ဘုရားသခင်သည် သင့်အတွက် တိုက်ခိုက်ပေးမည်
နာမည်ကျော် Charge of the Light Brigade (အလင်းရောင်တပ်မဟာ၏ တစ်ဟုန်ထိုးတိုက်ခိုက်ခြင်း) တိုက်ပွဲအတွင်း ဗြိတိသျှစစ်သည်များကို စစ်မြေပြင်သို့ ပို့ဆောင်ပေးသော စစ်မြင်း ၁၁၂ ကောင် အနက် ဒဏ်ရာရသွားသည့်မြင်းကို ဒရမ်မာ ဘွိုင်း (ဒရမ်သမားလေး) ဟု အမည်မှည့်ခေါ်သည်။ အဆိုပါမြင်း၏ရဲရင့်မှု၊ သက်လုံ ကောင်းမှုကြောင့် ၎င်းကို စီးနင်းသည့် ဗိုလ်မှူးချုပ် Colonel de Salis (ကိုလိုနယ်ဒီ စာလစ်)က ရဲစွမ်းသတ္တိရှိသောစစ်သည်များနှင့်အတူ သူ့မြင်းလည်း ဆုတံဆိပ်နှင့်ထိုက်တန်ကြောင်း ဆုံးဖြတ်ခဲ့သည်။ ရန်သူတပ်များနှင့် တိုက်ခိုက်ရှုံးနိမ့်သွားသည့်တိုင် မြင်းတပ်၏ရဲစွမ်းသတ္တိကို သူတို့၏မြင်းများနှင့်အတူ ဗြိတိသျှတပ်မတော်၏ အကြီးမြတ်ဆုံးသောဂုဏ်ပြုပွဲအဖြစ် ယနေ့ထိတိုင်ကျင်းပဆဲဖြစ်သည်။
ဤတိုက်ပွဲက "စစ်တိုက်ရာကာလဖို့ မြင်းများကိုပြင်ဆင်သော်လည်း ထာဝရ ဘုရား၏ကျေးဇူးတော်ကြောင့် ချမ်းသာရာရပါ၏" (သု ၂၁:၃၁) ဟု ဓမ္မဟောင်းကျမ်းမှ သုတ္တံစကား၏အမြော်အမြင်ကို ဖော်ပြနေ၏။ ဤသဘောတရားကို ကျမ်းစာက ရှင်းလင်းစွာ အတည်ပြုပေး၏။…
သင့်နာမည်ကို ဘုရားရှင်သိသည်
နှစ်ရှည်လများတက်ရောက်ခဲ့သည့် ဘုရားရှိခိုကျောင်းနှင့် ခွဲခွာခဲ့ပြီးနောက် ၃ နှစ် အကြာတွင် ကျွန်မတို့ဇနီးမောင်နှံသည် မိတ်သဟာယအဖွဲ့နှင့် ပြန်လည် ဆုံဆည်း ခဲ့သည်။ "ကျွန်မတို့ကို လူတွေဘယ်လိုပုံနဲ့ ဆက်ဆံကြမလဲ။ ကျွန်မတို့ကို ပျူပျူငှာငှာ ကြိုဆိုကြပါမည်လား။ ချစ်ကြပါ့မလား။ ထွက်ခွာသွားတဲ့အတွက် ကျွန်မတို့ကို ခွင့်လွှတ်ပါ့မလား။" ထိုမေးခွန်းများ၏အဖြေကို နေသာသော တနင်္ဂနွေမနက်ခင်း တွင် ရရှိခဲ့သည်။ ဘုရားကျောင်း၏တံခါးမကြီးမှ ဖြတ်လျှောက်ဝင်လာစဥ် "Pat! Dan! တွေ့ရတာ အရမ်းဝမ်းသာတာပဲ" ဟု ကျွန်မတို့ နာမည်ကိုခေါ်ပြီး နှုတ်ခွန်း ဆက်ခြင်းကို ဆက်တိုက်ကြားနေရသည်။ ကလေးစာပေရေးသူ Kate DiCamillo ၏ နာမည်ကျော်စာအုပ်တစ်အုပ်တွင် ရေးသားထားသကဲ့သို့ "စာဖတ်သူတို့၊ ဝမ်းနည်းဖွယ်ကောင်းသည့်ကမ္ဘာတွင် သင်ချစ်ခင်ရသူတစ်ဦးက သင့်နာမည်ကို ခေါ်လိုက်သည့်အသံထက် ချိုမြိန်သောအရာ အခြားမရှိပါ။"
ထိုအချက်က ဣသရေလလူမျိုးများအတွက် မှန်ကန်ပါသည်။ ကျွန်မတို့က အခြေအနေအရ အသင်းတော်တစ်ခုပြီးတစ်ခုကို ရွေးချယ်ခဲ့ခြင်းဖြစ်သော်လည်း သူတို့ကတော့ ဘုရားကို…
ရဲရင့်သောအချစ်
ရေတပ်တရားဟောဆရာလေးဉီးတို့သည် “သူရဲကောင်း”စာရင်းမဝင်ခဲ့ပါ။ သို့သော် ၁၉၄၃ ခုနှစ် ဒုတိယကမ္ဘာစစ်အတွင်း အေးခဲလှသည့် ဖေဖော်ဝါရီည တစ်ညတွင် ဂရင်းလန်း ကမ်းရိုးတန်း၌ စစ်သည်ပို့ဆောင်ရေးသင်္ဘော The SS Dorchester သည် ရေငုတ်သင်္ဘော၏တိုက်ခိုက်မှုခံရသောကြောင့် ထိတ်လန့်နေသော ရာနှင့် ချီသည့် စစ်သည်များ ငြိမ်သက်အောင် ၎င်းတို့လေးဦး အစွမ်းကုန်ကြိုးစားခဲ့ကြသည်။ သင်္ဘောက တစ်စစနှစ်မြှုပ်လျက် ဒဏ်ရာရ စစ်သည်တို့ကလည်း ပြည့်ကြပ်နေသည့် အသက်ကယ်လှေပေါ် အလုအယက် ခုန်တက်ကြသည်။ ဆရာလေးဉီးတို့သည် "ရဲရင့်ခြင်းတရား"ကို ဟောလျက် ဆူညံရှုပ်ထွေးနေသည့် မြင်ကွင်းကို ငြိမ်သက်စေ ခဲ့ကြောင်း အသက်ရှင်ကျန်သူတစ်ဉီးက ပြောပြသည်။
အသက်ကယ် အင်္ကျီများကုန်သွားသောအခါ သူတို့၏အင်္ကျီကို ချွတ်ပြီး ကြောက်ရွံ့နေသော လူငယ်တစ်ဉီးကို ပေးခဲ့သည်။ အခြားသူတို့ အသက်ရှင်နိုင်ရေး သင်္ဘောနှင့်အတူ နှစ်မြှုပ်ခံလိုက်ရန် သူတို့ စိတ်ပိုင်းဖြတ်ထားကြသည်။ "ကောင်းကင်ဘုံရဲ့ ဒီဘက်ခြမ်းမှာ တွေ့ရဖို့ မျှော်လင့်မိတဲ့ (သို့) တွေ့ခဲ့ရတဲ့…
လုံခြုံစွာ ဆိုက်ရောက်သည်
ပါပွားနယူးဂီနီကျွန်းနိုင်ငံလေးတွင် Kandas လူမျိုးစုသည် သူတို့မိခင်ဘာသာစကားဖြင့် ပုံနှိပ်ထားသည့် ဓမ္မသစ်ကျမ်းစာရောက်လာတော့မည်ကို စိတ်လှုပ်ရှားစွာ စောင့်မျှော်ခဲ့ကြသည်။ သို့သော် ရွာသို့ရောက်ရန်အရေး ကျမ်းစာအုပ် သယ်လာသူ များသည် လှေငယ်လေးများဖြင့် သမုဒ္ဒရာကို ဖြတ်ကျော်ခရီးနှင်ခဲ့ကြရသည်။
ကြီးမားကျယ်ပြောသောသမုဒ္ဒရာ၌ ခရီးနှင်ဖို့ရာ အဘယ်အရာက သူတို့ကို ရဲစွမ်းသတ္တိပေးခဲ့ပါသနည်း။ ၎င်းတို့၏ ပင်လယ်ရေကြောင်း ကျွမ်းကျင်မှုကြောင့် လား။ မှန်ပါသည်။ သို့သော် ပင်လယ်ကို မည်သူဖန်ဆင်းသည်ကိုလည်း သူတို့ သိသည်။ ထိုသူသည် လှိုင်းတံပိုးထန်ပြီး အခက်အခဲဆုံးသော ဘဝပင်လယ် တစ်လျှောက်တွင် ကျွန်ုပ်တို့တစ်ဦးချင်းစီတိုင်းကို လမ်းပြပေးနေသူဖြစ်သည်။
"ဝိညာဉ်တော်နှင့် လွတ်ခြင်းအလိုငှာ အဘယ်အရပ်သို့ သွားနိုင်မည်နည်း" (ဆာ ၁၃၉:၇)ဟု ဒါဝိဒ်ရေးသကဲ့သို့ "ကောင်းကင်သို့တက်လျှင် ကိုယ်တော် ရှိတော် မူ၏။ ... သမုဒ္ဒရာစွန်း၌နေလျှင် ထိုအရပ်၌ပင်ကိုယ်တော်၏လက်သည် အကျွန်ုပ် ကို ပို့ဆောင်လျက်၊ လက်ယာလက်တော်သည် ကိုင်လျက်ရှိပါလိမ့်မည်" (:၈-၁၀)။ဤကျမ်းချက်သည် အပူပိုင်းကမ်းရိုးတန်း၊ အမြဲစိမ်းသစ်တောနှင့်…
ဘုရားသခင်နှင့်အတူ ပို၍ကောင်းမွန်စေခြင်း
ကျွန်မ၏မြေးမလေးသည် သူမ၏ကောလိပ်ဘော်လီဘောအသင်းမှ အောင်ပွဲရ သဘောတရားတစ်ခုကို သင်ယူခဲ့မိသည်။ ဘောလုံး သူထံရောက်လာလျှင် မည်သို့ ပင် ဖြစ်နေပါစေ၊ သူမသည် "ဘောလုံးကို သာ၍ကောင်းစွာ ထိန်းကစားနိုင်" သည်။ အမျက်ထွက်ခြင်း၊ အပြစ်တင်ခြင်း၊ ဆင်ခြေပေးခြင်းမပြုဘဲ သူ့အသင်းသားများ အတွက် ပိုမိုကောင်းမွန်သော ကစားပွဲအနေအထားနှင့် ကစားကွက်ကို ဖန်တီး နိုင်သည်။ လက်ရှိအခြေအနေထက်ပို ကောင်းမွန်စေရန် အမြဲလုပ်ဆောင်သည်။
ဒံယေလနှင့်သူ၏ ဟေဗြဲလူမျိုး သူငယ်ချင်း ၃ ဦးတို့အား ဗာဗုလုန်ရှင်ဘုရင် နေဗုခဒ်နေဇာ က ဖမ်းဆီးခေါ်ဆောင်သွားသည့်အခါ ဒံယေလသည် အထက်ပါ အတိုင်း တုံ့ပြန်ခဲ့သည်။ သူတို့၏အမည်ကိုပြောင်းပြီး ဒိဠိနာမည်ပေးခံခဲ့ရကာ ရန်သူ၏နန်းတော်၌ "၃ နှစ်တာ ပညာဆည်းပူးရန်" အမိန့်ကျလာသော်လည်း ဒံယေလ အမျက်မထွက်ခဲ့ပါ။ သို့သော် ဘုရားသခင်၏ရှေ့မှောက်၌ သူ့ကိုယ်ကို မညစ်ညူးစေရန် ရှင်ဘုရင်၏ပွဲတော်မှအစာနှင့် စပျစ်ရည်ကို မစားသောက်ရန် ခွင့်တောင်းခဲ့သည်။ ဤစိတ်ဝင်စားဖွယ် သမ္မာကျမ်းစာဖြစ်ရပ်တွင်…
ချီးမွမ်းခြင်း၌ ဝမ်းမြောက်ခြင်းကို ရှာဖွေတွေ့ရခြင်း
ဗြိတိန်နာမည်ကျော်စာရေးဆရာ စီအက်စ်လူးဝစ် (C. S. Lewis)သည် သခင် ယေရှုထံ သူ့အသက်တာကို စတင်ဆက်ကပ်ချိန် အစပိုင်းတွင် ဘုရားသခင်ကို ချီးမွမ်းရန် သူငြင်းဆန်ခဲ့ပြီး၊ ချီးမွမ်းခြင်းကို "အနှောင့်အယှက်တစ်ခု" ဟုပင် ခေါ်ခဲ့ သည်။ "ဘုရားသခင်ကိုယ်တိုင်က သူ့အား ချီးမွမ်းရန် တောင်းဆိုသည်" ဆိုသည့် အချက်ကို သူလက်မခံနိုင်ခဲ့ပါ။ သို့သော် "လူတို့၏ဝတ်ပြုကိုးကွယ်မှုကို ခံယူရင်းမှ ဘုရားသခင်သည် သူ၏အတူရှိခြင်းမျက်မှောက်တော်ကို လူတို့ထံ ဆက်သွယ်ပြသ သည်" ဆိုသည့်အချက်ကို အဆုံး၌ လူးဝစ် သဘောပေါက် နားလည်ခဲ့သည်။ ထို့နောက် "မှန်တစ်ချပ်က ၎င်းဖြာထွက်သည့် တောက်ပမှု အလင်းကို ၎င်းကိုယ်တိုင် ပြန်လည်လက်ခံရရှိသကဲ့သို့" ကျွန်ုပ်တို့သည်လည်း "ဘုရားသခင်နှင့်စုံလင်သော ချစ်ကျွမ်းဝင်ရင်းနှီးမှုအားဖြင့် ဝမ်းမြောက်ခြင်းကို ရှာဖွေတွေ့ရှိပါသည်"။
ပရောဖက်ဟဗက္ကုတ်က လွန့်ခဲ့သည့်ရာစုနှစ်ပေါင်းများစွာကတည်းက ထိုအရာကို သဘောပေါက်ခဲ့သည်။ ယုဒလူမျိုးတို့ရင်ဆိုင်ရသည့် ဆိုးယုတ်မှုများ ကြောင့် ဘုရားသခင်အား စောဒကတက်ပြီးသည့်နောက် ဘုရားပြုပေးသည့်…
အမြော်အမြင်ရှိစွာ ပေါင်းမြက်ရှင်းခြင်း
ကျွန်မ၏မြေးများ နောက်ဖေးခြံထဲ ပြေးလွှားနေသည်။ ဂိမ်းကစားနေခြင်း များလား။ မဟုတ်ပါ။ ပေါင်းမြက်များ ဆွဲနုတ်နေခြင်းပါ။ မြေးအငယ်ဆုံးလေးက "အမြစ်ပါပါအောင်ဆွဲနုတ်ပစ်လိုက်တယ်" ဟုပြောပြီး ကြိုးစားမှုရလဒ် မြက်ပုံကြီး ကို ပြသည်။ ကျွန်မတို့ ပေါင်းမြက်များရှင်းသည့်ထိုနေ့၌ သူပျော်ရွှင်သည်။ ဒုက္ခပေးသောအန္တရာယ်ကို ရှင်းလင်းပစ်ခြင်းဟူသော ပေါင်းမြက်များကို အမြစ်မှ ဆွဲနုတ်ရခြင်းမှာ ပျော်စရာကောင်းလှပါသည်။ သို့သော် ဝမ်းမြောက်ပျော်ရွှင်ခြင်းမတိုင်မီ ရှင်းလင်းခြင်းလုပ်ရန် ရွေးချယ်မှုက အရင်လာပါသည်။
ရည်ရွယ်ချက်နှင့် ပေါင်းမြက်ရှင်းခြင်းက မိမိ၏အပြစ်ကို ဖယ်ရှားပစ်ခြင်း၏ ပထမအဆင့်ဖြစ်သည်။ သို့ဖြစ်၍ ဒါဝိဒ်က "အိုဘုရားသခင်၊ အကျွန်ုပ်ကို စစ်ကြော ၍ အကျွန်ုပ်၏နှလုံးကို သိမှတ်တော်မူပါ။ ... ဆိုးသောလမ်းသို့ အကျွန်ုပ်လိုက်သည် မလိုက်သည်ကို ကြည့်ရှု ... မူပါ"ဟု ဆုတောင်းခဲ့သည် (ဆာ ၁၃၉:၂၃-၂၄)။
ကျွန်ုပ်တို့၏အပြစ်များကို ဘုရားသခင် ဖော်ပြပေးရန် တောင်းခံခြင်းဖြင့် အပြစ်ကို ရှင်းလင်းခြင်းက အမြော်အမြင်ရှိသည့်နည်းလမ်း ဖြစ်သည်။…
ဘယ်တော့မှ လက်မလျော့လိုက်နဲ့
"အချိန်တွေ ကုန်တယ်။ စစ်တွေဖြစ်တယ်" ဟု ဆူဒန်နိုင်ငံ တောင်ပိုင်းဒေသရှိ ကယ်လီကိုလူမျိုးစု၏သာသနာပိုင်ကြီး ဆယ်မီနီဂို က ၎င်းတို့၏ မိခင်ဘာသာ စကားဖြင့် သမ္မာကျမ်းစာရရှိရန် သူတို့၏အသင်းတော်အနေဖြင့် ကြာမြင့်စွာ ရုန်းကန်ခဲ့ရမှုနှင့် နှောင့်နှေးမှုများကို ပြောပြသည်။ စင်စစ် ကယ်လီကို ဘာသာဖြင့် စာတစ်လုံးမျှ ပုံနှိပ်ထုတ်ဝေဖူးခြင်း မရှိခဲ့ပါ။ လွန်ခဲ့သောဆယ်စုနှစ် အစောပိုင်းတွင် ဘီးရှော့နီဂို၏အဘိုးမှ သမ္မာကျမ်းစာဘာသာပြန်ခြင်း စီမံကိန်းကို ရဲရင့်စွာ စတင်ခဲ့ သော်လည်း စစ်ပွဲနှင့်ပဋိပက္ခများက ကြိုးပမ်းမှုကို ရပ်တန့်စေခဲ့သည်။ ယူဂန်ဒါ မြောက်ပိုင်းနှင့် ကွန်ဂိုဒီမိုကရက်တစ် သမ္မတနိုင်ငံရှိ ၎င်းတို့၏ ဒုက္ခသည် စခန်းတွင် တိုက်ခိုက်မှုများ အကြိမ်ကြိမ်ရှိခဲ့သော်လည်း သာသနာပိုင်ကြီးနှင့် ယုံကြည်သူ မိတ်ဆွေများက ထိုစီမံကိန်းကို ဆက်လက်ရှင်သန်စေခဲ့သည်။
သူတို့၏ဇွဲရှိမှုက အကျိုးဖြစ်ထွန်းခဲ့ပါသည်။ နှစ်ပေါင်း ၃၀ နီးပါးနောက်တွင် ကယ်လီကိုဘာသာ ဓမ္မသစ်ကျမ်းစာအား စိတ်ဓာတ်နိုးကြားဖွယ် အခမ်းအနားဖြင့် ဒုက္ခသည်များကို ပေးဝေနိုင်ခဲ့ကြသည်။…
သီချင်းဆိုရန် သတိရပါ
အငြိမ်းစားအော်ပရာအဆိုတော် နန်စီဂတ်စတာဖ်ဆင်သည် သူ့မိခင်ထံသွားရောက်စဉ် မှတ်ဉာဏ်လျော့ပါးသွားသည့် မိခင်၏အခြေအနေကိုတွေ့လိုက်ရ၍ ယူကျုံးမရဖြစ်ခဲ့ရသည်။ သူ့ကိုလည်း မမှတ်မိ၊ စကားလည်း မပြောတော့ပါ။ လအတန်ကြာမျှ မိခင်အား ပုံမှန်သွားတွေ့ပြီးနောက် နန်စီအကြံတစ်ခုရခဲ့သည်။ တေးဂီတသံကြားလျှင် သူ့မိခင်၏မျက်လုံးများတောက်လာပြီး သီချင်းပါလိုက်ဆိုသည်။ မိနစ် ၂၀ ခန့်မျှပင် သီချင်းဆိုသည်။ ထို့နောက် ရယ်မောလျက် “တို့က ဂတ်စတာဖ်ဆင်မိသားစုအဆိုတော်တွေဟေ့” ဟု နောက်ပြောင်သည်။ ထိုအံ့သြဖွယ်ပြောင်းလဲမှုက တေးဂီတ၏အစွမ်းကိုဖော်ပြနေပြီး၊ ပျောက်ကွယ်သွားသည့် အမှတ်တရများကိုပင် ပြန်လည်နိုးဆွပေးသည်ဟု ကုထုံးပညာရှင်အချို့က သုံးသပ်ကြသည်။ ဓမ္မတေးဟောင်း”များကို သီဆိုခြင်းဖြင့် ခံစားချက်ကို မြှင့်တက်စေသည်။ မှတ်ဉာဏ်လျော့ပါးမှုကို ကျဆင်းစေသည်။ အရေးပေါ်ဌာနသို့သွားရသည့်အကြိမ်နှင့် စိတ်ငြိမ်ဆေးပေးရသည့်အကြိမ်တို့ နည်းသွားသည်။
တေးဂီတနှင့် မှတ်ဉာဏ်၏ဆက်စပ်မှုကို တိုး၍လေ့လာနေဆဲ ဖြစ်သော်လည်း၊ သမ္မာကျမ်းစာမှ ဖော်ပြချက်အရ သီချင်းဆိုခြင်းအားဖြင့် ဝမ်းမြောက်မှု ခံစားရခြင်းသည် ဘုရားသခင်ပေးသနားသော ဆုကျေးဇူးဖြစ်ပြီး၊ ၎င်းသည် အမှန်ပင် ဖြစ်သည်။ “ထာဝရဘုရားကို ချီးမွမ်းကောင်းသည်ဖြစ်၍ ချီးမွမ်းကြလော့။…
ဆုံးရှုံးသွားသည့်အရာကို ပြန်ရခြင်း
ဖုန်းအရောင်းဆိုင်၌ ငယ်ရွယ်သောသင်းအုပ်ဆရာတစ်ပါးသည် သတင်းဆိုးအတွက် သူ့ကိုယ်သူအားတင်းထားသည်။ ကျမ်းစာသင်တန်း၌ သူ၏ စမတ်ဖုန်း မတော်တဆပြုတ်ကျသွားခြင်းက လုံးဝဆုံးရှုံးသွားခြင်း မဟုတ်ပါလား။ အမှန်တွင် ထိုသို့မဟုတ်ခဲ့ပါ။ အရောင်းစာရေးမလေးက ကျမ်းစာသင်တန်း ဗီဒီယိုများ၊ ဓာတ်ပုံများအပါအဝင် သူ၏ဖုန်းမှအချက်အလက်အားလုံးကို ပြန်ရယူနိုင်ခဲ့သည်။ “ကျွန်တော်ဖျက်ထားတဲ့ပုံတွေကိုလည်း သူပြန်ယူပေးခဲ့တယ်။ ဖုန်းဆိုင်က “ပျက်သွားတဲ့ ကျွန်တော့်ဖုန်းအစား အသစ်တစ်လုံးနဲ့ အစားထိုးပေးသေးတယ်။ ဆုံးရှုံးသွားတာတွေမက အပိုတောင်ထပ်ရသေးတယ်” ဟု ဆရာက ပြောပြသည်။”
ရက်စက်လှသည့် အာမလက်လူများ၏တိုက်ခိုက်မှု ခံရပြီးနောက် ဒါဝိဒ်သည် ပြန်လည်အနိုင်ယူရန် စစ်ဆင်ရေးကို တစ်ဖန်ဦးဆောင်ခဲ့သည်။ ဖိလိတ္တိဘုရင်များ၏ပစ်ပယ်မှုကိုခံရပြီးနောက် သူတို့၏ဇိကလက်မြို့ကို အာမလက်လူများက အငိုက်ဖမ်း ဝင်တိုက်ပြီးမီးရှို့ကာ သူတို့၏ဇနီးနှင့်သားသမီးများအပါအဝင် “မိန်းမ အကြီးအငယ်… ရှိသမျှတို့ကို သိမ်းသွားနှင့်”ကြကြောင်း ဒါဝိဒ်နှင့်သူ့စစ်တပ်တို့ တွေ့လိုက်ရသည်(၁ ရာ ၃၀:၂-၃)။ သို့ဖြစ်၍ ဒါဝိဒ်နှင့်သူ့လူများသည် “ငိုသံကိုလွှင့်၍ အားကုန်သည်တိုင်အောင် ငိုကြွေးကြ၏” (:၄)။ စစ်သားများ သည် သူတို့၏ခေါင်းဆောင်ဒါဝိဒ်ကို…