တစ်ပါးတည်းသောပရိသတ်

“Denver Nuggets (ဒဲန်ဗာနတ်ဂတ်စ်) အသင်း၏အသံ” အဖြစ် အသင်း၏သင်းအုပ်ဆရာ Kyle Speller (ခိုင်းလ်စပယ်လာ)သည် ချန်ပီယံ ဘတ်စကတ်ဘောအသင်းကစားပွဲများအတွင်း ပရိသတ်အား သူ၏ထူးကဲသော စွမ်းအားအပြည့်ကြေညာသံကြောင့် နာမည်ကျော်သည်။ “စလိုက်ကြစို့” ဟု သူက မိုက်ဖြင့်ဟစ်ကြွေးလိုက်သောအခါ၊ ထောင်နှင့်ချီသော အားကစားကွင်းထဲရှိ NBA နိုင်ငံဘတ်စကတ်ဘော ပွဲကြည့်ပရိသတ်များနှင့်တကွ တီဗွီမှကြည့်နေကြသော သန်းပေါင်းများစွာ၏ တုံ့ပြန်ဟစ်ကြွေးမှုက ခိုင်းလ်စပယ်လာ ကို ၂၀၂၂ နှစ် ‘All-Star Game PA Annuouncer’ (အကောင်းဆုံး အားကစားပွဲကြေညာသူ) တစ်ဦးအဖြစ် ရွေးချယ်ခံရစေသည်။ “ပရိသတ်ကြီးရဲ့ခံစားမှုကို ကျွန်တော်သိနားလည်ပြီး အိမ်ရှင်အသင်းကစားနေတဲ့အချိန်မှာ အိမ်ရှင်ပရိသတ်ကြီးအတွက် ဘယ်လိုအရှိန်အဝါမျိုး လုပ်ပေးရမလဲဆိုတာ ကျွန်တော်သိတယ်” ဟု သူဆိုသည်။ သာ၍ကောင်းသည်မှာ ရုပ်မြင်သံကြား၊ ရေဒီယို ကြော်ငြာများ၌ ဖော်ပြခဲ့သော သူ့စကားလုံးတိုင်းသည် ဘုရားဘုန်းတော်ထင်ရှားစေရန် ဖြစ်သည်။ သူဆောင်ရွက်သမျှသည် “ပရိသတ်ကြီးတစ်ပါးတည်းအတွက်သာ အရာခပ်သိမ်းကို ဆောင်ရွက်နေခြင်းဖြစ်ပါတယ်”…

ရှပ်ခြစ်ခံရသည့် ထောပတ်

J. R. R. Tolkien (ဂျေအာရ်အာရ်ထိုလ်ခင်) ရေးသားသော ‘The Fellowship of the Ring’ စာအုပ်တွင် အမှောင်တန်ခိုးဖြင့်စီရင်ထားသော မှော်လက်စွပ်ကို နှစ်ပေါင်း (၆၀) တိုင် ‌ဝတ်ဆင်ထားခြင်း၏ အကျိုးဆက်ကို Bilbo Baggins (ဘစ်ဘိုဘက်ဂင်စ်) ဖော်ပြလာသည်။ တဖြည်းဖြည်း ယိုယွင်းဆုတ်ယုတ်စေသော ၎င်း၏သဘာဝကြောင့် ဖိစီးမှုများပြီး စုန်းထီး Gandalf (ဂန်ဒါ့ဖ်) အား “အားအင်ကုန်ခမ်း ဆုတ်ယုတ် နေသလိုမျိုး ဘာကြောင့် ကျွန်ုပ်ခံစားနေရတာလဲ။ ထောပတ်ကို ရှပ်ခြစ်ပြီး ပေါင်မုန့်မှာ သုတ်လိုက်သလို ထောပတ်က တဖြည်းဖြည်း ကုန်သွားတာမျိုးလေ၊ ကျွန်ုပ်ပြောတာ သဘောပေါက်လား”ဟု ပြောလိုက်သည်။ သို့နှင့် သူ့ကို အမြဲစောင့်ကြည့် ပြစ်တင်ပြောဆိုမည့် အသိုင်းအဝိုင်းနှင့် ဝေးရာ၊ အေးချမ်းတိတ်ဆိတ်သောနေရာတစ်ခု၌ အနားယူရန် အိမ်မှထွက်သွားရန် သူဆုံးဖြတ်ချက်ချခဲ့သည်။

ထိုလ်ခင်၏ ဝတ္ထုအယူအဆသည် ဓမ္မဟောင်းပရောဖက်၏ အတွေ့အကြုံကို…

ဘုရားသခင်၏မစထောက်ပံ့ခြင်း

၂၀၂၃ ခုနှစ် ဇွန်လတွင် ကိုလံဘီယာနိုင်ငံ၊ အမေဇုံတောနက်ထဲ ပျောက်ဆုံးသွားခဲ့သော အသက် (၁) နှစ်မှ (၁၃) နှစ်အတွင်းရှိ မောင်နှမလေးဦးအား ပြန်လည်ရှာတွေ့ခဲ့၍ ကမ္ဘာက တအံ့တဩဖြစ်ခဲ့ကြသည်။ လေယာဥ်ပျက်ကျမှုကြောင့် မိခင်သေဆုံးခဲ့ပြီး၊ သူတို့မှာ ရက်ပေါင်း (၄၀) တောနက်အတွင်း ရှင်သန်ကျန်ရစ်ခဲ့ကြသည်။ ကြမ်းတမ်းသော တောတောင်မြေအနေအထားနှင့် အကျွမ်းဝင်သော ထိုကလေးများသည် သားရိုင်းတိရစ္ဆာန်များ၏ရန်မှ ကာကွယ်ရန် သစ်ပင်ကြီးများ၏ပင်စည်များ၌ ပုန်းအောင်းကာ စမ်းချောင်းများမှ ရေနှင့်မိုးရေကို ပုလင်းများဖြင့် စုဆောင်းခဲ့သည်။ အပျက်အစီးကြားမှရှာတွေ့သော ပလောပီနံမှုန့်များကို စားသုံးခဲ့ကြသည်။ မည်သည့်သစ်သီးသစ်စေ့များကို အန္တရာယ်မရှိ စားသုံးနိုင်ကြောင်း သူတို့သိသည်။

ဘုရားသခင်သည် ထိုမောင်နှမများကို ဆက်လက် အသက်ရှင်ခွင့်ပေးခဲ့သည်။
သူတို့၏အံ့ဖွယ်အဖြစ်အပျက်က ထွက်မြောက်ရာကျမ်း၊ တောလည်ရာကျမ်း နှင့် သမ္မာကျမ်းစာ၏အချို့နေရာများတွင် မှတ်တမ်းတင်ထားသော၊ နှစ်ပေါင်း (၄၀) တိုင် ကန္တာရအတွင်း ဣသရေလလူမျိုးများကို ဘုရားသခင်သည် အံ့ဩဖွယ် အသက်ရှင်သန်ခွင့် ပေးခဲ့သည့်အကြောင်း…

ဝမ်းမြောက်ခြင်း၏အရှိန်

တစ်မနက်၌ နှစ်သစ်အတွက် ဆုတောင်းဆက်ကပ်စဥ် “ဝမ်းမြောက်ခြင်းအရှိန်ဖြင့်သွားပါ” ဆိုသောစကားစုက စိတ်ထဲပေါ်လာပြီး ကျွန်ုပ်အတွက် သင့်တော်လေခြင်း။ ကျွန်ုပ်သည် အလုပ်ကို ဦးစားပေးသူဖြစ်ပြီး၊ ၎င်းက ကျွန်ုပ်၏ဝမ်းမြောက်မှုကို ခိုးယူ သွားသည်။ သို့နှင့်ဤလမ်းညွှန်အတိုင်း နှစ်သစ်၌ ပျော်စရာအရှိန်နှုန်းဖြင့် အလုပ်လုပ်ကာ မိတ်ဆွေများ၊ ဝမ်းမြောက်ဖွယ်ရာများအတွက် အချိန်ပေးရန်စိတ်ပိုင်းဖြတ်ခဲ့၏။

ဤအစီအစဥ်က မတ်လအထိ အဆင်ပြေခဲ့သည်။ ထို့နောက် ကျွန်ုပ်ရေးဆွဲပြင်ဆင်ခဲ့သော သင်တန်းတစ်ခု၏ လက်တွေ့သင်ကြားမှုကို ကြီးကြပ်ကွပ်ကဲရန် တက္ကသိုလ်တစ်ခုနှင့် မိတ်ဖက်လက်တွဲခဲ့သည်။ ကျောင်းသားများ စာရင်းသွင်းခြင်း၊ သင်ခန်းစာ သင်ကြားရန် စသည့်အလုပ်များဖြင့် နာရီပေါင်းများစွာ အလုပ်ပြန်၍ လုပ်ခဲ့ရသည်။ ‘ဝမ်းမြောက်ခြင်း အရှိန်’ ဖြင့် မည်သို့ရှေ့ဆက်နိုင်ဦးမည်နည်း။

သခင်ယေရှုက သူ့ကိုယုံကြည်သူတို့အား ဝမ်းမြောက်ခြင်းကို ကတိပေးခဲ့ပြီး၊ ၎င်းကို သူ၏မေတ္တာ၌တည်နေခြင်း (ယော ၁၅:၉)၊ မိမိလိုအပ်ချက်အတွက် သူ့ထံ ဆုတောင်းခြင်းဖြင့် (၁၆:၂၄) ရရှိနိုင်မည်ဟု မိန့်ဆိုခဲ့သည်။ “သင်တို့၌ ငါဝမ်းမြောက်စရာအကြောင်း…

ဘုရားသခင်၌ စည်းကမ်းရှိသောအသက်တာ

အဲလစ်ဇဘက်ဘုရင်မကြီး၏ နှစ် (၉၀) ပြည့်မွေးနေ့ကို တရားဝင်ကျင်းပသော ၂၀၁၆ ခုနှစ် ဇွန်လက ဖြစ်သည်။ ဘုရင်မကြီးက သူမ၏ရထားလုံးပေါ်မှ လူအုပ်ကြီးဆီသို့ လက်ပြရင်း၊ ဦးလည်မသုန်အာရုံစိုက်မှုဖြင့် မှန်ကန်တိကျစွာ ရပ်နေသော ကုတ်အင်္ကျီ အနီရောင်ဝတ် စစ်သားတန်းရှည်ကို ဖြတ်ကျော်လာခဲ့သည်။ ထိုနေ့သည် အင်္ဂလန်နိုင်ငံ၌ ပူနွေးသောနေ့တစ်နေ့ဖြစ်ပြီး၊ အစောင့်များသည် သူတို့၏ ရိုးရာဝတ်စုံဖြစ်သော သိုးမွှေးဘောင်းဘီ အမဲရောင်၊ မေးစေ့အထိကြယ်သီးတပ်ထားသော သိုးမွှေးအပေါ်အင်္ကျီနှင့် လေးလံကြီးမားသော ဝက်ဝံမွှေးဦးထုပ်ကို ဝတ်ဆင်ထားခဲ့သည်။ စစ်သားများသည် နေရောင်အောက်တွင် မတ်မတ်အနေအထားဖြင့် အတန်းလိုက်ရပ်နေချိန်တွင် အစောင့်တစ်ဦးသည် မူးလဲသွားသည်။ ထူးခြားသည်မှာ သူ၏တင်းကျပ်သောထိန်းချုပ်မှုကို ထိန်းထားပြီး၊ ရှေ့သို့သာလဲကျကာ သူ၏ကိုယ် ခန္ဓာသည် ပျဉ်ချပ်ကဲ့သို့ ဖြောင့်တန်းလျက် မျက်နှာမှာ သဲကျောက်စရစ်ထဲ စိုက်နေသည်။ သူလဲနေသော်လည်း သတိ အနေအထားဖြင့်ပင် လဲသွားခြင်းဖြစ်သည်။

သတိလစ်သွားသည့်တိုင် မိမိကိုယ်ကို ထိန်းချုပ်ထားနိုင်ရန် ဤကိုယ်ရံတော်သည် လေ့ကျင့်မှု၊ စည်းကမ်းကြပ်မတ်မှုဖြင့်…

ရိုးရှင်းသော ကြင်နာမှုလုပ်ရပ်များ

ကျွန်မ၏မိခင်ကို နာတာရှည်ဆေးရုံ၌ တင်ထားရပြီး၊ ‌လောက၌ သူမ၏နောက်ဆုံးနေ့ရက်များ နီးကပ်လာချိန်တွင် ဘိုးဘွားရိပ်သာမှ ပြုစုစောင့်ရှောက်ပေးသူ၏ စစ်မှန်သောကြင်နာမှုက ကျွန်မစိတ်ကိုတို့ထိခဲ့သည်။ လက်ထောက်သူနာပြုမလေးက ချည့်နဲ့နေသောကျွန်မမိခင်ကို ထိုင်ခုံမှ ညင်သာစွာမပြီး အိပ်ယာပေါ်တင်ပြီးနောက်၊ အမေ့ဦးခေါင်းကို ပွတ်သပ်ပေးပြီး ခေါင်းကို ငုံ့ကာ “အဖွားက သိပ်ချစ်စရာကောင်းတာပဲ” ဟု ပြောလေသည်။ ပြီးနောက် သူမက အဆင်ပြေရဲ့လားဟု ကျွန်မကို မေးသည်။ ထိုစဥ်က သူမ၏ကြင်နာမှုသည် ကျွန်မကို မျက်ရည်ကျစေခဲ့ပြီး ယနေ့ထိလည်း မျက်ရည်ကျရသည်။

သူမ၏လုပ်ရပ်သည် ရိုးရှင်းသောကြင်နာမှုလေးဖြစ်ပြီး၊ ထိုအချိန်၌ ကျွန်မ လိုအပ်သောအရာဖြစ်သည်။ ဤအမျိုးသမီး၏မျက်လုံးတွင် ကျွန်မမိခင်ကို လူနာအဖြစ်သာ မြင်သည်မဟုတ် ဟူသည့် အသိဖြင့် ကျွန်မရပ်တည်နိုင်ခဲ့သည်။ သူမသည် ကျွန်မမိခင်ကို ဂရုစိုက်ပြီး လေးစားတန်ဖိုးထားအပ်သူအဖြစ် မြင်ခဲ့သည်။

နောမိနှင့်ရုသတို့ ၎င်းတို့၏လင်ယောက်ျားများ ဆုံးရှုံးပြီးနောက်၊ ဗောဇသည် ရုသအား ကောက်ရိတ်သမားများ ကျန်ခဲ့သောစပါးများကို ကောက်သင်းကောက်ခွင့်ပြုခြင်းဖြင့် ကြင်နာမှုပြခဲ့သည်။…

တောင်များကို အတူတကွ ကျော်လွှားနိုင်ခြင်း

“မြန်မြန်သွားချင်ရင် တစ်ယောက်တည်းသွား၊ ဝေးဝေးသွားချင်ရင် အတူတူသွား” ဟူသည့် ဆိုရိုးစကား၏မူကွဲအချို့ကို သင်မြင်ဖူးကြားဖူးပေလိမ့်မည်။ နှစ်သက်ဖွယ်ရာကောင်းသည့် အတွေးတစ်ခုမဟုတ်ပေဘူးလား။ သို့သော် ဤစကားလုံးများသည် နှစ်လိုဖွယ်ကောင်းရုံသာမက မှန်ကန်ကြောင်း စိတ်ချရသည့် သေချာခိုင်မာသော သုတေသနပြုချက် ရှိပါသလား။

ရှိပါသည်။ အမှန်စင်စစ် ဗြိတိန်နှင့် အမေရိကန်သုတေသီများ၏ လေ့လာမှုတစ်ခုအရ လူများသည် အခြားသူတစ်ဦးနှင့်အတူ ရပ်နေချိန်၌ တောင်များသည် သိသိသာသာ သေးငယ်သည်ဟု ခန့်မှန်းခဲ့ကြပြီး၊ လူတစ်ဦးတည်း ရပ်နေပါက ဆန့်ကျင်ဘက်ဖြစ်သွားသည်။ တစ်နည်းဆိုရလျှင် “လူမှုပံ့ပိုးမှု”သည် အရေးပါသည်။ မည်မျှအရေးပါသနည်းဆိုသော် ကျွန်ုပ်တို့၏စိတ်ထဲတွင် တောင်များ၏ အရွယ်အစားကိုပင် ကျုံ့သွားသည်ဟု ထင်စေနိုင်သည်။

ဒါဝိဒ်သည် သူနှင့်ယောနသန်၏ခင်မင်ရင်းနှီးမှုတွင် ထိုသို့သော နှစ်လိုဖွယ်ကောင်းပြီး စစ်မှန်သော အားပေးမှုမျိုးကို တွေ့ရှိခဲ့သည်။ ဒါဝိဒ်၏လက်ရှိဘဝတွင် ရှောလုဘုရင်၏မနာလိုဒေါသသည် မကျော်လွှားနိုင်သောတောင်နှင့်တူပြီး၊ သူ့အသက်အန္တရာယ်အတွက် စိုးရိမ်စရာဖြစ်စေခဲ့သည် (၁ ရာ ၁၉:၉-၁၈)။ ဤအခြေအနေမျိုးတွင် သူ၏အရင်းနှီးဆုံး သူငယ်ချင်း၏ပံ့ပိုးမှုမျိုး မရှိခဲ့လျှင်…

အန္တရာယ်ရှိသောလမ်း

မနက်ခင်းလမ်းလျှောက်ထွက်စဥ် ကားတစ်စီးသည် ယာဥ်ကြောပြောင်းပြန်ဘက်သို့ ဦးတည်ရပ်နေသည်ကို ကျွန်တော် သတိထားမိလိုက်သည်။ ယာဥ်မောင်းအမျိုးသမီးမှာ အိပ်ပျော်နေပြီး အရက်သောက်ထားပုံပေါ်သောကြောင့် မိမိနှင့် အခြားသူများအတွက် အန္တရာယ်ရှိသည်ကို သတိမပြုမိပေ။ အခြေအနေက ကြီးမားသော အန္တရာယ်ဖြစ်စေနိုင်သောကြောင့် ကျွန်တော် အရေးယူလုပ်ဆောင်ရ‌တော့သည်။ သူမကို ခရီးသည်ထိုင်ခုံဘက်သို့ ရွှေ့ပေးပြီးနောက် ယာဉ်မောင်းနေရာ၌ ကျွန်တော်ဝင်ထိုင်ကာ ကားကို ဘေးကင်းရာသို့ မောင်းသွားလိုက်သည်။

ရုပ်ပိုင်းဆိုင်ရာအန္တရာယ်သည် ကျွန်တော်တို့ကြုံတွေ့ရသည့် တစ်ခုတည်းသော ထိခိုက်နစ်နာစေမှု မဟုတ်ပါ။ ရှင်ပေါလုက “ထို(အေသင်)မြို့သည် ရုပ်တုတို့နှင့်အပြည့်ရှိသည်ကို မြင်လျှင်” အေသင်မြို့ရှိ လောကီပညာရှိ၊ လူတော်လူတတ်များ၏ ဝိညာဉ်ရေးအန္တရာယ်အတွက် “စိတ်ပူပန်ခြင်းသို့ရောက်၏” (တ ၁၇:၁၆)။ အပေါ်ယံအတွေးအခေါ်များကိုသာ စိတ်ဝင်စားပြီး ခရစ်တော်အကြောင်း ဆင်ခြင်စဉ်းစားရန် ပျက်ကွက်သူများအပေါ် ရှင်ပေါလု၏ အလိုအလျောက် တုံ့ပြန်မှုမှာ သခင်ယေရှု၌၊ သခင်အားဖြင့် ဖြစ်သော ဘုရားသခင်၏ရည်ရွယ်ချက်များအကြောင်းကို ဝေမျှခြင်းဖြစ်သည် (:၁၈၊ ၃၀-၃၁)။ သို့နှင့် လူအချို့တို့သည် ကြား၍…

အစဥ်အမြဲ ဆုတောင်းပါ

“စာမေးပွဲမှာ သမီး (၈၄) မှတ် ရတယ်။”

ဖုန်းထဲမှ သူမ၏စာကို ဖတ်ရင်း ကျွန်မ၏ဆယ်ကျော်သက်သမီး၏ စိတ်လှုပ်ရှားမှုကို ကျွန်မ ခံစားလိုက်ရသည်။ သမီးသည် အထက်တန်းကျောင်းကို စတင်တက်ခဲ့ပြီး နေ့လည်စာစားနေရင်း သူမဖုန်းသုံးနေခြင်းပါ။ စာမေးပွဲ၌ သမီး၏အောင်မြင်မှု အတွက်သာမက၊ ကျွန်မနှင့် ဆက်သွယ်ရန် ရွေးချယ်ခဲ့မှုအတွက် အမေဖြစ်သူကျွန်မလည်း ရင်ခုန်သွားခဲ့သည်။ သူမ၏သတင်းကောင်းကို ကျွန်မအား ဝေမျှပြောပြချင်ခဲ့သည်ပဲ။

သမီး၏စာက ကျွန်မအတွက် ပျော်ရွှင်ဖွယ်ရာနေ့လေးကို ဖြစ်စေကြောင်း သိနားလည်ခဲ့ပြီး၊ နောက်ပိုင်းတွင် ဘုရားရှင်အား ကျွန်မဆက်သွယ်သောအခါ ကိုယ်တော် မည်သို့ခံစားရမည်ကို တွေးတောမိသည်။ ကိုယ်တော်နှင့် စကားပြောသောအခါ ကိုယ်တော် ကျေနပ်နေမည်လား။ ဆုတောင်းခြင်းသည် ဘုရားသခင်နှင့်ကျွန်မတို့၏ ဆက်သွယ်မှုဖြစ်ပြီး ကျွန်မတို့အား “အစဉ်အမြဲ” (၁ သက် ၅:၁၇) လုပ်ဆောင်ရန် မိန့်မှာထားသည့်အရာဖြစ်သည်။ ကိုယ်တော်နှင့် စကားပြောဆိုခြင်းက အကောင်း (သို့) အဆိုး အချိန်တိုင်းတွင် ကိုယ်တော်သည်…

အတားအဆီးများကို ကျော်လွန်၍ ချစ်ခြင်း

“ဘုရားသခင် ကျွန်မတို့အပေါ် အလွန်ကောင်းမြတ်တော်မူတယ်။ ကျွန်မတို့၏ နှစ်ပတ်လည်နေ့အတွက် ကိုယ်တော့်ကို ကျေးဇူးတင်ချင်ပါတယ်။” Terry (ထယ်ရီ) ၏ အသံသည် တည်ငြိမ်နေပြီး သူမမျက်လုံးမှ မျက်ရည်များက သူမ၏ရိုးသားမှုကို ဖော်ပြနေသည်။ ကျွန်တော်တို့အဖွဲ့လေးမှ လူများ၏စိတ်ထဲ အလွန်ထိရှခံစားကြရသည်။ ထယ်ရီနှင့် သူမ၏ခင်ပွန်းအတွက် လွန်ခဲ့သောနှစ်များသည် မည်မျှခက်ခဲခဲ့ကြောင်း သိသောကြောင့်ပါ။ ယုံကြည်သူတစ်ဦးဖြစ်သော်လည်း၊ ရောဘတ်သည် ရုတ်တရက်ပြင်းထန်သော စိတ်ရောဂါဝေဒနာကို ခံစားခဲ့ရပြီး သူတို့၏လေးနှစ်သမီးလေး၏အသက်ကို ဆုံးရှုံးစေခဲ့သည်။ သူသည် စိတ်ကျန်းမာရေးဌာနတွင် ဆယ်စုနှစ်များစွာ ဆေးရုံတက်ရမည်ဖြစ်သော်လည်း၊ ထယ်ရီသည် သူ့ကို သွားတွေ့ခဲ့ပြီး၊ ဘုရား သခင်က လှပသောကုစားမှုကို ပြုပေးကာ သူမ ခွင့်လွှတ်နိုင်အောင် မစခဲ့သည်။ စိတ် ကြေကွဲမှုကြီးမားလည်း သူတို့၏တစ်ဦးအပေါ်တစ်ဦး ချစ်ခြင်းမေတ္တာတိုးလာခဲ့သည်။

ထိုသို့သောချစ်ခြင်းမေတ္တာနှင့် ခွင့်လွှတ်ခြင်းတို့သည် အရင်းအမြစ်တစ်ခုတည်းမှသာ ဖြစ်ပေါ်လာနိုင်သည်။ ဒါဝိဒ်သည် ဘုရားသခင်အကြောင်း ဤသို့ရေးသားခဲ့သည်။ “ငါတို့၌ ဒုစရိုက်ရှိသည်အတိုင်း အပြစ်ကို ပေးတော်မမူတတ်၊…