ဘုရားသခင်၏ ကြီးမားသောတန်ခိုးတော်
Hurricane (ဟာရီကိန်း) မုန်တိုင်းကြောင့် အမေရိကန်နိုင်ငံရှိ ကြီးမားသော မစ္စစ္စပီမြစ်၏ရေစီးကြောင်း ပြောင်းလဲသွားခြင်းက မယုံကြည်နိုင်စရာပင်။ ၂၀၂၁ ခုနှစ်၊ ဩဂုတ်လတွင် လူဝီစီယားနားကမ်းရိုးတန်းသို့ ဟာရီကိန်းအိုင်ဒါ (Ida) တိုက်ခိုက်ခဲ့ပြီး၊ အံ့ဩဖွယ်ရာဖြစ်ရပ်မှာ “ပြောင်းပြန်ရေစီးဆင်းခြင်း” ဖြစ်ပေါ်ကာ၊ ရေသည် မြစ်ကြောင်းအထက်သို့ဆန်လျက် နာရီပေါင်းများစွာ စီးဆင်းနေခဲ့သည်။
ဟာရီကိန်းမုန်တိုင်းတစ်ခုသည် ၎င်း၏သက်တမ်းတစ်လျှောက်တွင် နျူကလီးယားဗုံးပေါင်း တစ်သောင်းနှင့်ညီမျှသော စွမ်းအင်ထွက်နိုင်သည်ဟု ကျွမ်းကျင်သူများက ခန့်မှန်းကြသည်။ စီးဆင်းနေသောရေစီးကြောင်းကို ပြောင်းလဲစေနိုင်သည့် မယုံနိုင်စရာ ဤစွမ်းအားက ထွက်မြောက်ရာကျမ်းတွင် မှတ်တမ်းတင်ထားသော သာ၍ထူးခြားသည့် “ပြောင်းပြန်ရေစီးဆင်းမှု”အပေါ် ဣသရေလလူမျိုးများ၏တုံ့ပြန်မှုကို ကျွန်ုပ်အား နားလည်စေပါသည်။
ဣသရေလလူမျိုးများသည် ရာစုနှစ်များစွာ သူတို့ကျွန်ခံခဲ့ရသည့် အဲဂုတ္ထုလူမျိုးများထံမှ ထွက်ပြေးလာပြီးနောက်၊ ပင်လယ်နီအနီးသို့ ရောက်လာခဲ့ကြသည်။ သူတို့အရှေ့တွင် ကျယ်ပြောလှသော ရေပြင်ကြီးရှိပြီး၊ အနောက်တွင် စစ်ဝတ်တန်ဆာ အပြည့်အစုံနှင့် အဲဂုတ္ထု စစ်တပ်ကြီးရှိသည်။ လုံးဝမဖြစ်နိုင်ဟုထင်ရသောအခြေအနေတွင် “ထာဝရဘုရားသည် တစ်ညလုံး၌ အားကြီးသောအရှေ့လေအားဖြင့် ပင်လယ်ရေကို…
ယုံကြည်ခြင်းသည် ကြားနာခြင်းအားဖြင့် ဖြစ်၏
သင်းအုပ်ဆရာ Bob (ဘော့ဘ်)သည် ထိခိုက်မှုဒဏ်ရာကြောင့် သူ့အသံပျောက်သွားသောအခါ၊ သူသည် (၁၅) နှစ်ကြာမျှ အခက်အခဲနှင့် စိတ်ဓာတ်ကျမှုနှင့် ရင်ဆိုင်ခဲ့ရသည်။ စကားမပြောနိုင်သော သင်းအုပ်ဆရာတစ်ယောက်သည် ဘာလုပ်ရမည်နည်း ဟူသော မေးခွန်းနှင့်ရုန်းကန်ခဲ့ရပြီး သူ၏ဝမ်းနည်းမှုနှင့် စိတ်ရှုပ်ထွေးမှုများကို ဘုရားသခင်ထံ ပုံအပ်ခဲ့သည်။ “လုပ်ရမည့်အရာတစ်ခုကို ငါသိတယ်၊ ဘုရားသခင်ရဲ့ နှုတ်ကပတ်တော်နောက် လိုက်လျှောက်ဖို့ပဲ” ဟု သူပြန်ပြောင်းပြောပြသည်။ သမ္မာကျမ်းစာကို ဖတ်ရှုခြင်းဖြင့် အချိန်ကုန်စေသည်နှင့်အမျှ ဘုရားရှင်အပေါ် သူ၏ချစ်ခြင်းလည်း တိုးပွားလာသည်။ “အသက်တာတစ်ခုလုံးကို သမ္မာကျမ်းစာမှာပဲ စွဲမြဲနှစ်မြှုပ်ထားခဲ့တယ်။ ဘာကြောင့်လဲဆိုတော့ ယုံကြည်ခြင်းဟာ ဘုရားသခင်ရဲ့ နှုတ်ကပတ်တော်ကို ကြားနာခြင်းကပဲ လာတာမို့ပါ” ဟု သူဆိုသည်။
ရောမမြို့သို့ပေးပို့သော တမန်တော် ရှင်ပေါလု၏စာတွင် “ယုံကြည်ခြင်းသည် ကြားနာခြင်းအားဖြင့်ဖြစ်၏” ဟူသောစကားရပ်ကို တွေ့ရသည်။ သူ၏ လူမျိုးချင်းဖြစ်သော ယုဒလူမျိုးအားလုံး ခရစ်တော်ကို ယုံကြည်ပြီး ကယ်တင်ခြင်းသို့ ရောက်စေရန် ရှင်ပေါလုလိုလားခဲ့သည် (ရော…
ခြေလှမ်းတစ်လှမ်းချင်းစီ
အဖွဲ့တစ်ခုစီတွင် လူသုံးဦးစီပါဝင်သော အဖွဲ့ (၁၂) ဖွဲ့သည် ပခုံးချင်းယှဉ်ရပ်နေကြပြီး ခြေလေးချောင်းပြိုင်ပွဲအတွက် ပြင်ဆင်နေကြသည်။ ဘေးနှစ်ဘက်မှ လူတစ်ဦးစီ၏ ခြေကျင်းဝတ်နှင့်ဒူးတို့ကို ရောင်စုံအဝတ်စများဖြင့် အလယ်မှလူ၏ခြေထောက်နှင့် ချည်နှောင်ထားကာ လူသုံးဦးအဖွဲ့များသည် ပန်းတိုင်သို့သာ စူးစိုက်ကြည့်နေကြသည်။ ဝီစီစမှုတ်သောအခါ၊ ၎င်းတို့သည် ရှေ့သို့ တိုး၍တိုး၍ သွားကြသည်။ အများစုမှာ လဲကျပြီး ခြေထောက်ပြန်ထောက်နိုင်ရန် ရုန်းကန်နေရသည်။ အဖွဲ့အချို့က လမ်းလျှောက်မည့်အစား ခုန်၍သွားကြသည်။ အဖွဲ့အချို့ကမူ လက်လျှော့လိုက်ကြသည်။ သို့သော် အဖွဲ့တစ်ဖွဲ့သည် နောက်ကျမှစတင်ခဲ့ပြီး ၎င်းတို့၏အစီအစဉ်ကို အတည်ပြုပြီးမှ တစ်ဦးနှင့်တစ်ဦး ဆက်သွယ်ကာ ရှေ့သို့လှမ်းလာခဲ့သည်။ ထိုအဖွဲ့သည် လမ်းတစ်လျှောက်တွင် လဲကျခဲ့သော်လည်း ကြိုးစားလျက်၊ နောက်ဆုံး အသင်းအားလုံးကို ကျော်တက်ခဲ့သည်။ ခြေလှမ်းတစ်လှမ်းချင်းစီတွင် တစ်ဦးနှင့်တစ်ဦး ပူးပေါင်းဆောင်ရွက်လိုစိတ်က သူတို့ကို အတူတကွ ပန်းဝင်စေခဲ့သည်။
ယုံကြည်သူအသိုင်းအဝိုင်းတွင် ဘုရားသခင်အတွက် အသက်ရှင်နေထိုင်ခြင်းသည် ခြေလေးချောင်းပြေးပွဲတွင် ရှေ့သို့လှမ်းရန် ကြိုးစားသကဲ့သို့ စိတ်ပင်ပန်းမှုများဖြစ်ရပြီး၊ မိမိနှင့်…
စစ်မှန်သောဘာသာတရား
ကျွန်မ ကောလိပ်ဒုတိယနှစ်အပြီး နွေရာသီ၌ အတန်းဖော်သူငယ်ချင်းတစ်ဦး မမျှော်လင့်ပဲ ကွယ်လွန်သွားသည်။ သူ မကွယ်လွန်မီရက်အနည်းငယ်က သူ့ကို ကျွန်မတွေ့ခဲ့စဉ် သူ့အခြေအနေကောင်းပုံရပါသည်။ ကျွန်မနှင့် အတန်းဖော်များသည် ငယ်ရွယ်သူများဖြစ်ပြီး၊ ဘဝ၏အကောင်းဆုံးအချိန်ဟု ကျွန်မတို့ယူဆခဲ့သည့်အချိန်၌ ရှိနေချိန်၊ ကောလိပ်ကျောင်းသားအဖွဲ့နှင့် လူမှုရေးအသင်းအဖွဲ့အသီးသီးတွင် ကတိ ကဝတ်သစ္စာဆိုခဲ့ကြပြီး မောင်နှမများပမာ ဖြစ်လာချိန်တွင်ဖြစ်သည်။
ကျွန်မ၏အတန်းဖော် ကွယ်လွန်သွားချိန်၌ အမှတ်ရဆုံးမှာ “စင်ကြယ်သန့်ရှင်းသောသီလ” (ယာ ၁:၂၇) ဟု ရှင်ယာကုပ် ခေါ်ဆိုသည့်အရာကို ကျွန်မ၏ သဟာယစိတ်ဓါတ်ရှိသောသူငယ်ချင်းများ၏ လက်တွေ့ပုံသက်သေမှ တွေ့မြင်ခဲ့ရခြင်းဖြစ် သည်။ ယောကျ်ားလေးများသည် ကွယ်လွန်သွားသည့်သူငယ်ချင်း၏ ညီမအတွက် အစ်ကိုများကဲ့သို့ ဖြစ်လာခဲ့သည်။ သူမ၏အစ်ကို ကွယ်လွန်ပြီးနောက်ပိုင်းနှစ်များတွင် သူတို့သည် သူမ၏မင်္ဂလာပွဲကို တက်ရောက်ခဲ့ကြကာ ကလေးမွေးဖွားခြင်းအကြိုပွဲသို့လည်း သွားရောက်ခဲ့ကြသည်။ သူမလိုအပ်သည့်အချိန်၌ သူ့အားဆက်သွယ်နိုင်ရန် သူတို့အထဲက တစ်ဦးက သူမအား မိုဘိုင်းလ် ဖုန်းလက်ဆောင်ကိုပင် ပေးခဲ့သည်။
ရှင်ယာကုပ်၏အဆိုအရ စင်ကြယ်သောသီလ (စစ်မှန်သော…
လွတ်လပ်စွာ ရှင်သန်ခြင်း
ကျွန်မကြီးပြင်းခဲ့သည့် အမေရိကန်နိုင်ငံ၊ Texas (တက္ကဆက်)ပြည်နယ်၌ ဇွန်လ (၁၉) ရက်တိုင်းတွင် လူမည်းအသိုင်းအဝိုင်းများ၌ လှည့်လည်ချီတက်ကာ ပွဲတော်ဆင်နွှဲခြင်းနှင့် ပျော်ပွဲစားထွက်ခြင်းများရှိခဲ့သည်။ ‘June’ နှင့် ‘nineteenth’ ကိုပေါင်းထားသည့် ‘Juneteenth’ အထိမ်းအမှတ်ပွဲဆင်နွှဲခြင်း၏ ကြေကွဲဖွယ် ထူးခြားမှုကို ကျွန်မ ဆယ်ကျော်သက်အရွယ် မရောက်မီအထိ မသိရှိခဲ့ပေ။ Juneteenth သည် သမ္မတ Abraham Lincoln (အာဗြံဟံလင်ကွန်း)က ငွေဝယ်ကျွန်လူတန်းစားများအား ကျွန်အဖြစ်မှ လွတ်မြောက်ခြင်း ကြေညာစာတမ်းကို လက်မှတ်ရေးထိုးခဲ့သည်ကို တက္ကဆက်ရှိ ကျွန်အဖြစ်သတ်မှတ်ခံရသူများက နှစ်နှစ်ခွဲအကြာ ၁၈၆၅ ခုနှစ်တွင်မှ သိခဲ့ရသည့် အထိမ်းအမှတ်အဖြစ် ဆင်နွှဲကြခြင်းဖြစ်သည်။ ကျွန်အဖြစ်သတ်မှတ်ခံရသူများသည် သူတို့လွတ်မြောက်ပြီဖြစ်ကြောင်းကို မသိရှိခဲ့ကြ၍ တက္ကဆက်ပြည်နယ်၌ ကျွန်အဖြစ် ဆက်လက်နေထိုင်ခဲ့ကြသည်။
လွတ်မြောက်ခြင်းအခွင့် ရရှိပြီးဖြစ်သော်လည်း ကျွန်အဖြစ် ဆက်လက်နေထိုင်ခြင်းက ဖြစ်နိုင်ပါသည်။ ဂလာတိဩဝါဒစာ၌ ဘာသာရေးစည်းမျဥ်းများ၏ တင်းကြပ်သော တောင်းဆိုမှုများအောက်၌ အသက်ရှင်ခြင်းဟူသည့် အခြားသော ကျွန်ဖြစ်ခြင်းတစ်မျိုးကို…
ပြိုင်ကားငယ်ကို ပြုပြင်ခြင်း
ကျွန်တော်ကလေးဘဝက နေခဲ့သောအိမ်ရှိ ကားဂိုဒေါင်နှင့်ပတ်သက်ပြီး အမှတ်တရများစွာရှိခဲ့သည်။ စနေနေ့မနက်ခင်းများ၌ အဖေက ကားကို ဂိုဒေါင်အပြင်ဘက်ထုတ်ကာ ကျွန်တော်အနှစ်သက်ဆုံးအလုပ်ဖြစ်သည့် ပြိုင်ကားငယ်အပျက်တစ်စီးကို ပြုပြင်ရန်အတွက် နေရာပေးခဲ့သည်။ ကားဂိုဒေါင်ကြမ်းပြင်ပေါ်၌ ထိုကားလေးကို ဘီးအသစ်နှင့် ပြိုင်ကားဆန်ဆန် ပလပ်စတစ် လေကာတစ်ခု တပ်ဆင်ပေးခဲ့သည်။ အဖေက ကားအသွားအလာကို ကြည့်ပေးပြီး၊ ကျွန်တော်က ကားလမ်းအတိုင်း ပြိုင်ကားလေးကို မောင်းလိုက်ရသည်မှာ စိတ်လှုပ်ရှားဖွယ်ကောင်းလှသည်။ အတိတ်ကိုပြန်လှည့်ကြည့်ရင်း ထိုကားဂိုဒေါင်၌ ပြိုင်ကားပြင်ခြင်းမက အမှုအရာများစွာဖြစ်ပျက်ခဲ့သည်ကို မြင်ယောင်မိသည်။ လူငယ်လေးတစ်ဦးသည် ဖခင်၏ပုံသွင်းပြုပြင်မှုကို ခံယူခဲ့ရပြီး ထိုဖြစ်စဉ်၌ ဘုရားသခင်ကို သူတစ်စွန်းတစ်စ သိမြင်ခဲ့ရသည်။
လူသားများသည် ဘုရားသခင်၏ သဘာဝသဏ္ဌာန်တော်အတိုင်း ပုံသွင်းဖန်ဆင်းခံကြရသည် (က ၁:၂၇-၂၈)။ လူသားမိဘများ၏ အုပ်ထိန်းစောင့်ရှောက်မှု မူလအရင်းအမြစ်မှာလည်း ဘုရားသခင်၌ အစပြုပါသည်။ အကြောင်းမှာ ဘုရားသခင်သည် “ကောင်းကင်ပေါ်၊ မြေကြီးပေါ်မှာရှိသော တစ်အိမ်ထောင်လုံးတည်းဟူသော သားတော်အပေါင်းတို့၏အချုပ်အခြာ ... ခမည်းတော်” ဖြစ်တော်မူသောကြောင့်တည်း (ဧ…
အသံ၏အစွမ်းတန်ခိုး
သမိုင်းတစ်လျှောက် စွမ်းအားအကြီးဆုံး ဟောပြောသူများသည် အပြုသဘောဆောင်သည့် အပြောင်းအလဲဖြစ်ပေါ်စေရန် သူတို့၏အသံကို အသုံးပြုခဲ့ကြသည့် ခေါင်းဆောင်များဖြစ်ကြသည်။ ကျွန်စနစ်ဖျက်သိမ်းရေးနှင့် လွတ်လပ်ရေးအတွက် ပြောကြားခဲ့သည့် Frederick Douglass (ဖရက်ဒရစ်ဒေါက်ဂလပ်စ်)၏ မိန့်ခွန်းများသည် အမေရိကန်ပြည်ထောင်စု၌ ငွေဝယ်ကျွန်စနစ် အဆုံးသတ်စေရန် လမ်းပြပေးခဲ့သည့် လှုပ်ရှားမှုတစ်ရပ်ကို လှုံဆော်ဖြစ်ပေါ်စေခဲ့သည်။ ဆိတ်ဆိတ် နေရန်သာ သူရွေးချယ်ခဲ့ပါက မည်သို့ဖြစ်ခဲ့မည်နည်း။ သူတစ်ပါးကို အားပေးမစရန် မိမိ၏အသံကို အသုံးပြုနိုင်စွမ်း ကျွန်ုပ်တို့၌ ရှိနေသည်။ သို့ရာတွင် ဖော်ထုတ်ပြောဆိုရန်ကြောက်ရွံ့မှုက စိတ်ခြောက်ခြားစရာဖြစ်နိုင်သည်။ ထိုကြောက်စိတ်၏လွှမ်းမိုးမှုခံရချိန်တွင် ကျွန်ုပ်တို့၏ဉာဏ်ပညာနှင့် ခွန်အားအရင်းအမြစ်ဖြစ်သော ဘုရားသခင်ကို ကျွန်ုပ်တို့မျှော်ကြည့်နိုင်ပါသည်။
တိုင်းနိုင်ငံများ၏ပရောဖက်အဖြစ် ယေရမိအား ဘုရားသခင်ခေါ်ချိန်၌ သူသည် ချက်ချင်းပင် သူ၏စွမ်းရည်ကို စတင်သံသယဖြစ်ခဲ့သည်။ “အကျွန်ုပ်သည် မဟောမပြောတတ်ပါ။ သူငယ်ဖြစ်ပါ၏” ဟု သူထိန့်လန့်စွာ ဆိုခဲ့သည် (ယေ ၁:၆)။ သို့ရာတွင် သူ၏အသံအားဖြင့် မျိုးဆက်တစ်ခုအား တိုက်တွန်းခွန်အားပေးရန် ဘုရားသခင်၏ မြင့်မြတ်သောခေါ်ယူစေစားမှု၌…
မပျောက်ပျက်နိုင်သော ဘုရားသခင်၏မှတ်ဉာဏ်
ဘစ်ကွိုင် (bitcoin - ဒစ်ဂျစ်တယ်ငွေကြေး) ဒေါ်လာသန်း ၄၀၀ ကျော် ပိုင်ဆိုင်သူတစ်ဦးသည် ထိုငွေတစ်ပြားတစ်ချပ်ကိုမျှ သုံးစွဲခွင့်မရ၍ အကြီးအကျယ်အကြပ်ရိုက်နေခဲ့သည်။ ထိုငွေများကို သိမ်းဆည်းထားသည့်စက်၏ လျှို့ဝှက်နံပါတ်ကို သူမေ့သွားသောကြောင့်ဖြစ်သည်။ လျှို့ဝှက်နံပါတ်ကို (၁၀) ကြိမ် ရိုက်ထည့်ပြီးနောက် မမှန်ပါက စက်မှအလိုအလျောက် ဖျက်ဆီးလိုက်မည်ဖြစ်၍၊ ထာဝရဆုံးရှုံးသွားမည့် စည်းစိမ်ဖြစ်သည်။ သူ့ဘဝကို ပြောင်းလဲစေမည့် ရင်းနှီးမြှုပ်နှံမှုအတွက် လျှို့ဝှက်နံပါတ်ကို မှတ်မိအောင် အားထုတ်စဉ်းစားရင်း အချိန် (၁၀) နှစ်တာမျှ စိတ်ပူပန်ခဲ့ရသည်။ လျှို့ဝှက်နံပါတ်ကို (၈) ကြိမ်တိုင် သူကြိုးစားဖွင့်ကြည့်ခဲ့ပြီး၊ (၈) ကြိမ်စလုံး မှားယွင်းခဲ့သည်။ သူ့ပိုင်ဆိုင်မှုများ အငွေ့ပျံပျောက်ပျက်မသွားမီ နောက်ထပ်ကြိုးစားရန် အခွင့် (၂) ကြိမ်သာကျန်တော့ကြောင်း ၂၀၂၁ ခုနှစ်က သူညည်းတွားခဲ့သည်။
ကျွန်ုပ်တို့သည် မေ့လျော့တတ်ကြပါသည်။ တစ်ခါတစ်ရံ၌ (သော့ဘယ်မှာထားမိလဲ)ဟု အသေးအမွှားကိစ္စများကို မေ့ပြီး၊ တစ်ခါတစ်ရံ (ဒေါ်လာသန်းပေါင်းများစွာရယူနိုင်မည့် လျှို့ဝှက်နံပါတ်) ကြီးကြီးမားမား…
အပိုင်းအစများကို ဆက်ခြင်း
ကမ္ဘာ့ကပ်ရောဂါကြောင့် ကျွန်မတို့အိမ်ထဲ၌ပင်နေရစဉ် ကျွန်မတို့မိသားစုသည် အပိုင်းအစ ၁၈,၀၀၀ ပါသည့် ရုပ်ပုံဆက်ဂိမ်းကို ကစားခဲ့ကြသည်။ ကျွန်မတို့ နေ့တိုင်းနီးပါး ဆက်ကစားကြသော်လည်း မတိုးတက်လာဟု ခံစားခဲ့ကြရသည်။ (၅) လ ကြာပြီးနောက် ကျွန်မတို့၏ ထမင်းစားခန်းကြမ်းပြင်အပြည့်ရှိသည့် ၉ ပေ x ၆ ပေ ရုပ်ပုံဆက်ပြားပေါ်တွင် နောက်ဆုံးအပိုင်းကို ဆက်လိုက်နိုင်သည့်အတွက် အဆုံးတွင် ကျွန်မတို့အောင်ပွဲခံနိုင်တော့သည်။
တစ်ခါတစ်ရံ ကျွန်မ၏ဘဝသည်လည်း ဧရာမရုပ်ပုံဆက်ဂိမ်းကဲ့သို့ပင် အပိုင်းအစများစွာ ဆက်ထားပြီးသော်လည်း ကြမ်းပြင်ပေါ်၌ အပိုင်းအစများ အပုံလိုက် ကျန်ရှိနေသေးသည်။ သခင်ယေရှုနှင့် ပိုမိုတူလာစေရန် ကျွန်မကို ဘုရားသခင်ပြုပြင်နေသည်ကို သိသော်လည်း တစ်ခါတစ်ရံ တိုးတက်မှုကိုမြင်ရန် ခက်ခဲသည်။
ဖိလိပ္ပိမြို့သားတို့၏ ကောင်းသောလုပ်ရပ်အကျင့်များကြောင့် သူတို့ အတွက် ဝမ်းမြောက်သောစိတ်နှင့်ဆုတောင်းပေးနေကြောင်း ဖိလိပ္ပိမြို့သို့ ရှင်ပေါလုရေးသော သူ၏အားပေးစာမှ ကျွန်မနှစ်သိမ့်မှုရခဲ့သည် (ဖိ ၁:၃-၄)။ သို့သော် သူသည် “ကောင်းသောအမှုကို ပြုစပြုတော်မူသောသူသည်…
မက်ဆေ့ချ်များ၊ ဆင်းရဲဒုက္ခများနှင့် အောင်ပွဲများ
ဂျင်မီသည် လူမှုရေးအုံကြွမှုများ၊ အန္တရာယ်များနှင့် အဆင်မပြေမှုများကို မမှုဘဲ၊ ကမ္ဘာ့အဆင်းရဲဆုံးနိုင်ငံတစ်ခု၌ သာသနာပြုနေသည့် ဇနီးမောင်နှံကို အားပေးရန် သွားဖြစ်အောင်သွားခဲ့သည်။ မိခင်တိုင်းပြည်ရှိ ကျွန်တော်တို့အဖွဲ့ထံရောက်လာသည့် သူ့မက်ဆေ့ချ်တစ်သီတစ်တန်းကြီးက သူတွေ့ကြုံခဲ့ရသည့် စိန်ခေါ်မှုများကို ဖော်ပြနေသည်။ “အိုကေ၊ ညီအစ်ကိုတို့၊ ဆုတောင်းပေးကြပါ။ လွန်ခဲ့တဲ့နှစ်နာရီအတွင်း ငါတို့ခရီး (၁၀) မိုင်သွားခဲ့ပြီးပြီ။ ကားလည်း ခဏခဏအပူချိန်တက်နေတာကြောင့်ပါ။” ထိုဒေသ၏လမ်းပန်းဆက်သွယ်ရေး အခက်အခဲက (၅)နာရီကြာမျှ စောင့်ဆိုင်းနေရသူများကို တရားဒေသနာဝေငှရန် သန်းခေါင်ယံ မတိုင်မီမှ သူရောက်သွားကြောင်းကို သက်သေပြနေသည်။ မကြာပါ။ အနေအထား ပြောင်းသွားသည့် မက်ဆေ့ချ်တစ်ခုဝင်လာခဲ့သည်။ “အံ့ဩစရာကောင်းတယ်။ ချိုမြန်တဲ့မိတ်သဟာယပဲ။ လူတစ်ဒါဇင်လောက် ဆုတောင်းခံဖို့ ရှေ့ကိုထွက်လာတယ်။ တကယ့်ကိုအစွမ်းထက်တဲ့ညပါပဲ။”
သစ္စာရှိစွာ ဘုရားရှင်အား အစေခံခြင်းက စိန်ခေါ်မှုဖြစ်ပြီး၊ ဟေဗြဲဩဝါဒစာ ၁၁ ၌ ဖော်ပြထားသည့် ယုံကြည်ခြင်းဘိုးဘေးများလည်း သဘောတူမည်ပင်။ ဘုရားသခင်အပေါ် ယုံကြည်ခြင်းစိတ်က အနိုင်အထက်သွေးဆောင်လျက် သာမန်ယောကျ်ားမိန်းမတို့သည် ခက်ခဲသောအခြေအနေများနှင့် တွေ့ကြုံခဲ့ရသည်။…