ဘုရားသခင်ဖွင့်လှစ်ကမ်းလှမ်းသောဖိတ်ခေါ်မှု

ကျွန်မ၏အရင်းနှီးဆုံးသူငယ်ချင်း၏မင်္ဂလာပွဲမတိုင်မီ ဧည့်သည် နှစ်ရာစာကို စေ့စပ်သေချာစွာ တွက်ချက်ပြီး စားပွဲများကို ခင်းကျင်းနေရာချခဲ့သည်။ ရွှင်လန်းစွာ မျှော်လင့်စောင့်စားရင်း လက်သုတ်ပုဝါများကိုခေါက်၊ ဇွန်းခရင်းများကို ညီညာစွာချ၊ စားပွဲခင်းအစွန်းများကိုညှိ၊ ပန်းအိုးများကိုပြင်ဆင်၊ စသဖြင့် အချိန်များစွာ ကုန်ခဲ့သည်။ ဧည့်သည်များရောက်ရှိလာကာ ပျော်ရွှင်စွာစားသောက်မည်ဟု တွေးရင်း ကျွန်မတို့ စိတ်လောနေခဲ့သည်။ သို့သော်လည်း နေရာလွတ်များစွာကို တွေ့ရသောအခါ စိတ်ပျက်လက်ပျက်ဖြစ်မိသည်။

ဖါရိရှဲအချို့တို့နှင့် အတူစားသောက်စဉ် သခင်ယေရှုက အလားတူအဖြစ်အပျက်မျိုးကို ဝေမျှခဲ့သည် (လု ၁၄:၁၅-၂၀)။ လူတစ်ဦးသည် စေတနာအပြည့်ဖြင့် လူများစွာအတွက် ကြီးကျယ်သောစားသောက်ပွဲကြီး စီစဉ်ထားသော်လည်း အရေးမပါသည့်အကြောင်းပြချက်ပေးကာ လူတို့ မလာရောက်ကြပေ။ ထိုသူသည် လူတို့၏ ငြင်းပယ်မှု အပေါ် အလွန်ပင်စိတ်ဆိုးလျက်၊ လူ့အသိုင်းအဝိုင်းမှ ပစ်ပယ်ထားသည့် “ဆင်းရဲသားများ၊ မသန်စွမ်းသူများ၊ မျက်မမြင်များနှင့် ခြေမသန်သူများအား” ဖိတ်ခေါ်ခဲ့သည် (:၂၁)။ နေရာလွတ်များ ရှိနေဆဲဖြစ်သောအခါ ငယ်သားများက ပိုဝေးသောအရပ်သို့သွားပြီး လူများအား “အနိုင်အထက်ခေါ်သွင်း”လေ၏(:၂၃)။…

တကယ့်မိတ်သဟာယ

ရေချယ်သည် ရှေးရိုးအသင်းတော်များ၌ သူ မတွေ့ခဲ့သည့်အရာကို သမ္မာကျမ်းစာ လေ့လာသည့်အဖွဲ့တစ်ခု၌ တွေ့ရှိခဲ့သည်။ ထိုသို့မတွေ့မီအထိ ရေချယ်သည် သုံးနှစ်လုံးလုံး ဘုရားကျောင်းတစ်ခုမှတစ်ခုသို့ ခုန်ကူးနေခဲ့သည်။ သူမသည် နားမကြားသူတစ်ဦးဖြစ်ပြီး၊ ကမ္ဘာတစ်ဝန်း၌ နားမကြားသူများစွာတို့သည် ဝတ်ပြုကိုးကွယ်ရာ၌ တူညီသောအခက်အခဲစိန်ခေါ်မှုကို ရင်ဆိုင်ကြရသည်။ ထိုအိမ်အသင်းတော်လေးက ယူကျူ့မှ နားမကြားများအတွက် ဝတ်ပြုအစီအစဥ်များကို အတူကြည့်ရှုပြီး၊ ပို့ချမှုများကို ဆွေးနွေးပေးခြင်း၊ ထို့နောက် အတူတကွ အစားအသောက်များ ဝေမျှစားသုံးခြင်းဖြင့် ထိုအသိုင်းအဝိုင်းလေးကို ပံ့ပိုးပျိုးထောင်ခဲ့ကြသည်။ ထိုအဖွဲ့လေးက ရေချယ် စိတ်ပြင်းပြစွာ ရှာဖွေနေသော ဝိညာဉ်တော်ဦးဆောင်သော အသင်းတော်မိသားစုဘဝကို ပေးခဲ့သည်။

တမန်တော်ရှင်ပေါလုက အသင်းတော်ကို မိသားစုအသိုက်အမြုံဖြစ်စေသည့် သန့်ရှင်းသောဝိညာဉ်တော်၏မိတ်သဟာယကို ရှင်းပြခဲ့သည်။ ထိုဆက်နွယ်မှုနှင့် မိတ်သဟာယကို ထိန်းသိမ်းရန် ထောင်တွင်းမှ စာရေးပြီး၊ ဖိလိပ္ပိအသင်းတော်ကို သူနှိုးဆော်ခဲ့သည်။ သူ၏မျှော်လင့်ချက်တစ်စိတ်တစ်ဒေသမှာ သူတည်ထောင်ပြီး သူအလွန်ချစ်ခဲ့သော အသင်းသူအသင်းသားများကြား၌ ဝိညာဉ်ရေးရာစည်းလုံးမှုရှိရန်ဖြစ်သည်။

“တစ်ပါးတည်းသော စိတ်ဝိညာဉ်၌တည်၍... တညီတညွတ်တည်း ကြိုးစားအားထုတ်ကြ”ရန်…

ဘုရားသခင်၏အကြင်နာမျက်လုံး

မီရှီဂန်ကျွန်းဆွယ်နှစ်ခုကို ဆက်သွယ်ထားသော မက်ကီနက်တံတား (Mackinac Bridge) ပေါ် ဖြတ်ပြီးနောက် ကျွန်တော်တို့ ဇနီးမောင်နှံ၏ ငါးမိုင်ခရီးလမ်းလျှောက်ခြင်းပြီးဆုံးခဲ့သည်။ အမေရိကန်နိုင်ငံတွင် ကျင်းပလေ့ရှိသော နှစ်ပတ်လည်အလုပ်သမားနေ့ကို ကျွန်တော်တို့၏ပြည်နယ်တွင် ၁၉၅၈ ခုနှစ်မှ စတင်ကျင်းပခဲ့သည်။ ကျွန်တော်တို့သည် ပန်းခြံထဲရှိ ထိုင်ခုံတစ်ခုတွင် ထိုင်ကာ အနားယူလိုက်သည်။ အမျိုးသားတစ်ဦးကလည်း ကျွန်တော်တို့အနီးရှိ ခုံတွင် ထိုင်လျက် ရှုသွင်းရှုထုတ်လုပ်နေသည်။ မကြာမီ သူ၏ဇနီးနှင့် သမီးပျိုလေးတို့ ရောက်လာသည်။ သူတို့သည်လည်း သခင်ယေရှုကို ယုံကြည်သူများဖြစ်ပြီး၊ လွန်ခဲ့သောနှစ်များစွာက သမီးဆုံးပါးသွားသည့် ကျွန်တော်တို့ကဲ့သို့ပင် ဆယ်ကျော်သက်အရွယ်သမီးလေးတစ်ယောက် ဆုံးပါးသွားသဖြင့် နာကျင်ခံစားခဲ့ရကြောင်း သိရှိရသည်။

ဘုရားသခင်သည် ကျွန်တော်တို့အား ခွန်အားနှင့်ယုံကြည်ခြင်းကို ပေးလျက် ဤနှစ်ကာလတစ်လျှောက်လုံး ကြည့်ရှုစောင်မခဲ့ကြောင်း အချင်းချင်းဝေငှခဲ့ကြသည်။ ထိုနေ့က လမ်းလျှောက်သူပေါင်း ၃၃,၀၀၀ အနက် နှလုံးသားချင်း နားလည်မှုရှိသော ထိုမိသားစုနှင့် ကျွန်တော်တို့ တွေ့ဆုံခဲ့ရခြင်းသည် အလွန်အံ့သြစရာပင်။

လူပင်လယ်ကြီးထဲတွင် တူညီသောအဖြစ်အပျက်ကို…

ယုံကြည်ခြင်းအတွက် ရဲရင့်စွာ ရင်ဆိုင်ခြင်း

ဂျပန်နိုင်ငံတွင်ပညာသင်ကြားလျက်ရှိသော ၂၇ နှစ်အရွယ် ကျောင်းသားအား ဖူဂျီတောင်ပေါ်မှ တစ်ပတ်အတွင်း နှစ်ကြိမ်တိုင်တိုင် ကယ်ဆယ်ခဲ့ရသည်။ ပထမ အကြိမ် သူတောင်တက်နေစဉ် အန္တရာယ်ရှိသည့်အခြေအနေကြောင့် သူ့အား လေယာဥ်ဖြင့် ဆွဲထုတ်ကယ်တင်ခဲ့ရသည်။ ထို့နောက် သူ၏ဖုန်းနှင့်အခြားပစ္စည်းများ ကျန်ခဲ့သဖြင့် နောက် ၄ ရက်အကြာတွင် သတိပေးချက်များကို ဂရုမစိုက်ဘဲ တောင်ပေါ်သို့ ထပ်မံတက်သွားရာ၊ အမြင့်၌ လေဖိအားနည်းမှုဒဏ်ကို မခံနိုင်သဖြင့် သူ့အား ဒုတိယအကြိမ် ကယ်ခဲ့ရပြန်သည်။ သူ့အကြောင်းကို သတင်းစာခေါင်းကြီးပိုင်းတွင် အန္တရာယ်ကို သိသိကြီးနှင့် ဝင်တိုးသည့် ဖြစ်လေ့ဖြစ်ထမရှိသောသတင်းအဖြစ် ဖော်ပြခံရသည်။

၎င်းသည် ဝိညာဉ်ရေးရာအမှန်တရားကို ထင်ဟပ်ပေါ်လွင်စေသည်။ ကျွန်ုပ်တို့သည် ဘုရားသခင်ကူညီကယ်တင်ခဲ့ပြီးသောနေရာသို့ မကြာခဏ ဦးလှည့်တတ်ကြသည်။ ရှင်ယုဒသည် ထိုစိုးရိမ်မှုကို သူ၏စာစောင်ငယ်တွင် အမိအရဖော်ပြထားသည်။ ဆရာအတုအယောင်များနှင့်အကျင့်စာရိတ္တကို အပေးအယူလုပ်သူများ၏ခြိမ်းခြောက်မှုကိုခံနေရသည့်အသင်းတော်သို့ သူရေးသားသောစာတွင် “ယုံကြည်ခြင်းအတွက် ရဲရင့်စွာ ရင်ဆိုင်တွန်းလှန်ရန်” (၁:၃)၊ မိမိတို့အတွက် သာမက အခြားသူများအတွက်ကိုပါ လုပ်ဆောင်ရန်…

ကျွန်ုပ်တို့၏မျက်စိကို ထာဝရဘုရား ပွင့်စေသောအခါ

၁၃ ရာစုနှစ်က ပြင်သစ်နိုင်ငံ၌ ဒဏ္ဍာရီတစ်ပုဒ်ရှိခဲ့ဖူးသည်။ ၎င်းမှာ သူရဲကောင်းစစ်သူရဲတစ်ဦးသည် သူ၏အမဲလိုက်ခွေးဂီးနီဖေါ့ထ်ကို ၎င်း၏သားငယ်အတွက် အစောင့်အဖြစ်ထားခဲ့ပြီး အမဲလိုက်ထွက်သွားသည်။ အမဲလိုက်ရာမှ ပြန်လာသောအခါ၊ ကလေးပုခက်က မှောက်လျက်၊ ကလေးကိုလည်း မတွေ့၊ ခွေးပါးစပ်တစ်ခုလုံး သွေးများနှင့်ပေကျံနေသည်ကို တွေ့သဖြင့် ဂီးနီဖေါ့ထ်သည် သူ၏သားငယ်အား အန္တရာယ်ပြုခဲ့ပြီဟုထင်မှတ်ကာ ခွေးကို သတ်ပစ်ခဲ့သည်။ နောက်မှ ခွေးကိုက်ခံရသော ဒဏ်ရာများနှင့် သေဆုံးနေသည့် မြွေကြီးနှင့်၊ ပုခက်အောက်၌ ဘေးကင်းစွာရှိနေသော သူ၏သားငယ်ကို တွေ့ရှိခဲ့သည်။ ဂီးနီဖေါ့ထ်သည် ကလေးငယ်ကို ကယ်ခဲ့ခြင်းဖြစ်ပါသည်။ ခွေး၏သူရဲကောင်းဆန်မှုနှင့် မတရားသောကြမ္မာကို လူတို့စိတ် ထိတွေ့ခဲ့ပြီး၊ ဂီးနီဖေါ့ထ်ကို သူတော်စင်ခွေးအဖြစ် တစ်လွဲသတ်မှတ်ခဲ့သည်။

သမ္မာကျမ်းစာ၌လည်း ထိုကဲ့သို့သောအကြောင်းအရာကို တွေ့ရသည်။ မိမိသခင်ကို ကာကွယ်ခြင်းအတွက် တိရစ္ဆာန်တစ်ကောင်မှာ မတရားအပြစ်ပေးခံခဲ့ရသည်။ မောဘဘုရင်သည် ဘုရားသခင်၏လူများအား ကျိန်ဆဲရန် ပရောဖက်ဗာလမ်အား ငှါးရမ်းခဲ့သည် (တော ၂၂:၄-၆)။ ဗာလမ်ခရီးပြုစဉ်မှာ “ဘုရားသခင်၏ ကောင်းကင်တမန်တစ်ပါးသည်…

မလိုအပ်သောဖိုင်များ

ဖုန်းထဲ၌ “မလိုအပ်သောဖိုင်များနေရာယူပြီး ပြည့်နေသည်။ 675MB ကို ဖျက်ပစ်ပါ”ဟု အခါအားလျော်စွာ ဝင်လာသည့်စာများက ကျွန်တော်သည် ဒစ်ဂျစ်တယ်နှင့်ပတ်သက်၍ နားမလည်၊ အသုံးမချနိုင်သေးကြောင်း သတိပေးနေသည်။ ထိုစာများ ဝင်လာလျှင် ကျွန်တော် မကြိုက်ပါ။ သို့ရာတွင် ထိုသတိပေးချက်ကို လိုက်နာပြီး အမှိုက်ဖြစ်နေသည့်ဖိုင်များကို ဖျက်ပစ်ပါက အရေးကြီးသောအရာများ သိမ်းရန်နေရာပိုဆံ့သည်ပင်။ ဥပမာပြရလျှင် ထိုအမှိုက်ဖိုင်များရှိနေ၍ သမီး၏ဆုရရေကူးပြိုင်ပွဲကို မှတ်တမ်းမတင်နိုင်ဟု မထင်မှတ်ဘဲ နောက်ကျမှ သဘောပေါက်လိုက်ခြင်းမျိုးထက်၊ ဗီဒီယိုရိုက်ရန် လုံလောက်သောသိုလှောင်ရာနေရာ ဒစ်ဂျစ်တယ်နေရာ ရှိနေကြောင်း သေချာနေခြင်းတည်း။

ဖုန်း၌ရှိသော အမှိုက်ဖိုင်များကိုဖျက်ပစ်ရန် အလွန်လွယ်ပါသည်။ သို့သော် ကျွန်ုပ်တို့၏ဝိညာဉ်ရေး၌ ရှိနေသော အမှိုက်များကို မည်သို့ ဖျက်ပစ်ရမည်နည်း။ ဖုန်းများနည်းတူ ကျွန်ုပ်တို့ဝိညာဉ်ရေးရာတွင်လည်း ဝိညာဥ်ရေးအရ မသီးပွင့်နိုင်အောင် ပိတ်ဆို့နေသောအရာများရှိနေနိုင်သည်။ ဟေဗြဲဩဝါဒစာကို ရေးသားသူက ဤအဖြစ်မှန်ကို သိနားလည်လျက်၊ ဘုရားနှင့်အတူ လျှောက်လှမ်းရာတွင် ထောင်ချောက်ကဲ့သို့သောအရာများကို သတိကြီးကြီးထားရန် ခွန်အားပေးခဲ့သည်။ “ငါတို့သည်…

ဘုရားသခင်ကို ကြောက်ရွံ့ရိုသေလော့

တန်နီတန် (Tanitan)က “ကျွန်တော်အရင်က လူတွေကို သတ်ခဲ့တယ်။ ဒါပေမဲ့ ယေရှုဘုရားကို လက်ခံယုံကြည်ပြီးချိန်မှာတော့ သခင်ဘုရားက ကျွန်တော့်ကို ဒီအရာတွေ လုပ်ခွင့်မပေးတော့ပါဘူး”ဟုဆိုသည်။ တန်နီတန်သည် ဖိလစ်ပိုင် နိုင်ငံ၊ စီရာမက်ဒရီတောင်ပေါ်ဒေသရှိ လူခေါင်းဖြတ်သည့် မျိုးနွယ်စုမှ ဖြစ်သည်။ ဘုရားကို မသိမီက သူ့အသက်တာနှင့် ယခုလက်ရှိသူ့အသက်တာကို နှိုင်းယှဥ်လျက် တန်နီတန်က “ကျွန်တော် အရင်က သေရမှာ ကြောက်ခဲ့တယ်။ ဒါပေမယ့် သူများကို သတ်ဖို့တော့ လက်မရွံ့ဘူး။ အခုတော့ သေရမှာကို မကြောက်တော့ဘူး။

သူ့အသက်ကို သတ်ဖို့တော့ ကြောက်နေပြီ”ဟု ဆိုခဲ့သည်။ စာရေးဆရာ ဖလောရင့်တီနိုစန်တော့စ် ၏ To the Headhunters of Sierra Madre စာအုပ်မှ တန်နီတန်၏အကြောင်းကို ဖတ်ရှုပြီးသည့်နောက် သူအသစ်တွေ့ရှိခဲ့သည့်ကြောက်ရွံ့ခြင်း (သို့) ဘုရားသခင်ကို ကြောက်ရွံ့ရိုသေခြင်းက ဘုရားသခင်အား နာခံချင်သောစိတ်ဆန္ဒကို မည်သို့ဖြစ်တည်စေခဲ့သနည်းဟု ကျွန်မတွေးမိ…

ထာဝရတိုင်အောင်တည်ရှိနေသောမြင်ကွင်းများ

ဆွစ်ဇာလန်နိုင်ငံသို့ ခရီးမပြုမီ ကျွန်ုပ်၏စိတ်အာရုံ၌ ဆီးနှင်းများဖုံးလွှမ်းနေသည့် တောင်တန်းများ၊ ဆိတ်စားကျက်မြေ၊ ထို့နောက် ဆိတ်ချိုမှုတ်သည့် လယ်သမား စသည်တို့ကို လျှပ်တစ်ပြက် မြင်ယောင်ခဲ့သည်။ သို့သော် ဇူးရစ်(Zurich)မြို့မှ တောင်ဘက်သို့ ခရီးပြုလာစဥ် မြင်ကွင်းက မြို့ပြ၌တွေ့ရသည့် စိတ်ပျက်စရာ မြင်ကွင်းများနှင့် အတူတူပင်။ တည်းခိုမည့်နေရာနှင့် နီးလာသည့်အခါ အန္တရာယ်များပြီး ညစ်ပေသော တစ်လမ်းမောင်းလမ်းမှ မောင်းခဲ့ရပြီး၊ ငှားရမ်းထားသည့်အိမ်သို့ ရောက်သည့်အခါ ကားပေါ်မှပစ္စည်းချပြီး ကျောက်ခင်းလမ်းအတိုင်း သေတ္တာများသယ်၍ တက်ရသေးသည်။ မောလည်းမော၊ စိတ်ပျက်လက်ပျက်နှင့် ဆင်ဝင်သို့ရောက်ပြီး၊ထိုနေရာတွင်မှ အံ့မခမ်းသော မြင်ကွင်းကျယ်ကြီးက ကြိုဆိုနေသည်။ ကျယ်ပြန့်သော လူစန်ရေအိုင်ကြီး(Lake Lucerne)၏ ရေပြာပြာအနောက်တွင် နှင်းတောင်တန်းကြီးက လှပလွန်းသည်။ ပိုးစုန်းကြူးပမာ အလင်းရောင်များနှင့် တောင်အောက်မှ မြို့လေးကိုလည်း တွေ့ရသည်။ ဤမြင်ကွင်းက ဖြတ်သန်းခဲ့ရသော အခက်အခဲအတွက် ထိုက်တန်ပါသည်။

“ထို့ကြောင့် ငါတို့သည် အားလျော့စိတ်ပျက်ခြင်းနှင့်ကင်းလွတ်ကြ၏” ဆိုသည့် ကျမ်းပိုဒ်ကို ကျွန်တော်…

ခရစ်တော်၌ ကြီးထွားရန် အတူတကွစုရုံးခြင်း

ကယ်လီဖိုးနီးယားပြည်နယ်၊ မွန်တယ်ရေးပင်လယ်အော်(Monterey Bay)၌ အဖြူရောင် လင်းပိုင် ၁၅ ကောင်သည် အခြားလင်းပိုင် အကောင်ရေ ၂,၀၀၀ ကျော်ခန့်နှင့်အတူ အစာ ပေါကြွယ်သော စားကျက်နေရာ၌ အတူနေထိုင်သည်ကို စက်လှေဦးစီးမှူး တစ်ဦးမှ တွေ့ ရှိခဲ့သည်။ အရွယ်အစားမျိုးစုံသော လင်းပိုင်အကြီးအငယ်တို့သည် အတူစားသောက်လျက်၊ သားစားသတ္တဝါများကို ကာကွယ်မောင်းထုတ်ရန် အတူစုရုံးနေထိုင်ကျက်စား ကြသည်။ ထိုမျှများပြားပြီး အမျိုးအစားစုံလင်သည့် လင်းပိုင်မျိုးစုံတို့ ထိုစားကျက်၌ အတူယှဉ်တွဲရှိနေခြင်းကို မြင်ရခဲသည်။

ယုံကြည်ခြင်းသမိုင်းတွင် ဖြစ်တောင့်ဖြစ်ခဲ ကွဲပြားသည့်လူမျိုးများ အတူတကွ စုရုံးရှိနေခြင်းကို သမ္မာကျမ်းစာ၌ မှတ်တမ်းတင်ထားသည်။ ပင်တေကုတ္တေပွဲနေ့ကို ကျင်းပနေစဥ် “လေပြင်းမုန်တိုင်းကဲ့သို့သောအသံသည် တခဏခြင်းတွင် ကောင်းကင်မှလာ၍ (တပည့်တော်တို့)နေထိုင်သောအိမ်ကို ဖြည့်လေ၏”(:၂)။ “ထိုသူအပေါင်းတို့သည်လည်း သန့်ရှင်းသော ဝိညာဉ်တော်နှင့်ပြည့်၍ ဝိညာဉ်တော်သည် ဟောပြောသောအခွင့်ကို ပေးတော်မူသည်အတိုင်း အမျိုးမျိုးသောဘာသာစကားအားဖြင့် ဟောပြောကြ၏။ ထိုကာလအခါ၊ ... ရှိလေသမျှသောလူမျိုးထဲက ဘုရားကိုရိုသေသော ယုဒလူတို့သည် ယေရုရှလင်မြို့၌…

ကျွန်ုပ်၌ရှိ‌သောခရစ်တော်

ရှေးဂရိယဉ်ကျေးမှု ပြန်လည်ဖွံ့ဖြိုးသောခေတ်မှ အနုပညာရှင် Albrecht Dürer(အယ်လ်ဘရက်တ်ဒူရာ)သည် အသက်၂၀ တွင် သူ၏အရည်အချင်းကြောင့် နာမည်ကြီးလာခဲ့သည်။ သူ့ခေတ် အနုပညာဝေဖန်ရေးဆရာများက သူ့ကို“ကောက်ကြောင်းများဖြင့် ၎င်း၏ထူးချွန်ထက်မြက်မှုကို ဖော်ပြနိုင်သူ"ဟု ခေါ်ဆိုခဲ့သည်။ သူ၏ ကျော်ကြားမှု ပျံ့နှံ့လာသည်နှင့်အမျှ ဩဇာကြီးမားသူများက စည်းစိမ်ပုံအောပေးကာ သူ့ကို ငှားရမ်းရန် ကြိုးစားခဲ့ကြသည်။ Giovanni Bellini (ဂျိုဗန်နီ ဘယ်လီနီ)နှင့် Raphael(ရာဖေးလ်)ကဲ့သို့သော အခြားကျော်ကြားသော အနုပညာရှင်များလည်း သူ၏လက်ရာကို လေးစားခဲ့ကြသည်။

သူ့ပုံတူကို သူကိုယ်တိုင်ဖန်တီးထားသည့် သူ၏အကောင်းဆုံးလက်ရာဟု ကျွမ်းကျင်သူများ ယူဆသောပန်းချီကားတွင်၊ ဒူရာသည် သူ့ပုံကို သခင်ယေရှု၌ ရှိမည်ဟု သူယူဆထင်မြင်သည့် ထူးခြားလက္ခဏာများ ရောယှက်ကာ ဖန်တီးထားသည်။ သူသည် လှိုင်းတွန့်ဆံပင်ရှည်၊ မုတ်ဆိတ်နှင့် သူ့အပေါ်ထားရှိသည့် ဘုရားသခင်၏ရည်ရွယ်ချက်ကို ထင်ဟပ်စေသည့် မျက်လုံးများဖြင့် သူ့ပုံကို ရေးဆွဲခဲ့သည်။ ၎င်းကို ပန်းချီဆရာ၏ကိုယ့်ကိုယ်ကိုယ်ဂုဏ်ယူဝင့်ကြွားမှုဟု လူအများက ယူဆကြသော်လည်း၊ သူ့ကို သိသူများက…