ဤအရာများကို လေ့ကျင့်ပါ

သား၏သင်္ချာအိမ်စာကို ကူညီပေးရင်း သားလေးက သဘောတရားတူသည့် ဆတိုးကိန်းပုစ္ဆာများ တွက်ရသည်ကို စိတ်အားထက်သန်မှုမရှိကြောင်း တဖြည်းဖြည်း ထင်ရှားသိသာလာသည်။ ကျန်အိမ်စာအကုန်လုံးကို မလုပ်ခိုင်းလောက်တော့ဘူးအထင်ဖြင့် "ဖေဖေရေ သားရပြီ"ဟု သူအခိုင်အမာပြောသည်။ သို့နှင့် ကျွန်တော်က သားအား လက်တွေ့လေ့ကျင့်မှု မလုပ်မိမချင်း သဘောတရားများသည် အယူအဆတစ်ခုမျှသာဖြစ်ကြောင်း ဖြည်းဖြည်းချင်း ရှင်းပြရသည်။

ရှင်ပေါလုက ဖိလိပ္ပိရှိ သူ့အပေါင်းအသင်းများကို အလေ့အကျင့်နှင့်စပ်လျဥ်း၍ "သင်တို့သည် အထက်က သင်ယူ၍ ငါ၌ကြားမြင်ခဲ့ပြီးသမျှတို့ကို ကျင့်ကြလော့" (ဖိ ၄:၉)ဟု စာရေးသားပေးခဲ့သည်။ ရှင်ပေါလုက အချက် ၅ ချက် ကို လုပ်ဆောင်ရန်ပြောထားသည်။ ဧဝေါဒိနှင့် သုန္တုတ်တို့အား 'ရန်ငြိမ်းပြေလည်လျက် သင့်မြတ်ခြင်း'ကို လေ့ကျင့်ရန် တိုက်တွန်းသည် (:၂-၃)။ စာဖတ်သူများအား 'ဝမ်းမြောက်ခြင်း'ကို ပြုစုပျိုးထောင်ရန် သတိပေးသည် (:၄)။ လောကသားတို့နှင့် ဆက်ဆံပြုမူရာတွင် 'ဖြည်းညင်းခြင်း' သဘောကို ကျင့်ဆောင်ရန် တိုက်တွန်းသည် (:၅)။…

ဆီးနှင်းများက ဖန်တီးသောအနုပညာ

အိုဟိုင်းယိုးပြည်နယ် စင်စင်နာတီရှိ လက်လုပ်လက်စားရပ်ကွက်တွင် "Over the Rhine"တေးဂီတအဖွဲ့သည် တစ်နှစ်တာအတွင်း သူတို့မြို့လေး၏ပြောင်းလဲမှု အကြောင်းများကို ရေးသားစပ်ဆိုကြသည်။ ထိုအဖွဲ့၏တွဲဖက်တည်ထောင်သူ လင်းဖို့ဒက်ဝိုင်လာ က "နှစ်တစ်နှစ်ရဲ့ ပထမဆုံး နှင်းကျချိန်မှာ ထူးမြတ်တဲ့အရာ ဖြစ်လာနေသလို ခံစားရတယ်။ အသစ်တစ်ဖန် အစပြုသလိုမျိုးပေါ့။ မြို့ကြီးက တစ်ဖြည်းဖြည်း အရှိန်ကျလာပြီး တိတ်ဆိတ်မှု ကြီးစိုးလာတယ်"ဟု ရှင်းပြသည်။

နှင်းထူထပ်စွာကျခြင်းကို ကြုံခဲ့ဖူးလျှင် သီချင်းတစ်ပုဒ်မည်သို့ထွက်ပေါ် လာနိုင်သည်ကို သင်သဘောပေါက်လိမ့်မည်။ ဆီးနှင်းများက အမှိုက်နှင့် မွဲပြာ နေသောအရာများကို ဖုံးကွယ်လိုက်ရင်း ကြည်နူးဖွယ် ဆိတ်ငြိမ်အေးချမ်းမှုက တစ်လောကလုံးကို လွမ်းခြုံလိုက်သည်။ ထိုအချိန် တစ်ခဏလေးတွင် မှုန်မှိုင်း သော ဆောင်းရာသီ၏အငွေ့အသက်များ အသက်ဝင်လာကာ ၎င်းကို ခံစား ပျော်မွေ့ရန် ဖိတ်ခေါ်နေတော့သည်။

ယောဘ၏မိတ်ဆွေများထဲမှ ဘုရားကိုမှန်ကန်စွာရှုမြင်တတ်ရန် မစခဲ့သူ ဧလိဟုက ဖန်ဆင်းခြင်းအရာများသည် ကျွန်ုပ်တို့၏အာရုံကို ထိန်းချုပ်နိုင်စွမ်းရှိ ကြောင်း မိန့်ဆိုခဲ့သည်။…

စာရေးရသည့်အကြောင်းအရင်း

"ထာဝရဘုရားသည် ငါ၏ရဲတိုက်၊ ... သီချင်းဆိုရင်း အကျဥ်းစခန်းမှ ခွါခဲ့သည်။" ၁၉၄၃ ခုနှစ် စက်တင်ဘာ ၇ နေ့တွင် အက်တီဟေးလစမ် သည် ထိုစာသားများကို ပို့စကတ်ပေါ်တွင်ရေးပြီး ရထားပေါ်မှပစ်ချခဲ့သည်။ ၎င်းကို သူမ၏ နောက်ဆုံးစာ အဖြစ် မှတ်တမ်းတင်ထားသည်။ ၁၉၄၃ခုနှစ်၊ နိုဝင်ဘာ ၃၀ ရက်တွင် အော့စ္စ်ဝှချ် မြို့၌ သူမလုပ်ကြံခံရသည်။ နောက်ပိုင်းတွင် နိုင်ငံရေးအကျဉ်းသားများ ထားရာ အကျဉ်းစခန်းမှ အတွေ့အကြုံများကို ရေးသားထားသော ဟေးလစမ်၏ နေ့စဉ် မှတ်တမ်းကို ဘာသာပြန်ကာ ထုတ်ဝေခဲ့ကြသည်။ နာဇီတို့၏ရက်စက် ကြမ်းကြုတ် သောသိမ်းပိုက်မှုအပေါ် သူမ၏အမြင်နှင့် ဘုရားသခင်၏လှပတင့်တယ်သော ကမ္ဘာကြီးကို တွဲလျက်မှတ်တမ်းတင်ထားသည်။ ၎င်းကို ဘာသာစကားပေါင်း ၆၇ မျိုးဖြင့် ဘာသာပြန်ဆိုခဲ့ပြီး၊ သူမ၏ဒိုင်ယာရီကိုဖတ်ရှုသူများအတွက် အဆိုးေရော အကောင်းကိုပါ လက်ခံယုံကြည်စေသည့် လက်ဆောင်တစ်ခုဖြစ်သည်။

တမန်တော်ယောဟန်သည် လောကတွင် ကျင်လည်ခဲ့သော သခင်ယေရှု၏…

ဘုရားသခင်အား တောင်းလျှောက်ခြင်း

မနက်ခင်းတစ်ခုတွင် မိသားစုဆုတောင်းချိန်သည် အံ့အားသင့်စရာအဖြစ်နှင့် အဆုံးသတ်ခဲ့သည်။ အဖေက အာမင်ထူးပြီးပြီးချင်း ငါးနှစ်အရွယ် ကိတ်လင်း က "ဆုတောင်းနေချိန်မှာ လိုဂန် မျက်လုံးမမှိတ်တဲ့အတွက် သမီး ဆုတောင်းပေးပါ၏ ဘုရား" ဟုဆုတောင်းလိုက်သည်။ ၁၀ နှစ်အရွယ် အစ်ကိုအတွက် ဆုတောင်းခြင်း သည် ကျွန်ုပ်တို့သိပြီးသား ကျမ်းစာထဲတွင် ဖော်ပြထားသော အခြားသူအတွက် ကြားဝင်ဆုတောင်းပေးသောနည်းများထဲမှ တစ်ခုမဟုတ်သော်လည်း သူတစ်ပါး အတွက် ဆုတောင်းပေးနိုင်ကြောင်းကိုဖြင့် ကိတ်လင်း သိပုံရသည်။

နှုတ်ကပတ်တော်သင်ကြားပို့ချသူ ဆရာကြီး အော့စ်ဝဲလ်ချိန်းဘား (Oswald Chambers) က အခြားသူအတွက် ဆုတောင်းပေးခြင်း၏အရေးပါမှုကို အလေးပေး ပြောကြားခဲ့သည်။ သူက "ကြားဝင်အသနားခံဆုတောင်းခြင်းသည် မိမိကိုယ်ကို ဘုရားသခင် နေရာတွင်ထားပြီး ဘုရား၏စိတ်သဘောနှင့်အမြင် ရှိခြင်းဖြစ်သည်" ဟု ဆိုသည်။ ဘုရားသခင်နှင့် ကျွန်ုပ်တို့အပေါ်တွင်ထားရှိသော ကိုယ်တော်၏ ချစ်ခြင်းမေတ္တာကိုသိရှိပြီး အခြားသူအတွက် ကျွန်ုပ်တို့ဆုတောင်းပေးခြင်းဖြစ်သည်။

ဒံယေလအခန်းကြီး ၉ တွင်…

ကိုယ်ကိစ္စကိုသာ အာရုံစိုက်ပါ

လွန်ခဲ့သောနှစ်များစွာက ကျွန်တော့်သားဂျော့ရှ်နှင့်ကျွန်တော်တို့ တောင်တက်ကြစဉ် လေထုထဲ၌ ဖုန်ထနေသည်ကို လှမ်းတွေ့လိုက်သည်။ ကျွန်တော်တို့ရှေ့ဆက်သွားသောအခါ ခွေးတူဝက်တူလေးတစ်ကောင်မှာ အမှိုက်ပုံတွင် တွင်းတူးကာ အလုပ်ရှုပ်နေကြောင်း တွေ့လိုက်ရသည်။ သူ့ခေါင်းနှင့်ပခုံးသည် တွင်းထဲတွင်ရှိပြီး ရှေ့လက်များဖြင့် အားသွန်ခွန်စိုက်မြေတူးရင်း နောက်ခြေက တွင်းထဲမှ ဖုန်အမှိုက်သရိုက်များကို အပြင်သို့ယက်ထုတ်သည်။ သူ့အလုပ်ထဲ၌ အလွန်အာရုံစူးစိုက်နေသောကြောင့် ကျွန်တော်တို့ရောက်လာသည်ကိုပင် မကြားပါ။

ကျွန်တော်သည် အနီးအနားရှိ တုတ်ရှည်နှင့် အကောင်လေးကို အနောက်မှ တို့လိုက်သည်။ ၎င်းကို အနာတရဖြစ်အောင် မလုပ်မိသော်လည်း ခွေးတူဝက်တူ လေးက လေထဲသို့မြှောက်ခုန်သွားပြီး ကျွန်တော်တို့ဘက်သို့ လှည့်လာရာ သားအဖနှစ်ဦးသားမှာ ကိုက်တစ်ရာအကွာအဝေးသို့ ကမ္ဘာ့စံချိန်သစ်တင်မတတ် တစ်ဟုန်ထိုး ပြေးခဲ့ရလေတော့သည်။

ထိုသို့ကသောကမျောပြေးရခြင်းမှ တစ်ခါတစ်ရံ သူတစ်ပါးကိစ္စကို ဝင်ရောက်မစွက်ဖက်ခြင်းသည် အကောင်းဆုံးဖြစ်ကြောင်း သင်ခန်းစာရရှိခဲ့သည်။ သခင်ယေရှုကို ယုံကြည်သူချင်း - အခြားခရစ်ယာန်များနှင့် ဆက်ဆံရေးတွင်လည်း ထိုအချက်က အထူးသဖြင့် မှန်ပါသည်။ တမန်တော်ကြီးရှင်ပေါလုက ကောရိန္သု အသင်းသားများအား…

ဘယ်သူသိနိုင်မလဲ

တရုတ်ဒဏ္ဍာရီအရ Sai Weng (စိုင်းဝမ်)သည် သူ၏အဖိုးတန်မြင်းများထဲမှ တစ်ကောင် ပျောက်ဆုံးသွားသည့်အခါ သူ့အိမ်နီးချင်းက သူ့ဆုံးရှုံးမှုအတွက် ဝမ်းနည်းကြောင်း ဖော်ပြသည်။ သို့သော် Sai Weng ကတော့ မမှုပါ။ သူက "ဒါဟာ ငါ့အတွက် ကောင်းတဲ့ကိစ္စဖြစ်လာမယ်ဆိုတာ ဘယ်သူသိမှာလဲ" ဟု ပြောပါသည်။ ထူးဆန်းစွာပင် ပျောက်သွားသည့်မြင်းက နောက်မြင်းတစ်ကောင်နှင့်အတူ အိမ်သို့ ပြန်ရောက်လာသည်။ အိမ်နီးချင်းက ဝမ်းသာစကားပြောသောအခါ သူက "ဒါဟာ ငါ့အတွက် မကောင်းတာဖြစ်လာနိုင်တယ်ဆိုတာ ဘယ်သူသိမှာလဲ"ဟု ပြောပြန်သည်။ ဖြစ်ချင်တော့ သူ့သားသည် မြင်းအသစ်ကိုစီးရင်း ထိခိုက်ဒဏ်ရာရပြီး ခြေကျိုးသွားသည်။ ကံဆိုးမှုဟုထင်ရသော်လည်း စစ်တပ်မှ တိုက်ပွဲဝင်ရန် သန်စွမ်းသောယောကျ်ားများကို လာရောက် စည်းရုံးပြီး တပ်သားသစ်စုဆောင်း သောအခါ ဒဏ်ရာရနေသောသားမှာ အရွေးမခံရသောကြောင့် စစ်မြေပြင်၌ ကြုံရမည့် အသက်ဘေးမှ ချမ်းသာရာရရှိခဲ့သည်။

၎င်းသည် အခက်အခဲသည် ရုပ်ဖျက်ထားသောကောင်းချီးမင်္ဂလာ ဖြစ်နိုင်သလို ကောင်းကျိုးသည်လည်း…

အဖေ့ကိုသိခြင်း

ဒဏ္ဍာရီစကားများအရ ဗြိတိသျှသံစုံတီးဝိုင်းမှူး ဆရာ သောမတ် ဘီးချမ်း (Sir Thomas Beecham)သည် တစ်ချိန်က ဟိုတယ်အဝင်ခန်းမတွင် ထင်ပေါ်သော ရုပ်ရည်သွင်ပြင်ရှိသည့် အမျိုးသမီးတစ်ဦးကိုတွေ့ရာ၊ သူမကိုသိကြောင်း သေချာသော်လည်း သူမ၏နာမည်ကိုမေ့နေသောကြောင့် သူမနှင့်စကားပြောရန် ခေတ္တ ရပ်လိုက်သည်။ စကားပြောနေရင်းမှ သူမ၌ အစ်ကိုတစ်ယောက်ရှိကြောင်း ရေးရေးလေး သတိရလာသည်။ သဲလွန်စရလိုရငြား "အစ်ကိုရော၊ အခြေအနေ ဘယ်လိုလဲ။ အရင်အလုပ်မှာပဲလား"ဟု မေးလိုက်ရာ၊ သူမက "အို အခြေအနေ သိပ်ကောင်းတာပေါ့။ ဘုရင်ပဲ ဆက်လုပ်နေတယ်လေ"ဟု ပြန်ဖြေခဲ့သည်။

ဆရာ ဘီးချမ်း ကဲ့သို့ မည်သူမည်ဝါဖြစ်ကြောင်းမှားခြင်းက မျက်နှာပူစရာ ဖြစ်သော်လည်း အခြားအဖြစ်အပျက်တစ်ခုတွင် သခင်ယေရှု၏တပည့်တော် ဖိလိပ္ပု၏အခြေအနေက ပို၍ပင် စိုးထိတ်စရာကောင်းလိမ့်မည်။ သူက "ခမည်းတော်ကို သူတို့အားပြရန်" သခင်ယေရှုကို တောင်းဆိုရာ၊ "ငါ့ကို မြင်သော သူသည် ခမည်းတော်ကိုမြင်၏"ဟု သခင်ယေရှုတုံ့ပြန်ခဲ့သည် (ယော ၁၄:၈-၉)။…

ကာကွယ်စောင့်ရှောက်ပေးနေသည်

နွေဦးရာသီ၌ စိုက်ပျိုးရေးအတွက် ပြင်ဆင်နေစဉ် ဆောင်းရာသီ၌ပေါက်သော ပေါင်းပင်အဆုပ်လိုက်ကို ဆွဲနှုတ်ပြီး လေထဲပစ်လိုက်သည်။ အဆိပ် ရှိသော ကြေးနီရောင်ခေါင်းနှင့်မြွေဆိုးတစ်ကောင်သည် ကျွန်တော့်လက်အောက်နား (၁) လက်မခန့်အကွာရှိ ပင်ခြေပိတ်ပေါင်းထဲတွင် ခွေနေပြီး ဖုံးကွယ်နေသော ကြောင့် မှားပြီးကိုင်မိနိုင်သည်။ ထိုပေါင်းပင်စုကို ဆွဲနှုတ်လိုက်စဥ် ထိုမြွေ၏ အရောင်ကိုမြင်လိုက်ရပြီး မြွေ၏ကျန်အစိတ်အပိုင်းများက ကျွန်တော့် ခြေထောက်ကြားတွင် အခွေလိုက်ရှိနေသည်။

မြွေနှင့်ဝေးရာသို့ ပေအနည်းငယ်ရွေ့လိုက်ပြီးမှ မြွေကိုက်မခံရသည့်အတွက် ဘုရားသခင်ကို ကျေးဇူးတင်လိုက်မိသည်။ ထိုအချိန်ကျမှ ဘယ်တုန်းကမှမသိခဲ့သောအန္တရာယ်များမှ ဘုရားရှင်သည် ကျွန်တော့်ကို ဘယ်နှစ်ကြိမ် ဘယ်နှစ်ခါမျှ ကာကွယ်ပေးနေခဲ့ပါသနည်းဟု အတွေးဝင်မိသည်။

ဘုရားသခင်သည် သူ၏လူမျိုးတော်ကို စောင့်ကြည့်နေပါသည်။ ကတိထား တော်မူသောပြည်သို့ မဝင်ရောက်မီ မောရှေက "သင့်ရှေ့မှာ ထာဝရဘုရားသည် ကိုယ်တိုင်ကြွ၍ သင်နှင့်ရှိတော်မူလိမ့်မည်။ သင့်ကိုစွန့်တော်မမူ၊ ပစ်ထားတော် မမူ။ မစိုးရိမ်နှင့်၊ စိတ်မပျက်နှင့်" ဟု ဣသရေလလူမျိုးတို့ရှေ့မှာပြောခဲ့သည် (တရား ၃၁:၈)။ ဘုရားသခင်ကို…

ဘေးကင်းလုံခြုံစွာ

အားပြည့်တက်ကြွသော မူကြိုကျောင်းသားအနေဖြင့် စေဗီယာသည် နေ့လည်ခင်း ငြိမ်ငြိမ်နေရသောအချိန်ကို ရှောင်သည်။ မကြာခဏဆိုသလို မလိုချင်သော်လည်း အမှန်လိုအပ်သောငြိမ်ဝပ်ချိန်သည် နေ့ခင်းတစ်ရေးတစ်မောအိပ်ချိန် ဖြစ်သွားပါ တော့သည်။ ထိုင်ခုံပေါ်တွင် လူးလွန့်လိုက်၊ ဆိုဖာပေါ်မှ လျောဆင်းကစားလိုက်၊ ကြမ်းပြင်ပေါ်ပြေးလိုက်၊ အခန်းဟိုဘက်ထောင့်မှ ဒီဘက်ထောင့်သို့ လူးလိမ့်ကစား လိုက်နှင့် ငြိမ်ဝပ်ချိန်ကိုရှောင်သည်။ "သားဗိုက်ဆာတယ် ... သားရေဆာတယ် ... သား ရှူးပေါက်မယ် ... သားကိုဖက်ထားပေးပါ" စသည်ဖြင့် အကြောင်းပြသည်။

ငြိမ်ဝပ်စွာနေခြင်း၏အကျိုးကျေးဇူးကို ကျွန်မနားလည်သောကြောင့် စေဗီယာအား ကျွန်မနံဘေး၌ လဲလျောင်းကာ သူ့ကို ထွေးဖက်လျက် ငြိမ်ငြိမ် နေစေပြီး အိပ်ပျော်သွားသည်အထိ ချော့သိပ်ရသည်။

ကျွန်မ၏ဝိညာဉ်ရေးရာအသက်တာ အစောပိုင်းကာလကို ကျွန်မသားလေး ၏အမြဲတက်ကြွစွာနေလိုသည့် အနေအထားနှင့် ထင်ဟပ်ကြည့်မိသည်။ ဆူညံသံ က မိမိ၏အားနည်းချက်နှင့်အခက်အခဲများအပေါ် စိုးရိမ်မှုမှ အာရုံလွဲစေသလို အလုပ်များခြင်းက အသိအမှတ်ပြုခံရသည်၊ အရေးပါသည်၊ ထိန်းချုပ်မှုရှိသည်ဟု ကျွန်မအား ခံစားစေမိပါသည်။…

ဘယ်တော့မှ လက်မလျော့လိုက်နဲ့

"အချိန်တွေ ကုန်တယ်။ စစ်တွေဖြစ်တယ်" ဟု ဆူဒန်နိုင်ငံ တောင်ပိုင်းဒေသရှိ ကယ်လီကိုလူမျိုးစု၏သာသနာပိုင်ကြီး ဆယ်မီနီဂို က ၎င်းတို့၏ မိခင်ဘာသာ စကားဖြင့် သမ္မာကျမ်းစာရရှိရန် သူတို့၏အသင်းတော်အနေဖြင့် ကြာမြင့်စွာ ရုန်းကန်ခဲ့ရမှုနှင့် ‌နှောင့်နှေးမှုများကို ပြောပြသည်။ စင်စစ် ကယ်လီကို ဘာသာဖြင့် စာတစ်လုံးမျှ ပုံနှိပ်ထုတ်ဝေဖူးခြင်း မရှိခဲ့ပါ။ လွန်ခဲ့သောဆယ်စုနှစ် အစောပိုင်းတွင် ဘီးရှော့နီဂို၏အဘိုးမှ သမ္မာကျမ်းစာဘာသာပြန်ခြင်း စီမံကိန်းကို ရဲရင့်စွာ စတင်ခဲ့ သော်လည်း စစ်ပွဲနှင့်ပဋိပက္ခများက ကြိုးပမ်းမှုကို ရပ်တန့်စေခဲ့သည်။ ယူဂန်ဒါ မြောက်ပိုင်းနှင့် ကွန်ဂိုဒီမိုကရက်တစ် သမ္မတနိုင်ငံရှိ ၎င်းတို့၏ ဒုက္ခသည် စခန်းတွင် တိုက်ခိုက်မှုများ အကြိမ်ကြိမ်ရှိခဲ့သော်လည်း သာသနာပိုင်ကြီးနှင့် ယုံကြည်သူ မိတ်ဆွေများက ထိုစီမံကိန်းကို ဆက်လက်ရှင်သန်စေခဲ့သည်။

သူတို့၏ဇွဲရှိမှုက အကျိုးဖြစ်ထွန်းခဲ့ပါသည်။ နှစ်ပေါင်း ၃၀ နီးပါးနောက်တွင် ကယ်လီကိုဘာသာ ဓမ္မသစ်ကျမ်းစာအား စိတ်ဓာတ်နိုးကြားဖွယ် အခမ်းအနားဖြင့် ဒုက္ခသည်များကို ပေးဝေနိုင်ခဲ့ကြသည်။…