ခရစ်တော်၌ နက်ရှိုင်းစွာ အမြစ်တွယ်ခြင်း

ချစ်လှစွာသောသင်းအုပ်ဆရာ အန်ဒရူးမာရေး (Andrew Murray)[၁၈၂၈-၁၉၁၇] သည် သူ၏ဇာတိတောင်အာဖရိကတွင် လိမ္မော်ပင်များ၌ အမျိုးမျိုးသောရောဂါ ပိုးမွှားများ မည်သို့ကူးစက်သည်ကို မျှဝေခဲ့သည်။ အလေ့အကျင့်မရှိသောမျက်လုံးများက အားလုံးကောင်းသည်ဟုထင်ရသော်လည်း ကျွမ်းကျင်သောခြံသမားက အပင်ကို တဖြည်းဖြည်း သေသွားစေသည့် ပုပ်ပျက်ဆွေးမြေ့ခြင်းကို တွေ့သည်။ ရောဂါရှိသောအပင်ကို ကယ်တင်ရန် တစ်ခုတည်းသောနည်းလမ်းမှာ ပင်စည်နှင့် အကိုင်းအခက်များကို အမြစ်မှဖယ်ရှားပြီး အသစ်ကိုင်းကူးဆက်စိုက်ရန် ဖြစ်သည်။ ထိုအခါ အပင်သည် ရှင်သန်ပြီး အသီးသီးမည်ဖြစ်သည်။

မာရေးသည် ဤပုံဥပမာကို တမန်တော်ရှင်ပေါလု၏ ဧဖက်မြို့သားများထံသို့ရေးသော စာစောင်နှင့် ချိတ်ဆက်ထားသည်။ ရောမအကျဉ်းထောင်တွင် ရှင်ပေါလုသည် သခင်ယေရှုခရစ်၏ဧဝံဂေလိတရားကို အံ့ဩဖွယ် အကျဉ်းချုပ်ဖော်ပြသည့် စာတစ်စောင်ကို ရေးခဲ့သည်။ သူက ယုံကြည်ခြင်းအားဖြင့် ခရစ်တော်သည် သူတို့၏ စိတ်နှလုံးအထဲ၌ ကျိန်းဝပ်တော်မူမည့်အကြောင်း၊ ခရစ်တော်၏ဝိညာဉ်တော်သည် ယုံကြည်သူတို့၏ အတွင်းလူကို ခွန်အားနှင့် မြဲမြံ ခိုင်ခံ့စေရန် (ဧ ၃:၁၆-၁၇)ဆုတောင်းခြင်းအားဖြင့် သူ၏သင်းအုပ်နှလုံးသားက တောက်ပနေသည်။ သူတို့သည်…

သခင်ယေရှု၌ သူတစ်ပါးကို ချစ်ခြင်း

အထက်တန်းကျောင်းအားကစားတွင် ကစားနည်းအသစ်တစ်ခုရှိပြီး၊ ၎င်းသည် မြင်ဖူးသမျှတွင် စိတ်ဓာတ် အတက်ကြွဆုံးအတွေ့အကြုံဖြစ်သည်။

ကစားနည်းတစ်ခုတွင် ပါဝင်နေကျ အော်ဟစ်အားပေးသည့်ပရိတ်သတ်များ၊ ဒိုင်လူကြီးများနှင့် အမှတ်ပေးအဖွဲ့များ ပါဝင်သည်။ သို့သော် ပဓာနကျသောလှည့်ကွက်တစ်ခုရှိသည်။ ၎င်းမှာ ကစားကွင်းရှိ အားကစားသမား ငါးဦးပါ အဖွဲ့တိုင်းတွင် သန်စွမ်းသောအားကစားသမားနှစ်ဦးနှင့် မသန်စွမ်းပုံစံမျိုးစုံနှင့် အားကစားသမားသုံးဦး ပါဝင်သည်။ မည်သည့်အသင်းမှဖြစ်နေပါစေ ကစားသမားများသည် ကစားကွင်းတွင် အချင်းချင်း ကူညီပေးခြင်း၊ အားပေးခြင်းနှင့် စိတ်ပျော်ရွှင်အောင် အားပေးခြင်း များက ကြည်နူးအားရဖွယ်ဖြစ်သည်။ ထိုကစားနည်းသည် အားကစားယှဉ်ပြိုင်သည့်အတွေ့အကြုံ၏ပျော်ရွှင်မှုကို မခံစားရသောကျောင်းသားများကို မြှင့်တင်ပေးသည့် ကစားနည်းဖြစ်သည်။

ဤနည်းဖြင့် ကျောင်းသားများအား ဂုဏ်ပြုနိုင်ရေးအတွက် ကျောင်းများတွင် စဉ်းစားချင့်ချိန်ပြီး ဉာဏ်အမြော်အမြင်ရှိသော ခေါင်းဆောင်မှု လိုအပ်ပါသည်။ သူတို့၏ကြိုးစားအားထုတ်မှုများသည် ကျွန်ုပ်တို့အတွက် သမ္မာကျမ်းစာမှ ဒါဝိဒ်မင်း၏ စံနမူနာတစ်ရပ်ကို ထင်ဟပ်စေသည်။

ဒါဝိဒ်လက်ထက်၌ “‘မျက်စိကန်းနှင့်ခြေဆွံ့သောသူ’တို့သည် နန်းတော်ထဲသို့မဝင်ရ” (၂ ရာ ၅:၈) ဟု သူ၏ရန်သူများကို…

နှိမ့်ချခြင်း ဂုဏ်အသရေ

မူလတန်းကျောင်းဆရာမတစ်ယောက်အနေဖြင့် ကျွန်မ၏သူငယ်ချင်းသည် သူမ၏တပည့်ကျောင်းသားများကို ဂီတ သို့မဟုတ် အနုပညာ ဘာသာရပ်များသင်ကြားသောအခန်းများသို့ ခေါ်သွားလေ့ရှိသည်။ အခြားအခန်းသို့ သွားရန် တန်းစီခိုင်းသောအခါ၊ ပဉ္စမတန်းကျောင်းသားများက သူ့ထက်အလျင်နေရာယူပြီး အချို့က ထိပ်ဆုံးနေရာကို လိုချင်တပ်မက်စိတ်ဖြင့် ကစဉ့်ကလျားပြေးသွားသည်။ တစ်နေ့တွင် ဂျဲနီ(Jenni)သည် နောက်ဆုံးနေရာတွင် တန်းစီခြင်းဖြင့် လူတိုင်းက သူမကို လှည့်ကြည့်ပြီး အံ့ဩခဲ့သည်။ အံ့ဩမှုကြောင့် “အလိုလေးလေး”ဟုပင် အသံပြုမိကြသည်။

ညစာစားပွဲတွင် အလားတူနေရာ ရယူလိုခြင်းဖြစ်စဉ်ကို သခင်ယေရှု သတိ ပြုမိသောအခါ၊ သူ၏ဧည့်ပရိသတ်များအား အမှန်အံ့ဩစေသည့် ပုံဥပမာကို ပြောပြခြင်းဖြင့် တုံ့ပြန်ခဲ့သည်။ မင်္ဂလာဆောင်ပွဲပုံဥပမာကို အသုံးပြု၍ “မြင့်မြတ်သော နေရာကိုမယူဘဲ” “နိမ့်သောနေရာကိုယူရန်” (လု ၁၄:၈-၁၀) သခင်ညွှန်ကြားခဲ့သည်။ ခရစ်တော်က “ကိုယ်ကိုကိုယ် ချီးမြှောက်သောသူမည်သည်ကား နှိမ့်ချခြင်းသို့ ရောက်၍ ကိုယ်ကိုကိုယ် နှိမ့်ချသောသူ မည်သည်ကား ချီးမြှောက်ခြင်းသို့ရောက်လတံ့” (:၁၁)ဟု ဆိုပြီး လူသားတို့၏လူမှုရေးစံနှုန်းများကို ရှုတ်ချခဲ့သည်။…

အသစ်ပြုပြင်ခြင်းကို ပြုပေးသော ဘုရားသခင်

“သေခြင်းကို အမြတ်ထုတ် စီးပွားလုပ်သူ ကွယ်လွန်ပြီ။” ထိုနာရေးသတင်းခေါင်းစီးသည် ဒိုင်းနမိုက်ကို တီထွင်သူ အဲလ်ဖရတ်နိုဘယ်လ် (Alfred Nobel)အတွက် သူ့ဘဝကို မှန်ကန်စွာပြောင်းလဲစေခဲ့သည့် အကြောင်းရင်းဖြစ်နိုင်သည်။ သို့သော်လည်း သတင်းစာ၏ အမှားမှာ အဲလ်ဖရတ် အသက်ရှင်နေပြီး၊ သူ့အကို လူ့ဗစ်နိုဘယ်(Ludvig)ကွယ်လွန်ခြင်းဖြစ်သည်။ အသက်ပေါင်းများစွာကို သေစေခဲ့သည့် အန္တရာယ်များသောတီထွင်မှုကြောင့် သူ့ကို လူအများ အမှတ်ရနေကြမည်ဟု သူသဘောပေါက်သွားသောအခါ သူ့၏ကြီးမားသောစည်းစိမ်ကို လှူဒါန်း၍ လူသားမျိုးနွယ်ကို အကျိုးပြုသူများအား ပေးအပ်သည့်ဆုတစ်ခုကို တည်ထောင်ခဲ့သည်။ ထိုဆုကို နိုဘယ်ဆုဟု လူသိထင်ရှားခဲ့သည်။

တန်ခိုးဩဇာကြီးမားသည့် အခြားသူတစ်ဦးသည်လည်း လွန်ခဲ့သောနှစ်ပေါင်းနှစ်ထောင်ကျော်က စိတ်နှလုံးပြောင်းလဲခဲ့ဖူးသည်။ ယုဒဘုရင် မနာရှေသည် ဘုရားသခင်ကို အာခံခဲ့သည်။ ထို့ကြောင့် သူသည် ဗာဗုလုန်သို့ ဖမ်းဆီးခေါ်ဆောင် သွားခြင်းခံခဲ့ရသည်။ သို့သော် သူသည် “ဆင်းရဲဒုက္ခကို ခံရသောအခါ၊ မိမိဘုရားသခင်ကို တောင်းပန်” ၍ “ဆုတောင်းပတ္ထနာပြု” သောအခါ ဘုရားသခင်က သူ၏“အုပ်စိုးရင်းပြည်၊ ယေရုရှလင်မြို့သို့…

တည်မြဲသော ဝမ်းမြောက်ခြင်း

၂၀၁၄ ခုနှစ်တွင် နော်ဝေးနိုင်ငံရှိ ကျေးရွာတစ်ခုမှဒေသခံများက လမ်းဖြတ်ကူးသူများကို ကလေးကလားပြုမူလျက် လမ်းဖြတ်ကူးရန် တိုက်တွန်းသည့် ဆိုင်းဘုတ်တစ်ခုကို ထောင်ခဲ့သည်။ ကလေးကလား လမ်းလျှောက်သူများနှင့် ဘေးမှကြည့်သူများပါ တစ်ဦးနှင့်တစ်ဦး ပျော်ရွှင်အောင်လုပ်နိုင်မည့် ခဏတာ အခိုက်အတန့်လေး ဖန်တီးရန် ရည်ရွယ်ခြင်းဖြစ်ပါသည်။ ဤကဲ့သို့ ကလေးကလားဆန်မှုများကို တွေ့လိုက်ရသည့်တဒင်္ဂ၌ စိတ်ပျက်အားငယ်နေသူများအတွက် ခဏတာ ခွန်အားပေးမှု ဖြစ်စေခဲ့ပါသည်။

ကျွန်မတို့သည် ဆင်းရဲဒုက္ခကာလများကို ရင်ဆိုင်ရ၍ စိတ်ပျက်ဝမ်းနည်းကြသည်ကို သမ္မာကျမ်းစာက အသိအမှတ် ပြုသည်။ ယေရမိမြည်တမ်းစကားနှင့် ဆာလံကျမ်းပိုဒ်များစွာက ဤကဲ့သို့သောနာကျင်မှုမျိုးကို ဖော်ပြထားသည်။ သို့သော်လည်း ဘုရားသခင်၏တည်ရှိခြင်း မျက်မှောက်တော်က အခြေအနေတိုင်းတွင် ကျွန်မတို့ထံသို့ တည်မြဲသောဝမ်းမြောက်ခြင်းကို ယူလာနိုင်ကြောင်း ကျမ်းစာက ညွှန်ပြထားပါသည်။ ဒါဝိဒ်မင်းကြီးသည် ဘုရားသခင်ထံတော်ပါးတွင် ထာဝရနေရမည့်အနာဂတ်ကို ရည်မှန်းလျက် ၁၆ ခုမြောက်သော ဆာလံကို ရေးစပ်ခဲ့သည်။ ယခုအသက်ရှင်နေသော ကျွန်မတို့သည် သခင်ယေရှု၏သေလွန်ခြင်းနှင့် ရှင်ပြန် ထမြောက်ခြင်းကြောင့် ယခုအချိန်မှာပင်…

ဘုရားသခင်၏အမြင်

၂၀၁၈ ခုနှစ်တွင် တရားဟောဆရာ တန် ဖလစ်ပင် (Tan Flippin) သည် စက်ဘီးမတော်တဆမှုကြောင့် တင်ပါးဆုံအရိုးအက်၍ ဆေးရုံတက်ခဲ့ရသည်။ ဆရာဝန်များက ခေါင်းထိခိုက်မှုရှိမရှိသိရရန် သူ့ခေါင်းကို စီတီစကန် ဖတ်ကြည့်သောအခါ သူ့ဦးနှောက်ရှေ့တွင် ကြီးမားသောအကြိတ်ဆိုးတစ်ခုကို ဆရာဝန်များ တွေ့ခဲ့သည်။ ထိုသို့တွေ့ရှိပြီးနောက် နောက်ထပ်အကြိတ်ငယ်များကိုပါတွေ့ခဲ့ပြီး၊ အရိုးခြင်ဆီ အစားထိုးခြင်းအပါအဝင် များပြားသောကုသမှုများကို ခံယူခဲ့ရသည်။ သူ့ဦးနှောက်အကြိတ်ကို ရှာတွေ့ရန် ဘုရားသခင်က ထိုမတော်တဆမှုကို ဖြစ်ခွင့်ပေးခဲ့ခြင်းဟု ဖလစ်ပင်က ယုံကြည်သည်။

ဘုရားသခင်သည် ဘုန်းတော်ထင်ရှားရန်အတွက် မတော်တဆမှုများနှင့် အခြားဒုက္ခအခက်အခဲများကို အသုံးပြုနိုင်ကြောင်း ရှင်ပေါလုက ဖိလိပ္ပိအသင်းသားများအား ပြောခဲ့ပါသည်။ တမန်တော်ကြီးသည် ရောမဧကရာဇ်နီရိုရှေ့တွင် တရားစီရင်ခံရရန် စောင့်ဆိုင်းရင်း အကျဉ်းကျနေခဲ့သည်။ ဝမ်းနည်းရမည့်အစား ရှင်ပေါလုဝမ်းမြောက်ခဲ့သည်။ သူမည်ကဲ့သို့ ပျော်ရွှင်နိုင်သနည်း။ “ခရစ်တော်ကြောင့် ...ခံရသောချည်နှောင်ခြင်းအမှုအရာ” ကို ရှင်ပေါလုက အခွင့်ထူးအဖြစ်မြင်ခဲ့ပြီး ( :၂၉)၊ သူ၏ဒုက္ခဆင်းရဲကို ဘုရားသခင်၏အမြင်မှကြည့်ကာ “ငါ၌…

ဆားပါသော အဖြေများ

ဘာ့ထ် (Bert) သည် သူ၏ ငွေထုတ်ကတ်ကို စားသောက်ဆိုင်ငွေပြေစာပေါ်တွင် တင်လိုက်သည်။ စားပွဲထိုးသည် ကတ်ကို ယူလိုက်ပြီး “ခဏလေး၊ “ငါသည် လမ်းခရီးဖြစ်၏၊ သမ္မာတရားလည်းဖြစ်၏။ အသက်လည်းဖြစ်၏” လို့ ပြောတဲ့ ဒီလူက ဘယ်သူလဲ၊ သူပြောထားတာ တိုတိုနဲ့လိုရင်းရောက်တယ်” ဟု ပြောလိုက်သည်။ သူ၏ခရစ်ယာန်ဘဏ္ဍာရေးကုမ္ပဏီက ရိုက်နှိပ်ထားသည့် ယောဟန် ၁၄:၆ မှ သခင်ယေရှု၏နှုတ်ကပတ်တော်ကို စားပွဲထိုးက တုံ့ပြန်နေခြင်းဖြစ်ကြောင်း ဘာ့ထ် သဘောပေါက်သွားသည်။ “ဒီလူ” မည်သူဖြစ်ကြောင်းနှင့် ကျွန်မတို့ကို ဘုရားသခင်ထံဆောင်ကြဉ်းရန် မည်သို့စတေးခံခဲ့ကြောင်း ဘာ့ထ်က ရှင်းပြခဲ့သည်။

မိမိ၏ယုံကြည်ခြင်းအကြောင်း ဘာမျှမသိသူတို့နှင့် ကျွန်မတို့တွေ့သောအခါ ကျွန်မတို့က လှောင်ခြင်း၊ အထင်သေးခြင်းနှင့် တုံ့ပြန်နိုင်ပါသည်။ သို့သော်လည်း “သင်တို့မျှော်လင့်ခြင်း၏ အကြောင်းကို မေးမြန်းသောသူရှိသမျှတို့အား ... ပြန်ပြောခြင်းငှာ အသင့်ရှိနေကြလော့” ဟု တမန်တော်ကြီးပေတရုက ကျွန်မတို့ကို စိန်ခေါ်ပါသည် (၁ ပေ…

ဘုရားသခင်၏အသံတော်ကို နားထောင်ခြင်း

၂၀ ရာစုနှစ်အစောပိုင်းတွင် နယူးယောက်မြို့တော်သည် ဆူညံသောနေရာ ဖြစ်လာသည်။ မိုးပျံရထား၊ ကား၊ ဓာတ်ရထား၊ သတင်းစာရောင်းသော ကောင်လေးများ၊ ခပ်သုတ်သုတ်သွားလာနေကြသူများနှင့် လူနေမှုဘဝက ကျယ်လောင်လာသည်။ သို့သော်လည်း တစ်ရက်၌ ဘရော့ဝေး(Broadway)လမ်းမနှင့် ၃၄လမ်းကြားတွင် ချားလ်စ်ကဲလော့(Charles Kellogg)က သူ့သူငယ်ချင်းကို “နားထောင်၊ ငါ ပုရစ်သံ ကြားတယ်”ဟု ပြောလိုက်သည်။

သူ့သူငယ်ချင်းက “မဖြစ်နိုင်ဘူး။ ဒီလောက်ဆူညံနေတာ၊ အဲ့လိုသေးငယ်တဲ့အသံကို မင်း မကြားနိုင်ဘူး” ဟု ပြန်ဖြေသည်။ သို့သော်လည်း မစ္စတာကဲလော့က အလျှော့မပေးခဲ့ပါ။ နောက်ဆုံးတွင် မုန့်ဆိုင် ပြတင်းပေါက်တွင် အသံပြုနေသော ပုရစ်ကို တွေ့ခဲ့သည်။ “မင်းအကြားအာရုံက တော်တော်ကောင်းတယ်”ဟု သူ့သူငယ်ချင်းက ဆိုရာ၊ မစ္စတာ ကဲလော့က “ မဟုတ်ဘူး၊ ဘယ်နေရာကို အာရုံစိုက်လဲ ဆိုတဲ့အပေါ်ပဲ မူတည်ပါတယ်”ဟု ပြန်ဖြေသည်။

ဧလိယသည် ဘုရားသခင် ဘုန်းတန်ခိုးအာဏာတော်ပြသည်ကိုမြင်ဖူးသော ဘုရားသခင်၏ ပရောဖက်တစ်ဦး…

ဘုရားသခင်အား စစ်မှန်စွာ ယုံကြည်ကိုးစားခြင်း

လေလွင့်ကြောင်လေးတစ်ကောင်၏ သနားစရာကောင်းစွာ တညောင်ညောင်အော်သံက ကျွန်တော့်ခြေလှမ်းများကို ရပ်တန့်သွားစေသည်။ တစ်စုံတစ်ဦးက စည်းကမ်းမဲ့ စွန့်ပစ်ခဲ့သည့် စားကြွင်းစားကျန်အပုံတစ်ပုံကို ခုလေးတင် ကျွန်တော်ဖြတ်လျှောက်လာခဲ့သည်။ ဆာလောင်နေသည့်ကြောင်လေးအတွက် စားစရာကို ဘုရားသခင် ပြင်ဆင်ပေးတာပဲဟု ကျွန်တော်တအံ့တသြတွေးမိသည်။ ထိုစားစရာ သည် အနီးနားရှိ တိုင်တစ်တိုင်ဖြင့် ကွယ်နေသဖြင့် ပိန်ချုံးချည့်နဲ့နေသည့် ကြောင်လေးအား အစားအစာရှိရာသို့ မျှားခေါ်ရန် ကျွန်တော်ကြိုးစားခဲ့သည်။ ကြောင်လေးသည် ကျွန်တော့်ထံသို့ ယုံကြည်စွာ ရွေ့လျှားလာခဲ့ပြီးမှ ရပ်လိုက်ကာ ကျွန်တော်နောက်သို့ ထပ်လိုက်မလာတော့ပါ။ “ငါ့ရဲ့လမ်းညွှန်မှုကို မင်းဘာလို့ မယုံကြည်ရတာလဲ။ စားစရာအပုံကြီးက ရှေ့မှာ မင်းကို စောင့်နေတယ်လေ”ဟူ၍ ကျွန်တော် မေးချင်ခဲ့သည်။

ဘုရားသခင်နှင့်ကျွန်တော်၏ဆက်ဆံရေး၌ အလားတူ ကျွန်တော်ပြုလုပ်မိနေသည်မဟုတ်ပါလား။ ကိုယ်တော်၏ မစထောက်ပံ့ခြင်းက အနီးအနားမှာ စောင့်ကြိုနေကြောင်းကိုနားမလည်ဘဲ “ကိုယ်တော့်ကို ယုံကြည်ပါတယ် ဘုရားသခင်။ ဒါပေမယ့် ကိုယ်တော်ရဲ့ညွှန်ကြားချက်တွေက စိတ်မချရဘူးဟုတွေးတောလျက် ဘုရားသခင်၏ လမ်းညွှန်မှုများကို ကျွန်တော် မည်မျှ ထိုသို့…

မျှော်လင့်ချက်မဲ့ခြင်း၊ မျှော်လင့်ချက်ရှိခြင်း

ဆောင်းဦးရောက်တိုင်း ပန်းနာရင်ကြပ်ပင် (ragweed)ကဲ့သို့ အပင်များက ကျွန်မသား၏ အသက်ရှုလမ်းကြောင်းကို ယားယံစေသည်။ တစ်ညတွင် သူ၏ရောဂါလက္ခဏာများ အရမ်းပြင်းထန်လာပြီး ဆရာဝန် ပြသင့်သည် ဟု ကျွန်မထင်ခဲ့သည်။ ကျွန်မတို့မိသားစုမှာ လနှင့်ချီပြီး ပြင်းထန်သည့် ကျန်းမာရေးပြဿနာများမှ ပြန်လည် နာလံထူချိန်ဖြစ်၍ ဆုမတောင်းချင်တော့လောက်အောင်ပင် စိတ်ပျက်အားလျော့ခဲ့သည်။ သို့သော် ကျွန်မ၏ခင်ပွန်းက အမှုအရာအားလုံး၌ ဘုရားသခင် ကျွန်မတို့အား မစပို့ဆောင်ခဲ့ခြင်း၌ မျှော်လင့်ချက်ကို တွေ့ရှိခဲ့ပြီး၊ လမ်းပြညွှန်ရန်အတွက် သူဆုတောင်းခဲ့သည်။ မကြာမီမှာ ဆေးဝါးအကူအညီဖြင့် သားဖြစ်သူ၏အခြေအနေ သက်သာလာခဲ့သည်။

ခါနန်ပြည်ကို စူးစမ်းပြီးနောက် သူတို့၏အပေါင်းအဖော်အချို့က အားလျော့စိတ်ပျက်ခဲ့ကြသော်လည်း ကာလက်နှင့် ယောရှုတို့သည် မျှော်လင့်ချက်နှင့် အကောင်းမြင်မှုကို ပြသခဲ့သည် (တော ၁၄:၆-၉)။ ဘုရားသခင်သည် ထိုနယ်မြေကို ဣသရေလူမျိုးအားပေးရန် ကတိပြုခဲ့ပြီး “ထိုပြည်ကို သိမ်းယူကြစို့။ အောင်နိုင် ကောင်းသည်” (၁၃:၃၀)ဟု ကာလက်က ပြောသည်။ ခါနနိလူတို့သည် အင်အားကြီးပြီး၊…