မင်္ဂလာရှိသော လုပ်ရိုးလုပ်စဥ်

ရထားပေါ်သို့ ကြိတ်ကြိတ်တိုးတက်နေသည့် လူအုပ်ကြီးနှင့် မနက်ခင်းကို ကြည့်ပြီး စိတ်ဓာတ်ကျဖွယ်တနင်္လာနေ့ စတင်ပြီဟု ကျွန်တော်ခံစားလိုက်ရသည်။ ပြည့်ကြပ်နေသောရထားတွဲ၌ ငိုက်မြည်းလျက် အလိုမကျဖြစ်နေသော မျက်နှာများကို ကြည့်ခြင်းဖြင့် မည်သူမျှ အလုပ်သွားရန် မျှော်လင့်မနေကြောင်း ပြောနိုင်သည်။ လူအချို့က အထဲတိုးဝင်ရန်ကြိုးစားကြသောအခါ လူတို့မျက်မှောင်ကြုတ်ကုန်သည်။ ‘အလုပ်တွင် နောက်ထပ် နိစ္စဓူဝ နေ့တစ်နေ့ ရောက်လာပြန်ပါပြီ။’
ရှေ့တစ်နှစ်က ကိုဗစ်-၁၉ ကန့်သတ်မှုများကြောင့် ကျွန်ုပ်တို့၏နေ့စဉ် လုပ်ရိုးလုပ်စဉ်များ ဝရုန်းသုန်းကားဖြစ်ပြီး ရထားများစီးသူမရှိဖြစ်သွားသည်ကို ရုတ်တရက် ကျွန်ုပ်သတိရမိသည်။ အပြင်ထွက်၍ စားသောက်၍မရ၊ အချို့က ရုံးသွားရခြင်းကို ပြန်တမ်းတနေကြသည်။ သို့သော် ယခုတွင် ကျွန်တော်တို့ ပုံမှန် ပြန်ဖြစ်လုနီးပါးဖြစ်ပြီး လူအတော်များများက ခါတိုင်းကဲ့သို့ အလုပ်သွားကြပြီ။ “လုပ်ရိုးလုပ်စဉ်”သည် သတင်းကောင်းဖြစ်ပြီး “ငြီးငွေ့ဖွယ်ကောင်းခြင်း”သည် ကောင်းချီးတစ်ခုဖြစ်ကြောင်း ကျွန်တော်နားလည်ခဲ့သည်။

ရှောလမုန်မင်းသည် နေ့စဥ်ကြိုးစားအားထုတ်မှု၏ အဓိပ္ပာယ်ကင်းမဲ့ပုံကို သုံးသပ်ပြီးနောက် အလားတူကောက်ချက်ချခဲ့သည် (ဒေ ၂:၁၇-၂၃)။ တစ်ခါတစ်ရံတွင်…

အိပ်မက် မဟုတ်ပါ

မနိုးထနိုင်သော အိပ်မက်ထဲတွင် အသက်ရှင်နေရသကဲ့သို့ပင်ဖြစ်သည်။ “မိမိ လက်တွေ့ဘဝသည် တကယ်မဟုတ် ဟုခံစားရခြင်း” (သို့) “မိမိ၏စိတ်သည် မိမိကိုယ်နှင့်မဆိုင်ဟုထင်ခြင်း” စသည့် စိတ်အခြေအနေများနှင့် ရုန်းကန်နေရသူများမှာ ၎င်းတို့ပတ်ဝန်းကျင်တွင် ရှိသောအရာများသည် အစစ်အမှန်မဟုတ်ဟု ခံစားရလေ့ရှိသည်။ ဤခံစားချက်ကို နှစ်ရှည်ခံစားရသူများတွင် ရောဂါတစ်ခုအဖြစ် ပြောနိုင်သော်လည်း ၎င်းသည် သာမန်စိတ်ကျန်းမာရေးဆိုင်ရာ ရုန်းကန်မှု အထူးသဖြင့် စိတ်ဖိစီးသည့်အချိန်တွင် ဖြစ်တတ်သည်ဟု ယူဆကြသည်။ သို့သော် တစ်ခါတစ်ရံတွင် ဘဝအဆင်ပြေသည်ဟု ထင်ရချိန်များတွင်လည်း ထိုခံစားချက်က ဆက်ရှိနေတတ်ပြီး၊ ကောင်းသောအရာများ အမှန်တကယ်ဖြစ်နေသည်ကို စိတ်ထဲတွင် မယုံကြည်နိုင်သကဲ့သို့ဖြစ်နေခြင်း ဖြစ်သည်။

သမ္မာကျမ်းစာ၌ ကိုယ်တော်၏တန်ခိုးတော်နှင့် ကယ်နှုတ်ခြင်းကို အိပ်မက်မဟုတ်ဘဲ အမှန်တကယ် တွေ့ကြုံခံစားရရန် ဘုရားသခင်၏လူများလည်း အလား တူ ရုန်းကန်ရချိန်များကို ဖော်ပြထားသည်။ တမန်တော်ဝတ္ထု ၁၂ တွင်၊ ပေတရုကို ထောင်နှင့် ကွပ်မျက်ခံရနိုင်ခြေရှိသည့်အခြေအနေမှ ကောင်းကင်တမန် ကယ်လွတ်ချိန်တွင် (:၂၊ ၄)၊…

သက်သေခံပါ

အမေရိကန်သမ္မတ Abraham Lincoln (အာဗြံဟံလင်ကွန်း)၏သား Robert Todd Lincoln (ရောဘတ်တော့လင်ကွန်း)သည် သူ့ဖခင်အပြင် သမ္မတ James Garfield (ဂျိမ်းစ်ဂါဖီး)နှင့် William McKinley (ဝီလျံမက်ကင်းလေး)တို့ လုပ်ကြံခံရသည့် အရေးကြီးအဖြစ်အပျက် (၃)ခု ဖြစ်ပျက်ချိန်၌ ရှိနေသူဖြစ်သည်။
သို့သော် သခင်ယေရှု၏ နောက်ဆုံးညစာစားပွဲ၊ ဂေသရှေမန်ဥယျာဥ်တွင် ခရစ်တော်၏မချိတင်ကဲဝေဒနာ၊ သခင်ကားတင်ခံရခြင်းနှင့် ရှင်ပြန်ထမြောက်ခြင်း စသည့် အရေးပါသော သမိုင်းအဖြစ်အပျက် ‘(၄) ခု’တွင် တမန်တော် ရှင်ယောဟန် ရှိနေခဲ့ကြောင်းကို ဆင်ခြင်ကြည့်ပါ။ ထိုသို့ ဖြစ်ပျက်သည့်အခိုက်အတန့်တွင် သူရှိနေရခြင်း၏ အကောင်းဆုံးသော ‘အကြောင်းရင်း’အတွက် သူသည် မျက်မြင် သက်သေဖြစ်ရခြင်းကို ရှင်ယောဟန်သိသည်။ ရှင်ယောဟန်ခရစ်ဝင် ၂၁:၂၄-၂၅ တွင် “ထို တပည့်တော်ကား ဤအကြောင်းအရာတို့ကို သက်သေခံ၍ ရေးထားသောသူ ဖြစ်၏။ သူ၏သက်သေခံချက်မှန်သည်ကို ငါတို့သိကြ၏” ဟု သူရေးခဲ့သည်။

ရှင်ယောဟန်သည်…

ကျွန်ုပ်တို့၏ရွေးချယ်မှုများ အရေးကြီးသည်

အမေရိကန်နိုင်ငံ၊ နယူးဂျာဆီပြည်နယ်မှ ရေကူးနည်းပြတစ်ဦးသည် Newark (နယူးအာ့ခ်) ပင်လယ်အော်တွင် ကားတစ်စီး နစ်မြှုပ်သွားသည်ကို မြင်ပြီး၊ SUV ကားလေးက နှောက်ကျိသောရေထဲသို့ လျှင်မြန်စွာ နစ်မြှုပ်နေစဥ် ကားအတွင်းမှ “ကျွန်တော် ရေမကူးတတ်ဘူး” ဟူသော ကားမောင်းသူ၏အော်သံကို ကြားလိုက်ရသည်။ လူအုပ်ကြီးက ကမ်းစပ်မှကြည့်နေစဉ် Anthony (အန်တိုနီ)သည် ကမ်းစပ်တစ်လျှောက်ရှိ ကျောက်ဆောင်များသို့ ပြေးသွား၍ ခြေတုခြေထောက်ကို ဖယ်ရှားပြီး ရေထဲခုန်ဆင်းကာ၊ အသက် (၆၈) နှစ်အရွယ် အမျိုးသားကို ကယ်ပြီး သူ့အား ကမ်းစပ်သို့ ဘေးကင်းစွာကူညီပေးခဲ့သည်။ အခြားသူကို ကယ်တင်နိုင်ခဲ့ခြင်းအတွက် အန်တိုနီ၏ ပြတ်ပြတ်သားသား လုပ်ရပ်ကို ကျေးဇူးတင်ရမည်။

ကျွန်ုပ်တို့၏ရွေးချယ်မှုသည် အရေးကြီးပါသည်။ (၁၇) နှစ်သား ယောသပ်ကို ပွင့်လင်းစွာ မျက်နှာသာပေးခဲ့သည့် သားများစွာ၏ဖခင် ဘိုးဘေးယာကုပ်ကို ဆင်ခြင်ကြည့်ပါ။ ယောသပ်အတွက် “အဆင်းအရောင်ထူးခြားသောအင်္ကျီ”ကို မိုက်မဲစွာ ချုပ်ပေးခဲ့သည် (က ၃၇:၃)။…

အဆက်အသွယ်မပြတ်ရှိနေပါ

Madeleine L’Engle (မယ်ဒလင်း အယ်လန်ဂန်)သည် သူ့မိခင်ကို တစ်ပတ် တစ်ကြိမ် ဖုန်းခေါ်သည့် အလေ့အထကို ကျင့်ဆောင်ခဲ့သည်။ သူမမိခင်သည် နောက်ပိုင်းတွင် သူမနှင့်အတူ ပြောင်းရွှေ့နေထိုင်သည့်အခါ ချစ်လှစွာသော ဝိညာဥ်ရေးရာစာရေးဆရာမသည် “အဆက်အသွယ်မပြတ်ရှိနေရန်” မကြာခဏဆိုသလို ပို၍ပင် ဖုန်းခေါ်ခဲ့သည်။ ထိုနည်းတူ သူမကလေးများက သူမကိုဖုန်းခေါ်ပြီး အဆက်အသွယ် မပြတ်အောင် ထိုအလေ့အထကို စောင့်ထိန်းခြင်းကို မယ်ဒလင်း နှစ်သက်သည်။ တစ်ခါတစ်ရံတွင် အရေးပါသော အမေးအဖြေများနှင့် ပြည့်နှက်နေသော ရှည်လျားသည့် အပြန်အလှန်စကားပြောခြင်း ဖြစ်နေတတ်သည်။ အခြားအချိန်များတွင် ဤဖုန်းနံပါတ်ကို ခေါ်၍ရနေခြင်းပင်လျှင် လုံလောက်ပါပြီ။ ‘Walking on Water’ (ရေပေါ်တွင်လမ်းလျှောက်ခြင်း) စာအုပ်ထဲတွင် သူရေးသားခဲ့သလိုပင် “ကလေးတွေ အဆက်အသွယ်မပြတ်ရှိနေခြင်းက ကောင်းပါသည်။ ကျွန်ုပ်တို့ ကလေးများအားလုံးသည် ခမည်းတော်ဘုရားနှင့် အဆက်အသွယ်မပြတ် ရှိနေခြင်းမှာ ကောင်းပါသည်”။

ကျွန်ုပ်တို့အများစုသည် ရှင်မဿဲခရစ်ဝင် ၆:၉-၁၃ ရှိ သခင်ဘုရား၏ပတ္ထနာတော်နှင့်…

သင့်ကို နားညောင်းနေသည်

‘Physics’ (ရူပဗေဒ) ဟူသည့် စာအုပ်ထဲတွင် Charles Riborg Mann (ချားလ်စ်ရိုင်ဘောဂ်မန်း)နှင့် George Ransom Twiss (ဂျော့ရှ်ရန်စမ်တွစ်) တို့က “အထီးကျန်တောအုပ်ထဲတွင် သစ်ပင်တစ်ပင်ပြိုလဲသွားတာကို ကြားဖို့ အနီးအနား ၌ မည်သည့် တိရစ္ဆာန်မျှမရှိပါက အသံထွက်ပါမည်လား” ဟု မေးထားသည်။ နှစ်အတော်ကြာအောင် ထိုမေးခွန်းသည် အသံ၊ သဘောထားအမြင်နှင့် ဖြစ်တည်မှုဆိုင်ရာဒဿနနှင့် သိပ္ပံနည်းကျဆွေးနွေးမှုများကို လှုံ့‌ဆော်ပေးခဲ့သည်။ သို့သော်လည်း တိကျသေချာသောအဖြေတစ်ခု ထွက်ပေါ်ခြင်းမရှိ‌သေးပါ။

တစ်ညတွင် အခြားမည်သူ့ကိုမှ မပြောပြဖြစ်သေးသည့် ပြဿနာတစ်ခုကြောင့် အထီးကျန်ပြီး ဝမ်းနည်းစွာခံစားရချိန်မှာ ၎င်းမေးခွန်းကို ကျွန်မပြန်သတိရမိကာ “ကျွန်မအကူအညီတောင်းသံကို ဘယ်သူမှမကြားတဲ့အချိန် ဘုရားသခင်ရော ကြားသလား” ဟုတွေးမိလိုက်သည်။

သေခြင်းတရား၏ခြိမ်းခြောက်မှုကို ရင်ဆိုင်ရကာ ဆင်းရဲဒုက္ခများက သူ့ကို လွှမ်းမိုးသောအခါ ဆာလံကျမ်း ၁၁၆ ကို ‌ရေးသားသူက စွန့်ပစ်ခံရသည်ဟု ခံစားရကောင်းခံစားရနိုင်သည်။ ထို့ကြောင့် သူသည် ဘုရားသခင်က…

အဘွားများကို သုတေသနပြုခြင်း

အမေရိကန်နိုင်ငံ၊ ဂျော်ဂျီယာပြည်နယ်ရှိ Emory တက္ကသိုလ်မှ သုတေသီများသည် MRI စက်ကို အသုံးပြုပြီး ဘွားဘွားများ၏ ဦးနှောက်ကိုလေ့လာခဲ့သည်။ သုတေသီများက ဘွားဘွားတို့၏မြေးပုံ၊ သူတို့၏အရွယ်ရောက်ပြီဖြစ်သော သားသမီးပုံနှင့် အမည်မသိ ကလေးတစ်ဦး၏ဓာတ်ပုံတို့ကို အသုံးပြုပြီး စာနာစိတ်ဖြင့် တုံ့ပြန်မှုကို တိုင်းတာခဲ့ကြသည်။ ထိုလေ့လာမှုအရ အဘွားများသည် သူတို့၏အရွယ်ရောက်သားသမီးများထက် မြေးများအပေါ် စာနာမှု ပိုမိုမြင့်မားကြောင်း ဖော်ပြနေသည်။ ၎င်းကို “ချစ်စရာကောင်းသောအကြောင်းရင်း” ဟုသတ်မှတ်ခေါ်ဆိုပြီး သားသမီးများထက် မြေးက ပိုချစ်စရာကောင်းသည့် အဓိပ္ပာယ်ဖြစ်သည်။

“ကောင်းပြီ” ဟုမပြောမီ ထိုလေ့လာမှုကို လုပ်ဆောင်ခဲ့သူ James Rilling (ဂျိမ်းစ်ရီးလင်း)၏စကားများကို ဆင်ခြင်ကြည့်ကြပါစို့။ “သူတို့မြေးက ပြုံးနေတယ်ဆိုရင် အဘွားက ကလေးရဲ့ပျော်ရွှင်မှုကို ခံစားရတယ်။ မြေးက ငိုနေတဲ့အခါ အဘွားက ကလေးရဲ့ နာကျင်မှုနှင့်ပူပန်သောကတွေကိုပါ လိုက်ခံစားနေရတယ်” ဟုဆိုသည်။
သူ၏လူမျိုးတော်ကိုကြည့်ပြီး “MRI ပုံ” ၌ ပြန်ပေါ်နေသော ဘုရားသခင်၏…

နာမည်များကို ဘုရားသခင် မှတ်မိသည်

အသင်းတော်တစ်ခုတွင် လူငယ်ခေါင်းဆောင်အဖြစ် စတင်ထမ်းဆောင်ပြီး လူငယ်များစွာနှင့် ဆုံတွေ့ခဲ့ရသည့် နောက်တနင်္ဂနွေနေ့၌ သူ့မိခင်ဘေးတွင် ထိုင်နေသော ဆယ်ကျော်သက်မိန်းကလေးတစ်ဉီးနှင့် ကျွန်မစကားပြောခဲ့သည်။ ရှက်ကိုးရှက်ကန်းနှင့်ကလေးမကို အပြုံးနှင့်နှုတ်ဆက်ရင်း သူ့နာမည်ကိုခေါ်ပြီး စကားဆိုခဲ့သည်။ သူမခေါင်းမော့လိုက်ပြီး လှပသောအညိုရောင်မျက်လုံးများက တောက်ပလာသည်။ သူမလည်း ပြန်ပြုံးပြကာ အသံတိုးတိုးဖြင့် “သမီးနာမည်ကိုမှတ်မိတယ်ပေါ့” ဟုပြောသည်။ လူကြီးများနှင့်ပြည့်နေသော အသင်းတော်တွင် အရေးမပါဟု ခံစားနေရသော ထိုကလေးမလေးကို နာမည်နှင့်တကွ ရိုးရိုးလေးခေါ်လိုက်ခြင်းကား ကျွန်မသည် အချင်းချင်းယုံကြည်မှုနှင့်ဆိုင်သည့် ဆက်ဆံရေးကို အစပြုလိုက်ခြင်းပင်။ သူ့ကို လူတို့မြင်သည်၊ တန်ဖိုးထားသည်ဟု သူမခံစားလိုက်ရသည်။

ဟေရှာယအနာဂတ္တိကျမ်း ၄၃ တွင် ဘုရားသခင်သည် ဣသရေလလူမျိုးတို့အား “သူတို့ကို မြင်တယ်၊ တန်ဖိုးထားတယ်” ဟူသည့် အလားတူ သတင်းစကားကိုဟောပြောရန် ပရောဖက် ဟေရှာယကို အသုံးပြုခဲ့သည်။ သုံ့ပန်းအဖြစ်ဖမ်းဆီးခံရချိန်နှင့် တော၌ လှည့်လည်သွားနေရချိန်တွင်ပင် ဘုရားသခင် သူတို့ကို မြင်ပြီး၊ ရွေးနုတ်ပြီး နာမည်နှင့်တကွ သိ‌သည်…

ကျွန်ုပ်ဘယ်သူလဲ

၁၈၅၉ ခုနှစ်တွင် Joshua Abraham Norton (ဂျော့ရှုးဝါးအေဗရာဟမ်နော်တန်)သည် အမေရိကန်၏ဧကရာဇ်ဘုရင်အဖြစ် သူ့ကိုယ်သူကြေညာခဲ့သည်။ နော်တန် သည် ဆန်ဖရန်စစ္စကိုသင်္ဘောလိုင်း၌ ကြီးပွားချမ်းသာခဲ့သလို စီးပွားလည်းပျက်ခဲ့ရသည်။ သို့သော် အမေရိကန်၏ ပထမဆုံးသောဧကရာဇ်ဘုရင်အဖြစ် သူ့ဖြစ်တည်မှုအသစ်ကို လိုချင်ခဲ့သည်။ ‘San Francisco Evening Bulletin’ သတင်းစာမှ “ဧကရာဇ်ဘုရင်” နော်တန်၏အကြောင်း ကြေညာလိုက်သောအခါ ဖတ်ရှုသူအများစုက ပြက်ရယ်ပြုကြသည်။ သူသည် ပျက်စီးနေသောလူမှုအသိုင်းအဝိုင်းကို ပြန်လည် တည့်မတ်ပေးရန် ရည်ရွယ်ကြောင်း ကြေညာခဲ့ပြီး၊ သူ့ကိုယ်ပိုင်ငွေကြေးကို ရိုက်နှိပ်ခဲ့သည်။ ဗစ်တိုးရီးယားဘုရင်မကြီးထံသို့ သူ့အား လက်ထပ်ပြီး နှစ်နိုင်ငံပေါင်းစည်းရန်အတွက် စာရေးတောင်းဆိုခဲ့သေးသည်။ ပြည်တွင်းအပ်ချုပ်သမားများ ချုပ်ပေးသော တော်ဝင်စစ်ဝတ်စုံကို ဝတ်ဆင်ခဲ့သည်။ လေ့လာစောင့်ကြည့်သူတစ်ဦးက “နော်တန် ကိုကြည့်ရင်တော့ ဘုရင်နဲ့တော်တော်တူတယ်” ဟုပြောသည်။ သို့သော် သူသည် ဘုရင်တစ်ပါး မဟုတ်ခဲ့ပါ။ မိမိမည်သူမည်ဝါ ဖြစ်သည်ကို တမင်လုပ်ယူ၍ မရပေ။

ကျွန်ုပ်တို့အများစုသည် မိမိမည်သူမည်ဝါဖြစ်ကြောင်း၊…

ကြယ်များကို စူးစမ်းလေ့လာခြင်း

ကမ္ဘာကြီးမှ မိုင် (၁) သန်းခန့်အကွာမှနေ၍ စကြဝဠာအကြောင်း ပိုမိုစူးစမ်းနိုင်မည့် ‘James Webb’ အာကာသမှန်ပြောင်းကို နိုင်ငံအချို့၏ စုပေါင်းကြိုးပမ်းမှုဖြင့် ၂၀၂၁ ခုနှစ်တွင် လွှတ်တင်နိုင်ခဲ့သည်။ ဤအံ့ဖွယ်အရာသည် နက်ရှိုင်းသော အာကာသအတွင်းသို့ စူးစိုက်ကြည့်ကာ၊ ကြယ်များနှင့်တကွ အခြားသောအာကာသအံ့ဩဖွယ်ရာများကို လေ့လာမည်ဖြစ်သည်။

၎င်းသည် အမှန်တကယ် စိတ်ဝင်စားစရာကောင်းသည့် နက္ခတ္တပညာဆိုင်ရာ နည်းပညာစက်ပစ္စည်းတစ်ခုဖြစ်ပြီး၊ အကယ်၍ အားလုံးအဆင်ပြေခဲ့ပါက ၎င်းသည် ကျွန်တော်တို့အား အံ့ဖွယ်ဓာတ်ပုံများ၊ သတင်းအချက်အလက်များကို ထောက်ပံ့ပေးနိုင်မည်။ သို့သော် ဤဆောင်ရွက်ချက်သည် အသစ်အဆန်းမဟုတ်ပါ။ ပရောဖက် ဟေရှာယက “အထက်သို့ မျှော်ကြည့်ကြလော့။ ထိုအရာတို့ကို အဘယ်သူဖန်ဆင်းသနည်း။ ထိုသူသည် သူတို့အလုံးအရင်းကို အရေအတွက်အားဖြင့် ထုတ်ဆောင်တော်မူ၏” (ဟေရှာ ၄၀:၂၆) ဟု ဆိုခဲ့စဥ်က ကြယ်များကို စူးစမ်းခြင်းအကြောင်း သူပြောခဲ့ပါသည်။ မမြင်နိုင်လောက်အောင်ကြီးမားလှသော ဤစကြဝဠာကြီးနှင့်တကွ ညကောင်းကင်ကို ငြိမ်သက်စွာ တင့်တယ်စေသည့် အလင်းစုအနန္တကို (ဆာလံကျမ်း…