ခရစ်တော်ကို စေ့စေ့မျက်မှောက်ပြုလော့
သားလေးကို စက်ဘီးစီးသင်ရသည်မှာ စိတ်ရှုပ်စရာကောင်းကြောင်း အန်ဒရူး(Andrew)သိလိုက်သည်။ ၅နှစ် အရွယ် သားငယ်မှာ တစ်ဘက်သို့ ယိုင်ကာ လဲကျနေရာ၊ သူသည် ဦးတည်ရာတစ်ဘက်သို့သာ ကြည့်နေခြင်းကြောင့် ထိုသို့ဖြစ်သည်ကို အဆုံးတွင် အန်ဒရူး နားလည်လိုက်သည်။ အန်ဒရူးအကြံတစ်ခုရလိုက်သည်။ “သား၊ ဟိုမှာ တိုင်ကို မြင်လား။ အဲဒီကိုပဲ ကြည့်ပြီး ခြေနင်းကို နင်းလိုက်ဟု ပြောလိုက်သည်။ သားငယ်သည် ပြောသည့်အတိုင်း လိုက်လုပ်သောအခါ၊ တည်ငြိမ်စွာ ရှေ့ဆက်နင်းနိုင်ခဲ့သည်။
ထိုဖြစ်ရပ်သည် အန်ဒရူးအတွက် သင်ခန်းစာတစ်ခု ဖြစ်ခဲ့သည်။ မိတ်သဟာယအဖွဲ့ငယ်တွင် ထိုအကြောင်းကို သူပြန်ပြောရင်း “ကျွန်တော်တို့မျက်မှောက်ပြုနေတဲ့အရာဟာ ကျွန်တော်တို့ ဦးတည်သွားနေတဲ့နေရာဖြစ်တယ်။ ဟေဗြဲ ၁၂:၂ မှာ “ယုံကြည်ခြင်းကို အစအဦးစီရင်၍ စုံလင်စေတော်မူသော သခင်ယေရှုကို စေ့စေ့ထောက်ရှုကြကုန်အံ့” လို့ သွန်သင်ထားတာ အံ့ဩစရာတော့ မဟုတ်ဘူး”ဟု သူမှတ်ချက်ချခဲ့သည်။
ဒုစရိုက်အလေ့အလာများနှင့် စွဲလမ်းမှုများက ကျွန်ုပ်တို့ကို ဒုက္ခရောက်စေသကဲ့သို့ ကျွန်ုပ်တို့၏ဘဝပေးတာဝန်များနှင့် နေ့စဉ်လုပ်ရိုးလုပ်စဥ်များက…
ဘုရားသခင်၏ဘုန်းအာနုဘော်သင်္ကေတများ
ဩစတြေးလျဓာတ်ပုံဆရာ Christian Spencer(ခရစ်ရှန် စပန်ဆာ)သည် ဘရာဇီး နိုင်ငံရှိ Itatiaia (အီတာရှီးယာ) အမျိုးသားပန်းခြံတွင် နှစ် ၂၀ ကျော်ကြာ ဓာတ်ပုံရိုက်ခဲ့သူဖြစ်သည်။ ၎င်း၏ ဓာတ်ပုံများ အနက် ထူးခြားမှုတစ်ခုမှာ ပျံသန်းနေသည့် ငှက်ပိတုန်းတောင်ပံကို ဖြတ်သန်းလာသောနေရောင်ကို ဓာတ်ပုံရိုက်ယူခြင်း ဖြစ်သည်။ ငှက်များပျံသောအခါ တောက်ပသောနေရောင်နှင့် သူ့ကင်မရာအကြားတွင် ၎င်းတောင်ပံများက သက်တံရောင်စဥ်ကို ဖြစ်ပေါ်စေကြောင်း သူတွေ့ရှိခဲ့သည်။ အခြားဓာတ်ပုံဆရာများသည်လည်း ငှက်ပိတုန်းထက် အခြားငှက်များဖြင့် ထိုသဘာဝအလှကို ရိုက်ယူနိုင်ခဲ့ပါသည်။
သက်တံအရောင်များကို ငှက်တောင်ပံများတွင် တွေ့နိုင်ခြင်းသည် ဘုရားသခင်သည် သူ၏ဖန်ဆင်းခြင်းတွင် ထည့်သွင်းထားသည့် ဝှက်ထားသော ရတနာကို ပြသသော နမူနာတစ်ခုဖြစ်သည်။ ထိုသို့သော အလှတရားနှင့် ခမ်းနားမှုသည် ပလ္လင်တော်၌ ထိုင်တော်မူသော ယေရှုကို တွေ့ရသောအခါ မည်သည်ကို သိလာရမည်နည်းဟု ယုံကြည်သူများ၏စူးစမ်းလိုစိတ်ကို လှုံ့ဆော်ပေးပါသည်။ရှင်ယောဟန် သည် ဗျာဒိတ် ၄ တွင် ကောင်းကင်ပလ္လင်တော်ကိုမြင်ခဲ့ပြီးနောက်…
ဘုရားသခင် ကတိတည်သည်
အမေရိကန်ပြည်ထောင်စုတစ်ဝန်းရှိ လူမှုအသိုင်းအဝိုင်းများမှ သူဌေးသူကြွယ်များက ကျောင်းသားများအား ကျောင်းတက်ရသည့် ၁၃ နှစ်တာ တစ်လျှောက်လုံး အမှတ်ကောင်းကောင်းရလျှင် ကောလိပ်(သို့)တက္ကသိုလ်တက်သည့် အခါ ၄ နှစ်စာအတွက် ကုန်ကျမည့် ကျောင်းစရိတ်ကို ၎င်းတို့က ပံ့ပိုးပေးမည်ဟု စိတ်ဓာတ်ကို လှုံ့ဆော်ပေးသည့် ကတိကဝတ်ကို ပေးကြသည်။ ကိန်းဂဏန်းအချက်အလက်များအရ ထိုသတင်းကြားပြီးသည်နှင့် မြို့အချို့တွင် ဤအခွင့်အရေးကြောင့် ကျောင်းသားများသည် ဆင်းရဲချမ်းသာမရွေး အမှတ်ကောင်းရရန် စာပိုကြိုးစားလာကြသည်။ ဆရာမတစ်ဦးက “ဒါဟာ စိတ်ထားကို လုံးဝပြောင်းသွားစေတယ်။ သူငယ်တန်းကလေးတောင် တက္ကသိုလ်တက်မယ်လို့ ပြောလာကြတယ်။ ဒါဟာ အဖြစ်မှန်ပဲလေ”ဟု ပြောခဲ့သည်။ နောင်ဖြစ်လာမည့်အရာများအတွက် ထိုကတိစကားက သူတို့၏ အားထုတ်မှုနှင့် အနာဂတ်အတွက် မျှော်လင့်ချက်ကို မြှင့်တင်ပေးသည်။
တမန်တော်ကြီးရှင်ယောဟန်သည် ကနဦးယုံကြည်သူ၏ ယုံကြည်ခြင်းကို တွန်းအားဖြစ်စေခဲ့သည့် နောင်ဖြစ်လာ မည့်အရာနှင့်စပ်လျဥ်း၍ ကတိတစ်ခုကို ပြောပြသည်။ သခင်ယေရှုက သူပြန်လာမည်ဟု ကတိပြုခဲ့သည်။ သခင်ယေရှု ပြန်လာလျှင် “ကိုယ်တော်…
ယေရှုကျွန်ုပ်တို့ကို ကယ်တင်ခဲ့သည်
Amundsen-Scott(အမွန်ဆင်-စကော့) တောင်ဝင်ရိုးစွန်းဌာနရှိ အလုပ်သမား နှစ်ဦးသည် အရေးပေါ် ဆေးကုသမှု ခံယူရန် လိုအပ်ခဲ့သည်။ တစ်ဦးက နှလုံးရောဂါခံစားနေရပြီး၊ အခြားတစ်ဦးမှာ အသက်အန္တရာယ်ရှိသော အစာအိမ်ပြဿနာနှင့် ကြုံနေရသည်။ ၎င်းတို့ကို ကယ်တင်ရန်တစ်ခုတည်းသောနည်းလမ်းမှာ ကယ်ဆယ်ရေးအဖွဲ့ စေလွှတ်ပေးရန်ဖြစ်သည်။ သို့သော် ထိုနေရာသည် ဖေဖော်ဝါရီလမှ အောက်တိုဘာလအထိ ‘ အနှုတ် ၇၅ ဒီဂရီ ဆဲလ်ဆီးယပ် (အနှုတ် ၁၀၃°ဖာရင်ဟိုက်)’ ရှိသောအေးခဲသည့်ရာသီဥတုနှင့် ပိန်းပိတ်မှောင်သောနေရာ ဖြစ်သည့်အပြင် ပြင်းထန်သော ရာသီဥတုကြောင့် ဆောင်းရာသီတွင် ထိုနေရာသို့ လေယာဉ်များ ပျံသန်းလေ့ မရှိပေ။ သည့်တိုင် လေယာဉ်မှူးများသည် သူတို့ကို ကယ်တင်ရန် စိတ်ပိုင်းဖြတ်ပြီး နှစ်ရက်တာမျှ အခက်အခဲများစွာကြားမှပျံသန်းကာ အောင်မြင်စွာ ကယ်တင်နိုင်ခဲ့သည်။
ကယ်ဆယ်ရေး ဇာတ်လမ်းများက စိတ်လှုပ်ရှား အားကျဖွယ်ဖြစ်သည်။ သို့သော် အကောင်းဆုံးသော ကယ်တင်ခြင်း ဇာတ်လမ်းမှာ သခင်ယေရှုသည် ကျွန်ုပ်တို့ကို အပြစ်မှ ကယ်တင်ခြင်းဖြစ်သည်။…
အခြားသူများအတွက် နေရာဖန်တီးခြင်း
နှစ်စဉ် နံရံ၌ ပြက္ခဒိန်ပြုလုပ်ခြင်းက ကျွန်မတို့ မိသားစု၏ထုံးစံဖြစ်သည်။ သို့သော် နောက်ပိုင်းတွင် အရေးကြီးသည့်အထူးနေ့များကို မိမိအကြိုက်ဆုံးဓာတ်ပုံများဖြင့် လစဉ်အလှဆင် ရေးမှတ်ခြင်းကြောင့် ၎င်းနံရံမှာ ရှုပ်ထွေး ပြည့်နှက်လျက်ရှိသည်။ မိသားစုဝင် အသစ်ဖြစ်သည့် ဘဝကြင်ဖော်နှင့် ကလေးများ တိုးလာသဖြင့် လူတိုင်း ၏ဓာတ်ပုံများကို မပါပါအောင်၊ ကပ်ညှပ်ထည့်ရသည်။ ယခုအခါ မွေးနေ့တူသည့် အဖွဲ့နှစ်ဖွဲ့နှင့် အချို့သော အားလပ်ရက်များက မင်္ဂလာဆောင်သည့်နေ့များနှင့် တိုက်နေသည်။ သို့သော် ၎င်းသည် ပြက္ခဒိန်၏အနှစ်သာရကို မပျက်စီးသွားစေဘဲ မိသားစုဝင် အသစ်များသည် ကျွန်မအတွက် ပို၍ပင်အဖိုးတန်နေသည်။
ဘုရားသခင်၏ နိုင်ငံတော်၌လည်း အသစ်ဝင်လာသူများသည် အမြဲတန်ဖိုးရှိပြီး မင်္ဂလာရှိသည်။ သမ္မာကျမ်းစာ၌ “ဘုရားသခင်သည် ပေါက်ဖော်မရှိသောသူတို့အား အိမ်ထောင်ချခြင်းအခွင့်ကိုပေး”ကြောင်း ဆိုထားသည် (ဆာ ၆၈:၆)။ ကိုယ်တော်သည် “မိဘမရှိသောသူတို့၏အဘဖြစ်၍ မုဆိုးမတို့ဘက်မှာတရားစီရင်” သူ (:၅)အဖြစ် သူ၏မေတ္တာနှင့် ကာကွယ်မှုကို မိသားစုရှုထောင့်မှ ဖော်ပြထားသည်။ သူ့၏နှလုံးသားသည်…
ဘုရားသခင်၏ပိုင်ဆိုင်မှု
“ပိုင်ဆိုင်မှု”ဆိုသည့် စကားကို ကြားသည့်အခါ ပထမဆုံး မည်သည်ကို သတိရမိသနည်း။ သင့်စိတ်၌ အိမ်လား၊ မြေလားဟု အတွေးရောက်သွားနိုင်သည်။ သို့သော် “လူ (သို့) အရာဝတ္ထုတစ်ခုနှင့်ဆိုင်သော အရည်အသွေး (သို့) စရိုက်လက္ခဏာ”ကိုလည်း သင်စဉ်းစားမိမည်။ ဥပမာအားဖြင့်၊ သစ်သား၏ ပိုင်ဆိုင်မှု ဆိုပါက သစ်သား၏မျက်နှာပြင်၊ ကျုံ့နိုင်ခြေ၊ ရေဒဏ်ခံနိုင်ရည်မည်မျှရှိသည် စသည်ဖြင့် ပို၍တိကျသောအချက်အလက်များကို ဆိုလိုသည်။ တစ်နည်းဆိုရလျှင် သင်အားထားနိုင်သော သစ်၏အရည်အသွေးများကား အဘယ်နည်း။
ကျွန်တော့်ဇနီးနှင့် ကျွန်တော်သည် စုပေါင်းဆုတောင်းခြင်း၊ ဒူးထောက်ခြင်း၊ ကျမ်းစာဖတ်ခြင်း၊ ပွဲတော်မင်္ဂလာခံယူခြင်းစသည့် လုပ်ရိုးလုပ်စဥ်အတိုင်း ကျင့်သုံးသည့် အသင်းတော်တစ်ခုတွင် ပါဝင်သည်။ တနင်္ဂနွေတိုင်း ကျွန်ုပ်တို့ဆုတောင်းရာ၌ - “ကိုယ်တော်သည် အစဉ်သနားကရုဏာရှိခြင်းသဘောကို ပိုင်တော်မူသော သခင်ဖြစ်တော်မူ၏” ဟူသည့် ဆုတောင်းချက်တွင် ဘုရားသခင်၏ အိမ်ခြံမြေ မဟုတ်ဘဲ၊ ဘုရားသခင်ပိုင်ဆိုင်သည့် တစ်ကြိမ်တစ်ခါမဟုတ်ဘဲ အစဥ်အမြဲ သနားကြင်နာမှုရှိခြင်း အရည်အသွေး (သို့)…
ဘုရားသခင် ထောက်ပံ့ဖြည့်ဆည်းပေးသည်
ကျွန်မ၏ချစ်သူငယ်ချင်းဆယ်လီ(Sally)က သူ့သူငယ်ချင်းတစ်ဦးအတွက် မွေးနေ့ပါတီတစ်ခု လုပ်ပေးချင်သည်။ သူမ၏ သူငယ်ချင်းသည် ခက်ခဲသောအချိန်များကို ကြုံတွေ့နေရကြောင်း သူမသိသဖြင့် ဆယ်လီသည် သူမကို စိတ်ဓာတ် မြှင့်တင်ပေးလိုခြင်းဖြစ်သည်။ သို့သော်လည်း ဆယ်လီသည် အလုပ်လက်မဲ့ဖြစ်ပြီး ပါတီပွဲ ကောင်းကောင်းအတွက် အစားအသောက်ဝယ်ယူရန် ငွေပိုငွေလျှံ မရှိပါ။ ထို့ကြောင့် သူမသည် ရေခဲသေတ္တာနှင့် ဘီဒို၌ ဘာရှိသည်ကို လှန်လှောကြည့်ပြီး၊ အိမ်၌ရှိသည့် ဝယ်ထားသောအရာများဖြင့် အစားအစာများ တည်ခင်းဧည့်ခံရန် ပြင်ဆင်ဖန်တီးခဲ့သည်။
ဆယ်လီက သူဖန်တီးထားသော မီနူးကို ကျွန်မအား ပြသောအခါ ဧလိယနှင့် မုဆိုးမ၏ဇာတ်လမ်းကို ကျွန်မ ဆင်ခြင်မိသည် (၃ရာ ၁၇:၇-၁၆)။ မုဆိုးမ၌ ဘာမှ များများစားစားမရှိပါ။ အမှန်မှာ သူမနှင့် သားငယ်တို့၏နောက်ဆုံး တစ်နပ်စာကို စားပြီးမှ “အစာငတ်၍သေတော့”မည်ဟု ပရောဖက်ဧလိယအား သူမ ပြောခဲ့သည် (:၁၂)။ ထို့ပြင် သူမ၌ သူတို့၏နောက်ဆုံးတစ်နပ်စာအတွက်သာ လောက်ငသော…
ယေရှုကို မှတ်မိခြင်း
Carlotta (ကာရ်လော့တာ) ငယ်စဉ်က သူ့အမေသည် အခြားလူများကို မှတ်မိသည့် ထူးခြားသောပါရမီရှင်ဟု သူမထင်ခဲ့သည်။ သို့သော် ထူးခြားသူက သူမကိုယ်တိုင်ဖြစ်နေသည်။ သူမတွင် prosopagnosia(ပရိုဆိုပရက်ဂ်နိုးရှား) ခေါ် ရှားပါးရောဂါရှိပြီး၊ သူမသည် မျက်နှာများကို မမှတ်မိနိုင်ပါ။
ယေရှု ရှင်ပြန်ထမြောက်ပြီး မကြာခင်မှာ ယေရုရှလင်မှ ပြန်လာသည့် တပည့်တော်နှစ်ယောက်သည် သူတို့ မှတ်မိသင့်သောသူနှင့် ဆုံခဲ့ပြီး၊ မျက်နှာမမှတ်မိသည့်အခြေအနေမျိုး ဖြစ်ခဲ့သည်။ သူတို့နှစ်ဦးသည် လွန်ခဲ့သောရက်အနည်းငယ်က ဖြစ်ပျက်ခဲ့သည့် စိတ်လှုပ်ရှားစရာသတင်းကို ပြောနေကြသည် (လု ၂၄:၁၄)။ သို့သော် တတိယလူက ထိုအဖြစ်အပျက်များကို သိပုံမရပါ။ သူတို့သည် သူ့အား အဖြစ်အပျက်အကျဉ်းချုပ်ပြောပြပြီး၊ ဤအမည်မသိလူ (ယေရှု)က “ကိုယ်တော် ကို ရည်မှတ်၍ ရေးထားသမျှသော ကျမ်းစာချက်အနက်ကို ရှင်းလင်းစွာဖော်ပြတော်မူ”၍ (:၂၇)သူတို့ အံ့အားသင့်ခဲ့ရသည်။ ထို့နောက် ခရစ်တော်သည် ယခင်က အကြိမ်ကြိမ်ပြုဖူးသည်နည်းတူ မုန့်ကိုဖဲ့၍ သူတို့အားပေးသောအခါ(:၃၀)၊ “'သူတို့…
လက်ကျန်အကွာအဝေး
ကျွန်ုပ်၏ မီနီဗဲန်(Minivan)ကားဟောင်းတွင် ဆီလက်ကျန်ဖြင့် အကွာအဝေးမည်မျှ သွားနိုင်သည်ကို ပြသည့် DTE(Distance’Til Empty) ဒစ်ဂျစ်တယ်စနစ်ပါရှိသည်။ ၎င်းသည်တိကျသော မိုင်အကွာအဝေးကို ပြသည်။ ယနေ့ခေတ် ကားသစ်အများစုတွင် ဤစနစ်ပါရှိသည်။ ဆီ ထပ်မဖြည့်မီ ဆီလက်ကျန်ဖြင့် မည်မျှအကွာအဝေးထိ သွားနိုင်မည်ကို အတိအကျ သိရှိခြင်းသည် အသုံးဝင်ပြီး၊ အခက်မတွေ့အောင် ရှောင်နိုင်သည့် အရေးကြီးသော အချက်အလက် ဖြစ်သည်။
ပညတ်တော်ဆယ်ပါးသည် DTE ကဲ့သို့ ရှေးခေတ်အချက်ပြတစ်ခုဖြစ်သည်ကို သင်သိပါသလား။ ၎င်းကို ဥပုသ်နေ့ဟု ခေါ်သည်။ တင်စားပြောရမည်ဆိုလျှင် ခြောက်ရက်တာကုန်လွန်ပြီးနောက်၊ ထွက်မြောက်ရာကျမ်း ၂၀ တွင် “ဥပုသ်နေ့ကို သန့်ရှင်းစေခြင်းငှာ၊ ထိုနေ့ရက်ကိုအောက်မေ့လော့။ ခြောက်ရက်ပတ်လုံး အလုပ်မျိုးကိုကြိုးစား၍ လုပ်ဆောင်လော့။ သတ္တမနေ့ရက်သည် သင်၏ဘုရားသခင်ထာဝရဘုရား၏ ဥပုသ်နေ့ဖြစ်၏။ ထိုနေ့၌ အလုပ်မလုပ်ရ” (:၈-၁၀)ဟု ဘုရားသခင် မိန့်တော်မူလျက် ဆီကုန်နေပြီဟု ကျွန်ုပ်တို့ကို အချက်ပြသည်။
ဤပညတ်တော်ကို လျစ်လျူရှုရန်…
ရဲရင့်သောရွေးချယ်မှု
Franco Zeffirelli(ဖရန်ကို ဇက်ဖ်ဖီရဲလီ)သည် ဝေဖန်ခံရသော ရှိတ်စပီးယား၏ ရိုမီယိုနှင့် ဂျူးလိယက်ဇာတ်လမ်းကို ရိုက်ကူးရန် ပြင်ဆင်နေချိန်တွင် သူသည် ရဲဝံ့စွာဆုံးဖြတ်ချက်ချခဲ့သည်။ သူသည် မထင်ရှားသည့် လူနှစ်ဦးကို အဓိကသရုပ်ဆောင်အဖြစ်ရွေးချယ်ခဲ့ပြီး ရှိတ်စပီးယားရေးခဲ့သည့် ဇာတ်ကောင်များ၏ အသက်အရွယ်နှင့် နီးစပ်သည်ဟု အခိုင်အမာ ပြောကြားခဲ့သည်။ နောက်ဆုံးတွင် ဇက်ဖ်ဖီရဲလီ သည် ၁၇ နှစ်အရွယ် Leonard Whiting(လီယိုနာ့ဒ်ဝှိုက်တင်)ကို ရိုမီယိုအဖြစ်နှင့် ၁၆ နှစ်အရွယ် Olivia Hussey (အော်လီဗီယာ ဟူးဆေး)ကို ဂျူးလိယက် အဖြစ် ရွေးချယ်ခဲ့သည်။
နောက်ပိုင်းတွင် လောကကြီးသို့ ကိုယ်တော်၏ခွင့်လွှတ်ခြင်းသတင်းကို ယူဆောင်သွားမည့် တပည့်တော်များ အားရွေးချယ် ရာတွင် ယေရှုသည် အလားတူစွန့်စားမှုမျိုးလုပ်ခဲ့ရသည်ဟု အချို့က ယူဆမည်။ ထိုအချိန်က ဘာသာရေး ခေါင်းဆောင်များသည် တပည့်တော်အချို့ကို ဖမ်းဆီးပြီး စစ်ဆေးမေးမြန်းခဲ့ချိန်ဖြစ်သည်။ တ ၄:၁၃ တွင် “ထိုသူတို့သည် ပေတရုနှင့် ယောဟန်တို့၏…