ရိုးရိုးလေးပဲ ပြောပါ

“ကယ်တင်ခြင်းကို တောင်းခံပါတယ်။ သခင်ယေရှုအကြောင်းသိချင်ပါတယ်။” အီးမေးလ်စာက တိုသော်လည်း အလျင်လိုနေသည်။ အံ့ဩဖွယ်တောင်းဆိုမှုပါ တကား။ သခင်ယေရှုကို မယုံကြည်လက်မခံရသေးသော စိတ်မပါသည့် မိတ်ဆွေများ၊ မိသားစုများနှင့် မတူဘဲ ထိုသူအား အထူးတလည် သိမ်းသွင်းစည်းရုံးရန်ပင် မလို။ ကျွန်မလုပ်ဆောင်ရမည်မှာ ဧဝံ‌ဂေလိဟောပြောခြင်းနှင့် စပ်လျဥ်း၍ မိမိ၏ သံသယများကို ဘေးဖယ်ပြီး၊ ထိုသူ၏တောင်းဆိုမှုအတွက် အဖြေဖြစ်မည့် အဓိကအချက်များ၊ ကျမ်းချက်များအပါအဝင် စိတ်ချရလောက်သည့် စာအုပ်စာပေများကို ရိုးသားစွာ ဝေငှရန်ဖြစ်သည်။ ထိုမှအစပြုကာ ယုံကြည်ခြင်းအားဖြင့် သူ၏ခရီးလမ်းကို ဘုရားသခင်လမ်းပြမည် ဖြစ်သည်။

ကန္တာရ၌ခရီးပြုရင်း ဟေရှာယအနာဂတ္တိကျမ်းကို အသံထွက်ဖတ်နေသော အဲသယောပိ ဘဏ္ဍာထိန်းအမတ်အား ထိုမျှရိုးရှင်းသော ဧဝံဂေလိတရားဝေမျှခြင်းကို ဖိလိပ္ပုဟောပြောသရုပ်ပြခဲ့သည်။ “ဖတ်သောအရာကို နားလည်ပါ၏လောဟု (သူ)မေးမြန်း”ရာ (တ ၈:၃၀)၊ “ထိုအမတ်ကလည်း သွန်သင်ပဲ့ပြင်သောသူမရှိလျှင် အဘယ်သို့နားလည်နိုင်မည်နည်း ဟုဆို”ခဲ့သည် (တ ၈:၃၁)။ “ဖိလိပ္ပု အား မေးမြန်းလျှင်၊ ဖိလိပ္ပုသည်…

အတိတ်တွင် ပျောက်ဆုံးကျန်ခဲ့ပြီ

နိုင်ငံအတွင်း လာဘ်ပေးလာဘ်ယူပြီး စာရိတ္တပျက်စီးမှုကြောင့် ကိုးရီးယားဘုရင် Yeongjo (ရုန်ဂျို) (၁၆၉၄-၁၇၇၆)သည် ပြုပြင်ပြောင်းလဲမှုလုပ်ရန် ဆုံးဖြတ်ခဲ့ပြီး၊ ရွှေမျှင်ဖြင့် ချည်ထိုးပန်းထိုးသည့် ရိုးရာပညာရပ်ကို ပိတ်ပင်တားဆီးခဲ့သည်။ မကြာမီ မှာပင် အဆင့်ပေါင်းများစွာဖြင့် လက်ရာမြောက်စွာ လုပ်ဆောင်ရသည့်ပညာမှာ တိမ်မြှုပ် ပျောက်ကွယ်သွားပြီး အဖိုးတန်ပညာရပ်ကို ဆုံးရှုံးခဲ့ရသည်။

၂၀၁၁ ခုနှစ်တွင် ပရော်ဖက်ဆာ Sim Yeon-ok (စင်မ်ရော်န်အုပ်ခ်)က နှစ်ရှည် ပျောက်ဆုံးခဲ့သော ရိုးရာဓလေ့ကို ပြန်လည်ဖော်ထုတ်လိုသည်။ လုပ်နည်းကိုမှန်းဆ၍ အနီရင့်ရောင်စက္ကူပေါ်တွင် ရွှေချပ်လွှာပါးပါးကို ကပ်ကာ သေးသွယ်သော ရွှေချည်မျှင်ချောင်းများရအောင် ညှပ်ယူပြီး လုပ်ဆောင်မှုအဆင့်ဆင့်ကို ပြန်လည်ဖန်တီးဖော်ထုတ်ကာ ရှေးအနုပညာကို ပြန်လည်သက်ဝင်စေခဲ့သည်။

ထွက်မြောက်ရာကျမ်းတွင် အာရုန်၏ယဇ်ပုရောဟိတ်ဝတ်လုံကို ရွှေချည်ဖြင့်ချုပ်လုပ်ခြင်း အပါအဝင် ထူးကဲသော အတိုင်းအတာများဖြင့် တဲတော်ကို ဆောက်လုပ်ရန် ဖော်ပြထားသည်။ ကျွမ်းကျင်သောပညာသည်တို့သည် “ရွှေကို အပြားခတ်၍ ရွှေကြိုးကိုလှီးပြီးမှ ပြာသောအထည်၊ မောင်းသောအထည်၊ နီသောအထည်၊ ပိတ်ချောတို့ကို…

ကရန် ထလာခြင်း

လူများစွာတို့ ဖြန့်ဝေခဲ့သည့် ဗီဒီယိုတစ်ခုတွင် ကျက်သရေရှိသော အဘွားအို တစ်ဦးသည် ဘီးတပ်ကုလားထိုင်ပေါ်တွင် ထိုင်နေသည်။ တစ်ချိန်ကကျော်ကြားခဲ့သော ဘဲလေးကချေသည် Marta González Saldaña (မာတာ ဂန်ဇားလေ့စ် ဆာဒါးညှာ)သည် ယခုတွင် မှတ်ဉာဏ်ချို့တဲ့သည့် အယ်လ်ဇိုင်းမားရောဂါကို ခံစားနေရသည်။ သို့သော် Tchaikovsky (ချိုင်းကော့စကီ)၏ ‘Swan Lake’ (ဘဲငန်းကန်) သီချင်းကို ဖွင့်ပြသည့်အခါ အံ့ဖွယ်အမှု ဖြစ်လာသည်။ သီချင်းအရှိန်မြင့်လာသည့်အခါ သူမ၏ချည့်နဲ့သောလက်များ တစ်ဖြည်းဖြည်းမြှောက်လာပြီး ပထမခရာမှုတ်သံ ကြားလိုက်သည့်အခါ ကုလားထိုင်ပေါ်၌ စတင်လှုပ်ရှား ကပါတော့သည်။ သူမ၏စိတ်နှင့်ရုပ်ခန္ဓာက ယိုယွင်းသော်လည်း သူ့စွမ်းရည်က ကျန်နေသေးသည်။

ထိုဗီဒီယိုကို မြင်လိုက်ရချိန်၌ ကောရိန္သုသြဝါဒစာပထမစောင် ၁၅ မှ ထမြောက်ခြင်းနှင့် ပတ်သက်ပြီး တမန်တော်ရှင်ပေါလု၏ သွန်သင်ချက်များသို့ ကျွန်ုပ်၏အတွေး ရောက်သွားသည်။ ကျွန်ုပ်တို့၏ကိုယ်ခန္ဓာကို အပင်ပေါက်စေရန် မြေ၌စိုက်သည့်အစေ့နှင့်နှိုင်းပြီး၊ ကျွန်ုပ်တို့၏ကိုယ်ခန္ဓာသည် အိုခြင်း၊ နာခြင်းကြောင့် အသရေမဲ့ပြီး…

ကျွန်ုပ်တို့၏အချိန်ကို ပြန်လည်သိမ်းယူခြင်း

၁၉၆၀ ပြည့်နှစ်များတွင် ကျွန်မ၏အမေသည် ကျွန်မ၏အဖေနှင့်လက်ထပ်နိုင်ရေး ကောလိပ်ဆက်မတက်ရန် ဆုံးဖြတ်ခဲ့ကြောင်း ကျွန်မကို ပြောပြခဲ့သည်။ သို့သော် အိမ်တွင်းမှုသိပ္ပံဆရာမ ဖြစ်ချင်သည့် သူမ၏အိမ်မက်ကို အမြဲဖက်တွယ်ထားဆဲပင်။ ကလေးသုံးယောက်မွေးပြီးသည့်နောက်၊ အမေသည် ဘွဲ့ရမဟုတ်သော်လည်း အမေရိကန်နိုင်ငံ၊ လူဝီစီယားနားပြည်နယ်၏ ကျန်းမာရေးဌာနတွင် လက်ထောက်အာဟာရဗေဒပညာရှင် ဖြစ်လာခဲ့သည်။ အိမ်တွင်းမှုသိပ္ပံ ဆရာမကဲ့သို့ပင် အာဟာရပြည့်၀သော အစားအစာများကိုရွေးချယ်‌ရန် ကိုယ်တိုင်ချက်ပြုတ်ပြခဲ့သည်။ သူမ၏ဘ၀နှင့်အိပ်မက်အ‌‌ကြောင်းကို ကျွန်မအား ပြန်ပြောပြရင်း သူမ၏ဆုတောင်းသံကို ဘုရားသခင်ကြားပြီး သူမဖြစ်ချင်သည့်ဆန္ဒကိုဖြည့်ဆည်းပေးခဲ့သည်ဟု သက်သေခံခဲ့သည်။

ကျွန်မတို့၏ဘဝတွင်လည်း ထိုကဲ့သို့ဖြစ်နိုင်ပါသည်။ ကျွန်မတို့၏ အစီအစဉ်က တစ်ခု၊ တကယ့်လက်တွေ့က တစ်ခြားဖြစ်နေတတ်သည်။ သို့သော် ဘုရားသခင်နှင့်သာဆိုလျှင် ကျွန်မတို့၏အချိန်နှင့်ဘဝသည် သူ၏ကရုဏာ၊ ချစ်ခြင်းနှင့် ပြုပြင်တည်ဆောက်ပေးခြင်းတို့ ထင်ဟပ်နေသည့် အသက်တာအသွင်သို့ ကူးပြောင်းသွားနိုင်သည်။ ဘုရားသခင်သည် ယုဒလူမျိုးများအား ကျိုင်းကောင်များကြောင့် ဆုံးရှုံးပျက်စီးခဲ့ရသောနှစ်များကို ပြန်ပေးမည်ဖြစ်ကြောင်း ပြောကြားခဲ့သည် (ယောလ ၂:၂၅)။ စိန်ခေါ်မှုများနှင့် ဖြစ်မလာသေးသော အိပ်မက်များကို…

မြေခွေးပေါက်စလေးများ

လေယာဉ်မှူးတစ်ဦးသည် သူ၏လက်ဖက်ရည်ခွက်ကို အံခွက်ထဲထည့်မရ၍ စက်ခလုတ်ခုံပေါ်၌ တင်ထားမိသည်။ ထို့နောက် လေယာဉ်မှာ လေပြင်းနှင့်ဝင်တိုးမိပြီး ထိန်းချုပ်ကိရိယာပေါ်သို့ လက်ဖက်ရည်မှောက်ကျ၍ အင်ဂျင်စက်တစ်လုံး ရပ်သွားသဖြင့် လေကြောင်းလမ်း ပြောင်းလိုက်ရကာ ဘေးကင်းစွာသက်ဆင်းနိုင်ခဲ့သည်။ နှစ်လအကြာတွင် အခြားလေကြောင်းလိုင်း၌လည်း အလားတူ ဖြစ်ပျက်သည့်အခါ ပြဿနာတစ်ခုခုရှိနေပြီဟု လေယာဉ်ထုတ်လုပ်သူများ သတိထားမိတော့သည်။ လေယာဉ်တစ်စီး၏ကုန်ကျစရိတ်မှာ ဒေါ်လာ (၃၀၀) မီလီယံဖြစ်သော်လည်း ခွက်ထည့်သည့်အံခွက်များက အလွန်သေးသည်။ ဤသို့ အသေးအမွှားလေးကို သတိမမူမိခြင်းသည် အလွန်ဆိုးရွားသည့် ကိစ္စရပ်များကိုဖြစ်စေသည်။

အသေးအဖွဲအရာလေးများသည် မဟာအကြံအစည်များကို ဖျက်ဆီးနိုင် သည်။ ထို့ကြောင့် ရှောလမုန်သီချင်းမှ အမျိုးသားသည် သူ၏ချစ်သူအား “စပျစ်နွယ်ပင်တို့ကို ဖျက်လတ္တံ့သော မြေခွေးများနှင့် မြေခွေးကလေးများကို ဖမ်း”ရန် တိုက်တွန်းခဲ့သည် (၂:၁၅)။ မြေခွေးများ နံရံကိုကျော်တက်ပြီး စပျစ်နွယ်များကို တူးထုတ်ကာ စပျစ်သီးများ ရှာဖွေသည်ကို သူမြင်ဖူးခဲ့သည်။ စပျစ်ခြံထဲ လှစ်ခနဲ ပြေးဝင်ပြီး ညအမှောင်ထဲ‌ ပျောက်ကွယ်သွားသဖြင့်…

ကျွန်ုပ်တို့အတွက် နေရာပြင်ဆင်နေသည်

ကျွန်‌‌တော်တို့မိသားစု ခွေးမွေးရန်အစီအစဉ်ရှိသဖြင့် ကျွန်တော်၏ (၁၁) နှစ်အရွယ် သမီးသည် လပေါင်းများစွာ လေ့လာစုံစမ်းခဲ့သည်။ အသေးစိတ် ဂရုစိုက်ရမည့် အရာများအနက် ခွေးကိုဘာကျွေးရမည်၊ အိမ်အသစ်၌ နေသားကျအောင် မည်သို့ လုပ်ပေးရမည် စသည်တို့ကို သူမသိသည်။

ခွေးပေါက်လေးများအတွက် အကောင်းဆုံးမှာ အခန်းတစ်ခန်းတွင် နေသားကျ အောင် လုပ်ပေးပြီးမှ တစ်ခန်းပြီးတစ်ခန်း ရွှေ့ပေးရခြင်းဖြစ်သည်ဟု သူမပြောသည်။ ထို့ကြောင့် အခန်းပိုတစ်ခန်းကို ဂရုတစိုက်ပြင်ဆင်ခဲ့ကြသည်။ အသစ်စက်စက် ခွေးလေးကို ပြုစုပျိုးထောင်ချိန်အတွင်း အံ့ဩစရာများတွေ့ကြုံရမည်မှာ သေချာသော်လည်း ပျော်ရွှင်နေသည့် သမီးလေး၏ ကြိုတင်ပြင်ဆင်မှုကို မီမည်မဟုတ်ပါ။

ခွေးလေးလိုချင်နေသည့် သူမ၏စိတ်ပြင်းပြမှုကို သမီးက ချစ်စရာကောင်းသည့် ပြင်ဆင်မှုအဖြစ် အကောင်အထည်ဖော်လိုက်ပုံသည် ဣသရေလလူမျိုးများနှင့် အတူနေထိုင်လိုသည့် ခရစ်တော်၏ဆန္ဒ၊ သူတို့အတွက် အိမ်ပြင်ဆင်ပေးမည့် သူ၏ ကတိတော်ကို အမှတ်ရစေသည်။ သူ၏လောကသာသနာ ပြီးဆုံးခါနီးတွင် ရှင်ယေရှုက တပည့်တော်များအား “ဘုရားသခင်ကို ယုံကြည်ကြလော့။ ငါ့ကိုလည်း…

ကျေးဇူးတင်တယ်၊ ဒါပေမဲ့ ကျေးဇူးမတင်နိုင်ပါ

အိန္ဒိယနိုင်ငံရှိ အော်တစ်ဇင် (အထီးကျန်စိတ်ဝေဒနာရှင်) ကလေးများအတွက် တည်ထောင်ထားသော ခရစ်ယာန်ကျောင်းသည် အဖွဲ့အစည်းတစ်ခုမှ မြောက်များ စွာသောအလှူငွေကို လက်ခံရရှိခဲ့သည်။ အရှုပ်အရှင်းကင်းကြောင်း စုံစမ်းသိရှိရပြီးနောက် အလှူငွေကို လက်ခံခဲ့ကြသည်။ ထို့နောက် ယင်းအဖွဲ့အစည်းက ကျောင်းဘုတ်အဖွဲ့တွင် ပါဝင်ခွင့်ပေးရန် တောင်းဆိုလာရာ ကျောင်းတာဝန်ခံက ငွေများကို ပြန်ပေးလိုက်သည်။ ကျောင်း၏တန်ဖိုးထားမှုနှင့်ပတ်သက်ပြီး ညှိနှိုင်းအပေးအယူ လုပ်ရန် သူမလက်မခံခဲ့ပါ။ “ဘုရားသခင်အလုပ်ကို ဘုရားနည်းလမ်းအတိုင်း လုပ်ဖို့က ပိုအရေးကြီးတယ်”ဟု သူမ ပြောခဲ့သည်။

အကူအညီပေးမည်ကို ငြင်းရသည့် အကြောင်းရင်းများစွာရှိပြီး ဖော်ပြပါ အကြောင်းရင်းသည် တစ်ခုအပါအ၀င်ဖြစ်သည်။ ကျမ်းစာ၌ အခြားအကြောင်းရင်းကို တွေ့ရသေးသည်။ တိုင်းတစ်ပါးသို့ ဖမ်းဆီးခေါ်ဆောင်ခံရသည့် ဣသရေလလူမျိုးများ ယေရုရှလင်မြို့သို့ပြန်ကြသောအခါ ဗိမာန်တော်ပြန်ဆောက်ရန် ကုရုမင်း စေခိုင်းခဲ့သည် (ဧဇ ၃)။ သူတို့၏အိမ်နီးချင်းများက “သင်တို့၏ဘုရားသခင်ကို သင်တို့ရှာသကဲ့သို့ ငါတို့လည်းရှာကြ၏” (ဧဇ ၄:၂)ဟုဆိုကာ လာကူဆောက်ပေးလိုကြောင်းပြောကြသည်။ ဣသရေလခေါင်းဆောင်များက ငြင်းဆိုခဲ့ကြသည်။ အကူအညီကို…

ပုံသေနည်းမလိုပါ

ဂျန် ငယ်စဉ်က စိတ်စေတနာကောင်းသော သူမ၏ဥပုဒ်စာသင်ကျောင်းဆရာက အတန်းသားများကို ကျမ်းချက်များ အလွတ်ကျက်မှတ်ခြင်းနှင့် ဧဝံဂေလိဝေငှနည်းတို့ ပါဝင်သော ဧဝံဂေလိသင်ခန်းစာကို သင်ကြားပေးခဲ့သည်။ သူမနှင့် သူငယ်ချင်းတစ်ဦးသည် အခြားသူငယ်ချင်းတစ်ဦးအား လက်တွေ့ပြောကြားခဲ့ပြီး အရေးကြီးသောအဆင့် (သို့) ကျမ်းပိုဒ်မေ့သွားမည်ကို စိုးရိမ်ခဲ့သည်။ ထိုညနေက သူငယ်ချင်း၏ အသက်တာပြောင်းလဲခဲ့လား ဆိုသည်ကို ဂျန် မမှတ်မိပါ။ မပြောင်းလဲခဲ့ဟု ထင်ပါသည်။ ချဉ်းကပ်နည်းသည် ပုဂ္ဂိုလ်ရေးထက် ပုံသေနည်းနှင့် ပိုတူပုံရသည်။

နှစ်အတန်ကြာခဲ့ပြီး၊ ယခုတွင် ဂျန်နှင့်သူမ၏ခင်ပွန်းတို့သည် ဘုရားသခင်ကိုချစ်ခြင်းနှင့် ပို၍ ပျူငှာသည့်ပုံပေါ်သည့် နည်းလမ်းဖြင့် သူတို့၏ယုံကြည်ခြင်းကို သူတို့၏သားသမီးများအား စံနမူနာပြလျက် ဝေမျှနေပါသည်။ သားသမီးများကိုဘုရားသခင်အကြောင်း၊ သမ္မာကျမ်းစာအကြောင်း၊ သခင်ယေရှုနှင့်ကိုယ်တိုင် ဆက်သွယ်မှုအကြောင်းများ သင်ကြားပေးရန်အရေးကြီးကြောင်း သူတို့နားလည်ကြသည်။ သို့သော် ဘုရားသခင်နှင့်သမ္မာကျမ်းစာကို ချစ်မြတ်နိုးကြောင်း နေ့စဉ် စံနမူနာပြ အသက်ရှင်မှုဖြင့် သူတို့ပြသနေထိုင်သည်။ သူတို့သည် “လောက၏အလင်း” ဖြစ်ခြင်း၏အဓိပ္ပာယ် (မ ၅:၁၄)၊…

တရားမျှတခြင်းနှင့်ယေရှု

ရောမ၏ပထမဆုံးဧကရာဇ် Caesar Augustus (ဆီဇာအောဂတ်စတပ် - ကဲသာဘုရင်) (ဘီစီ ၆၃ မှ အေဒီ ၁၄)သည် တရားဥပဒေနှင့်အညီ အုပ်ချုပ်သူအဖြစ်ကျော်ကြားလိုခဲ့သည်။ သူသည် ကျွန်လုပ်အား၊ စစ်ရေးဖြင့် အောင်မြင်သိမ်းပိုက်ခြင်းနှင့် ငွေကြေးလာဘ်ပေးခြင်းဖြင့် သူ၏အင်ပါယာကို တည်ထောင်ခဲ့သော်လည်း တရားစီရင်‌ရေးဆိုင်ရာ ဆီလျော်ကောင်းမွန်သည့် နည်းနာများကို တရားဝင်အတည် ပြုသည်။ ယနေ့ကျင့်သုံးနေသည့် တရားမျှတမှုဖွဲ့စည်းပုံကိုရည်ညွှန်းသော တရား မျှတသောအမျိုးသမီးဖြစ်သည့် Iustitia (အိုင်ရက်စ်စတေးရှီးရား) နတ်ဘုရားမကို သူ့နိုင်ငံသားများအား ပေးခဲ့သည်။ မြေကြီးစွန်းတိုင်လွှမ်းမိုးမည့် ကြီးမြတ်သော၊ ကြာမြင့်စွာစောင့်ဆိုင်းရသော ဘုရင်မွေးဖွားလာမည့် ဗက်လင်မြို့သို့ မာရိနှင့်ယောသပ်ကို ပို့ဆောင်ခဲ့သည့် သန်းခေါင်စာရင်းကောက်ခြင်းကိုလည်း သူမိန့်မှာခဲ့သည် (မိ ၅:၂-၄)။

စစ်မှန်သောတရားမျှတမှုသည် မည်သို့မည်ပုံဖြစ်သည်ကို ပြသရန် ပို၍ကြီးမြတ် သောရှင်ဘုရင်တစ်ပါးက မည်သို့ရှင်သန်ပြီး မည်သို့အသေခံခဲ့မည်ကို သြဂတ်စတပ်နှင့် တစ်လောကလုံးက မမျှော်မှန်းနိုင်ခဲ့ပါ။ ရှေးရာစုနှစ်အစောပိုင်း၊ ပရောဖက်မိက္ခာ ပေါ်ထွန်းသည့်ခေတ်က ဘုရားသခင်၏လူများသည် အနိုင်အထက်ပြုကာ…

အကောင်းအဆိုးအားလုံး

(၁၇) ရာစုက Oliver Cromwell (အော်လီဗာကော(မ်)ဝဲလ်)သည် “အင်္ဂလန်ကို ကာကွယ်သူ”ဟု လူသိထင်ရှားသော စစ်သေနာပတိဖြစ်သည်။ ထိုခေတ်အခါက အရေးကြီးပုဂ္ဂိုလ်များအတွက် သူတို့၏ပုံတူပန်းချီများ ရေးဆွဲလေ့ရှိကြသည်။ ထို့ပြင် လူတစ်ဉီး၏မျက်နှာရှိ ဆွဲဆောင်မှုအားနည်းသောရှုထောင့်ကို ရေးဆွဲရန် ရှောင်ရှားခြင်းသည် အနုပညာရှင်တစ်ဉီးအတွက် အဆန်းမဟုတ်ပါ။ သို့သော် ကော(မ်)ဝဲလ်က သူ့အား မြှောက်ပင့်မှုမျိုးကို မလိုချင်ခဲ့ပါ။ သူက ပန်းချီဆရာအား “မင်းက ငါ့အရှိအတိုင်းကိုပဲ ဆွဲရမယ်။ အကောင်းရောအဆိုးပါ အားလုံးနော်၊ မဟုတ်ရင် ငါမင်းကို အခကြေးငွေမပေးဘူး” ဟုသတိပေးခဲ့သည်။

ပန်းချီဆရာက လိုက်လျောခဲ့ပုံရပါသည်။ ကော(မ်)ဝဲလ်၏ပုံတူ ရေးဆွဲပြီး ချိန်တွင် မျက်နှာပေါ်မှ သိသာထင်ရှားသောကြွက်နို့များပါရှိပြီး၊ ယနေ့ခေတ် ဆိုလျှင် လူမှုမီဒီယာတွင် မတင်မီ ပုံပြင်မည် (သို့) ပိုလှအောင်ပြုလုပ်မည်မှာ အသေအချာပင်ဖြစ်သည်။

“အကောင်းအဆိုးအားလုံး” ဟူသောအသုံးအနှုန်းသည် လူတို့အား စိတ် အနှောင့်အယှက်ဖြစ်ရသည့် ၎င်းတို့၏ချို့ယွင်းချက်များ၊ သဘောထားများနှင့် ပြဿနာများစသည်ဖြင့် သူတို့၏အရှိကိုအရှိတိုင်း…