ဉယျာဉ်ထဲတွင်

ကျွန်မဖခင်သည် ဘုရားသခင်၏ ဖန်ဆင်းခြင်းလက်ရာဖြစ်သော သစ်တောထဲတွင် စခန်းချခြင်း၊ ငါးမျှားခြင်းနှင့် လှပသော ကျောက်စရစ်ခဲများ ရှာဖွေခြင်းတို့ကို သဘောကျသည်။ သူသည် နောက်ဖေးခြံနှင့်ဥယျာဉ်၌ လုပ်ကိုင်ရသည်ကိုလည်း သဘောကျသည်။ သို့သော် ထိုသို့လုပ်ကိုင်ခြင်းသည် အလုပ်အလွန်များပါသည်။ အကိုင်းအခက်ချိုင်၊ မြေဆွ၊ မျိုးစေ့နှင့်ပန်းများစိုက်၊ ပေါင်းနုတ်၊ မြက်ရိတ် စသည်ဖြင့် နာရီပေါင်းများစွာကြာအောင် လုပ်ရသည်။ မြေညှိထားသောမြက်ခင်း၊ အရသာရှိသောခရမ်းချဉ်သီးများနှင့် လှပသောနှင်းဆီပွင့် စသည့် ရလဒ်များက ပင်ပန်းရကျိုးနပ်စေပါသည်။ နှစ်စဉ်နှစ်တိုင်း အဖေသည် နှင်းဆီပင်များကို မြေကြီးနားအထိ ကပ်ပြီးညှပ်သော်လည်း နှစ်တိုင်းပင် ပြန်ကြီးထွားကာ သူတို့၏အလှနှင့်မွှေးရနံ့တို့ကို မြင်ရ ရှူရှိုက်ရပါသည်။

အာဒံနှင့် ဧဝတို့ နေထိုင်ခဲ့၊ ရှင်သန်ခဲ့ပြီး၊ ဘုရားသခင်နှင့်မိတ်သဟာယပြုခဲ့သော ဧဒင်ဥယျာဉ်အကြောင်းကို ကမ္ဘာဦးကျမ်းတွင် ဖတ်ရှုရပါသည်။ ထိုဥယျာဉ်တွင် “ထိုမြေထဲက အဆင်းလှ၍၊ စားဖွယ်ကောင်းသော အပင်အမျိုးမျိုးကို ထာဝရအရှင် ဘုရားသခင်ပေါက်စေတော်မူ”သည် (က ၂:၉)။ ပြီးပြည့်စုံနေသောဥယျာဉ်တွင် လှပ၍ရနံ့မွှေးသောပန်းပင်များနှင့်…

စာရင်း၏ထိပ်ဆုံးက

မနက်ခင်းသည် ပြိုင်ပွဲကဲ့သို့ စတင်ခဲ့သည်။ အိပ်ရာမှ ကျွန်တော်အမြန်ထကာ တစ်နေ့တာ အပြီးသတ်လုပ်ရမည့် အလုပ်များထဲသို့ ပစ်ဝင်လိုက်သည်။ ကလေးကျောင်းပို့ခြင်း-ပြီး။ အလုပ်သွားခြင်း- ပြီး။ “လုပ်ရန်” စာရင်းတွင် ကိုယ်ရေးကိုယ်တာ လုပ်ဆောင်ရန်နှင့် အလုပ်တာဝန်များကို တစ်ခုပြီးတစ်ခု ကျွန်တော် အလျင်အမြန် စုပြုံထည့်သွင်းရေးသားနေပုံမှာ နှင်းတောင်ထုကြီး ပြိုဆင်းလာသကဲ့သို့ပင်။

“အလုပ်နံပါတ် ... ၁၃ - ဆောင်းပါးတည်းဖြတ်။ ၁၄ - ရုံးခန်းသန့်ရှင်းရေးလုပ်။ ၁၅ - နည်းဗျူဟာအဖွဲ့နှင့် အစီအစဉ်ဆွဲ။ ၁၆ - နည်းပညာဘလော့ဂ်ရေး။ ၁၇ - မြေအောက်ခန်းရှင်း။ ၁၈ - ဆုတောင်း”။

နံပါတ် ၁၈ သို့ ရောက်သောအခါ ဘုရားသခင်၏အကူအညီကို ကျွန်တော်လိုအပ်ကြောင်း သတိရလာသည်။ သို့သော် ကျွန်တော်သည် မိမိဘာသာ အရှိန်နှင့်အားထုတ်လုပ်ရင်း ကျွန်တော်တစ်ယောက်တည်း ကြိုးစားနေကြောင်းကို ထိုနံပါတ်အထိ ရောက်မှ ကျွန်တော်…

သင့်၌ရှိသည့်အရာကို သခင်ယေရှုအတွက် သုံးပါ

‘The Sewing Hall of Fame’ (အပ်ချုပ်သူများအား ဂုဏ်ပြုအဖွဲ့) ဆိုသည်ကို သင် ကြားဖူးပါသလား။ ၂၀၀၁ ခုနှစ်တွင် စတင်တည်ထောင်ခဲ့သော ထိုအဖွဲ့သည် “အချုပ်အလုပ်ပညာနှင့် ထုတ်ကုန်ချုပ်ထည်များဖြင့်၊ တစ်မူထူးခြား၍ ဆန်းသစ်သောလက်ရာများဖြင့် အိမ်တွင်းမှု အပ်ချုပ်လောကတွင် ခိုင်မာသော သက်ရောက်မှုများ” လုပ်နိုင်ခဲ့သူတို့အား ဂုဏ်ပြုပေးသည်။ ထိုသူများထဲတွင် ၂၀၀၅ ခုနှစ်က ဂုဏ်ပြုခံခဲ့ရသူ၊ “သုတ္တံကျမ်း ၃၁ တွင် ဖော်ပြထားသည့်အမျိုးသမီးမျိုး၊ သူမ၏ခွန်အား၊ ဈာန်ဝင်စားမှုနှင့် ခံစားရသောကောင်းချီးတို့အား လူရှေ့တွင် အမြဲအသိအမှတ်ပြုသူ”ဟု ဖော်ပြခံရသူ Martha Pullen (မာသာပူလန်)လည်း ပါဝင်သည်။

အပ်ချုပ်သူများဂုဏ်ပြုအဖွဲ့သည် (၂၁) ရာစုမှ ပေါ်ပေါက်လာခြင်းဖြစ်သော်လည်း ၎င်းသာ (၁) ရာစုကတည်းက ဣသရေလပြည်တွင် ရှိနေခဲ့ပါက တဗိသ ဟူသောအမျိုးသမီးသည် ဂုဏ်ပြုခံရမည်မှာ အသေချာပင်။ တဗိသသည် သခင်ယေရှုကို ယုံကြည်သူဖြစ်ကာ သူမ၏ရပ်ရွာမှ ဆင်းရဲသောမုဆိုးမများအတွက်…

ကျွန်ုပ်တို့၏ မျှော်လင့်ခြင်းကျောက်ဆူး

အလင်းရောင်သိပ်မရှိသောလမ်းကြားတစ်ခုထဲတွင် ကတ်ထူပြားများခြုံ၍ အိပ်နေကြသည့် အိမ်ယာမဲ့လူများ၏ပုံကို ကျွန်မကိုင်ပြလိုက်ပြီး “သူတို့ ဘာတွေလိုအပ်မလဲ” ဟု ဆန်းဒေးစကူးလ်မှ (၆) တန်းကလေးများအား ကျွန်မမေးလိုက်သည်။ “အစားအသောက်”၊ “ပိုက်ဆံ” စသည်ဖြင့် ဖြေကြသည်။ ယောကျ်ားလေးတစ်ဦးက “လုံခြုံသောနေရာတစ်ခု” ဟု စဉ်းစဉ်းစားစားဖြေသည်။ ထိုနောက် မိန်းကလေးတစ်ဦးက “မျှော်လင့်ချက်” ဟု ထဖြေပြီး၊ “မျှော်လင့်ခြင်းဆိုတာ ကောင်းတဲ့အရာတွေ ဖြစ်လာဖို့ စောင့်စားတာပါ” ဟု သူမက ရှင်းပြသည်။

စိန်ခေါ်မှုများကြောင့် ဘဝတွင် ကောင်းသောအရာများကို စောင့်စားရန် ခက်ခဲနိုင်သော်လည်း သူမက ထိုသို့ ‘စောင့်စားရန်’ ပြောခြင်းကို ကျွန်မစိတ်ဝင်စားမိသည်။ သမ္မာကျမ်းစာကမူ မျှော်လင့်ခြင်းနှင့်ပတ်သက်၍ ကျွန်မတပည့်နှင့် သဘောတူသည့်ပုံစံမျိုး ဖော်ပြပါသည်။ “ယုံကြည်ခြင်းသည် မျှော်လင့်သောအရာတို့ကို မျက်မှောက်ပြုခြင်း” ဖြစ်လျှင် (ဟေဗြဲ ၁၁:၁) ခရစ်တော်၌ယုံကြည်သူ ကျွန်မတို့သည် ကောင်းသောအရာများဖြစ်လာနိုင်ရန် မျှော်လင့်နိုင်ပါသည်။

ခရစ်တော်၌ ယုံကြည်သူများအနေနှင့် ယုံကြည်စိတ်ချစွာ…

ကျွန်ုပ်မည်သူနည်း

Kizombo (ကီဇွန်ဘို)သည် မီးပုံဘေးတွင်ထိုင်လျက် “ငါဘာများ ဖြစ်ဖြစ်မြောက်မြောက် လုပ်ခဲ့တာရှိလဲ” ဟု သူ့ဘဝ၏ အရေးပါဆုံးမေးခွန်းများကို ဆင်ခြင်မိသည်။ လျင်မြန်စွာပင် ဘာမှ များများစားစား ဖြစ်မြောက်ခြင်းမရှိဟူ၍ အဖြေထွက်လာသည်။ သူသည် သူ့မွေးရပ်ပြည်သို့ ပြန်ရောက်နေပြီး အမြဲစိမ်းတောနက်တွင် သူ့ဖခင်တည်ထောင်ခဲ့သည့်ကျောင်း၌ စာသင်ပေးနေသည်။ ပြည်တွင်းစစ် (၂) ခု၌ အသက်ရှင်ကျန်ခဲ့သည့် သူ့ဖခင်အကြောင်းကိုလည်း ရေးသားရန် သူကြိုးစားနေ သည်။ “ဒါတွေ အကုန်လုပ်ရအောင် ငါက ဘာမို့လို့လဲ”ဟု သူတွေးမိသည်။

ကီဇွန်ဘို၏ စိတ်မချမှုက မောရှေနှင့်တူနေသည်။ ဘုရားသခင်သည် မောရှေအား ဆောင်ရွက်ရန်အမှုကို ပေးအပ်ထားသည်။ “သင်သည် ငါ၏လူ ဣသရေလအမျိုးသားတို့ကို အဲဂုတ္တုပြည်မှ နှုတ်ဆောင်မည်အကြောင်း သင့်ကို ဖာရောဘုရင်ထံသို့ ငါစေလွှတ်မည်ဟု မိန့်တော်မူ၏” (ထွ ၃:၁၀)။ မောရှေက “အကျွန်ုပ်သည် အဘယ်သို့သောသူ(နည်း)”ဟု ဘုရားသခင်ကို တုံ့ပြန်ခဲ့သည် (:၁၁)။ မောရှေ၏ မခိုင်လုံသောဆင်ခြေများကို…

မမျှော်လင့်ထားသော ဘုရားသခင်၏နည်းလမ်းများ

သင်းအုပ်ဆရာသည် အလွန်အဝေးမှုန်နေသော်လည်း ဂရုတစိုက်ရွေးချယ်ထားသော စကားစုတစ်ခုစီကို စိတ်ဝင်စားစရာမကောင်းသော အသံတစ်တန်းတည်းဖြင့် ဖတ်ပြနေသည်။ သို့သော် ဘုရားသခင်၏ဝိညာဉ်တော်သည် ဆရာကြီး Jonathan Edwards (ဂျွန်နသန် အက်ဒွက်စ်) အားဖြင့် ‘First Great Awakening’ (ပထမဆုံး ကြီးမားသော နိုးထမှု) ပွဲ၏ ဝိညာဥ်မီးကို တောက်လောင်စေခဲ့ပြီး ထောင်နှင့်ချီသောလူများ ခရစ်တော်ကို ယုံကြည်ခဲ့သည်။

ဘုရားသခင်သည် သူ၏စုံလင်သော ရည်ရွယ်ချက်များကို ပြီးမြောက်စေရန် မထင်မှတ်သောအရာများကို အသုံးပြုလေ့ရှိသည်။ လက်ဝါးကပ်တိုင်၌ ကျွန်ုပ်တို့ အတွက် သခင်ယေရှု၏ မေတ္တာနှင့် အသေခံခြင်းအားဖြင့် လမ်းလွဲသောလူသားများကို ကယ်တင်ရန် သူ၏အကြံအစည်ကို ရေးဆွဲခဲ့သည်။ ရှင်ပေါလုက “ဘုရားသခင်သည် ပညာရှိတို့ကို ရှက်ကြောက်စေခြင်းငှာ၊ လောကီအရာ၌ မိုက်မဲသောသူတို့ကို ရွေးကောက်တော်မူ၏။ အစွမ်းသတ္တိရှိသောသူတို့ကို ရှက်ကြောက်စေခြင်းငှာ၊ လောကီအရာ၌ အားနည်းသော သူတို့ကို ရွေးကောက်တော်မူ၏” (၁ ကော ၁:၂၇)ဟူ၍ သုံးသပ်ထားသည်။…

မဖြစ်နိုင်သော ဆုလက်ဆောင်

ကျွန်မယောက္ခမမွေးနေ့အတွက် အကောင်းဆုံးလက်ဆောင်ကို ရှာတွေ့ခဲ့သော ကြောင့် ဝမ်းသာရပါသည်။ ယင်းမှာ သူ့မွေးနေ့ကျောက်တုံးလေးပါသော လက်ကောက် ဖြစ်သည်။ တစ်စုံတစ်ယောက်အတွက် အကောင်းဆုံးဖြစ်မည့်လက်ဆောင်ကို ရှာတွေ့ခြင်းသည် အမြဲပင် ပျော်ရွှင်မှုကို ဖြစ်စေပါသည်။ အကယ်၍ လူတစ်ဦးချင်းစီ လိုအပ်သော လက်ဆောင်သည် ကျွန်မတို့ ပေးနိုင်သော အတိုင်းအတာထက် ကျော်လွန်နေမည်ဆိုလျှင် မည်သို့ဖြစ်မည်နည်း။ စိတ်ငြိမ်သက်မှု၊ အနားယူမှု၊ စိတ်ရှည်မှုများကို ဝယ်၍ရမည်ဆိုပါက ဝယ်ပြီး ထုတ်ပိုးကာ ဖဲပြားလေးတပ်ပြီး တစ်စုံတစ်ဦးကို လက်ဆောင်အဖြစ် ပေးချင်သောဆန္ဒ ကျွန်ုပ်တို့အများစု၌ ရှိကြပါသည်။

ဤလက်ဆောင်မျိုးကို လူတစ်ဦးမှ အခြားတစ်ဦးအား ပေးရန် မဖြစ်နိုင်ပေ။ သို့တိုင် လူ့ဇာတိအဖြစ်၌ရှိသော ယေရှုဘုရားသည် သူ့ကို ယုံကြည်သူများအား ထိုသို့သော “မဖြစ်နိုင်သည့်” လက်ဆောင်ဖြစ်သည့် ငြိမ်သက်ခြင်းလက်ဆောင်ကို ပေးခဲ့သည်။ ကောင်းကင်ဘုံသို့တက်ကြွပြီး တပည့်တော်များနှင့်မခွဲခွါမီ သခင်ယေရှုသည် သန့်ရှင်းသောဝိညာဉ်တော်ကို ပေးမည့်ကတိတော်ဖြင့် သူတို့ကို နှစ်သိမ့်ပေးခဲ့သည်။ “သန့်ရှင်းသောဝိညာဉ်တော်သည် သင်တို့အား…

ယုံကြည်ကိုးစားခြင်း

ဆောင်းမနက်ခင်းတစ်ခုတွင် ကုလားကာဖွင့်လိုက်သောအခါ ထိတ်လန့်စရာ မြင်ကွင်းတစ်ခုကို မြင်လိုက်ရသည်။ တံတိုင်းကဲ့သို့သောမြူအုပ်ကြီး။ “အေးစက်လှတဲ့ မြူ” ဟု မိုးလေဝသ ခန့်မှန်းသူက အမည်ပေးထားသည်။ ကျွန်မတို့နေရာတွင် မြူကျလေ့မရှိသလို ဤမြူခိုးများသည် ပို၍ကြီးမားသော အံ့အားသင့်စရာ တစ်ခုကို ယူဆောင်လာသည်။ မိုးလေဝသခန့်မှန်းချက်က “တစ်နာရီအတွင်း” တိမ်ပြာပြာကောင်းကင်နှင့် နေရောင်ခြည်ကို မြင်ရမည်ဟု ဖော်ပြထားသည်။ “မဖြစ်နိုင်ဘူး။ ရှေ့ခြေတစ်လှမ်းစာတောင် မြင်ရတာမဟုတ်ဘူး” ဟု ကျွန်မခင်ပွန်းကို ပြောလိုက်သည်။ သို့သော် တစ်နာရီမပြည့်မီတွင်ပင် မြူမှုန်များ ကင်းစင်သွားကာ ကောင်းကင်၌ နေသာပြီး ကြည်လင်ပြာလဲ့သွားသည်။

ပြူတင်းပေါက်၌ ရပ်ပြီး၊ ဘဝ၌ မြူခိုးများကိုသာ မြင်ရသည့်အချိန်တွင် ရှိသည့် ကျွန်မ၏ယုံကြည်ခြင်းအကြောင်းကို တွေးမိကာ “မြင်နေရတဲ့အရာအတွက်ပဲ ဘုရားသခင်ကို ကျွန်မယုံနေတာလား” ဟု ကျွန်မခင်ပွန်းသည်ကို မေးခဲ့သည်။

ဩဇိမင်းသေဆုံးပြီး ယုဒပြည်တွင် အကျင့်ပျက်သောဘုရင်အချို့ အုပ်ချုပ်သောအခါ ဟေရှာယက ‘ငါတို့ဘယ်သူကိုယုံနိုင်မလဲ’ ဟူသော အလားတူမေးခွန်းမျိုး…

သိခြင်းနှင့်ချစ်ခြင်း

‘Does My Son Know You?’ (ငါ့သား မင်းကို သိလား) ဟူသော အဓိပ္ပာယ်ရှိလှသည့် ဆောင်းပါးတွင် အားကစား သတင်းရေးသူ Jonathan Tjarks (ဂျွန်နသန်ချာ့စ်)သည် ကင်ဆာရောဂါနှင့် တိုက်ပွဲဝင်ရသည့်အကြောင်းနှင့် အခြားသူတို့ သူ့ဇနီးနှင့်သားငယ်ကို ကောင်းမွန်စွာ ပြုစု စောင့်ရှောက်စေလိုသောဆန္ဒကို ရေးသားခဲ့သည်။ အသက် (၃၄) နှစ်အရွယ် ရှိပြီဖြစ်သော ဂျွန်နသန်သည် သူမသေဆုံးမီ (၆) လအလိုတွင် ထိုစာအုပ်ကို ရေးခဲ့သည်။ သူ၏ဖခင်မှာလည်း သူအရွယ်ရောက်ခါစကပင် ဆုံးပါးသွားခဲ့သည်။ သူသည် ယေရှုကို ယုံကြည်သူဖြစ်ပြီး၊ မုဆိုးမများနှင့် မိဘမဲ့ကလေးများကို ကြည့်ရှုရန် ဖော်ပြသည့် ကျမ်းချက်များကို ဝေမျှခဲ့သည် (ထွ ၂၂:၂၂၊ ဟေရှာ ၁:၁၇၊ ယာ ၁:၂၇)။ သူ့မိတ်ဆွေများအား တိုက်ရိုက်ရည်ညွှန်းလျက် “ကောင်းကင်နိုင်ငံမှာ မင်းတို့ကို တွေ့တဲ့အခါ ငါမေးစရာ တစ်ခုပဲရှိတယ်။ ငါ့သားနဲ့…

ကျွန်ုပ်နှလုံးသား၏အမြင်ကို ဖွင့်ပေးတော်မူပါ

၂၀၀၁ ခုနှစ်တွင် လမစေ့ဘဲ မွေးလာသည့် Christopher Duffley (ခရစ္စတိုဖာ ဒါ့ဖ်လီ)လေး အသက်ရှင်ခဲ့သဖြင့် ဆရာဝန်များ အံ့အားသင့်ခဲ့ရသည်။ သူ့ အဒေါ်မိသားစုက သူ့ကိုမမွေးစားမီ ငါးလသားအရွယ်အထိ ထိန်းသိမ်းစောင့်ရှောက်ရေး‌ ဂေဟာတွင် နေခဲ့ရသည်။ အသက်လေးနှစ်အရွယ် ခရစ္စတိုဖာ သည် မျက်စိမမြင်၊ အော်တစ်ဇင် အထီးကျန်စိတ်ဝေဒနာရှိသူ ဟုသတ်မှတ်ခံရသော်လည်း သူ့အသံ အနိမ့်အမြင့် တည့်မှန်ကြောင်း ဆရာတစ်ဦးက သတိထားမိသည်။ ခြောက်နှစ်ကြာပြီးနောက် ဘုရားကျောင်း၌ ‘Open the Eyes of My Heart’ (ကျွန်ုပ်နှလုံးသား၏ အမြင်ကို ဖွင့်ပေးတော်မူပါ) သီချင်းကို ခရစ်စတိုဖာ သီဆိုခဲ့သည်။ အွန်လိုင်းတွင် ထိုသီချင်းဗီဒီယိုကို လူသန်းနှင့်ချီ ကြည့်ရှုခဲ့ကြသည်။ ၂၀၂၀ ခုနှစ်တွင် ခရစ္စတိုဖာ သည် မသန်စွမ်းသူများအတွက် ထောက်ခံအားပေးရပ်တည်သူအဖြစ် ဆောင်ရွက်မည့် သူ၏ပန်းတိုင်ကို မျှဝေခဲ့သည်။ ဘုရားရှင်၏ အကြံအစည်တော်အတွက် အသင့်ရှိနေသော…