အမြော်အမြင်ရှိသောဂရုစိုက်မှု

ပိုင်းလော့ဝေလငါး ၅၅ ကောင်ပါရှိသော ငါးအုပ်ကြီးသည် စကော့တလန်ကမ်းခြေတွင် သောင်တင်နေသည့် မြင်ကွင်းက ကြေကွဲဖွယ်ပါ။ စေတနာ့ဝန်ထမ်းများက ကယ်တင်ရန် ကြိုးစားသော်လည်း နောက်ဆုံး၌ ထိုဝေလငါးများသေဆုံးကုန်သည်။ အဘယ်ကြောင့် ဤကဲ့သို့ အုပ်စုလိုက်အမြောက်အများ သောင်တင်ကြကြောင်း မည်သူမှ မသိပါ။ သို့သော် ဖြစ်နိုင်ခြေမှာ အစုအဖွဲ့နှင့်နေထိုင်သော ဝေလငါးတို့၏ ခိုင်မာသောနှောင်ကြိုးကြောင့် တစ်ကောင်ဘေးနှင့်တွေ့သော် ကျန်အကောင်များက အလိုအလျောက်ဂရုပြုမှုဖြင့် လာရောက်ကူညီကြပြီး ၎င်းက သူတို့အတွက် အန္တရာယ်ဖြစ်စေသည်။

သမ္မာကျမ်းစာက အခြားသူများအား ကူညီရန် ပြောသည်။ သို့သော် ကူညီမှုပြုရာ၌ အမြော်အမြင်ရှိရန်လည်း ရှင်းလင်းစွာ ပြောထားပါသည်။ ဥပမာ အပြစ်တရားအောက်ရောက်ရှိနေသူ တစ်စုံတစ်ဦးအား ကယ်တင်ရန် ကူညီပေးချိန်တွင် မိမိ ကိုယ်တိုင်လည်း ထိုအပြစ်တရား ဆွဲဆောင်မှုအောက် ရောက်မသွားစေရန် သတိပြုရပါမည် (ဂလာ ၆:၁)။ ထို့ပြင် ကိုယ်နှင့်စပ်ဆိုင်သူများအား ချစ်သည်ဆိုရာ၌ မိမိကိုယ်ကိုလည်း ချစ်ရမည် (မ ၂၂:၃၉)။…

သင်၏လက်၌ အဘယ်အရာရှိသနည်း

ကယ်တင်ခြင်းရရှိပြီး ကျွန်မ၏အသက်တာကို ဘုရားအတွက် ဆက်ကပ်ခဲ့ပြီးနောက်နှစ်အနည်းငယ်အကြာ၌ သတင်းသမားအလုပ်ကို စွန့်လွှတ်ရန် ဘုရားလမ်းညွှန်နေကြောင်း ကျွန်မခံစားမိသည်။ ကလောင်တံကိုချပြီး စာရေးခြင်းကို ရပ်တန့်ထားချိန်၌ ဘုရားသခင်သည် တစ်နေ့တွင် သူ၏ဘုန်းတော်အတွက် စာရေးရန် ကျွန်မကို စေခိုင်းမည်ဟုခံစားခဲ့ရသည်။ အလုပ်မရှိဘဲ မိမိကိုယ်တိုင်၏ကန္တာရထဲ လည်နေရချိန်တွင် ထွက်မြောက်ရာကျမ်း ၄ ရှိ မောရှေနှင့်သူ၏လှံတံအကြောင်းအားဖြင့် ခွန်အားပေးခံခဲ့ရသည်။

ဖာရောဘုရင်၏နန်းတော်တွင် ပျိုးထောင်ခံခဲ့ရပြီး အလားအလာကောင်းသည့်အနာဂတ်ရှိသည့် မောရှေသည်အီဂျစ်မှထွက်ပြေးပြီး ဘုရားသခင် သူ့အားခေါ်ချိန်၌ မထင်မရှားသောအရပ်တွင် သိုးထိန်းအဖြစ်နေထိုင်နေသည်။ ဘုရားကို ပေးရန် သူ၌ ဘာမျှမရှိဟု သူထင်ခဲ့မိလိမ့်မည်။ သို့သော် ဘုရား၏ဘုန်းတော်အတွက် မည်သူ့ကိုမဆိုနှင့် ဘယ်အရာကိုမဆို ဘုရားအသုံးပြုနိုင်ကြောင်း မောရှေသင်ယူခဲ့ရသည်။

“သင်၏လက်၌ အဘယ်အရာရှိသနည်း”ဟု ဘုရားသခင် မေးခဲ့ရာ၊ “လှံတံ”ဟုမောရှေပြန်ဖြေခဲ့သည်။ “မြေပေါ်မှာ ပစ်ချလော့”ဟု (ထွ ၄:၂-၃) ဘုရားသခင် မိန့်တော်မူရာ မောရှေ၏သာမန်လှံတံသည် မြွေဖြစ်သွားခဲ့သည်။ မြွေကိုကိုင်လိုက်သည့်အခါ ဘုရားသခင်က မြွေမှလှံတံ…

တရားမျှတခြင်း၏အရှင်

ရိုင်း (Ryan) သည် ဆယ်ကျော်သက်အရွယ်၌ မိခင်ဖြစ်သူကို ကင်ဆာရောဂါဖြင့် ဆုံးရှုံးခဲ့ရသည်။ သူသည် အိုးမဲ့အိမ်မဲ့ဖြစ်သွားပြီး မကြာမီပင် ကျောင်းထွက်လိုက်ရသည်။ သူသည် မျှော်လင့်ချက်မဲ့လျက် ရံဖန်ရံခါ ဆာလောင်မွတ်သိပ်ခဲ့သည်။ နှစ်ပေါင်းများစွာ ကြာပြီးနောက် ရိုင်း သည် အမြတ်အစွန်းမယူသောအဖွဲ့အစည်းကို တည်ထောင်ခဲ့ပြီး အခြားသူများ၊ အထူးသဖြင့် ကလေးငယ်များကို စိုက်တတ်ပျိုးတတ်၊ ရိတ်သိမ်းတတ်အောင်နှင့် မိမိတို့၏ကိုယ်ပိုင်ခြံထွက် အစားအသောက်များကို ပြင်ဆင်ချက်ပြုတ်တတ်အောင် လုပ်ဆောင်နိုင်စွမ်းကို မြှင့်တင်ပေးခဲ့သည်။ ထိုအဖွဲ့အစည်းတည်ထောင်ရခြင်း၏ရည်ရွယ်ချက်မှာ မည်သူတစ်ဦးတစ်ယောက်မျှ ငတ်မွတ်ခြင်း မခံစားရစေရန်နှင့် တစ်စုံတစ်ရာရှိသူများက မရှိသူများကို ဂရုစိုက်ပေးရန်ဖြစ်သည်။အခြားသူများအပေါ် ရိုင်း၏စိုးရိမ်ပေးမှုက တရားမျှတမှုနှင့် သနားကရုဏာကို လိုလားသော ဘုရား သခင်၏နှလုံးသားကို ထင်ဟပ်ပြနေသည်။

ကျွန်ုပ်တို့ ကြုံနေရသည့် နာကျင်မှုနှင့်ဆင်းရဲဒုက္ခတို့ကို ဘုရားသခင်အမှန်ပင်ဂရုပြုသည်။ ဣသရေသလူတို့၌ ဆိုးရွားသောမတရားမှုကို ဘုရားသခင်မြင်ရသည့်အခါ ပရောဖက်အာမုတ်ကိုစေလွှတ်ကာ သူတို့၏သူတော်ယောင်ဖြစ်မှုကို အလေးပေး သွန်သင်စေခဲ့သည်။ အဲဂုတ္တု၏ဖိနှိပ်မှုအောက်မှ ဘုရားသခင် ကယ်တင်ခဲ့သော လူမျိုးများသည်…

စောင့်ရတာနှင့် တန်ပါသည်

ခရီးတစ်ထောက်နားခြင်းအကြောင်းပြောရလျှင် မိုးကြိုးမုန်တိုင်းကြောင့် ထွက်ခွာချိန် နောက်ဆုတ်လိုက်ရသည့် လေယာဉ်ခရီးစဥ်အတွက် Phil Stringer (ဖေးလ် စထရင်းဂျာ) သည် ၁၈နာရီကြာ စောင့်ခဲ့ရသည်။ သို့သော် သူ၏စိတ်ရှည်မှုနှင့် ဇွဲလုံ့လက အချည်းနှီးမဖြစ်ခဲ့ပါ။ သူ့လိုရာခရီးကို လေယာဉ်နှင့် သွားနိုင်ခဲ့သည့်အပြင် အရေးကြီးသည့်စည်းဝေးပွဲကိုလည်း အချိန်မီတက်ရောက်နိုင်ခဲ့သည်။ သို့သော်လည်း လေယာဉ်တစ်စီးလုံးတွင် ခရီးသည်ဟူ၍ သူတစ်ဦးတည်းသာရှိသည်။ ကျန်ခရီးသည်များကမူ လက်လျော့လိုက်ခြင်း (သို့) အခြားအစီအစဉ်များ စီစဉ်လိုက်ကြသည်။ သူစားချင်သည့် မည်သည့်အစားအသောက်မဆို လေယာဉ်မယ်များက ချပေးကြသည်။ စထရင်းဂျာ က “သေချာတာပေါ့။ ပထမတန်း အကောင်းဆုံးနေရာမှာ ကျွန်တော်ထိုင်ခဲ့တယ်။ လေယာဉ်တစ်စီးလုံးကို ကျွန်တော် အပိုင်စား ရထားတာဆိုတော့ ဘာလို့ မထိုင်နိုင်ရမှာလဲ” ဟု ထပ်လောင်းပြောပြခဲ့သည်။ စောင့်စားခဲ့ရသည်နှင့် တကယ်ကိုတန်ပါသည်။

အာဗြဟံသည်လည်း ကြာရှည်လှသော နှောင့်နှေးမှုကို သည်းခံခဲ့ရသည်။ အာဗြံ ဖြစ်ခဲ့စဉ်အခါက သူ့အား “ငါသည်သင့်ကိုလူမျိုးကြီးဖြစ်စေမည်။ သင့်အားဖြင့်လည်း လူမျိုးအပေါင်းတို့သည်…

ရှင်ယေရှုနှင့် သာ၍တူလာသည်

ဘုရားသခင်သည် မီးခိုးရောင်ဇီးကွက်ကြီးကို ကိုယ်ယောင်ဖျောက်သည့်နေရာတွင်ဆရာတစ်ဆူဖြစ်နေအောင် ဖန်ဆင်းခဲ့သည်။ ယင်း၏ငွေရောင်စပ် မီးခိုးရောင်အမွှေးများတွင် အရောင်များ တစ်စုတစ်စုနှင့် ပါဝင်သောကြောင့် သစ်ပင်ပေါ်တွင် နားသည့်အခါ သစ်ခေါက်များနှင့်တစ်သားတည်းဖြစ်သွားသည်။ ဇီးကွက်များသည် အမြင်မခံလိုသည့်အခါ ကိုယ်ဖျောက်နိုင်စွမ်းရှိသောအမွှေးအတောင်များ၏အကူအညီဖြင့် မြင်သာသည့်နေရာများတွင် ပတ်ဝန်းကျင်နှင့်တစ်သားတည်းဖြစ်စေကာ ပုန်းကြသည်။

ဘုရားသခင်၏လူမျိုးများသည်လည်း တစ်ခါတစ်ရံ ထိုဇီးကွက်မျိုးနှင့် အလွန်တူသည်။ ကျွန်ုပ်တို့သည် လောကနှင့် အလွယ်တကူတသားတည်းဖြစ်သွားပြီး မရည်ရွယ် ဘဲနှင့်သော်လည်းကောင်း၊ တမင်သက်သက်သော်လည်းကောင်း ခရစ်တော်၌ ယုံကြည်သူများအဖြစ်ပင်လျှင် မမှတ်မိကြတော့ပေ။ ခမည်းတော်က “လောကထဲမှ”ရွေးနုတ်ပြီး သခင့်အား ပေးအပ်ထား‌သော၊ နှုတ်ကပတ်တော်ကို နာခံသော၊ သူ့တပည့်တော်များအတွက် ရှင်ယေရှု ဆုတောင်းပေးနေသည် (ယော၁၇:၆)။ ရှင်ယေရှုသည် သူတို့ကို ထားခဲ့ပြီးနောက် သူတို့အနေနှင့် သန့်ရှင်းခြင်း၌ ဆက်လက်ရှင်သန်နိုင်အောင်၊ ဝမ်းမြောက်ခြင်းအမြဲရှိနိုင်အောင် သူတို့ကို ကွယ်ကာပြီး အခွင့်အာဏာပေးရန် သားတော်ဘုရားက ခမည်းတော်ဘုရားထံ ဆုတောင်းသည် (:၇-၁၃)။ “ဤသူတို့ကို ဤလောကမှ နှုတ်ယူတော်မူမည်အကြောင်း အကျွန်ုပ်တောင်းသည်မဟုတ်ပါ။
မကောင်းသော…

ကန္တာရနေရာများ

နုနယ်သေးသည့် ယုံကြည်သူဖြစ်စဉ်အခါက “‌ဘုရားထံမှ သိသာသော ဖွင့်ပြမှု ” ရရှိခံစားရချိန်သည် ရှင်ယေရှုနှင့်နီးပြီးသူနှင့်တွေ့နိုင်သောအထွတ်အထိပ်နေရာဟု ကျွန်မ ထင်မှတ်ခဲ့ဖူးသည်။ သို့သော် ထိုအခိုက်အတန့်သည် ကြာရှည်မခံ၊ ကြီးထွားခြင်းသို့ မရောက်စေပါ။ စာရေးဆရာမ Lina AbuJamra (လီနာအဘူဂျမ်ရာ)က ကန္တာရကဲ့သို့သောနေရာများတွင်သာ ကျွန်မတို့ ဘုရားနှင့်တွေ့ပြီး ကြီးထွားနိုင်သည်ဟုပြောခဲ့သည်။ သူမ၏“‌ကန္တာရကိုဖြတ်၍” ဟူသောသမ္မာကျမ်းစာလေ့လာမှုတွင် “‌ကျွန်မတို့ရဲ့ဘဝမှာ ကန္တာရကဲ့သို့သောနေရာမျိုးကို အသုံးပြုပြီး၊ ကျွန်မတို့ ပိုမိုသန်မာ ခိုင်ခံ့စေဖို့ ဘုရားသခင် ရည်ရွယ်ထားတယ်။ ဘုရားရှင်၏ကောင်းမြတ်ခြင်းကို ကျွန်မတို့ရဲ့နာကျင်မှုများကြားမှာ လက်ခံရယူရန်ဖြစ်တယ်။ ထိုကောင်းမြတ်ခြင်းကို နာကျင်ခံစားမှုမရှိဘဲ သက်သေပြ၍ မရပါ”ဟု သူမက ရေးသားထားသည်။

ကြေကွဲဝမ်းနည်းမှု၊ ဆုံးရှုံးမှုနှင့် နာကျင်ရသည့် ခက်ခဲသည့်နေရာများ၌ ဘုရားသခင်က ကျွန်ုပ်တို့၏ယုံကြည်ခြင်း ကြီးထွားလာရန်၊ သူနှင့်သာ၍နီးလာရန် ကူညီမစပါသည်။ လီနာသင်ယူခဲ့ရသကဲ့သို့ပင် “ကန္တာရသည် ဘုရားသခင်၏ အစီအစဉ်၌ သာမန်ကာလျှံကာ ပါလာခြင်း မဟုတ်ပါ။ ၎င်းသည် ကျွန်ုပ်တို့၏…

အာကာသပြိုင်ပွဲ

၁၉၅၅ ခုနှစ်၊ ဇွန်လ ၂၉ ရက်နေ့တွင် အာကာသ၌ ဂြိုဟ်တုတပ်ဆင်ရန် ကြံရွယ်နေကြောင်း အမေရိကန်နိုင်ငံက ကြေညာခဲ့သည်။ မကြာမီပင် ဆိုဗီယက်နိုင်ငံ ကလည်း အလား တူလုပ်မည့် ၎င်းတို့၏အကြံစည်ကို ထုတ်ဖော်ကြေညာခဲ့၍ အာကာသပြိုင်ပွဲကြီး စတင်ခဲ့သည်။ ဆိုဗီယက်က ပထမဆုံးဂြိုဟ်တု Sputnik (စပွတ်နစ်ခ်) ကို လွှတ်တင်ခဲ့ပြီး၊ အာကာသထဲသို့ ပထမဆုံးစေလွှတ်သောလူသား Yuri Gagarin (ယူရီ ဂါဂါရင်)က ကမ္ဘာဂြိုဟ်ကို တစ်ကြိမ်ပတ်နိုင်ခဲ့သည်။အာကာသပြိုင်ပွဲမှာ ၁၉၆၉ ဇူလိုင် ၂၀ ရက်နေ့ထိ ဆက်ရှိနေခဲ့သည်။ နောက်ဆုံးတွင် လကမ္ဘာပေါ်သို့ Neil Armstrong ၏ “လူသားမျိုးနွယ်အတွက် ကြီးမားသောခြေလှမ်း” လှမ်းနိုင်မှုက ပြိုင်ပွဲကို အလိုအလျောက် ပြီးဆုံးစေခဲ့သည်။ ပူးပေါင်းဆောင်ရွက်ရန် အချိန်ကျရောက်လာပြီး နိုင်ငံတကာအာကာသစခန်းတည်ထောင်ရန် ဖြစ်လာသည်။

ပြိုင်ဆိုင်မှုအချို့က တစ်ခါတစ်လေ ကောင်းနိုင်သည်။ မိမိစိတ်မကူးခဲ့ဖူးသည့်အရာများကို ရယူချင်လာအောင် တွန်းပို့ပေးသည်။ သို့သော်…

အသစ်တစ်ဖန် လျှောက်လှမ်းခြင်း

ကျောင်း၏အတော်ဆုံးကျောင်းသားများသည် နှစ်စဉ် ပညာရေးထူးချွန်ဆုများကိုလက်ခံရယူစဉ် လက်ခုပ်ဩဘာသံများညံနေသည်။ သို့သော်အစီအစဉ်မပြီးသေးပါ။ နောက်ထပ်ပေးအပ် မည့်ဆုသည် ကျောင်း၏အတော်ဆုံးမဟုတ်သော်လည်း တိုးတက်မှုအရှိဆုံးကျောင်းသားများအတွက်ဖြစ်သည်။ ထိုကျောင်းသားများသည် အဆင့်များ ကျနေခြင်းကို မြှင့်တင်ကာ၊ အကျင့်ဆိုးများကိုပြုပြင်ပြီး၊ ကျောင်းတက်မှန်အောင်ကြိုးစားအားထုတ်ကြသူများဖြစ်သည်။ သူတို့၏မိဘများသည် ဝမ်းသာကာ လက်ခုပ်တီးကြသည်။ သူတို့၏သားသမီးများ သာ၍မြင့်သောလမ်းသို့လျှောက်လှမ်းနေကြသည်ကို အသိအမှတ်ပြုပြီး ယခင်က သူတို့၏အားနည်းချက်များကို မမြင်တော့ဘဲ လမ်းသစ်၌ သူတို့လျှောက်လှမ်းနေသည်ကိုသာ မြင်တော့သည်။

ထိုကြည်နူးဖွယ်မြင်ကွင်းက ကျွန်ုပ်တို့၏ကောင်းကင်ဘုံရှင်အဘဘုရားသည် အသက်တာဟောင်းထဲမှ ကျွန်ုပ်တို့ကိုမမြင်ဘဲ ယခုခရစ်တော်၌ သူ၏သားသမီးများအဖြစ် ရှုမြင်ပုံကို ပုံဖော်ပေးနေသည်။ “ထိုသူကိုလက်ခံသမျှသောသူတည်းဟူသော ကိုယ်တော်ကို ယုံကြည်သောသူတို့အား၊ ဘုရားသခင်၏သား ဖြစ်ရသောအခွင့်ကို ပေးတော်မူ၏” ဟု (ယော ၁:၁၂) ရှင်ယောဟန် ရေးသားခဲ့သည်။

မည်မျှချစ်ဖွယ်ကောင်းသည့်အမြင်ရှုထောင့်နည်း။ ထို့ကြောင့် ရှင်ပေါလုက ယုံကြည်သူအသစ်များအား သင်တို့သည် “အထက်က... ဒုစရိုက်အပြစ်၌ သေလျက်ရှိနေ”ကြသည်ဟု သတိပေးခဲ့သည် (ဧ ၂:၁)။ သို့သော် အမှန်စင်စစ် “ငါတို့သည်…

နောင်တရသောနှလုံးသား

မိတ်ဆွေတစ်ဦးသည် ထိမ်းမြားခြင်းကတိကဝတ်ကို ချိုးဖောက်ခဲ့သည်။ သူမိသားစုကို သူကိုယ်တိုင်ဖျက်ဆီးနေသည်ကို မြင်ရသည်မှာ နာကျင်စရာပါ။ သို့သော် သူ၏ဇနီးသည်နှင့် ပြန်လည်သင့်မြတ်ရန် ကြိုးပမ်းသည့်အခါ ကျွန်ုပ်ထံမှအကြံဉာဏ် တောင်းခံခဲ့သည်။ စကားလုံးများထက် ပိုသောအရာများလိုကြောင်း သူ့အား ကျွန်တော်ပြောခဲ့သည်။သူ့အနေနှင့် ဇနီးသည်ကိုချစ်ရာ၌ အနာဂတ်တွင်ဖြစ်လာမည့် အရာများအတွက် ပြင်ဆင်လုပ်ဆောင်ရန်နှင့် အပြစ်မှန်သမျှကိုပယ်ရှင်းရန် လိုအပ်သည်။

ဘုရားသခင်နှင့်ကတိကဝတ်ကို ချိုးဖောက်ပြီး အခြားဘုရားများနောက် လိုက်ခဲ့သည့်သူများကို ပရောဖက်ယေရမိက အလားတူအကြံမျိုးပေးခဲ့သည်။ ဘုရားထံ ပြန်လာရန်အကြံက မလုံလောက်သော်လည်း (ယေ ၄:၁) ၎င်းသည် မှန်ကန်သော အစပြုမှုဖြစ်သည်။ သူတို့၏ အပြောနှင့်အလုပ်ညီရန်လည်း လိုအပ်သည်။ ဆိုလိုသည်မှာ သူတို့၏“ရွံရှာဖွယ်ရုပ်ထု”များကို (:၁) ပယ်ရှားရမည်။ သူတို့သည် “သစ္စာစောင့်ခြင်း၊ တရားစီရင်ခြင်းနှင့် ဖြောင့်မတ်ခြင်းအားဖြင့်”ကတိသစ္စာပြုလျှင် ဘုရားသခင်သည် တိုင်းနိုင်ငံများကိုကောင်းချီးပေးမည်ဖြစ်ကြောင်း ယေရမိပြောခဲ့သည် (:၂)။ ပြဿနာမှာ လူများသည် ဗလာကတိကိုသာ ပေးကြသည်။ ထိုကတိ၌ သူတို့၏စိတ်နှလုံး ရှိမနေပေ။

ဘုရားသခင်သည်…

ဘုရားသခင်၏ပန်းကန်ပေါ် တင်လိုက်ပါ

အရွယ်ရောက်သမီးဖြစ်သူ၏ ကျန်းမာရေးတိုးတက်အောင် ညွှန်ကြားချက်များ အတိုင်း ပြုစုစောင့်ရှောက်ခြင်း၊ အကြံပေးဆွေးနွေးမှုများ ခံယူပြီး အကောင်းဆုံး ဆေးဝါများ ရှာဖွေခြင်းတို့ကို လုပ်ဆောင်ရင်း နှစ်ပေါင်းများစွာ မိခင်တစ်ဦး ဆုတောင်းခဲ့ရသည်။ စိတ်အတက်အကျမြန်လွန်းသည့် သူမကြောင့် တစ်နေ့ပြီး တစ်နေ့ မိခင်ဖြစ်သူမှာ စိတ်လေးနေရသည်။ ဝမ်းနည်းမှုကြောင့် စိတ်ပင်ပန်းရချိန်တွင် သူ့ကိုယ်သူဂရုစိုက်ရန်လိုကြောင်း သူမသတိထားမိလာသည်။ သူမ၏စိုးရိမ်ပူပန်မှုများနှင့် ထိန်းချုပ်၍မရသည့်အရာများကို စာရွက်အပိုင်းအစများပေါ်တွင် ချရေးကာ ထိုစာရွက်များကို အိပ်ရာဘေးရှိ “ဘုရား၏ပန်းကန်ပြား”ပေါ်၌ တင်ထားရန် သူမ၏ သူငယ်ချင်းက အကြံပေးသည်။ ထိုရိုးရှင်းသည့်အလေ့အထက စိတ်ဖိစီးမှုအားလုံးကို မဖယ်ရှားပေးသော်လည်း ထိုပန်းကန်ကိုမြင်တိုင်း ထိုစိုးရိမ်ကြောင့်ကြမှုများသည် သူမ၌ရှိမနေဘဲ ဘုရား၏ပန်းကန်ပေါ်၌သာရှိကြောင်း သူမကို အမှတ်ရစေသည်။

ထိုနည်းတူ ဒါဝိဒ်၏ဆာလံကျမ်းများသည် သူ၏ဒုက္ခအခက်အခဲများကို စာရင်းပြုစုကာ ဘုရား၏ပန်းကန်ပေါ်တွင် တင်ထားခြင်းဖြစ်သည် (ဆာလံ ၅၅:၁, ၁၆-၁၇)။သူ၏သား အဗရှလုံက အာဏာသိမ်းရန်ကြိုးစားသည့်အကြောင်းတွင်၊ ဒါဝိဒ်၏ “သူငယ်ချင်းအရင်း”အဟိသောဖေလသည် သစ္စာဖောက်ပြီး သူ့ကိုသတ်ရန် ပူးပေါင်းကြံစည်မှုထဲ၌…