အသက်သရဖူ

အသက် (၁၂) နှစ် အရွယ် LeeAdianez Rodriguez-Espada (လီအဒီယာနက်ဇ် ရိုဒရီဂက်ဇ် အက်စ်ပါဒါ) သည် ၅ ကီလိုမီတာ (၃ မိုင်ကျော်) အပြေးပြိုင်ပွဲတွင် နောက်ကျမည်ကို စိုးရိမ်နေသည်။ သူမ၏စိုးရိမ်စိတ်‌ကြောင့် သူမ၏ပြေးပွဲ စတင်ချိန်ထက် ဆယ့်ငါးမိနစ်စောပြီး မာရသွန်တစ်ဝက်ပြိုင်ပွဲ (၁၃ မိုင်ကျော်)‌ ပြေးမည့်သူများနှင့် သူတာထွက်ခဲ့သည်။ လီအဒီယာနက်ဇ် သည် အခြားအပြေးသမားများနှင့်အတူ တူညီသောစည်းချက်အတိုင်း ရှေ့ခြေနောက်ခြေချကာ မှန်မှန်‌ပြေးခဲ့သည်။ လေးမိုင်တွင် ပန်းဝင်စည်းကို မည်သည့်နေရာတွင်မျှမမြင်ရသောအခါ သူမသည် ပိုရှည်လျားပြီး ပိုမိုခက်ခဲသော အပြေးပြိုင်ပွဲကို ပြေးနေကြောင်း သဘောပေါက်လိုက်သည်။ သို့ရာတွင် ပြိုင်ပွဲမှ နုတ်ထွက်ခြင်းမပြုဘဲ ဆက်လက်ပြေးနေခဲ့သည်။ မာရသွန်တစ်ဝက်ပြိုင်ပွဲဝင်တစ်ဦးသည် အမှတ်မထင် (၁၃.၁) မိုင်ပြေးပွဲကို ပြီးမြောက်ခဲ့ပြီး ပန်းဝင်သူ ၂၁၁၁ ဦးတွင် ၁၈၈၅ အဆင့်ကို ရရှိခဲ့သည်။ ၎င်းသည် မဆုတ်မနစ်သော ဇွဲလုံ့လပေတည်း။

ပထမရာစုနှစ်က…

အခြားသူများ၏လိုအပ်ချက်ကို ဖြည့်ဆည်းပေးခြင်း

ဖိလစ် (Philip) ၏ဖခင်သည် ပြင်းထန်သောစိတ်ရောဂါဝေဒနာကို ခံစားခဲ့ရပြီး အိမ်မှထွက်ခွာကာ လမ်းပေါ်တွင် လေလွင့်နေထိုင်ခဲ့သည်။ စင်ဒီ (Cyndi) နှင့် သူမ၏သားငယ်လေး ဖိလစ်သည် သူ့အား တစ်နေကုန်ရှာဖွေခဲ့ပြီး ဖိလစ်သည် သူ့ဖခင်ကျန်းမာရေး အတွက် အမှန်ပင် စိုးရိမ်ခဲ့သည်။ သို့နှင့် သူ့မိခင်အား သူ့ဖခင်နှင့်အိမ်ယာမရှိသူများ နွေးထွေးမှုရှိမရှိကို မေးခဲ့သည်။ အဖြေအဖြစ် သူတို့သည် အဆိုပါဒေသရှိ အိုးမဲ့အိမ်မဲ့များအတွက် စောင်များနှင့် အအေးဒဏ်ကို ကာကွယ်‌ ပေးသည့် အသုံးအဆောင်ပစ္စည်းများကို အားထုတ်လျက် စုဆောင်းဖြန့်ဝေခြင်းကို စတင်ဆောင်ရွက်ခဲ့သည်။ စင်ဒီသည် ဆယ်စုနှစ်တစ်စုကျော်ကြာသည်အထိ ထိုအလုပ်ကို သူမ၏အလုပ်ဟု မှတ်ယူခဲ့ပြီး၊ သူမ၏သားအတွက်၊ နွေးထွေးသော အိပ်စရာနေရာမရှိသည့်အခက်အခဲကို သတိပြုမိစေသည့် သူမ၏ဘုရားသခင်အပေါ် နက်ရှိုင်းသော ယုံကြည်ခြင်းအတွက် သူမ၏ ဂုဏ်ယူဝမ်းမြောက်ခဲ့သည်။

သူတစ်ပါး၏လိုအပ်ချက်အပေါ် တုံ့ပြန်ဖြည့်ဆည်းတတ်ရန် သမ္မာကျမ်းစာမှ ကျွန်ုပ်တို့ကို သင်ပေးခဲ့သည်မှာ ကြာပြီဖြစ်သည်။ ထွက်မြောက်ရာကျမ်းတွင် မောရှေသည် လိုအပ်မှုများပြားလှသူများအား…

အသက်ကယ်သော ဘုရားသခင်၏ဉာဏ်ပညာတော်

စာများစုပုံလာသည်ကိုတွေ့ရှိပြီးနောက် စာပို့သူ စာတိုက်ဝန်ထမ်းမှာ စာလက်ခံရရှိသူအတွက် စိုးရိမ်လာခဲ့သည်။ ဤအိမ်၌ သက်ကြီးအဖွားအိုတစ်ဦးတည်း နေထိုင်ပြီး နေ့စဉ် သူမ၏စာများကို ထွက်ယူလေ့ရှိကြောင်း သူမသိသည်။ သို့နှင့် အဖွားအို၏ အိမ်နီးနားချင်းတစ်ဦးအား သူမ၏စိုးရိမ်မှုကို ပြောပြခဲ့ခြင်းဖြင့် အမြော်အမြင်ရှိသော ရွေးချယ်မှုတစ်ခုကို ပြုခဲ့သည်။ ဤအိမ်နီးချင်းက အဖွားအို၏အိမ်သော့အပိုရှိသော အခြားအိမ်နီးချင်းတစ်ဦးအား တပ်လှန့် နှိုးဆော်လိုက်ပြီး သော့ဖွင့်ကာ အိမ်ထဲသို့ အတူဝင်ကြည့်ရာ သူတို့၏ အိမ်နီးချင်းအဖွားအိုမှာ ကြမ်းပြင်ပေါ်တွင် လဲကျနေသည်ကို တွေ့ရှိခဲ့သည်။ သူမသည် လွန်ခဲ့သည့် လေးရက် ကတည်းကလဲကျနေခဲ့ပြီး မထနိုင်ခြင်းကြောင့် အကူအညီလည်း မတောင်းနိုင်ခဲ့ပေ။ စာတိုက်ဝန်ထမ်း၏ အမြော်အမြင်ရှိမှု၊ အလေးထားမှုနှင့် ဆုံးဖြတ်ချက်သည် အဖွားအို၏အသက်ကို ကယ်ဆယ်လိုက်နိုင်ခြင်းဖြစ်သည်။

“သူတစ်ပါးတို့၏စိတ်ဝိညာဉ်ကို ရသောသူသည်လည်း ပညာရှိဖြစ်၏” (၁၁:၃၀) ဟု သုတ္တံကျမ်းက ဆိုထားသည်။ မှန်သောကျင့်ကြံပြုမူခြင်းနှင့် ဘုရားသခင်၏ပညာတော်နှင့်အညီ အသက်ရှင်ခြင်းမှ ရရှိသော ပိုင်းခြားသိမြင်မှုဉာဏ်သည် မိမိအတွက်သာမက မိမိနှင့်ကြုံတွေ့ရသူများအတွက်လည်း…

ခရစ္စမတ်ပြီး နောက်တစ်နေ့

ခရစ္စမတ်နေ့၏ ပျော်ရွင်မှုအားလုံးပြီးဆုံးသည့် နောက်တစ်နေ့သည် စိတ်ပျက်အားလျော့စရာကဲ့သို့ ခံစားခဲ့ရသည်။ တစ်ညလုံး မိတ်ဆွေများနှင့်အတူ ရှိနေခဲ့၍ ကောင်းစွာ မအိပ်ခဲ့ရပါ။ ပြီးနောက် ကျွန်ုပ်တို့အိမ်အပြန်လမ်းတွင် ကားပျက်သွားသည်။ ပြီးနောက် နှင်းများကျလာသည်။ ကားကိုထားခဲ့ပြီး အငှားယာဉ်နှင့် အိမ်ပြန်ခဲ့ရသည်။ ခွန်အားမရှိသကဲ့သို့ ခံစားရသည်။

ခရစ္စမတ်နေ့ပြီးသည့်နောက် အားလျော့သောစိတ်မျိုးကို ကျွန်ုပ်တို့သာခံစားရသူများမဟုတ်ပါ။ အစာအလွန်အကျွံစားသုံးခြင်းဖြစ်စေ၊ ရေဒီယိုမှ ခရစ္စမတ်သီချင်းများ ရုတ်တရက်ပျောက်ကွယ်သွားခြင်းဖြစ်စေ၊ (သို့) လွန်ခဲ့သည့်အပတ်က ဝယ်ယူခဲ့သော လက်ဆောင်ပစ္စည်းများကို ယခု တစ်ဝက်ဈေးနှင့် ရောင်းချပေးခြင်း စသည့်အရာများကြောင့် မှော်ဆန်သော ခရစ္စမတ်နေ့သည် မြန်မြန်ဆန်ဆန်ပင် လွင့်စင်ပပျောက်သွားသည်။

ယေရှုဖွားမြင်ပြီး နောက်တစ်နေ့အကြောင်းကို ကျမ်းစာက ဘာမှဖော်ပြထားခြင်းမရှိပါ။ သို့သော် ဗက်လင်မြို့သို့ ‌ခြေလျင်ခရီးနှင်ပြီးနောက် တည်းခိုရန်နေရာကြိုးပမ်းရှာဖွေရ၊ မာရိ၏ မီးဖွားရာတွင်နာကျင်ရမှုနှင့်၊ သိုးထိန်းများကလည်း ဗြုန်းစားကြီး ရောက်ချလာခြင်း (လု ၂:၄-၁၈) စသည့်အကြောင်းများကြောင့် မာရိနှင့်ယောသပ်တို့ ပင်ပန်းနွမ်းနယ်နေကြမည်ကို ကျွန်ုပ်တို့မြင်ယောင်ကြည့်နိုင်ပါသည်။ မာရိသည် သူမ၏မွေးကင်းစကလေးကို…

ခရစ်တော်မွေးဖွားမည့် ကတိတော်

ရူပဗေဒပညာရှင် John W. Mauchly ဂျွန်ဒဗလျူမောက်ချလီ သည် ၁၉၆၂ ခုနှစ်၊ နိုဝင်ဘာလက “သာမန်ယောကျ်ားလေး (သို့) မိန်းကလေးတစ်ဦးက ကွန်ပြူတာကို ကျွမ်းကျွမ်းကျင်ကျင် မတတ်မြောက်နိုင်စရာ အကြောင်းမရှိဘူး” ဟုပြောကြားခဲ့သည်။ မောက်ချလီ ၏ခန့်မှန်းချက်သည် ထိုခေတ်ကာလက ထူးဆန်းပုံရသော်လည်း အံ့သြဖွယ် မှန်ကန်ကြောင်း သက်သေပြနိုင်ခဲ့ပါပြီ။ ယနေ့ခေတ်တွင် ကွန်ပြူတာ (သို့) လက်ကိုင်အီလက်ထရွန်နစ် ပစ္စည်းတစ်ခုအား အသုံးပြုခြင်းသည် ကလေးငယ်တစ်ဦး အစောဆုံးသင်ယူနိုင်သည့် ကျွမ်းကျင်မှုများထဲမှ တစ်ခုဖြစ်လာသည်။

မောက်ချလီ၏ခန့်မှန်းချက် အမှန်တကယ်ဖြစ်လာသကဲ့သို့ပင် ခရစ်တော်ကြွဆင်းလာမည့်အကြောင်း ပိုမိုအရေးပါသည့် သမ္မာကျမ်းစာ၏ပရောဖက်ပြုချက်များမှာလည်း ပြည့်စုံခဲ့သည်။ ဥပမာ “အို ဗက်လင်ဧဖရတ်မြို့၊ အစိုးရသော ယုဒမြို့တို့တွင် သင်သည် မြို့ငယ်မြို့ယုတ်ဖြစ်သော်လည်း၊ ဣသရေလအမျိုးကို အုပ်စိုးရသော သခင်သည် ငါ့အဖို့ သင်၏အထဲမှာ ပေါ်ထွန်းလတံ့။ ထိုသခင်သည် ရှေးကပ်ကမ္ဘာ မှစ၍ ပေါ်ထွန်းသောသခင်ဖြစ်၏” ဟု မိက္ခာအနာဂတ္တိကျမ်း ၅:၂…

ခရစ္စမတ်ကြယ်

“အဲဒီကြယ်ကိုတွေ့ရင် အိမ်အပြန်လမ်းကို အမြဲရှာတွေ့နိုင်တယ်”။ ထိုစကားများမှာ ကျွန်ုပ်ငယ်စဥ်က ဓူဝံကြယ်၏တည်နေရာအား မည်သို့ရှာဖွေရမည်ကို ကျွန်ုပ်အား သင်ကြားပေးရင်း အဖေပြောခဲ့သည့် စကားများဖြစ်သည်။ အဖေသည် စစ်မက်ကာလတွင် စစ်တပ်၌ တာဝန်ထမ်းဆောင်ခဲ့ပြီး၊ ညဘက်ကောင်းကင်ကိုကြည့်ကာ လမ်းကြောင်းရှာဖွေနိုင်သည့်အပေါ် မူတည်ပြီး အသက်ရှင်ရပ်တည်ခဲ့ရသည့် အချိန်ကာလများ ရှိခဲ့သည်။ ထိုကြောင့် ကြယ်တာရာများ၏ နာမည်များနှင့် တည်နေရာများကို ကျွန်ုပ်မှတ်မိနေစေရန် အဖေသင်ပေးခဲ့သည်။ သို့သော် ဓူဝံကြယ်ကို ရှာဖွေနိုင်ခြင်းမှာ အရေးအကြီးဆုံးဖြစ်သည်။ ထိုကြယ်၏တည်နေရာကို သိရှိခြင်းက ကျွန်ုပ် မည်သည့်နေရာ၌ ရောက်ရှိနေစေကာမူ လမ်းကြောင်းရှာဖွေနိုင်ပြီး၊ ကျွန်ုပ်ရှိနေရန်လိုအပ်သည့် နေရာကို ရှာဖွေတွေ့ရှိနိုင်စေသည်။

အလွန်အရေးပါသည့် အခြားကြယ်တစ်လုံးအကြောင်းကို သမ္မာကျမ်းစာက ဖော်ပြထားသည်။ သူ၏လူမျိုးတို့အတွက် ဘုရားသခင်ခန့်အပ်သည့် ဘုရင်ဖြစ်လာမည့်သူ၏ မွေးဖွားခြင်းဆိုင်ရာ ကောင်းကင် နိမိတ်လက္ခဏာများကို (ယနေ့ခေတ် အီရန်နှင့် အီရတ်နိုင်ငံတို့၏နယ်မြေများတွင် ပါဝင်သည့် ဒေသမှလာသော) “အရှေ့ပြည်မှ မာဂုပညာရှိများ”က လေ့လာစောင့်ကြည့်ခဲ့ကြသည်။ သူတို့သည် ယေရုရှလင်မြို့သို့…

သခင်ယေရှု၌ မိတ်သဟာယဖွဲ့ခြင်း

တနင်္ဂနွေမနက် ဝတ်ပြုစည်းဝေးခြင်းအပြီးတွင် မီးခလုတ်များကို ပိတ်ရန်နှင့် ဘုရားကျောင်းတံခါးအား သော့ခတ်ရန် မည်သူတာဝန်ယူထားသည်ကို ကျွန်ုပ်မသိသော်လည်း ထိုလူနှင့်ပတ်သက်၍ တနင်္ဂနွေညစာနောက်ကျမည်ကိုဖြင့် ကျွန်ုပ် သိသည်။ လူများစွာက ဘုရားကျောင်းပြီးလျှင် မိတ်ဆွေများနှင့် ဘဝဆုံးဖြတ်ချက်များအကြောင်း၊ နှလုံးသားရေးရာကိစ္စများ၊ ရုန်းကန်နေရမှုများနှင့် အခြားအကြောင်းအရာများကို ဝေမျှပြောဆိုရန် နှစ်သက်ကြခြင်းကြောင့်၊ ဝတ်ပြုကိုးကွယ်ခြင်းအစီအစဉ် ပြီးဆုံးပြီးနောက် မိနစ် (၂၀) ခန့်မျှ လူတို့ အချင်းချင်း မိတ်သဟာယဖွဲ့နေကြသည်ကို မြင်ရသည်မှာ ဝမ်းမြောက်ဖွယ်ရာဖြစ်သည်။

မိတ်သဟာယဖွဲ့ခြင်းသည် ခရစ်တော်နှင့်သဏ္ဌာန်တူသော အသက်တာ၏ အဓိကအစိတ်အပိုင်း တစ်ရပ်ဖြစ်သည်။ ယုံကြည်သူအချင်းချင်း တွေ့ဆုံ အချိန်ကုန်ဆုံးခြင်းမှ ထွက်ပေါ်လာသည့် ဆက်နွယ်မှုမရှိလျှင် ယုံကြည်သူဖြစ်ရခြင်း ၏ အကျိုးကျေးဇူးများစွာကို ကျွန်ုပ်တို့ လက်လွတ်ဆုံးရှုံးသွားမည် ဖြစ်သည်။

ဥပမာအနေဖြင့် “အချင်းချင်းတိုက်တွန်း၍ တစ်ယောက်ကိုတစ်ယောက် တည်ဆောက်ကြ”ရန် ရှင်ပေါလုက ပြောသည် (၁ သက် ၅:၁၁)။ ဟေဗြဲသြဝါဒစာ ရေးသားသူကလည်း ကျွန်ုပ်တို့ “အချင်းချင်းတိုက်တွန်းနှိုးဆော်”ရန်…

တံတိုင်းများဖြိုလျက် တလုံးတဝတည်းဖြစ်ခြင်း

၁၉၆၁ ခုနှစ်ကတည်းကပင် ဘာလင်တံတိုင်းကြီးကြောင့် မိသားစုများနှင့် မိတ်ဆွေသူငယ်ချင်းများ စည်းခြားကာ တကွဲတပြား နေခဲ့ကြရသည်။ နိုင်ငံသားများ အနောက်ဂျာမနီသို့ မထွက်ပြေးနိုင်ရန် ရည်ရွယ်၍ ထိုနှစ်၌ အရှေ့ဂျာမနီအစိုးရက ဘာလင်တံတိုင်းကြီးကို တည်ဆောက်ခဲ့ခြင်းဖြစ်သည်။ စင်စစ် ၁၉၄၉ ခုနှစ်မှစ၍ ထိုတံတိုင်းကို စတင်တည်ဆောက်သည့်အချိန်အထိ အရှေ့ဂျာမန်လူမျိုး (၂.၅) သန်းကျော်ခန့် အနောက်ဂျာမဏီသို့ ထွက်ပြေးခဲ့ကြပြီးဖြစ်သည်။ ၁၉၈၇ ခုနှစ်၌ အမေရိကန် သမ္မတ Ronald Reagan (ရော်နယ်ရေဂန်)သည် ဘာလင်တံတိုင်းကြီး၌ ရပ်လျက် “တံတိုင်းကြီးကို ဖြိုချလိုက်ပါ” ဟူသည့် အထင်ကရစကားကို ပြောခဲ့သည်။ သူ၏စကားသည် ကြီးမားသည့် အပြောင်းအလဲကို ထင်ဟပ်ခဲ့ပြီး ၁၉၈၉ ခုနှစ်တွင် ထိုတံတိုင်းကြီးပြိုလဲကာ ဝမ်းမြောက်ဖွယ်ရာ ဂျာမဏီနိုင်ငံသူ နိုင်ငံသားများ၏ ပြန်လည်ပေါင်းစည်းခြင်းကို ဖြစ်စေခဲ့သည်။

ဧဖက်သြဝါဒစာ ၂:၁၄-၁၅ တွင် သခင်ယေရှုဖြိုချခဲ့သည့် “ရန်ငြိုးဖွဲ့ခြင်း အုတ်တံတိုင်းနံရံ” အကြောင်း ရှင်ပေါလု…

မျှော်လင့်ခြင်းအလင်းရောင်

တကယ်ဆိုလျှင် ကျွန်မမိခင်၏ ပြောင်လက်နေသော အနီရောင်လက်ဝါးကပ်တိုင်ကို ကင်ဆာရောဂါ ပြုစုစောင့်ရှောက်ရေးစင်တာရှိ သူမ၏ခုတင်ဘေး၌ ချိတ်ဆွဲထားရမည်ဖြစ်သည်။ သူမကုသမှုခံယူရမည့်ရက်ချိန်းတွင် ကျွန်မအနေဖြင့် အားလပ်ရက်တွင် သူ့ထံသွားရောက်ရန် ပြင်ဆင်နေရမည်ဖြစ်သည်။ ခရစ္စမတ်၌ ကျွန်မမိခင်နှင့် နောက်ထပ်တစ်ရက် အတူရှိနေရန်မှာ ကျွန်မအလိုချင်ခဲ့ဆုံးအရာပါ။ သို့သော် ကျွန်မ အိမ်၌သာ ရှိနေပြီး သူမ၏ လက်ဝါးကပ်တိုင်ကိုလည်း သစ်ပင်အတုပေါ်၌သာ ချိတ်ဆွဲခဲ့ရသည်။

ကျွန်မ၏သားဖြစ်သူ ဇေးဗီးယားက သစ်ပင်ရှိ မီးလုံးများကို ဖွင့်လိုက်သည့်အခါ “ကျေးဇူးပဲ”ဟု ကျွန်မ တီးတိုးပြောလိုက်ရာ “ရပါတယ်” ဟု သူက ပြန်ပြောသည်။ ကျွန်မ၏အမြင်ကို မှိတ်တုတ်မှိတ်တုတ်လင်းနေသည့် မီးလုံးများမှတဆင့် အစဉ်တည်ရှိထွန်းလင်းသည့် မျှော်လင့်ခြင်းအလင်းတည်းဟူသော သခင်ယေရှုထံ ညွှန်ပြသည့်အတွက် ဘုရားသခင်အား ကျေးဇူးတင်ခြင်းဖြစ်ကြောင်းကိုမူ သား မသိပါ။

ဆာလံ ၄၂ ကို ရေးသားသူသည် ဘုရားသခင်နှင့်ပတ်သက်ပြီး သူ၏စိတ်ခံစားချက်များကို အရှိတိုင်း ဖော်ပြထားသည် (:၁-၄)။ စာဖတ်သူများအား “ဘုရားသခင်ကို…

ခွင့်လွှတ်ခြင်းနှင့် မေ့ပစ်ခြင်း

Jill Price (ဂျေးလ်ပရိုက်စ်)သည် သူ့မ၌ ဖြစ်ခဲ့သမျှအရာအားလုံးကို အလွန်တိကျသော အသေးစိတ်အချက်အလက်များနှင့် မှတ်မိနိုင်စွမ်းရှိသည့် hyperthymesia (ဟိုက်ပါသိုင်မီးစီးယား) ရောဂါအခြေအနေနှင့် မွေးဖွားလာခဲ့သည်။ ဘဝတစ်လျှောက် တွေ့ကြုံခဲ့သည့် မည်သည့်အဖြစ်အပျက်ကိုမဆို သူ့စိတ်ထဲတွင် အတိအကျ ပြန်လည်စဉ်းစားနိုင်သည်။

‘Unforgettable’ (မမေ့နိုင်သော) ဟူသည့် ရုပ်မြင်သံကြားအစီအစဉ်သည် အသေးစိတ်စုံစမ်းမှုနှင့် မှုခင်းများဖြေရှင်းရာတွင် သူမအတွက် အလွန်အထောက်အကူပြုသည့် ဟိုက်ပါသိုင်မီးစီးယား ရောဂါအခြေအနေရှိသော ရဲမေတစ်ဦးအကြောင်းဖြစ်သည်။ ဂျေးလ်ပရိုက်စ် အတွက်မူ ဤအခြေအနေသည် အလွန်ပျော်စရာ မဟုတ်ပါ။ သူမဘဝတွင် သူမ ဝေဖန်ခံရခြင်း၊ ဆုံးရှုံးမှုကို တွေ့ကြုံရခြင်း သို့မဟုတ် အလွန်အမင်းနောင်တရရသည့်အရာတစ်ခုခုကို သူမလုပ်ခဲ့သည့်အခိုက်အတန့်များကို သူ မမေ့နိုင်ပါ။ ထိုအချိန်များကို သူမခေါင်းထဲတွင် ထပ်တလဲလဲ ပြန်ပြန်မြင်ယောင်သည်။

ကျွန်တော်တို့၏ဘုရားသခင်သည် အရာခပ်သိမ်းကို သိမြင်ပါသည် (ဘုရား သခင်၏ ဟိုက်ပါသိုင်မီးစီးယား ဟု ဆိုနိုင်ပါသည်)။ ထာဝရဘုရား၏ဉာဏ်ပညာတော်သည် အတိုင်းအဆမရှိကြောင်းကို သမ္မာကျမ်းစာမှ ဆိုထားသည်။…