နာကျင်မှုအတွက် မျှော်လင့်ခြင်း
“လူအများစု၌ အခြားသူများ မမြင်နိုင် (သို့) နားမလည်နိုင်သော အမာရွတ်များ ရှိနေကြသည်”။ ထိုစကားသည် စိတ်ကျန်းမာရေးပြဿနာများကြောင့် ၂၀၂၀ ခုနှစ် ပုံမှန်အားကစားရာသီအကုန်တွင် နုတ်ထွက်ခဲ့သည့် Major League Baseball (မေဂျာလိဂ်ဘေ့စ်ဘော) အသင်းမှ ကစားသမား Andrelton Simmons (အန်ဒရယ်လ်တန်စင်မန်စ်) ထံမှ ရိုးသားစွာ ထွက်ပေါ်လာသည်။ သူ၏ဆုံးဖြတ်ချက်ကို သုံးသပ်လျက် အလားတူ စိန်ခေါ်မှုများနှင့် ရင်ဆိုင်နေရသူများကို အားပေးရန်နှင့် စာနာမှုပြရန် သူ့အကြောင်းကိုမျှဝေရန်လိုအပ်ကြောင်း စင်မန်စ် ခံစားမိသည်။
မခန့်မှန်းနိုင်သည့် ကြီးမားနက်နဲသော အနာတရနှင့် ဒဏ်ရာများသည် မမြင်ကွယ်ရာမှ အမာရွတ်များဖြစ်ပြီး၊ ၎င်းသည် အမှန်ပင် နာကျင်လျက် ဝေဒနာခံစားရဆဲဖြစ်သည်။ ဆာလံကျမ်း ၆ တွင် ဒါဝိဒ်က သူသည် “ခွန်အားနည်း”ပြီး “အရိုးတို့ သည် တုန်လှုပ်ကြ”ကြောင်း (:၂)၊ မခံနိုင်လောက်အောင် ပြင်းထန်သော ရုန်းကန်ရမှုကို ရိုးသားစွာ ရေးခဲ့သည်။…
အနှေးဖက်ရှင်ကျေးဇူးတော်
‘ဟက်ရှ်တက်ဂ်အနှေးဖက်ရှင်’ (#slowfashion)အကြောင်း သင်ကြားဖူးပါသလား။ အဝတ်အထည်များကို စျေးပေါပေါဖြင့် ထုတ်လုပ်ပြီး လျင်မြန်စွာစွန့်ပစ်ခြင်းဖြင့် ကြီးစိုးနေသည့် “အမြန်ဖက်ရှင်” လုပ်ငန်းတစ်ခုကို တွန်းလှန်ရန် လှုပ်ရှားမှုတစ်ခုကို ထိုဟက်ရှ်တက်ဂ် လူမူကွန်ယက်ပို့စ် ဆောင်းပါးမှ အာရုံစိုက်လုပ်ဆောင်နေကြသည်။ အမြန်ဖက်ရှင်တွင် စတိုးဆိုင်များရှိ အဝတ်အထည်များသည် လျင်မြန်စွာပင် ခေတ်နောက်ကျကျန်ခဲ့ပြီး အချို့သော အမှတ်တံဆိပ်များ၏ ဖက်ရှင်ထုတ်ကုန် အမြောက်အမြားကို ၎င်းတို့ နှစ်စဉ် စွန့်ပစ်နေရသည်။
အနှေးဖက်ရှင်လှုပ်ရှားမှုသည် လူများကို အရှိန်လျော့စေပြီး၊ အခြားနည်းလမ်းတစ်ခုကို စဥ်းစားလုပ်ဆောင်ရန် အားပေးသည်။ နောက်ဆုံးပေါ် အသွင်သဏ္ဌာန်ဖြစ်နေရန်လိုသည် ဟူသည့်အတွေး၏ ဆွဲငင်မှုခံရသည်ထက်၊ ကောင်းမွန်သော၊ ကျမ်းမာရေးနှင့်ညီညွတ်သော၊ ပစ္စည်းအရည်အသွေး မှန်ကန်သော၊ စီးပွားရေးကျင့်ဝတ်နှင့်ညီသည့် ရေရှည်ခံသည့်ထုတ်ကုန်များကို ရွေးချယ်ရန် အနှေးဖက်ရှင်က ကျွန်ုပ်တို့အား တိုက်တွန်းအားပေးသည်။
‘ဟက်ရှ်တက်ဂ်အနှေးဖက်ရှင်’၏ ဖိတ်ခေါ်မှုကို ပြန်လည်ဆင်ခြင်ကြည့်သောအခါတွင်၊ ကျွန်မသည် ပြည့်စုံမှုကို နောက်ဆုံးပေါ် ခေတ်ရေစီးကြောင်းတွင် အမြဲတစေရှာဖွေနေသော “အမြန်ဖက်ရှင်” တွေးခေါ်မှုပုံစံသို့ ကျရောက်နေသည်ကို တွေ့ခဲ့ရသည်။…
ကျွန်ုပ်တို့လိုအပ်သော ဉာဏ်ပညာ
John M. Barry (ဂျွန်အမ်ဘယ်ရီ)၏ ကြီးကျယ်ခံ့ညားသော ‘The Great Influenza’ (တုပ်ကွေးကပ်ဘေးကြီး) စာအုပ်တွင် ၁၉၁၈ ခုနှစ် တုပ်ကွေးကပ်ရောဂါအကြောင်းကို ပြန်ပြောပြထားသည်။ ကျန်းမာရေးအရာရှိများသည် အံ့ဩနေသည်ထက် ရောဂါ အကြီးအကျယ် ကူးစက်ပြန့်ပွားမည်ကို မျှော်လင့်ထားခဲ့ကြကြောင်း၊ ပထမကမ္ဘာစစ်တွင် တပ်ဖွဲ့ဝင်ထောင်ပေါင်းများစွာသည် ကတုတ်ကျင်းများတွင် ပြွတ်သိပ်စွာ နေရပြီး၊ နယ်စပ်ဖြတ်ကျော်ခြင်းဖြင့် ဗိုင်းရပ်စ်အသစ်များ ပေါ်ထွက်လာမည်ကို သူတို့စိုးရိမ်ခဲ့ကြကြောင်း ဘယ်ရီ က ထုတ်ဖော်ရေးသားခဲ့သည်။ သို့သော်လည်း ဤအသိသည် ပျက်စီးခြင်းကို ရပ်တန့်ပစ်ရန် အသုံးမဝင်ပေ။ ဩဇာကြီးမားသော ခေါင်းဆောင်များသည် စစ်ပွဲကြီးကို အားတက်သရော ထောက်ခံပြီး အကြမ်းဖက်မှုဆီသို့ ဒုန်းစိုင်းဦးတည်ခဲ့ကြသည်။ ကူးစက်ရောဂါဗေဒပညာရှင်များက လူပေါင်း သန်းငါးဆယ်သည် ကပ်ရောဂါနှင့် သေဆုံးကြရပြီး၊ စစ်ပွဲအတွင်း သတ်ဖြတ်မှုမှာ သန်းနှစ်ဆယ်ခန့် သေဆုံးခဲ့သည်ဟု ခန့်မှန်းကြသည်။
လူသားအသိပညာသည် ကျွန်ုပ်တို့အား မကောင်းမှုမှကယ်တင်ရန် မည်သည့်အခါမျှ မလုံလောက်ကြောင်း အကြိမ်ကြိမ်…
ရွေးချယ်မှုတစ်ခု
ကျွန်မချစ်ရသော သူငယ်ချင်းတစ်ဦးဆုံးပါးသွားပြီး ရက်သတ္တပတ် အနည်းငယ်အကြာတွင် သူ၏မိခင်နှင့် စကားပြောခဲ့သည်။ သူမဝမ်းနည်းနေသောကြောင့် “ဘယ်လိုနေလဲ”ဟုမေးရန် မသင့်လျော်သောမေးခွန်းဟု ကျွန်မထင်သဖြင့် မေးရန် ချီတုံချတုံ ဖြစ်နေခဲ့သည်။ သို့သော်လည်း ကျွန်မ၏တွန့်ဆုတ်မှုကို ဘေးဖယ်ကာ၊ သူမမည်ကဲ့သို့ တောင့်ခံနေခဲ့သနည်းဟု မေးခဲ့သည်။ သူမက “နားထောင် သမီး၊ အန်တီကတော့ ဝမ်းမြောက်မှုကို ရွေးချယ်တယ်” ဟု ပြန်ဖြေသည်။
ထိုနေ့က သူမစကားလုံးများသည် မနှစ်မြို့ဖွယ်အခြေအနေများကို ကျော်ဖြတ်ရန် ရုန်းကန်နေရသော ကျွန်မဘဝအတွက် အကျိုးရှိခဲ့သည်။ တရားဟောရာကျမ်းအဆုံးတွင် ဣသရေလလူမျိုးတို့အား မောရှေမိန့်ကြားခဲ့သော စကားများကိုလည်း အမှတ်ရစေသည်။ မောရှေမသေမီနှင့် ဣသရေလလူမျိုးတို့ ကတိတော်ထားရာပြည်သို့မဝင်မီ သူတို့၌ ရွေးချယ်စရာရှိသည်ကို ဘုရားသခင်က သူတို့ကို သိစေချင်ခဲ့သည်။ မောရှေက “အသက်ရှင်ခြင်း၊ သေခြင်း ... တို့ကို သင့်ရှေ့၌ ငါထားသည်။ ... အသက်တရားကို ရွေးယူလော့” (တရား ၃၀:၁၉-၂၀) ဟုဆိုသည်။…
ဘယ်အရာက ပိုကောင်းနိုင်သလဲ
Eric (အဲရစ်) သည် အသက်နှစ်ဆယ်ကျော်အရွယ်တွင် သူ့ကိုချစ်သော သခင်ယေရှု၏ မေတ္တာအကြောင်းကို ကြားခဲ့ရပြီး အသင်းတော်သို့ စတင်တက်ရောက်ခဲ့သည်။ သူဘုရားကျောင်း တက်ရောက်စဉ် ခရစ်တော်ကို တိုး၍ သိကျွမ်းလာစေရန် ကူညီပေးသူတစ်ဦးနှင့် တွေ့ဆုံခဲ့သည်။ မကြာမီမှာပင် အဲရစ်၏ လက်ဦးဆရာက ဘုရားကျောင်းရှိ ယောကျ်ားလေးအဖွဲ့ငယ်ကို သင်ကြားပေးရန် သူ့အား တာဝန်ပေးခဲ့သည်။ နှစ်ကာလများတစ်လျှောက်တွင် အန္တရာယ်စက်ကွင်း၌ ကျရောက်နေသော လူငယ်များကို ကူညီရန်၊ သက်ကြီးရွယ်အိုများထံ သွားရောက်လည်ပတ်ရန်၊ အိမ်နီးချင်းများအား ဧည့်ဝတ်ပြုရန်အတွက် ဘုရားသခင်သည် အဲရစ်၏ နှလုံးသားကို ဆွဲငင်ခေါ်ဆောင်ခဲ့သည်။ ယခု သူအသက်ငါးဆယ်နှောင်းပိုင်းတွင် အဲရစ်က အစေခံရန် စောစီးစွာ သွန်သင်ခံရသည့်အတွက် ကျေးဇူးတင်ကြောင်း၊ “ယေရှု၌ ရှိတဲ့မျှော်လင့်ချက်ကို ဝေမျှဖို့ ကျွန်တော့်နှလုံးထဲမှာ ပြည့်လျှံနေတယ်။ သူ့ကိုအစေခံခြင်းထက် ဘယ်အရာက ပိုကောင်းနိုင်မှာလဲ” ဟုရှင်းပြသည်။
တိမောသေ၏အမေနှင့်အဖွားက သူ၏ယုံကြည်ခြင်းကို လွှမ်းမိုးထားခဲ့စဥ်က သူသည် ကလေးအရွယ်သာ ရှိသေးသည်…
သွားရန်အသင့်
ကိုဗစ်ကပ်ရောဂါ ဖြစ်ပွားနေသည့်ကာလအတွင်း ချစ်ခင်ရသူများ ဆုံးပါးသွား၍ လူများစွာတို့မှာ နာကျင်ခံစားခဲ့ကြရသည်။ ၂၀၂၀ ခုနှစ် နိုဝင်ဘာလ ၂၀ ရက်တွင် အသက် (၉၅) နှစ်အရွယ် ကျွန်တော့်မိခင် Bee Crowder (ဘီးခရောက်ဒါ) ကွယ်လွန်သွား၍ ကိုဗစ်ကြောင့် မဟုတ်သော်လည်း ကျွန်တော်တို့ပါ နာကျင်သူမိသားစုအဖွဲ့ဝင်များ ဖြစ်ခဲ့သည်။ အခြားမိသားစုတို့နည်းတူ အမေ့အတွက် ပူဆွေးရန်၊ သူ့အသက်တာကို ဂုဏ်ပြုရန်၊ တစ်ဦးနှင့်တစ်ဦး အားပေးရန် မိသားစုဝင်များ စုရုံးခွင့်မရခဲ့ပါ။ အခြားနည်းလမ်းများဖြင့် အမေ၏နှစ်သက်ဖွယ် လွှမ်းမိုးမှုကို ဝေမျှခဲ့ကြပြီး၊ သူမကို ဘုရားရုပ်သိမ်းလျှင် သူအဆင်သင့်ရှိနေပြီး ဘုန်းတော်ဝင်စားရန်အရေးကို စိတ်ထက်သန်ကြောင်း သူအခိုင်အမာပြောဆိုခဲ့မှုများအားဖြင့် ကျွန်တော်တို့ အလွန်နှစ်သိမ့်သက်သာ ရာရခဲ့သည်။ ထိုသို့စိတ်ချသေချာမှုရှိသည့် မျှော်လင့်ခြင်းက အမေ၏အသက်ရှင်မှုနှင့် သေခြင်းတရားကို ရင်ဆိုင်သွားပုံတို့၌ ထင်ရှားပေါ်လွင်နေခဲ့သည်။
သေခြင်းတရားကို ရင်ဆိုင်ရရန် ဖြစ်နိုင်ခြေရှိစဥ်တွင် ရှင်ပေါလုက “ငါအသက်ရှင်သည့်အရာမှာ ခရစ်တော်ဖြစ်၏။ သေလျှင်မူကား သာ၍အကျိုးရှိ၏။…
အသက်ကို ရှာတွေ့ခြင်း
Brett (ဘရက်) အနေနှင့် ခရစ်ယာန်ကောလိပ်၌ ကျောင်းတက်ပြီး ကျမ်းစာလေ့လာခဲ့ရခြင်းက သဘာဝကျသည့် ခြေလှမ်းများဖြစ်သည်။ ပြောရလျှင် အိမ်၌၊ ကျောင်း၌၊ အသင်းတော်၌ သခင်ယေရှုကို တစ်ဘဝလုံး သိကျွမ်းသူများက သူ့ကို ဝန်းရံထားခဲ့သည်။ ကောလိပ်၌ သူရွေးချယ်သည့် ဘာသာရပ်ပင် ခရစ်ယာန်လူမှုရေးလုပ်ငန်းနှင့် လိုက်လျောညီထွေဖြစ်ပြီး၊ သူ၏အသက်မွေးဝမ်းကြောင်းမှုသို့ ဦးတည်နေခဲ့သည်။
သို့သော် သူ့အသက် (၂၁) နှစ်တွင် ရွာအသင်းတော်လေးတစ်ပါး၌ အသင်းသား အနည်းငယ်နှင့် ဝတ်ပြုကိုးကွယ်ရင်း သင်းအုပ်ဆရာ တရားဟောနေသည့် ရှင်ယောဟန်ဩဝါဒစာပထမစောင်မှ အံ့ဩဖွယ်အချက်တစ်ချက်ကို သူတွေ့ရှိခဲ့သည်။ သူသည် သူ၏ဦးနှောက်အသိများကို အမှီပြုပြီး ဘာသာရေးဝတ္တရားများ၌ ပိတ်မိလျက် ရှင်ယေရှု၏ကယ်တင်ခြင်းကို သူအမှန်တကယ်မရသေးကြောင်း သူသိနားလည်သွားသည်။ “မင်းငါ့ကို မသိပါဘူးကွာ” ဟူ၍ လေးနက်သော စကားဖြင့် ခရစ်တော်က သူ့နှလုံးသားကို ဆွဲငင်နေကြောင်း ထိုနေ့က သူခံစားခဲ့ရသည်။
တမန်တော်ရှင်ယောဟန်၏ သတင်းစကားက ရှင်းပါသည်။ “ယေရှုသည် ခရစ်တော်ဖြစ်တော်မူသည်ကို…
အဖေ့ကို မြင်ရတယ်
သုံးနှစ်သားလေး Andreas (အင်ဒရီရက်စ်)၏ ပထမဆုံးသောမျက်မှန်က သူ့မျက်လုံးနှင့် ကိုက်မကိုက် မျက်စိပညာရှင်က ကူညီစမ်းသပ်ပေးပြီး “မှန်ထဲကြည့်လိုက်သား” ဟုပြောလိုက်သည်။ အင်ဒရီရက်စ်သည် မှန်ထဲမှသူ့ပုံရိပ်ကို ကြည့်ပြီး သူ့အဖေဘက်သို့ ဝမ်းမြောက်နှစ်လိုဖွယ်သော အပြုံးဖြင့် လှည့်ကြည့်လိုက်သည်။ သား၏ပါးပြင်ပေါ်သို့ ကျလာသည့် မျက်ရည်များကို ညင်သာစွာ သုတ်ပေးရင်းမှ ဖခင်က “ဘာဖြစ်လို့လဲ” ဟု မေးလိုက်သည်။ အင်ဒရီရက်စ်က ဖခင်၏လည်ပင်းကို သိုင်းဖက်လိုက်ရင်း “အဖေ့ကို ကျွန်တော်မြင်ရတယ်”ဟု ဖြေသည်။ တစ်ဖန် အနောက်သို့ဆုတ်ကာ ဦးခေါင်းကိုစောင်းပြီး ဖခင်၏မျက်လုံးတည့်တည့် စိုက်ကြည့်လျက် “အဖေ့ကို ကျွန်တော်မြင်ရတယ်” ဟု ပြောသည်။
ကျွန်မတို့ဆုတောင်းလျက် သမ္မာကျမ်းစာကို လေ့လာရာတွင်လည်း သန့်ရှင်းသောဝိညာဥ်တော်က “မျက်မြင်မရသော ဘုရားသခင်၏ပုံသဏ္ဌာန်တော်” (ကော ၁:၁၅) ဖြစ်သည့် သခင်ယေရှုကို ကျွန်မတို့မြင်အောင် မစသည်။ သို့ရာတွင် နှုတ်ကပတ်တော်အားဖြင့် ဘုရားသခင်ကို သိကျွမ်းမှုတိုးလာပြီး ဝိညာဥ်တော်၏ မစမှုဖြင့် ကျွန်မတို့၏အမြင်…
အတွင်း၌ တည်ရှိသည့် ဂန္တဝင်လက်ရာ
‘The Atlantic’ (အတ္တလန်တိတ်) စာအုပ်၌ စာရေးဆရာ Arthur C. Brooks (အာသာစီဘရွတ်စ်)က ကမ္ဘာတွင် တရုတ်အနုပညာလက်ရာ အများဆုံးစုဆောင်း ထားသည့် နေရာတစ်ခုဖြစ်သော တိုင်ဝမ်နိုင်ငံရှိ National Palace Museum (အမျိုးသား နန်းတော်ပြတိုက်)သို့ သွားလည်ခဲ့သည့်အကြောင်းကို ရေးသားခဲ့သည်။ ပြတိုက်လမ်းညွှန်က “စတင်ဖြစ်လာမဲ့ အနုပညာလက်ရာတစ်ခုကို တွေးကြည့်ပါလို့ ကျွန်တော်ပြောတဲ့အခါ ခင်ဗျားဘာကို တွေးမိသလဲ” ဟု မေးခဲ့သည်။ ဘရွတ်စ်က “ပတ္တူစ အလွတ်ကြီးကို တွေးမိတယ်ထင်တယ်” ဟုပြောရာ၊ ဧည့်လမ်းညွှန်က “အဲ့ဒါကို အခြားတစ်နည်းနဲ့ ‘အနုပညာဆိုတာ ရှိပြီးသားပါ၊ အနုပညာရှင်ရဲ့အလုပ်က အဲ့ဒီအနုပညာကို ဖော်ထုတ်ဖို့ဖြစ်တယ်’လို့ မြင်လို့ရသေးတယ်” ဟု ဖြေခဲ့သည်။
ဧဖက်သြဝါဒစာ ၂:၁၀ တွင် “ဖန်ဆင်းတော်မူရာ” (handiwork) ဟူသည့် စကားလုံးကို “ကျွမ်းကျင်မှုအဆင့်”၊ “ပြောင်မြောက်သောမူရင်းလက်ရာ” စသည်ဖြင့် တစ်ခါတစ်ရံ ဘာသာပြန်ဆိုကြသည်။ ၎င်း၏မူရင်း…
ခမ်းနားထယ်ဝါသောဒီဇိုင်း
နိုင်ငံတကာသုတေသနအဖွဲ့တစ်ခုသည် ပျံလွှားငှက်ကိုအတုယူပြီး တောင်ပံခတ်သည့် ဒရုန်းတစ်စင်းကို ဖန်တီးခဲ့သည်။ ပျံလွှားငှက်သည် တစ်နာရီ မိုင် (၉၀) နှုန်းဖြင့်ပျံသန်းနိုင်ပြီး ဝဲနိုင်သည်၊ ထိုးဆင်းနိုင်သည်၊ လျင်မြန်စွာ လှည့်နိုင်သည်၊ ရုတ်တရက် ရပ်တန့်နိုင်သည်။ သို့ရာတွင် ထိုအတောင်ပံပါသည့် ဒရုန်းသည် ပျံလွှားငှက်နှင့်ယှဥ်လျှင် အဆင့်နိမ့်နေဆဲဖြစ်သည်။ သုတေသီတစ်ဦးက “ငှက်များ၌ ကြွက်သားပုံစံအမျိုးမျိုးရှိပြီး အံ့ဖွယ်အမြန်နှုန်းနှင့် ပျံနိုင်အောင်၊ တောင်ပံရုတ်နိုင်အောင်၊ လှည့်ပြန်နိုင်အောင်၊ အမွေးအတောင်တို့ကို သူ့နေရာ နှင့်သူ ဖွင့်ဆန့်နိုင်အောင်၊ အားကို ချွေတာနိုင်အောင် ထောက်ကူပေးသည်” ဟု ဆိုသည်။ သူ့အဖွဲ့၏အားထုတ်မှုသည် “သက်ရှိငှက်တစ်ကောင်၏ (၁၀) ရာခိုင်နှုန်း”ခန့် ကိုသာ ပုံတူပွားနိုင်သည်ဟု သူဝန်ခံခဲ့သည်။
ဘုရားသခင်သည် သတ္တဝါများအား အံ့ဖွယ်စွမ်းရည်အမျိုးမျိုးကို ပေးထားပါသည်။ သတ္တဝါများ၏အသိဗီဇများကို စောင့်ကြည့်ဆင်ခြင်ခြင်းက ကျွန်မတို့အတွက် ပညာအရင်းအမြစ် ဖြစ်စေနိုင်ပါသည်။ ပရွက်ဆိတ်များက စုဆောင်းခြင်းနှင့်စပ်လျဥ်း၍ သင်ပေးသည်၊ ရှာဖန်ယုန်များက အမှီပြုနိုင်သည့်ခိုလှုံရာ၏ တန်ဖိုးကို ပြသသည်၊…