ခရစ်တော်အတွက် တပည့်တော်များဖြစ်စေခြင်း

ဘတ်စကတ်ဘော၏အစောပိုင်းရာသီတွင် ကျွန်မတို့ရပ်ကွက်ရှိ အလယ်တန်းကျောင်း၏ နည်းပြဆရာက သူ၏ကစားသမားများအား ဘောလုံးကို စွန့်စားပစ်သွင်းရန် အလွန်အမင်း ကြိုးစားစည်းရုံးနေခဲ့သည်။ “သွင်းလိုက်”ဟု ကွင်းဘေးမှ သူအော်ဟစ်ခဲ့သည်။ စိတ်အားထက်သန်နေသော သူ၏ကစားသမားများသည် ဘောလုံးကို လက်ဆင့်ကမ်းပေးခဲ့ကြသည်။ ဘောလုံးကို ရိုက်ပုတ်သယ်သွားခြင်းကိုလည်း သူတို့နှစ်သက်သည်။ သူတို့၏သံသယများ မရှင်းမီ ဘောလုံးပစ်ကာဂိုးသွင်းရန်ကြိုးစားရင်းနှင့်ပင် ရာသီတစ်ဝက်ကုန်သွားခဲ့သည်။ သို့သော် “ဂိုးသွင်းရန် ကြိုးစားခြင်း”က အနေအထားကို တစ်မူကွဲပြားစေခဲ့သည်။ သူတို့၏သံသယများကို စွန့်ပြီး သူတို့၏နည်းပြကို နာခံခြင်းဖြင့်၊ မကြာခဏ ပစ်မှတ်ကို လွှဲချော်ခဲ့သည့်တိုင် သူတို့အနိုင်ယူရန် သင်ယူခဲ့သည်။

တပည့်တော်ဖြစ်ရန် သခင်ယေရှု၏ခေါ်သံကို နာခံလိုက်လျှောက်နိုင်ရေး သံသယများကိုစွန့်ပစ်ရန် သခင် ကျွန်ုပ်တို့ကို သွန်သင်ခဲ့သည်။ “ယေရှုသည် အနီး အပါးသို့ ချဉ်းတော်မူပြီးလျှင်၊ ကောင်းကင်ဘုံ၌လည်းကောင်း၊ မြေကြီးပေါ်၌ လည်းကောင်း၊ စီရင်ပိုင်သော အခွင့်တန်ခိုးရှိသမျှတို့ကို ငါခံရပြီ။ သင်တို့သွား၍ လူမျိုးတကာတို့ကို ငါ့တပည့်ဖြစ်စေလျက်၊ ခမည်းတော်၊ သားတော်၊ သန့်ရှင်းသောဝိညာဉ်တော်၏နာမ၌…

ဘုရားသခင်၏နူးညံ့သောဂရုစိုက်မှု

မိခင်က သူမ၏မွေးကင်းစကလေးငယ်ကို ရင်ခွင်ထဲ၌ ပွေ့ပိုက်ထားပြီး၊ သူမနှင့်အတူ ဆေးရုံသို့ ကျွန်မလိုက်သွားကာ မွေးကင်းစကလေးငယ် အထူးကြပ်မတ် ကုသဆောင်ဌာနတွင် ထိုင်စောင့်နေခဲ့သည်။ နည်းပညာအဆင့်မြင့် ဆေးဘက်ဆိုင်ရာဌာနတွင် ဆရာဝန်များက ကလေးငယ်၏ကျန်းမာရေးကို မြှင့်တင်ရန်နှင့် အားကောင်းစေရန် အလွန်ရိုးရှင်းသောညွှန်ကြားချက်ကို အကြံပြုထောက်ခံခဲ့သည်။ ထိုညွှန်ကြားချက်မှာ အသစ်စက်စက်မိခင်သည် သူမ၏သမီးငယ်ကို ရိုးရိုးလေး ပွေ့ချီသည့်အချိန်ကို တိုး၍ကြာကြာချီထားရန် ဖြစ်သည်။

ကလေးငယ်တစ်ဦးအား သက်သာစေသော နှစ်သိမ့်မှုမျိုးကိုပေးရန်မှာ မိဘ၏ ကြီးမားသောချစ်ခြင်းမေတ္တာနှင့် နူးညံ့သောကရုဏာမှတစ်ပါး အခြားမရှိပါ။ ဤသို့ အားကြီးသောပုံရိပ်မျိုးကို ဘုရားသခင်နှင့်သူ၏လူမျိုးများအား ပုံဖော်ထားသည့် ပရောဖက်ဟေရှာယ၏အနာဂတ္တိကျမ်းတွင် တွေ့နိုင်ပါသည်။

ဣသရေလလူမျိုးများသည် ဘုရားသခင်ကို ငြင်းပယ်သောကြောင့် ပြည်နှင်ဒဏ်ခံရမည်ဖြစ်ကြောင်း ပရောဖက်ပြုထားသည့်တိုင် (ဟေရှာယ၃၉:၅-၇) ဘုရားသခင်သည် သူတို့အား ချစ်သေးကြောင်းနှင့် အမြဲထောက်ပံ့မည်ဖြစ်ကြောင်း ဣသရေလလူမျိုးများအား ဟေရှာယပြောကြားခဲ့သည်။ ချစ်ခင်တတ်သောဖခင်ပမာ သူ၏ သိုးသူငယ်တို့ကို ချီ၍ ပွေ့ပိုက်တော်မူသည့် သိုးထိန်းအဖြစ် လှပစွာတင်စားသည့် ဥပမာတွင် ဘုရားသခင်၏သနားညှာတာမှုနှင့်…

ကရုဏာတော်အား လိုက်လံရှာဖွေခြင်း

သူမ၏ပရိသတ်များက သူမကို နိုက်ဘာဒီ(Nightbirdie)အဖြစ်သိကြသည်။ တေးရေးတေးဆို ဂျိန်းခရစ္စတင်မာ့ဇူစကီး (Jane Kristen Marczewski)သည် ၂၀၂၁ ခုနှစ်၌ နာမည်ကြီး စွမ်းရည်ပြတီဗွီရှိုးတစ်ခုတွင် ပရိသတ်အများအပြား ရရှိခဲ့သည်။ ၂၀၁၇ ခုနှစ်တွင် သူမသည် ရင်သားကင်ဆာအဆင့် ၃ ဖြစ်နေကြောင်း သိခဲ့ရပြီး၊ ၂၀၁၈ တွင် ပြန်လည်သက်သာခဲ့သည်။ နေရာအနှံ့ ခရီးသွားခဲ့သော်လည်း လများစွာကြာပြီးနောက် ကင်ဆာရောဂါပြန်ပေါ်လာခဲ့သည်။ သူမတွင် ရှင်သန်ရန် အခွင့်အရေးအနည်းငယ်သာ ကျန်ရှိတော့သည်။ အံ့ဩစရာကောင်းသည်မှာ သူမပြန်လည်သက်သာလာခဲ့ပြီး၊ ကင်ဆာအရှင်းပျောက်ကင်းပြီဖြစ်ကြောင်း ကြေညာခဲ့သည်။ သို့သော် ၂၀၂၂ ခုနှစ် ဖေဖော်ဝါရီလ ၁၉ ရက်နေ့တွင် နိုက်ဘာဒီ ကွယ်လွန်သွားခဲ့သည်။

သူမ၏ခက်ခဲသောဘဝခရီးလမ်းတွင် “ဣသရေလလူမျိုးများအား ဆယ်စုနှစ်ပေါင်းများစွာ လမ်းပျောက်စေခဲ့သည့်ဘုရားထံ ကျွန်မဆုတောင်းနေတယ်ဆိုတာ ကျွန်မကိုယ်ကျွန်မ သတိပေးနေခဲ့တယ်။ သူတို့က မြန်မြန်ရောက်ဖို့ တောင်းဆိုခဲ့ပေမဲ့ ဘုရားသခင်က သူတို့ကို တောမှာ လှည့်လည်စေခဲ့တယ်။ သူတို့ မတောင်းတဲ့ဆုကို…

ခရစ်တော်၌ အတွေးများကို ချုပ်ထိန်းပါ

Katie Ledecky(ကေတီလဒက်ကီ)သည် သူအကျွမ်းကျင်ဆုံးရေကူးအားကစားဖြင့် ၂၀၂၄ ခုနှစ် ပဲရစ်အိုလံပစ်ပြိုင်ပွဲ၏ မီတာ၁၅၀၀ အလွတ်ကူးပြိုင်ပွဲတွင် ယှဥ်ပြိုင်ရင်း တစ်ကြော့ပြီးတစ်ကြော့ ကူးခတ်ခဲ့သည်။ သူမသည် ၁၅ မိနစ်ခန့် စောပြီး အခြားရေကူးသမားများ၏ရှေ့မှပန်းဝင်ခဲ့ပြီး တစ်ကိုယ်တည်း အတွေးနယ်ချဲ့နေသည်။ ထိုတာဝေးရေကူးပြိုင်ပွဲတွင် လဒက်ကီသည် မည်သည့် အရာများကို တွေးနေသနည်း။ သူမ အိုလံပစ်စံချိန်သစ် တင်နိုင်ခဲ့ပြီး ရွှေတံဆိပ်ရခဲ့သည့်ပြိုင်ပွဲအပြီး ချက်ချင်းပြုလုပ်ခဲ့သည့် တွေ့ဆုံမေးမြန်းခန်းတွင် လဒက်ကီ သည် သူမ၏လေ့ကျင့်ဖော်များအကြောင်း စဉ်းစားနေပြီး၊ ၎င်းတို့၏အမည်များကို စိတ်ထဲ၌ ရေရွတ်နေခြင်းဖြစ်ကြောင်း ပြောကြားခဲ့သည်။

တာဝေးရေကူးသမားများသာ မှန်ကန်သောအရာများအပေါ် အာရုံစိုက်ရန် လိုအပ်သူများ မဟုတ်ပါ။ သခင်ယေရှု၌ ယုံကြည်သူ ကျွန်ုပ်တို့သည်လည်း ယုံကြည်ခြင်းခရီးတစ်လျှောက်တွင် မိမိ၏အတွေးများကို စောင့်ထိန်းရန်လိုသည်။

တမန်တော်ရှင်ပေါလုသည် ဖိလိပ္ပိအသင်းတော်အား “အဘယ်အမှုကိုမျှ စိုးရိမ်ခြင်းမရှိဘဲ၊ အရာရာ၌ ဆုတောင်းပတ္ထနာပြု”ကာ၊ “သခင်ဘုရား၌ ဝမ်းမြောက် ရန်” ခွန်အားပေးခဲ့သည်(ဖိ၄:၄-၆)။ ရလဒ်အနေဖြင့် “အဘယ်သူမျှကြံ၍မမှီနိုင်သော ဘုရားသခင်၏ငြိမ်သက်ခြင်းသည်…

ဘုရားသခင်ထံငိုကြွေးမြည်တမ်းခြင်း

နယူး‌ယောက်မြို့ရှိ အမြွှာမျှော်စင် တိုက်ခိုက်ခံရသည့် ၉/၁၁ အောက်‌မေ့ဖွယ်နှင့် ပြတိုက် (9/11 Memorial & Museum) ၏ အဖွင့်ပြသမှုများကို စူးစမ်းလိုစိတ်ကြောင့် သွားရောက်ကြည့်ရှုခဲ့သော်လည်း ကျွန်မ၏စိတ်ခံစားချက်များကို ထိန်းထားခဲ့သည်။ ကလေးများနှင့် နှလုံးကြေကွဲဖွယ်ပုံများကို မမြင်လိုသူများ မဝင်ရသော ပြတိုက်မှူးများ အမြော်အမြင်ရှိစွာ တားမြစ်ထားသည့် အတွင်းပိုင်းပြခန်းသို့ ဝင်ကြည့်သောအခါ ကျွန်မခံစားချက်တို့ပြောင်းလဲသွားသည်။ ကြေကွဲဝမ်းနည်းဖွယ်ရာနှင့် ဆုံးရှုံးရမှုအဖြစ်အပျက်များ တစ်ခုပြီးတစ်ခု မြင်ရပြီးနောက် ကျွန်မရင်ထဲ၌ ဝမ်းနည်းပူဆွေးမှုတို့ လှိုက်တက်လာခဲ့သည်။

ထိုသို့သောပျက်စီးခြင်းနှင့် နာကျင်မှုတို့ကို မျက်မြင်တွေ့ရသည့်အခါ (သို့) သတိရမိသည့်အခါ ဘုရားသခင်ထံ သူတို့၏ဒုက္ခများကို ဟစ်ကြွေးသူများ၏ ငိုကြွေးခြင်းတွင် ကျွန်မတို့ပါဝင်နိုင်သည်။ ယေရုရှလင်မြို့ပျက်စီးပြီးနောက် ပရောဖက်ယေရမိရေးသားသည်ဟု ကျမ်းပညာရှင်များစွာက ယုံကြည်သည့် ယေရမိမြည်တမ်းစကား၌ တွေ့ရသော ဝေဒနာစကားများ- ကျစ်လစ်စွာ ဖွဲ့စည်းထားသည့် ထိုတမ်းချင်းတွင် ဘုရားသခင်၏လူမျိုးများ နာကျင်ခံစားရမှုအပေါ် သူ၏ဝမ်းနည်းမှုနှင့် ကြေကွဲမှုတို့ကို ထည့်သွင်းထားသည်။” အိုထာဝရဘုရား၊ ကြည့်ရှုတော်မူပါ။…

အစွမ်းမရှိသော်လည်း ဆုတောင်းမပြတ်

“ဒီနေ့[ဘုရားကျောင်း]မှာ ကျွန်တော် ဧည့်ကြိုလုပ်စဥ် လူငယ်တစ်ယောက် ကလေးချီလို့၊ ကျွန်တော့်ဆီလာပြီး ကျွန်တော့်ကို လာဖက်တယ်။ သူ့ကို ခဏငေးကြည့်ရင်း မှတ်မိသွားပြီး ‘ဂျလန်း’လို့ ခေါ်လိုက်တယ်။ ကျွန်တော်တို့နှုတ်ဆက်ပြီး ခဏလေးစကားပြောခဲ့တယ်။ ရည်မွန်လိမ္မာလှတဲ့ လူငယ်လေး”ဟူ၍ သားဖြစ်သူ ဂျလန်းနှင့်ပတ်သက်သည့် မက်ဆေ့ချ်ကို လူမှုကွန်ရက်မီဒီယာမှ ရရှိသောအခါ အန်နီတာဘာလီ၏နှလုံးသား နွေးထွေးသွားသည်။ ထိုဧည့်ကြိုမှာ မိုက်မဲသောရွေးချယ်မှုများ၏ အကျိုးဆက်အဖြစ် ထောင် ၁၂နှစ် ကျခဲ့သော သူတို့၏သားကို ကယ်တင်ရန် အန်နီတာနှင့် သူမ၏ခင်ပွန်း အိဒ်တို့ ဘာမှမတတ်နိုင်သည့်အချိန်၊ သားဆိုးမိုက်ခဲ့ချိန်ကတည်းကပင် ဂျလန်းကို သိကျွမ်းခဲ့သူဖြစ်သည်။

မိဘများသည် အစွမ်းမရှိသကဲ့သို့ ခံစားရသော်လည်း ဆုတောင်းမပြတ်ခဲ့ပေ။ ၆ ရာ ၂၀ တွင် ဘုရင်ယောရှဖတ်လည်း ထို့အတူပင် အစွမ်းမဲ့ခဲ့သည်။ ရန်သူတပ်များ၏ နှောင့်ယှက်မှုကိုခံရသောအခါ သူသည် ဆုတောင်းရန် စည်းဝေးလျက်(:၁-၄)၊ “အို အကျွန်ုပ်တို့ဘုရားသခင်၊ သူတို့ကို မစီရင်ဘဲနေတော်မူမည်လော။ အကျွန်ုပ်တို့ကို…

သခင်ယေရှုအတွက် မရှက်ကြောက်ပါ

သခင်ယေရှု၌ တည်ကြည်သောယုံကြည်ခြင်းကြောင့် အသတ်မခံရမီ၊ နာမည် မှတ်တမ်းမတင်ရသေးသော အာဖရိကန်သင်းအုပ်ဆရာတစ်ဦးက“မာတုရ၏ ဆုတောင်းသံ”(A Martyr's Prayer)ကို ရေးခဲ့သည်။ ရှေးခေတ်မှ ဤလေးနက်သော သတင်းစကားသည် “ရှက်ကြောက်ခြင်းကင်းသူတို့၏ မိတ်သဟာယ” (The Fellowship of the Unashamed) ဟုလူသိများလာသည်။

ဤသင်းအုပ်၏စကားများသည် သခင်ယေရှုကို ယုံကြည်သူအားလုံး အတွက် စိန်ခေါ်ချက်ဖြစ်ပြီး၊ တိမောသေအား တမန်တော်ပေါလု ပြောခဲ့သော “ငါတို့သခင်ဘုရား၏ သက်သေကိုလည်းကောင်း၊ ရှက်ကြောက်ခြင်း မရှိနှင့်” (၂တိ ၁:၈)။ “အကြောင်းမူကား သန့်ရှင်းသော ဝိညာဉ်တော်သည် ငါတို့အား “တန်ခိုးပါသောစိတ်၊ ချစ်တတ်သောစိတ်၊ ရှင်းလင်းသော စိတ်သဘောကို ပေးတော်မူ၏”(:၇)ဟူသည့် စကားများကို ထင်ဟပ်သည့်စိန်ခေါ်ချက်ဖြစ်သည်။

စာထဲတွင် သစ္စာရှိသော အာဖရိကန်သင်းအုပ်ဆရာက ဤသို့ရေးသားခဲ့သည်။ “ကျွန်ုပ်သည် ရှက်ကြောက်ခြင်းကင်းသော မိတ်သဟာယ၏တစ်စိတ်တစ်ပိုင်း ဖြစ်ပါ၏။ ဆုံးဖြတ်ချက်ချပြီးပါပြီ။ ကျွန်ုပ်သည် [သခင်ယေရှု] ၏ တပည့်တစ်ဦးဖြစ်ပြီး၊ ကျွန်ုပ်သည်…

ခရစ်တော်၏ သမ္မာတရားကို လက်ခံကိုင်စွဲခြင်း

ကျွန်ုပ်၏သူငယ်ချင်းကော်နာသည် သူ၏ဖလင်နှင့်ရိုက်ရသည့်ကင်မရာဟောင်းနှင့် ဓာတ်ပုံရိုက်သည့်အခါ၊ ဆွဲဆောင်မှုရှိသော အလင်းရောင်ရှာရန်(သို့) အပြစ်အနာ အဆာကင်းရန်(သို့) အမြင်မလှသောအရာများကို ဖြတ်တောက်ရန် ဝန်မလေးပါ။ သူ့ဓာတ်ပုံများက အံ့သြ‌ဖွယ်သောပုံကြမ်းများဖြစ်သည်။ သို့သော် ကျွန်ုပ်၏ ဆိုရှယ်မီဒီယာတွင် လှပစွာတည်းဖြတ်ထားသော လူပုံ၊ ရှုခင်းပုံဓာတ်ပုံများထက် ထိုဓာတ်ပုံများက ပေါ်လွင်နေပါသည်။ သမားရိုးကျ မဟုတ်သော်လည်း၊ သူ၏လက်ရာသည် အစစ်အမှန်ကို ဖော်ညွှန်းနေသောကြောင့် လှပသည်။

ကျွန်ုပ်တို့အားလုံး အစစ်အမှန်ကို လိုလားကြသော်လည်း တစ်ခါတစ်ရံ အမှန်တရားသည် ဆွဲဆောင်မှုမရှိ ဖြစ်နေသည်။ အသေခံချိန်နီးသောအခါ သခင်ယေရှုက “ငါသည်...သမ္မာတရားဖြစ်သည်”ဟု ပြောခဲ့သည် (ယော ၁၄ :၆)။ သခင် အလွန်တောင့်တစွာပြောဆိုခဲ့သည့် "ငါ့အဘ၏အိမ်"သို့ သူတို့မည်သို့ရောက်ရှိနိုင်မည်ကို တပည့်တော်များ စဥ်းစားလျက် သိချင်နေကြသည် (:၂-၃)။ သူတို့ရှေ့၌ သခင်ယေရှု ရှိနေခြင်းက အဖြေဖြစ်သည်ကို သူတို့ မသိခဲ့ကြပေ။ ခရစ်တော်ကိုယ်တိုင် စွန့်လွှတ် အနစ်နာခံခြင်းဖြင့် အောင်ပွဲယူဆောင်လာမည်ကို နားလည်ရန် သူတို့ရုန်းကန်ခဲ့ကြရသည်။…

ဘုရားသခင်ကို မှီခိုခြင်း

“အိုး မြေးက အလေးအနက်ဖြစ်နေပုံပဲ”ဟု နှစ်လခွဲအရွယ်မြေးမလေး လီလာနီအား ကျွန်တော် ပြောလိုက်သည်။ သူမက ကျွန်တော့်မျက်နှာကို မျက်မှောင်ကြုတ် ပြီး ကြည့်နေသည်။ “ဘာဘာလည်း အတည်ပြောမယ်။ လောကကြီးမှာ မေမေ မင်းကို ချစ်တယ်။ ဖေဖေ မင်းကို ချစ်တယ်။ ဘာဘာ နဲ့ ပါပါလည်း [အဘိုး အဘွားများ၏နာမည်ပြောင်] မင်းကို ချစ်တယ်။ ဒါပေမယ့် အကောင်းဆုံးကသခင်ယေရှု မင်းကို ချစ်တယ်။ အဲဒါက အဓိကပဲ"ဟု ဆက်ပြောလိုက်သည်။

ထို့နောက် တိမ်တိုက်ကြားမှ နေရောင်ခြည်ဖြာကျသကဲ့သို့၊ မျက်မှောင်မကြုတ်တော့ဘဲ သူ့မျက်နှာလေး၌ တောက်ပလာသည့်အပြုံးက ကျွန်တော့် နှလုံးသားကို အရည်ပျော်သွားစေခဲ့သည်။ ဤစကားက ပိုလွန်းသကဲ့သို့ဖြစ်နိုင်သော်လည်း အဘိုးအဘွားအများစုကဲ့သို့ပင် သူမသည် ကျွန်တော့်ကို နားလည်မည်ဟု ယုံလိုက်ချင်သည်။ ကျွန်တော့်စကားနောက်ကွယ်မှ ပျော်ရွှင်မှု တချို့ကိုသူမ သိသွားပုံရသည်။ သူမမျက်နှာ၌ ပေါ်လာသော ရိုးရှင်းပြီး အပြစ်ကင်းစင်
သော…

ဘုရားသခင်၏ တရားမျှတမှုသဘော

သတင်းက ကြောက်စရာကောင်းလှသည်။ နိုင်ငံခြားအိမ်အကူတစ်ဦးသည် သူမ အလုပ်လုပ်ပေးသော မိသားစု၏ အလွန်အမင်း ရက်စက်စွာ ဆက်ဆံခံရပြီး သေဆုံးသွားသည်။ နောက်ဆုံးတွင် အလုပ်ရှင်များ ထောင်ကျခဲ့သော်လည်း မလုံလောက်ဟု ကျွန်ုပ်ခံစားရသည်။ သနားစရာကောင်းသော မိန်းကလေးအပေါ် ပြုမူသကဲ့သို့ ကြောက်စရာကောင်းသောဒဏ်ကို ခံစားရပြီးမှ သေသင့်သည်ဟု ကျွန်ုပ်တွေးမိသည်။ ထို့နောက် ကျွန်ုပ်ဒေါသက စည်းကျော်သွားလား၊ ဤကဲ့သို့ တွေးခြင်းသည် မှားသလားဟု တွေးမိသည်။

ဆာလံ ၁၀၉ ကို ဖတ်သော် ကျွန်ုပ်တို့၏ပင်ကိုယ်တရားမျှတမှုစိတ်အပေါ် ထိုးထွင်းအမြင်ကို ပေးသည်။ ဒါဝိဒ်သည် နွမ်းပါးသူ၊ လိုအပ်သူများအား ပြစ်မှား သူ‌များအပေါ် အမျက်ဒေါသနှင့် နပန်းလုံးခဲ့သည်။ “သူ၏အသက်တိုပါစေ။ သူ၏အရာကိုလည်း အခြားသူရပါစေ။ သူ၏သားတို့သည် ဘသားဆိုး၊ မယားလည်း မုဆိုးမဖြစ်ပါစေ” ဟု သူဆိုခဲ့သည်(၈-၉)။

သို့သော် ဒါဝိဒ်မင်းကြီးသည် သူ၌ အာဏာရှိသော်လည်း ဤလူများကို လက်စားချေခြင်းမပြုခဲ့ပါ။ ယင်းအစား သူသည်…