရုက “ကိုယ်တော်အဖို့ အကျွန်ုပ် အသက်ကို စွန့်ပါမည်” (ယော ၁၃:၃၇)ဟု သူ၏သစ္စာခံမှုကို ရဲရင့်စွာ ကတိပြုခဲ့သည်။ ပေတရု သူ့ကိုယ်သူသိသည်ထက် သူ့အား ပိုသိကျွမ်းသော သခင်က “ငါအမှန်အကန်ဆိုသည်ကား၊ ကြက်မတွန်မီ သင်သည် သုံးကြိမ်မြောက်အောင် ငါ့ကို ငြင်းပယ်လိမ့်မည်” ဟု…

ကြီးမားလာသော နှလုံးသား

သြဂတ်စတင်း၏ Confessions(ဝန်ခံချက်)စာအုပ်တွင် သူ့လိုလူနှင့် ဘုရားသခင် မည်သို့ဆက်ဆံရေး တည်ဆောက်နိုင်သည်ကို သူနားမလည်နိုင်ခဲ့ပါ။ စကြဝဠာကို ဖန်ဆင်းသူသည် သေးငယ်ပြီး အပြစ်ရှိသော သူ့စိတ်နှလုံးသို့ ဝင်ရောက်ရန်မှာ မည်သို့ဖြစ်နိုင်မည်နည်း။ ဖြစ်နိုင်အောင်ပြုပေးပါမည့်အကြောင်း “ကျွန်ုပ်၏ စိတ်ဝိညာဉ်အိမ်မှာ ကျဉ်းပါ၏။ ကိုယ်တော် ဝင်ရောက်နိုင်ဖို့ ချဲ့ပေးတော်မူပါ။ စိတ်နှလုံးသည် ပျက်စီးနေပါ၏။ ပြုပြင်ပေးပါ။ ကိုယ်တော်ကို အနှောင့်အယှက်ဖြစ်စေသည့်အရာများရှိပါ၏။ ၎င်းကို ကျွန်ုပ်သိပါ၏။ ဝန်ခံပါ၏။ သို့သော် ကိုယ်တော်ကလွဲပြီး မည်သူက ကျွန်ုပ်ကို သန့်စင်ပေးမှာလဲ၊ ဘယ်သူ့ဆီကို အော်ဟစ်ရမှာလဲ”ဟူ၍ ဘုရားသခင်ထံ သူဆုတောင်းခဲ့သည်။

ယနေ့တွင် သြဂတ်စတင်းကို လေးစားကြည်ညိုဖွယ် ဒဿနိကပညာရှင်နှင့်ဓမ္မပညာရှင် စိန့်သြဂတ်စတင်းအဖြစ် ကျွန်ုပ်တို့သိကြသည်။ သို့သော် သူက သူ့အားသိရှိလိုသော ဘုရားသခင်၏အံ့သြဖွယ်ရာဖြင့် ပြောင်းလဲသူအဖြစ် သူ့ကိုယ်သူ ရိုးရိုးလေးရှုမြင်သည်။

ဆာလံ ၁၁၉ တွင် ဆာလံဆရာသည် အထူးသဖြင့် သမ္မာကျမ်းစာအားဖြင့် သူ့ကိုယ်ကိုဖွင့်ပြသော ဘုရားသခင်၏ဗျာဒိတ်တော်ကို အံ့သြခံစားခဲ့ရသည်(:၁၈)။…

မမြင်နိုင်သော ကြင်နာမှု

ပန်းချီကားပေါ်တွင် မျက်နှာပုံတစ်ခုသည် ကြာမြင့်စွာရှိနေပြီး မည်သူဖြစ်သည်ကို မည်သူမျှ မသိပါ။ “ဘုန်းတော်ကြီး ဘျူးဖေါ့ဒ်၏ သေဆုံးခြင်း” (The Death of Cardinal Beaufort) ပန်းချီကားကို ၁၇၈၉ ခုနှစ်တွင် ဆာ ဂျော့ရှူဝါရေးနိုးလ်စ် (Sir Joshua Reynolds) ရေးဆွဲစဉ်က သေဆုံးတော့မည့်သူ၏ နောက်ဘက် အမှောင်၌ မကောင်းဆိုးဝါး၏မျက်နှာကို ထည့်သွင်းရေးဆွဲခဲ့သည်။ ရေးနိုးလ်သည် ရှိတ်စပီးယားပြဇာတ်တစ်ခုမှ “အလုပ်များပြီး ဝင်စွက်ဖက်နေသည့်မိစ္ဆာကောင်”ရှိနေခြင်းဇာတ်ဝင်ခန်းကို အတိအကျ ရေးဆွဲခြင်းဖြစ်ပြီး၊ အချို့က ထိုသို့ တိုက်ရိုက်ကူးချခြင်းကို မနှစ်မြို့ကြပေ။ ၁၇၉၂ တွင် ရေးနိုးလ် ကွယ်လွန် သောအခါ သူဆွဲထားသောမျက်နှာကို ဆေးဖြင့် ဖုံးပစ်လိုက်ပြီး လူတို့မေ့‌ပျောက်သွားသည်။ မကြာမီက အနုပညာထိန်းသိမ်းရေးလုပ်ငန်းအဖွဲ့မှ သုတ်ထားသော ဆေးနှင့်အရောင်တင်ဆီများကို ခွာချပြီး နဂိုရှိရင်းစွဲပုံကို ဖော်ထုတ်ခဲ့ကြသည်။

ဘုရားသခင်အစိုးရသောကမ္ဘာကြီးတွင် မျက်မြင်မရသော ဝိညာဉ်လောကသည် ကျွန်ုပ်တို့၏ပတ်လည်၌ အမှန်ရှိနေကြောင်း သမ္မာကျမ်းစာက ဖော်ပြထားသည်။…

ဘုရားသခင်၏နှစ်သိမ့်သက်သာစေမှု

ကျွန်မ မအောင့်နိုင်တော့ပါ။ ကျွန်မတို့ဇနီးမောင်နှံသည် စတိုးဆိုင်မှ အခုလေးတင် ပြန်ရောက်လာပြီး၊ အထုတ်များချရင်း ဒိုးနတ်မုန့်ထုပ်ကို မတွေ့သဖြင့် ကျွန်မ အသည်းအသန်ရှာမိသည်။ ငွေလက်ခံဖြတ်ပိုင်းကို စစ်လိုက်ရာ၊ ဖြတ်ပိုင်း၌ မပါသဖြင့် ဒိုးနတ်မုန့် ပါမလာပါ။ “ကျွန်မ အလိုချင်ဆုံးက ဒိုးနတ်မုန့်လေ”ဟု စိတ်ပျက်လက်ပျက်နှင့် ကျွန်မညည်းမိသည်။ ဆယ့်ငါးမိနစ်ခန့် အကြာတွင် ကျွန်မခင်ပွန်းက ကျွန်မအား ဒိုးနတ်မုန့်ထုပ် ကမ်းပေးလာသည်။ ပြဿနာကို ဖြေရှင်းရန် ကျွန်မခင်ပွန်းသည် နှင်းကို အံတုလျက် ခိုးကြောင်ခိုးဝှက်ထွက်ကာ သွားပြန်ဝယ်ပေးခြင်းဖြစ်သည်။ “ကျွန်မရဲ့အာသီသကို ဖြည့်ဆည်းပေးဖို့ မုန့်ထွက်ဝယ်ပေးတာ ရှင်ဘာအထိအခိုက်မှမရှိလို့ ဝမ်းသာပါတယ်”ဟု ခင်ပွန်း၏လက်မောင်းကို ဆုပ်ကိုင်ပြီး ရှက်ကိုးရှက်ကန်းနှင့် ပြောလိုက်မိသည်။

ဒိုးနတ်ကို အာသီသပြင်းပြစွာ စားချင်စိတ်က တော်ယုံဖြစ်လေ့ဖြစ်ထမရှိပါ။ သို့သော် ယခုရက်သတ္တပတ်အတွင်း စိတ်ဖိစီးပြီး၊ ခံစားမှုမွန်းကြပ်သဖြင့် စိတ်ကို ဖြေသိမ့်ရန် ဒိုးနတ်ဘက်သို့ စိတ်ရောက်သွားခြင်းဖြစ်သည်။ သို့နှင့် ခင်ပွန်း၏ချစ်ခြင်း မေတ္တာနှင့်ကြင်နာမှုအားဖြင့် နက်ရှိုင်းသော…

ဘုရားသခင်အား ကိုင်စွဲထားပါ

ကျွန်မတို့ကျောင်း၌ မြို့နယ်အဆင့်နပန်းလုံးဗိုလ်လုပွဲကျင်းပခဲ့ရာ၊ အားကစားရုံတွင် အသက်(၈)နှစ်အရွယ် ကလေးများသည် လုံးထွေးသတ်ပုတ်လျက်ရှိပြီး၊ သူတို့၏ ပြိုင်ဖက်ကို လှဲချနိုင်သူသည် အနိုင်ရရှိမည်ဖြစ်သည်။ ထိုရှေးဟောင်းအားကစားတွင် လှဲချခြင်း၊ လွတ်အောင် ရုန်းထွက်ခြင်း၊ မလှုပ်နိုင်အောင်ချုပ်ထားခြင်းနှင့် အခြားအမှတ်ပေးမှုများသည် အောင်နိုင်မှုအတွက် အရေးကြီး သောအချက်များဖြစ်ပြီး၊ ၎င်းတို့အားလုံးကို ပေါင်းစပ်လုပ်ဆောင်ရန် လိုအပ်သည်။ ပရိသတ်သဘောကျသော တတိယတန်းမှကျောင်းသူလေးသည် သူမ၏ပြိုင်ဖက်များထက် လျင်မြန်ဖြတ်လတ်ပြီး သူမ၏လှစ်ခနဲ လှစ်ခနဲလှုပ်ရှားမှုက ပြိုင်ဖက်ကို လှည့်စား၍ အနိုင်ရစေသည်ဟု ထင်ရသည်။

ယာကုပ်သည်လည်း အဘထံမှ သူ့အစ်ကိုအမွေရရှိမည့်သားဦးအရာ (၂၅:၃၃)နှင့် တစ်သက်တာကောင်းချီး (၂၇:၂၇-၄၀)ကို ရယူရန်အတွက် ဧသောအား လှည့်စား ဖယ်ရှားပြီး၊ သူ့အမွှာအစ်ကို၏ အမြတ်ဆုံးသောအမွေကို ရရှိရန် “လုံးပမ်း”ခဲ့သည်။ ထိုသို့ ကောင်းချီးမင်္ဂလာကို ခိုးယူသဖြင့် ယာကုပ်သည် ဖခင်အိမ်မှ အဝေးသို့ ထွက်ပြေးခဲ့ရပြီး၊ ကောက်ကျစ်သော ယောက္ခထီးအိမ်တွင် မှီခိုနေရကာ အစ်ကို၏ အမျက်ဒေါသကို ကြောက်ရွံ့ပြီး ဘဝရှင်သန်ခဲ့ရသည်။…