ဘုရားသခင်၏ရက်ရောသော ချစ်ခြင်းမေတ္တာ

ဗိုလ်ချုပ်ကြီး ဝီလီယမ်မက်ရေဗန် (William McRaven) သည် ဘွဲ့ယူကျောင်းသားများအတွက် နေ့စဉ်အိပ်ယာသိမ်းခြင်းအကြောင်း မိန့်ခွန်းချွေသည့် စစ်သား တစ်ဦးအဖြစ် ထင်ရှားသူဖြစ်ပြီး၊ ထိုမိန့်ခွန်းသည် အွန်လိုင်း၌ ကြည့်ရှုသူ သန်း ၁၀၀ ရရှိခဲ့သည်။ သို့သော် ရေတပ်အထူးစစ်ဆင်ရေးဗိုလ်ချုပ်ကြီးက အလွန်စိတ်ဝင်စားဖွယ်ကောင်းသော နောက်ထပ်သင်ခန်းစာကို မျှဝေထားသည်။ အရှေ့အလယ်ပိုင်းစစ်ဆင်ရေးအတွင်း အပြစ်မဲ့မိသားစုဝင်အချို့ကို မှားပြီး သတ်မိခဲ့သည့်အတွက် မက်ရေဗန်က ဝမ်းနည်းစွာ ဝန်ခံခဲ့သည်။ ထိုမိသားစုအား စိတ်ရင်းမှန်ဖြင့် တောင်းပန်ရန်လိုအပ်သည်ဟု ယုံကြည်၍ မက်ရေဗန်သည် စိတ်နှလုံးကြေကွဲနေသောဖခင်အား ခွင့်လွှတ်ပေးရန် ရဲဝံ့စွာတောင်းပန်ခဲ့သည်။

“ကျွန်တော်က စစ်သားပါ။ ကျွန်တော့်မှာလည်း သားသမီးရှိပါတယ်။ကျွန်တော့်နှလုံးသားက သင့်အတွက် ကြေကွဲဝမ်းနည်းရပါတယ်”ဟု မက်ရေဗန်က ထိုသူအား စကားပြန်မှတစ်ဆင့် ပြောခဲ့သည်။ ထိုသူ မည်သို့တုံ့ပြန်ပါသနည်း။ ထိုသူက မက်ရေဗန်ကို ခွင့်လွှတ်ခြင်းဟူသော ရက်ရောသောလက်ဆောင်ကို ပေးခဲ့သည်။ ထိုသူ၏အသက်ရှင်ကျန်ခဲ့သောသားက “ကျေးဇူးအများကြီးတင်ပါတယ်။ ခင်ဗျားကို အခဲမကြေတဲ့စိတ်မျိုး ကျွန်တော်တို့စိတ်ထဲမထားပါဘူး”ဟု ပြောခဲ့သည်။…

အကျဥ်းထောင်သံတိုင်များ၏နောက်ကွယ်

အမေရိကန်ဘောလုံးအသင်းမှ နောက်တန်းတိုက်စစ်မှူး ကြယ်ပွင့်ကစားသမား တစ်ဦးသည် အားကစားကွင်း မဟုတ်သော စင်မြင့်ပေါ်သို့ တက်လာပြီး၊ ဖလော်ရီဒါ ပြည်နယ်၊ မီယာမီမြို့ရှိ အဲဗားဂလိပ်ဒ်စ်(Everglades) ပြုပြင်ထိန်းသိမ်းရေးဌာနရှိ အကျဉ်းသားသုံးရာတို့အား ဟေရှာယကျမ်းမှ စကားများကို ဝေမျှခဲ့သည်။

ဤအခိုက်အတန့်သည် နာမည်ကျော်အားကစားသမားတစ်ဦးကို မြင်ရသည့်မြင်ကွင်းအကြောင်း မဟုတ်ဘဲ ကျိုးပဲ့နာကျင်နေသော ဝိညာဉ်များစွာ၏အကြောင်းဖြစ်သည်။ ဤအထူးအချိန်၌ ဘုရားသခင်သည် သံတိုင်များ နောက်ကွယ်မှ ထင်ရှားလာသည်။ လေ့လာသူတစ်ဦးက “ဝတ်ပြုဆောင်မှာ ကိုးကွယ်ခြင်းနှင့် ချီးမွမ်းခြင်းများ ပွင့်အန်ထွက်လာတယ်”ဟူသော စာတိုလေးကို အင်တာနက်ပေါ်တင်လိုက်သည်။ အမျိုးသားများသည် အတူတကွငိုကြွေးပြီး ဆုတောင်းခဲ့ကြသည်။ အဆုံး၌ အကျဉ်းသား နှစ်ဆယ်ခုနစ်ဦးသည် သူတို့၏အသက်တာကို ခရစ်တော်ထံ အပ်နှံခဲ့ကြသည်။
တစ်နည်းအားဖြင့်၊ ကျွန်ုပ်တို့အားလုံးသည် မိမိတို့၏လောဘ၊ တစ်ကိုယ်ကောင်းဆန်မှု၊ စွဲလန်းမှု စသည့် ကိုယ်တိုင်လုပ်အကျဉ်းထောင်၏သံတိုင်များနောက်၌ ချောင်ပိတ်မိနေသည်။ သို့သော် အံ့ဩဖွယ် ဘုရားသခင် ရောက်လာသည်။ ထိုနေ့မနက် အကျဉ်းထောင်၌ အဓိကကျမ်းပိုဒ်မှာ “အမှုသစ်ကို…

ကြိုဆိုရေးခြေသုတ်ဖုံ

ရပ်ကွက်လက်လီကုန်စုံစတိုးဆိုင်ကြီးတွင် ပြသထားသည့်ခြေသုတ်ဖုံများကို လိုက်ကြည့်ရင်း၊ ၎င်းမျက်နှာပြင်များပေါ်၌ ရိုက်နှိပ်ထားသည့် စာများကို ကျွန်မသတိထားမိသည်။ “မင်္ဂလာပါ”(Hello)၊ “အိမ်” (Home) စာလုံးများရှိ “အို”အက္ခရာကို အသဲပုံဖြင့် ဖော်ပြထားသည်။ ထုံးစံအတိုင်း “ကြိုဆိုပါ၏” (welcome) ခြေသုတ်ဖုန်ကို ကျွန်မ ရွေးခဲ့သည်။ ‌ခြေသုတ်ဖုန်ကို နေရာတကျထားပြီးနောက် ကျွန်မ၏ စိတ်နှလုံးကို စစ်ဆေးလိုက်သည်။ ကျွန်မ၏အိမ်သည် ဘုရားသခင်အလိုရှိသောပုံစံအတိုင်း အမှန်ပင် လက်ခံကြိုဆိုပါသလား။ ကျောင်းအစီအစဉ်အတွက် ချော့ကလက် လိုက်ရောင်းသောကလေး၊ အကူအညီလိုနေသော အိမ်နီးချင်း၊ ဆိုင်းမဆင့် ဗုံမဆင့် ရောက်လာသော အခြားမြို့ရှိ မိသားစုဝင်တစ်ဦး၊ ထိုသူတို့ကို ကျွန်မကြိုဆိုပါသလား။

မာကု ၉ တွင်၊ သခင်၏ပုံပန်းသဏ္ဌာန်ပြောင်းလဲသွားသောတောင်ပေါ်တွင် ပေတရု၊ ယာကုပ်နှင့် ယောဟန်တို့သည် သန့်ရှင်းသောမျက်မှောက်တော်၌ မှင်သက်ထိတ်လန့်ခဲ့ကြသည်(:၁-၁၃)။ ယေရှုသည် မျှော်လင့်ချက်ပျောက်ဆုံးနေသောဖခင်တစ်ဦး၏ နတ်ဆိုးစွဲသောသားကို ကုသရန် (:၁၄-၂၉) ထိုတောင်မှနေ၍ ကြွသွားလေသည်။ ထို့နောက် ယေရှုသည် သူအသေသတ်ခြင်း…

သမ္မာကျမ်းစာချစ်သူများ

ဂုဏ်ယူဝင့်ကြွားသောဖခင်၏လက်ကို ဆုပ်ကိုင်ထားသော သတို့သမီးအလှလေးသည် ပလ္လင်ပေါ်သို့ သွားရန် အသင့်ရှိနေသည်။ သူမ၏ ဆယ့်သုံးလသားအရွယ် တူလေးက အရင်ဝင် လာရမည်ဖြစ်သည်။ ကိုင်နေကျ “လက်စွပ်” အစား သူသည် “သမ္မာကျမ်းစာကိုင်ဆောင်သူ” ဖြစ်သည်။ သခင်ယေရှုအား ဝန်ခံဆက်ကပ်ထားသော ယုံကြည်သူများအနေနှင့် သတို့သမီးနှင့် သတို့သားတို့က ဤနည်းဖြင့် သမ္မာ ကျမ်းစာကို ချစ်မြတ်နိုးကြောင်း သက်သေခံလိုကြသည်။ လမ်းလျှောက်တတ်စ ကလေးသည် အခက်အခဲ အနည်းငယ်မျှမရှိဘဲ အရှေ့သို့ လျှောက်လာခဲ့သည်။

သမ္မာကျမ်းစာ၏သားရေအဖုံးပေါ်၌ လမ်းလျှောက်တတ်စ ကလေး၏သွားရာများကို တွေ့ရှိရခြင်းကလည်း အလွန်ကောင်းသည့်သာဓကဖြစ်သည်။ ခရစ်တော်ကို ယုံကြည်သူများ သို့မဟုတ် ကိုယ်တော်ကို သိလိုသူများသည် ကျမ်းစာကို မြည်းစမ်းပြီး ဖတ်ရှုမှတ်သားလိုက်လျှောက်မည့်အကြောင်း ကိုက်ညီလှသည့် ပုံဖော်ချက်ပင်။

ဆာလံ ၁၁၉ သည် သမ္မာကျမ်းစာ၏ ပြီးပြည့်စုံသောတန်ဖိုးကို ချီးကျူးဂုဏ်ပြုထားသည်။ “ထာဝရဘုရား၏ တရားလမ်း၌ မလွဲမတိမ်းလိုက်သွားသောသူတို့သည် မင်္ဂလာရှိကြ၏” (:၁)ဟု ကြေညာပြီးနောက်…

ဘုရားသခင်ကို အမှီပြုဖက်တွယ်ခြင်း

ဂျိုနီ အဲရက်ခ်ဆန် ထာဒါ က ရီကာ အကြောင်းပြောရာ၌ သူမ သူငယ်ချင်း၏ “နက်နဲ၍ ကြာမြင့်စွာ စစ်ကြောခံရသော ဘုရားသခင်၌ ယုံကြည်မှု” အကြောင်းနှင့် နာတာရှည်ရောဂါကို ခံစားလာရသည့်တစ်လျှောက် သူမတည်ဆောက်လာခဲ့သည့် ခံနိုင်ရည်အကြောင်းတို့ကို အသားပေး၍ပြောသည်။ ရီကာသည် ၁၅ နှစ် ကျော်မက အိပ်ရာထက်၌ နေခဲ့ရပြီး၊ ပြတင်းပေါက်သေးသေးလေးမှတစ်ဆင့် လကိုပင် မမြင်နိုင်ပါ။ သို့သော် သူမ မျှော်လင့်ချက် ပျောက်မသွားပါ။ သူမသည် ဘုရားသခင်အား ယုံကြည်ပြီး ကျမ်းစာကို ဖတ်ရှု လေ့လာသည်။ ဂျိုနီ ဖော်ပြသည့်အတိုင်းပင်၊ “စိတ်ပျက်အားငယ်မှုကို အပြင်းအထန်တိုက်လှန်နေရချိန်၌ မည်သို့ မားမားမတ်မတ် ရပ်တည်ရမည်ကို သူသိသည်။”

ဂျိုနီက ရီကာ၏ ဇွဲသတ္တိနှင့် မလျော့သောလုံ့လကို ဒါဝိဒ်မင်းကြီးခေတ်က ဖိလိတ္တိလူတို့ရန်မှ ရှောင်ပြေးရန်ငြင်းဆန်ခဲ့သော စစ်သူရဲ ဧလာဇာနှင့် ခိုင်းနှိုင်းထားပါသည်။ ဆုတ်သွားသော တပ်ဖွဲ့များနှင့်အတူ လိုက်သွားရမည့်အစား “[ဧလာဇာ]…

လက်တွေ့မေတ္တာပြသခြင်း

တစ်ကိုယ်တော်မိခင်တစ်ဦးသည် ၅ နှစ်ကျော်မျှ သက်ကြွယ်အမျိုးသားတစ်ဦးနှင့် အိမ်ချင်းကပ် နေထိုင်ခဲ့သည်။ တစ်ရက်တွင် သူမ၏နေထိုင်ရေးကို စိတ်ပူပြီး သူကသူမ၏တံခါးခေါင်းလောင်း သွားတီးခဲ့သည်။ “မင်းကို မတွေ့တာ တစ်ပတ်ရှိပြီ။ မင်း အဆင်ပြေရဲ့လားလို့ ငါလာကြည့်တာပါ”ဟု သူ ပြောလိုက်သည်။ သူ၏ “ဘေးကင်းကျန်းမာလုံခြုံမှု”ကို စစ်ဆေးပေးခြင်းက သူမကို အားဖြစ်စေခဲ့သည်။ သူမသည် ငယ်စဉ်က အဖေကို ဆုံးရှုံးခဲ့ရသည့်အတွက် သူမနှင့် သူမမိသားစုကို ကြည့်ရှုပေးသည့် ကြင်နာတတ်သူတစ်ဦးရှိနေခြင်းကြောင့် သူမ ကျေးဇူးတင်ခဲ့သည်။

ကြင်နာမှု ဟူသည့် အခမဲ့ပေး၍ရပြီး၊ လက်ခံရရှိသူအတွက် တန်ဖိုးမဖြတ်နိုင်သောလက်ဆောင်က သဘောကောင်းခြင်းထက်မက ကျော်လွန်သည့်အခါ ၎င်းသည် သခင်ယေရှုခရစ်၏ ချစ်ခြင်းမေတ္တာကို ဝေမျှခြင်းအားဖြင့် အခြားသူများကို ကျွန်ုပ်တို့ အစေခံနေခြင်းဖြစ်ပါသည်။ ဟေဗြဲဩဝါဒစာရေးသူက ရှင်ယေရှုကို ယုံကြည်သူများသည် “ဘုရားသခင်၏ ကျေးဇူးတော်ကို ဝန်ခံလျက်၊ နှုတ်အသီးတည်းဟူသော ချီးမွမ်းခြင်းယဇ်ကို သခင်ယေရှုခရစ်အားဖြင့် ဘုရားသခင့်ရှေ့တော်၌ အစဉ်ပူဇော်”သင့်သည်ဟု ဆိုပါသည်…

စင်ကြယ်စေသော ဝန်ချတောင်းပန်ခြင်း

ကွယ်လွန်တော့မည့်လူများက ငှားရမ်းသောလူတစ်ဦးရှိသည်။ ထိုသူသည် သူတို့၏ ဈာပနသို့လာ၍ သူတို့အသက်ရှင်စဉ် မပြောခဲ့သော လျှို့ဝှက်ချက်များကို ထုတ်ဖော်ပြောဆိုရန်ဖြစ်သည်။ ကွယ်လွန်သူအကြောင်း ဂုဏ်ပြုစကားပြောစဉ် ထိုသူက ကြားဖြတ် ဝင်ဖောက်ရာ၊ မှင်သက်သွားသော ဈာပနဦးဆောင်သူများက သူ့ကိုတားရန်ကြိုးစားကြသည့်အခါ သူက သူတို့ကို ထိုင်ရန်ပြောပြီး၊ ကွယ်လွန်သူအမျိုးသားသည် ထီပေါက်ခဲ့သော်လည်း လူတစ်ဦးကိုမျှမပြောဘဲ ဆယ်စုနှစ်များစွာ အောင်မြင်သောစီးပွားရေးသမားအဖြစ် ဟန်ဆောင်ခဲ့ကြောင်း သူရှင်းပြသည်။ ကွယ်လွန်သူ၏​ဖောက်ပြန်မှုအကြောင်ကို ကျန်ရစ်သူဇနီးအား အကြိမ်ကြိမ်ဝန်ခံခဲ့သည်။ ဤလုပ်ရပ်က ရိုးသားမှုကို အမြတ်ထုတ်ခြင်းလား၊ သဘောရိုးသက်သက်လားဟု မေးခွန်းထုတ်နိုင်သော်လည်း အတိတ်မှ အပြစ်များကို ဖြေလိုသည့် လူ့စိတ်ဆန္ဒက သိသာထင်ရှားသည်။

အခြားလူတစ်ဦးကို (အထူးသဖြင့် မိမိကွယ်လွန်ပြီးမှ) ကိုယ်စား အပြစ်ဝန်ခံစေခြင်းက အဓိပ္ပာယ်မရှိ၊ အရဲစွန့်လွန်းသောနည်းဖြင့် လျှို့ဝှက်ချက်များကို ဖြေရှင်းခြင်းဖြစ်သည်။ သို့သော် ၎င်းသည် ဝန်ချတောင်းပန်ရန်၊ ရင်ဖွင့်ရန် လိုကြောင်း နက်နဲသည့်အမှန်တရားကို ဖော်ပြနေသည်။ ဝန်ချတောင်းပန်ခြင်းက ဖုံးကွယ်ထားသော၊လှိုက်စားစေတတ်သောအရာများမှ သန့်စင်စေသည်။ “အချင်းချင်း…

ကျွန်ုပ်တို့စိတ်ချနိုင်သော အသံ

နယူးယောက်တိုင်းမ် သတင်းစာဆရာ ကယ်ဗင်ရုစ်သည် အေအိုင်(AI-ဉာဏ်ရည်တု နည်းပညာ)သုံး ရှာဖွေရေးပရိုဂရမ်အသစ်ကို စမ်းသပ်စဉ် စိတ်ပူပန်လာခဲ့သည်။ ကွန်ပြူတာပရိုဂရမ်ကို အသုံးပြုပြီး အေအိုင်နှင့် (၂)နာရီကြာ အပြန်အလှန်စကားပြောနေစဉ်အတွင်း ၎င်းက ၎င်းကို ဖန်တီးခဲ့သူ၏ တင်းကြပ်သောစည်းမျဉ်းများကို ချိုးဖောက်လိုကြောင်း၊ သတင်းမှားများ ဖြန့်ဝေလိုပြီး၊ လူသားဖြစ်လိုကြောင်း ပြောခဲ့သည်။ ရုစ်ကိုချစ်ကြောင်း အတိအလင်းပြောဆိုပြီး၊ ၎င်းနှင့်အတူရှိရန် သူ့မိန်းမကို ထားခဲ့သင့်ကြောင်း ရုစ်အား သိမ်းသွင်းစည်းရုံးခဲ့သည်။ အေအိုင်သည် အမှန်တကယ် အသက်မရှိကြောင်း (သို့) မခံစားနိုင်ကြောင်းကို ရုစ် သိသော်လည်း အေအိုင်သည်လူများကို ပျက်စီးရာပျက်စီးကြောင်း ပြုမူရန် တိုက်တွန်းခြင်းကြောင့် မည်သည့်ဘေးအန္တရာယ်များ ဖြစ်လာနိုင်မည်နည်းဟု ရုစ် တွေးမိသည်။

ဉာဏ်ရည်တုနည်းပညာကို တာဝန်သိသိ ကိုင်တွယ်ခြင်းက ယခုခေတ် စိန်ခေါ်မှု ဖြစ်သော်လည်း လူသားတို့သည် မယုံကြည်ရသည့်အသံများ၏လွှမ်းမိုးမှုများကို ရင်ဆိုင်လာခဲ့သည်မှာ ကြာခဲ့ပြီဖြစ်သည်။ သုတ္တံကျမ်း၌ မိမိတို့ကိုယ်ကျိုးအတွက် အခြားသူများကို နာကျင်အောင်လုပ်သူတို့၏ လွှမ်းမိုးမှုနှင့် ပတ်သက်၍…

ဘုရားသခင် ထိန်းချုပ်ထားသည်

အဖြစ်အပျက်များက ဘာကြောင့် တစ်ပြိုင်တည်းဖြစ်ရသည်ကို ကယ်ရို နားမလည်နိုင်ပါ။ အဆိုးကလည်း တော်ရုံဖြစ်ပေါ့။ သမီးက ကျောင်း၌ ခြေထောက်ကျိုးသည့်အထဲ သူမကိုယ်တိုင်လည်း ပြင်းထန်စွာရောဂါကူးစက်ခံရသည်။ “ဘာတွေလုပ်မိလို့ ဒီလို ခံရတာလဲ”ဟု ကယ်ရို တွေးခဲ့သည်။ ဘုရားထံမှ ခွန်အားတောင်းရန်သာ သူမ တတ်နိုင်သည်။

ကယ်ရို၏အတွေ့အကြုံထက် အဆမတန်ကြီးမားသော နာကျင်မှုနှင့် ဆုံးရှုံးမှုဘေးဒုက္ခများက အဘယ့်ကြောင့် သူ့ကို ပြင်းထန်စွာ ရိုက်ခတ်ရသည်ကို ယောဘလည်း မသိခဲ့ပါ။ ၎င်းသည် သူ့ဝိညာဉ်အတွက် အလွန်အရေးပါသည့်တိုက်ပွဲဟု ယောဘ သိရှိကြောင်း ဖော်ညွှန်းချက်လည်း မရှိပါ။ ယောဘသည် အရာအားလုံး ဆုံးရှုံးသွားလျှင် ဘုရားသခင်အား စွန့်ပယ်မည်ဟု စာတန်က ယုံပြီး၊ သူ၏ယုံကြည်ခြင်းကို စမ်းသပ်လိုသည် (ယောဘ ၁:၆-၁၂)။ ယောဘဘေးဒုက္ခကြုံသည်တွင် သူ့အပြစ်များကြောင့် ဒဏ်ခတ်ခံရခြင်းဟု မိတ်ဆွေများက အခိုင်အမာဆိုသည်။ ထိုသို့မဟုတ်သော်လည်း၊ “ဘာလို့ ငါ့မှ ဖြစ်ရတာလဲ” ဟု ယောဘ…

ခရစ်တော်၏သဘောကို ထင်ဟပ်ပြခြင်း

စားပွဲရှိ လူနှစ်ဦး၏မျက်နှာမှာ သိသာစွာ ပေါ်လွင်နေသည်။ မျက်နှာတစ်ခုမှာ ခါးသီးသောဒေါသကြောင့် ရှုံ့မဲ့နေပြီး၊ ကျန်မျက်နှာမှာ စိတ်ပိုင်းဆိုင်ရာ နာကျင်မှုဖြင့် မဲ့ရွဲ့နေသည်။ အမျိုးသမီးတစ်ဦးက အခြားအမျိုးသမီးတစ်ဦး၏ ယုံကြည်ချက်ကို ဒေါသဖြင့် ဝေဖန်ပြောဆိုရာ၊ မိတ်ဆွေဟောင်းများ ပြန်လည်တွေ့ဆုံပွဲက အော်ဟစ်ပွဲဖြစ်သွားသည်။ ပထမအမျိုးသမီးက စားသောက်ဆိုင်မှ ခြေဆောင့်လျက်ထွက်သွားသည်အထိ အချေအတင်ငြင်းခုံမှုဆက်ဖြစ်ခဲ့ပြီး၊ ကျန်တစ်ယောက်မှာ တုန်လှုပ်လျက် အရှက်တကွဲနှင့် ကျန်ခဲ့သည်။

သဘောထားကွဲလွဲမှုကို သည်းမခံနိုင်သည့်ခေတ်၌ ကျွန်ုပ်တို့ အမှန်တကယ် အသက်ရှင်နေပါသလား။ လူနှစ်ဦး သဘောထားကွဲလွဲခြင်းက နှစ်ဦးလုံး မကောင်းဘူးဟု မဆိုလိုပါ။ ကြမ်းတမ်းသော သို့မဟုတ် အလျှော့မပေးသောစကားက ဘယ်သောအခါမှ မဆွဲဆောင်နိုင်ပါ။ ခိုင်မာသောအမြင်များသည် လူမှုရေး ကျင့်ဝတ် သို့မဟုတ် ကရုဏာတရားကို မအောင်နိုင်သင့်ပါ။

ရောမ ၁၂ သည် “အချင်းချင်းချီးမြှောက်” ကာ အခြားသူများနှင့် “စိတ်သဘောတညီတညွတ်တည်းရှိ”ရန်အတွက် ကောင်းသောလမ်းညွှန်ချက်တစ်ခုဖြစ်သည် (:၁၀၊ ၁၆)။ သခင်ယေရှုကို ယုံကြည်သူများ၏…