ခြံစည်းရိုးကို ရွှေ့လိုက်ပါ
ကျေးရွာဘုန်းတော်ကြီးသည် မအိပ်နိုင်ပါ။ ဒုတိယကမ္ဘာစစ် အရှိန်ကောင်းနေစဥ်တွင် ဘုရားကျောင်းနှင့်ကပ်လျက် ခြံစည်းရိုးခတ်ထားသည့်သင်္ချိုင်းတွင် ကျဆုံးသွားသောရဲဘော်များကို မြေမြှုပ်သင်္ဂြုလ်ခွင့်မပြုနိုင်ကြောင်း အမေရိကန် စစ်သားအဖွဲ့လေးအား သူပြောခဲ့သည်။ အသင်းသားများကိုသာ သီးသန့် မြှုပ်နှံရန်အတွက် ဖြစ်သောကြောင့်ပါ။ ဤသို့ဖြင့် စစ်သားများသည် သူတို့ ချစ်ရသော သူငယ်ချင်းများကို ခြံစည်းရိုးအပြင်ဘက်တွင် မြှုပ်နှံခဲ့ကြသည်။
နောက်နေ့မနက်တွင် စစ်သားများက အုတ်ဂူများကို ရှာမတွေ့သဖြင့် "ဘာဖြစ်သွားတာလဲ။ အုတ်ဂူတွေ မရှိတော့ဘူး" ဟုသင်းအုပ်ဆရာကိုပြောရာ၊ ဆရာက "အို အဲ့ဒီမှာပဲ ရှိပါသေးတယ်" ဟုပြောသဖြင့် သူတို့တွေဝေသွားသည်။ ထိုအခါ ဆရာက "ငါငြင်းခဲ့မိလို့ စိတ်မကောင်းဖြစ်ရတယ်။ ဒါကြောင့် မနေ့ညက ထပြီး ခြံစည်းရိုးကိုရွှေ့လိုက်တာ" ဟုရှင်းပြလိုက်သည်။
ကျွန်ုပ်တို့ရှာဖွေကြည့်ပါလျှင် ဘုရားသခင်သည် ဘဝ၏စိန်ခေါ်မှုများကို အမြင်ရှုထောင့်အသစ်တစ်မျိုးဖြင့် မြင်စေပါသည်။ ၎င်းသည် ပရောဖက် ဟေရှာယက တန်ခိုးအာဏာဖြင့် အဖိနှိပ်ခံနေရသော ဣသရေလလူမျိုးများကို ပေးခဲ့သော သတင်းစကားဖြစ်သည်။ ပင်လယ်နီတွင် ကယ်တင်ပေးခဲ့သောအမှုကို…
ဉာဏ်ပညာမှ ဝမ်းမြောက်ခြင်းသို့
မြည်လာသောဖုန်းကို ကျွန်မ မဆိုင်းမတွဘဲ ချက်ချင်းကိုင်လိုက်သည်။ ဖုန်းခေါ်သူမှာ ကျွန်မတို့အသင်းတော်မိသားစုတွင် အသက်ကြီးဆုံးအသင်းသားဖြစ်ပြီး တက်တက်ကြွကြွဖြင့် အလုပ်ကြိုးစားသူ အသက်တစ်ရာနီးပါးရှိ အမျိုးသမီးဖြစ်ပါသည်။ သူမ၏အသစ်ထွက်မည့်စာအုပ်ကို အချောသတ်နေရင်း နောက်ဆုံးပိတ်စာကြောင်းကို ကူပြီးစဥ်းစားပေးရန် စာအရေးအသားနှင့်ဆိုင်သည့် မေးခွန်းအချို့ကို သူမေးသည်။ ခါတိုင်းလိုပင် ကျွန်မလည်း ချက်ခြင်းပင် သူမဘဝ၊ အလုပ်၊ ချစ်သူ၊ မိသားစုနှင့် ပတ်သက်သောမေးခွန်းများ တရစပ် ပြန်မေးလိုက်သည်။ ရှည်လျားလှ သောဘဝမှ သင်ယူခဲ့သော သူမ၏ဘဝသင်ခန်းစာများသည် ပညာ အမြော်အမြင်ဖြင့် တောက်ပနေပါသည်။ သူမက "ဖြည်းဖြည်း၊ ပုံမှန်ပဲသွားပါ"ဟု ကျွန်မကို ပြောပြီး ခဏအကြာတွင် သူမကိုယ်၌ ပုံမှန်လုပ်ရန် မေ့နေခဲ့သောအချိန်များ အကြောင်းကို သတိရပြီး နှစ်ဦးသားရယ်မောလိုက်မိသည်။ အံ့သြဖွယ် သူမ၏ဘဝဇာတ်လမ်းများက စစ်မှန်သော၀မ်းမြောက်ခြင်းများနှင့် အပြည့်ဖြစ်သည်။
ဉာဏ်ပညာသည် ပျော်ရွှင်မှုသို့ ဦးတည်သွားကြောင်း နှုတ်ကပတ်တော်မှ သွန်သင်ထားသည်။ "ဉာဏ်ပညာကို ရှာ၍ရသောသူသည် မင်္ဂလာရှိ၏" (သု…
သမ္မာကျမ်းစာကို ယုံကြည်ကိုးစားခြင်း
ကျော်ကြားသော ဧဝံဂလိတရားဟောဆရာကြီး Billy Graham (ဘီလီဂရေဟမ်) သည် သမ္မာကျမ်းစာ လုံးဝမှန်ကန်သည်ဟု လက်ခံနိုင်ရန် ကြိုးစားခဲ့ရကြောင်း တစ်ခါက ပြန်လည်ပြောပြခဲ့ဖူးသည်။ တစ်ည၌ San Bernardino (ဆန်ဘာနာ ဒီနို) တောင်ရှိ ဆိတ်ငြိမ် ရိပ်သာတွင် လရောင်အောက်ဝယ် သူတစ်ယောက်တည်း လမ်းလျှောက်နေရင်း ဒူးထောက်ချလိုက်ပြီး သူ၏သမ္မာကျမ်းစာကို သစ်ငုတ်ပေါ် တွင် တင်လိုက်ကာ "အိုအဘဘုရားသခင်၊ ဤစာအုပ်ထဲတွင် ကျွန်တော်နားမလည် သောအရာ များစွာရှိပါ၏" ဟု အထစ်ထစ်အငေါ့ငေါ့ဖြင့် ဆုတောင်းခဲ့သည်။
သူ၏ဇဝေဇဝါရှုပ်ထွေးနေမှုကို ဖွင့်ဟဝန်ခံခြင်းဖြင့် နောက်ဆုံးတွင် "အဘ၊ ကျွန်တော်သည် ဤသမ္မာကျမ်းစာကို ကိုယ်တော်၏နှုတ်တော်ထွက်အဖြစ် ယုံကြည် ခြင်းဖြင့် လက်ခံပါတော့မည်" ဟု ဝန်ခံနိုင်အောင် သန့်ရှင်းသောဝိညာဥ်တော်သည် မစလျက် လွတ်မြောက်မှုပေးခဲ့သည်ဟု ဂရေဟမ် ဆိုခဲ့သည်။ သူပြန်ထရပ်ချိန်တွင် သူ့၌မေးခွန်းများစွာ ရှိနေသေးသော်လည်း "ကျွန်တော့်စိတ်ထဲရှိ ဝိညာဥ်ရေးရာ တိုက်ပွဲကို တိုက်ခိုက်အနိုင်ရခဲ့ပြီဖြစ်ကြောင်း…
အရင်ဆုံး ခွင့်လွှတ်
ကျွန်မတို့အချင်းချင်း ကိုယ့်ကိုကိုယ် ‘ခရစ်တော်၌ညီအစ်မ’ဟုခေါ်ကြသော်လည်း ကျွန်မ၏လူဖြူသူငယ်ချင်းနှင့် ကျွန်မတို့သည် ရန်သူသဖွယ် စတင်ပြုမူကြသည်။ တစ်မနက်တွင် မနက်ခင်းကော်ဖီသောက်ရင်း ကျွန်မတို့၏ကွဲပြားသည့် လူမျိုးရေး အမြင်နှင့်ပတ်သက်ပြီး မညှာမတာငြင်းခုံစကားများကြသည်။ ထို့နောက် ကျွန်မတို့ လမ်းခွဲကြပြီး နောက်ထပ်သူနှင့် မျက်နှာချင်းမဆိုင်တော့ဟု စိတ်ဆုံးဖြတ်လိုက် သည်။ သို့သော် တစ်နှစ်ကြာပြီးနောက် ကျွန်မတို့နှစ်ဦးကို သာသနာလုပ်ငန်း တစ်ခုက အလုပ်ခန့်ကာ ဌာနတစ်ခုတည်း၌ အလုပ်လုပ်ကြရသဖြင့် မပတ်သက်ဘဲ နေ၍မရတော့ပါ။ ပထမ၌ ရှိုးတိုးရှိုးတန်းနှင့် ပဋိပက္ခအကြောင်းများပြောဖြစ်သည်။ ထို့နောက် အချိန်ကြာလာသည်နှင့်အမျှ တစ်ဦးနှင့်တစ်ဦး အပြန်အလှန်တောင်းပန် နိုင်အောင်၊ နာကျင်မှုကိုကုစားပေးလျက် သာသနာလုပ်ငန်းတွင် အကောင်းဆုံး အစေခံနိုင်အောင် ဘုရားသခင် မစခဲ့သည်။
ဘုရားသခင်သည် ဧသောနှင့်သူ၏အမွှာညီအစ်ကို ယာကုပ်တို့၏ ခါးသီး သည့် ကွဲကွာမှုကိုလည်းကုစားပေးခဲ့သည်။ တစ်ချိန်က အကြံသမားယာကုပ်သည် အဘ၏ကောင်းချီးကို ဧသောထံမှလုယူခဲ့သည်။ သို့သော် နှစ်ပေါင်း ၂၀ အကြာ တွင် ဘုရားသခင်က…
ရှင်ယေရှုအတွက် ဖူးပွင့်ခြင်း
ကျူးလစ်ပန်းများနှင့်ပတ်သက်ပြီး ကျွန်မရိုးသားမှုမရှိခဲ့ပါ။ Amsterdam (အမ်စတာဒမ်)သို့ သွားရောက်လည်ပတ်ပြီး အမေရိကန်သို့အပြန် သမီးငယ်နှင့် အတူပါလာသော လက်ဆောင်မှာ ကျူးလစ်ပန်းဥအထုပ်ဖြစ်သည်။ ကျွန်မလည်း သမီးနှင့်ပြန်လည်ဆုံစည်းရ၍ ဝမ်းသာရသကဲ့သို့ လက်ဆောင်အတွက် အလွန် စိတ်လှုပ်ရှားဝမ်းသာဟန် ရှိုးပြလက်ခံခဲ့သည်။ သို့သော် ကျူးလစ်ပန်းကို ကျွန်မ မကြိုက်ပါ။ စောစောပွင့်ပြီး ခဏလေးနှင့် နွမ်းသွားသောပန်း ဖြစ်သည်။ ဇူလိုင်လအတွင်း ရာသီဥတု ပူလွန်းသဖြင့် စိုက်ပျိုးရန်အဆင်မပြေပါ။
သို့သော် နောက်ဆုံး၌ စက်တင်ဘာနှောင်းပိုင်းမှ သမီးအကြောင်းတွေးရင်း သမီး၏ပန်းဥများကို မေတ္တာနှင့် စိုက်ပျိုးခဲ့သည်။ ကျောက်ပေါသည့်မြေမျိုးဖြစ်၍ ပန်းဥလေးများအတွက် ကျွန်မစိုးရိမ်စိတ်ဖြစ်လာသည်။ ပန်းဥများ စိုက်ထားသည့် မြေကို ပုတ်လိုက်ပြီး နွေဦးရာသီတွင် ကျူးလစ်များပွင့်လာမည်ကို မျှော်လင့်ရင်း "ကောင်းကောင်းအိပ်တော့" ဟု မေတ္တာပို့လိုက်သည်။
ကျွန်မတို့ တစ်ဦးနှင့်တစ်ဦး "မနှစ်သက်" ငြားလည်း အချင်းချင်းချစ်ကြရန် ဘုရားသခင် ကျွန်မတို့ကို ရွေးခေါ်တော်မူကြောင်း ကျွန်မ၏ပန်းစိုက်အစီအစဥ် လေးက သတိပေးလာသည်။…
သန့်ရှင်းရေးနည်းလမ်း
ကလေးနှစ်ဦးသည် Happy Birthday သီချင်းကို တစ်ယောက်နှစ်ခေါက်စီဆိုပြီး လက်ဆေးကြသည်။ "ထိုအချိန်လောက်ထိဆေးမှ သာလျှင် ရောဂါပိုးမွှားများကို ဖယ်ရှားနိုင်မည်" ဟုသူတို့၏မိခင်က ပြောပြထားသည်။ ကိုဗစ်-၁၉ ကပ်ဆိုးကြီး မတိုင်မီကပင် မည်ကဲ့သို့ လက်ဆေးရမည်ကို သူတို့ သင်ယူပြီးသားဖြစ်သည်။
အရာရာကို သန့်ရှင်းအောင်ထားရခြင်းက ငြီးငွေ့ဖွယ်ဖြစ်ကြောင်း ကပ်ရောဂါ ကျသည့်ကာလတွင် ကျွန်ုပ်တို့သိခဲ့ရလည်း အပြစ်များကိုဆေးကြောတိုက်ချွတ်ခြင်း သည် ဘုရားသခင်ထံသို့ ပြန်လည်ဦးတည်လျှောက်လှမ်းခြင်း အဓိပ္ပာယ် ဖြစ်သည်။
ရောမအင်ပါယာ အရပ်ရပ်သို့ ကွဲပြန့်သွားသော ယေရှုကိုယုံကြည်သူများအား ဘုရားထံဦးလှည့်ပြန်လာကြရန် ရှင်ယာကုပ် နှိုးဆော်ခဲ့သည်။ ငြင်းခုံမှုနှင့် တိုက်ခိုက်မှုများ ဝိုင်းရံလျက်၊ တစ်ဦးတည်း ထင်ပေါ်ကျော်ကြားလိုခြင်း၊ စည်းစိမ်၊ လောက ပျော်ပါးမှု၊ ငွေကြေးနောက်လိုက်ခြင်း၊ အသိအမှတ်ပြုခံလိုခြင်းတို့က သူတို့ကို ဘုရား ရှင်၏ရန်သူအဖြစ်သို့ တွန်းပို့နေသည်။ ထို့ကြောင့် "ဘုရားသခင်၏အလိုတော်သို့လိုက်ကြလော့။ မာရ်နတ်ကို ဆီးတားကြလော့။ သို့ပြုလျှင် သင်တို့ထံက ထွက်ပြေး သွားလိမ့်မည်။…
ဘုရားသခင်သည် သင့်အတွက် တိုက်ခိုက်ပေးမည်
နာမည်ကျော် Charge of the Light Brigade (အလင်းရောင်တပ်မဟာ၏ တစ်ဟုန်ထိုးတိုက်ခိုက်ခြင်း) တိုက်ပွဲအတွင်း ဗြိတိသျှစစ်သည်များကို စစ်မြေပြင်သို့ ပို့ဆောင်ပေးသော စစ်မြင်း ၁၁၂ ကောင် အနက် ဒဏ်ရာရသွားသည့်မြင်းကို ဒရမ်မာ ဘွိုင်း (ဒရမ်သမားလေး) ဟု အမည်မှည့်ခေါ်သည်။ အဆိုပါမြင်း၏ရဲရင့်မှု၊ သက်လုံ ကောင်းမှုကြောင့် ၎င်းကို စီးနင်းသည့် ဗိုလ်မှူးချုပ် Colonel de Salis (ကိုလိုနယ်ဒီ စာလစ်)က ရဲစွမ်းသတ္တိရှိသောစစ်သည်များနှင့်အတူ သူ့မြင်းလည်း ဆုတံဆိပ်နှင့်ထိုက်တန်ကြောင်း ဆုံးဖြတ်ခဲ့သည်။ ရန်သူတပ်များနှင့် တိုက်ခိုက်ရှုံးနိမ့်သွားသည့်တိုင် မြင်းတပ်၏ရဲစွမ်းသတ္တိကို သူတို့၏မြင်းများနှင့်အတူ ဗြိတိသျှတပ်မတော်၏ အကြီးမြတ်ဆုံးသောဂုဏ်ပြုပွဲအဖြစ် ယနေ့ထိတိုင်ကျင်းပဆဲဖြစ်သည်။
ဤတိုက်ပွဲက "စစ်တိုက်ရာကာလဖို့ မြင်းများကိုပြင်ဆင်သော်လည်း ထာဝရ ဘုရား၏ကျေးဇူးတော်ကြောင့် ချမ်းသာရာရပါ၏" (သု ၂၁:၃၁) ဟု ဓမ္မဟောင်းကျမ်းမှ သုတ္တံစကား၏အမြော်အမြင်ကို ဖော်ပြနေ၏။ ဤသဘောတရားကို ကျမ်းစာက ရှင်းလင်းစွာ အတည်ပြုပေး၏။…
သင့်နာမည်ကို ဘုရားရှင်သိသည်
နှစ်ရှည်လများတက်ရောက်ခဲ့သည့် ဘုရားရှိခိုကျောင်းနှင့် ခွဲခွာခဲ့ပြီးနောက် ၃ နှစ် အကြာတွင် ကျွန်မတို့ဇနီးမောင်နှံသည် မိတ်သဟာယအဖွဲ့နှင့် ပြန်လည် ဆုံဆည်း ခဲ့သည်။ "ကျွန်မတို့ကို လူတွေဘယ်လိုပုံနဲ့ ဆက်ဆံကြမလဲ။ ကျွန်မတို့ကို ပျူပျူငှာငှာ ကြိုဆိုကြပါမည်လား။ ချစ်ကြပါ့မလား။ ထွက်ခွာသွားတဲ့အတွက် ကျွန်မတို့ကို ခွင့်လွှတ်ပါ့မလား။" ထိုမေးခွန်းများ၏အဖြေကို နေသာသော တနင်္ဂနွေမနက်ခင်း တွင် ရရှိခဲ့သည်။ ဘုရားကျောင်း၏တံခါးမကြီးမှ ဖြတ်လျှောက်ဝင်လာစဥ် "Pat! Dan! တွေ့ရတာ အရမ်းဝမ်းသာတာပဲ" ဟု ကျွန်မတို့ နာမည်ကိုခေါ်ပြီး နှုတ်ခွန်း ဆက်ခြင်းကို ဆက်တိုက်ကြားနေရသည်။ ကလေးစာပေရေးသူ Kate DiCamillo ၏ နာမည်ကျော်စာအုပ်တစ်အုပ်တွင် ရေးသားထားသကဲ့သို့ "စာဖတ်သူတို့၊ ဝမ်းနည်းဖွယ်ကောင်းသည့်ကမ္ဘာတွင် သင်ချစ်ခင်ရသူတစ်ဦးက သင့်နာမည်ကို ခေါ်လိုက်သည့်အသံထက် ချိုမြိန်သောအရာ အခြားမရှိပါ။"
ထိုအချက်က ဣသရေလလူမျိုးများအတွက် မှန်ကန်ပါသည်။ ကျွန်မတို့က အခြေအနေအရ အသင်းတော်တစ်ခုပြီးတစ်ခုကို ရွေးချယ်ခဲ့ခြင်းဖြစ်သော်လည်း သူတို့ကတော့ ဘုရားကို…
ရဲရင့်သောအချစ်
ရေတပ်တရားဟောဆရာလေးဉီးတို့သည် “သူရဲကောင်း”စာရင်းမဝင်ခဲ့ပါ။ သို့သော် ၁၉၄၃ ခုနှစ် ဒုတိယကမ္ဘာစစ်အတွင်း အေးခဲလှသည့် ဖေဖော်ဝါရီည တစ်ညတွင် ဂရင်းလန်း ကမ်းရိုးတန်း၌ စစ်သည်ပို့ဆောင်ရေးသင်္ဘော The SS Dorchester သည် ရေငုတ်သင်္ဘော၏တိုက်ခိုက်မှုခံရသောကြောင့် ထိတ်လန့်နေသော ရာနှင့် ချီသည့် စစ်သည်များ ငြိမ်သက်အောင် ၎င်းတို့လေးဦး အစွမ်းကုန်ကြိုးစားခဲ့ကြသည်။ သင်္ဘောက တစ်စစနှစ်မြှုပ်လျက် ဒဏ်ရာရ စစ်သည်တို့ကလည်း ပြည့်ကြပ်နေသည့် အသက်ကယ်လှေပေါ် အလုအယက် ခုန်တက်ကြသည်။ ဆရာလေးဉီးတို့သည် "ရဲရင့်ခြင်းတရား"ကို ဟောလျက် ဆူညံရှုပ်ထွေးနေသည့် မြင်ကွင်းကို ငြိမ်သက်စေ ခဲ့ကြောင်း အသက်ရှင်ကျန်သူတစ်ဉီးက ပြောပြသည်။
အသက်ကယ် အင်္ကျီများကုန်သွားသောအခါ သူတို့၏အင်္ကျီကို ချွတ်ပြီး ကြောက်ရွံ့နေသော လူငယ်တစ်ဉီးကို ပေးခဲ့သည်။ အခြားသူတို့ အသက်ရှင်နိုင်ရေး သင်္ဘောနှင့်အတူ နှစ်မြှုပ်ခံလိုက်ရန် သူတို့ စိတ်ပိုင်းဖြတ်ထားကြသည်။ "ကောင်းကင်ဘုံရဲ့ ဒီဘက်ခြမ်းမှာ တွေ့ရဖို့ မျှော်လင့်မိတဲ့ (သို့) တွေ့ခဲ့ရတဲ့…
လုံခြုံစွာ ဆိုက်ရောက်သည်
ပါပွားနယူးဂီနီကျွန်းနိုင်ငံလေးတွင် Kandas လူမျိုးစုသည် သူတို့မိခင်ဘာသာစကားဖြင့် ပုံနှိပ်ထားသည့် ဓမ္မသစ်ကျမ်းစာရောက်လာတော့မည်ကို စိတ်လှုပ်ရှားစွာ စောင့်မျှော်ခဲ့ကြသည်။ သို့သော် ရွာသို့ရောက်ရန်အရေး ကျမ်းစာအုပ် သယ်လာသူ များသည် လှေငယ်လေးများဖြင့် သမုဒ္ဒရာကို ဖြတ်ကျော်ခရီးနှင်ခဲ့ကြရသည်။
ကြီးမားကျယ်ပြောသောသမုဒ္ဒရာ၌ ခရီးနှင်ဖို့ရာ အဘယ်အရာက သူတို့ကို ရဲစွမ်းသတ္တိပေးခဲ့ပါသနည်း။ ၎င်းတို့၏ ပင်လယ်ရေကြောင်း ကျွမ်းကျင်မှုကြောင့် လား။ မှန်ပါသည်။ သို့သော် ပင်လယ်ကို မည်သူဖန်ဆင်းသည်ကိုလည်း သူတို့ သိသည်။ ထိုသူသည် လှိုင်းတံပိုးထန်ပြီး အခက်အခဲဆုံးသော ဘဝပင်လယ် တစ်လျှောက်တွင် ကျွန်ုပ်တို့တစ်ဦးချင်းစီတိုင်းကို လမ်းပြပေးနေသူဖြစ်သည်။
"ဝိညာဉ်တော်နှင့် လွတ်ခြင်းအလိုငှာ အဘယ်အရပ်သို့ သွားနိုင်မည်နည်း" (ဆာ ၁၃၉:၇)ဟု ဒါဝိဒ်ရေးသကဲ့သို့ "ကောင်းကင်သို့တက်လျှင် ကိုယ်တော် ရှိတော် မူ၏။ ... သမုဒ္ဒရာစွန်း၌နေလျှင် ထိုအရပ်၌ပင်ကိုယ်တော်၏လက်သည် အကျွန်ုပ် ကို ပို့ဆောင်လျက်၊ လက်ယာလက်တော်သည် ကိုင်လျက်ရှိပါလိမ့်မည်" (:၈-၁၀)။ဤကျမ်းချက်သည် အပူပိုင်းကမ်းရိုးတန်း၊ အမြဲစိမ်းသစ်တောနှင့်…