ဘုရားသခင်၏ ကြွယ်ဝသောထောက်ပံ့မှု

၂၀၂၄ ခုနှစ်တွင် ဟယ်လင်မုန်တိုင်းနှင့် ရေလွှမ်းမိုးမှုကြောင့် မြောက်ကာရိုလိုင်းနားရှိမြို့ငယ်လေးမှာ ပျက်စီးလုနီးပါး ဖြစ်သွားခဲ့ပြီးနောက်၊ သင်းအုပ်ဆရာတစ်ဦးသည် စိတ်အားတက်ဖွယ်ရာတစ်ခုကို သတိပြုမိခဲ့သည်။ “ဘာလိုသလဲ”ဟူသော မေးခွန်းကို ဖြေဆိုရန် ကြိုးစားနေစဉ်၊ သူလိုအပ်သည့်အချိန်တွင် အလှူငွေများကွက်တိ ရောက်လာခဲ့သည်။ ဖုန်းအားသွင်းရန်လိုသလား။ ရုတ်တရက် လူတစ်ဦးသည် မီးစက်တစ်လုံးနှင့်ရောက်လာပြီး၊ ဘုရားကျောင်းတွင် ဖုန်းအားသွင်းရန်နေရာတစ်ခုကို ဖန်တီးပေးခဲ့သည်။ သောက်ရေလိုသလား။ ချက်ခြင်းပင် ရေသန့်ဘူးများ ကတ်လိုက် ရောက်လာခဲ့သည်။

တိုက်ဆိုင်မှုလား။ တိုက်ဆိုင်မှုမဟုတ်ကြောင်း “ငါ၏ဘုရားသခင်သည် ဘုန်းအာနုဘော်၌ စံပယ်တော်မူသော စည်းစိမ်ရှိသည်အတိုင်း၊ သင်တို့အလိုရှိသမျှတို့ကို ယေရှုခရစ်အားဖြင့် ပြည့်စုံစေတော်မူလိမ့်မည်”ဟူသော ဘုရားသခင်၏ကတိတော်ကို သမ္မာကျမ်းစာက ညွှန်ပြနေသည် (ဖိ ၄:၁၉)။ ပေ ၃၀ မြင့်သော ရေထုကြီးကြောင့် ပြိုလဲလုနီးပါးဖြစ်နေသောမြို့အတွက် ထိုကတိတော်သည် အချည်းနှီးဖြစ်ပုံရပါသည်။ သို့သော် အထက်ပါစကားဖြင့် အားပေးခဲ့စဥ်က ရှင်ပေါလုသည် အကျဉ်းထောင်ထဲတွင်ရှိနေပြီး သူသည် ဆင်းရဲဒုက္ခများနှင့် မစိမ်းခဲ့ပေ။

ပေါလုသည် အလွန်လိုအပ်နေသော…

ဘုရားသခင်ပေးသော ရဲစွမ်းသတ္တိ

အမှုဆောင်အရာရှိချုပ်သည် အလွန်ခက်ထန်သောစကားလုံးများဖြင့် ဝန်ထမ်းများအား နာကျင်စေ‌လေ့ရှိသော်လည်း၊ Gene(ဂျင်း) အပါအဝင် လူတိုင်းက သူ့ကို ကြောက်သောကြောင့် သူ့အား မည်သူမှ ရင်မဆိုင်ခဲ့ကြပေ။ သို့သော် တစ်နေ့တွင် ဝန်ထမ်းအသစ်တစ်ဦးကို ဆူပူကြိမ်းမောင်းသောကြောင့် ဝန်ထမ်းမလေး မျက်ရည်ကျခဲ့ရသည်။ အခန်းထဲရှိလူများ နှုတ်ဆိတ်နေသည်ကို ဂျင်း မြင်သောအခါ၊ သူသည် စတင်ပြောဆိုခဲ့သည်။

“လူတွေကို ဆက်ဆံတဲ့ သူ့ရဲ့ပုံစံ မှားနေတယ်လို့ ကျွန်တော်ပြောလိုက်တယ်။ တစ်စုံတစ်ယောက်က ပထမဆုံးအကြိမ် သူ့ကို ရင်ဆိုင်ပြောတာဖြစ်လို့ သူအံ့ဩသွားတယ်။ သူမပြောင်းလဲပေမယ့် ကျွန်တော် ပြောလိုက်ရတာကို ကျွန်တော်ဝမ်းသာတယ်”ဟု ဂျင်းက ပြန်ပြောင်းပြောပြသည်။

ကျမ်းစာတွင် လူအများက ကြောက်ရွံ့သောစိန်ခေါ်မှုကို ရင်ဆိုင်ဖြေရှင်းခဲ့သူတစ်ဦးအကြောင်း ဖော်ပြထားသည်။ ဒါဝိဒ်၏စစ်သည်တစ်ဦးဖြစ်သော ရှမ္မသည် ခက်ခဲသောအခြေအနေများမှ အနာဂတ်မင်းလောင်းထံသို့ ရောက်လာခဲ့ပြီး(၂ ရာ ၂၃:၁၁-၁၂)၊ ဖိလိတ္တိလူတို့ကို ချေမှုန်းရန် သူ့အား ဘုရားသခင် အသုံးပြုခဲ့သည်။ “ဖိလိတ္တိလူတို့သည် ပြောင်းစပါးစိုက်သော လယ်ကွက်၌ စုဝေး(သဖြင့်)၊…

ဘုရားသခင်စိုးစံရာ

၂၀၁၈ ခုနှစ်က လူတစ်ဦးသည် နယူးယောက်ဟိုတယ်ရှိ အခန်းတစ်ခန်းတွင် တစ်ညတာ တည်းခိုခဲ့သည်။ အံ့သြစရာမှာ သူသည် မရှင်းလင်းသော ငှားရမ်းခ ဥပဒေများကို အခွင့်ကောင်းယူကာ တစ်ပြားတစ်ချပ်မှ ထပ်မပေးဘဲ အခန်းကို ငါးနှစ်ကြာ အသုံးပြုခဲ့သည်။ သို့သော် အခန်း မဖယ်ပေးခြင်းကြောင့် အဆုံး၌ ထောင်ဒဏ် ချမှတ်ခံခဲ့ရသည်။

စိတ်ပျက်ဖွယ် ကြာမြင့်စွာ နေထိုင်ခဲ့သည့် အိမ်ငှားကဲ့သို့ပင်၊ ကျွန်ုပ်တို့ သတိလစ်သွားပါက မာရ်နတ်သည် ကျွန်ုပ်တို့အသက်တာ၌ တဝဲလည်လည် ရှိနေမည်ဟု သတိပေးလျက်၊ “မာရ်နတ်ကို ဆီးတားကြလော့။ သို့ပြုလျှင်၊ သူသည် သင်တို့ထံက ပြေးသွားလိမ့်မည်” ဟု ရှင်ယာကုပ်ရေးသားခဲ့သည် (ယာ ၄:၇)။ ကျွန်ုပ်တို့ ၏ရုန်းကန်ရမှုသည် စိတ်နှလုံး၌ နေရာယူနေသည့် မာန်မာန၊ ယုံကြည်ခြင်းနှင့် အလိုဆန္ဒကြား လွန်ဆွဲနေမှု၊ မသန့်ရှင်းသောအတွေး စသည့် မသန့်ရှင်းသော “ကိလေသာကာမစိတ်”နှင့် “ကာမဂုဏ်ခံစားခြင်း”များမှဖြစ်ပေါ်လာကြောင်း(:၁၊၃)၊ ရှင်ယာကုပ်က အလေးပေးဖော်ပြထားသည်။…

အစဥ်မပြတ် ဆုတောင်းခြင်း၏တန်ခိုး

အကယ်ဒမီဆုရှင် သရုပ်ဆောင် Denzel Washington(ဒန်ဇယ်ဝါရှင်တန်)က လူငယ်သရုပ်ဆောင်အဖွဲ့တစ်ဖွဲ့အား နေ့ရက်တိုင်းကို ဆုတောင်းခြင်းဖြင့် အစပြုရန် အားပေးခဲ့သည်။ ထိုသူတို့အား “မနက်ခင်းတွင် ဒူးထောက်ရမည်” ဖြစ်သောကြောင့် သေသေချာချာ “ညဘက်တွင် ဖိနပ်များကို အိပ်ရာအောက်တွင်ထားရန်” အကြံပေးခဲ့သည်။

ဆုတောင်းခြင်းအလေ့အထကို ပုံမှန်လုပ်ဆောင်ရန် ဂရုတစိုက်စီစဉ်ခြင်းနှင့် တီထွင်ဖန်တီးမှုအချို့ လိုအပ်သော်လည်း၊ ၎င်းသည် သမိုင်းတစ်လျှောက်လုံး အထူးသဖြင့် ခက်ခဲသောအချိန်များတွင် ဘုရားသခင်၏ လူများကို ထောက်မခဲ့သည့် အလေ့အထတစ်ခုဖြစ်သည်။ ဒါရိမင်းလက်ထက်တွင် အမှုထမ်းခဲ့သော ဒံယေလ၏ဘဝတွင် ဤအချက်ကို တွေ့နိုင်သည်။ သူသည် အစိုးရ၏ ထိပ်တန်းဝန်ကြီးအဖြစ် အလျင်အမြန် ထင်ရှားကျော်ကြားခဲ့သောကြောင့် အခြားအရာရှိများ အမျက်ထွက်ခဲ့သည် (ဒံ ၆:၃)။ သူတို့၏မနာလိုမှုကြောင့် သူ့ကို ရာထူးမှဖယ်ရှားရန် ကြံစည်ခဲ့ရာ၊ “ဘုရားသခင်၏ဘာသာမှု”ကို စောင့်ထိန်းသည့် ဒံယေလ၏ဆည်းကပ်ကိုးကွယ်မှု တစ်ခုတည်းကိုသာ အပြစ်တင်နိုင်မည်ကို ၎င်းတို့ မနှေးအမြန် သိရှိခဲ့သည် (:၅)။ အရာရှိများသည် ဘုရင်အားလှည့်စားပြီး…

ဘုရားသခင်အားလုံးကို မြင်တွေ့သည်

ဂရေ့စ်က စားသောက်ဖွယ်မီနူးစာအုပ်နှင့်ကွယ်ကာ ပုန်းနေခြင်းကို မိုက်ကယ် မရယ်ဘဲမနေနိုင်။ ကော်ဖီဆိုင်တွင် မှာထားသည့်အစားအသောက်များကို စောင့်ဆိုင်းရင်း စားပွဲ၌ သူတို့ တူတူပုန်းတမ်းကစားကြသည်။ ဖခင်ကို သူမမြင်လျှင်၊ ဖခင်ကလည်း သူ့ကို မမြင်ရဟု ငါးနှစ်သမီးလေးက ထင်နေသည်။ ၎င်းသည် ကလေးကလားဆန်သော်လည်း နောက်ပိုင်းတွင် ၎င်းကို ပြန်ဆင်ခြင်တွေးမိသောအခါ အရေးကြီးသောသင်ရန်စာဟု မိုက်ကယ်နားလည်ခဲ့သည်။ “မိမိ၏အပြစ်များကို ဘုရားသခင် မမြင်အောင် ဖုံးကွယ်နိုင်သည်ဟု ကျွန်ုပ်တို့ယုံကြည်ပါသလား။” “ကိုယ်တော်ကို ကျွန်ုပ်တို့မမြင်ရလျှင် ကျွန်ုပ်တို့ကို ကိုယ်တော်မမြင်ဟု တွေးထင်ပါသလား။

အာမုတ် ၉ တွင် ဘုရားသခင်သည် ပရောဖက်အာမုတ်မှတစ်ဆင့် မိန့်မြွက်လျက် ဣသရေလလူတို့အား “ပုန်းရှောင်သော်လည်း ငါရှာ၍ ထုတ်မည်။... ကျေးဇူးမပြု၊ အပြစ်ပြုခြင်းငှာသာ ငါကြည့်ရှုမည်”ဟု (:၃-၄)၊ ၎င်းတို့၏အပြစ်များ စီရင်မခံရဘဲ လွတ်မြောက်နိုင်သည်ဟု မထင်မှတ်ရန် အလားတူ သတိပေးချက်ကို ထောက်ပြ သတိပေးခဲ့သည်။ အရာခပ်သိမ်းကို မြင်၍သိသော ဘုရားသခင်၏…

သင့်အတွက် တိုက်ခိုက်ပေးနေခြင်း

လက်ဝှေ့ထိုးကျွမ်းကျင်သူ ဂျင်မ်ဘရက်ဒေါ့သည် ကြွယ်ဝမှုနှင့် ကျော်ကြားမှုအတွက် လက်ဝှေ့ထိုးခြင်းမျိုးမဟုတ်ဘဲ၊ မိမိ မိသားစုဝမ်းရေးအတွက် လက်ဝှေ့ ထိုးသူအဖြစ် ထင်ရှားသူ ဖြစ်သည်။ Cinderella Man ရုပ်ရှင်ဇာတ်ကားတွင် အတိတ်က အောင်မြင်သော လက်ဝှေ့သမားတစ်ဦးအဖြစ်မှ ဟဲဗီးဝိတ်ချန်ပီယံ အဖြစ်သို့ တစ်ကြော့ပြန်ရောက်လာသည့် နတ်သမီးပုံပြင်ကဲ့သို့သော သူ့ဘဝ မှတ်တမ်းကို တင်ပြထားသည်။ ကမ္ဘာ့စီးပွားပျက်ကာလအတွင်း အလွန့်အလွန် ဆင်းရဲကြပ်တည်းမှုကို ရင်ဆိုင်ခဲ့ရစဥ် ဂျင်မ်သည် သူ၏စွမ်းအားအရင်းအမြစ်၊ ကျန်းမာရေး၊ ဂုဏ်သိက္ခာတို့ကို အထပ်ထပ် စတေးခံကာ သားသမီးများအတွက် ဖြည့်ဆည်းပေးခဲ့သည်။ ပြိုင်ဘက်၏ခြိမ်းခြောက်မှုကို စိုးစင်းမျှ မကြောက်ဘဲ၊ မိသားစုကို လုံခြုံစွာစောင့်ရှောက်နိုင်ရန် ကြိုးဝိုင်းထဲတွင် ထိုးနှက်တိုက်ခိုက်မှုကို သတ္တိရှိရှိ ကြံ့ကြံ့ခံနိုင်ခဲ့သည်။

မိသားစုကို ချစ်မြတ်နိုးစွာ ကာကွယ်ပေးခြင်းက ဂျင်မ်ချန်ရစ်ခဲ့သော အမွေအနှစ်ဖြစ်သည်။ ကျွန်ုပ်တို့ အတွက်လည်း ချစ်မြတ်နိုးစွာ ကာကွယ်ပေးနေသူရှိပြီး၊ ကြိုးဝိုင်းထဲတွင် ကျွန်ုပ်တို့ကိုယ်စား ဆောင်ရွက်ပေးမည်ဟု ကတိထားရှိသူဖြစ်သည်။ ဣသရေလလူမျိုးတို့သည် အီဂျစ်ပြည်၌…

စစ်မှန်သော ဘုရားသခင်၏သားဝောာ်

ဓာတ်ပုံပြိုင်ပွဲတစ်ခုတွင် “AI(artificial intelligence)” အေအိုင်ဉာဏ်ရည်တုဖြင့် ဖန်တီးသည့် ဓာတ်ပုံများကို မီးမောင်းထိုးပြသထားသည်။ ကွန်ပျူတာပေါ်တွင် အေအိုင်စာသားများ၏အစဖော် လှုံ့ဆော်မှုအားဖြင့် ဖန်တီးသောဓာတ်ပုံများကို ကမ္ဘာတစ်ဝန်းမှ ပေးပို့ယှဥ်ပြိုင်ကြသည်။ ပြိုင်ပွဲတွင် အေအိုင်ဖြင့် ဖန်တီးသည့် ဓာတ်ပုံများသာ ပြိုင်ပွဲဝင်ခွင့်ရသည်။ ဆုရဓာတ်ပုံမှာ သဲပြင်ကြီးနောက်ခံတွင် ပန်းနီရောင် ကြိုးကြာနီငှက်က ငှက်မွှေးလုံးသဏ္ဌာန် ကွေးလိပ်နေသည့်ဓာတ်ပုံမှာ စိတ်လှုပ်ရှားဖွယ်ရာ အသက်ဝင်လှပေသည်။

ပြဿနာမှာ ဆုရဓာတ်ပုံသည် ပန်းနီရောင်ကြိုးကြာနီငှက်အစစ်၏ ဓာတ်ပုံအစစ်ဖြစ်သည်။ ဓာတ်ပုံရိုက်သူက အေအိုင်ပြိုင်ပွဲတွင် ဓာတ်ပုံအစစ်ဖြင့် ဝင်ရောက်ပြိုင်ပွဲဝင်ခြင်းဖြစ်သည်။ သူ၏ဓာတ်ပုံ Flamingone(ဖလဲန်းမင်းဝမ်း)သည် သတ်မှတ်စည်းကမ်းနှင့် မကိုက်ညီ၊ ဓာတ်ပုံအစစ် ဖြစ်ခြင်းကြောင့် အပယ်ခံခဲ့ရသည်။

သခင်ယေရှုခရစ်ဝောာ်အပြစ်စီရင်ခံရခြင်းနှင့် ကားစင်တင်သတ်ခံရခြင်းတို့နှင့်ပတ်သက်၍ ပရောဖက်ဟေရှာယက သူ့အား “အသေသတ်ခြင်းငှာ ဆောင်သွားသောသိုးသငယ်ကဲ့သို့“ခေါ်ဆောင်သွားသည်ဟု(ဟေရှာ ၅၃:၇) အထင်အရှား ကြိုတင်ဟောထားသည်။ ယုဒလူမျိုးတို့၏ မေရှိယ (ကယ်တင်ရှင်) အဖြစ် ကြွေးကြော်ခြင်းကြောင့် ခရစ်တော်ကို တရားခုံရုံးသို့ ပို့ကြသည်။ သို့တိုင် သခင်သည်…

ထိန်းသိမ်းတည်ဆောက်သော အိမ်ထောင်တစ်ခု

အမေရိကန်ပြည်ထောင်စု၏ သမ္မတအားလုံးအနက် ဂျင်မီကာတာ၏ မင်္ဂလာဆောင်သက်တမ်းမှာ အကြာရှည်ဆုံးဖြစ်သည်။ သူနှင့်သူ၏ဇနီးဖြစ်သူ ရိုစလင်းတို့၏မင်္ဂလာသက်တမ်းမှာ ၇၇ နှစ် ဖြစ်သည်။ သူ့အား ရှည်ကြာသော၊ အောင်မြင်သော အိမ်ထောင်၏လျှို့ဝှက်ချက်ကို မေးသောအခါ သူက “မင်္ဂလာဆောင်ရန် မှန်ကန်သောလူကို ရွေးချယ်ပါ”ဟုဖြေခဲ့သည်။ ထိုမျှမက သူက အောင်မြင်သော အိမ်ထောင်၏ အယူအဆသုံးခု- ပြန်လည်သင့်မြတ်ခြင်း၊ ဆက်သွယ်ဆက်ဆံခြင်း၊ ယုံကြည်ခြင်းဖြင့် တစ်ဦးနှင့်တစ်ဦးအပေါ်စွဲကပ်ခြင်းဟူ၍ ဖော်ပြခဲ့သည်။

ဧဖက်ဩဝါဒစာ ၄:၂၆ တွင် “အမျက်မပြေဘဲ နေမဝင်စေနှင့်ဟု ရန်ပြေငြိမ်းခြင်းသဘောကို ဖော်ပြထားသည်။ ဤအချက်ကို ကာတာဇနီးမောင်နှံတို့ အလေးထားသည်။ “ညတိုင်း ကျွန်တော်တို့က တစ်နေ့တာလုံးမှာ အခြေအတင် ဖြစ်ခဲ့သမျှကို လုံးဝပြေလည်‌အောင် အသေအချာလုပ်တယ်”ဟု ဂျင်မီ တစ်ခါပြောဖူးသည်။ ဧဖက်အခန်းကြီး ၄ တွင် သခင်ယေရှုနှင့် သဏ္ဌာန်တူသော ဆက်သွယ်ဆက်ဆံရေး၏ လျှို့ဝှက်ချက်ကိုလည်း တွေ့ရှိနိုင်သည်။ “အချင်းချင်းကျေးဇူးပြုခြင်း၊ သနားစုံမက်ခြင်း၊ ဘုရားသခင်သည် ခရစ်ဝောာ်ကြောင့်…

အခြားသူများအား သစ္စာရှိစွာ အစေခံခြင်း

တစ်ခုသောကြာသပတေးနေ့တစ်နေ့၌ အသင်းတော်၏မိတ်သဟာယခန်းမထဲတွင် အသားညှပ် ပေါင်မုန့်များနှင့် ဖရဲသီးစိတ်များကို ပြင်ဆင်ကာ၊ စွန်းထင်းနေသော ကော်ဇောပေါ်ခင်းထားသည့် သတ္တုခေါက် ကုလားထိုင်၌ ထိုင်နေကြသည့် ဝမ်းနည်းနေသူများအတွက် တည်ခင်းပေးခြင်းဖြစ်သည်။ ၎င်းသည် အပြစ်ပြောစရာမရှိသည့် သာမန်ဈာပနတစ်ခုဖြစ်သော်လည်း တရားဟောဆရာအတွက်မူ အားနာစရာ ဖြစ်နေသည်။ သူသည် လူထောင်ချီပြည့်နေသောခန်းမများတွင် ဟောပြောသည့် နာမည်ကျော် တရားဟောဆရာတစ်ဦးဖြစ်ပြီး၊ ယခုမှာ သူသည် သာမန်စျာပနတွင် ခါတိုင်းကဲ့သို့ပင် စိတ်အားထက်သန်စွာ ဟောပြောနေသည်။

ရှင်ပေါလုက သူ၏သားတပည့်တိမောသေအား “နှုတ်ကပတ်တရားတော်ကို ဟောပြောလော့။ အချိန် ရှိသည်ဖြစ်စေ၊ မရှိသည်ဖြစ်စေ၊ ကြိုးစားအားထုတ်လော့။ ... သာသနာပြုဆရာ ဆောင်ရွက်ရသောအမှုကို ဆောင်ရွက်လော့”ဟု ပြောခဲ့သည် (၄:၂-၅)။ လင်းထိန်သောစင်မြင့်ကြီးများပေါ်တွင်သာမက၊ သာမန်ကြားရက် အစီအစဥ်များတွင်ပါ တာဝန်အားလုံးကို ထမ်းဆောင်ရန် ဖြစ်သည်။ ‌ထိုဟောပြောမှုများကို အနာဂတ်မျိုးဆက်များအတွက် အသံဖမ်းမှတ်တမ်းယူထားခြင်း ရှိမည်မဟုတ်သည့်အပြင် လူမဆိုစလောက်သာ တရားနာနေကြသည့်တိုင် ဤအမှုအရာကို ကောင်းစွာ ပြုကြရပါမည်။

အကြောင်းမှာ…