ငိုကြွေးမြည်တမ်းမှုမှသည် ချီးမွမ်းခြင်းသို့
မိုနီကာသည် သူမ၏သား ဘုရားသခင်ထံသို့ ပြန်လာရန် အပြင်းအထန်ဆုတောင်း သည်။ သူ၏မနာခံမှုနှင့် ထိန်းကျောင်းရခက်သောအကျင့်တို့ကြောင့် သူမ ငိုကြွေးရပြီး၊ သူနေထိုင်တတ်သည့် မြို့အများအပြားသို့ပင် ခြေရာခံလိုက်ခဲ့သည်။ မျှော်လင့်ချက် မရှိသော အခြေအနေပင်။ သို့သော် တစ်ရက်တွင် မျှော်လင့်ချက်ပြည့်ခဲ့ပါ၏။ သူမ၏ သားသည် ဘုရားသခင်နှင့် နဖူးတွေ့ဒူးတွေ့ တွေ့ခဲ့ပြီး၊ အသင်းတော်၏ အထူးချွန်ဆုံး ဓမ္မပညာရှင်တစ်ဦးဖြစ်လာခဲ့သည်။ သူ့အား ဟစ်ပိုမြို့၏ဂိုဏ်းအုပ်ဆရာတော် Bishop Augustine (ဘီးရှော့ဩဂတ်စတင်း)အဖြစ် ကျွန်ုပ်တို့ သိကြသည်။
တရားမဲ့သူတို့ မတရားသဖြင့် စီရင်ဆုံးဖြတ်ကြခြင်းကို ဘုရားသခင် ကယ်တင် တော်မမူသောကြောင့် (ဟဗ ၁:၄) “အဘယ်မျှကာလပတ်လုံး အကျွန်ုပ်အော်ဟစ်ရပါမည်နည်း” (:၂)ဟု ပရောဖက်ဟဗက္ကုတ် မြည်တမ်းခဲ့သည်။ တရားမျှတမှုမရှိခြင်း၊ မျှော်လင့်ချက်ကင်းမဲ့သည့် ဆေးကုသမှုခံယူခြင်း၊ မပြတ်တမ်းရင်ဆိုင်နေရသည့် ငွေရေးကြေးရေးပြဿနာ (သို့) ဘုရားသခင်အား ကျောခိုင်းသွားသောသားသမီးများ စသည်တို့ကြောင့် မြည်တမ်းရသည့်အချိန်များ၊ ဆောက်တည်ရာမရဖြစ်လျက် ဘုရားသခင်ထံတော်သို့ ကျွန်ုပ်တို့ချဉ်းကပ်ခဲ့သည့်…
အသစ်သောစတင်ခြင်း
“ကျွန်တော်တို့ အမှန်တရားလို့ မှတ်ယူထားတာတွေက တကယ်တော့ အလိမ်အညာတွေဖြစ်တယ်လို့ နာကျင်စွာသဘောပေါက်တဲ့အခါ ခရစ်ယာန်အသိစိတ် နိုးကြားမှု စတင်ဖြစ်ပေါ်ပါတယ်” ဟု Eugene Peterson (ယူဂျင်းပီတာဆန်)က ဆာလံကျမ်း ၁၂၀ နှင့်စပ်လျဥ်း၍ ပြင်းထန်သောသုံးသပ်ချက်ကို ရေးသားခဲ့သည်။ ဆာလံသီချင်း ၁၂၀ သည် ယေရုရှလင်မြို့သို့သွားသော ဘုရားဖူးများ သီဆိုသည့် ‘psalms of ascent’ (တောင်တက်ဆာလံများ - ဆာလံ ၁၂၀ မှ ၁၃၄) ထဲမှ ပထမတစ်ပုဒ်ဖြစ်သည်။ ‘A Long Obedience in the Same Direction’ (လမ်းပြမှုတစ်ခုတည်းသို့မြဲမြံစွာနာခံခြင်း) စာအုပ်တွင် ပီတာဆန် လေ့လာသုံးသပ်ခဲ့သကဲ့သို့ ဤဆာလံသီချင်းများသည် ဘုရားရှင်ထံသို့ ချဥ်းကပ်သည့် ဝိညာဉ်ရေးခရီးကို ဖော်ကျူးနေသည်။
အခြားသောအရာတစ်ခုခုကို မိမိလိုအပ်နေကြောင်း နက်နက်နဲနဲ နားလည် သဘောပေါက်ပါမှ ထိုခရီးကို အစပြုနိုင်မည်ဖြစ်သည်။ “လူတစ်ဦးသည် အမှုအရာ…
လူအုပ်ကြီး
ဒဿနပညာရှင်နှင့် စာရေးဆရာမဖြစ်သူ Hannah Arendt (ဟယ်နာအာရန့်ဒ်) (၁၉၀၆-၇၅)က “လူတွေဟာ အာဏာအကြီးဆုံးဘုရင်တွေကို ခုခံတော်လှန်ပြီး သူတို့ရှေ့မှာ ဦးမညွှတ်တတ်ကြတာကို တွေ့ရလေ့ရှိပါတယ်။ ဒါပေမယ့် လူအုပ်ကြီးကို အတိုက်အခံလုပ်ပြီး အမြင်လွဲနေတဲ့လူအုပ်ကြီးရှေ့မှာ တစ်ဦးတည်း ရပ်တည်တာ၊ လူအုပ်ကြီးရဲ့ ထိန်းမနိုင်သိမ်းမရ ရန်လိုမှုကို လက်နက်မပါဘဲ ရင်ဆိုင်တာကိုတော့ လူနည်းစုမှာပဲ တွေ့ရလေ့ရှိတယ်” ဟုဆိုသည်။ ဂျူးလူမျိုးတစ်ဦးအနေဖြင့် အာရန့်ဒ်သည် သူမ၏မွေးရပ်မြေ ဂျာမဏီနိုင်ငံတွင် ထိုသို့အဖြစ်မျိုးကိုယ်တွေ့ကြုံဖူးသည်။ မိမိပတ်ဝန်းကျင်၏ ငြင်းပယ်စွန့်ပယ်ခံရခြင်းသည် ကြောက်စရာကောင်းလှသည်။
တမန်တော်ရှင်ပေါလုသည်လည်း ထိုသို့ငြင်းပယ်ခြင်းမျိုး ကြုံခဲ့ရသည်။ ဖာရိရှဲနှင့် ဘာသာရေးဆရာဖြစ်အောင် သင်ကြားခံယူထားသောသူ့ဘဝသည် ရှင်ပြန်ထမြောက်သော သခင်ယေရှုနှင့် တွေ့သည့်အခါ ဖရိုဖရဲဖြစ်သွားသည်။ ၎င်းသည် သခင်ယေရှုကို ယုံကြည်သူများအား ဖိနှိပ်ဖမ်းဆီးရန် ဒမာသက်မြို့သို့ သူသွားနေချိန်က ဖြစ်သည် (တ ၉)။ ပြောင်းလဲပြီးနောက်တွင် တမန်တော်ကြီးသည် သူ့လူမျိုးများ၏ငြင်းပယ်ခြင်းကို ကြုံရသည်။ ကောရိန္သုဩဝါဒစာဒုတိယစောင်ဟု ကျွန်တော်တို့ သိကြသောသူရေးသည့်စာတွင်…
ကျန်ရှိသော ကျွန်ုပ်တို့၏ဇာတ်လမ်း
သတင်းထောက် Paul Harvey (ပေါလ်ဟာဗီ)သည် နှစ်ပေါင်း ၆၀ ကျော်တိုင် အမေရိကန်ရေဒီယိုဌာန၌ အလုပ်လုပ်ခဲ့သည်။ သူသည် စိတ်ဝင်စားဖွယ်ကောင်းအောင် ဟန်ပါပါဖြင့် “သတင်းကိုတော့ သင်တို့သိပြီးသားပါ။ ခဏနေရင် ‘ကျန်သေးတဲ့အကြောင်းအရာတွေ’ကို သင်တို့ကြားရပါလိမ့်မယ်”ဟု ပြောလေ့ ရှိသည်။ ကြော်ငြာခဏဝင်ပြီးသည့်နောက်တွင် သူသည်လူသိများသူတစ်ဦး၏ လူသိနည်းသည့်အဖြစ်အပျက်တစ်ခုကို ပြောပြသည်။ ထိုပုဂ္ဂိုလ်၏နာမည် သို့မဟုတ် အရေးကြီးအချက်အလက်များကို နောက်ဆုံးမှဖော်ပြပြီးနောက် ခေတ္တရပ်ကာ “အခုတော့ ကျန်နေတဲ့အကြောင်းအရာတွေကို သင်သိသွားပြီနော်” ဟူသည့် သူပြောနေကျစကားဖြင့် နားထောင်သူများအား ပျော်ရွှင်စေလေ့ရှိသည်။
တမန်တော်ယောဟန်ခံရသည့် အတိတ်၊ အနာဂတ်တို့နှင့်ပတ်သက်သည့် ဗျာဒိတ်ရူပါရုံကို အထက်ပါအတိုင်း ကတိစကားဖြင့် ဖွင့်ပြခဲ့သည်။ သို့သော်လည်း သူ့ဇာတ်လမ်းကြောင်းအရာက ဝမ်းနည်းစရာ စာသားများနှင့် အစပြုထားသည်။ နောင်ကာလ၌ဖြစ်မည့်အရာတို့ကို ရှင်းပြမည့်စာစောင်အား ကောင်းကင်နှင့်မြေကြီးပေါ်ရှိ မည်သူမျှ မဖွင့်ပြ၊ မရှင်းပြနိုင်သည်ကို သိရသောအခါ သူများစွာ ငိုကြွေးခဲ့သည် (ဗျာ ၄:၁၊ ၅:၁-၄)။ ထို့နောက်…
ခြင်္သေ့တွင်းမှကယ်နုတ်၍
တာဟယ်နှင့်သူ့ဇနီးဒွန်ညောတို့သည် ခရစ်တော်ကို ယုံကြည်သူများဖြစ်လာကြစဉ်က သူတို့၏အမိမြေတွင် ဖိနှိပ်ခံရမည့်အန္တရာယ်ရှိကြောင်းကို သိခဲ့ကြသည်။ တစ်နေ့တွင် အမှန်တကယ်ပင် တာဟယ်သည် မျက်လုံးအစည်းခံရ၊ လက်ထိပ်ခတ်ခံရ၊ ထောင်ချခံရပြီး မိခင်ဘာသာကို စွန့်ပယ်မှုနှင့် တရားစွဲခံခဲ့ရသည်။ တရားရုံးသို့ မသွားမီ သူနှင့်ဒွန်ညောတို့သည် ခရစ်တော်ကို သစ္စာမဖောက်ရန် သဘောတူခဲ့ကြသည်။
အမိန့်ချရာတွင် ဖြစ်ခဲ့သောအချင်းအရာက သူ့အား အံ့ဩသွားစေပါသည်။ တရားသူကြီးက “ဘာလို့လဲတော့ငါမသိဘူး။ ဒါပေမယ့် ငါမင်းကို ငါးကြီးနဲ့ခြင်္သေ့ခံတွင်းဝကနေ ကယ်ချင်နေတယ်” ဟုဆိုခဲ့သည်။ ထိုအခါ “ဘုရားသခင်လုပ်ဆောင်နေခြင်းဖြစ်ကြောင်း” တာဟယ် သိလိုက်သည်။ တရားသူကြီးက အဘယ် ကြောင့် သမ္မာကျမ်းပိုဒ် (၂) ခုအား ကိုးကားပြောဆိုသည်ကို သူမရှင်းပြတတ်ပါ (ယောန ၂၊ ဒံ ၆)။ တာဟယ်သည် ထောင်မှလွတ်လာပြီးနောက်ပိုင်း၌ သူ့မိသားစုသည် အခြားနိုင်ငံတစ်ခုသို့ ပြောင်းရွှေ့နေထိုင်ခွင့်ရခဲ့သည်။
တာဟယ်၏အံ့ဩဖွယ်လွတ်မြောက်မှုသည် ဒံယေလ၏အဖြစ်နှင့်ဆင်တူ သည်။ ဉာဏ်ပညာကြွယ်သောဝန်ကြီး ဒံယေလသည် တစ်နိုင်ငံလုံးကို အုပ်ချုပ်ရတော့မည်ဖြစ်၍…
ရွေးနုတ်တော်မူသောဘုရား
တရားဒေသနာ သရုပ်ဖော်မှု၏ တစ်စိတ်တစ်ပိုင်းအနေဖြင့် စင်မြင့်ပေါ်ရှိ ပန်းချီဆရာတစ်ဦး ဖန်တီးထားသည့် လှပသောပန်းချီကားသို့ ကျွန်ုပ်လျှောက်သွားပြီး အလယ်မှနေ၍ အမဲစင်း ဆွဲချလိုက်သည်။ ဝတ်ပြုနေသောပရိသတ်များ အထိတ်တလန့် မှင်သက်သွားကြသည်။ ပန်းချီဆရာက သူမ ဖန်တီးထားသည့်အရာကို ကျွန်ုပ်ဖျက်ဆီးလိုက်သည်ကို အသာရပ်ပြီး ကြည့်နေသည်။ ထို့နောက် စုတ်တံအသစ်တစ်ချောင်းကို ယူပြီး ပျက်စီးသွားသောပန်းချီကားကို လက်ရာမြောက် အနုပညာလက်ရာအဖြစ် ပြောင်းလဲခဲ့သည်။
သူမ၏ပြန်လည်ပြုပြင်မှုက ကျွန်ုပ်တို့၏အသက်တာတွင် ရှုပ်ထွေးမှုများပြုလုပ်သောအခါ ဘုရားသခင် ပြန်လည်ပြုပေးနိုင်သောအမှုကို အမှတ်ရစေသည်။ ပရောဖက်ဟေရှာယသည် ဣသရေလလူမျိုးတို့၏ ဝိညာဉ်ရေးရာမျက်စိကန်း၊ နားပင်းခြင်းအတွက် ပြစ်တင်ဆုံးမခဲ့သည် (ဟေရှာ ၄၂:၁၈-၁၉)။ သို့သော်လည်း နောက်ပိုင်းတွင် “မစိုးရိမ်နှင့်။ သင့်ကို ငါရွေးနုတ်ပြီ” (၄၃:၁)ဟု ဘုရားရှင်၏ ကယ်တင်ခြင်းနှင့် ရွေးနုတ်ခြင်းနှင့်ဆိုင်သည့် မျှော်လင့်ချက်ကို ကြွေးကြော်ခဲ့သည်။ ကျွန်ုပ်တို့အတွက်လည်း ကိုယ်တော် အလားတူပြုပေးနိုင်ပါသည်။ ကျွန်ုပ်တို့သည် အပြစ်ပြုပြီးနောက် အပြစ်များကိုဝန်ခံပြီး ဘုရားသခင်ထံသို့ လှည့်ပြန်ပါက၊ ကိုယ်တော်သည်…
စစ်မှန်သောယေရှု
စာအုပ်အသင်းခေါင်းဆောင်က အဖွဲ့လိုက်ဆွေးနွေးမည့်ဝတ္ထုကို အကျဉ်းချုပ်ပြောပြနေသောကြောင့် အခန်းထဲ၌ အသံများ တိတ်ဆိတ်ငြိမ်သက်နေသည်။ ကျွန်မသူငယ်ချင်း ဂျိုအန်းက အာရုံစိုက်နားထောင်သော်လည်း ဇာတ်ကြောင်းကို မသိခဲ့ပေ။ နောက်ဆုံးတွင် အခြားသူများ ဖတ်ခဲ့သော ရသစာပေနှင့် ခေါင်းစဥ်ဆင်တူသော သုတဝတ္ထုတစ်အုပ်ကို သူမဖတ်ခဲ့ခြင်းဖြစ်ကြောင်း သိလိုက်ရသည်။ သူမသည် စာအုပ်“မှား”ဖတ်ပြီး ထိုစာအုပ်ကို နှစ်သက်ခဲ့သော်လည်း ဖတ်ရမည့်စာအုပ် “အမှန်”အကြောင်း သူငယ်ချင်းများနှင့် ဆွေးနွေးကြသောအခါ မပါဝင်နိုင်ခဲ့ပေ။
တမန်တော်ပေါလုသည် သခင်ယေရှုကို ယုံကြည်သည့် ကောရိန္သုယုံကြည်သူ များအား “မှားယွင်းသော” ယေရှုကို မယုံကြည်စေလိုပေ။ မှားယွင်းသောဆရာများသည် အသင်းတော်အတွင်းသို့ ထိုးဖောက်ဝင်ရောက်ပြီး အခြားသော “ယေရှု”ကို လူတို့အား ဖော်ပြပြီး၊ ၎င်းတို့က မုသာများကို လက်ခံခဲ့ကြောင်း ထောက်ပြခဲ့သည် (၂ ကော ၁၁:၃-၄)။
ပေါလုသည် ဤအယောင်ဆောင်ဆရာများ၏ မှားယွင်းသောယုံကြည်မှုကို ရှုတ်ချခဲ့သည်။ သူ၏ပထမစာစောင်တွင် သခင်ယေရှုနှင့်ပတ်သက်သည့် သမ္မာကျမ်းစာ၏အမှန်တရားကို ပြန်လည်သုံးသပ်ခဲ့သည်။ ဤသခင်ယေရှုသည် ကျွန်ုပ်တို့၏အပြစ်အတွက်…
အထူးသဖြင့် အောင်နိုင်သူများ
ကျွန်မ၏ခင်ပွန်းသည် ကျွန်မတို့သား၏ဘေ့စ်ဘောအသင်းလေးကို နည်းပြလုပ်ခဲ့စဥ်က၊ သူသည် ကစားသမားများအား နှစ်ကုန်ပါတီပွဲတစ်ခုဖြင့် ချီးမြှင့်ပြီး ပြိုင်ပွဲရာသီတစ်လျှောက် ၎င်းတို့၏တိုးတက်မှုများကို အသိအမှတ်ပြုခဲ့သည်။ အသက်အငယ်ဆုံး ကစားသမားဖြစ်သော ဒက်စတင်က ကျွန်မထံလာပြီး “သားတို့ ဒီနေ့ ကစားပွဲရှုံးတာ မဟုတ်ဘူးလား” ဟုမေးသည်။ “ဟုတ်တယ်။ ဒါပေမယ့် သားအစွမ်းကုန် ကစားခဲ့တဲ့အတွက် အန်တီတို့ ဂုဏ်ယူတယ်”ဟု ကျွန်မဖြေလိုက်သည်။ “သားသိတယ်။ ဒါပေမယ့် သားတို့ရှုံးတယ်။ ဟုတ်တယ်မလား” ဟုပြောရာ ကျွန်မခေါင်းညိတ်ပြလိုက်သည်။ “ဒါဆို သားက ဘာလို့ အောင်နိုင်သူလို ခံစားရတာလဲ” ဟု ဆက်မေးသဖြင့် ပြုံးရင်း “သားက အောင်နိုင်သူဖြစ်လို့ပေါ့” ဟုပြောလိုက်သည်။
ကစားပွဲတစ်ခုကို ရှုံးခြင်းသည် သူအကောင်းဆုံးလုပ်ဆောင်ခဲ့သည့်တိုင် အရှုံးသမားဖြစ်သည်ဟု ဒက်စတင် တွေးထင်ခဲ့သည်။ သခင်ယေရှုကို ယုံကြည်သူများအနေဖြင့် ကျွန်မတို့၏တိုက်ပွဲသည် အားကစားနယ်ပယ်၌သာဟု ကန့်သတ် ထားသည် မဟုတ်ပါ။ သို့တိုင်၊ ဘဝ၏ခက်ခဲကြမ်းတမ်းသောရာသီသည် မိမိ၏ တန်ဖိုးကို…
သခင်၊ ကိုယ်တော်သည် မည်သူနည်း
(၁၆)နှစ်အရွယ်တွင် Luis Rodriguez (လူးဝစ်ရိုဒရီဂက်ဇ်)သည် မူးယစ်ဆေးရောင်းချမှုဖြင့် ထောင်ကျခဲ့သည်။ ယခုတစ်ဖန် လူသတ်ရန်ကြိုးပမ်းမှုဖြင့် ဖမ်းဆီးခံရပြီး အချုပ်ကျနေကာ တစ်သက်တစ်ကျွန်း ပြစ်ဒဏ်ကို ချမှတ်ခံရနိုင်သည်။ သို့သော် ဘုရားသခင်သည် အပြစ်ရှိသည်ဟု သူခံစားရသည့်အခြေအနေများ၌ စကားပြောခဲ့သည်။ သံတိုင်များနောက်တွင်၊ လူငယ်လူးဝစ်သည် ငယ်ရွယ်စဥ်က သူ့မိခင် သူ့ကို ဘုရားကျောင်းသို့ သစ္စာရှိရှိ ခေါ်ဆောင်သွားသည့်နှစ်များကို သတိရနေခဲ့သည်။ ယခု ဘုရားသခင်သည် သူ့နှလုံးသားကို ဆွဲငင်နေကြောင်း ခံစားရပြီး လူးဝစ်သည် နောက်ဆုံးတွင် သူ၏အပြစ်များကို နောင်တရလျက် သခင်ယေရှုထံ လာခဲ့သည်။
တမန်တော်ဝတ္ထုတွင်၊ ပေါလုဟုလည်းခေါ်သော ရှောလုအမည်ရှိသည့် စိတ်အားထက်သန်သော ဂျူးလူမျိုးတစ်ဦးကို တွေ့ရပါသည်။ သူသည် သခင်ယေရှုကို ယုံကြည်သူများအား ကိုယ်ထိလက်ရောက်ညှဥ်းဆဲပြီး သူ့စိတ်နှလုံး၌ သူတို့ကိုသတ်ချင်နေသည့် အပြစ်ရှိသူဖြစ်သည် (တ ၉:၁)။ သူသည် ဂိုဏ်းခေါင်းဆောင်ကဲ့သို့ဖြစ်ပြီး သတေဖန်ကို ကွပ်မျက်သည့်ဖြစ်စဥ်တွင် ဆူပူသောင်းကျန်းသောလူအုပ်တွင် သူအပါအဝင်ဖြစ်ကြောင်း သက်သေရှိသည်…
စွန့်စားရန်အတွက် ဖန်ဆင်းထားသည်
မကြာမီက ကျွန်ုပ်ရှာဖွေတွေ့ရှိခဲ့သောအရာက အံ့သြဖွယ်ဖြစ်သည်။ ကျွန်ုပ်အိမ်အနီးရှိ သစ်ပင်စုပေါက်နေသည့်နေရာသို့ ဖုန်ထနေသည့်လမ်းအတိုင်း လျှောက်သွားရင်း မျက်ကွယ်ရာ၌ရှိနေသည့် အိမ်လုပ်ကစားကွင်းကို မြင်ခဲ့သည်။ မျှော်စင်သို့တက်ရန် တုတ်ချောင်းများဖြင့် ပြုလုပ်ထားသောလှေကားတစ်ခု၊ သစ်ကိုင်းတွင် ချိတ်ဆွဲထားသော ကေဘယ်ကြိုးဟောင်းများနှင့် ပြုလုပ်ထားသည့်ဒန်းများ၊ သစ်ကိုင်းများကြားတွင် ကြိုးတံတားတစ်ခုပင် ရှိနေသည်။ တစ်စုံတစ်ယောက်က သစ်သားနှင့်ကြိုးဟောင်းများကို ဆန်းသစ်စွာ တီထွင်ပြောင်းလဲလိုက်ခြင်းတည်း။
ဆွဇ်ဇာလန်သမားတော် Paul Tournier (ပေါလ်ထော်နီရာ)က ကျွန်ုပ်တို့သည် ဘုရားသခင်၏ပုံသဏ္ဌာန်နှင့်အညီ ဖန်ဆင်းခံရခြင်းကြောင့် စွန့်စားရန် ဖန်ဆင်းခံရသည်ဟု ယုံကြည်သည် (က ၁:၂၆-၂၇)။ ဘုရားသခင်သည် စကြဝဠာတစ်ခုကို တီထွင်ရန် စွန့်စားသကဲ့သို့ (:၁-၂၅)၊ အကောင်းအဆိုးကို ရွေးချယ်နိုင်သော လူသားများကို ဖန်ဆင်းရန် စွန့်စားသကဲ့သို့ (၃:၅-၆)၊ ကျွန်ုပ်တို့အား “များပြားစွာမွေးဖွားမွေးဖွားကြလော့။ မြေကြီးကိုပြည့်စေ၍ နိုင်ကြလော့” (၁:၂၈)ဟု ခေါ်သကဲ့သို့၊ ကမ္ဘာမြေကြီးကို အကျိုးရှိရှိအုပ်စိုးစဉ် တီထွင်ရန်၊ စွန့်စားပြီးအသစ်သောအရာများကို ဖန်တီးရန် ကျွန်ုပ်တို့၌လည်း တွန်းအားတစ်ခုရှိသည်။…