ဇက် (Zax) သဘောသဘာ၀

‌ဒေါက်တာစူးစ်၏ စိတ်ကူးယဉ်ပုံပြင်ထဲတွင် မြောက်ဘက်သွားသောZaxနှင့် တောင်ဘက်သွားသောZaxတို့သည် ပရေရီ မြက်ခင်း(Prairie of Prax)လမ်းဆုံကို ဖြတ်သွားသော အကြောင်းကို ပြောပြထားသည်။ သူတို့နှစ်ဉီး ထိပ်တိုက်တွေ့သောအခါ တစ်ဦးမျှအလျော့မပေး။ ပထမ Zax က "တစ်လောကလုံး ရပ်တန့်လျှင်ပင် သူတုတ်တုတ်မလှုပ်"ဟု ‌ဒေါသနှင့်ပြောသည်။ (မဖြံုပါ။ လောကကြီးက ပုံမှန် ရှေ့ဆက်လျက် သူတို့ပတ်လည်တွင် ကားလမ်းမကြီး ဆောက်လုပ်နေသည်)။

သည်ပုံပြင်လေးက ခေါင်းမာတတ်သော လူ့သဘာဝကို ကွက်တိပုံဖော်နေသည်။ ကျွန်ုပ်တို့သည် မိမိကိုယ်ကို ဒုက္ခရောက်စေသည့်တုံ့ပြန်မှုမျိုးပြုတတ်သည့် ဗီဇသဘောရှိပြီး ပျက်စီးရာလမ်းသို့ပို့သည့်လမ်းဖြစ်သည့်တိုင် ထိုစိတ်ကိုပင် ခေါင်းမာမာဖြင့် ဖက်တွယ်မိတတ်ကြပါသည်။

ဝမ်းမြောက်စရာမှာ ခိုင်မာခြင်းသဘောရှိသော လူ့နှလုံးသားကို ဘုရားသခင်က နူးညံ့ပေးရန် ရွေးချယ်ခဲ့သည်။ တမန်တော်ပေါလုသည် ဤအချက်ကို သိသောကြောင့် ဖိလိပ္ပိအသင်းတော်မှ အသင်းသားနှစ်ဦး အချင်းများသောအခါ မေတ္တာနှင့် ၎င်းတို့ကို နာမည်နှင့်တကွ ခေါ်လျက်(ဖိ ၄:၂)၊ မိမိကိုယ်ကိုစွန့်သော မေတ္တာရှိသည့် ခရစ်တော်၏စိတ်သဘောရှိရန်…

ထူးဆန်းသောကြင်နာမှု

လီဇာရရှိခဲ့သော ကဒ်လေး၌ ရေးထားသောကျမ်းချက်မှာ သူ့အခြေအနေနှင့် ကိုက်ညီမှုမရှိပေ။ “အိုထာဝရဘုရား၊ ဤသူသည် မြင်နိုင်မည်အကြောင်း သူ၏ မျက်စိကိုဖွင့်တော်မူပါဟု ဆုတောင်းသည်အတိုင်း ထာဝရဘုရားသည် ထိုလုလင် ၏မျက်စိကို ဖွင့်တော်မူသဖြင့် ဧလိရှဲပတ်လည်၌ တစ်တောင်လုံးသည် မီးမြင်း၊ မီးရထားနှင့်ပြည့်သည်ကို မြင်လေ၏”(၄ရာ ၆:၁၇)။ “ကျွန်မက ကင်ဆာဖြစ်နေ တာ။ ကလေးပျက်ကျတာလည်း မကြာသေးဘူး။ ကောင်းကင်တမန်စစ်သည်တွေအကြောင်း ကျမ်းပိုဒ်က ဘာမှမဆိုင်ဘူး” ဟု နားမလည်စွာနှင့် သူတွေးမိသည်။

ထို့နောက်တွင် “ကောင်းကင်တမန်များ” ပေါ်လာပါတော့သည်။ ကင်ဆာ ရောဂါမှ ပြန်ကောင်းလာသူများက အချိန်ပေးပြီး သူမပြောစကားများကို နားထောင် ပေး ကြသည်။ သူမ၏ခင်ပွန်းမှာလည်း နိုင်ငံရပ်ခြား၌ စစ်မှုထမ်းသွားရာမှ စောစီးစွာပြန်ရောက်လာသည်။ သူငယ်ချင်းများ သူမနှင့်အတူ ဆုတောင်းကြသည်။ သူ့သူငယ်ချင်း ပက်တီ တစ်ရှုးဘူးနှစ်ဘူးနှင့် ရောက်လာချိန်တွင် ဘုရား၏ မေတ္တာတော်ကို အခံစားရဆုံးဖြစ်သည်။ ဘူးများကို စားပွဲပေါ် တင်ကာ…

ကန္တာရထဲကမီး

၁၈၀၀ ပြည့်နှစ်နှောင်းပိုင်း၌ Chihuahuan ကန္တာရထဲ မြင်းစီးနေသူ ဂျင်းဝှိုက်သည် တစ်လိပ်လိပ်တက်လာသော မီးခိုးလုံးကို မြင်လိုက်ရသည်။ ကောင်းဘွိုင်းလူငယ်လေးက တောမီးလောင်သည်ဟု ထင်ပြီး မီးလောင်သည့် နေရာသို့သွားရာ ၎င်းသည် အမှန်တွင် မြေတွင်းပေါက်ထဲမှ အုပ်လိုက်ပျံထွက် လာသော လင်းနို့အုပ်ကြီးဖြစ်ကြောင်း တွေ့လိုက်ရသည်။ အလွန် ကြီးမား၍ အံ့မခန်းသော လှိုဏ်ဂူစနစ်ဖြင့် ဖွဲ့စည်းထားသည့် နယူးမက္ကဆီကို ရှိ Carlsbad Caverns လှိုဏ်ဂူကို မထင်မှတ်ဘဲ ဝှိုက် မြင်တွေ့ခွင့်ရခဲ့သည်။

မောရှေသည် အရှေ့အလယ်ပိုင်းဒေသကန္တာရထဲ သိုးကျောင်းနေစဉ် မီးလောင်သော်လည်း ချုံပုတ်မကျွမ်းသည့် ထူးဆန်းသောမြင်ကွင်းက (ထွ ၃:၂) သူ့အာရုံကို ဖမ်းစားခဲ့သည်။ ချုံပုတ်ထဲမှ ဘုရားသခင် ကိုယ်တော်တိုင် စကားပြောသောအခါ ပထမမြင်ရသည့်မြင်ကွင်းထက် အလွန့်အလွန်ထည်ဝါ ကြီးမြတ်သည့် အမှုကို ကြုံနေရကြောင်း မောရှေသိလိုက်သည်။ “ငါသည် သင့်အဘ၏ဘုရား၊ အာဗြဟံ၏ဘုရား ...ဖြစ်သည်” ဟု ဘုရားသခင်က…

ချစ်မေတ္တာသို့ချဥ်းနင်းတိုးဝင်

နိုရာသည် အရွယ်သေးကွေးသော်လည်း အရပ် ၆ ပေမြင့်ပြီး ရန်လိုသောအမျိုးသမီး ဘရစ်ဂျစ်၏ စိန်းစိန်းဝါးဝါးအကြည့်က သူ့ကို မတုန်လှုပ်စေပါ။ ဤကိုယ်ဝန်ဆောင် ကုသရေးစင်တာသို့ ဘာ့ကြောင့်ရောက်လာသည်ကိုပင် ဘရစ်ဂျစ်မပြောနိုင်။ “ဤ...ကလေးကို ဖျက်ချပစ်မည်”ဟု သူစိတ်ပိုင်းဖြတ်ထားသည်။ ထို့ကြောင့် နိုရာ က သူ့ကို ညင်သာစွာမေးခွန်းများမေးသော်လည်း ဘရစ်ဂျစ်က လေးစားမှုမရှိဘဲ ရိုင်းရိုင်းစိုင်းစိုင်း တဖျစ်တောက်တောက်နှင့် စကားလွဲပစ်သည်။ မကြာမီမှာပင် ဘရစ်ဂျစ် ပြန်ရန်ပြင်လိုက်ပြီး ပြောင်ပြောင်တင်းတင်းပင် သူ့ကိုယ်ဝန်ကို ဖျက်ချရန် စိတ်ပိုင်းဖြတ်ထားကြောင်းပြောသည်။

ဘရစ်ဂျစ်နှင့် တံခါးကြားမှ သူ့ကိုယ်သေးသေးလေး လျှိုထွက်လာပြီး “ရှင် မပြန်ခင် ကျွန်မ ရှင့်ကိုဖက်ပြီး ဆုတောင်းပေးပါရစေ”ဟု နိုရာက ပြောလိုက်သည်။ ယခင်က စိတ်ကောင်းနှလုံးကောင်းနှင့် မည်သူမျှ ဘရစ်ဂျစ်ကို တစ်ခါမှ မထွေးပွေ့ ကြဖူးပါ။ ရုတ်တရက် မမျှော်လင့်ဘဲ ဘရစ်ဂျစ် မျက်ရည်များကျလာသည်။

ဣသရေလလူမျိုးတော်ကို “ထာဝရမေတ္တာ”နှင့်ချစ်သည့် ဘုရားသခင်၏ နှလုံးသားကို…

ပင်လယ်ထဲမှ မျှော်လင့်ချက်မီး

“ခုတင်ထက်မှာ သက်တမ်းရင့် အရက်တစ်ပုလင်းနဲ့၊ စိတ်ဓာတ်ကျမျှော်လင့်ချက်မဲ့ မှု​တွေနဲ့ လဲလျောင်းနေတယ်။ ဒီစကြဝဠာထဲမှာတော့ တစ်ယောက်တည်း အထီးကျန် လို့၊ ထာဝရကာလမှာတော့ အလင်းမြူမှုန်တစ်မှုန်တောင်မရှိတဲ့ဘဝ” ဟု ဂျာနယ်လစ် သတင်းထောက် မဲလ်ကမ်း မတ်ဂရစ်(ချ်)သည် ဒုတိယကမ္ဘာစစ်အတွင်း သူလျှိုအဖြစ် သူလုပ်ကိုင်စဥ် ရေးသားခဲ့သည့်စာဖြစ်သည်။

ထိုသို့သောအခြေအနေတွင် သူမှန်သည်ဟု သူထင်သည့်အရာကို သူလုပ်ခဲ့ သည်။ သူ့ကိုယ်သူ ရေနှစ်သတ်သေရန်ဖြစ်သည်။ မက်ဒါဂတ်စကာကမ်းခြေသို့ ကားမောင်းလာပြီးပင်လယ်ထဲသို့ မမောမချင်းကူးခတ်ခဲ့သည်။ ထိုနောက် နောက်ပြန် လှည့်ကြည့်မိရာ ခပ်လှမ်းလှမ်းမှ မီးရောင်တစ်ခုကို မြင်သည်။ ထိုအခါ ဘာကြောင့်မှန်း မသိ ထိုအလင်းရောင်ရှိရာနေရာသို့ ပြန်လည်ကူးခတ်လာခဲ့သည်။ မောပန်းနေရမည့်အစား စိတ်နှလုံး၌ “အံ့မခန်းဝမ်းမြောက်မှုခံစားရသည်” ဟု သူပြန်ပြောင်းပြောသည်။

မည်သို့မည်ပုံဖြစ်သွားသည်ကို မတ်ဂရစ်(ချ်) တစ်ယောက် မသိပါ။ သို့သော် ဘုရားသခင်သည် သူ့ကို ထိုအမှောင်မိုက်မှဆွဲခေါ်ကာ မျှော်လင့်ခြင်းကို ပေးခြင်းက သဘာဝလွန်သာဖြစ်ကြောင်း မတ်ဂရစ်(ချ်) သိသည်။…

မည်သို့စောင့်ဆိုင်းမည်နည်း

ဘုရားကျောင်းကို စိတ်ပျက်ပြီး စိတ်အနှောင့်အယှက်ဖြစ်ခဲ့သည့် ၁၇နှစ်သား ထြာဗို သည် ၁နှစ်ကြာမျှ အဖြေရှာခဲ့သည်။ သို့သော် သူ့မေးခွန်းအတွက် သူမျှော်လင့် တောင့်တသောအဖြေကို မည်သည့်အရာကမှ မပေးနိုင်ခဲ့ပါ။

ထိုသို့အဖြေရှာသည့်ကာလက သူ့အား သူမိဘများနှင့်ပိုပြီး ရင်းနှီးစေခဲ့သည်။ သို့တိုင် ခရစ်ယာန်တရားတော်နှင့်ပတ်သက်ပြီး ပြဿနာများရှိနေသေးသည်။ တစ်ကြိမ်တွင် မိဘများနှင့် ဆွေးနွေးရင်း ခါးသီးစွာဖြင့် "ကျမ်းစာထဲက ကတိတော်တွေ က အလကားပဲ။ ကျမ်းစာက ဒီကတိတော်တွေနဲ့ပဲ ပြည့်နေတာ"ဟု ပြောပါသည်။

အခြားလူတစ်ဦးသည်လည်း သူကြုံရသည့် စိတ်အနှောင့်အယှက်နှင့် အခက် အခဲများက သူ၏သံသယကို မီးထိုးပေးသည်။ သို့သော် သူ့ကိုသတ်မည့် ရန်သူများ လက်မှ ထွက်ပြေးနေရချိန်တွင် သူ့တုံ့ပြန်မှုက ဘုရားရှင်ကိုကျောခိုင်း ထွက်ပြေးရန် မဟုတ်ဘဲ ကိုယ်တော်အားချီးမွမ်းရန်ဖြစ်သည်။ “စစ်ချီ၍လာကြသော်လည်း ထိုအမှု တွင်ပင် တည်ကြည်သောစိတ်ရှိလိမ့်မည်” (ဆာလံ ၂၇:၃) ဟု ဒါဝိဒ်စပ်ဆိုခဲ့သည်။

ဒါဝိဒ်ရေးစပ်သောဆာလံတွင် သံသယများရှိနေသေးကြောင်း…

ဘုရားသခင်အကြောင်း

မိုက်ခ်၏သူငယ်ချင်းအများစုသည် ခရစ်ယာန်တရားတော်အကြောင်းကိုမသိ၊ ဂရုလည်း မစိုက်ကြပါ။ သို့သော် မိုက်ခ် သူတို့အပေါ် ဂရုတစိုက်ရှိသည်ကိုတော့ သူတို့သိသည်။ တစ်နေ့ “ရှင်ပြန်ထမြောက်ရာနေ့” နီးလာချိန်တွင် ရှင်ပြန်ထမြောက်ခြင်းနှင့် ပဿခါပွဲတို့ ဆက်နွယ်မှုရှိသည်ဟုကြားခဲ့ရကြောင်း၊ သို့သော် မည်သို့ဆက်စပ်သည်ကိုဖြင့် မတွေးတတ်ကြောင်း သူငယ်ချင်းတစ်ဦးက အမှတ်မထင်ထုတ်ဖော် ပြောပြီး “ဟေး... မိုက်ခ်၊ မင်းက ဘုရားတရားအ‌ကြောင်း သိတယ်ဆိုတော့ ပဿခါပွဲဆိုတာ ဘာလဲကွ၊ မင်းသိသလား” ဟုမေးသည်။

ထိုအခါ မိုက်ခ် က ဘုရားသခင်သည် ဣသရေလလူတို့အား အဲဂုတ္တုပြည်မှ ကယ်ထုတ်လာသည့်အကြောင်း၊ အိမ်တိုင်းတွင် သားဦးသေရသည့်ကပ်ဘေး အပါအဝင် ကပ်ဘေးကြီး ၁၀ ခု အကြောင်း၊ အိမ်အဝင်တံခါးဘောင်၌ ယဇ်ကောင် သိုးသူငယ်၏အသွေး သုတ်လိမ်းထားသောအိမ်များကို သေမင်းတမန်က ကျော်သွား ကြောင်းကို ရှင်းပြသည်။ နောက်ပိုင်းတွင် ပဿခါပွဲအတွင်း သခင်ယေရှု ခရစ်တော်သည် ယဇ်ပူဇော်ခြင်းခံရသောသိုးသူငယ်အဖြစ် တစ်ခါတည်း ကိုယ်ကို ပူဇော်ပြီးမှ…

နာမည်တစ်ခု၏ရာဇဝင်

ဘုရားရှင်ချိန်းချက်သောအချိန်တွင် ကျွန်တော်တို့၏သားလေး Kofi ကို ဖိုးသောကြာ ဟူသည့် သူ့နာမည်၏အဓိပ္ပာယ်အတိုင်း သောကြာနေ့တွင် မွေးဖွားခဲ့သည်။ ထိုနာမည်သည် တစ်ဦးတည်းသောသားကိုဆုံးရှုံးခဲ့ရသော၊ ကျွန်တော်တို့၏ဂါနာလူမျိုးမိတ်ဆွေ သင်းအုပ်ဆရာ၏နာမည်ကို ပေးထားခြင်းဖြစ်သည်။ သူသည် Kofi လေးအတွက် အစဉ်ဆုတောင်းပေးသောကြောင့် ကျွန်တော်တို့အလွန်ဝမ်းသာဂုဏ်ယူမိသည်။

နာမည်တစ်ခု၏နောက်ခံရာဇဝင်ကိုမသိပါက ထူးခြားအရေးပါသည့်အကြောင်းကို ကျွန်ုပ်တို့ အလွယ်တကူ ကျော်သွားတတ်ကြသည်။ လုကာ ၃ တွင် ယောသပ်၏ဘိုးဘေး စဥ်ဆက်စာရင်းကို အံ့သြဖွယ်အ​သေးစိတ်​ဖော်ပြထားသည်။ ထိုနာမည်စာရင်းတွင် ယောသပ်၏မျိုးဆက်ကို နောက်ပြန်လိုက်ကာ အာဒံနှင့်ဧဝအထိပါ ရောက်သွားသည် (:၃၈)။ အခန်းငယ် ၃၁ တွင် နာသန်၏အဘဒါဝိဒ်ဟု ဆိုထားသည်။ နာသန်! စိတ်ဝင်စား စရာပါ။ ၅ရာ ၃:၅ တွင် နာသန်ကို ဗာသရှေဘက ဖွားမြင်ခဲ့ကြောင်း သိရသည်။

ဒါဝိဒ်က ဗာသရှေဘနှင့်ရသောသားကို နာသန်ဟုမှည့်ခြင်းမှာ တိုက်ဆိုင်မှု တစ်ခုလား။ ထိုအဖြစ်ကိုနောက်ပြန်ကြည့်ကြပါစို့။ ဗာသရှေဘသည် ဘယ်သောအခါမျှ ဒါဝိဒ်၏မိဖုရားဖြစ်နိုင်စရာအကြောင်း…

ခန့်မှန်းသူတစ်ယောက်၏အမှား

၁၉၃၈ ခုနှစ် စက်တင်ဘာလ ၂၁ ရက် နေ့ခင်းတွင် ငယ်ရွယ်သော မိုးလေဝသ ခန့်မှန်းသူ ပညာရှင် Charles Pierce က နယူးအင်္ဂလန်ဆီသို့ မြောက်ဘက်မှ အင်အားနှစ်ဆရှိ သည့် ဟာရီကိန်းမုန်တိုင်းဝင်လာမည့်ဟု အမေရိကန်နိုင်ငံ မိုးလေဝသဌာနအား သတိပေးလိုက်သည်။ သို့သော် မိုးလေဝသခန့်မှန်းသည့်ဌာနအကြီးအကဲမှုးသည် Charles Pierce ၏ခန့်မှန်းချက်ကို သရော်လိုက်သည်။ အပူပိုင်းမုန်တိုင်းသည် မြောက်စွန်းဘက်မှဘယ်သောအခါမှ မတိုက်ခတ်သောကြောင့်ဖြစ်သည်။

နှစ်နာရီအကြာတွင် ဟာရီကိန်းမုန်တိုင်းကြီးဝင်ပြီး Long Island တွင် မြေပြိုခဲ့သည်။ ညနေ ၄ နာရီတွင် နယူးအင်္ဂလန်သို့ မုန်တိုင်းဝင်ရောက်ခဲ့ပြီး သင်္ဘောများ မြေပေါ်သို့မှောက်လှန်လျက်၊ အိမ်ခြေများလည်း အပိုင်းပိုင်းအစစ ဖြစ်ကုန်တော့ သည်။ လူပေါင်း ခြောက်ရာကျော် သေဆုံးခဲ့ကြသည်။ ခိုင်လုံသော အချက်အလက်နှင့် စေ့စပ်သောမြေပုံကိုအခြေခံပြီး သတိပေးခဲ့သော Pierce ၏ သတိပေးမှုကို ရခဲ့မည် ဆိုပါက ၎င်းတို့အသက်ရှင်ကောင်းရှင်ကြလိမ့်မည်။…

လျှပ်စီးနေသောဓာတ်ကြိုး

ဂျွန် ဒွန်နီ၏ ခမ်းနားလှသည့် “Holly Sonnet 14” ကဗျာကိုဖတ်ပြီး “လျှပ်စီးနေတဲ့ ဓာတ်ကြိုးနဲ့ ထိလိုက်ရသလို ခံစားရတယ်” ဟု ပရောဖက်ဆာ ဟော်လီအော့ဒ်ဝေးက ပြောခဲ့သည်။ "ဒီကဗျာမှာ တစ်ခုခုဖြစ်ပျက်နေတယ်။... အဲဒါဘာလဲဆိုတာကို ကျွန်မ သိချင်တယ်"ဟု အတွေး၀င်ခဲ့သည်။ ထိုစဥ်က ဘုရားမရှိဟူသော ကမ္ဘာ့အမြင်ကို သူခံယူခဲ့သော်လည်း သဘာဝလွန်ဖြစ်နိုင်ခြေသဘောထားကိုလည်း ခံယူခဲ့ကြောင်း အော့ဒ်ဝေး ပြန်ပြောင်းအမှတ်ရခဲ့သည်။ နောက်ဆုံးတွင် ရှင်ပြန်ထမြောက်တော်မူ သော ခရစ်တော်၏အမှန်တကယ်ပြောင်းလဲနိုင်စွမ်းကို သူယုံကြည်လာသည်။

ပေတရု၊ ယာကုပ်နှင့် ယောဟန်တို့ကို သခင်ယေရှု တောင်ပေါ်သို့ ခေါ်သွားသည့် နေ့က "အသွင်ပြောင်းခြင်း"ဟုလူသိများကြသည့် အံ့ဖွယ်ခရစ်တော်၏ “အဝတ်တော် ပြောင်လက်” တောက်ပသွားပြီး ဧလိယနှင့်မောရှေတို့ပေါ်လာသည့်အဖြစ်ကို နဖူးတွေ့ ဒူးတွေ့ကြုံခဲ့ရသည့်သူတို့လည်း လျှပ်စီးနေသောဓာတ်ကြိုးနှင့်ထိပြီး ဓာတ်လိုက်သကဲ့သို့ ခံစားရပေမည် (မာ ၉:၃)။

တောင်ပေါ်မှပြန်ဆင်းလာပြီးနောက် သူသေခြင်းမှမထမြောက်မီ ထိုကိစ္စကို မည်သူ့ ကိုမှမပြောရန် တပည့်တော်များကို…