လွတ်မြောက်ခြင်းလား၊ ငြိမ်းချမ်းငြိမ်သက်ခြင်းလား

ကြော်ငြာဆိုင်းဘုတ်မှ “လွတ်မြောက်ခြင်း”ဟု ရေပူကန်တပ်ဆင်ခြင်း၏ အကျိုး ကျေးဇူးများကို ကြေညာသည်။ ၎င်းက ကျွန်တော့်အာရုံကိုဖမ်းစားလျက် အတွေးဝင်စေသည်။ တစ်နေ့နေ့တွင် ရေပူရေချိုးကန်ဝယ်မည်ဟု ကျွန်တော်တို့ဇနီးမောင်နှံ ပြောဖြစ်သည်။ ခြံအနောက်၌ ကန်ကို ဆင်လိုက်လျှင် အပန်းဖြေရသလိုမျိုး ဖြစ်နေမည်။ သန့်ရှင်းရေးပြန်လုပ်ရခြင်းကလွဲလို့ပေါ့။ ထို့နောက် တက်လာမည့်လျှပ်စစ်မီတာခက အတွေးထဲဝင်လာပြီး၊ ချက်ခြင်းဆိုသလို မျှော်လင့်ထားသည့် လွတ်‌မြောက်ခြင်း ခံစားချက်ထက် ထိုအရာမှလွတ်မြောက်ရန် လိုအပ်သကဲ့သို့ ဖြစ်လာခဲ့သည်။

သို့သော် ထိုစကားလုံးသည် ထိရောက်မှုရှိလှသည်။ အကြောင်းမှာ ကျွန်ုပ်တို့လိုချင်နေသည့် စိတ်သက်သာမှု၊ သက်သောင့် သက်သာရှိမှု၊ လုံခြုံမှုတို့ကို ရစေရမည်ဟု ကတိပေးနေ၍ ဖြစ်သည်။ ‘လွတ်မြောက်ခြင်း’ဆိုသည်မှာ ကျွန်ုပ်တို့၏ခေတ်ယဉ်ကျေးမှုက နည်းအမျိုးမျိုးနှင့် ကျွန်ုပ်တို့ကို ဖြားယောင်း ကျီစယ်နေသည့်အရာဖြစ်သည်။ အနားယူခြင်း (သို့) လှပသည့် တစ်နေရာရာသို့ သွားရောက်ခြင်းသည် အမှားမဟုတ်ပါ။ သို့သော် ဘ၀၏ခက်ခဲမှုများမှ ‘ထွက်ပြေးခြင်း’နှင့် ခက်ခဲမှုများကို ဘုရားရှင်ထံ ‘ယုံကြည် စိတ်ချစွာ…

ခွင့်လွှတ်ခြင်းကို ပုံဖော်ခြင်း

အနီရောင်စတုဂံပုံ ပုံကြမ်း‌ရေးဆွဲကစားသည့် ပလက်စတစ် အော်တိုပုံဆွဲသင်ပုန်းသည် မျက်လှည့်အလားပင်။ ငယ်စဉ်က ထိုကစားစရာကို နာရီပေါင်းများစွာ ကျွန်ုပ်ကစားနိုင်သည်။ ခလုတ်တစ်ခုကို လှည့်လိုက်သည့်အခါ ဖန်သားမျက်နှာပြင်၌ အလျားလိုက်မျဉ်းကြောင်းကို ရေးဆွဲနိုင်သည်။ အခြားခလုတ်တစ်ခုကို လှည့်သော် ဒေါင်လိုက်မျဥ်းကြောင်းပေါ်လာသည်။ ခလုတ်နှစ်ခုကို တစ်ပြိုင်တည်းလှည့်သော အခါ ထောင့်ဖြတ်မျဉ်း၊ စက်ဝိုင်းနှင့် ဆန်းပြားသောဒီဇိုင်းများကို ပေါ်လာသည်။ “Etch A Sketch” (ပုံဖော်ခြင်း) ဟုခေါ်သည့် ထိုကစားစရာကို ဇောက်ထိုးလှန်ကာ အနည်းငယ်လှုပ်လိုက်ပြီး ပြန်တည့်လိုက်ချိန် ဒီဇိုင်းသစ်တစ်ခုဖန်တီးရန် ကျွန်ုပ်ကို အခွင့်အလမ်းပေးသည့် မျက်နှာပြင်အလွတ်တစ်ခု ပေါ်လာခြင်းသည် တကယ့်မျက်လှည့်ပင် ဖြစ်ပေသည်။

ဘုရားသခင်၏ခွင့်လွှတ်ခြင်းသည် ပုံကြမ်းဆွဲသောကစားစရာနှင့် တူသည်။ သခင်သည် ကျွန်ုပ်တို့အပြစ်များကို ချေဖျက်ပေးပြီး ကျွန်ုပ်တို့အတွက် အသစ်သော ပန်းချီကားမျက်နှာပြင်ကို ဖန်တီးပေးသည်။ မိမိကျူးလွန်ခဲ့သည့်အမှားများကို ကျွန်ုပ်တို့သတိရသည့်တိုင် ဘုရားသခင်က ခွင့်လွှတ်ပြီး မေ့လိုက်ရန် ရွေးချယ်သည်။ သူသည် အပြစ်များကို ချေဖျက်ခဲ့ပြီး ကျွန်ုပ်တို့အပေါ်ဗွေမယူပါ။…

ဆေးကြောခဲ့သည်

ကျွန်ုပ်၏သူငယ်ချင်း ဘီလ်က သူ့မိတ်ဆွေ ဂျဲရယ်အား “အလွန်ကြာမြင့်စွာ ဘုရားနှင့် ဝေးနေသူ” ဟုဖော်ပြခဲ့သည်။ သို့သော် တစ်နေ့တွင် ဘီလ်က ဂျဲရယ်အား ဘုရားသခင်၏ချစ်မေတ္တာသည် ကျွန်ုပ်တို့ကို ကယ်တင်ရန် လမ်းစပေးခဲ့ပုံကို ရှင်းပြခဲ့ပြီးနောက် ဂျဲရယ်သည် သခင်ယေရှုကို ယုံကြည်သူဖြစ်လာသည်။ မျက်ရည်များဖြင့် သူသည် အပြစ်မှနောင်တရခဲ့ပြီး သူ့အသက်တာကို ခရစ်တော်ထံ အပ်နှံခဲ့သည်။ အဲဒီနောက် ဘီလ်က မည်သို့ခံစားရသနည်းဟုမေးရာ၊ သူက မျက်ရည်များကိုသုတ်ရင်း “ဆေးကြောပေးပြီးပြီ” ဟု ရိုးရှင်းစွာ ဖြေခဲ့သည်။

တကယ့် အံ့သြဖွယ်တုံ့ပြန်မှုပါ။ ၎င်းသည် ကျွန်ုပ်တို့အတွက် သခင်ယေရှု ကားတိုင်ပေါ်အသေခံခြင်းကို ယုံကြည်ခြင်းအားဖြင့်ဖြစ်သော ကယ်တင်ခြင်း၏ အနှစ်သာရ အတိအကျပင်ဖြစ်သည်။ ကောရိန္သုသြဝါဒစာပထမစောင် ၆ တွင် ဘုရားသခင်အား မနာခံမှုသည် သခင်နှင့်ကွဲကွာခြင်းသို့ မည်သို့ဦးတည်သွားသည်ကို ဥပမာပေးပြီးနောက် ရှင်ပေါလုက “ယခုတွင် သခင်ယေရှု၏နာမတော်အားဖြင့်လည်းကောင်း၊ ငါတို့ဘုရားသခင်၏ ဝိညာဥ်တော်အားဖြင့်လည်းကောင်း ဆေးကြောသန့်ရှင်း၍ ဖြောင့်မတ်ရာသို့ရောက်ကြလေပြီ”…

အနီးသို့ ချဥ်းကပ်ပါ

ကိုရိုနာဗိုင်းရပ်စ်ဖြစ်ပွားနေစဥ် ဘဏ်အာမခံသေတ္တာအတွင်းမှ ပစ္စည်းတစ်စုံတစ်ခုကို ပြန်လည်ထုတ်ယူရန် ယခင်ကထက် ပိုများသည့် လုပ်ငန်းစဥ်အဆင့်ဆင့်ကို လုပ်ဆောင်ရန် လိုအပ်သည်။ ယခုအခါ ဘဏ်သွားရန်အတွက် ရက်ချိန်းယူရသည်။ ရက်ချိန်းနေ့တွင် ဘဏ်သို့ရောက်လျှင် အထဲသို့ဝင်ခွင့်ရရန် ဖုန်းဖြင့် အကြောင်းကြားရပြီး မှတ်ပုံတင်နှင့်လက်မှတ်ကို ပြရသည်။ တာဝန်ကျဘဏ်ဝန်ထမ်း လာခေါ်မည့်အချိန်ကို စောင့်နေရသည်။ အတွင်းသို့ရောက်သောအခါ သံသေတ္တာအတွင်းရှိ ကျွန်ုပ်လိုချင်သောအရာကို မတွေ့မီအထိ လေးလံသောတံခါးများ ထပ်မံသော့ခတ်ထားသည်။ ညွှန်ကြားချက်များကို ကျွန်ုပ်မလိုက်နာပါက အထဲသို့မဝင်ရောက်နိုင်ပါ။

ဓမ္မဟောင်းကျမ်းတွင် အသန့်ရှင်းဆုံးနေရာဟုခေါ်သော တဲတော်သို့ ဝင်ရောက်ရန် ဘုရားသခင်ချမှတ်သည့် တိကျသော လုပ်ထုံးလုပ်နည်းများရှိသည် (ထွ ၂၆:၃၃)။ သန့်ရှင်းရာဌာနနှင့် အသန့်ရှင်းဆုံးနေရာကို ပိုင်းခြားသော အထူးကုလားကာနောက် “ဒုတိယတဲတော်အတွင်းသို့ ယဇ်ပုရောဟိတ်မင်း တစ်ပါးတည်းသာ ... တစ်နှစ်လျှင်တစ်ခါတည်းသာ ဝင်ရ၏” (ဟေဗြဲ ၉:၇)။ အာရုန်နှင့် သူ၏နောက်လိုက် ယဇ်ပုရောဟိတ်မင်းများသည် မဝင်ရောက်မီ ယဇ်ပူဇော်မည့်အရာများ ယူဆောင်ရမည်၊ ရေချိုးရမည်၊ သန့်ရှင်းစင်ကြယ်သောအဝတ်များ…

စစ်မှန်သောမျှော်လင့်ချက်

၁၉၆၀ ခုနှစ်များ၏ အစောပိုင်းကာလများတွင် အမေရိကန်ပြည်ထောင်စုသည် တောက်ပသော အနာဂတ်မျှော်မှန်းချက်နှင့် ပြည့်နေခဲ့သည်။ နုပျိုသော သမ္မတ John F. Kennedy (ဂျွန်အက်ဖ်ကနေဒီ)သည် အသစ်သောနယ်ပယ်၊ ငြိမ်းချမ်းရေးတပ်မနှင့် လကမ္ဘာသို့တက်လှမ်းခြင်း စသည်တို့ကို အစပြုခဲ့သည်။ စီးပွားရေးအခြေအနေ တိုးတက်မှုက လူများစွာအား “ကောင်းသောအချိန်များကို ရွေ့လျားစေ”ခြင်းဖြင့် အနာဂတ်ကို မျှော်လင့်စေခဲ့သည်။ ထို့နောက် ဗီယက်နမ်၌ စစ်ရေးအရှိန်မြင့်လာပြီး အမျိုးသားရေး မငြိမ်မသက်ဖြစ်သည်။ ကနေဒီလုပ်ကြံခံရပြီး ယခင်အကောင်းမြင် လူ့အဖွဲ့အစည်း၏လက်ခံစံနှုန်းများ ဖျက်သိမ်းခံခဲ့ရသည်။ အကောင်းမြင်ဝါဒသည် မလုံလောက်ဟူသည့်အမြင်က ရေပန်းစားလျက် ထင်သလောက် ကျေနပ်ဖွယ် မကောင်းသည့်အမှန်တရားကို လူတို့သိမြင်လာခဲ့ရသည်။

ထို့နောက် ၁၉၆၇ ခုနှစ်တွင် ဘာသာရေးပညာရှင် Jürgen Moltmann (ရူရင် မော့မန်း)၏ ‘A Theology of Hope’ (မျှော်လင့်ခြင်းဆိုင်ရာ ဓမ္မအတွေး)က ပိုမိုရှင်းလင်းသောရူပါရုံကို ညွှန်ပြခဲ့သည်။ ဤလမ်းက အကောင်းမြင်သည့်လမ်းမဟုတ်ဘဲ၊ မျှော်လင့်ချက်လမ်းဖြစ်သည်။…

သဘောထားကွဲလွဲမှုကို ဖြေရှင်းခြင်း

အင်အားကြီးလူမှုကွန်ယက် တွစ်တာသည် ကမ္ဘာတစ်ဝန်းရှိလူများ စိတ်ဝင်စားဖွယ် စကားအတိုများဖြင့် ထင်မြင်ချက်များကို ထိရောက်စွာဖော်ပြသည့် ပလက်ဖောင်းတစ်ခုကို ဖန်တီးခဲ့သည်။ သို့သော် မကြာမီနှစ်များအတွင်း လူတစ်ဦးချင်းစီသည် ၎င်းတို့နှင့် သဘောချင်းမတိုက်ဆိုင်သော နေထိုင်မှုပုံစံများနှင့် အပြုအမူများအတွက် အခြားသူများကို ပြစ်တင်ရှုတ်ချသည့် အရာတစ်ခုအဖြစ် တွစ်တာကိုစတင် အသုံးချလာသည့်အခါ ဤနည်းပညာက ပိုမိုရှုပ်ထွေးလာသည်။ မည်သည့်နေ့တွင်မဆို ပလက်ဖောင်းသို့ဝင်လိုက်လျှင် အနည်းဆုံး “ရေပန်းစားသော” လူတစ်ဦး၏အမည်ကို သင်တွေ့လိမ့်မည်။ ထိုနာမည်ကို နှိပ်လိုက်ပါက ပေါ်ပေါက်လာသည့် အငြင်းပွားဖွယ်ရာများနှင့်ပတ်သက်၍ သန်းနှင့်ချီသောလူများ၏ ထင်မြင်ယူဆချက်များ ဖော်ပြထားသည်ကို တွေ့ရလိမ့်မည်။

လူတို့၏ခံယူယုံကြည်ချက်မှ စ၍ အခြားသူဝတ်ထားသည့် အဝတ်အစားအပေါ် အထိ အရာအားလုံးကို ကျွန်ုပ်တို့ လူသိရှင်ကြား ဝေဖန်တတ်လာသည်။ သို့သော် အဖြစ်မှန်မှာ အန္တရာယ်ရှိသည့် မနှစ်သက်ဖွယ် ထိုစိတ်သဘောသည် ရှင်ယေရှုကို ယုံကြည်သူများအဖြစ် ဘုရားသခင်ခေါ်တော်မူသော ကျွန်ုပ်တို့နှင့် မကိုက်ညီပါ။ သဘောထားကွဲလွဲမှုကို ရင်ဆိုင်ဖြေရှင်းရမည့်အချိန်များ ရှိသော်လည်း ယုံကြည်သူများအနေနှင့်…

အခြေခံသို့ပြန်သွားခြင်း

သန္နိဌာန် ဆိုလျှင် ဖျက်ရန်၊ ပြင်ရန် လုပ်ထားသလေးဟုပင် ထင်ရသည်။ ဤအဖြစ်မှန်ကို ဟာသဖောက်ပြီး အချို့က ‘အောင်မြင်ဖော်ဆောင်နိုင်သော’ နှစ်သစ်ကတိကဝတ် ကိုသာ ပြုရန် အဆိုပြုသည်။ လူမှုကွန်ယက်၌ တွေ့ရသည့်စာသားအချို့မှာ - “မီးပွိုင့်တွင် အခြားကားသမားများကို လက်ပြနှုတ်ဆက်ပါ။” “မာရသွန်ပြိုင်ပွဲအတွက် စာရင်းပေးပါ။ သို့သော် ဝင်မပြိုင်ပါနဲ့။” “မနက်ဖြန်မှလုပ်မည် ဆိုသည့် အချိန်ဆွဲခြင်းကို ရပ်ပစ်ပါ။” “Siri (စီရီ - Apple ပစ္စည်းများမှ အသံဖြင့်ကူညီမှု)မှ မည်သည့်အကူအညီမှမယူဘဲ လမ်းပျောက်နေလိုက်ပါ။” “နေ့စဥ် လေ့ကျင့်ခန်းလုပ်သည့်ပို့စ် တင်သူကို မိတ်ဆွေအဖြစ်မှ ပြတ်စဲလိုက်ပါ။”

သို့သော် အသစ်တဖန် အစပြုခြင်းအယူအဆသည် အရေးပါသောကိစ္စဖြစ်ပြီး၊ ပြည်နှင်ခံ ယုဒလူမျိုးများအတွက် အလွန်လိုအပ်နေသောအရာလည်းဖြစ်သည်။ သူတို့၏ အနှစ် ၇၀ သုံ့ပန်းဘဝ၏ အနှစ်၂၀ ကျော်ခန့်တွင် ပရောဖက်ယေဇကျေလအားဖြင့် “သိမ်းသွားခြင်းကိုခံရသော ယာကုပ်အမျိုးကို ငါတစ်ဖန်ဆောင်ခဲ့”မည် ဟူသော အားတက်စရာ…

မဆုတ်ယုတ်သွားသော ယုံကြည်ခြင်း

အမေရိကန်နိုင်ငံ၊ ကယ်လီဖိုးနီးယားပြည်နယ်ရှိ Silver Lake (ငွေရောင်ရေကန်)၏ မြောက်ဘက်ကမ်းခြေတစ်လျှောက်ရှိ မြင့်မားသောသဲခုံများကြောင့် အနီးဝန်းကျင်ရှိအိမ်များမှာ ရွေ့လျားသောသဲထဲသို့ နစ်မြှုပ်မည့်အန္တရာယ်နှင့် ကြုံခဲ့ရသည်။ နေထိုင်သူများက သူတို့အိမ်ကိုကာကွယ်ရန် သဲမြေများကို အားတက်အားသရော ကြိုးစားရွှေ့ကြသော်လည်း အိမ်ကောင်းများ သူတို့မျက်စိရှေ့တင် နစ်မြုပ်သွားသည်ကို ကူညီရာမဲ့စွာ ကြည့်နေခဲ့ရသည်။ ငြိမ်ဝပ်ပိပြားရေးအရာရှိတစ်ဦးက မကြာမီက ပျက်စီးသွားခဲ့သောအိမ်တစ်လုံးအား ရှင်းလင်းမှုကို ကြီးကြပ်ရင်း ထိုအန္တရာယ်ကိုကာကွယ်ရန် မဖြစ်နိုင်ကြောင်း အတည်ပြုခဲ့သည်။ အိမ်ပိုင်ရှင်များအနေဖြင့် မခိုင်ခံ့သော မြေသားနံရံ၏အန္တရာယ်ကို မည်သို့ပင် ရှောင်ရှားနေပါစေ၊ ထိုသဲခုံများက ခိုင်ခံ့သောအခြေခံအုတ်မြစ် အထောက်အပံ့ကို လုံးဝမပေးနိုင်ပါ။

သဲပေါ်အိမ်ဆောက်ခြင်းသည် အချည်းအနှီးသာဖြစ်ကြောင်း ရှင်ယေရှု သိသည်။ တပည့်တော်များအား မှားယွင်းသောပရောဖက်များကို မယုံကြည်ရန် သတိပေးပြီးနောက်၊ မေတ္တာနှင့်နာခံခြင်းသည် ပညာရှိမှုကို ပြသနေကြောင်း သူတို့အား ရှင်ယေရှု အခိုင်အမာပြောခဲ့သည် (မ ၇:၁၅-၂၃)။ “အကြင်သူသည် ငါဟောပြောသော ဤစကားကိုကြား၍ နားထောင်၏။ ထိုသူသည် ကျောက်ပေါ်မှာ…

အချစ်များ ကုန်ဆုံးမသွားသောအခါ

“အဖိုး ကျွန်မကို ကမ်းခြေခေါ်သွားတဲ့အခါတိုင်း သူ့လက်ပတ်နာရီကိုချွတ်ပြီး အဝေးမှာ အမြဲထားလေ့ရှိတယ်။ တစ်ရက်ကျတော့ “ဘာလို့အဲ့လိုလုပ်တာလဲလို့ အဖိုးကို မေးမိတယ်” ဟု စန္ဒြာက ပြန်လည်အမှတ်ရရင်း ပြောပြသည်။

“မြေးလေးနဲ့အတူရှိနေတဲ့ အချိန်လေးတွေဟာ အဖိုးအတွက် ဘယ်လောက် အရေးပါလဲဆိုတာ မြေးကို သိစေချင်လို့လေ။ မြေးလေးနဲ့အတူ အချိန်တွေ ကုန်ဆုံးချင်လို့” ဟုအဖိုးက ပြုံးပြီး ဖြေပါသည်။

ထိုအမှတ်တရလေးကို အဖိုးဖြစ်သူ၏စျာပနအခမ်းအနားတွင် စန္ဒြာ ဝေမျှခဲ့သည်ကို ကျွန်ုပ်ကြားခဲ့ရသည်။ ၎င်းသည် သူတို့မြေးအဖိုးနှစ်ယောက် အတူတူဖြတ်သန်းခဲ့သည့် သူအနှစ်သက်ဆုံး အမှတ်တရများအနက်တစ်ခုဖြစ်သည်။ အခြားသူတစ်ဦးက မိမိအတွက်အချိန်ပေးသောအခါ သူသည် မိမိအား တန်ဖိုးထား ကြောင်း ခံစားရသည်ကို ဆင်ခြင်မိရင်း ဘုရားရှင်၏ဂရုပြုသော မေတ္တာတော်အကြောင်း ရေးထားသည့် ကျမ်းပိုဒ်က အတွေးထဲဝင်လာသည်။

ဘုရားသခင်သည် ကျွန်ုပ်တို့အတွက် အမြဲအချိန်ပေးသည်။ ဒါဝိဒ်မင်းကြီးက ဆာလံကျမ်း ၁၄၅ တွင် “လက်တော်ကိုဖွင့်၍ အသက်ရှင်သော သတ္တဝါအပေါင်း…

ထိရောက်မှုရှိသော အသစ်တစ်ဖန်အစပြုခြင်း

Bryony (ဘရိင်ယန်နီ) အသက်သုံးဆယ်ရှိချိန်၌ သူဘယ်တုန်းကမှမကြိုက်ခဲ့သည့် အရောင်းဝန်ထမ်းဘဝ၌ ဆက်လက်ရှိနေသောကြောင့် ဝမ်းနည်းနေမိသည်။ သူမသည် အချိန်ဆွဲနေခြင်းကိုရပ်ပြီး အသက်မွေးဝမ်းကြောင်းအသစ်တခုကို ရှာတော့မည်ဟု ဆုံးဖြတ်လိုက်သည်။ ဒေးဗစ် က နှစ်သစ်ကူးအကြိုည၌ မိမိကိုယ်ကို မှန်ထဲကြည့်ပြီး လာမည့်နှစ်သည် ကိုယ်အလေးချိန်ကျရမည့်နှစ်ဖြစ်သည်ဟု သန္နိဌာန် ချလိုက်သည်။ ဂျိမ်းစ်အတွက်မူ သူ၏ဒေါသပေါက်ကွဲမှုများ မလျော့သွားဘဲ လတစ်လသာ ကုန်ဆုံးသွားရာ၊ နောက်လတွင် သည့်ထက်ပိုပြီး ကြိုးစားမည်ဟု သူ့ကိုယ်သူ ကတိပေးလိုက်သည်။

လ၏အစ၊ နှစ်၏အစနှင့် အရေးပါသောမွေးနေ့များတွင် ပြောင်းလဲမှုဖြစ်စေရေးအတွက် ကတိပြုဖူးလျှင် သင်တစ်ယောက်တည်း မဟုတ်ပါ။ သုတေသီများက ၎င်းကို “ထိရောက်မှုရှိသော အသစ်တဖန်အစပြုခြင်း” ဟုပင် အမည်ပေးထားပြီး၊ ပြက္ခဒိန်မှအမှတ်အသားများသည် မိမိဘဝကိုအကဲဖြတ်မှုအတွက် ပိုမို လွယ်ကူစေပြီး ကျရှုံးမှုများကို ချန်ရစ်ကာ အသစ်တဖန်အစပြုရန် ကြိုးစားစေကြောင်း ဆိုသည်။ ပိုကောင်းသောသူ ဖြစ်ချင်သောကြောင့် အသစ်သောအစပြုမှုတစ်ခုကို ကျွန်ုပ်တို့တောင့်တတတ်ကြသည်။

သခင်ယေရှု၌ယုံကြည်ခြင်းက ဤတောင့်တမှုသည် ကျွန်ုပ်တို့အား…