မြင်တွေ့နားလည်နိုင်သောမေတ္တာ

ဆေးရုံခုတင်ပေါ်တွင် လဲလျောင်းနေသော ကျွန်မ၏သူငယ်ချင်း မာဂရက်ဘေးတွင် ထိုင်နေရင်း အခြားလူနာ၊ ဆေးရုံဝန်ထမ်းနှင့် ဧည့်သည်များ၏ ပျားပန်းခပ် လှုပ်ရှား နေမှုကို ကြည့်နေခဲ့သည်။ နာမကျန်းဖြစ်နေသောမိခင်အနားတွင် ထိုင်နေသည့် အမျိုးသမီးငယ်က မာဂရက်အား “မင်းဆီ အမြဲ လာလည်တဲ့သူတွေက ဘယ်သူတွေလဲ” ဟုမေးရာ၊ သူမက “ငါ့ရဲ့ဘုရားကျောင်းမိသားစုတွေပါ” ဟု ပြန်ဖြေခဲ့သည်။ အမျိုးသမီးငယ်က ဤကဲ့သို့ တစ်ခါမျှမမြင်ဘူးကြောင်းနှင့် လာရောက်သောဧည့်သည်များသည် “မြင်သာသောချစ်ခြင်းမေတ္တာ သွန်းလောင်းသကဲ့သို့” ခံစားမိကြောင်း သူမမှတ်ချက်ချခဲ့သည်။ မာဂရက်က “သားတော်ယေရှုခရစ်အားဖြင့် ဘုရားသခင်ကို ချစ်တဲ့မေတ္တာ စီးဆင်းလာတာ” ဟုပြုံးလျက် ပြန်ပြောသည်။

မာဂရက်၏တုံ့ပြန်မှုက ချစ်ခြင်းမေတ္တာအပြည့်ဖြင့် သူ၏နောက်ဆုံးနှစ်များတွင် ဩဝါဒစာသုံးစောင် ရေးခဲ့သော တပည့်တော်ယောဟန်ကို ပြန်လည်သတိရစေသည်။ သူ၏ပထမစာစောင်တွင် သူက “ဘုရားသခင်သည် ချစ်ခြင်းမေတ္တာဖြစ်တော်မူ၏။ ချစ်ခြင်းမေတ္တာ၌ တည်သောသူသည် ဘုရားသခင်၌ တည်၏။ ဘုရားသခင်သည်လည်း ထိုသူ၌ တည်တော်မူ၏” (၁ ယော…

ပြတင်းပေါက်မှ အံ့သြဖွယ်

ဓာတ်ပုံဆရာ ရွန်မူရေး(Ronn Murray)သည် အေးသောရာသီဥတုကို နှစ်သက် သည်။ သူက “အေးတယ်ဆိုတာ ကောင်းကင်က ကြည်လင်နေတယ်ဆိုတဲ့အဓိပ္ပာယ်၊ ဒါက အံ့ဩဖွယ်ရာကို ဖွင့်လှစ်ပြနိုင်တယ်” ဟုရှင်းပြသည်။

ရွန်သည် ကမ္ဘာမြေ၏ ကြီးကျယ်ခမ်းနားဆုံး အလင်းပြပွဲဖြစ်သော - အော်ရိုရာ ဘိုရီရာလစ် (ကမ္ဘာ့မြောက်ခြမ်းအလင်းတန်းများ)ကို ခြေရာခံရန် ရည်ရွယ်သော အလာ့စ်ကန်(Alaskan)ဓာတ်ပုံရိုက် ခရီးစဉ်ကို စီစဉ်ပေးသူဖြစ်သည်။ ရွန်သည် ထိုအတွေ့အကြုံကို “ဝိညာဉ်ရေးအလွန်ဆန်သည်” ဟု ပြောပါသည်။ အကယ်၍ ကောင်းကင်တစ်ခွင်တွင် ဤပြိုးပြိုးပြက်ပြက် တောက်ပသောအရောင်များ ကခုန်နေသည်ကို သင်မြင်ဖူးသည်ဆိုလျှင် အကြောင်းရင်းကို သင်နားလည်မည်ဖြစ်သည်။
သို့သော်အလင်းတန်းများသည် မြောက်ပိုင်းသဘာဝဖြစ်စဉ်သာ မဟုတ်ပါ။ အော်ရိုလာ အော်စထရာလစ် သည် ဘိုရီရာလစ်နှင့် ထပ်တူနီးပါးဖြစ်ပြီး၊ တူညီသော ထိုအလင်းရောင်မျိုးသည် ကမ္ဘာ့တောင်ခြမ်းတွင် တစ်ချိန်တည်း ဖြစ်ပေါ်နေသည်။

ရှင်ယောဟန်ပြောပြသည့် ခရစ်စမတ်ဇာတ်လမ်းတွင် သူသည် နွားတင်းကုပ်နှင့် သိုးထိန်းများအကြောင်းကို ကျော်သွားပြီး “လူတို့ထံအလင်းဆောင်ယူလာသူ”…

အမှန်တရားသည် မည်သည့်အခါမှ မပြောင်းလဲပါ

ကျွန်မသားဇာဗီးယားငယ်စဉ်အခါက သူနှင့်အတူ ကလေးပုံပြင်ဖတ်ရာ ထိုပုံပြင်မှာ ဘောပင်ကို လုပ်ကြံဖန်တီးထားသည့်အမည်ဖြင့် ရည်ညွှန်းပြောဆိုကာ ဆရာမကို မနာခံသည့် သူငယ်လေးအကြောင်း ဖြစ်သည်။ ထိုကောင်လေးမှာ သူဖန်တီးထားသည့် အမည်ဖြင့် ဘောပင်ကိုခေါ်ဆိုရန် ငါးတန်းအရွယ် သူ၏သူငယ်ချင်းများကို စည်းရုံး ခဲ့သည်။ ကောင်လေး၏ အစားထိုးစကားလုံးအကြောင်းမှာ တစ်မြို့လုံးကို ပျံ့နှံ့သွားခဲ့သည်။ အချိန်ကြာလာသည်နှင့်အမျှ ထိုတိုင်းပြည်ရှိလူများလည်း ဘောပင်ကို ခေါ်ဆိုသုံးနှုန်းသည့် အသုံးကို ပြောင်းလဲခဲ့သည်။ အဘယ်ကြောင့် ဆိုသော် သူငယ်လေးဖန်တီးထားသည့် အသုံးအနှုန်းကို မပြောင်းလဲသော အမှန်တရားဟု အချို့က ယုံကြည်လက်ခံကြသည်။

သမိုင်းတစ်လျှောက်တွင် အားနည်းချက်ရှိသည့် လူသားများက သူတို့အလိုဆန္ဒ နှင့်ကိုက်ညီရန် အစဉ်ပြောင်းလဲနေသည့် အမှန်တရားများ (သို့) ၎င်းတို့ပို၍နှစ်သက်သည့် အမှန်တရားကိုသာ လက်ခံယုံကြည်ကြသည်။ သို့သော် သမ္မာကျမ်းစာသည် တစ်ခုတည်းသောအမှန်တရား၊ တစ်ပါးတည်းသောဘုရားသခင်နှင့် ကယ်တင်ခြင်း သို့ ရောက်မည့်တစ်ခုတည်းသောလမ်းဖြစ်သည့် မေရှိယကို ပြညွှန်ထားသည်။ မေရှိယမှ တစ်ဆင့် “ထာဝရဘုရား၏ဘုန်းတော်ပေါ်ထွန်း”…

ကျွန်ုပ်တို့အပေါ် ဘုရားသခင်၏အမြင်

၁၉၆၈ ခုနှစ်က အမေရိကန်နှင့်ဗီယက်နမ်နှစ်နိုင်ငံ စစ်ဖြစ်ကြရာ နေရာအနှံ့အပြားတွင် လူမျိုးတုန်းသတ်ဖြတ်မှုများ ပြင်းထန်လာခဲ့ကာ နိုင်ငံကျော်ပုဂ္ဂိုလ်နှစ်ဦး လုပ်ကြံခံခဲ့ရသည်။ ထိုနှစ်မတိုင်မီခန့်က ဒုံးပျံပစ်တင်စင် မီးလောင်ကျွမ်းမှုဖြစ်ပွားခဲ့ရာ အာကာသယာဉ်မှူးသုံးဦး အသက်ဆုံးရှုံးခဲ့ရပြီး၊ လကမ္ဘာပေါ် အခြေချမည့်အမှုအရေးမှာလည်း မဖြစ်နိုင်တော့သည့် အိပ်မက်တစ်ခုလိုဖြစ်ခဲ့သည်။ သို့သော် လည်း အပိုလိုအမှတ်စဉ်-၈ အာကာသယာဥ်ကို ခရစ်စမတ်မတိုင်မီ ရက်များတွင် လွှတ်တင်နိုင်ခဲ့သည်။

၎င်းသည် လကမ္ဘာကို လည်ပတ်ရန် လူလိုက်ပါသည့် ပထမဆုံးသောခရီးစဉ် ဖြစ်ခဲ့သည်။ ထိုပျံသန်းရေးခရီစဉ်တွင် ပါဝင်သည့် Borman(ဘိုးမန်း)၊ Anders (အန်ဒါ)နှင့် Lovell(လိုဗယ်လ်)တို့မှာ ယုံကြည်သူများဖြစ်ကြပြီး၊ ခရစ်စမတ်ပွဲတော် အတွက် ”အစအဦး၌ ဘုရားသခင်သည် ကောင်းကင်နှင့် မြေကြီးကို ဖန်ဆင်းတော် မူ၏” ဟူသည့် (က ၁:၁) မက်ဆေ့ချ်တစ်ခုကို ၎င်းတို့ထုတ်လွှင့်ခဲ့သည်။ ထိုအချိန်က ထိုအဖြစ်အပျက်သည် ကမ္ဘာပေါ်တွင် လူကြည့် အများဆုံး တီဗီအစီအစဉ်ဖြစ်ခဲ့ပြီး၊ ယခုခေတ်တွင် ဟိုးလေးတကျော်ဖြစ်သည့် ဘုရား၏…

ကျွန်ုပ်တို့နားထောင်ရမည့်သူ

“ကျွန်တော် အရေးပေါ် ကြေညာစရာရှိတယ်။ ကျွန်တော့်လေယာဉ်မှူး ဆုံးသွားပြီ” ထိုစကားများကို Doug White သည် သူ့လေယာဉ်ကို ထိန်းကြောင်းပေးနေသည့် ထိန်းချုပ်တာဝါသို့ တုန်လှုပ်စွာ ရေရွတ်သတင်းပို့လိုက်သည်။ လေယာဥ်ပျံတက်ပြီး မိနစ်အတန်ကြာခန့်တွင် Doug မိသားစု၏ ကိုယ်ပိုင်လေယာဉ်မောင်းအဖြစ် ငှားရမ်းခဲ့သည့် လေယာဉ်မှူးမှာ ရုတ်တရက် ဆုံးပါးသွားခဲ့သည်။ သုံးလသာ လေယာဉ် မောင်းကျင့်ဖူးသည့် Doug သည် လေယာဉ်မောင်းနေရာကို အစားထိုးဝင်ရောက်ကာ၊ လေယာဉ်ဆင်းသက်စဉ်တစ်လျှောက် လေယာဉ်ကွင်းရှိ ကြီးကြပ်သူများ၏ သူ့အား လမ်းညွှန်မှုကို သေချာစွာ နားထောင်ခဲ့သည်။ “ကျွန်တော့်မိသားစုကို သေမင်းခံတွင်း ကနေ သူတို့ကယ်ပေးခဲ့တာ”ဟု Doug ပြောခဲ့သည်။

ကျွန်ုပ်တို့၌လည်း ဘဝ၏စိန်ခေါ်မှုများနှင့် တွေ့သည့်အခါ ကျွန်ုပ်တို့ကို မစ လမ်းညွှန်ပေးနိုင်သည့် တစ်ဦးတည်းသောသူ ရှိသည်။ မောရှေက ဣသရေလလူတို့အား “သင်၏ဘုရားသခင် ထာဝရဘုရားသည်၊ သင်၏ အမျိုးသားချင်းတို့ အထဲ၌ ငါနှင့်တူသော ပရောဖက်တစ်ပါးကို…

ကျွန်ုပ်တို့၏ကယ်တင်ရှင်ယေရှု

ပါကစ္စတန်နီချိုင့်ဝှမ်းကို ဖြတ်သန်းမောင်းနှင်နေသည့် သာမန်မိုးပျံကေဘယ်ကား သည် တုန်လှုပ်ဖွယ်ဒုက္ခနှင့် ကြုံခဲ့ရသည်။ ကားစထွက်ပြီးမကြာမီ ကားကိုထောက်မထားသည့် သံကြိုးနှစ်ချောင်းပြတ်သွားရာ ကျောင်းသား၊ ကလေးသူငယ်များ အပါအဝင် ခရီးသည်ရှစ်ဦးသည် ပေတစ်ရာအထက်ဝေဟင်၌ ခြေတန်းလန်းနှင့် တွဲလောင်းဖြစ်ခဲ့ကြသည်။ ထိုအခြေအနေတွင် ပါကစ္စတန်စစ်တပ်က ကြိုးလိုင်းများ၊ ရဟတ်ယာဥ်များနှင့် အခြားပစ္စည်းကိရိယာများ သုံးကာ ၂၄ နာရီကြာသည့် ခက်ခဲသောကယ်ဆယ်ရေးအစီအစဥ်နှင့် ခရီးသည်များကို ကယ်တင်ခဲ့သည်။

ကောင်းမွန်စွာလေ့ကျင့်ထားသည့် ကယ်ဆယ်ရေးသမားများသည် ချီးကျူးခံထိုက်သည်။ သို့သော် ကျွန်ုပ်တို့ကို အပြစ်နှင့်သေခြင်းတရားမှ ကယ်တင်ပေးခဲ့သည့် သခင်ယေရှု၏ ထာဝရနှင့်ဆိုင်သည့် လုပ်ရပ်နှင့် ယှဉ်လျှင် သူတို့၏ လုပ်ရပ်များသည် မှေးမှိန်သွားခဲ့သည်။ သခင်ယေရှုမမွေးဖွားမီ ကောင်းကင်တမန်သည် ယောသပ်ထံလာကာ သန့်ရှင်းသောဝိညာဉ်တော်အားဖြင့် ပဋိသန္ဓေဆောင်ထားရသည့်မာရိကို ထိန်းသိမ်းရန် မှာကြားခဲ့သည် (မ ၁:၁၈-၂၀)။ “ထိုသားသည် မိမိလူတို့ကို အပြစ်မှကယ်ချွတ်မည့်သူဖြစ်သောကြောင့်” သူ၏သားကို ယေရှုဟူသော အမည်ဖြင့် မှည့်ရန် ယောသပ်အား မိန့်မှာခဲ့သည်။ (:၂၁)။…

ခရစ်တော်၌ အားပေးမစမှု

အမေရိကန်နိုင်ငံ အင်ဒီယားနားပြည်နယ်မှ ဆရာမတစ်ဦးသည် သူမ၏တပည့်များအား သူငယ်ချင်းများအတွက် ခွန်အားပေးစာနှင့် တိုက်တွန်းစာများကို ရေးရန် စေ့ဆော်ခဲ့သည်။ ရက်များစွာကြာပြီးနောက် နိုင်ငံ၏အခြားဒေသတစ်ခု၌ ကျောင်းတွင်း ဝမ်းနည်းကြေကွဲဖွယ်ရာ အဖြစ်အပျက်တစ်ခုဖြစ်ပွားခဲ့ရာ သူတို့ရေးသားခဲ့သည့် စာများသည် ကြောက်ရွံ့မှုနှင့် နာကျင်မှုတို့ကို ရင်ဆိုင်ခံစားနေရသည့် ရွယ်တူကျောင်းသားများ၏ စိတ်ဝိညာဉ်ကို အားတက်စေခဲ့သည်။

သက်သာလောနိတ်မြို့ရှိ ယုံကြည်သူများထံ ရှင်ပေါလုစာရေးချိန်တွင် သူ၏စိတ်ထဲ၌ အားပေးမှုနှင့် အပြန်အလှန် စိုးရိမ်ပူပန်မှုတို့ ရှိခဲ့သည်။ ချစ်ခင်ရသော မိတ်ဆွေများကို သူတို့ဆုံးရှုံးခဲ့ရသည်။ သို့သော် သူတို့ချစ်ရသူများအား တစ်ဖန်ပြန်လည်ထမြောက်စေမည့် ရှင်ယေရှု ပြန်ကြွလာမည့်ကတိတော်ကို ယုံကြည်ရန် တိုက်တွန်းခဲ့သည် (၁ သက်၄:၁၄)။ ထိုအရာများ မည်သည့်အချိန်၌ ဖြစ်မည်ကို ၎င်းတို့မသိသော်လည်း ယုံကြည်သူများအနေဖြင့် ဘုရား သခင်ပြန်လာပြီး စီရင်မည်ကို ကြောက်ရွံ့မှုဖြင့် စောင့်နေစရာမလိုကြောင်း ရှင်ပေါလုသတိပေးခဲ့သည်။ (၅:၉) စိုးရွံ့နေမည့်အစား ကိုယ်တော်နှင့်အတူနေရမည့် အနာဂတ်အသက်တာကို စိတ်ချစွာစောင့်နေရင်း အချင်းချင်းတိုက်တွန်းကာ တစ်ဦးကိုတစ်ဦး…

အဘွား၏ယုံကြည်ခြင်း

ညစာစားပွဲဘေးတွင် ဝိုင်း၍ထိုင်နေကြစဉ် ၉ နှစ်အရွယ် ကျွန်မ၏မြေးယောကျ်ားလေးက “ကျွန်တော်က အဘွားနဲ့တူတယ်။ စာဖတ်တာကို နှစ်သက်မြတ်နိုးတယ်” ဟု ပြုံး၍ပြောပါသည်။ သူ့စကားကိုကြားသောအခါ ကျွန်မ အလွန်ဝမ်းသာမိသည်။ မနှစ်က သူနေမကောင်းဖြစ်ပြီး ကျောင်းသို့မသွားဘဲ အိမ်မှာနေခဲ့ရသည်ကို ကျွန်မသတိရမိသည်။ သူက အချိန်ကြာကြာ တစ်‌ရေးအိပ်ပြီးနောက် မြေးအဘွား နှစ်ယောက်သား ဘေးချင်းယှဉ်ထိုင်လျက် စာဖတ်ကြသည်။ ကျွန်မမိခင်ထံမှ လက်ခံရရှိခဲ့သော စာဖတ်ခြင်းကိုမြတ်နိုးသည့် အမွေအနှစ်ကို ကျွန်မ၏မြေးကလေးအား လက်ဆင့်ကမ်းပေးခွင့်ရသည့်အတွက် ကျွန်မ ပျော်ရွှင်ခဲ့ရသည်။

သို့သော်လည်း ယခုမြေးများကို ပေးသောအရာသည် ကျွန်မပေးချင်သည့် အရေးကြီးဆုံးသော အမွေအနှစ်တော့ မဟုတ်ပါ။ ကျွန်မ၏မိဘထံမှလက်ခံရရှိသော ယုံကြည်ခြင်းအမွေအနှစ်ကို သားသမီးထံ လွှဲပေးပြီး သူတို့မှတစ်ဆင့် မြေးများ ၎င်းတို့၏ယုံကြည်ခြင်းခရီးပန်းတိုင်သို့ လျှောက်လှမ်းသွားရာ၌ ပံ့ပိုးကူညီနိုင်အောင် လက်ဆင့်ကမ်း ပေးမည့် အမွေအနှစ်အတွက် ကျွန်မဆုတောင်းမိပါသည်။

တိမောသေသည် ဘုရားကို ဦးထိပ်ထားသော မိခင်နှင့်အဘွား၏ဝိညာဉ်ရေးရာ အမွေအပြင် ဆရာဖြစ်သည့်…

မေတ္တာသည် သေခြင်းနှင့်အမျှ တန်ခိုးကြီးပါ၏

နယ်သာလန်နိုင်ငံ ရိုရ်မုတ်(Roermond)မြို့ရှိ ပရိုတက်စတင့်(Protestant)နှင့် ကက်သိုလစ်(Catholic)သင်္ချိုင်းအကြားရှိ အုတ်နံရံတစ်လျှောက် အပန်းဖြေလမ်းလျှောက်သွားလျှင် စူးစမ်းစရာမြင်ကွင်းကို သင်တွေ့မြင်ရပေမည်။ နံရံတစ်ဘက်စီ၌ တူညီသော အုတ်ဂူကျောက်တိုင်နှစ်ခု ကပ်ထားသည်ကိုတွေ့ရပြီး၊ တစ်ခုမှာ ပရိုတက်စတင့်ခင်ပွန်းအတွက်ဖြစ်ပြီး တစ်ခုမှာ ကက်သိုလစ်ဇနီးအတွက်ဖြစ်သည်။ ၁၉ ရာစုနှစ်အတွင်းက ထိုလူမျိုးတို့၏ ဓလေ့ထုံးတမ်းစဉ်လာအရ ဂိုဏ်းဂဏမတူသောကြောင့် သီးခြား သင်္ချိုင်းများတွင် မြှုပ်နှံကြရသည်။ သို့ရာတွင် သူတို့၏ကံကြမ္မာကို သူတို့လက်မခံကြပါ။ ပုံမှန်မဟုတ်သော သူတို့၏အုတ်ဂူကျောက်တိုင်သည် ကွယ်နေသော နံရံအထက် တစ်ပေနှစ်ပေခန့် လေထဲတွင် လွတ်နေသည်။ ကျောက်တိုင်၏ ထိပ်တွင် ပန်းပုလက်ရာ လက်မောင်းနှစ်ခုသည် တစ်ခုနှင့်တစ်ခု လက်တွဲယှက်တင်လျက် ရှိသည်။ ထိုစုံတွဲသည် သေသွားကြသည့်တိုင်အောင် တစ်ဦးနှင့်တစ်ဦး ခွဲထားခြင်းကို ငြင်းပယ်ခဲ့ကြသည်။

ရှောလမုန်သီချင်းတွင် ချစ်ခြင်းမေတ္တာ၏အစွမ်းတန်ခိုးကို ဖော်ပြထားသည်။ “မေတ္တာသည် သေခြင်းနှင့်အမျှ တန်ခိုးကြီးပါ၏။ ခင်ပွန်းကို မယုံသောစိတ်သဘောသည် မရဏနိုင်ငံနှင့်အမျှ ခက်ထန်ပါ၏”(၈:၆) ဟု ရှောလမုန်မင်းကြီးက ပြောဆိုထားသည်။ မေတ္တာစစ်သည်…

ဘုရားသခင်၏အစဥ်မပြတ်အတူတည်ရှိနေမှု

ကျွန်မ၏အထက်တန်းကျောင်းနှစ်ပတ်လည်စာအုပ်၌ ပါရှိသည့် ခေတ်မမီတော့သည့် ပုံတုံး ဆံပင်ပုံစံ၊ အဝတ်အစားနှင့် ခေတ်ဟောင်းကားများကို ကြည့်ပြီး ကျွန်မ၏မြေးများက တအံ့တသြဖြစ်နေကြသည်။ ကျွန်မ၏အမြင်ကမူ တစ်မျိုးကွာခြားသည်။ ပထမ ဆုံး ကြာမြင့်စွာပေါင်းသင်းခဲ့သည့်မိတ်ဆွေများ၏အပြုံးကို မြင်ပြီး၊ အချို့နှင့် ယခုတိုင် သူငယ်ချင်းဖြစ်နေဆဲပါ။ ထို့ပြင် ဘုရား၏ထိန်းသိမ်းနိုင်စွမ်းကို ကျွန်မတွေ့ရသည်။ ကျောင်းတွင် အဆင်ပြေအောင် ကြိုးစားရုန်းကန်နေရချိန်တွင် သူ့ကိုရှာသော သူတိုင်းအားပေးသော ကြင်နာမှုဖြစ်သည့် ကိုယ်တော်၏ တည်မြဲသော ကောင်းမြတ်ခြင်းက ကျွန်မကို စောင်မကြည့်ရှုခဲ့သည်။

ဘုရားရှင် သူနှင့်အတူ အစဥ်မပြတ်ရှိသည်ကို ဒံယေလသိသည်။ ဗာဗုလုန်ပြည် ၌ စစ်သုံ့ပန်းအဖြစ်ရှိနေစဉ်တွင် ရှင်ဘုရင် ထုတ်ပြန်သော အမိန့်တော်ကို မမှတ်ဘဲ (ဒံ ၆:၇-၉) သူသည် “ယေရုရှလင်မြို့သို့မျက်နှာပြုရာ အထက်ခန်း ပြတင်းပေါက်ကို ဖွင့်လျက် ဆုတောင်း၍ ဂုဏ်ကျေးဇူးတော်ကို ချီးမွမ်းလေ၏”(၆:၁၀)။ ဘုရားရှင် ၏အတူတည်ရှိနေမှုက သူ့ကို စောင်မလျက်၊ ထိုဘုရားသည် သူ၏ဆုတောင်းသံကို…