ဘုရားပေးသောဆုကျေးဇူးများမှ ပြန်လည်မျှဝေခြင်း

စတန်လေ၏ ရက်ရောမှုကို ကျွန်ုပ်အမြဲအံ့ဩမိသည်။ သူသည် အသင်းတော်ရှိ သက်ကြီးရွယ်အိုများ၊ ရပ်ကွက်ရှိ သန့်ရှင်းရေးလုပ်သားများ၊ စိတ်ဓာတ်ခွန်အားပေးမှု လိုအပ်နေသူ မည်သူမဆိုတို့အတွက် အစားအစာနှင့် လက်ဆောင်များ မကြာ ခဏ ဝယ်ယူပေးလေ့ရှိသည်။

ပို၍အံ့ဩစရာမှာ စတန်လေသည် ကြွယ်ဝသူ၊ လုပ်ငန်းရှင် မဟုတ်သော် လည်း၊ သူရင်းနှီးမြှုပ်နှံထားသောလုပ်ငန်းငယ်လေးမှာ သိသိသာသာ အောင်မြင် သဖြင့် ဆက်လက်ပေးကမ်းနိုင်ခဲ့သည်။ တစ်ဦးဦးက သူ့ကို ကျေးဇူးတင်သည့်အခါတိုင်း သူက “ဒါ ကျွန်တော်ပေးတာ မဟုတ်ဘူး။ ဘုရားသခင်ဆီက လာတာပါ”ဟု ပြောသကဲ့သို့ အထက်သို့ ညွှန်ပြကာ ပြုံးပြလေ့ရှိသည်။ အခြားသူများကို ကူညီရန် ဘုရားသခင် သူ့အား မစသည်ဟု သူ မကြာခဏ ပြောလေ့ရှိသည်။

ဤအချက်သည် ၂ ကော ၉ တွင် ပေးကမ်းခြင်းအကြောင်း ပေါလု ရေးသားရာ၌ ရည်ညွှန်းခဲ့သောအချက် ဖြစ်သည်။ ယုံကြည်သူချင်းတို့ကို ကူညီရန်…

အတူတကွ အစေခံလျက် အမှုဆောင်ခြင်း

မီချီဂန်ပြည်နယ်၊ ချယ်လ်ဆီးမြို့ရှိ ထင်ရှားသော Serendipity(စရဲန်ဒစ်ပတီ) စာအုပ် ဆိုင်သည် ဆိုင်ချဲ့ထွင်ရန် လိုအပ်လာသည်။ ဆိုင်ပိုင်ရှင်သည် တစ်လမ်းကျော်တွင် ယခုဆိုင်ထက် နှစ်ဆပိုကြီးသော အဆောက်အအုံတစ်ခုကို တွေ့ရှိခဲ့သည်။ သူမသည် ဆိုင်ကို ရက်ရှည်ပိတ်ပြီး စာအုပ်များကို ထုပ်ပိုးရွှေ့ပြောင်းမည့်အစား အမြန်ဆုံး ပြောင်းရွှေ့လိုသဖြင့် ရပ်ကွက်လူထုထံမှ အကူအညီတောင်းခံခဲ့ရာ၊ လူ ၃၀၀ ကျော် လက်ဆင့်ကမ်းပြီး၊ နှစ်နာရီအတွင်း စာအုပ်ပေါင်း ၉,၁၀၀ ကျော်ကို ပြောင်းရွှေ့နိုင်ခဲ့သည်။ ဆိုင်ပိုင်ရှင်က “ဒီစာအုပ်ဆိုင်ဟာ လူထုရဲ့အစိတ်အပိုင်း တစ်ခုဖြစ်ပြီး လူတွေကလည်း သူတို့ကိုယ်သူတို့ ဆိုင်ပိုင်ရှင်လို သဘောထားကြတယ်”ဟု ဆိုသည်။ ၎င်းတို့သည် ဘေးချင်းယှဉ်လျက် တက်ကြွစွာ အတူတကွ လုပ်ဆောင်ခဲ့ကြသည်။

ပါရှန်းဘုရင်၏ ယုံကြည်စိတ်ချရသော ဖလားတော်ဝန် ယုဒလူမျိုး နေဟမိသည် ယေရုရှလင်မြို့ရိုး ပျက်စီးနေကြောင်း ကြားသိရသောအခါ ဘုရားသခင်၏ လမ်းပြမှုအတွက် ဆုတောင်းခဲ့သည် (နေ၁:၃-၁၁)။ မြို့ရိုးများကို ဗာဗုလုန်လူမျိုးတို့က…

ဘုရားသခင်၏ တန်ခိုးခွန်အား၌ အမှီပြုခြင်း

Tungsten(တန်စတင်)သတ္တုသည် ဆန့်ကျင်ဘက်ဂုဏ်သတ္တိများရှိသောသတ္တု ဖြစ်သည်။ ၎င်းသည် သန့်စင်သော ဒြပ်စင်များအနက် ဆွဲဆန့်မှုကို ခံနိုင်ရည်အရှိဆုံး (tensile strength)ဖြစ်သဖြင့် ဆွဲဖြတ်ရန် အလွန်ခက်ခဲသည်။ သို့သော် Mead Metal ဝက်ဘ်ဆိုက်၏ မှတ်သားချက်အရ “ရိုက်ခတ်မှုကို ခံနိုင်ရည်ရှိမှု(impact strength) အပိုင်းတွင်မူအားနည်းပြီး၊ ရိုက်ခတ်မှုဒဏ်ကြောင့် ကွဲကြေလွယ်သောကြွပ်ဆပ်သတ္တု အဖြစ် လူသိများသည်။” သဘာဝအရ အသန်မာဆုံးသတ္တု ဖြစ်သည့် တန်စတင်သည် ထိုမျှလောက် အားနည်းပြီး ကြေမွလွယ်သည်မှာ စိတ်ဝင်စားစရာပင်။

လူသားများ၌လည်း အလားတူ ဝိသေသလက္ခဏာမျိုး ရှိကြသည်။ ကျွန်ုပ်တို့သည် ရုပ်ပိုင်းနှင့် စိတ်ပိုင်းဆိုင်ရာအရ ကြီးမားသောခွန်အားများ ရှိနိုင်သော်လည်း၊ ပျက်စီးယိုယွင်းနေသော ဤလောကကြီး၏ဝန်ထုပ်ဝန်ပိုးအောက်တွင် အလွယ် တကူ ကြေမွသွားတတ်ကြသည်။ ရှင်ပေါလုသည် ဤအတွေ့အကြုံကို ကိုယ်တိုင် ခံစားခဲ့ရသည်။ ၂ ကော ၁၁ တွင် သူသည် သူ့အား လွှမ်းမိုးဖိစီးခဲ့သော အတွေ့ အကြုံများကို…

မေတ္တာပန်းများ ပွင့်လန်းချိန်

ပွင့်လန်းနေမှ ပန်းများ လှပသည် မဟုတ်ပါဟု နာမည်ကျော် ရှုခင်းဒီဇိုင်းပညာရှင် Piet Oudolf(ပီယက် အူဒေါ့ဖ်)က ပြောပါသည်။ အေးခဲသောဆောင်းရာသီ၌ပင် ထိုဒတ်ခ်ျ လူမျိုးဥယျာဉ်မှူး၏ ဆုရဒီဇိုင်းများသည် အလွန်ရင်သပ် ရှုမောဖွယ်ဖြစ်သည်။ “သင်ထင်မထားတဲ့အရာများစွာထဲမှာ အလှတရားတွေ ရှိနေပါတယ်” ဟု အူဒေါ့ဖ်က ဆိုသော်လည်း အချို့ကမူ ၎င်းကို သဘောမတူပေ။ “သေနေတဲ့ (ဆောင်းခိုနေတဲ့) အပင်တွေကို ကျွန်တော် ချစ်တယ်လို့ ပြောတဲ့အခါ လူတွေက သေနေတဲ့အပင်ကို မကြိုက်ဘူးဆိုတော့ ပြဿနာပဲပေါ့”ဟု သူက ပြောသည်။

အပင်များ၏ဘဝစက်ဝန်းအပေါ် အူဒေါ့ဖ်၏တန်ဖိုးထားမှုသည် ဒုစရိုက်အပြစ်၌ ကျွန်ုပ်တို့သေလျက်ရှိစဉ် ကျွန်ုပ်တို့ကို ဘုရားသခင် ချစ်တော်မူသည်ဟူသော ဝိညာဉ်ရေးရာ အခြေခံမူနှင့် ထပ်တူကျနေသည်။ တမန်တော်ပေါလုက “ငါတို့သည် အကျိုးနည်းရှိစဉ်တွင် အချိန်တန်မှ ခရစ်တော်သည် မတရားသောသူတို့အတွက်ကြောင့် အသေခံတော်မူ၏” (ရောမ ၅:၆) ဟု ရှင်းပြခဲ့သည်။ ဆက်လက်၍ “ငါတို့သည်…

ဝေမျှရန် အသင့်ရှိနေပါ

ထိုဆယ်ကျော်သက် မိန်းကလေးသည် မိမိ၏ရပ်တည်ချက်ကို အခိုင်အမာ ဆုပ်ကိုင်ထားခဲ့သည်။ သူမ၏အထက်တန်းကျောင်းအဖွဲ့သည် မူးယစ်ဆေးဖြတ်သူများ ပြန်လည်ထူထောင်ရေးဂေဟာသို့ သွားရောက်စဉ်၊ Claire (ကလဲရ်) သည် သူမထက် အရပ်အမောင်း ပိုမိုမြင့်မားသော အသက် ၂၀ ကျော် လူငယ်တစ်ဦးနှင့် စကား လက်ဆုံကျခဲ့သည်။ သူတို့သည် ယုံကြည်ခြင်းအကြောင်း ဆွေးနွေးခဲ့ကြသည်။

ကလဲရ်က ယေရှုခရစ်တော်၏ဧဝံဂေလိတရားကို ရှင်းလင်းစွာ ဝေမျှသည်။ ထိုလူငယ်ကလည်း သူမနှင့် လုံးဝမတူညီသော သူ၏ဝိညာဉ်ရေးရာအမြင်များနှင့် ပြန်လည်ချေပသည်။ သူတို့နှစ်ဦးသည် ရင်းနှီးစွာဖြင့် အပြန်အလှန် အချေအတင် ဆွေးနွေးပြီး၊ နောက်ဆုံးတွင် ထိုလူငယ်က “မင်းနိုင်သွားပြီ။ မင်းပြောတာတွေကို ငါ မငြင်းနိုင်တော့ဘူး”ဟု ပြောလိုက်သည်။ သူသည် သခင်ယေရှုကို လက်မခံခဲ့သော်လည်း၊ မျိုးစေ့ကိုဖြင့် စိုက်ပျိုးလိုက်နိုင်ပါပြီ။ ထိုလူငယ်ခရစ်တော်အား လက်ခံခြင်းကို ကလဲရ် တွေ့မြင်လိုသော်လည်း၊ မေးမြန်းသူတို့အား “...ပြန်ပြောခြင်းငှာ အစဉ်သင့်ရှိနေကြလော့” (၁ ပေ ၃:၁၅)ဟူသည့်…

ခရစ်တော်နှင့်အတူရှိရမည့် ကျွန်ုပ်တို့၏အနာဂတ်

ဆွစ်ဇာလန်သို့ သွားရောက်လည်ပတ်ရန်မှာ အဖေ့၏ဘဝအိပ်မက်ဖြစ်သည်။ သူ၌ သူငယ်ပြန်ရောဂါတွေ့ရှိပြီးနောက်၊ သူသွားနိုင်လာနိုင်ချိန်တွင် သူနှင့်အတူ ဆွစ်ဇာလန်သို့ လိုက်သွားရန် အမေဆုံးဖြတ်ခဲ့သည်။ “တစ်နေ့တော့ Titlis(ထစ်လစ်) တောင်ပေါ်မှာရှိတုန်း ငါတို့ပတ်ပတ်လည်မှာ နှင်းတွေကျနေတာ။ အဲဒီ့အချိန် သမီးအဖေရဲ့မျက်နှာက အရမ်းပျော်နေတာကို အမေမြင်ခဲ့တယ်။ သူ့အိပ်မက် အမှန်တကယ်ဖြစ်လာလို့ အရမ်းပျော်နေတဲ့ အပျော်မျိုးပေါ့”ဟု အမေက ပြန်ပြောပြခဲ့သည်။ သို့သော် နောက်ပိုင်းတွင် “ငါတို့ဘယ်ကို ရောက်နေတာလဲ”ဟု အဖေမေးသည့်အခါ အမေမျက်ရည်ကျခဲ့ရသည်။

ဆွစ်ဇာလန်၌ သူရောက်နေကြောင်း အဖေမေ့သွားသော်လည်း “သွားလည်ခဲ့ရတာ တန်ပါတယ်။ အနည်းဆုံးတော့ တဒင်္ဂလေးမှာ သူသိပြီး ပျော်ရွှင်နေခဲ့တယ်”ဟု အမေက ဆိုခဲ့သည်။

ဘုရားသခင်သည် ကျွန်မတို့ထံမှ ဝမ်းမြောက်ခြင်းကို ဘယ်တော့မှ ပြန်နှုတ်ယူမည်မဟုတ်ကြောင်း ကတိတော် ရှိထားသည်။ ရှင်ယေရှုအပေါ်ထားရှိသည့် ကျွန်မတို့၏မျှော်လင့်ခြင်းကြောင့် အပြစ်နှင့်သေခြင်းတို့မှ ထာဝစဉ် ကင်းလွတ်မည့် (ရော ၅:၁၂) “ကောင်းကင်သစ်နှင့်မြေကြီးသစ်”ကို(ဗျာ ၂၁:၁) ကျွန်မတို့ မျှော်လင့်စောင့်စားနိုင်သည်။…

ဘုရားသခင်၏ဘုန်းတော်နှင့်ကြီးမြတ်ခန့်ညားခြင်း

လန်ဒန်မြို့ တော်ဝင်ခန်းမ၏မျက်နှာကြက်သည် အလွန်ခမ်းနားသည်။ ၎င်းကို ၁၆၂၉ ခုနှစ်မှ ၁၆၃၄ ခုနှစ်အတွင်း Sir Peter Paul Rubens (ဆာပီတာပေါလ်ရူဘင်စ်)မှ ရေးဆွဲခဲ့ပြီး၊ ပထမမြောက် ချားလ်စ်ဘုရင်က သူ့မိသားစုစိုးစံသည့် နန်းသက်ကို မှတ်တမ်းတင်ဂုဏ်ပြုရန် ရေးဆွဲခိုင်းခဲ့ခြင်းဖြစ်သည်။ ပန်းချီကား တစ်ခုတွင် Minerva(မီနာဗာ)နတ်ဘုရားမက ချားလ်စ်၏ဖခင် ပထမမြောက်ဂျိမ်းစ်ဘုရင်၏ အောင်မြင်မှုမှုများကို ချီးကျူးဂုဏ်ပြုသည့်ပုံ၊ နောက်ပန်းချီကားတစ်ခုတွင်မူ လင်းယုန်ငှက်၏တောင်ပံပေါ်၌ ဂျိမ်းစ်ဘုရင်ကို ကောင်းကင်ဘုံသို့ သယ်ဆောင်သွားပုံတို့ ပါဝင်သည်။ ခန်းမသို့ ရောက်လာသည့်ဧည့်သည်များသည် မျက်နှာကြက်ကို မော့ကြည့်လျက် ချားလ်စ်ဘုရင်နှင့် သူ့ဖခင်တို့သည် သွင်ပြင်အရ နတ်ဘုရားများကဲ့သို့ အလွန်မြင့်မြတ်ဟန်ရှိကြောင်း ရှင်းရှင်းလင်းလင်း သိမြင်လိုက်ရသည်။

ပရောဖက်ဟေရှာယခေတ်မှ ဗာဗုလုန်ဘုရင်သည်လည်း သူ့ကိုယ်သူ အလားတူခံစားခဲ့ရသည်။ သူသည် “ကောင်းကင်သို့တက်ကာ ဘုရားသခင်၏ကြယ်တို့အပေါ်မှာ နတ်ဘုရားတို့စိုးစံရာပလ္လင်” တည်လိုသည့်ဘုရင်ပါ(ဟေရှာ ၁၄:၁၃)။ ထိုဘုရင်အတွက် အမှတ်ရစရာ သင်္ချိုင်းဂူ မရှိဘဲ (:၁၈-၁၉) “မရဏာနိုင်ငံ၊…

အပြန်အလှန်ရက်ရောမှု

Melanie(မယ်လနီ)သည် မကြာခဏ ခေါင်းကိုက်ဝေဒနာကို စတင်ခံစားရပြီး၊ သူမ၏ဦးနှောက်ဂလင်းတွင် ကင်ဆာမဟုတ်သော အကျိတ်တစ်ခုရှိကြောင်း ဆရာဝန်များက တွေ့ရှိခဲ့သည်။ အကျိတ်သည် ဇီးသီးအရွယ်ခန့်ရှိပြီး ၂၀၀၃ ခုနှစ်တွင် တစ်ကြိမ်၊ နောက် ၂၀၀၆ ခုနှစ်တွင် အကျိတ်ထပ်တည်လာ၍ ထပ်မံ ခွဲစိတ်ဖယ်ရှားခဲ့သည်။ ထို့နောက် ၂၀၁၇ ခုနှစ်တွင် တတိယအကြိမ် ထပ်ဖြစ်လာသောအခါ မယ်လနီသည် ဓာတ်ရောင်ခြည်ကုသမှုကို ခံယူခဲ့ရာ၊ ထိုကုထုံးကြောင့် သူမ၏ဆံပင်များ ကျွတ်ခဲ့သည်။ သူမ၏အသက်၂၇နှစ်အရွယ် သားဖြစ်သူ Matt (မက်ထ်)သည် ဆံပင်အရှည်ထားပြီး၊ သူ့ဆံပင်နှင့် မိခင်အတွက် ဆံပင်အတုပြုလုပ်ပေးရန် ဆုံးဖြတ်ခဲ့သည်။

မက်ထ်၏ကိုယ်ကျိုးမငဲ့သောနှစ်သက်ဖွယ်လုပ်ရပ်က လူတစ်ဦး၏စွမ်းရည်နှင့် စွမ်းအားအရင်းအမြစ်များသည် အခြားသူတစ်ဦး (သို့) လူတစ်စု၏လိုအပ်ချက်များကို ဖြည့်ဆည်းပေးနိုင်ပုံကို သရုပ်ပြနေသည်။ ရှင်ပေါလုသည် ဖိလိပ္ပိအသင်းတော်သို့ပေးပို့သောစာတွင် ထိုကဲ့သို့အပြန်အလှန်ရက်ရောမှု၏လှပမှုကို မီးမောင်းထိုးပြခဲ့သည်။ ဖိလိပ္ပိမြို့ရှိယုံကြည်သူများသည် သူ၏“ဆင်းရဲဒုက္ခ”ကို မျှဝေခံယူခဲ့ကြပြီး၊ “သူ”လိုအပ်နေချိန်များတွင် တစ်ကြိမ်ထက်မက အကူအညီများ ပေးပို့ခဲ့ကြသည် (ဖိ…

ကျွန်ုပ်တို့မည်သူမည်ဝါဆိုသည်ကို မှတ်မိနေခြင်း

စားသောက်ဆိုင်ဝန်ထမ်းတစ်ဦးသည် အမှိုက်ပုံးဘေးတွင် နေလောင်ဒဏ်ရာ၊ ပုရွက်ဆိတ်ကိုက်ခံရသည့်ဒဏ်ရာနှင့် ပြင်းထန်သော ထိခိုက်ဒဏ်ရာများရှိနေသည့် သတိလစ်နေသော အမျိုးသားတစ်ဦးကို တွေ့ရှိခဲ့သည်။ သူ့ကိုယ်သူ မည်သူမှန်း မမှတ်မိပါ။ နောက်ပိုင်းမှ သိခဲ့ရသည်မှာ သူသည် ဘင်ဂျမင်ခိုင်(လ်)ဟု အမည်ရှိပြီး၊ မရေမရာ အခြေအနေတစ်ခုတွင် ၁၀ နှစ်ကျော်ကြာ နေထိုင်ခဲ့သည်။ သူသည် အလုပ်မလုပ်နိုင်၊ ထောက်ပံ့ကြေးနှင့်အကျိုးခံစားခွင့်များလည်း မရနိုင်ပါ။ သူစိမ်းတစ်ရံစာများက မျိုးရိုးဗီဇစစ်ဆေးမှုနှင့် စုံစမ်းစစ်ဆေးမှုများမှတစ်ဆင့် သူမည်သူမည်ဝါဖြစ်သည်ကို ပြန်လည်ရှာဖွေတွေ့ရှိရန် ကူညီကြရာ၊ သူ၏ဝေဒနာများ စတင်သက်သာလာသည်။ “ကျွန်တော့်ရဲ့ဇစ်မြစ်သမိုင်းကြောင်းဆိုတာ ရှိတယ်။ ကျွန်တော်က အခြေမဲ့အနေမဲ့တဲ့ သူစိမ်းတစ်ယောက် မဟုတ်ဘူး”ဟု သူက ဆိုသည်။

ကျမ်းစာထဲမှ ရုသ၏ဇာတ်လမ်းကိုလည်း မိမိ၏ဖြစ်တည်မှုကို ပြန်လည်ရှာဖွေတွေ့ရှိခြင်း ပြယုတ်အဖြစ် ရှုမြင်နိုင်သည်။ ခင်ပွန်းသည်ဆုံးပြီး၊ သူ့မွေးရပ်မြေကို စွန့်ခွာလာပြီးနောက် သူမသည် ယောက္ခမဖြစ်သူနောမိအပြင် နောမိ၏ လူမျိုးများနှင့်တစ်သားတည်းဖြစ်ရန် သူရွေးချယ်ခဲ့သည်။ “ကိုယ်တော်သွားလေရာရာသို့ ကျွန်မလိုက်ပါမည်။... ကိုယ်တော်အမျိုးသည် ကျွန်မအမျိုး၊…

အစိမ်းရောင်မုန့်ချိုများနှင့် ဘုရား၏ဖြည့်ဆည်းပံ့ပိုးမှု

ကျွန်မတို့နှင့်လာအိပ်သည့်မြေးကို သိပ်နေချိန်တွင် သူ့ကျမ်းစာမှတ်ထားသည့်နေရာကို ဖွင့်လိုက်ရာ၊ ဆာလံ ၂၃ ဖြစ်ပြီး၊ “ဒါကို သားတို့ဖတ်ပြီးပြီ”ဟု သူပြောသည်။ “နောက်ထပ်အသစ်တစ်ခုခု ဘွားတို့ထပ်သိနိုင်တယ်”ဟု ကျွန်မပြောသဖြင့် သူက “ထာဝရဘုရားသည် ငါ၏သိုးထိန်းဖြစ်တော်မူ၏။ ငါသည် ဆင်းရဲမခံရ။ အစိမ်းရောင်မုန့်များ၌ ငါ့ကိုအိပ်စေတော်မူ၏”ဟု ရွတ်ပြခဲ့သည်။ အစိမ်းရောင်မုန့် (pastries)မဟုတ်ဘဲ၊ ကျက်စားရာနေရာ(pastures)ဖြစ်ကြောင်း ကျွန်မရှင်းပြခဲ့သည်။ ညနေက ကိတ်မုန့်ဆိုင်၌ မုန့်ပဲသရေစာများကို သူရွေးချယ်ခဲ့သေးသည်။ သူ၏ အဓိပ္ပာယ်ဖွင့်ဆိုချက်အရ ကိတ်မုန့်ဆိုင်ဆိုသည်မှာ သူ့အတွက် အနားယူရာနှင့် ပျော်ရွှင်စရာနေရာပင်။

ဆာလံ ၂၃ ကို ၎င်း၏နက်နဲသောဖွင့်ပြချက်နှင့်လွဲသွားသည်ထိ ကျွန်မတို့နှင့်ရင်းနှီးလွန်းသည်။ သိုးထိန်းခြင်းနှင့် အကျွမ်းတဝင်ရှိသည့် ဒါဝိဒ်မင်းက သာယာလှပသလို (:၅-၆)၊ စိန်ခေါ်မှုများနှင့်ပြည့်သည့်(:၄) တစ်ဘဝစာ ဘုရား သခင်၏ထောက်ပံ့မှုကို သရုပ်ဖော်ပြရာ၊ ကောင်းမြတ်သောဘုရားရှင်သည် ကျွန်မတို့ကို သူ၏မျက်မှောက်တော်၌ ပါဝင်စေသော၊ ပြန်လည်အားပြည့်လန်းဆန်းစေသော၊ ရှေ့ဆက်ကြုံလာမည့်အရာများအတွက် ပြင်ဆင်ပေးသောနေရာများသို့ ပို့ဆောင်ပေးကြောင်း ထောက်ပြသည်။ “စိမ်းလန်းသော…