ကျေးဇူးသိစိတ်ဖြင့် တုံ့ပြန်မှု

‘ငါးစိမ်းနှင့် မိုးရေ’၊ ဩစတြေးလျနိုင်ငံသား သင်္ဘောသားတစ်ဉီးဖြစ်သူ တိမသီ သည် သုံးလလုံးလုံး ထိုစားနပ်ရိက္ခာကိုသာစားပြီး အသက်ဆက်ခဲ့ရသည်။ မုန်တိုင်းဒဏ်ကြောင့် ပျက်စီးသွားသောရွက်လှေပေါ်တွင် မျှော်လင့်ချက်မဲ့ကာ ကုန်းမြေမှ မိုင် ၁,၂၀၀ အကွာ ပစိဖိတ်သမုဒ္ဒရာထဲ၌ မျောနေခဲ့သည်။ သို့သော် မက္ကစီကန် တူးနားငါးဖမ်းသင်္ဘောသားများက ပျက်စီးနေသော သူ၏လှေကို တွေ့ရှိပြီး သူ့ကိုကယ်ဆယ်ခဲ့သည်။ နောက်ပိုင်းတွင် ပိန်လှီပြီး ရာသီဥတုဒဏ်ကိုခံစားရသော အမျိုးသားက “ကျွန်တော့်အသက်ကို ကယ်တင်ခဲ့တဲ့ ကပ္ပတိန်နှင့် ငါးဖမ်းကုမ္ပဏီကို ကျေးဇူးတင်ပါတယ်” ဟူ၍ အတိအလင်းပြောဆိုခဲ့ပါသည်။

သူ၏အဖြစ်ဆိုးကြုံရ ပြီးနောက် တိမသီက ကျေးဇူးတင်စကားဆိုသော်လည်း၊ ပရောဖက်ဒံယေလကမူ အကျပ်အတည်း မဖြစ်မီ၊ ဖြစ်နေချိန်အတွင်း၊ ဖြစ်ပြီးသွားသည့်နောက်တွင် ကျေးဇူးသိသောနှလုံးသားကို ဖော်ပြခဲ့သည်။ အခြားယုဒလူမျိုးများနှင့်အတူ ယုဒပြည်မှ ဗာဗုလုန်မြို့သို့ သိမ်းသွားခြင်းခံရပြီး (ဒံ ၁:၁-၆)၊ ထိုနောက် ဒံယေလ၏ တန်ခိုးအာဏာ ခန့်အပ်ခံရခြင်းက သူအား သေစေလိုသောအခြား ခေါင်းဆောင်များ၏…

တားမြစ်မိန့်

အမျိုးသားတစ်ဦးသည် ဘုရားသခင်အား တားမြစ်မိန့်ချမှတ်ရန် တရားရုံး၌ တင်သွင်း ခဲ့သည်။ ဘုရားသခင်သည် သူ့အား “အထူးသဖြင့် မကြင်နာကြောင်း”နှင့် “ပြင်းထန်သည့် အပျက်သဘောထား”ကို ပြသခဲ့ကြောင်း အခိုင်အမာဆိုခဲ့သည်။ ကြီးကြပ်စစ်ဆေးသောတရားသူကြီးက ထိုသူသည် တရားရုံး၏အကူအညီကို မလိုအပ်ဘဲ၊ သူ၏စိတ်ကျန်းမာရေးအတွက်သာ အကူအညီလိုသည်ဟု ပြောကာ တရားစွဲဆိုမှုကို ပယ်ချခဲ့သည်။ ရယ်စရာကောင်းသော်လည်း ၎င်းသည် ဝမ်းနည်းဖွယ် ဖြစ်ရပ်မှန်ပင်။

သို့သော် ကျွန်တော်တို့ရော သူနှင့် ကွာခြားပါရဲ့လား။ “ကျေးဇူးပြု၍ တော်ပါ တော့ ဘုရားသခင်၊ ကျွန်ုပ်မခံနိုင်တော့ပါ” ဟု တစ်ခါတစ်ရံ၌ ကျွန်တော်တို့လည်း မပြောလိုကြဖူးလား။ ယောဘ ပြောခဲ့သည်။ သူသည် ဘုရားသခင်ကို စစ်ဆေးမေးမြန်းခဲ့သည်။ ဖွင့်မပြောပြနိုင်လောက်သော ကိုယ်ရေးကိုယ်တာအဖြစ်ဆိုးများကို ခံရပြီးနောက် “ဘုရားသခင်နှင့် ငါဆွေးနွေးရသောအခွင့် ရှိပါစေ”ဟု ပြောကာ (ယောဘ ၁၃:၃)၊ ဘုရားသခင်အား တရားစွဲခြင်းကို (၉:၃) မြင်ယောင်ကြည့်ပါသည်။ သူက “လက်တော်ကို…

ဘုရားသခင်၏ခွင့်လွှတ်ခြင်း

ကျေးဇူးတော်ချီးမွမ်းပွဲ အားလပ်ရက် ရောက်ခါနီးခန့်၌ အမေရိကန်သမ္မတသည် ကြက်ဆင်နှစ်ကောင်အား အသတ်ခံရခြင်းမှ လွတ်ငြိမ်းချမ်းသာခွင့်မပေးမီ ၎င်းတို့ကို အိမ်ဖြူတော်၌ ကြိုဆိုခဲ့သည်။ ရိုးရာအရ ကျေးဇူးတော်ချီးမွမ်းပွဲ၏ အဓိကဟင်းလျာအဖြစ် တည်ခင်းကျွေးမွေးခံရမည့်အစား ကြက်ဆင်များသည် ကျန်ရှိသော သူတို့၏သက်တမ်းတစ်လျှောက်တွင် မွေးမြူရေးခြံ၌ ဘေးကင်းစွာ နေထိုင်ခွင့်ရကြသည်။ ကြက်ဆင်များသည် သူတို့ရရှိထားသည့် လွတ်လပ်မှုကို နားမလည်နိုင်သော်လည်း၊ တစ်မူထူးသော နှစ်ပတ်လည်ဓလေ့သည် လွတ်ငြိမ်းချမ်းသာခြင်း၏ အသက်ပေးနိုင်သည့်အစွမ်းကို မီးမောင်းထိုးပြနေပါသည်။

ပရောဖက်မိက္ခာသည် လွတ်ငြိမ်းချမ်းသာခွင့်၏အရေးပါမှုကို နားလည်ခဲ့ပြီး ယေရုရှလင်မြို့ရှိ ဣသရေလလူမျိုးများထံ ပြင်းထန်သောသတိပေးစာ ရေးခဲ့သည်။ တရားဥပဒေအရ တိုင်တန်းမှုပုံစံနှင့်အလားတူ မကောင်းမှုနှင့် လောဘကြီးခြင်း၊ မရိုးသားမှု၊ အကြမ်းဖက်မှုတို့၌ ပျော်မွေ့နေသော (မိ ၆:၁၀-၁၅) လူမျိုးတစ်ဘက်၌ ဆန့်ကျင်လျက် ထာဝရဘုရား သက်သေခံတော်မူမည်ကို (၁:၂) မိက္ခာသည် မှတ်တမ်းတင်ခဲ့သည်။

ဤမနာခံမှုလုပ်ရပ်များကြားမှ၊ ဘုရားသခင်သည် အစဉ်အမျက်ဒေါသ မထွက်ဘဲ “အပြစ်မှလွှတ်တော်မူခြင်းနှင့် ခွင့်လွှတ်ခြင်း” ဟူသော ကတိတော်ကို…

တောက်ပထွန်းလင်းသော ခရစ်တော်၏အလင်း

အမေရိကန်နိုင်ငံ၊ မစ်ရှီဂန်ပြည်နယ်၊ ဟိုက်လန်းပါခ့်မြို့၏ လမ်းများ၌ မီးမရတော့သောအခါ၊ အခြားသော အလင်းအရင်းအမြစ်တစ်ခုဖြစ်သည့် နေအလင်းကို အားကိုးလာခဲ့ရသည်။ ရုန်းကန်နေရသောမြို့သည် လျှပ်စစ်ဓာတ်အားပေးကုမ္ပဏီကို ပေးဆောင်ရန် ငွေကြေးမရှိခဲ့၍ လျှပ်စစ်ကုမ္ပဏီက လမ်းမီးများကိုဖြတ်ပြီး မီးတိုင် ၁,၄၀၀ မှ မီးလုံးများကို ဖယ်ရှားခဲ့သည်။ ၎င်းက မြို့သားများအတွက် အမှောင်ထဲ၌ လုံခြုံမှုမရှိ ဖြစ်စေခဲ့သည်။ “အခုဆို ကျောင်းသွားမယ့်လမ်းမှာ ရှိနေတဲ့ ကလေးနှစ်ဦးက မီးမရှိတဲ့လမ်းပေါ်မှာ လမ်းမကြီးအတိုင်း လမ်းလျှောက်သွားနေရပါတယ်” ဟု မြို့သားတစ်ဦးက သတင်းအဖွဲ့သားတစ်ဦးကို ပြောပြသည်။

မြို့ထဲ၌ နေရောင်ခြည်စွမ်းအင်သုံး လမ်းမီးများ တပ်ဆင်ရန် အကျိုးအမြတ် မယူသောအဖွဲ့တစ်ဖွဲ့ကို ဖွဲ့စည်းလိုက်သောအခါ ထိုအရာသည် ပြောင်းလဲသွားခဲ့သည်။ အတူတကွလုပ်ဆောင်လျက်၊ လူသားချင်း စာနာထောက်ထားသော အဖွဲ့အစည်းသည် မြို့သူမြို့သားများ လိုအပ်သော မီးအလင်း၏အရင်းအမြစ်ကို ဖြည့်ဆည်းပေးသည့်တစ်ချိန်တည်းမှာပင် မီတာခွန်ပေးဆောင်ရန် ကုန်ကျမည့်ငွေကိုလည်း ချွေတာပေးခဲ့သည်။

ခရစ်တော်၌တည်သော ကျွန်မတို့၏အသက်တာတွင်၊ ကျွန်မတို့ မှီခိုစိတ်ချရသော…

ဘုရားသခင်နှင့် မိတ်ဖက်လုပ်ဆောင်ခြင်း

ကျွန်တော့်သူငယ်ချင်းနှင့် သူမ၏ခင်ပွန်းတို့သည် ကိုယ်ဝန်ရရန် ကြိုးစားခဲ့စဉ်က ဆေးပညာ လုပ်ထုံးလုပ်နည်းကို ခံယူရန် ဆရာဝန်များက သူမအား အကြံပြုခဲ့ကြသည်။ သို့သော် ကျွန်တော့်သူငယ်ချင်းက ချီတုံချတုံဖြစ်ခဲ့သည်။ သူမက “ကျွန်မတို့ရဲ့ ပြဿနာပြေလည်ဖို့ ဆုတောင်းခြင်းနဲ့ လုံလောက်တယ် မဟုတ်ဘူးလား”၊ “ကျွန်မတကယ်ပဲ ဆေးပညာ လုပ်ထုံးလုပ်နည်းကို ခံယူဖို့ လိုအပ်လား” ဟု ပြောခဲ့သည်။ ဘုရားသခင်၏လက်ရာကို မြင်တွေ့ရရန် လူသား၏လုပ်ဆောင်ချက်သည် မည်သည့် ကဏ္ဍ၌ပါဝင်နေသည်ကို သူမ ကြိုးစား၍ အဖြေရှာနေခဲ့ပါသည်။

လူများကို ကျွေးမွေးသည့် ရှင်ယေရှု၏ဇာတ်လမ်းက ဤနေရာတွင် ကျွန်တော် တို့ကို ကူညီပေးနိုင်သည် (မာ ၆:၃၅-၄၄)။ မုန့်အနည်းငယ်နှင့် ငါးအချို့တို့ဖြင့် ထောင်ချီသောလူတို့ကို အံ့သြဖွယ်ကျွေးမွေးခဲ့သည့် (:၄၂) ဤဇာတ်လမ်းအဆုံးကို ကျွန်ုပ်တို့သိပြီးသားဖြစ်မည်။ သို့သော် မည်သူက လူအုပ်ကို ကျွေးမွေးရသည်ကို သတိပြုပါ။ တပည့်တော်များဖြစ်ပါသည် (:၃၇)။ အစားအစာများကို မည်သူပြင်ဆင်သနည်း။ သူတို့ပင်…

စစ်ကြောမှုများရှိငြားလည်း ကျေးဇူးတင်ရှိခြင်း

သူမ၏ကင်ဆာရောဂါအကြောင်း အွန်လိုင်းပေါ်တင်သော မိတ်ဆွေ စာရေးဆရာမတစ်ဦးအတွက် ကျွန်မဆုတောင်းပေးနေပါသည်။ သူမ၏ရုပ်ပိုင်းဆိုင်ရာ နာကျင်မှုများနှင့် စိန်ခေါ်မှုများအကြောင်း ဝေမျှခြင်း၊ ဆုတောင်းချက်များနှင့်အတူ ကျမ်းချက်နှင့် ဘုရားအား ချီးမွမ်းခြင်းတို့ကို ဝေမျှခြင်းစသည်ဖြင့် တစ်လှည့်စီ တင်သည်။ သူမသည် ကုသမှုအတွက် ဆေးရုံ၌ စောင့်နေရသည်ဖြစ်စေ၊ ဆံပင်များကျွတ်၍ အိမ်၌ ခေါင်းပေါင်းထားရသည်ဖြစ်စေ၊ သူမ၏ရဲဝင့်သောအပြုံးကို မြင်ရသည်မှာ လှပပါ သည်။ စိန်ခေါ်မှုတစ်ခုစီ၌ စစ်ကြောမှုများအတွင်း အခြားသူများကို ဘုရားသခင်အား ယုံကြည်ကိုးစားဖို့ တိုက်တွန်းရန် သူမ ဘယ်သောအခါမှ မပျက်ကွက်ပါ။

အခက်အခဲများ ကျွန်မတို့ကျော်လွှားနေရစဉ် ဘုရားသခင်အား ကျေးဇူးတင်ရန်နှင့် ချီးမွမ်းရန် အကြောင်းရင်းကို ရှာတွေ့ရန် ခက်ခဲနိုင်ပါသည်။ သို့သော် ကျွန်မတို့၏ အခြေအနေများ မည်သို့ပင်ရှိလင့်ကစား ဆာလံ ၁၀၀ က ဝမ်းမြောက်ရန်နှင့် ဘုရားအားချီးမွမ်းရန် အကြောင်းရင်းများ ပေးထားပါသည်။ “ထာဝရဘုရားသည် ဘုရားသခင်ဖြစ်တော်မူသည်ဟု သိမှတ်ကြလော့။ ထာဝရဘုရားသည် ငါတို့ကို…

စရိုက်လက္ခဏာ ပြောင်းလဲခြင်း

ကွယ်လွန်ခါနီးဖြစ်သော (၁၇) ရာစု သဒ္ဒါပညာရှင် Dominique Bouhours (ဒေါမနစ်ဘူအို)၏ အိပ်ယာပတ်လည်၌ မိသားစုဝင်များ စုဝေးနေခဲ့သည်။ သူ၏ နောက်ဆုံးထွက်သက်၌ “ကျွန်ုပ် သေတော့မယ် သို့မဟုတ် သေရတော့မယ်။ နှစ်ခုစလုံး မှန်ပါသည်” ဟု သူပြောခဲ့ကြောင်း မှတ်တမ်းရှိသည်။ အသက်ငင်နေချိန်၌ သဒ္ဒါကို မည်သူ ဂရုစိုက်မည်နည်း။ တစ်ဘဝလုံး သဒ္ဒါကို အရေးစိုက်ခဲ့သူ - သူပဲဖြစ်ပါသည်။

အသက်ကြီးလာချိန်တွင် ကျွန်ုပ်တို့၏စရိုက်များသည် တစ်သမတ်တည်း အသားသေလေပြီ။ ကောင်းသောအရာဖြစ်စေ၊ ဆိုးသောအရာဖြစ်စေ အကျင့် အလေ့အထများက ကျွန်ုပ်တို့၏စရိုက်ကို ဖော်ပြသည်။ မိမိရွေးချယ်ခဲ့သည့်အရာများ အသားသေသွားအောင် အလေ့အကျင့်ပြုလုပ်ရန် ကျွန်ုပ်တို့၌ အချိန်တစ်သက် ရှိပါသည်။ မိမိဘာသာ ရွေးချယ်မှုအတိုင်းသာ ကျွန်ုပ်တို့ ဖြစ်တည်လာသည်။

ကျွန်ုပ်တို့၏အကျင့်စရိုက်သည် နုပြီး ပြုပြင်လွယ်သောအချိန်၌ ဘုရားနှစ်သက်သော အလေ့အကျင့်များကို ပြုစုပျိုးထောင်ရန် လွယ်သည်။ “သင်တို့သည် ယုံကြည်ခြင်း၌ သီလကိုလည်းကောင်း၊…

‘Shalom’ ငြိမ်သက်ခြင်း၏ ကိုယ်စားလှယ်များ

၂၀၁၅ ခုနှစ်တွင် အမေရိကန်နိုင်ငံ၊ ကော်လိုရာဒိုပြည်နယ်၊ ကော်လိုရာဒို စပရင်းစ်ဒေသရှိ ဒေသဆိုင်ရာအမှုတော်လုပ်ငန်းများသည် မြို့တော်အတွက် ဝန်ဆောင်မှုပေးရန် ပူးပေါင်းခဲ့ကြပြီး ‘COSILoveYou’ အဖွဲ့ပေါ်ပေါက်လာခဲ့သည်။ ထိုအဖွဲ့သည် ဆောင်းဦးရာသီရောက်တိုင်း ‘CityServe’ ဟူသည့် မြို့ပြအစေခံလှုပ်ရှားမှုတွင် ရပ်ရွာကိုအစေခံရန် ယုံကြည်သူများအား စေလွှတ်ခဲ့သည်။

လွန်ခဲ့သောနှစ်များစွာက ‘CityServe’ လှုပ်ရှားမှု၌ မြို့လယ်ရှိ မူလတန်းကျောင်းတွင် ဝန်ဆောင်မှုပေးရန် ကျွန်တော်နှင့် ကျွန်တော့်ကလေးများ တာဝန်ကျသည်။ ကျွန်တော်တို့ သန့်ရှင်းရေးလုပ်ခဲ့သည်။ ပေါင်းပင်များ နုတ်ခဲ့သည်။ ခြံစည်းရိုး သံဇကာ၌ ရောင်စုံပလပ်စတစ်တိတ်များကပ်ပြီး တောင်တန်းပုံဖန်တီးသည့် လက်မှုစီမံကိန်းလည်း လုပ်ခဲ့သည်။ ရိုးရှင်းသော်လည်း အံ့သြဖွယ်လှပါသည်။

ကျောင်းရှေ့ ကားဖြတ်မောင်းသွားတိုင်း ကျွန်တော်တို့၏ သာမညအနုပညာလက်ရာက ကျွန်တော့်အား ယေရမိအနာဂတ္တိကျမ်း ၂၉ ကို အမှတ်ရစေသည်။ ထိုကျမ်းချက်တွင် ဘုရားသခင်က သူ၏လူများအား သူတို့ရောက်ရှိနေသောမြို့၌ အခြေချပြီး အလုပ်အကျွေးပြုရန် ညွှန်ကြားခဲ့သည်။ သူတို့သည် ကျွန်ပြုဖမ်းဆီးခေါ်ဆောင်ခံရပြီး ထိုနေရာတွင်…

အမြော်အမြင်ရှိသော ရွေးချယ်မှုကို ပြုလုပ်ခြင်း

အမေ့အိမ်ကို ရောင်းရမည်လား။ ကျွန်မချစ်ရသော မိခင်မုဆိုးမကြီး ဆုံးပါးသွားပြီးနောက် ထိုဆုံးဖြတ်ချက်က ကျွန်မစိတ်ကို ဝန်လေးစေလျက် ဝမ်းနည်းကြေကွဲ စိတ်က လွှမ်းမိုးခဲ့သည်။ သို့တိုင် ကျွန်မတို့ညီအစ်မနှစ်ဦးသည် အမေ့အိမ်အလွတ်ကို နှစ်နှစ်ကြာ သန့်ရှင်းရေးနှင့်ပြင်ဆင်မှုလုပ်ပြီး ရောင်းချရန် စီစဥ်ခဲ့သည်။ ထိုစဥ်က ၂၀၀၈ ခုနှစ်ဖြစ်ပြီး ကမ္ဘာ့စီးပွားပျက်ကပ်ကြောင့် ဝယ်လက်မရှိ ဖြစ်ခဲ့သည်။ ကျွန်မတို့က စျေးကို ဆက်တိုက်လျှော့ခဲ့သော်လည်း ကမ်းလှမ်းမှုများ မရှိခဲ့ပါ။ ထို့နောက် တစ်မနက်တွင် ကျွန်မကျမ်းစာဖတ်နေရင်း “နွားထီးမရှိသော တင်းကုပ်သည် စင်ကြယ်၏။ သို့သော်လည်း နွားခွန်အားကို သုံး၍ များသောစီးပွားကို ရတတ်၏” (သု ၁၄:၄) ဆိုသော ကျမ်းပိုဒ်က ကျွန်မအာရုံကို ဖမ်းစားခဲ့သည်။

ထိုကျမ်းပိုဒ်က လယ်ယာလုပ်ငန်းအကြောင်း ပြောထားသော်လည်း ၎င်း၏ သတင်းစကားကြောင့် ကျွန်မ စိတ်ဝင်စားသွားသည်။ တင်းကုပ်အလွတ်သည် သန့်ရှင်းသပ်ရပ်နေသော်လည်း တင်းကုပ်ရှိတိရိစ္ဆာန်၏ “ရှုပ်ထွေးညစ်ပေ”မှုဖြင့်သာ အကျိုးစီးပွားကို ရိတ်သိမ်းနိုင်မည်ဖြစ်သည်။ ကျွန်မတို့အတွက်မူ…

ချိန်းချက်သောအချိန်

အမေရိကန်သမ္မတ John F. Kennedy (ဂျွန် အက်ဖ် ကနေဒီ)၊ ဒဿနပညာရှင်နှင့် စာရေးဆရာ Aldous Huxley (အဲလ်ဒါစ်ဟက်စ်လီ) နှင့် ခရစ်ယာန်ဘာသာရေးဆရာ C. S. Lewis (စီ အက်စ် လူးဝစ်) တို့သည် ၁၉၆၃ ခုနှစ်၊ နိုဝင်ဘာ (၂၂) ရက်တွင် ကွယ်လွန်ခဲ့သည်။ ထိုပုဂ္ဂိုလ်သုံးဦးသည် အလွန်ကွဲပြားသော ယုံကြည်သက်ဝင်မှုရှိသည့် နာမည်ကျော်များဖြစ်သည်။ ဘာသာမဲ့ ဟက်စ်လီသည် အရှေ့တိုင်း ဝိဇ္ဇာပညာတွင် နစ်မွန်းနေဆဲဖြစ်သည်။ ကနေဒီသည် ရိုမန် ကက်သလစ်ဘာသာဝင် ဖြစ်သော်လည်း လူသားဝါဒခံယူချက်ကို စွဲကိုင်သည်။ လူးဝစ် မှာမူ အင်္ဂလီကန် တစ်ဦးအနေဖြင့် သခင်ယေရှုကို ပြတ်ပြတ်သားသား ယုံကြည်သူဖြစ်လာသည့် ဘုရားမဲ့ဝါဒီဟောင်းတစ်ဦးဖြစ်သည်။ သေခြင်းတရားသည် လူတန်းစားမခွဲခြားပါ။ ထင်ရှားကျော်ကြား လူသိများသော အမျိုးသားသုံးဦးသည် သူတို့၏သေခြင်းတရားနှင့် ချိန်းချက်သောနေ့ကို တစ်နေ့တည်းမှာပင် ရင်ဆိုင်ခဲ့ရသည်။

ဧဒင်ဥယျာဥ်တွင်…