ဘုရားသခင်နားထောင်နေသည်
သရုပ်ဆောင်နှင့် ရိုးရာသိုင်းပညာရှင် Chuck (ချာ့ခ်)သည် သူ့မိခင်၏နှစ် (၁၀၀) ပြည့်မွေးနေ့တွင် သူ၏ဝိညာဥ်ရေးအသက်တာ ပြောင်းလဲမှု၌ မိခင်ကြီး၏အဓိကပါဝင်ခဲ့မှုကို မျှဝေလျက် မိခင်ကို ဂုဏ်ပြုခဲ့သည်။ “အမေရဲ့ ဇွဲနဲ့ကြံ့ကြံ့ခံတဲ့စိတ်နဲ့ ယုံကြည်ခြင်းဟာ စံနမူနာဖြစ်ခဲ့ပါတယ်။ စီးပွားပျက်ကပ်ဆိုက်တဲ့အချိန်မှာ သားသုံးယောက်ကို ပျိုးထောင်ခဲ့တယ်။ အိမ်ထောင် (၂) ဆက်ကျပြီး ခင်ပွန်းတွေ၊ သားတစ်ဦး၊ မွေးစား သားတစ်ဦးနဲ့ မြေးတွေ ဆုံးပါးခဲ့တယ်။ ကြိမ်ဖန်များစွာ ခွဲစိတ်ကုသမှု ခံယူခဲ့ရတယ်။ ကျွန်တော့်ဘဝတစ်လျှောက်လုံး အဆိုးအကောင်းကြားမှာ ကျွန်တော့်အတွက် အမေဆုတောင်းပေးခဲ့တယ်။ ဟောလိဝုဒ်ရုပ်ရှင်လောကမှာ ကျွန်တော်ကျရှုံးလုနီးပါး ဖြစ်နေတဲ့အချိန်မှာ အိမ်ကနေပြီး ကျွန်တော့်ရဲ့အောင်မြင်မှုအတွက်၊ ကယ်တင်ခြင်းအတွက် ဆုတောင်းပေးနေခဲ့တယ်။ ကျွန်တော်ဖြစ်လာနိုင်တဲ့ အလားအလာအတိုင်း၊ ဖြစ်သင့်တဲ့အတိုင်း ဖြစ်လာဖို့ ဘုရားသခင်ကို ကူညီပြီး ကျွန်တော့်ကို ပုံသွင်းပေးခဲ့တဲ့အတွက် အမေ့ကို ကျေးဇူးတင်ပါတယ်” ဟု သူရေးသားခဲ့သည်။
ချာ့ခ် မိခင်၏ဆုတောင်းက သူ၏ကယ်တင်ခြင်းနှင့်အတူ ဘုရားကိုချစ်သည့် ဇနီးကို…
စကားပြောခန်း
စပိန်နိုင်ငံမြောက်ပိုင်းဒေသတွင် ပေါင်းဖော်ခြင်းနှင့် မိတ်ဖွဲ့ခြင်းကို လှပသောနည်းလမ်းဖြင့် လုပ်ဆောင်ကြသည်။ လက်လုပ်ဂူ များစွာရှိသည့် တောအရပ်ဒေသတွင် ကောက်ရိတ်သိမ်းချိန်တိုင်း၌ လယ်သမားအချို့သည် ဂူအပေါ်၌ ဆောက်လုပ်ထားသည့်အခန်းတွင် အစားအသောက်မျိုးစုံကို သိုလှောင်ကြသည်။ အချိန်ကုန်လွန်သည်နှင့်အမျှ ထိုအခန်းသည် မိတ်ဆွေများ၊ မိသားစုများနှင့် အတူစုရုံးလျက် သူတို့၏အဖြစ်အပျက်များ၊ လျှို့ဝှက်ချက်များ၊ စိတ်ကူးအိပ်မက်များကို မျှဝေပြောပြသည့်နေရာဖြစ်သော “စကားပြောခန်း” အဖြစ် ထင်ရှားလာခဲ့သည်။ အကျွမ်းတဝင်ရှိပြီး စိတ်ချရသည့် အပေါင်းအဖော်မိတ်ဆွေကို သင်လိုအပ်ပါက စကားပြောခန်းသို့ သွားရမည် ဖြစ်သည်။
ဒါဝိဒ်နှင့်ယောနသန်တို့သည် စပိန်၌သာ နေထိုင်ခဲ့ပါက သူတို့၏မိတ်သဟာယက သူတို့အတွက် စကားပြောခန်း ဖန်တီးစရာအကြောင်းဖြစ်လာပေမည်။ ရှောလုမင်း၌ မနာလိုစိတ်က ပြင်းထန်လျက် ဒါဝိဒ်ကို သတ်ချင်လောက်သည့်အထိဖြစ်လာသောအခါ သူ၏သားကြီးယောနသန်က ဒါဝိဒ်ကို မိတ်ဖွဲ့လျက် ကာကွယ်ပေးခဲ့သည်။ သူတို့နှစ်ဦးသည် တစ်စိတ်တစ်ဝမ်းတည်းဖြစ်လျက် (၁ ရာ ၁၈:၁)၊ ယောနသန်သည် “ဒါဝိဒ်ကို ကိုယ်နှင့်အမျှချစ်”သည် (:၁၊ ၃)။ သူသည်…
ကျေးဇူးတော် အသစ်တစ်ဖန်အစပြုခြင်း
လွန်ခဲ့သောဆယ်စုနှစ်များစွာက ရုပ်ရှင်အဘိဓာန်သို့ ‘reboot’ (အသစ်တစ်ဖန် အစပြုခြင်း) ဟူသည့် စကားလုံးအသစ် ရောက်ရှိခဲ့သည်။ ရုပ်ရှင်ဝေါဟာရတွင် ‘reboot’ ဆိုသည်မှာ ဇာတ်လမ်းဟောင်းကိုယူကာ ပြန်လည်ရိုက်ကူးခြင်းဖြစ်သည်။ အချို့သော ‘reboot’ များသည် ကျွန်ုပ်တို့သိသော စူပါဟီးရိုး (သို့) နတ်သမီးပုံပြင်များကို ပြန်ပြောခြင်း ဖြစ်သည်။ အချို့ ‘reboot’ များမှာ လူသိနည်းသောပုံပြင်ကို ယူကာ ပုံစံအသစ်ဖြင့် ပြန်လည်တင်ဆက်ခြင်း ဖြစ်သည်။ သို့သော် ပုံစံတိုင်းတွင် ‘reboot’ သည် နောက်တစ်ကြိမ် ထပ်လုပ်သည့်သဘောဖြစ်သည်။ အသစ်သောစတင်မှု၊ ဘဝဟောင်းထဲသို့ အသစ်သောအသက်တာ မှုတ်သွင်းခြင်းဖြစ်သည်။
‘Reboot’ ပါဝင်သည့် နောက်ပုံပြင်တစ်ခုမှာ ဧဝံဂေလိအကြောင်းပင်ဖြစ်သည်။ ဧဝံဂေလိတရားတွင် သခင်ယေရှုသည် ခွင့်လွှတ်ခြင်းအပြင် ကြွယ်ဝသော ထာဝရအသက်ကို ကျွန်ုပ်တို့အား ပေးကမ်းသည် (ယော ၁၀:၁၀)။ ယေရမိမြည်တမ်းစကားတွင် ပရောဖက်ယေရမိက ကျွန်ုပ်တို့အပေါ်ထားသည့် ဘုရားသခင်၏မေတ္တာသည် နေ့ရက်တိုင်းတွင် အသစ်ဖြစ်ကြောင်း သတိပေးဖော်ပြထားသည်။…
ဘုရားသခင်၏အသံတော်ကို သိမှတ်ခြင်း
နှစ်ပေါင်းများစွာ စမ်းသပ်မှုပြုလုပ်ပြီးနောက် ဝံပုလွေများသည် အချင်းချင်းဆက်သွယ်ရာတွင် ကွဲပြားသည့်အသံကို အသုံးပြုကြကြောင်း သိပ္ပံပညာရှင်များ တွေ့ရှိခဲ့သည်။ သိပ္ပံပညာရှင်များသည် အသေးစိတ် အသံခွဲခြမ်းစိတ်ဖြာမှုစနစ်ကို အသုံးပြုခဲ့ရာ ဝံပုလွေအူသံတွင်ပါသည့် အမျိုးမျိုးသော အသံအတိုးအကျယ်၊ အနိမ့်အမြင့်တို့သည် ဝံပုလွေများကို (၁၀၀) ရာခိုင်နှုန်း ရာနှုန်းပြည့် မှန်ကန်စွာ ခွဲခြားနိုင်စေကြောင်း တွေ့ရှိခဲ့ကြသည်။
သမ္မာကျမ်းတွင်လည်း ဘုရားသခင်သည် သူဖန်ဆင်းထားသည့်အရာများ၏ ထူးခြားသည့်အသံများကို မှတ်မိသည့် ဥပမာများစွာ ရှိသည်။ သူသည် မောရှေ၏ နာမည်ကို ခေါ်ပြီး တိုက်ရိုက်စကားပြောသည် (ထွက် ၃:၄-၆)။ ဆာလံဆရာဒါဝိဒ်က “ငါသည် ထာဝရဘုရားထံသို့ အသံကိုလွှင့်၍ အော်ဟစ်သောအခါ၊ သန့်ရှင်းသော တောင်တော်ပေါ်မှာ နားထောင်တော်မူ၏” ဟု ကြွေးကြော်ခဲ့သည် (ဆာ ၃:၄)။ တမန်တော်ရှင်ပေါလုသည်လည်း ဘုရားသခင်၏လူမျိုးတော်များ ကိုယ်တော့်အသံမှတ်မိခြင်း၏ တန်ဖိုးအရေးပါမှုကို အလေးထားဖော်ပြခဲ့သည်။
ဧဖက်အသင်းတော်လူကြီးများကို နှုတ်ဆက်စကားပြောချိန်တွင် ယေရုရှလင်မြို့သို့သွားရန် သန့်ရှင်းသောဝိညာဉ်တော်၏ နှိုးဆော်ခြင်းခံခဲ့ရသည်ဟု ရှင်ပေါလု…
ဘာလို့ဒီလိုလုပ်တာလဲ
ကျွန်တော်၏ (၆) တန်းအရွယ် မြေးလေး Logan (လိုဂန်)၏ ခက်ခဲသည့် အက္ခရာ သင်္ချာ အိမ်စာများကို သူနှင့်အတူ ကူလုပ်ပေးရင်း မြေးက အင်ဂျင်နီယာဖြစ်ချင်သည့် သူ့အိပ်မက်အကြောင်း ပြောပြသည်။ x, y ဝင်ရိုးပုစ္ဆာများကို အဖြေရှာရင်း သူက “သားဒီဟာတွေကို ဘယ်အချိန်မှာ သုံးရမှာလဲ” ဟု မေးခွန်း ထုတ်ခဲ့သည်။
ကျွန်တော်ပြုံးမိရင်း “လိုဂန်၊ ဒါတွေက မင်းအင်ဂျင်နီယာဖြစ်ခဲ့ရင် သုံးရမဲ့ ဟာတွေပဲ” ဟုပြောခဲ့သည်။ အက္ခရာသင်္ချာနှင့် သူ၏အနာဂတ်မျှော်လင့်ချက်ကြား ဆက်နွှယ်မှုကို သူမရိပ်စားမိခဲ့ပေ။
တစ်ခါတစ်ရံ ကျွန်ုပ်တို့လည်း နှုတ်ကပတ်တော်ကို ထိုကဲ့သို့မြင်မိတတ် ကြသည်။ တရားဒေသနာ နားထောင်ချိန် (သို့) အချို့သောကျမ်းပိုဒ်များကို ဖတ်မိချိန်၌ “ငါတို့ ဒါကို ဘယ်အချိန်မှာ သုံးရမှာလဲ” ဟု ကျွန်ုပ်တို့တွေးမိသည်ပင်။ ဆာလံဆရာဒါဝိဒ်ထံ၌ အဖြေများရှိသည်။ နှုတ်ကပတ်တော်၌ ပါသော ဘုရားသခင်၏တရားတော်သည် “စိတ်ဝိညာဉ်ကို…
အနားယူခွင့်
ကျွန်မနှင့်ကျွန်မသူငယ်ချင်း Soozi (စူဇီ)တို့ ပင်လယ်ကျောက်ဆောင်ကြီးပေါ်ထိုင်ကာ ပင်လယ်လှိုင်းတွန့်များကို ကြည့်ခဲ့ကြသည်။ မုခ်ခုံးအသွင် ပင်လယ်လှိုင်းတွန့်များ တစ်ခုပြီးတစ်ခု ကျောက်ဆောင်နံရံသို့ လာရောက်ရိုက်ခတ်သည်ကို ကြည့်ရင်း စူဇီက “ငါပင်လယ်ကြီးကို ချစ်တယ်။ သူကအမြဲလှုပ်နေတော့ ငါရွေ့စရာမလိုဘူး” ဟု ပြောခဲ့သည်။
ကျွန်ုပ်တို့ထဲမှ အချို့က အလုပ်မှခေတ္တအနားယူရန် “ခွင့်ပြုချက်”လိုကြောင်း ခံစားရခြင်းက စိတ်ဝင်စားစရာ မကောင်းပေဘူးလား။ ၎င်းသည် ကျွန်ုပ်တို့၏ ကောင်းမြတ်သောဘုရားရှင် ပေးသည့်အရာပင်။ ခြောက်ရက်လုံး ဘုရားသခင်သည် ကမ္ဘာမြေကြီးကို ဖြစ်တည်စေကာ အလင်း၊ မြေကြီး၊ အပင်၊ တိရစ္ဆာန်နှင့် လူသားတို့အား ဖန်ဆင်းခဲ့သည်။ ထို့နောက် ခုနှစ်ရက်မြောက်တွင် ကိုယ်တော်အနားယူခဲ့သည် (က ၁:၃၁-၂:၂)။ သန့်ရှင်းရာဥပုသ်နေ့ကို ငြိမ်ဝပ်ရာနေ့အဖြစ် အောက်မေ့ရန် ပညတ်ချက်အပါအဝင် (ထွက် ၂၀:၈-၁၁) ဘုရားသခင်ကို ချီးမြှောက်ရိုသေလျက် ကောင်းစွာဘဝရှင်သန်ရန် ပညတ်တော် (၁၀) ပါး၌ စည်းမျဥ်း များချမှတ်ပေးခဲ့သည် (:၃-၁၇)။…
ဝိညာဉ်အသစ်ပြုပြင်ခြင်း
တရုတ်ဆေးပညာတွင် အရေပြားပေါ်ရှိ ဆဲလ်သေများဖယ်ရှားရန် ပုလဲအင်းဆက်များပါဝင်သည့် ပုလဲကြေးချွတ်မှုန့်များကို နှစ်ပေါင်းများစွာ အသုံးပြုနေကြသည်။ ရိုမေးနီးယားနိုင်ငံတွင် အသားအရေကို ပျိုမြစ်စေကာ ဝင်းဝါစေသည့် ကြေးချွတ်ဆေး အဖြစ် နုပျိုစေသည့်ဆေးရွှံ့များကို တွင်ကျယ်စွာ အသုံးပြုနေသည်။ တစ်ကမ္ဘာလုံးရှိ လူများသည် အမွဲခြောက်ဆုံးအသားရေကိုတောင် ပြန်လည်သစ်လွင်စေနိုင်သည်ဟု ၎င်းတို့ယုံကြည်သည့် အလှကုန်ပစ္စည်းများကို အသုံးပြုကြသည်။
ကျွန်ုပ်တို့၏ရုပ်ခန္ဓာကို ထိန်းသိမ်းရန် ဖန်တီးထားသည့်အရာများက ကျွန်ုပ်တို့အား ခဏတာကျေနပ်ပျော်ရွှင်မှုကိုသာ ပေးနိုင်သည်။ သာ၍ အရေးကြီးသည်မှာ ကျွန်ုပ်တို့ဝိညာဉ်ပိုင်းဆိုင်ရာ ကျန်းမာကြံ့ခိုင်နေရန်ဖြစ်သည်။ ခရစ်တော်၌ ယုံကြည်သူများဖြစ်သည့် ကျွန်ုပ်တို့သည် သခင်အားဖြင့် အတွင်းဝိညာဉ်ပြုပြင်ခြင်း ခံရပါသည်။ “ငါတို့၏ပြင်လူသည် ဖောက်ပြန်ပျက်စီးခြင်းသို့ ရောက်သော်လည်း၊ အတွင်းလူမူကား တစ်နေ့ထက်တစ်နေ့ ပြုပြင်ခြင်းကို ခံရ၏” (၂ ကော ၄:၁၆)။ ကြောက်ရွံ့မှု၊ နာကျင်မှုနှင့် စိုးရိမ်မှုတို့ကိုသာ စွဲကိုင်ထားလျှင် နေ့စဥ်စိန်ခေါ်မှုများက ကျွန်ုပ်တို့ကို ဆွဲချသွားမည်ဖြစ်သည်။ “ထင်ရှားသော အရာတို့ကို မကြည့်မမှတ်ဘဲ မထင်ရှားသောအရာတို့ကို…
ရောင့်ရဲကျေနပ်မှုကို လိုက်ဖမ်းခြင်း
စိတ်ရောဂါကုဆရာဝန်တစ်ဉီး၏ အကြံပေးစာကဏ္ဍတွင် ရည်မှန်းချက်ကြီးကြီးနှင့်ကြိုးစားမှုများကြောင့် ရောင့်ရဲကျေနပ်မှု မရနိုင်ဖြစ်နေသည့် Brenda (ဘရန်ဒါ) ခေါ် အမျိုးသမီး၏စာကို ပြန်ကြားပေးခဲ့သည်။ သူ့စကားလုံးများက တဲ့တိုးဆန် သည်။ သူက လူသားများသည် ပျော်ရွှင်ရန် ဖြစ်တည်နေခြင်း မဟုတ်ဘဲ “အသက်ရှင်ရန်နှင့် မျိုးပွားရန်”သာ ဖြစ်တည်နေသည်။ “ကလူကျီစယ်လျက် ဖမ်းရခက် သော ရောင့်ရဲကျေနပ်မှုလိပ်ပြာငယ်”ကို လိုက်လံဖမ်းဆီးရန် ကျွန်ုပ်တို့ ကျိန်စာသင့်နေပြီး “မည်သည့်အခါမှ ယင်းကို ဖမ်းမိမည် မဟုတ်” ဟု ဆိုသည်။
ဘာကိုမှတန်ဖိုးရှိသည်ဟုမထင်သော ထိုဆရာဝန်၏ပြန်စာကို ဘရန်ဒါ ဖတ်ရသောအခါ သူမမည်သို့ခံစားရမည်နည်း။ သူမသာ ဆာလံကျမ်း ၁၃၁ ကို ဖတ်ခဲ့လျှင် တစ်မူထူးပြီး မည်သို့ခံစားခဲ့ရမည်နည်းဟု ကျွန်တော်တွေးမိသည်။ ထိုဆာလံ၌ ကျေနပ်ရောင့်ရဲမှုအား မည်သို့ရှာရမည်ကို ဒါဝိဒ်မင်းကြီးက တွေးတောဆင်ခြင်ပြခဲ့သည်။ ဒါဝိဒ်မင်းကြီးသည် သူ့၏ရာဇဣန္ဒြေကို ဘေးဖယ်ကာ နှိမ့်ချစွာဖြင့် စတင်ဆင်ခြင်သည်။ သူရင်ဆိုင်ရသည့် သူ့ဘဝ၏ကြီးမားသော အခက်အခဲများသည်…
ညီရှောလု
ကျွန်တော် ဆယ်ကျော်သက်အရွယ်က တိုင်းတစ်ပါးသို့ ကျောင်းသားလဲလှယ်ရေးအစီအစဉ်ဖြင့် တစ်နှစ်ခရီးမသွားရမီ “အဘဘုရား၊ ကျေးဇူးပြု၍ ကျွန်တော့်ကို ထိုနေရာသို့မပို့ပါနှင့်” ဟုဆုတောင်းခဲ့သည်။ မည်သည့်နေရာသွားရမည်ကို မသိခဲ့သော်လည်း ကိုယ်မသွားလိုသည့်နေရာကိုဖြင့် ကျွန်တော်သိသည်။ ကျွန်တော်သည် ထိုတိုင်းပြည်၏ ဘာသာစကားကို မပြောတတ်၊ ၎င်း၏ဓလေ့ထုံးတမ်းများနှင့် နိုင်ငံသားများနှင့်ပတ်သက်၍ အမြင်မှားမှုများလည်း ရှိခဲ့သည်။ ထို့ကြောင့် ကျွန်တော်သည် ဘုရားသခင်အား ကျွန်တော့်ကိုအခြားနေရာများသို့ပို့ရန် ဆုတောင်းခဲ့သည်။
သို့သော်လည်း အမြော်အမြင်အနန္တရှိသောဘုရားသခင်သည် ကျွန်တော်မသွား လိုသည့်နေရာကိုမှ ကျွန်တော့်ကို ပို့လိုက်သည်။ ထိုသို့ပို့လိုက်ခြင်းအတွက် ကျွန်တော်ဝမ်းမြောက်သည်။ အနှစ် (၄၀) ကြာပြီးဖြစ်သော်လည်း ကျွန်တော်၌ ထိုတိုင်းပြည်မှ မိတ်ဆွေများ ရှိနေဆဲပင်။ ကျွန်တော်လက်ထပ်သည့်အခါ ကျွန်တော့်သတို့သားအရံ Stefan (စတီဖန်)သည် ထိုတိုင်းပြည်မှဖြစ်သည်။ သူ့မင်္ဂလာပွဲတွင်လည်း ကျွန်တော်သွား၍ မေတ္တာပြခဲ့သည်။ မကြာမီ ထပ်သွားလည်ပတ်ရန်လည်း စီစဉ်နေပါသည်။
ဘုရားသခင်က ကျွန်တော်တို့၏စိတ်နှလုံးကိုပြောင်းလဲသောအခါ နှစ်သက်ဖွယ် ကိစ္စရပ်များဖြစ်လာပါသည်။ ထိုသို့ပြောင်းလဲမှုတစ်ခုသည် “ညီရှောလု” (တ…
အပြစ်ဒုစရိုက်များကို သုတ်သင်ဖယ်ရှားခြင်း
ကျွန်မတို့အိမ်ဆင်ဝင်နားမှ ရေဖျန်းသည့်ရေပန်းခေါင်းနားတွင် အဖူးထွက်စပေါင်းပင်လေးတစ်ခုကို သတိထားမိစဉ်က ၎င်းကို အန္တရာယ်မရှိသည့် မျက်စိစပါးမွှေးစူးစရာအဖြစ်သာ ကျွန်မသဘောထားခဲ့သည်။ ပေါင်းပင်ငယ်က ကျွန်မတို့၏မြက်ခင်းကို မည်သို့ထိခိုက်စေနိုင်မည်နည်း။ သို့သော်လည်း ရက်သတ္တပတ်များ ကုန်လွန်သွားသောအခါ စိတ်အနှောင့်အယှက်ဖြစ်စရာလေးသည် ချုံပုတ်ငယ် အရွယ်ဖြစ်လာပြီး ကျွန်မတို့၏မြက်ခင်းကို တဖြည်းဖြည်း လွှမ်းမိုးလာသည်။ ၎င်းသည် လျှောက်လမ်းပေါ်သို့ အနည်းငယ်တက်လာပြီး အခြားနေရာများ၌ပါ ပေါက်လာသည်။ ၎င်း၏ဖျက်ဆီးတတ်သောသဘာဝကို ကျွန်မလက်ခံလိုက်ပြီးနောက် ပေါင်းပင်များကို တူးထုတ်ရန်နှင့် ပေါင်းသတ်ဆေးဖြင့် မြက်ခင်းကိုကာကွယ်ရန် ကျွန်မခင်ပွန်းအား အကူအညီတောင်းလိုက်ရသည်။
ကျွန်မတို့သည် အပြစ်ဒုစရိုက်ကို မသိကျိုးကျွံပြုလျှင် သို့မဟုတ် မျက်စိမှိတ်ငြင်းလျှင် ၎င်းသည် ကျွန်မတို့၏ဘဝများထဲသို့ ကျူးကျော်ဝင်ရောက်လာနိုင်ပြီး စိတ်နှလုံးကို ညစ်ညူးစေနိုင်ပါသည်။ ကျွန်မတို့၏ အပြစ်နှင့်ကင်းစင်သောဘုရား၌မူ ညစ်ညူးမှု လုံးဝမရှိပေ။ “ဘုရားသခင်သည် အလင်း၌ရှိတော်မူသကဲ့သို့”၊ ကျွန်မတို့လည်း “အလင်း၌ကျင်လည်”ရေး (၁ ယော ၁:၇) ဘုရား၏သားသမီးများအနေနှင့် အပြစ်ဒုစရိုက်များကို ထိပ်တိုက်ရင်ဆိုင်ရန် ကျွန်မတို့ကို ပြင်ဆင်စေစားထားပြီးသားဖြစ်သည်။ ကျွန်မတို့ဘက်မှရှေ့နေ…