သခင်ယေရှုအတွက် ပူဇော်သက္ကာ

ဗစ်တိုးရီးယားခေတ်မှ ကဗျာဆရာမ Christina Rosetti(ခရစ္စတီးနားရိုဆက်တီ)၏ “A Better Resurrection” “ပိုမိုကောင်းမွန်သောရှင်ပြန်ထမြောက်ခြင်း”ဟူသည့် နာကျင်ဆွတ်ပျံ့ဖွယ် ကဗျာတစ်ပုဒ်၌ “မျက်လုံးများကို ပင့်မျှော်ကြည့်လည်း ဝမ်းနည်းမှုဖြင့် မှုန်ဝါးနေ၍၊ ထာဝရတည်သောတောင်တန်းများကို မမြင်ပြီ”။ ...“မည်သည့်မျှော်လင့်ချက်၊ ကြောက်ရွံ့မှုကိုမှ မခံစားမိဘဲ ထုံထိုင်းလျက်”ဟူ၍ မျှော်လင့်ချက်မဲ့စွာ ခံစားရချိန်၌ မျှော်လင့်ခြင်းကို ကြိုးစားရှာဖွေကြောင်း ရေးသားခဲ့သည်။ သို့သော် ရိုဆက်တီသည် သူမ၏စိတ်ပျက်ဖွယ် ခံစားချက်ထက် ပိုမိုနက်ရှိုင်းသော မျှော်လင့်ချက်၌ ခိုင်မြဲစွာ ရပ်တည်ခဲ့သည်။ ခရစ်တော်၏ ရှင်ပြန်ထမြောက်ခြင်းကို ပြညွှန်သည့် “ဖူးပွင့်စပန်းနှင့် စိမ်းလန်းမှု”တို့က သူမ၏ ဘဝကို ပြန်လည်အသစ်ဖြစ်စေသည်ဟု မခံစားရသော်လည်း “အသက်တာအသစ်ဖြင့် ထမြောက်လိမ့်မည်”ဟု ဝန်ခံလျက် “အိုသခင်ယေရှု၊ ကျွန်ုပ်အတွင်း၌ ထမြောက်တော်မူပါ”ဟု ဆုတောင်းခဲ့သည်။

ရှင်ပေါလုကလည်း ကောရိန္သုသြဝါဒစာဒုတိယစောင်၌ “... အသက်မလွတ်နိုင်ဟုထင်ရ၍ မခံနိုင်အောင် အတိုင်းထက်အလွန်လေးသော ဆင်းရဲဒုက္ခခံရကြောင်း”ကို ဖော်ပြခဲ့သည်(၁:၈)။ သို့သော် “သေသောသူတို့ကို ထမြောက်စေတော်မူသော…

စိတ်ပျက်ခြင်းများအလွန်

အမြဲတမ်းအောင်မြင်ထင်ရှားသည့်ဂန္တဝင်သီချင်း “The Wreck of the Edmund Fitzgerald” နှင့် “If You Could Read My Mind”ကဲ့သို့ပင် ကနေဒါနိုင်ငံမှ တေးရေး၊ တေးဆို Gordon Lightfoot(ဂေါဒန်လိုက်ဖု)သည် နာမည်ကျော်ကြားသည်။ သို့သော် သူရေးစပ်သည့် “The Minstrel of the Dawn” သီချင်းမှာ အနည်းငယ်သာ နာမည်ကြီးသည်။ (Minstrel သည် ပြင်သစ်နယ်လှည့်စာဆိုဖြစ်ပြီး ကဗျာကို ဂီတအဖြစ်ပြောင်းကာသီဆိုသူဖြစ်သည်။)လိုက်ဖု၏သီချင်းမှ ဂီတစာဆိုသည် ကျွန်ုပ်တို့ကဲ့သို့ပင် “ဆင်းရဲပင်ပန်းမှုထက် ပျော်ရွှင်မှု”ကိုသာ ပို၍တောင့်တမျှော်လင့်သည်။ စိုးရိမ်စရာ၊ ဝမ်းနည်းစရာများက အစဥ်ရှိသော်လည်း၊ ထိုဂီတစာဆိုသည် နေ့သစ်ရောက်လာချိန်တွင် ပျော်ရွှင်စရာများကို အာရုံစိုက်ရန် ဆုံးဖြတ်ခဲ့ပြင်ပီး၊ ထိုအရာများကို သီချင်းလုပ်ဆိုပါသည်။

ဆာလံဆရာဒါဝိဒ်ကလည်း “နံနက်ယံ၌ ကရုဏာတော်ကို ရွှင်လန်းစွာ သီချင်းဆိုပါမည်”(ဆာ ၅၉:၁၆)ဟု အလားတူ စာသားကို ရေးသားခဲ့သည်။ ဒါဝိဒ်၌…

ဘုရားသခင်ကို စောင့်ဆိုင်းခြင်း

Joseph(ဂျိုးဇက်)သည် စိတ်မကြည်မလင်ဖြင့် အလုပ်ရှာနေခဲ့သည်။ ယခင်က စားသောက်ဆိုင် စားပွဲထိုးအလုပ်မှာ လစာကောင်းသော်လည်း စားသောက်ဆိုင်လုပ်ငန်း၏သဘာဝမှာ မကြာခဏ စနေတနင်္ဂနွေ၌ အလုပ်ဆင်းရသည့်အတွက် ယုံကြည်သူအသစ်အနေဖြင့် ဘုရားကျောင်း ပုံမှန်သွားရန်မှာ သူ့အတွက် အခက်အခဲဖြစ်နေသည်။ “ဘုရားသခင်က ငါ့ဆုတောင်းချက်ကို ဘာလို့အဖြေမပေးသေးတာလဲ”ဟု ညည်းခဲ့မိသည်။

ဂျိုးဇက်အနေနှင့် သူ၏မျှော်မှန်းချက်ကို အတိုးအလျော့ညှိရန်လိုကြောင်း မြင်လာပြီး၊ စနေတနင်္ဂနွေ ပုံမှန် အားလပ်ရက်ရသည့် အခြားအလုပ်ကို ရှာဖွေရန် အချိန်တစ်နှစ်ခန့် ကြာခဲ့သည်။ နောက်ဆုံး အလုပ်ရခဲ့ပြီး ထိုမျှစောင့်ဆိုင်းရခြင်းက ဆုံးဖြတ်ချက်ချရာ၌ သူ့အား ပို၍ရင့်ကျက်စေခဲ့သည်ကို သူနားလည်လာပြီး ဘုရားသခင်ကို ကျေးဇူးတင်မိသည်။ အလုပ်ပြောင်းလုပ်သည့် အတွေ့အကြုံက ဘဝ၌ သည်းခံနိုင်စွမ်းနှင့် သူ့အချိန်၌ဖွင့်ပြလာမည့် ဘုရားသခင်၏အစီအစဉ်ကို ယုံကြည်စိတ်ချခြင်းသည် မည်သို့ဖြစ်သည်ကို သူ့အား သင်ပေးခဲ့သည်။

၎င်းသည် အရပ်ရပ်သို့ကွဲလွင့်ပြီး စုံစမ်းခြင်းကို ခံနေရသည့် သခင်ယေရှုကို ယုံကြည်သူ ယုဒလူမျိုးများအား အားပေးခဲ့သည့် ရှင်ယာကုပ်၏စကားများဖြစ်သည်။ “သင်တို့သည်…

အသိုင်းအဝိုင်းအတွက်ဖန်ဆင်းခံထားရခြင်း

အဲလ်လန်နှင့်ကျွန်မတို့ ဘွဲ့လွန်ပညာရေးအတွက် ဖီလာဒယ်ဖီးယားမြို့သို့ ပြောင်းရွှေ့ရန် ဆုံးဖြတ်ခဲ့စဥ်က ကျွန်မတွင် အလုပ်မရှိသလို၊ ကျောင်းအဆောင်ကိစ္စကို မည်သို့ဖြေရှင်းရမည်ကိုလည်း မသိခဲ့ပါ။ ပြောင်းရွှေ့မည့်နေ့ မတိုင်မီ တနင်္ဂနွေနေ့တစ်နေ့၌ ကျွန်မတို့အသင်းတော်မှ သူငယ်ချင်းတစ်ဦးက အဲလ်လန်တက်မည့် တက္ကသိုလ်မှ ကျောင်းသားဟောင်းတစ်ဦးနှင့် မိတ်ဆက်ပေးခဲ့သည်။ ထိုသူက ဈေးသက်သာသည့် တိုက်ခန်းအကြောင်းပြောပြပေးခဲ့သည်။ ၎င်းနောက် ကျွန်မ၏လုပ်ဖော်ကိုင်ဖက်တစ်ဦးကလည်း ခရစ်ယာန်အဖွဲ့အစည်းတစ်ခုကို ဆက်သွယ်နိုင်မည့် ဖုန်းနံပါတ်ပေးခဲ့သည်။ ဘုရားသခင်သည် ကျွန်မတို့အတွက် နေစရာနှင့် အလုပ်အကိုင်အပါအဝင် အခွင့်အလမ်းများကို သူ့လူများအားဖြင့် ဆုတောင်းချက်အဖြေပေးခဲ့သည်။ မိသားစုနှင့် သူငယ်ချင်းများကလည်း ပြောင်းရွှေ့ရာတွင် ကူညီပေးပြီး ဆုတောင်းခြင်းဖြင့် ဝန်းရံပေးကြသည်။

ဒေသနာကျမ်းဆရာက တစ်ယောက်တည်းဘဝကို မဖြတ်သန်းခြင်း၏အကျိုး ကျေးဇူးကို ရေးထားပါသည်။ “လူသည် တစ်ယောက်တည်းထက် နှစ်ယောက် သာ၍ကောင်း၏”(၄:၉)။ လူနှစ်ဦး အလုပ်လုပ်လျှင် အလုပ်ပိုတွင်ပြီး အခက်အခဲရင်ဆိုင်ရလျှင်လည်း အချင်းချင်းကူညီနိုင်မည်၊ အဖော်ပြုနိုင်မည်၊ အန္တရာယ်များမှ ကာကွယ်နိုင်မည်ဖြစ်သည် (:၉-၁၁)။ ဆက်လက်ပြီး “သုံးလွန်းတင်သောကြိုး…

ယေရှု - အသက်အတွက် အာဟာရ

ကျွန်တော်ကြီးပြင်းခဲ့သည့် အမေရိကန်ရောက် အာဖရိကန်လူမျိုး၏အိမ်တွင် အစာစားပွဲတိုင်းမှာ အရသာထူးခြားသည့် “ဝိညာဥ်အစားအစာ(soul food) အမြဲ ပါဝင်နေတတ်သည်။ “soul-ဝိညာဥ်”ဆိုသောစကားလုံးသည် ၁၉၆၀ ခုနှစ်ခန့်က ပေါ်ပေါက်လာပြီး အမေရိကန်ရောက် အာဖရိကန်လူမျိုးတို့၏ ယဉ်ကျေးမှုကို ဖော်ပြရာတွင် သုံးနှုန်းလေ့ရှိကြသည်။ ဝိညာဥ်အစာတွင် ကြက်ကြော်၊ မက်ကရိုးနီ နှင့်ချိစ်၊ ဟင်းရွက်များ၊ ကန်စွန်းဥ၊ ပြောင်းဖူးပေါင်မုန့်နှင့် အခြားအစားအစာများ ပါဝင်တတ်သည်။ အချိုပွဲများလည်း ပါဝင်သည်။ အရသာလျှာပေါ်စွဲသည့် မက်မွန်သီးယိုမှာ ကျွန်တော် အကြိုက်ဆုံးဖြစ်သည်။ အလွန်ကောင်းမွန်သည့် စားသောက်ပွဲပင်။

ယဉ်ကျေးမှုအလိုက် စားသောက်ပွဲကျင်းပပုံနှင့် အစားအစာတို့ မတူညီကြသော်လည်း၊ အစားအစာသည် အသက်ရှင်သန်ရေးအတွက် မရှိမဖြစ်သောအရာ ဖြစ်သည်။ သခင်ယေရှုက “ငါသည် အသက်မုန့်ဖြစ်၏။ ငါ့ထံသို့ လာသောသူသည် နောက်တစ်ဖန် အဆာအမွတ် မခံရ။ ငါ့ကို ယုံကြည်သောသူသည် နောက်တစ်ဖန် ရေငတ်မခံရ” (ယော ၆:၃၅)ဟု လူအားလုံးအတွက် အရေးကြီးသောအရာကို မိန့်ဆို…

ဘုရားသခင်ထံ ဆက်ကပ်အပ်နှံထားသောအသက်တာ

၁၉၁၅ ခုနှစ်တွင် လမ်းအင်ဂျင်နီယာ Samuel Christopher Lancaster (ဆမ်မြူရယ် ခရစ်စတိုဖာ လန်ကက်စတာ)ကို ဂုဏ်ပြုလျက်“ဘုရားသခင်၏ကောင်းမြတ်တော်မူခြင်း အတွက် ကျေးဇူးတင်ပါ၏။ ကိုယ်တော် ဖန်ဆင်းထားသော လှပသည့်မြင်ကွင်းတွင် ကျွန်ုပ်အား အဓိကလမ်းမကြီး ဆောက်လုပ်ရေးစီမံကိန်း၏အစိတ်အပိုင်းတစ်ခု ဖြစ်ခွင့်ပေးသည့်အတွက် ကျေးဇူးတင်ပါသည်”ဟု ကမ္ဗည်းမှတ်တမ်း ရေးထိုးထား သည်။ ၎င်းကို သူဒီဇိုင်းဆွဲခဲ့သော အဝေးပြေးလမ်းမပေါ်မှနေ၍ လှပသောမြင်ကွင်းကို မြင်နေရသည့်နေရာ၌ စိုက်ထူထားသည်။ ထိုလမ်းသည် ကားမောင်းလျက်ခရီးသွားသူများကို သစ်တော၊ ရေတံခွန်၊ ကျောက်တောင်များနှင့် အသက်ရှုမှားလောက်အောင် လှပသည့် Columbia River Gorge(ကိုလံဘီယာ တောင်ကြား) တစ်လျှောက် ခေါ်ဆောင်သွားသည်။

မိမိရရှိထားသည့် အရင်းအမြစ်များ၊ အောင်မြင်မှုများအတွက် ဂုဏ်ယူရန် (သို့) ၎င်းတို့ကို အချီးအမွမ်း ခံရရေး အသုံးချရန်မှာ သွေးဆောင်မှုတစ်ခုဖြစ်သည်။ သို့သော် ဤအရာများကို ဘုရား၏ထူးခြား လှပသည့် ပန်းချီကားတစ်ချပ်အဖြစ် မြင်ကြည့်ပါ။ ဥပမာအနေဖြင့် မောရှေက…

ခရစ်တော်အတွက် အလင်းဖြစ်ခြင်း

ကိုဗစ်-၁၉ ကပ်ရောဂါကြောင့် ကမ္ဘာတစ်ဝန်းရှိ ကျောင်းများသည် ကျန်းမာရေးနှင့် လုံခြုံရေးအရ ကျောင်းသူကျောင်းသားများကို အိမ်၌သာ နေစေသောကြောင့် အဆောက်အအုံနှင့် ကစားကွင်းများတွင် လူသူကင်းမဲ့နေခဲ့သည်။ ဤရောဂါကြောင့် လူများစွာတို့သည် ကြီးမားသောဒုက္ခများကို ကြုံတွေ့ခဲ့ရကြသော်လည်း၊ ဆရာ/ဆရာမများက နည်းလမ်းများစွာဖြင့် သူတို့၏တပည့်များကို သတိတရ ရှိကြောင်းနှင့် ခက်ခဲသောကာလအတွင်း စိတ်ဓာတ်မကျရန် တိုက်တွန်းအားပေးခဲ့သည်။ သို့နှင့် ကျောင်းများစွာတွင် လူမရှိသည့် ကစားကွင်း၌ ညစဥ် မီးထွန်းပေးသည့် “အလင်းဖြစ်စေပါ”ဟူသော စိန်ခေါ်မှု အစီအစဉ်ကို စတင်ခဲ့ကြသည်။

သခင်ယေရှု ဤလောကတွင် အသက်ရှင်စဥ် သူ့နောက်တော်လိုက်သူများအား “သင်တို့အလင်းကို လူများ၏ရှေ့တွင် ထွန်းစေ”ဟုမိန့်မှာလျက်(မ ၅:၁၆)၊ “အလင်းဖြစ်စေပါ”စိန်ခေါ်မှုကို ပြုလုပ်ခဲ့သည်။ ဤမိန့်မှာချက်တွင် အားပေးစောင်မမှု (သို့) စိတ်ခွန်အားပေးမှုထက် ပိုမြင့်မားသော ရည်ရွယ်ချက်ရှိသည်။ ကျွန်မတို့အား ပေးထားသည့် အလင်းကို လင်းစေခြင်းဖြင့် စောင့်ကြည့်နေသည့် လောကီသားတို့အား ဘုရားသခင်သည် မည်သူဖြစ်ကြောင်း သိမြင်စေပါသည်။ ကျွန်မတို့၏စကားနှင့်…

ဘုရား၏အချိန်

၁၉၆၇ ခုနှစ်အထိ(ကမ္ဘာဂြိုဟ်၏(ဝင်ရိုးပေါ်)လည်ပတ်ခြင်းနှင့် နေကို လှည့်ပတ်ခြင်းဟူသည့်) နက္ခတ်ဗေဒပုံစံများဖြင့် အချိန်ယူနစ်များကို သိပ္ပံနည်းကျ တိုင်းတာခဲ့သည်။ သို့သော် ရာစုနှစ်များတစ်လျှောက် ပြဿနာတစ်ခု ပေါ်လာသည်။ ကမ္ဘာဂြိုဟ်သည် သူ၏ပတ်လမ်းအတွင်း သွားနှုန်းနှေးလာပြီး၊ တစ်စက္ကန့်၏ယူနစ်သည် ယခင်ကထက် ပိုရှည်ကြောင်း သိပ္ပံပညာရှင်များက တွေ့ရှိခဲ့သည်။ ခရစ်တော်လက်ထက်မှစ၍ ကမ္ဘာဂြိုဟ်သည် တိုင်းတာချိန် သုံးနာရီအပြည့်ကို “ဆုံးရှုံး”ခဲ့သည်။

မှန်ပါသည်။ အချိန်ကို တိုင်းတာသည့်နည်းလမ်းများအဖြစ် နက္ခတ္တဗေဒဆိုင်ရာပတ်လမ်းများနှင့် လှည့်ပတ်ခြင်းကို ဘုရားသခင် ဖန်ဆင်းပေးခဲ့သည်။ သိပ္ပံပညာရှင်များ၏တွက်ချက်မှုများသည် ကျွန်ုပ်တို့ထင်သည်ထက် ပိုရှုပ်ထွေး နိုင်သော်လည်း - “ထာဝရဘုရားမှာ ကာလတစ်ရက်သည်၊ အနှစ်တစ်ထောင်ကဲ့သို့ဖြစ်သည်”ဆိုသည့် ပေတရု၏စကားကို ကျွန်ုပ်တို့စိတ်ချနိုင်ပါသည်(၂ ပေ ၃:၈)။ ပေတရုသည် သခင်ယေရှု ပြန်မကြွလာသေးခြင်းကို မြည်တွန်လျက် သံသယရှိသူများနှင့် အချေအတင် ငြင်းခုံနေခြင်းဖြစ်သည်။ “လူအချို့တို့ သည် နှေးခြင်းကိုမှတ်သည်အတိုင်း၊ ထာဝရဘုရားသည် ကတိတော် အရာမှာ နှေးတော်မမူ” (:၉)။ ဘုရားသခင်သည်…

ဝေဒနာခံရသူများနှင့်အတူရှိခြင်း

“ဖေဖေ ခေါင်းကိုက်တယ်” “ဖေဖေ၊ အရမ်းအေးတာပဲ” “ဖေဖေ၊ ခြေဖဝါးကို ပွတ်ပေးလို့ရမလား”။

မကြာမီက ကျွန်ုပ်၏ဆယ်ကျော်သက်သမီးငယ်သည် အဖျားကြီးပြီး ချမ်းတုန်ကာ တစ်ကိုယ်လုံး ကိုက်ခဲမှုကို ခံစားခဲ့ရသည်။ သူမသက်သာလာအောင် ကျွန်တော်ပြုစုပေးရန် သူမလိုလားသည်။ သို့သော် သူမအလိုလားဆုံးဆန္ဒမှာ ကျွန်တော့်ကို သူ့ဘေး၌ ရှိစေလိုခြင်းဖြစ်သည်။ နောက်ဆုံးတွင် သူမကို အရေးပေါ်ဌာနသို့ ပို့ဆောင်ခဲ့ရသည်။ ဆရာဝန်က “ဗိုင်းရပ်စ်”ဟုပြောသည်။ ရောဂါကို တွန်းလှန်ရုံမှတစ်ပါး အခြားဘာမျှမတတ်နိုင်။

ထိုနေ့က နေမကောင်းဖြစ်နေသော သမီးနှင့်နာရီပေါင်းများစွာ ကျွန်တော် အတူရှိနေခဲ့သည်။ သူ့ခြေထောက်ကို ပွတ်သပ်ပေးသည်။ ဆေးတိုက်ပေးသည်။ သူမကို အလွန်သက်သာစေချင်သည်။ ရံဖန်ရံခါတွင် ကျွန်တော်၏ တစ်ကိုယ်ကောင်းဆန်မှုနှင့် “ခက်ခဲလိုက်တာ”ဟု ညည်းမိသည်။ မှန်ပါသည်။ ဝေဒနာခံစားနေရသူနှင့်ထိုင်ပြီး သူတို့၏နာကျင်မှုကို အနီးကပ် မြင်နေရခြင်းက အမှန်ပင် ခက်လှသည်။

ယောဘ၏မိတ်ဆွေများသည် သူ၏ဝေဒနာကို အနီးကပ်မြင်ခဲ့ရသည်။ ဤလူသုံးယောက်သည် အများအားဖြင့် မျှတစွာ စဥ်းစားရှုမြင်တတ်သူများ…

ကတိကဝတ်ပြုခြင်း၏ အဖိုးအခ

ခရစ်ယာန်ခေါင်းဆောင် ၂၂ ဦးသည် အခြားနိုင်ငံမှလာသော သင်းအုပ်ဆရာနှင့် တိတ်တဆိတ်တွေ့ဆုံပြီး လေ့လာသင်ယူရန် နေ့တစ်ဝက်ခရီးနှင်ခဲ့သည်။ သူတို့ကို ဖမ်းမိပါက သင်းအုပ်ဆရာကို ပြည်နှင်ဒဏ်ပေးမည်ဖြစ်ပြီး၊ ကျန်လူများမှာ ထောင်ဒဏ် ၃ နှစ်စီ ချမှတ်ခံရမည်ဖြစ်သည်။ ခေါင်းဆောင် ၂၂ ယောက်တွင် ၁၈ ယောက်သည် ယေရှုကို ယုံကြည်ခြင်းကြောင့် ထောင်ကျခဲ့ဖူးသူများဖြစ်သည်။

သင်းအုပ်ဆရာသည် သူယူဆောင်လာသော ကျမ်းစာ ၁၅ အုပ်ကို ထုတ်ပေးပြီးနောက်၊ အမျိုးသမီးတစ်ဦးသည် သူ့စာအုပ်ကို အခြားသူတစ်ဦးအား ပေးခဲ့သည်။ အခြားသူများကဲ့သို့ပင်၊ သူမ ထောင်ချခံရလျှင် နှုတ်ကပတ်တော်၏ ပညာတော်ကို သူနှလုံးသွင်းနိုင်ရန် ကျမ်းပိုဒ်များကို အလွတ်ကျက်မှတ်ခဲ့သည်။ ထို့နောက် သူတို့၏အသင်းတော်သည် ထိုဆရာ၏အသင်းတော်ကဲ့သို့ လွတ်လပ်စွာ စုဝေးခွင့်ရရန် ဆုတောင်းပေးရန် ပြောခဲ့သည်။ နှိပ်စက်ညှဉ်းပန်းခံရမှုနှင့် အကျဉ်းချခံရမှုများကြားမှ ၎င်းတို့၏ကိုယ်ကျိုးစွန့်ပေးဆပ်မှုများကို အံ့သြလျက် ဆရာက သူ၏အသင်းတော်သည် ထိုအသင်းတော်များကဲ့သို့ ဖြစ်စေရန် ဆုတောင်းခဲ့သည်။

ကမ္ဘာတစ်ဝန်းရှိ…